இன்றைய ராசிபலன் 30.11.2020

12 ராசிகளுக்கான இந்த வார பலனும் பரிகாரமும்!

திங்கள் முதல் ஞாயிறு வரை (30.11.2020 - 6.12.2020 ) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.

மேஷம்:

சந்திரன், சுக்கிரன், புதன் சாதக நிலையில் உள்ளனர். விநாயகர் வழிபாடு வினை தீர்க்கும்.

அசுவினி: வியாபாரிகள் ஓரளவு வளர்ச்சி காண்பார்கள். குடும்பத்தில் சிறு சிறு குழப்பங்கள் தோன்றி மறையலாம். சுபநிகழ்ச்சிகள் பெரியோர்களின் தலையீட்டால் நல்லவிதமாக முடியும்.

பரணி: வெளிவட்டாரத்தில் மதிப்பும், மரியாதையும் உயரும். திட்டமிட்ட விஷயத்தை முடிப்பதில் தடை ஏற்பட்டாலும் நல்லபடியாகச் செய்து முடிப்பீர்கள். பெண்கள் பிள்ளைகள் நலனில் அக்கறை கொள்வர்.

கார்த்திகை 1: செய்யும் பணியில் உயர்வான நிலை ஏற்படும். பிறரது பாராட்டுதல் மகிழ்ச்சி தருவதாக அமையும். பணியாளர்கள் சிலர் மாற்றல் கிடைத்து குடும்பத்தோடு சேருவார்கள்.

ரிஷபம்:

latest tamil news

புதன், சுக்கிரன், செவ்வாயால் நற்பலன் உண்டு. அனுமன் வழிபாடு வெற்றி தரும்.

கார்த்திகை 2,3,4: அரசியல்வாதிகளுக்கு பெயர், புகழ் யாவும் தேடிவரும். உங்கள் பேச்சிற்கு மதிப்பு கூடும். பணியாளர்கள் அடிக்கடி பயணங்கள் மேற்கொள்ள வேண்டிவரும். பண வரவுக்கு பஞ்சம் இருக்காது.

ரோகிணி: மகிழ்ச்சி உண்டாகும். சுபநிகழ்ச்சி பற்றிய முயற்சிகள் நல்லபடியாக முடியும். மேலதிகாரியின் ஆதரவைப்பெற கூடுதலாக பணிபுரிந்தாலும் பலன் உண்டு. நண்பர்களுக்கு உதவி செய்வீர்கள்.

மிருகசீரிடம் 1,2: வெளியூர் சென்று பணிபுரிய விரும்புவோரின் எண்ணம் நிறைவேறும். புதிய வேலை தேடுபவர்களுக்கு நற்செய்தி காத்திருக்கிறது. பெண்கள் குடும்ப நலனில் அக்கறை கொள்வர்.

மிதுனம்:

ராகு, கேது, சுக்கிரன் நன்மைகளை வழங்குவர். குருவாயூரப்பன் வழிபாடு கவலை தீர்க்கும்.

மிருகசீரிடம் 3,4: முன்னேற்றம் பற்றிய சிந்தனைகள் உதயமாகும். இது பிற்கால நன்மைக்கு வழிவகுக்கும். பெண்களுக்கு மிகச் சிறந்த வாரம். வியாபாரிகளின் முயற்சிகள் லாபம் தருவதாக அமையும்.

திருவாதிரை: பதவி உயர்வை பெறுவதற்கான சூழல் உருவாகும். சகஊழியர்களால் ஏற்பட்ட மனக்குழப்பம் விலகும். தொழில், வியாபாரம் முன்னேற்றப் பாதையை நோக்கிச் செல்லும். சேமிப்பு கைகொடுக்கும்.

புனர்பூசம் 1,2,3: பணியில் மேன்மை உருவாகும். தடைபட்ட திருமணம், தொழில் அபிவிருத்தி போன்றவை நல்லவிதமாக முடியும். உத்யோகஸ்தர்கள் தங்கள் வேலையில் கவனமாக இருப்பது நல்லது.

கடகம்:

குரு, சுக்கிரன், சந்திரன் அனுகூல பலனை தருவர். முருகன் வழிபாடு நம்பிக்கை வளர்க்கும்.

புனர்பூசம் 4: எடுக்கும் முயற்சிகளில் வெற்றி கிடைக்கும். குடும்பத்தில் சுபநிகழ்ச்சிகள் கைகூடும். வியாபாரத்தை பெருக்க கூடுதல் முயற்சி தேவைப்படும். நண்பர்களுடன் பழைய நினைவுகளை பேசி மகிழ்வீர்கள்.

பூசம்: வீட்டிற்கு தேவையான பொருட்கள் வாங்குவீர்கள். இடமாற்றம் சம்பந்தமான முயற்சிகளில் வெற்றி காண்பீர்கள். அலுவலகத்தில் இருந்த பிரச்னைகள் நீங்கி நிம்மதி கிடைக்கும். மனதில் நம்பிக்கை கூடும்.

ஆயில்யம்: ஜீரணம் சம்பந்தமான பிரச்னைகள் இருக்கக்கூடும். புதிய வாகனங்கள் வாங்கும் முயற்சி தள்ளி போகலாம். பயணத்தின் போது பொருட்களின் பாதுகாப்பில் கவனம் தேவை. பணிச்சுமை குறையும்.

சிம்மம்:

செவ்வாய், புதன், சூரியன் அதிர்ஷ்டகரமான பலன்களை தருவர். சனீஸ்வரர் வழிபாடு சங்கடம் தீர்க்கும்.

மகம்: குடும்பத்தில் அவ்வப்போது ஏற்படும் பிரச்னைகளை சமாளிப்பீர்கள். மருத்துவ செலவுகள் நேரலாம். முயற்சிகளில் பெரும்பாலானவை வெற்றி பெறும். உயர் அதிகாரிகளின் ஆதரவால் மகிழ்ச்சி காண்பீர்கள்.

பூரம்: திருமணம் நடக்கப்பெறும். குழந்தை பாக்கியம் சிலருக்கு உண்டாகும். தந்தை வழி உறவினர் மூலம் நன்மைகள் நடக்கும். பெற்றோரின் ஆலோசனை கிடைப்பதால் முயற்சிகளில் வெற்றி அடைவீர்கள்.

உத்திரம் 1: சுபநிகழ்ச்சிகளுக்கு திட்டமிடுவீர்கள். எதிர்காலம் பற்றிய பயம் தோன்றும். காதல் சம்பந்தமான விஷயத்தில் மகிழ்ச்சியான நிகழ்வுகள் நடக்கும். பள்ளி, கல்லுாரி நண்பர்களால் சிறு சந்தோஷம் ஏற்படும்.

கன்னி

குரு, சுக்கிரன், புதன் அனுகூல அமர்வில் உள்ளனர். சூரியன் வழிபாடு வளம் தரும்.

உத்திரம் 2,3,4: குடும்பத்தினர், நண்பர்கள் மூலம் நன்மைகள் பெறக்கூடிய சிறந்த வாரமாகும். பணியாளர்கள் அதிகாரம் உள்ள பதவியில் அமர்வீர்கள். கணவன், மனைவி இடையே ஒற்றுமை நன்றாக இருக்கும்.

அஸ்தம்: உதவிகளும், நன்மைகளும் செய்து பாராட்டுப் பெறுவீர்கள். பணிகளைச் சிறப்பாக செய்யுங்கள். குடும்பத்தில் யாருக்கேனும் மருத்துவச் செலவுகள் ஏற்படலாம். தன்னம்பிக்கையுடன் செயலாற்றுவீர்கள்.

சித்திரை 1,2: குலதெய்வ வழிபாடு நன்மை தரும். பயணங்களால் செலவுகள் ஏற்படும். நிலம் சம்பந்தபட்ட இனங்களில் முதலீடுகள் செய்ய ஏற்ற வாரம். பங்குச் சந்தையில் அளவோடு முதலீடு செய்வது நல்லது.

துலாம்

செவ்வாய், புதன், சந்திரன் கூடுதல் நற்பலன்களை தருவர். மீனாட்சி வழிபாடு சகல நன்மை தரும்.

சித்திரை 3,4: பிள்ளைகள் வழியில் சுபச்செலவுகள் ஏற்படும். உயர் அதிகாரிகளின் ஆதரவை பெறுவீர்கள். உங்களின் விருப்பங்கள் நிறைவேறும். வியாபாரத்தை பெருக்க புதிய வாய்ப்புகள் தேடிவரும்.

சுவாதி: பணிச்சுமை அதிகரித்தாலும் மேலதிகாரியிடம் நற்பெயர் பெறுவீர்கள். வாகன வகையில் ஆதாயம் உண்டாகும். கணவன், மனைவி இடையே ஒற்றுமை மேம்படும்.

விசாகம் 1,2,3: வீட்டைச் சீர்செய்யத் திட்டங்கள் தீட்டுவீர்கள். குடும்பத்தில் அமைதி நிலவும். குழந்தை பாக்கியம் வேண்டியவர்களின் கனவு நனவாகும். உடன் பிறந்தவர்களுக்கு உதவுவீர்கள்.

சந்திராஷ்டமம்: 30.11.2020 காலை 6:00 - 1.12.2020 இரவு 10:15 மணி

விருச்சிகம்

புதன், சந்திரன், சுக்கிரன் அனுகூல பலனைத் தருவர். துர்கை வழிபாடு தைரியம் வளர்க்கும்.

விசாகம் 4: உடல்நிலை லேசாக பாதிக்கப்படலாம். பணி, வணிகம், வியாபாரம் சிறக்கும். உறவினர்கள் வழியில் செலவுகள் அதிகரிக்கக்கூடும். நண்பர்களை மகிழ்வித்து நீங்களும் மகிழ்வீர்கள்.

அனுஷம்: குடும்பத்தில் அமைதியும், சலசலப்பும் இருக்கும். உறவினர்கள் முன்னேற்றமான சூழ்நிலையை அடைவார்கள்.சகபணியாளர்களுடன் அனுசரித்து செல்வீர்கள். பிள்ளைகள் நலனில் அக்கறை கொள்வீர்கள்.

கேட்டை: பொருளாதாரத்தில் இருந்த சிக்கல்கள் தீர ஆரம்பிக்கும். வாழ்வில் முன்னேற்றம் ஏற்படும். தொழில், வியாபார வளர்ச்சிக்கான அடித்தளத்தை இடுவீர்கள். யாரிடமும் கவனமாகப் பேசுவது நல்லது.

சந்திராஷ்டமம்: 1.12.2020 இரவு 10:16 - 4.12.2020 காலை 6:46 மணி

தனுசு

சுக்கிரன், ராகு, கேது தாராள நற்பலன்களை வழங்குவர். ராமர் வழிபாடு நிம்மதி தரும்.

மூலம்: வீடு மாற எடுக்கும் முயற்சியில் பலன் கிடைக்கும். பெரிய அளவிலான முதலீடுகளைத் தவிர்க்கவும். தொழில் தொடங்குவோர் நன்கு ஆலோசித்து முடிவு எடுப்பது நல்லது.

பூராடம்: நண்பர்களுக்கு சரியான நேரத்தில் ஆலோசனை வழங்குவீர்கள். உறவினர்கள் வழியில் கூடுதல் செலவுகள் இருக்கும். வயிறு சம்பந்தமான பிரச்னையால் உடல்நிலை சற்று பாதிப்படையும்.

