அடுத்த சில வாரங்களில் வாட்ஸ்அப்பில் இணையும் 4 புதிய அம்சங்கள்!

போகும் போக்கைப் பார்த்தால், ஒவ்வொரு புதிய அப்டேட்டிலும் வாட்ஸ்அப்பின் புதிய அம்சங்கள் இணையும் என்பது போல் தெரிகிறது. அந்த அளவிற்கு வாட்ஸ்அப் அதன் பயனர்களுக்காக தீயாக வேலை செய்து வருகிறது.

வாட்ஸ்அப்பின் பொதுத் தளத்தில் இருக்கும் பயனர்கள் எப்போதும் வாட்ஸ்அப் பீட்டாவிற்கு நன்றிக்கடன் பட்டுள்ளனர், ஏனெனில் வாட்ஸ்அப்பில் அடுத்ததாக அறிமுகமாக உள்ள புதிய அம்சங்கள் அனைத்துமே பீட்டா பதிப்பின் கீழ் சோதனை செய்யப்படும்.

நீங்கள் செய்ய வேண்டியதெல்லாம் ஒன்று தான்!

அடுத்த சில வார காலங்களுக்குள் வாட்ஸ்அப்பின் பொது தளத்தில் (அதாவது அனைவருக்கும்) அணுக கிடைக்கவுள்ள நான்கு அம்சங்கள் மற்றும் அவற்றின் நன்மைகளைப் பற்றிய தொகுப்பே இது.

தானாக அழிந்து போகும் மெசேஜ்கள்!

இந்த அம்சமானது Self-destructing messages என்று அழைக்கப்படுகிறது. இந்த அம்சம் ஒரு குறிப்பிட்ட காலத்திற்குப் பிறகு சாட்டில் இருந்து மறைந்து போகும் செய்திகளை அனுப்ப பயனர்களை அனுமதிக்கும். இந்த புதிய அம்சத்தை க்ரூப் செட்டிங்ஸ்-ன் கீழ் காணலாம்.

இந்தப் புதிய அம்சத்தை பயன்படுத்தும் போது, ஒரு பாப்-அப் விண்டோ காட்சிப்படுகிறது. இது குறிப்பிட்ட மெசேஜின் காலாவதி நேரத்தை நீங்களே தேர்வு செய்யும் அணுகலை வழங்குகிறது, அதில் 5 வினாடிகள் அல்லது 1 மணிநேரத்திற்கு இடையில் தேர்வு செய்யும் விருப்பங்கள் காணப்படுகிறது.

இந்த அம்சம் இயக்கப்பட்டதும், குறிப்பிட்ட வாட்ஸ்அப் க்ரூப்பில் அனுப்பப்படும் எந்தவொரு மெசேஜும் நிர்ணயிக்கப்பட்ட காலத்திற்குப் பிறகு தானாகவே அகற்றப்படும். கூடுதல் சுவாரசியம் என்னவெனில், டெலிட் பார் ஆல் அம்சத்தினை போலில்லாமல் இது அழிக்கப்பட்ட பின்னர் எந்தவொரு தடத்தையும் விட்டு வைக்காது!

ம்யூட் செய்யப்பட்ட ஸ்டேட்டஸை முற்றிலுமாக மறைக்கலாம்!

எரிச்சலூட்டும் சிலரின் வாட்ஸ்அப் ஸ்டேட்டஸ்கள் ஹைட் செய்து வைக்கும் அம்சத்தினை நாம் அனைவரும் அறிவோம். அப்படி ஹைட் செய்யப்படும் ஸ்டேட்டஸ் அப்டேட் ஆனது ஆக்டிவ் ஆக இருக்கும் வாட்ஸ்அப் ஸ்டேட்டஸ்களின் கீழே மங்கலான நிலையில் காட்சிப்படும் அல்லவா?

இனிமேல் அப்படி காட்சிப்படாது! அதை முற்றிலும் மறைய வைக்கும் அம்சம் தான் இந்த Hide muted Status.

இது ஒரு குறிப்பிட்ட நபரின் ஸ்டேட்டஸை முற்றிலுமாக மறைக்க அனுமதிக்கிறது, சுவாரசியமாக இருக்கிறது அல்லவா? சில "வாட்ஸ்அப் இம்சை"களிடம் இருந்து உண்மையான விடுதலை பெற நாம் இன்னும் சில வாரங்கள் காத்திருக்க வேண்டியது அவசியமாகிறது.

ஒருவழியாக டார்க் மோட்!

வாட்ஸ்அப்பில் மிகவும் எதிர்பார்க்கப்பட்ட அம்சங்களில் ஒன்றான டார்க் மோட் ஆனது இந்த 2019 ஆம் ஆண்டிற்குள் அனைவருக்கும் அணுகக் கிடைக்கும் என்று எதிர்பார்க்கப்படுகிறது. டார்க் மோட் என்றால் என்ன என்பதை பற்றிய விளக்கம் யாருக்குமே தேவைப்படாது என்று நம்புகிறோம்.

இந்த அம்சம் பல வாட்ஸ்அப் பீட்டா பதிப்புகளில் காணப்பட்டது, ஆனால் அதை இன்னும் நிலையான பதிப்பில் வாட்ஸ்அப் சேர்க்கவில்லை. ஆண்ட்ராய்டு 10 மற்றும் iOS 13 பதிப்புகளில் system-wide dark mode பயன்முறை கிடைக்கப் பெறுவதால், அனைத்து வாட்ஸ்அப் பயனர்களுக்கும் இந்த அம்சம் கூடிய விரைவில் அல்லது சற்று தாமதமாக வரும் என்று நம்புகிறோம்.

வாட்ஸ்அப் மல்டி பிளாட்பார்ம்!

வாட்ஸ்ஆப் வெப் வழியாக நாம் டெஸ்க்டாப்பில் வாட்ஸ்அப்பை பயன்படுத்தலாம் என்பதையும், அது ஒரு "சரியான" பிசி ஆப் அல்ல என்பதையும் நாம் நன்கு அறிவோம். அந்த இலக்கை அடையும் நோக்கத்தின் கீழ், வாட்ஸ்அப் ஆனது பிசி மற்றும் டேப்ளெட்டுகளுக்கான முழுமையான ஆப்களில் செயல்படுவதாகக் கூறப்படுகிறது.

இந்த அம்சம் ஆனது ஸ்மார்ட்போன் வழியிலான வாட்ஸ்அப்பை மட்டுமின்றி இரண்டாம் நிலை சாதனத்தின் வழியாக ஆப்பை அணுக அனுமதிக்கும். இந்த அம்சம் வாட்ஸ்அப் வெப்பில் இருந்து வித்தியாசமாக இருக்கும், இது உங்கள் ஸ்மார்ட்போனை டெஸ்க்டாப்பில் பிரதிபலிக்கும்.

ஆப்பிள் பயனர்களை கவனத்தில் கொண்டு, iPadOS-க்கான பிரத்யேக பயன்பாட்டில் வாட்ஸ்அப் செயல்படுவதாக வதந்திகள் உள்ளன, இது ஐபாட்ஓஸ் அறிமுகத்திற்குப் பிறகு நம்பத்தகுந்ததாகத் தெரிகிறது.

Comments