உத்திராடம் 1: கணவரின் முயற்சியால் குடும்ப நிலை உயரும். வீட்டில் சுபச்செலவுகள் ஏற்படும். வாகன சேர்க்கை ஏற்படும். பெண்கள் தங்க, வெள்ளி பொருட்கள் வாங்குவீர்கள். வியாபாரிகளுக்கு தன வரவு திருப்தி தரும்.

சந்திராஷ்டமம்: 4.12.2020 காலை 6:47 - 6.12.2020 மதியம் 12:44 மணி

மகரம்

குரு, சூரியன், புதன், சுக்கிரனால் நன்மை கிடைக்கும். பெருமாள் வழிபாடு நல்வாழ்வு தரும்.

உத்திராடம் 2,3,4: முயற்சிகள் சிறு தடைக்கு பிறகே நிறைவேறும். கணவன், மனைவி இடையே ஒற்றுமை அதிகரிக்கும். நண்பர்கள் உதவி செய்வதால் மகிழ்ச்சி அடைவீர்கள். சேமிப்பு பணம் கைகொடுக்கும்.

திருவோணம்: பெற்றோரின் உடல் நலம் சீராக இருக்கும். உடன்பணிபுரிபவர்களுடன் விட்டுக்கொடுத்து செல்ல வேண்டியிருக்கும். குடும்பத்தில் தள்ளிப்போன சுப நிகழ்ச்சிகள் நடைபெறும்.

அவிட்டம் 1,2: பிள்ளைகள் வழியில் செலவுகள் அதிகரிக்கும். பெற்றோர் உடல்நலம் முன்பைவிட சிறக்கும். தவறான வழியில் கவனச்சிதறல் ஏற்படாதபடி பார்த்துக் கொள்ளுங்கள்.

சந்திராஷ்டமம்: 6.12.2020 மதியம் 12:45 மணி - நாள் முழுவதும்

கும்பம்

சனி, சுக்கிரன், சந்திரனால் அளப்பரிய நன்மை கிடைக்கும். சிவன் வழிபாடு சிரமத்தை போக்கும்.

அவிட்டம் 3,4: கடன் பிரச்னைகள் குறையத் தொடங்கும். வியாபாரிகளுக்கு நல்ல திருப்பம் ஏற்படும். மேலதிகாரிகள் உங்களுக்கு அனுசரணையாக நடந்துகொள்வார்கள். நண்பர்களுக்கு உதவுவீர்கள்.

சதயம்: புதிய திட்டங்கள் தாமதமாகும். குழந்தைகள் உடல் நலனில் கூடுதல் கவனம் வேண்டும். தம்பதி இடையே ஒற்றுமை அதிகரிக்கும். தனவரவு அதிகரிப்பதால் பழைய கடன்கள் தீரும்.

பூரட்டாதி 1,2,3: குடும்பத்தினரிடையே ஏற்பட்ட கருத்து வேறுபாடுகள் மறையும். குடும்பத்தில் சுபநிகழ்ச்சி சம்பந்தமான பேச்சுகள் நடைபெறும். பிள்ளைகள் மூலம் சந்தோஷமான செய்திகள் வந்து சேரும்.

மீனம்

குரு, புதன், ராகு அதிர்ஷ்ட பலன்களை வழங்குவர். சரபேஸ்வரர் வழிபாடு சுபிட்சம் தரும்.

பூரட்டாதி 4: அதிக நன்மையான பலன்களை எதிர்பார்க்க முடியாத வாரம் இது. சகஊழியர்களின் குடும்ப விஷயங்களில் தலையிடாமல் இருப்பது நல்லது. அக்கம் பக்கத்தினருடன் அனுசரித்து செல்லுங்கள்.

உத்திரட்டாதி: சிறு உபாதைகளுக்கும் உடனடி மருத்துவ சிகிச்சை அவசியம். வாகன செலவுகள் ஏற்படும். நண்பர்களின் வீட்டு சுபநிகழ்ச்சிகளில் கலந்து கொண்டு மகிழ்வீர்கள். சேமிப்பை அதிகப்படுத்துவீர்கள்.

ரேவதி: செலவுகள் குறைந்து நிறைவோடு இருப்பீர்கள். தொலைத்தொடர்பு அனுகூலம் தரும். தொழில், வியாபாரத்தில் புதிய முயற்சிகளை சற்று தள்ளி வைப்பது நல்லது.

ஐ.ஏ.எஸ்., ஐ.பி.எஸ். சிவில் சர்வீசஸ் தேர்வுகளுக்கு இந்தியாவிலேயே முதல்முறையாக டி.வி. மூலம் மனிதநேய மையம் இலவச பயிற்சி 3-ந்தேதி முதல் தினமும் ஒளிபரப்பாகும் என சைதை துரைசாமி அறிவிப்பு

ஐ.ஏ.எஸ்., ஐ.பி.எஸ். போன்ற சிவில் சர்வீசஸ் தேர்வுகளுக்கு மனிதநேய பயிற்சி மையம் இந்தியாவிலேயே முதல்முறையாக டி.வி. மூலம் இலவச பயிற்சியை வருகிற 3-ந்தேதி (வியாழக்கிழமை) முதல் தினமும் ஒளிபரப்ப இருக்கிறது என மனிதநேய அறக்கட்டளையின் தலைவர் சைதை துரைசாமி தெரிவித்தார்.

இதுதொடர்பாக மனிதநேய அறக்கட்டளையின் தலைவர் முன்னாள் மேயர் சைதை துரைசாமி வெளியிட்டுள்ள செய்திக்குறிப்பில் கூறி இருப்பதாவது:-

மனிதநேய ஐ.ஏ.எஸ். கட்டணமில்லா கல்வியகம் மூலம் தமிழகத்தை சேர்ந்த அனைத்து தரப்பு மாணவ-மாணவிகளும் இந்திய அளவில் உயர் பதவிகளான ஐ.ஏ.எஸ்., ஐ.பி.எஸ். போன்றவற்றிற்கு தேர்வு செய்யப்பட வேண்டும் என்கிற உயர்ந்த நோக்கோடு பயிற்சி அளிக்கப்பட்டு வருகிறது.

சாதாரண ஏழ்மையான குடும்பத்தை சேர்ந்த ஒரு மாணவர் சென்னையில் வந்து சிவில் சர்வீசஸ் தேர்வுக்கு தங்கி படிக்கின்றபோது ஆண்டுக்கு ரூ.80 ஆயிரம் முதல் ரூ.1 லட்சம் வரை செலவு ஆகின்றது என்று பெற்றோர் சொன்ன பிறகு தான் உண்மை நிலவரம் தெரியவந்தது.

பொதுவாக முதல் முயற்சியில் ஒரு மாணவர் வெற்றி பெறுவது என்பது மிகவும் கடினம். மிகவும் குறைந்த மாணவர்கள்தான் இதில் வெற்றி பெறுவார்கள். மற்ற மாணவர்கள் 2-வது, 3-வது அல்லது 4-வது முயற்சியில் வெற்றிபெறுவார்கள். அவ்வாறு முயற்சி செய்து வருபவர்களுக்கு ஆண்டுதோறும், தங்கி படிப்பதற்கு நிறைய செலவு ஆகிறது என்று நாங்கள் புரிந்துகொண்டு ஏதாவது ஒரு மாற்றுவழி கொண்டு வர வேண்டும் என்று தொடர்ந்து முயற்சி செய்து வந்தோம்.

ஏழை எளியவர்கள், பொருளாதாரத்தில் பின்தங்கியவர்கள், விளிம்பு நிலையில் உள்ள மக்கள் என அனைத்து பிரிவை சார்ந்தவர்களுக்கும் ஒரு பைசா செலவு இல்லாமல் சிவில் சர்வீசஸ் தேர்வில் வெற்றிபெற வேண்டும் என்பது தான் மனிதநேய மையத்தின் உயரிய நோக்கம். அதற்காகத்தான் இந்தியாவிலேயே முதல்முறையாக டி.வி. வாயிலான கல்வி ஒளிபரப்பு முயற்சி, எவ்வித கட்டணமும் இன்றி மாணவர்களுக்காக வழங்கப்பட இருக்கிறது. தூர்தர்ஷனின் பொதிகை சேனலில் ஒளிபரப்பப்படுவதால் இந்தியா முழுவதும் உள்ள அனைத்து மாணவ-மாணவிகளும் பார்த்து படித்து பயன்பெற முடியும்.

மேலும் உயர்நிலை மற்றும் மேல்நிலைப்பள்ளிகளில் படிக்கும் மாணவர்கள், கலைக்கல்லூரி, என்ஜினீயரிங் கல்லூரி, மருத்துவக்கல்லூரி, சட்டக்கல்லூரி மற்றும் பல்வேறு பிரிவுகளில் படிக்கும் கல்லூரி மாணவர்கள் போன்றோர், விருப்பம் உள்ள அரசு மற்றும் தனியார் நிறுவனங்களில் பணிக்கு செல்பவர்கள் தகுதியும், திறமையும் உள்ள திருமணமான பெண்கள் வீட்டில் இருந்தபடியே இந்த டி.வி. வாயிலாக கல்வி நிகழ்ச்சியை கண்டு பயன்பெறலாம்.

வருகிற 3-ந்தேதி (வியாழக்கிழமை) முதல் தினமும் காலை 10 மணி முதல் 11 மணி வரை தூர்தர்ஷனின் பொதிகை சேனலில் மனிதநேயம் இலவச கல்வி மையத்தின் ‘தொலைக்காட்சி வழி ஐ.ஏ.எஸ். பயிற்சி’ நிகழ்ச்சி ஒளிபரப்பாகும். மேலும் விவரங்கள் மற்றும் சந்தேகங்களுக்கு எங்களுடைய www.mntfreeias.com என்ற இணையதளத்தில் தங்களுடைய பெயர் மற்றும் முகவரி விவரங்களை அளித்து பதிவு செய்து கொள்ள வேண்டும்.

இவ்வாறு அதில் அவர் கூறியுள்ளார்.

டிசம்பர் 15-ந்தேதிக்குள் தமிழகம் முழுவதும் 2 ஆயிரம் ‘மினி கிளினிக்’ தொடங்கப்படும் எடப்பாடி பழனிசாமி அறிவிப்பு

தமிழகம் முழுவதும் 2 ஆயிரம் ‘மினி கிளினிக்’குகள் டிசம்பர் 15-ந்தேதிக்குள் தொடங்கப்படும் என்று முதல்-அமைச்சர் எடப்பாடி பழனிசாமி அறிவித்துள்ளார்.

சென்னை தலைமைச்செயலகத்தில் முதல்-அமைச்சர் எடப்பாடி பழனிசாமி தலைமையில், தமிழ்நாட்டில் கொரோனா பரவாமல் தடுக்க பல்வேறு துறைகளின் மூலம் மேற்கொள்ளப்பட்டு வரும் தொடர் பாதுகாப்பு மற்றும் கட்டுப்படுத்துதல் நடவடிக்கை குறித்து அனைத்து மாவட்ட கலெக்டர்களுடன் காணொலி காட்சி மூலம் ஆய்வுக்கூட்டம் நடத்தப்பட்டது.

இந்த கூட்டத்தில் முதல்-அமைச்சர் எடப்பாடி பழனிசாமி பேசியதாவது:-

அரசின் அறிவுரைகளை தவறாமல் அனைத்து கலெக்டர்களும் பின்பற்றியதால் ‘நிவர்’ புயலால் தமிழகத்தில் பெரும் பொருள்சேதமோ, பெரும் உயிர்சேதமோ ஏற்படவில்லை. சரியான முறையில், சரியான முன் எச்சரிக்கை நடவடிக்கைகளை எடுத்ததால் தமிழகத்தில் எவ்வித பாதிப்பும் இல்லாமல் மக்கள் பாதுகாக்கப்பட்டனர்.

பாதிப்புக்குள்ளான பகுதிகளை நான், துணை முதல்-அமைச்சர், அந்தந்த மாவட்டத்தில் உள்ள அமைச்சர்கள் நேரடியாக சென்று பார்த்து தேவையான உதவிகளை செய்தோம். புயல் தாக்குவதை அறிந்ததும், தமிழகத்திற்கு தேவையான அனைத்து உதவிகளையும் அளிப்பதாக பிரதமரும், மத்திய உள்துறை மந்திரியும் தெரிவித்தனர்.

வேலூர் மற்றும் ராணிப்பேட்டை மாவட்டங்களில் அதிகமான மழைப்பொழிவு ஏற்பட்டது. ஆந்திராவில் இருந்து பெண்ணையாறு, பாலாறு கவுடண்ய மகாநதி ஆகிய ஆறுகளின் வழியாக அதிக தண்ணீர் வந்துகொண்டிருக்கிறது. அதையும் கலெக்டர்கள் சரியான முறையில் கையாண்டு, மக்களுக்கு எவ்வித பாதிப்பும் ஏற்படாமல் பார்த்து கொண்டனர்.

சென்னையில் தாழ்வான பகுதிகளில் வசிக்கிற மக்களுக்கு அரசு முழுமூச்சோடு உதவ நடவடிக்கைகளை எடுக்கிறது. வேளச்சேரி, முடிச்சூர், வரதராஜபுரம் மற்றும் தாம்பரம் ஆகிய பகுதிகளில் வெள்ள நீர் தேங்கி குடியிருப்புகளுக்கு பாதிப்பு ஏற்படுவதால், அதற்கு நிரந்தர தீர்வு காணும் உரிய திட்டங்களை வகுக்க அதிகாரிகளுக்கு உத்தரவிட்டுள்ளேன்.

மழையின்போது அந்த பகுதிகளில் தண்ணீர் தேங்காமல் இருக்க ஒரு நிரந்தர தீர்வு காண்பதற்கு அரசு நடவடிக்கை எடுக்கும். தற்போது அந்த பகுதிகளிலும், செங்கல்பட்டு, காஞ்சீபுரம், திருவள்ளூர் ஆகிய மாவட்டங்களில் தண்ணீர் தேங்கி உள்ள இடங்களில் நீரை வெளியேற்றுகிற பணிகளில் போர்க்கால அடிப்படையில் அரசு அதிகாரிகள் ஈடுபட்டிருக்கிறார்கள்.

நிவர் புயலால் ஏற்பட்ட பயிர் சேதத்தை முறையாக கணக்கீடு செய்து பேரிடர் நிவாரண நிதியில் இருந்து விவசாயிகளுக்கு உரிய நிவாரணம் வழங்கவும், பயிர் காப்பீட்டு திட்டத்தில் பதிவு செய்துள்ள விவசாயிகளுக்கு இழப்பீட்டு தொகையை பெற்று தருவதற்கும் உத்தரவிட்டுள்ளேன்.

இந்த புயலால் உயிரிழந்த குடும்பத்திற்கும் அரசு நிவாரண உதவி அறிவிக்கப்பட்டு இருக்கிறது. கால்நடைச்செல்வங்கள் இறந்திருக்கின்றன. அதற்கும் உரிய இழப்பீட்டுத்தொகை உரியவர்களுக்கு வழங்கப்படும்.

மருத்துவ வல்லுனர் குழு அளித்த ஆலோசனைகளின் அடிப்படையில் எடுத்த முன் எச்சரிக்கை நடவடிக்கைகளால் கொரோனா பரவல் குறைந்து, கட்டுப்பாட்டுக்குள் உள்ளது.

கொரோனா தொற்று கட்டுப்பாடு, சிகிச்சை மற்றும் நிவாரண பணிகளுக்காக தமிழக அரசு செலவிட்ட தொகை ரூ.7,525.71 கோடியாகும். தமிழ்நாடு முழுவதும், ஒரு மருத்துவர், ஒரு செவிலியர் மற்றும் ஒரு உதவியாளருடன் 2 ஆயிரம் ‘மினி கிளினிக்’ தொடங்க விரைவில் நடவடிக்கை எடுக்கப்பட்டு, டிசம்பர் மாதம் 15-ந் தேதிக்குள் அவை தொடங்கப்படும்.

அரசு அறிவித்த அறிவிப்புகளை பல்வேறு மாநிலங்களில் சரிவர கடைபிடிக்காத காரணத்தால் நோய்ப்பரவல் அதிகரித்து கொண்டிருக்கிறது. ஆனால் தமிழ்நாடு அரசு கடுமையான நடவடிக்கைகளை எடுத்ததால் இந்நோய் பரவல் குறைக்கப்பட்டு உள்ளது. இது மேலும் குறைந்து இயல்பு நிலை திரும்புவதற்கு அரசால் உரிய நடவடிக்கைகள் எடுக்கப்பட்டு வருகிறது. அதற்கு பொதுமக்கள் முழு ஒத்துழைப்பு நல்க வேண்டும்.

சென்னையில் நடமாடும் அம்மா உணவகம் ஏற்படுத்தப்பட்டு, ஏழை-எளிய மக்கள் எங்கெங்கு இருக்கிறார்களோ, அந்தப் பகுதிகளுக்கே சென்று உணவு வினியோகம் 3 வாகனங்கள் மூலம் செய்யப்பட்டு வருகிறது.

இவ்வாறு அவர் பேசினார்.

இன்றைய ராசிபலன் 29.11.2020

‘ஹெல்மெட்’ அணிந்தால் மட்டுமே பெட்ரோல் கிடைக்கும் விற்பனை நிலையங்கள் முன்பு பதாகை வைக்க போலீஸ் உத்தரவு

சென்னையில் ‘ஹெல்மெட்’ அணிந்தால் மட்டுமே பெட்ரோல் வழங்கப்படும் என்று பெட்ரோல் நிலையங்களில் பதாகை வைக்க போக்குவரத்து போலீஸ் கூடுதல் கமிஷனர் கண்ணன் உத்தரவிட்டுள்ளார்.

சாலை விபத்துகள்

தமிழகத்தில் நடைபெறும் சாலை விபத்துகளில் ‘ஹெல்மெட்’(தலைகவசம்) அணியாததால்தான் அதிக உயிர்பலி நடக்கிறது என்று புள்ளிவிவரங்கள் தெரிவித்தன. இதைத்தொடர்ந்து தமிழகத்தில் மோட்டார்சைக்கிளை ஓட்டி செல்பவரும், பின்னால் அமர்ந்திருப்பவரும் கட்டாயம் ‘ஹெல்மெட்’ அணிய வேண்டும் என்று ஐகோர்ட்டு உத்தரவு பிறப்பித்தது. அதனை தமிழக அரசு நடைமுறைப்படுத்தியது.

எனவே ‘ஹெல்மெட்’ அணியாமல் மோட்டார் சைக்கிளில் செல்பவர்களுக்கு போக்குவரத்து போலீசார் அபராதம் விதித்து வருகின்றனர். எனினும் ஒரு சில வாகன ஓட்டிகள் ‘ஹெல்மெட்’ அணியாமல் போலீசாருக்கு ‘டிமிக்கி’ கொடுத்து விடுகின்றனர்.

இந்தநிலையில் ‘ஹெல்மெட்’ இல்லை என்றால், பெட்ரோல் இல்லை என்று சென்னை போக்குவரத்து காவல்துறை அதிரடி நடவடிக்கையை கையில் எடுத்துள்ளது.

கூடுதல் கமிஷனர் சுற்றறிக்கை

இதுதொடர்பாக சென்னை போலீஸ் கமிஷனர் மகேஷ்குமார் அகர்வால் ஆலோசனையின்பேரில் போக்குவரத்து கூடுதல் கமிஷனர் டாக்டர் கண்ணன், போக்குவரத்து துணை கமிஷனர்களுக்கு அனுப்பியுள்ள சுற்றறிக்கையில் கூறியிருப்பதாவது:-

சென்னையில் சாலை பாதுகாப்பை கருத்தில்கொண்டு மோட்டார்சைக்கிளில் செல்லும் வாகன ஓட்டிகள் கட்டாயம் ‘ஹெல்மெட்’ அணிந்திருக்க வேண்டும். கார் உள்பட வாகனங்களில் செல்வோர்கள் ‘சீட்’ பெல்ட் அணிய வேண்டும் என்பதன் அவசியத்தை பெட்ரோல் நிலையங்கள் மூலம் விழிப்புணர்வு ஏற்படுத்த வேண்டும்.

எனவே ‘ஹெல்மெட்’ இல்லை என்றால், பெட்ரோல் இல்லை என்ற வாசகம், மாவட்ட பெட்ரோல் வழங்கல் துறையுடன் இணைந்து பெட்ரோல் நிலையங்களில் இடம்பெற வேண்டும். சென்னையில் உள்ள அனைத்து பெட்ரோல் நிலையங்களிலும் இந்த விழிப்புணர்வு பதாகை வைக் கப்படுகிறதா? என்பதை உறுதி செய்துக்கொள்ள வேண்டும்.

இவ்வாறு அதில் கூறப்பட்டுள்ளது.

உரிமையாளர்கள்என்ன சொல்கிறார்கள்?

போலீசாரின் இந்த உத்தரவு குறித்து தமிழ்நாடு பெட்ரோலிய விற்பனையாளர்கள் சங்கத்தின் தலைவர் கே.பி.முரளி கூறுகையில், ‘போலீசார் கூறும் அறிவுரையை ஏற்று ‘ ஹெல்மெட் அணியாதவர்களுக்கு பெட்ரோல் கிடையாது என்று பதாகைகளை வைப்பதற்கு நாங்கள் தயாராக இருக்கிறோம். ஆனால் அதையும் மீறி ‘ஹெல்மெட்’ அணியாமல் வருபவர்களுக்கு பெட்ரோல் இல்லை என்று எங்களால் சட்டத்தை கையில் எடுக்க முடியாது.

இதில் போலீசார்தான் தனிகவனம் செலுத்த வேண்டும். அதற்கு நாங்கள் ஒத்துழைப்பு வழங்குவோம்’ என்றார். ஆந்திரா உள்ளிட்ட மாநிலங்களில் ஹெல்மெட் அணிந்தால் மட்டுமே பெட்ரோல் வழங்கும் சட்டம் அமலில் உள்ளது குறிப்பிடத்தக்கது.

© 2020 All Rights Reserved. Powered by Summit

மருத்துவ படிப்பு கலந்தாய்வு நாளை மறுதினம் (திங்கட்கிழமை) தொடங்குகிறது மருத்துவ கல்வி இயக்ககம் அறிவிப்பு

‘நிவர்’ புயல் காரணமாக ஒத்திவைக்கப்பட்ட மருத்துவ படிப்பு கலந்தாய்வு நாளை மறுதினம் (திங்கட்கிழமை) முதல் தொடங்குகிறது என்று மருத்துவ கல்வி இயக்ககம் தெரிவித்துள்ளது.

மருத்துவ படிப்பு கலந்தாய்வு

2020-21-ம் கல்வி ஆண்டுக்கான மருத்துவ படிப்பில் சேருவதற்கான கலந்தாய்வு கடந்த 18-ந் தேதி தொடங்கியது. அரசு பள்ளி மாணவ-மாணவிகளுக்கு 7.5 சதவீதம் உள்ஒதுக்கீடு மூலம் முதல் 3 நாட்களுக்கு கலந்தாய்வு நடத்தப்பட்டது. இதில் மொத்தம் ஒதுக்கப்பட்டு இருந்த 405 இடங்களில் 399 இடங்கள் ஒதுக்கப்பட்டன.

அடுத்ததாக 21-ந் தேதி விளையாட்டுப்பிரிவு, மாற்றுத்திறனாளிகள் பிரிவு மற்றும் முன்னாள் படைவீரர்களின் வாரிசுகள் பிரிவு ஆகிய சிறப்பு பிரிவு மாணவ-மாணவிகளுக்கான கலந்தாய்வு நடத்தப்பட்டது. மொத்தம் 151 இடங்களில் மாற்றுத்திறனாளிகள் பிரிவில் மட்டும் 91 இடங்கள் நிரம்பாமல் காலியாகின.

அதன் தொடர்ச்சியாக பொதுப்பிரிவு மாணவர்களுக்கான கலந்தாய்வு கடந்த 23-ந் தேதி முதல் தொடங்கி வருகிற 4-ந் தேதி வரை முதற்கட்டமாக நடைபெற இருப்பதாக அறிவிக்கப்பட்டு நடந்தது. அதன்படி, முதல் நாள் கலந்தாய்வு நடந்து முடிந்த நிலையில், ‘நிவர்’ புயல் காரணமாக மற்ற கலந்தாய்வு தேதிகள் ஒத்திவைக்கப்படுவதாக அறிவிக்கப்பட்டது.

நாளை மறுதினம் தொடங்குகிறது

இந்த நிலையில் நாளை மறுதினம் (திங்கட்கிழமை) முதல் மருத்துவ படிப்பு பொது கலந்தாய்வு மீண்டும் தொடங்கி நடைபெற இருக்கிறது. அதற்கான அட்டவணையை மருத்துவ கல்வி இயக்ககம் நேற்று வெளியிட்டது.

அதில் வருகிற 30-ந் தேதி முதல் அடுத்த மாதம் (டிசம்பர்) 10-ந் தேதி வரை கலந்தாய்வு நடக்கும் என்று தெரிவிக்கப்பட்டுள்ளது. சம்பந்தப்பட்ட மாணவ-மாணவிகளுக் கான அழைப்பு கடிதத்தை இணையதளத்தில் இருந்து பதிவிறக்கம் செய்து கொள்ளலாம் என்று மருத்துவ கல்வி இயக்ககம் கூறியிருக்கிறது.

ஒவ்வொரு நாளும் 390 பேர் முதல் 560 பேர் வரையிலான எண்ணிக்கையில் மாணவ-மாணவிகள் கலந்தாய்வுக்கு அழைக்கப்பட்டு இருக்கின்றனர்.

சங்கம் வேண்டாம் - மதுரை ஐகோர்ட்டு நீதிபதிகள் கருத்து

கொரோனா ஊரடங்கு காலத்தில் டாக்டர்களின் சேவை பாராட்டுக்குரியது என்றும், டாக்டர்கள் உள்ளிட்ட மருத்துவத்துறை பணியாளர்கள், போலீசாருக்கு சங்கம் வேண்டாம் எனவும் மதுரை ஐகோர்ட்டு நீதிபதிகள் கருத்து தெரிவித்தனர்.

மதுரையை சேர்ந்த முகமது யூனிஸ்ராஜா, மதுரை ஐகோர்ட்டில் தாக்கல் செய்த மனுவில், ‘அரசு டாக்டர்கள் பல்வேறு கோரிக்கைகளுடன் வேலைநிறுத்தத்தில் ஈடுபட்டால், ஏழை நோயாளிகள் மிகுந்த சிரமத்துக்கு ஆளாகின்றனர். எனவே டாக்டர்கள் வேலைநிறுத்த போராட்டத்தில் ஈடுபட தடை விதிக்க வேண்டும்’ என்று கூறியிருந்தார்.

இந்த வழக்கு நீதிபதிகள் கிருபாகரன், புகழேந்தி ஆகியோர் முன்பு நேற்று விசாரணைக்கு வந்தது. அப்போது நீதிபதிகள், “24 மணி நேரமும் டாக்டர்கள் பணியாற்றுகின்றனர். ஆனால் சில துறைகளில் 3 மணி நேரம் மட்டுமே வேலை செய்பவர்களுக்கு அதிக ஊதியம் அளிக்கப்படுகிறது. கொரோனா தொற்றால் முழு ஊரடங்கு அமலில் இருந்த காலத்தில் டாக்டர்களின் சேவை பாராட்டுக்குரியது. தனியார் பள்ளிகளில் படிக்கும் மாணவர்களும் அரசு மருத்துவ கல்லூரிகளில் சேருவதற்குதான் விரும்புகின்றனர். அதற்கு, தனியார் மருத்துவ கல்லூரிகளை விட அரசு மருத்துவ கல்லூரிகளில் அனைத்து வசதிகளும் இருப்பதும் காரணம். அரசு மருத்துவமனைக்கு ஏராளமான நோயாளிகள் வருவதால், அவர்களுக்கு சிகிச்சை அளித்து, மாணவர்கள் தங்களை மேம்படுத்திக்கொள்ள வசதியாக இருக்கிறது” என்றனர்.

மேலும் நீதிபதிகள், “டாக்டர்கள் உள்பட மருத்துவ பணியாளர்கள், போலீசார், தீயணைப்பு துறையினர் போன்ற துறைகளில் பணிபுரிபவர்களுக்கு சங்கம் வேண்டாம்” என்று கருத்து தெரிவித்தனர்.

விசாரணை முடிவில், தமிழகத்தில் உள்ள அரசு ஆஸ்பத்திரிகளில் எத்தனை டாக்டர் பணியிடங்கள் காலியாக உள்ளன, நோயாளிகளின் எண்ணிக்கைக்கு ஏற்ப போதுமான டாக்டர்கள் பணியில் இருக்கிறார்களா என்று தமிழக அரசு பதில் அளிக்கும்படி நீதிபதிகள் உத்தரவிட்டனர். விசாரணையை வருகிற 30-ந் தேதிக்கு ஒத்திவைத்தனர்.

NPS மோசடி சலுகைகள் குறித்து எச்சரிக்கை

இன்றைய ராசிபலன் 28.11.2020

பொங்கல் விருந்தாக விஜய் நடித்த ‘மாஸ்டர்’ ஓ.டி.டி.யில் வெளியாகிறது

விஜய் நடித்த ‘மாஸ்டர்’ படம் பொங்கல் விருந்தாக ஓ.டி.டி.யில் வெளியாகிறது.

விஜய் தற்போது ‘மாஸ்டர்’ என்ற படத்தில் நடித்து முடித்திருக்கிறார். இந்தப் படம் தீபாவளி விருந்தாக வெளிவர இருந்தது. கொரோனா தொற்று காரணமாக தியேட்டர்கள் அனைத்தும் மூடப்பட்டிருந்ததால், ‘மாஸ்டர்’ படம் வெளியாகவில்லை.

சமீபத்தில் தியேட்டர்கள் அனைத்தையும் திறப்பதற்கு அரசு அனுமதி வழங்கியது. அதைத் தொடர்ந்து, ‘மாஸ்டர்’ படம் பொங்கல் விருந்தாக தியேட்டர்களில் வெளியாகும் என்று அறிவிக்கப்பட்டது.

இந்த நிலையில், சூர்யா நடித்த ‘சூரரைப்போற்று’ ஓ.டி.டி.யில் வெளியிடப்பட்டது. அந்தப் படம் வசூல் ரீதியாக மிகப்பெரிய சாதனையை நிகழ்த்தியது. ரூ.100 கோடி வசூல் செய்ததாக கூறப்பட்டது. இதைத் தொடர்ந்து, விஜய் நடித்த ‘மாஸ்டர்’ படமும், ஓ.டி.டி.யில் வெளியாகலாம் என்று பேசப்பட்டது. அது இப்போது உறுதியாகியிருக்கிறது.

மாஸ்டர் படத்தை வருகிற பொங்கல் அன்று ஓ.டி.டி.யில் திரையிடுவதற்கு ஏற்பாடுகள் நடந்து வருவதாக கூறப்படுகிறது. இந்தப் படத்தை ‘நெட்பிளிக்ஸ்’ என்ற ஓ.டி.டி. இணையதள நிறுவனம் வெளியிடுகிறது.

‘மாஸ்டர்’ படத்தில் விஜய் ஜோடியாக மாளவிகா மோகனன் நடித்திருக்கிறார். விஜய் சேதுபதி வில்லனாக நடித்துள்ளார். லோகேஷ் கனகராஜ் டைரக்டு செய்திருக்கிறார். இதில், விஜய் கல்லூரி பேராசிரியராக நடித்திருக்கிறார். படத்துக்கு விஜய் ரசிகர்கள் மத்தியில் மிகுந்த எதிர்பார்ப்பு இருந்து வருகிறது.

சமீபத்தில் அரசு அனுமதியை ஏற்று தமிழ்நாடு முழுவதும் தியேட்டர்கள் அனைத்தும் திறக்கப்பட்டன. எதிர்பார்த்த அளவுக்கு ரசிகர்கள் கூட்டம் வரவில்லை. கொரோனா பயம் காரணமாக தியேட்டர்கள் அனைத்தும் காலியாகவே கிடந்தன. இதைத்தொடர்ந்து, விஜய் நடித்த ‘மாஸ்டர்’ படத்தையும் ஓ.டி.டி.யில் வெளியிடலாம் என்ற முடிவுக்கு வந்திருப்பதாக தெரிகிறது.

தமிழகத்தில் 1, 2, 3-ந் தேதிகளில் பரவலாக மழை பெய்யும்: வங்க கடலில் நாளை குறைந்த காற்றழுத்த தாழ்வு பகுதி உருவாகிறது வானிலை ஆய்வு மையம் அறிவிப்பு

வங்க கடலில் நாளை (ஞாயிற்றுக்கிழமை) குறைந்த காற்றழுத்த தாழ்வு பகுதி உருவாகிறது என்றும், இதன் காரணமாக தமிழகத்தில் வருகிற 1, 2 மற்றும் 3-ந் தேதிகளில் பரவலாக மழை பெய்யும் என்றும் வானிலை ஆய்வு மையம் தெரிவித்துள்ளது.

வங்க கடலில் கடந்த 21-ந் தேதி உருவான குறைந்த காற்றழுத்த தாழ்வு பகுதிதான், தாழ்வு மண்டலமாக வலுப்பெற்று புயலாக புதுச்சேரிக்கும், மரக்காணத்துக்கும் இடையே கடந்த 25-ந் தேதி நள்ளிரவு கரையை கடந்தது.

இந்த புயல் பெரிய அளவில் தாக்கத்தை ஏற்படுத்தவில்லை என்றாலும், தமிழகத்தின் வட மாவட்டங்களில் பரவலாக நல்ல மழையை கொடுத்தது. அதிலும் அதிகபட்சமாக செங்கல்பட்டு மாவட்டம் தாம்பரத்தில் 31 செ.மீ. மழை பதிவானது.

அந்த புயல் நேற்று ஆந்திரா அருகே காற்றழுத்த தாழ்வு பகுதியாக வலுவிழந்து நிலைக்கொண்டிருக்கிறது. இந்த நிலையில் அதன் தொடர்ச்சியாக வங்க கடலில் மேலும் ஒரு காற்றழுத்த தாழ்வு பகுதி நாளை (ஞாயிற்றுக்கிழமை) உருவாகிறது என்று வானிலை ஆய்வு மையம் தெரிவித்து இருக்கிறது.

இதுதொடர்பாக வானிலை ஆய்வு மையத்தின் தென் மண்டல தலைவர் எஸ்.பாலச்சந்திரன் நிருபர்களிடம் கூறியதாவது:-

‘நிவர்’ புயல் வலுவிழந்த நிலையில் தமிழகத்தின் வடமேற்கு பகுதியில் நிலவி வந்தது. தொடர்ந்து குறைந்த காற்றழுத்த தாழ்வு பகுதியாக வலுவிழந்து, தெற்கு ஆந்திராவின் மத்திய மேற்கு வங்க கடல் பகுதியில் நிலவுகிறது. இதன் காரணமாக ராணிப்பேட்டை, திருப்பத்தூர், வேலூர் உள்பட வடமேற்கு மாவட்டங்களில் நேற்று (நேற்று முன்தினம்) மழை பெய்தது. இதன் தொடர்ச்சியாக அடுத்த 24 மணி நேரத்தில் (இன்று) தமிழகத்தில் ஒரு சில இடங்களில் லேசானது முதல் மிதமான மழை பெய்யக்கூடும்.

இந்த நிலையில் அடுத்த 48 மணி நேரத்தில் (நாளை) தென் கிழக்கு வங்க கடல் பகுதியில் ஒரு குறைந்த காற்றழுத்த தாழ்வு பகுதி உருவாகக்கூடும். இது வலுப்பெற்று காற்றழுத்த தாழ்வு மண்டலமாக வலுப்பெறவும் வாய்ப்பு அதிகம் இருக்கிறது.

தாழ்வு மண்டலமாக வலுப்பெற்று 30-ந் தேதி (நாளை மறுதினம்) மேற்கு திசையில் தமிழக கடற்கரை நோக்கி நகரக்கூடும். இதன் காரணமாக வருகிற 1, 2 மற்றும் 3-ந் தேதிகளில் தமிழகம் மற்றும் புதுச்சேரியில் பரவலாக மழை பெய்ய வாய்ப்பு இருக்கிறது.

அதிலும் தென் தமிழகத்தில் அதிகமாகவும், வட தமிழகத்தில் ஓரளவுக்கும் மழை இருக்கும் என்று தற்போதைய நிலவரப்படி கணிக்கப்பட்டு இருக்கிறது. தாழ்வு மண்டலத்தில் இருந்து அடுத்த நிலையான புயலுக்கு செல்லவும் வாய்ப்பு இருக்கிறது. அதுபற்றி வரக்கூடிய நாட்களில் கணிக்கப்பட்டு தெரிவிக்கப்படும்.

தமிழகத்தில் வடகிழக்கு பருவமழை தொடங்கியதில் இருந்து இதுவரை 34 செ.மீ. மழை பதிவாக வேண்டும். ஆனால் 29 செ.மீ. மழைப்பொழிவுதான் தமிழகத்தில் இதுவரை பதிவாகியுள்ளது. இது இயல்பை விட 15 சதவீதம் குறைவு ஆகும்.

இவ்வாறு அவர் கூறினார்.

இனி பி.ஐ.எஸ். தர ஹெல்மட்டுக்கு மட்டுமே அனுமதி மத்திய அரசு உத்தரவு

நாட்டில் இருசக்கர வாகன விபத்து உயிரிழப்புகளை குறைக்கும் நடவடிக்கையாக இந்திய தர நிர்ணய ஆணையத்தால் (பி.ஐ.எஸ்.) அங்கீகரிக்கப்பட்ட ஹெல்மட்டுகளை மட்டுமே தயாரிக்கவும், இருசக்கர வாகன ஓட்டிகள் பயன்படுத்தவும் மத்திய அரசு உத்தரவிட்டுள்ளது.

இதுதொடர்பாக நேற்று மத்திய சாலை போக்குவரத்து மற்றும் நெடுஞ்சாலைகள் துறை அமைச்சகம் வெளியிட்டுள்ள அறிக்கையில் கூறியிருப்பதாவது:-

சுப்ரீம் கோர்ட்டு அறிவுறுத்தலின்படி அமைக்கப்பட்ட சாலை பாதுகாப்பு கமிட்டி, நாட்டின் தட்பவெட்ப சூழலுக்கு ஏற்ப இருசக்கர வாகன ஓட்டிகள் இலகுரக ஹெல்மட் பயன்படுத்த 2018-ம் ஆண்டு பரிந்துரை செய்தது. சாலை பாதுகாப்பு கமிட்டியின் அந்த பரிந்துரை ஏற்றுக்கொள்ளப்பட்டது.

இதன்படி இனிமேல் இந்திய தர நிர்ணய ஆணையத்தால் அங்கீகரிக்கப்பட்ட ஹெல்மட்டுகளை மட்டுமே நாட்டில் தயார் செய்து, இருசக்கர வாகன ஓட்டிகள் பயன்படுத்துவதற்கு விற்பனை செய்ய அனுமதிக்கப்படும் என்று தெரிவிக்கப்பட்டு உள்ளது.

இந்திய மலைகளும், சுவாரசியங்களும்...!

இந்தியாவில் எட்டு முக்கிய மலைத்தொடர்கள் உள்ளன. இந்தியத் துணைக் கண்டத்தின் வட பகுதியில் பிறை வடிவில், மூன்று மலைத்தொடர்கள் அமைந்துள்ளன. அவை இமயமலை, ஹிந்துகுஷ், பட்காய் மலைத்தொடர்கள். வடதுருவத்திலிருந்து வீசும் குளிர்க் காற்றை நாட்டுக்குள் விடாமல் தடுக்கும் இயற்கைத் தடுப்பு அரண் இது. மற்றொருபுறம் பருவமழைக் காற்றைத் தடுத்து மழைப்பொழிவை ஏற்படுத்துவதாகவும் இந்த மலைத்தொடர்கள் திகழ்கின்றன.

இமய மலைத் தொடர் ஓர் இயற்கை அற்புதம். இது ஆசியாவையும், இந்தியாவையும் பிரிக்கிறது. இந்தியாவின் வடக்கிலிருந்து வடகிழக்குவரை ஓர் எல்லைபோல அமைந்திருக்கிறது. இமயமலைத் தொடரே உலகின் உயரமான மலைத்தொடர். உலகில் உள்ள உயரமான 10 மலைச்சிகரங்களில் ஒன்பது சிகரங்கள் இமயமலைத் தொடரிலும், ஒரு உயர்ந்த சிகரம் அதற்கு அருகேயுள்ள காரகோரம் மலைத்தொடரிலும் உள்ளன. இத்தனைக்கும் இமய மலைத்தொடர் உலகின் மிகவும் வயது குறைந்த மலைத்தொடர்.

இமய மலைத்தொடரில் உள்ள பல மலைச்சிகரங் கள் ஆண்டு முழுவதும் பனியால் போர்த்தப்பட்டிருக்கும். கங்கை, யமுனை, சட்லஜ், சீனாப், ராவி ஆகிய ஐந்து முக்கிய நதிகளும் பிரமாண்ட பிரம்மபுத்திரா நதியும் இமய மலைத்தொடர் பனி உருகுவதால் ஆறுகளாக உருவெடுப்பவை. இமய மலைத் தொடர் 2,500 கிலோ மீட்டர் நீளம் கொண்டது. வடக்கே ஜம்மு-காஷ்மீரில் தொடங்கி கிழக்கே அருணாசலப் பிரதேசம் வரை அது நீண்டிருக்கிறது.

மேற்கு மலைத் தொடருக்கு சஹயாத்ரி மலைத்தொடர் என்றொரு பெயரும் உண்டு. இது தக்காண பீடபூமியின் மேற்கு விளிம்பில் அமைந்துள்ளது. தபதி நதிக்குத் தெற்கில் இருந்து மகாராஷ்டிரம், கோவா, கர்நாடகம், கேரளம், தமிழகத்தின் வழியாகத் தெற்கில், குமரி மாவட்டம் வரை இந்த மலைத்தொடர் நீண்டிருக்கிறது. இதன் நீளம் 1,600 கி.மீ. கேரளத்தில் உள்ள ஆனைமுடி இந்த மலைத்தொடரின் உயரமான சிகரம், உயரம் 8,842 அடி. மேற்கு மலைத்தொடரில்தான் உதகமண்டலம், கொடைக்கானல், இந்தியாவின் இரண்டாவது மிக உயரமான ஜோக் அருவி ஆகிய முக்கிய சுற்றுலாத்தலங்கள் அமைந்துள்ளன. தென்னிந்தியாவில் பெரும்பாலான நதிகள் மேற்கு மலைத்தொடரிலேயே உருவாகின்றன. மேற்கு மலைத்தொடரைப் போல தக்காண பீடபூமியின் கிழக்கு விளிம்பில் உள்ளது, கிழக்கு மலைத்தொடர். இது மேற்கு மலைத்தொடரை விடவும் பழமையானது.

கோதாவரி, மகாநதி, கிருஷ்ணா, காவிரி ஆகிய முக்கிய நதிகளால் துண்டிக்கப்பட்டுள்ளதால், இந்த மலைத்தொடர் தொடர்ச்சியாக இல்லை. வங்கத்தில் தொடங்கும் இது தமிழகம் வரை தொடர்ச்சியற்று விரவிக்கிடக்கிறது. விசாகப்பட்டினம், புவனேஸ்வரம் உள்ளிட்ட முக்கிய நகரங்கள் இந்த மலைத்தொடரிலேயே அமைந்துள்ளன. இந்தியாவின் கிழக்கு எல்லையில் மியான்மரை ஒட்டிய பகுதியில் உள்ளது பட்காய் மலைத்தொடர். இந்த மலைத்தொடரில் காற்றுவீசும் பகுதியில் அமைந்துள்ள சிரப்புஞ்சி, உலகிலேயே ஒரு மாதத்தில் மிக அதிக மழை பெய்யும் பகுதியாக உள்ளது. இந்தியாவின் மிகவும் பழமையான மலைத்தொடர் ஆரவல்லி. இது ராஜஸ்தான் மாநிலத்தின் வடகிழக்கிலிருந்து தென்மேற்காகப் பரவியுள்ளது. இந்த மலைத்தொடரே ராஜஸ்தானின் முக்கிய நகரங்கள் பாலைவனமாகாமல் பாதுகாக்கிறது.

சியாச்சின் பனிச்சிகரம்

காரகோரம் மலைத்தொடரில் உள்ள சியாச்சின் பனிச்சிகரம், ஆர்க்டிக் வடதுருவ பனிச்சிகரங்களுக்கு அடுத்தபடியாக மிக உயரமான பனிச்சிகரம்.

உங்கள் ராசி பலன் 27-11-2020 முதல் 3-12-2020 வரை கணித்தவர்: ‘ஜோதிட சிம்மம்’ சுவாமி கண்ணன் பட்டாச்சாரியா

மேஷம்

உயர் அதிகாரிகளின் அபிமானத்தைப் பெறுவதன் மூலம் உத்தியோகஸ்தர்களின் விருப்பங்கள் நிறைவேற வழிபிறக்கும். தொழில் செய்பவர்கள், தங்கள் துறையில் நல்ல முன்னேற்றம் காண்பார்கள். குடும்பத்தில் அவ்வப்போது சிறு குறைபாடுகள் தென்பட்டாலும், பெண்கள் அவற்றை சாமர்த்தியமாக சமாளித்து விடுவார்கள். இந்த வாரம் செவ்வாய்க்கிழமை முருகப்பெருமானை அர்ச்சனை செய்து வணங்கி வாருங்கள்.

ரிஷபம்

உத்தியோகஸ்தர்கள் இடமாற்றம், பதவி உயர்வுகளைப் பெறுவது தாமதமாகும். தொழில் செய்பவர்கள், தங்கள் துறையில் நல்ல வளர்ச்சியைக் காண்பார்கள். குடும்பத்தில் பெண்கள் சுபநிகழ்ச்சிகளில் கலந்து மகிழும் வாய்ப்பு அமையும். வேலைக்குப் போகும் பெண்களுக்கு எதிர்பாராத வகையில் அலுவலகத்தில் பதவி உயர்வு கிடைக்கும். இந்த வாரம் புதன்கிழமை பெருமாளுக்கு நெய் தீபம் ஏற்றுங்கள்.

மிதுனம்

சிரமங்களைச் சந்திக்கவேண்டிய காலகட்டம் இது. தொழில் செய்பவர்கள் முன்னேற்றத்தைக் காண்பார்கள். உயர் அதிகாரிகளின் அபிமானத்தைப் பெற நீங்கள் கடுமையாக உழைக்க வேண்டியதிருக்கும். குடும்பத்திலும், வெளிவட்டாரப் பழக்கங்களின் மூலமும் பெண்களுக்கு மகிழ்ச்சி தரக்கூடிய நிகழ்ச்சிகள் நடைபெறும். இந்த வாரம் வியாழக்கிழமை நவக்கிரக சன்னிதியில் உள்ள குரு பகவானை வணங்குங்கள்.

கடகம்

பல காரணங்களால் வேறு வேறு இடங்களில் பிரிந்திருந்த தம்பதி, இப்போது ஒன்றாக சேர்ந்து வாழ வாய்ப்பு ஏற்படும். தொழில் செய்பவர்கள் படிப்படியாக வளர்ச்சி நிலையை எட்டுவார்கள். பெண்கள் குடும்ப நிர்வாகத்தைக் கவனமாக செய்து நற்பெயரைப் பெறுவீர்கள். திருமணமான பெண்களில் சிலர் மகப்பேறு அடைவார்கள். இந்த வாரம் சனிக்கிழமையன்று ஆஞ்சநேயருக்கு வெற்றிலை மாலை சூட்டுங்கள்.

சிம்மம்

எதிலும் நிதானமாகவும், பொறுமையாகவும் செயல்படுங்கள். அப்போதுதான் பிரச்சினை களில் இருந்து விடுபட முடியும். உத்தியோகத்தில் இருப்பவர்கள், தங்கள் பணிகளில் கவனத்துடன் செயல்படுங்கள். தொழில் செய்பவர்கள் ஓரளவு முன்னேற்றம் காண்பார்கள். பெண்களுக்கு, பொருள் ஒன்று களவு போகக்கூடிய நிலை வரும். இந்த வாரம் வியாழக்கிழமையன்று தட்சிணாமூர்த்திக்கு வில்வ மாலை சூட்டுங்கள்.

கன்னி

நற்பலன்களுக்கு குறைவில்லாத வாரம் இது. மூன்றாம் நபரிடம் இல்லத்தின் முக்கிய விஷயங்களை வெளிப்படையாகப் பேசாதீர்கள். வியாபாரம் திருப்திகரமாக நடைபெற்று வரும். உத்தியோகஸ்தர்களுக்கு வழக்கமான நிலையில் மாற்றம் எதுவும் ஏற்படாது. கணவன்-மனைவி இடையே ஒற்றுமை பலப்படும். இந்த வாரம் செவ்வாய்க்கிழமை அங்காரக பகவானை நல்லெண்ணெய் தீபமேற்றி வணங்குங்கள்.

துலாம்

சிறுசிறு சங்கடங்கள் ஏற்பட்டாலும், அவற்றைப் பொருட்படுத்த வேண்டாம். உத்தியோகத்தில் உள்ளவர்கள், எதிர்பார்த்துக் காத்திருந்த இடமாற்றம், பதவி உயர்வு கிடைக்க வாய்ப்பிருக்கிறது. தொழில் செய்பவர்கள், வாடிக்கையாளர்களின் திருப்தியை கருத்தில் கொண்டு செயல்படுங்கள். குடும்பத்தில் அமைதி நிலவும். இந்த வாரம் ஞாயிற்றுக்கிழமை சூரிய பகவானை வழிபாடு செய்யுங்கள்.

விருச்சிகம்

மனக் குழப்பம் காரணமாக உற்சாகக் குறைவு ஏற்பட வாய்ப்புண்டு. உத்தியோகத்தில் இருப்பவர்கள், பணிகளை எந்தக் குறையும் இல்லாமல் செய்து முடியுங்கள். தொழில் செய்பவர்கள், தங்கள் துறையில் ஓரளவு வளர்ச்சி காண்பார்கள். பிள்ளைகளின் உடல் நலத்தில் அக்கறை செலுத்துங்கள். இந்த வாரம் செவ்வாய்க்கிழமை அன்று துர்க்கா தேவிக்கு அர்ச்சனை செய்து வணங்கி வாருங்கள்.

தனுசு

நன்மையும், தீமையும் கலந்து ஏற்படும். தொழில் செய்பவர்கள், தொழில் விஷயம் தொடர்பாக ஓரிரு பயணங்களை மேற்கொள்வார்கள். உத்தியோகஸ்தர்களுக்கு விருப்பமில்லாத இடமாற்றம் ஏற்பட வாய்ப்பு உண்டு. குடும்பத்தில் சிறுசிறு சலசலப்புகள் தோன்றி மறையும். பெண்களுக்கு பொறுப்பான பதவிகள் கிடைக்கலாம். இந்த வாரம் சனிக்கிழமை ஆஞ்சநேயருக்கு வெற்றிலை மாலை சாத்தி வழிபடுங்கள்.

மகரம்

உத்தியோகத்தில் சகப் பணியாளர்களிடம் சுமுகமாக நடந்துகொள்ளுங்கள். வியாபாரம் சிறப்பாக நடைபெற்று வரும். இருப்பினும் அதை விரிவுபடுத்தும் எண்ணத்தை சிறிது காலம் தள்ளிப்போடுவது நல்லது. குடும்பத்தில் அமைதியும், அவ்வப்போது சில பிரச்சினைகளும் தோன்றும். புகழ்மிக்க மனிதர்களை சந்திக்கும் வாய்ப்புண்டு. இந்த வாரம் புதன்கிழமை பெருமாளை வழிபட்டு வாருங்கள்.

கும்பம்

நன்மைகள் பலவற்றுக்கிடையே ஓரிரு சங்கடங்கள் ஏற்படத்தான் செய்யும். அதனைப் பொருட்படுத்தத் தேவையில்லை. உத்தியோகத்தில் உள்ளவர்கள், மேல் அதிகாரிகளின் சொல்லைக் கேட்டு நடப்பது நன்மை தரும். தொழில் செய்பவர்களுக்கு, வாடிக்கையாளர்களிடம் இருந்து பாராட்டுகள் குவியும். குடும்பத்தில் அமைதி நிலவும். இந்த வாரம் செவ்வாய்க்கிழமை துர்க்கை அம்மனுக்கு தீபமேற்றுங்கள்.

மீனம்

ஒரு சில செலவுகளால் சேமிப்பு கரைய வாய்ப்புண்டு. உத்தியோகத்தில் உள்ளவர்கள் உங்கள் பணிகளில் கவனமாக செயல்படுங்கள். தொழில் செய்பவர்கள், வேலையாட்களின் தொல்லைகளை சந்திக்க வேண்டியதிருக்கும். குடும்பத்தில் பெரியவர்களின் ஆசிகளைப் பெறுவது நன்மை தரும். இந்த வாரம் புதன்கிழமை விஷ்ணு சஹஸ்ரநாமம் பாராயணம் செய்து பெருமாளை தரிசியுங்கள்.

வங்க கடலில் காற்றழுத்த தாழ்வுப்பகுதி உருவாகிறது: தமிழகத்தை நோக்கி வரும் மற்றொரு புயல்? ‘அடுத்த மாதம் 2-ந் தேதி நெருங்கும்’ என ஆய்வு மையம் தகவல்

வங்க கடலில் குறைந்த காற்றழுத்த தாழ்வுப்பகுதி 29-ந் தேதி உருவாகிறது என்றும், அது புயலாக வலுப்பெற்று தமிழகத்தை நோக்கி அடுத்த மாதம் (டிசம்பர்) 2-ந் தேதி நெருங்க வாய்ப்பு உள்ளது என்றும் வானிலை ஆய்வு மையம் தெரிவித்துள்ளது.

வங்க கடலில் கடந்த 21-ந் தேதி உருவான குறைந்த காற்றழுத்த தாழ்வு பகுதி, படிப்படியாக வலுப்பெற்று கடந்த 24-ந் தேதி புயலாக உருவானது. இதற்கு ‘நிவர்’ என்று பெயர் சூட்டப்பட்டு இருந்தது. இது அதி தீவிர புயலாக மாறி புதுச்சேரிக்கும், மரக்காணத்துக்கும் இடையே நேற்று முன்தினம் நள்ளிரவில் கரையை கடந்தது.

கடல் பகுதியில் இருந்த வரை ‘நிவர்’ புயல் அதி தீவிரமாக பலத்த காற்றுடன் வந்து கொண்டிருந்தது. ஆனால் கரையைத் தொட்டு நிலப்பகுதியை அடைந்த நேரத்தில் புயல் காற்றின் வேகம் கடல் பகுதிகளில் இருந்ததை விட சற்று குறைவாகவே இருந்தது.

இதனால் வழக்கமாக புரட்டிப்போடும் புயல்களை போல ‘நிவர்’ இல்லாமல், குறைவான பாதிப்புகளையே ஏற்படுத்தியதாக வானிலை ஆய்வாளர்கள் தெரிவித்தனர். தற்போது ‘நிவர்’ புயல் தாழ்வு மண்டலமாக வலு குறைந்து, இன்று (வெள்ளிக்கிழமை) தமிழகத்தை தாண்டி தாழ்வு பகுதியாக நிலைக்கொண்டு இருக்கிறது.

இந்த நிலையில் நிவர் புயலைத் தொடர்ந்து, மற்றொரு புயல் தமிழகத்தை நெருங்க இருப்பதாக வானிலை ஆய்வு மையம் தெரிவித்து இருக்கிறது. இதுதொடர்பாக இந்திய வானிலை ஆய்வு மையத்தின் செய்திக்குறிப்பில், ‘தெற்கு வங்க கடல் பகுதியின் மத்திய பகுதிகளில் வருகிற 29-ந் தேதி (ஞாயிற்றுக்கிழமை) ஒரு புதிய காற்றழுத்த தாழ்வு பகுதி உருவாக வாய்ப்பு இருக்கிறது என்றும், இது மேற்கு நோக்கி நகரத் தொடங்கும்’ என்றும் தெரிவிக்கப்பட்டுள்ளது.

இந்த புதிய காற்றழுத்த தாழ்வு பகுதி அடுத்தடுத்த நிலைகளை கடக்கும் என்றும், அதனை தொடர்ந்து புயலாக வலுப்பெற வாய்ப்பு உள்ளது என்றும், அது வங்க கடலில் இருந்து மேற்கு நோக்கி நகர்ந்து தென் தமிழகத்தை நோக்கி அடுத்த மாதம் (டிசம்பர்) 2-ந் தேதி நெருங்கக்கூடிய வாய்ப்பு இருக்கிறது என்றும் வானிலை ஆராய்ச்சியாளர்கள் தெரிவிக்கின்றனர்.

அரசு டாக்டர்களுக்கு 50 சதவீத இடஒதுக்கீடு: ஐகோர்ட்டு உத்தரவுக்கு எதிரான வழக்கின் தீர்ப்பு ஒத்திவைப்பு

மருத்துவ மேற்படிப்புகளில் அரசு டாக்டர்களுக்கு 50 சதவீத இடஒதுக்கீடு அளிக்கும் அரசாணையை உறுதி செய்த சென்னை ஐகோர்ட்டு உத்தரவுக்கு எதிரான வழக்கின் தீர்ப்பை சுப்ரீம் கோர்ட்டு ஒத்திவைத்தது.

சுப்ரீம் கோர்ட்டு உத்தரவின்படி, நடப்பு கல்வியாண்டில் சூப்பர் ஸ்பெசாலிட்டி மருத்துவ மேற்படிப்புகளில் 50 சதவீத இடங்களை அரசு டாக்டர்களுக்கு ஒதுக்க உத்தரவிடக் கோரி அரசு டாக்டர்கள் எம்.செய்யது பக்ரூதீன், ஜி.குமரவேல் உள்ளிட்டோர் சென்னை ஐகோர்ட்டில் வழக்கு தொடர்ந்திருந்தனர்.

இதற்கு தமிழக அரசு சார்பில், இட ஒதுக்கீடு வழங்க முடிவு செய்யப்பட்டு நவம்பர் 7-ந்தேதி தேதி அரசாணை பிறப்பிக்கப்பட்டுள்ளதாக கூறி அரசாணை ஐகோர்ட்டில் தாக்கல் செய்யப்பட்டது. தமிழக அரசின் நிலைப்பாட்டை பதிவு செய்து கொண்டு நீதிபதிகள் வழக்கை முடித்து வைத்து உத்தரவிட்டனர்

தமிழக அரசின் அரசாணையை உறுதி செய்த சென்னை ஐகோர்ட்டு உத்தரவுக்கு எதிராக ஒடிசா, தமிழகம், உத்தரபிரதேசம், கர்நாடகம் ஆகிய மாநிலங்களைச் சேர்ந்த 13 டாக்டர்கள் சார்பில் சுப்ரீம் கோர்ட்டில் மேல்முறையீடு செய்யப்பட்டது. அந்த மனுக்கள் மீதான விசாரணை சுப்ரீம் கோர்ட்டு நீதிபதி எல்.நாகேஸ்வரராவ் தலைமையிலான அமர்வு முன் நேற்று நடைபெற்றது.

தமிழக அரசின் சார்பில் ஆஜரான மூத்த வழக்கறிஞர் சி.எஸ். வைத்தியநாதன் வாதிடுகையில், தமிழகத்தில் உள்ள கிராமப்புற மக்களுக்கு தரமான மருத்துவ சேவை கிடைக்கும் வகையில், மருத்துவ மேற்படிப்புகளில் அரசு டாக்டர்களுக்கு 50 சதவீத இட ஒதுக்கீடு அளிக்கும் அரசாணை வெளியிடப்பட்டது.

அப்போது நீதிபதிகள், சூப்பர் ஸ்பெஷாலிட்டி மருத்துவ படிப்பு பயிலும் டாக்டர்கள் எத்தனை ஆண்டுகள் கிராமப்புறங்களில் பணியாற்ற வேண்டும்? சூப்பர் ஸ்பெஷாலிட்டி மருத்துவ நிபுணத்துவத்தை கிராமப்புறத்தில் ஏன் வீணாக்க வேண்டும்? என கேட்டனர்.

இதற்கு தமிழக அரசு தரப்பு மூத்த வழக்கறிஞர் சி.எஸ். வைத்தியநாதன், 2 ஆண்டுகள் கிராமப்புறங்களில் பணியாற்ற வேண்டும். அதன் பிறகு மருத்துவ கல்லூரிகளில் பணியாற்ற வேண்டும். சூப்பர் ஸ்பெஷாலிட்டி படிப்பு பயிலும் ஒவ்வொரு மாணவருக்கும் 2 கோடி ரூபாய் வரை தமிழக அரசு செலவிடுகிறது. தமிழக அரசின் நிதியில் படிப்போர் தமிழக மக்களுக்கு பணியாற்றுவதே நியாயமாக இருக்கும் என வாதிட்டார்.

அப்போது நீதிபதிகள், மருத்துவ மேற்படிப்புகளில் அரசு டாக்டர்களுக்கு ஏன் திடீரென 50 சதவீத இடஒதுக்கீடு அளிக்க வகை செய்யும் அரசாணை வெளியிடப்பட்டது? என கேட்டனர். இதற்கு வழக்கறிஞர் சி.எஸ். வைத்தியநாதன் பதில் அளித்து வாதிடுகையில், மருத்துவ மேற்படிப்புகளுக்கு தமிழக அரசு மக்களின் வரிப்பணத்தை செலவிடுகிறது. தமிழக அரசின் மருத்துவ கல்லூரிகளில் பேராசிரியர்கள் பற்றாக்குறை உருவாகும் சூழல் நிலவுகிறது. அதனால்தான் மருத்துவ மேற்படிப்புகளில் அரசு டாக்டர்களுக்கு 50 சதவீத இட ஒதுக்கீடு அளிக்க தமிழக அரசு முடிவு செய்தது என வாதிட்டார்.

தமிழக அரசு சார்பில் ஆஜரான மற்றொரு மூத்த வழக்கறிஞர் வி.கிரி தனது வாதத்தில், மருத்துவ மேற்படிப்புகளில் அரசு டாக்டர்களுக்கு 50 சதவீத இட ஒதுக்கீடு அளிக்கும் அரசாணையை ரத்து செய்யக் கோரிய மனுக்களை தள்ளுபடி செய்ய வேண்டும் என்றார்.

கேவியட் மனுதாரர்கள் தரப்பு (டாக்டர்கள்) மூத்த வழக்கறிஞர் பி.வில்சன் வாதிடுகையில், தமிழக அரசின் அரசாணை சாதி அடிப்படையிலானது அல்ல. எனவே பி.சி.ஸ்ரீவத்ஸா வழக்கு உத்தரவு இந்த அரசாணைக்கு பொருந்தாது. அரசு டாக்டர்களுக்கு சம்மந்தப்பட்ட மாநிலத்தின் மொழி முக்கியமானது. ஏனெனில் அந்த மொழி மூலம் தான் அவர்கள் அப்பகுதி மக்களுக்கு முழுமையான, உரிய சிகிச்சை வழங்க முடியும். இந்த விவகாரம் அனைத்து தெரிந்தும், மத்திய அரசு வேண்டுமென்றே குழப்பத்தை ஏற்படுத்தி வருகிறது என வாதிட்டார். அனைத்து தரப்பு வாதங்களையும் பதிவு செய்து கொண்ட நீதிபதிகள், மேல்முறையீடு மனுக்கள் மீதான தீர்ப்பை தேதி குறிப்பிடாமல் ஒத்திவைத்தனர்.

நிதி நெருக்கடியில் சிக்கி தவிக்கும் லட்சுமி விலாஸ் வங்கியை டி.பி.எஸ். வங்கியுடன் இணைக்க மத்திய அரசு ஒப்புதல்

நிதி நெருக்கடியில் சிக்கி தவிக்கும் லட்சுமி விலாஸ் வங்கியை டி.பி.எஸ். வங்கியுடன் இணைக்க மத்திய அரசு ஒப்புதல் அளித்து உள்ளது.

கரூரை தலைமையகமாக கொண்டு செயல்படும் லட்சுமி விலாஸ் வங்கி கடும் நிதி நெருக்கடியில் சிக்கி தவிக்கிறது.

வாடிக்கையாளர்களின் நலன் கருதி தற்போது, அந்த வங்கியின் செயல்பாடுகளை ரிசர்வ் வங்கி தனது கட்டுப்பாட்டில் கொண்டு வந்துள்ளது. வாடிக்கையாளர்கள் பணம் எடுக்கவும் கட்டுப்பாடுகளை விதித்தது. இதன்படி லட்சுமி விலாஸ் வங்கி வாடிக்கையாளர்கள் தங்களுடைய வங்கி கணக்கில் இருந்து மாதத்திற்கு ரூ.25 ஆயிரத்துக்கு மேல் எடுக்க முடியாது என அறிவித்தது.

மேலும் லட்சுமி விலாஸ் வங்கியை டி.பி.எஸ் வங்கியுடன் இணைப்பதற்கான நடவடிக்கைகளை மேற்கொண்டு வருவதாக ரிசர்வ் வங்கி அறிவித்தது.

இந்த நிலையில், நேற்று மத்திய மந்திரிசபை கூட்டம் நடந்தது. இந்த கூட்டத்தில் லட்சுமி விலாஸ் வங்கியை டி.பி.எஸ். வங்கியுடன் இணைக்க ஒப்புதல் அளிக்கப்பட்டது. மேலும் வாடிக்கையாளர்களுக்கு விதிக்கப்பட்ட கட்டுப்பாடுகளும் நீக்கப்பட்டு உள்ளன. வங்கியின் 20 லட்சம் வாடிக்கையாளர்கள் மற்றும் 4 ஆயிரம் ஊழியர்களை பாதுகாக்கும் நடவடிக்கையாக இந்த முடிவு எடுக்கப்பட்டதாகவும், லட்சுமி விலாஸ் வங்கி நிதி நெருக்கடியில் சிக்கியதற்கு காரணமானவர்கள் தண்டிக்கப்படுவார்கள் என்றும் மத்திய மந்திரி பிரகாஷ் ஜவடேகர் தெரிவித்துள்ளார்.

15 வயது சிறுமியை பாலியல் பலியாக்கிய பா.ஜ.க. பிரமுகர் பரபரப்பு வாக்குமூலம் போலீஸ் இன்ஸ்பெக்டர் உள்பட அதிகாரிகளுக்கு இன்ப விருந்தாக்கினார்

சென்னையில், 15 வயது சிறுமியை இன்ஸ்பெக்டர் உள்பட அதிகாரிகளுக்கு இன்ப விருந்தாக்கியதாக, கைதான பா.ஜ.க. பிரமுகர் பரபரப்பு வாக்குமூலம் கொடுத்துள்ளதாக போலீசார் தெரிவித்தனர்.

சென்னையில் 15 வயது சிறுமி பாலியல் பலியாக்கப்பட்ட வழக்கில் சென்னை வண்ணாரப்பேட்டையைச் சேர்ந்த பா.ஜ.க. பிரமுகர் ராஜேந்திரன் (வயது 46) என்பவர் கைது செய்யப்பட்டு, நீதிமன்ற காவலில் சிறையில் அடைக்கப்பட்டார். அவருடன் சேர்ந்து சிறுமியை சின்னாபின்னமாக்கிய சென்னை எண்ணூர் போலீஸ் நிலைய இன்ஸ்பெக்டர் புகழேந்தியும் போக்சோ சட்டப்பிரிவில் கைது செய்யப்பட்டு சிறையில் அடைக்கப்பட்டார்.

தான் இந்த வழக்கில் சிக்கிய தோடு தனது நீண்ட கால நண்பரான இன்ஸ்பெக்டர் புகழேந்தியையும் போலீசில் சிக்க வைத்து விட்டார். மேலும் தனது பாலியல் லீலைகள் பற்றி போலீசாரிடம் ராஜேந்திரன் திடுக்கிடும் தகவல்களை வாக்குமூலமாக தெரிவித்துள்ளதாக கூறப்படுகிறது.

அவர் கொடுத்த வாக்குமூல விவரங்கள் பற்றி போலீஸ் அதிகாரி ஒருவர் கூறியதாவது:-

ராஜேந்திரன் பா.ஜ.க.வில் கடந்த சில மாதங்களுக்கு முன்புதான் சேர்ந்துள்ளார். இவர் கட்சியில் மிகுந்த தீவிரம் காட்ட மாட்டேன் என்று சொல்கிறார். காளான் விற்பனை செய்யும் தொழில் செய்கிறார். இன்ஸ்பெக்டர் புகழேந்தியும் இவரும் நெருங்கிய நண்பர்கள். விபசார கும்பலோடு தொடர்பு வைத்திருந்த ராஜேந்திரன், விபசார தொழிலுக்கு புதிதாக அழைத்து வரப்படும் பெண்களை குறிப்பாக சிறுமிகளை இவர், இன்ஸ்பெக்டர் புகழேந்தியோடு சேர்ந்து அடிக்கடி இன்பம் அனுபவித்துள்ளார்.

தற்போது பாதிக்கப்பட்ட சிறுமியுடனும் இவரும், இன்ஸ்பெக்டரும் ஒன்றாக உல்லாசமாக இருந்துள்ளனர். தனக்கு இதுபோல நெருக்கமான அரசு அதிகாரிகள் சிலருக்கும் குறிப்பிட்ட சிறுமி உள்பட பலரை இவர் இன்ப விருந்தாக்கி உள்ளார்.

சென்னை அயனாவரத்தில் 11 வயது சிறுமி பாலியல் பலியாக்கப்பட்ட சம்பவத்தை போன்று இதுவும் மிகவும் கொடூரமானது. அறியா பருவ இந்த சிறுமியை கொடூரமான முறையில் பாலியல் பலாத்காரம் செய்த அனைவரையும் பட்டியலிட்டு வருகிறோம். அனைவரும் கூண்டோடு கைது செய்யப்படுவார்கள்.

இவ்வாறு அந்த அதிகாரி கூறினார்.

இன்ஸ்பெக்டர் புகழேந்தி 1999-ம் ஆண்டு போலீஸ் துறையில் பணியில் சேர்ந்தார். இவர் தற்போது எண்ணூர் போலீஸ் நிலையத்தில் சட்டம்-ஒழுங்கு பிரிவில் இன்ஸ்பெக்டராக பணியாற்றினார். கொடுங்கையூரிலும் பணி புரிந்துள்ளார். இவருக்கு மனைவி, 15 வயது மகள், 13 வயது மகன் ஆகியோர் உள்ளனர். இவர் வேப்பேரி இன்ஸ்பெக்டர் போலீஸ் குடியிருப்பில் குடும்பத்துடன் வசிக்கிறார்.

இவர் பாலியல் துன்புறுத்தலில் ஈடுபட்ட சிறுமியும், இவரது மகள் வயதுதான் என்பது குறிப்பிடத்தக்கது. இந்த வழக்கில் கமிஷனர் மகேஷ்குமார் அகர்வால் உத்தரவின் பேரில், கூடுதல் கமிஷனர் அருண் மேற்பார்வையில், துணை கமிஷனர் ஜெயலட்சுமி இந்த அதிரடி கைது நடவடிக்கையில் இறங்கியுள்ளார் என்பது குறிப்பிடத்தக்கது.

மிரட்டுகிறது ‘நிவர்’ புயல்

வங்க கடலில் உருவாகி உள்ள நிவர் புயல் அதிதீவிர புயலாக மாறிவருகிறது.

இந்த புயலை எதிர்கொள்ள தமிழக அரசு பல்வேறு முன்எச்சரிக்கைகளை எடுத்து இருக்கிறது. கடலோர பகுதி முழுவதும் உஷார் படுத்தப்பட்டு இருக்கிறது

அவசர கட்டுப்பாட்டு மையம்

நிவர் புயலையொட்டி, தமிழகத்தில் மாவட்டந்தோறும் அமைக்கப்பட்டுள்ள கட்டுப்பாட்டு மையங்களை கண்காணிக்கும் பணியினையும், பொதுமக்கள் குறைகளை கேட்டறிந்து நிவர்த்தி செய்யும் பணிகளையும் சென்னை எழிலகத்தில் உள்ள மாநில பேரிடர் அவசர கட்டுப்பாட்டு மையம் முழுவீச்சில் மேற்கொண்டு வருகிறது.

வருவாய் மற்றும் பேரிடர் மேலாண்மைத்துறை அமைச்சர் ஆர்.பி.உதயகுமார், முதன்மை செயலாளர் அதுல்ய மிஸ்ரா, நிர்வாக கமிஷனர் பணீந்திர ரெட்டி மற்றும் அதிகாரிகள் குழுவினர் முகாமிட்டு இப்பணிகளை கண்காணித்து வருகின்றனர்.

முதல்-அமைச்சர் ஆய்வு

இந்தநிலையில் பேரிடர் அவசர கட்டுப்பாட்டு மையத்தின் செயல்பாடுகளை முதல்-அமைச்சர் எடப்பாடி பழனிசாமி நேற்று மதியம் 3.40 மணியளவில் ஆய்வு செய்தார்.

கட்டுப்பாட்டு அறையில் பணியில் அமர்த்தப்பட்ட ஊழியர்களிடம் புயல் பாதிப்பு குறித்து எவ்வாறு தகவல்கள் பரிமாறப்படுகிறது? அவசர உதவிக்கேட்கும் மக்களுக்கு உடனடியாக உதவிகள் கிடைப்பதற்கு நடவடிக்கைகள் எடுக்கப்படுகிறதா? என்று முதல்-அமைச்சர் கேட்டறிந்தார். அப்போது ஊழியர்கள் எழுந்து நின்று பதிலளிக்க முயன்றனர். ஆனால் முதல்-அமைச்சர், அவர்களிடம் நீங்கள் இருக்கையில் அமர்ந்தபடி கூறுங்கள் என்றார். காணொலிக்காட்சி மூலம் மற்ற மாவட்டங்களில் செயல்படும் வரும் கட்டுப்பாட்டு மையங்களையும் முதல்-அமைச்சர் எடப்பாடி பழனிசாமி தொடர்பு கொண்டு ஆலோசனை வழங்கினார்.

மாநில பேரிடர் அவசர கட்டுப்பாடு மையத்தில் ஆய்வுக்கு பின்னர், முதல்-அமைச்சர் எடப்பாடி பழனிசாமி சிறிதுநேரம் அங்கு ஆலோசனை மேற்கொண்டார்.

மாவட்ட கலெக்டர்களுக்கு அறிவுரை

அதன்பின்னர் முதல்- அமைச்சர் எடப்பாடி பழனிசாமி நிருபர்களுக்கு பேட்டியளித்தார். அப்போது அவர் கூறியதாவது:-

நிவர் புயல் நாளை (இன்று) மாலை கரையை கடக்கும் என இந்திய வானிலை ஆராய்ச்சி மையம் அறிவித்துள்ளது. நிவர் புயல் முன்எச்சரிக்கை நடவடிக்கை குறித்து அனைத்து மாவட்ட கலெக்டர்களுக்கும் தேவையான அறிவுரைகள் வழங்கப்பட்டு இருக்கிறது. 4,134 இடங்கள் பாதிக்கப்படும் பகுதிகளாக கண்டறியப்பட்டு, அங்கு தனி கவனம் செலுத்தப்பட்டு வருகிறது. 3,144 இடங்களில் நிவாரண முகாம்கள் தயார் நிலையில் வைக்கப்பட்டுள்ளது.

தற்போது அரியலூர், கடலூர் உள்பட 9 மாவட்டங்களை சேர்ந்த தாழ்வான பகுதிகளில் வசிக்கும் 254 பேர் முதற்கட்டமாக முகாம்களில் தங்க வைக்கப்பட்டுள்ளனர். அனைத்து வசதிகளும் ஏற்படுத்தி தயார் நிலையில் முகாம்கள் இருக்கிறது.

இன்று பொது விடுமுறை

புயல் வருகிறபோது மக்கள் பாதுகாப்பாக இருக்கவேண்டும். தேவையில்லாமல் வெளியே செல்லக்கூடாது. ஏற்கனவே புயல் முன்எச்சரிக்கை நடவடிக்கையாக 7 மாவட்டங்களில் பஸ் போக்குவரத்து நிறுத்தப்பட்டுள்ளது. இந்தநிலையில் நாளை (இன்று) தமிழகத்தில் அரசு விடுமுறை அளிக்கப்படுகிறது. அரசு அலுவலகங்கள் நாளை (இன்று) இயங்காது. அதேவேளை அத்தியாவசிய பணியில் ஈடுபடும் அலுவலர்கள் வழக்கம்போல பணிபுரிவார்கள். பின்னர் நிலைமைக்கு ஏற்ப என்ன நடவடிக்கைகளை கையாளுவது என அரசு முடிவு செய்யும். நிவர் புயலால் மக்கள் பாதிக்கக்கூடாது என்ற வகையில் அனைத்து முன்னெச்சரிக்கை நடவடிக்கைகளையும் அரசு எடுத்து வருகிறது.

இவ்வாறு அவர் கூறினார்.

பின்னர் நிருபர்கள் கேட்ட கேள்விகளும், அதற்கு முதல்-அமைச்சர் எடப்பாடி பழனிசாமி அளித்த பதில்களும் வருமாறு:-

பாசன ஏரிகளில்...

கேள்வி:- பாசன ஏரிகளில் நீர் எவ்வளவு இருக்கிறது?

பதில்:- தமிழகத்தில் 14 ஆயிரத்து 139 பாசன ஏரிகள் உள்ளன. இதில் 1,519 ஏரிகள் முழு கொள்ளளவை எட்டியுள்ளது. மீதமுள்ள ஏரிகளில் வெவ்வேறு அளவுகளில் நீர் இருக்கிறது.

கேள்வி:- புயல் முன்னெச்சரிக்கை நடவடிக்கைகளில் எந்தளவு களப்பணியாளர்கள் தயார் நிலையில் இருக்கிறார்கள்?

பதில்:- மரங்கள் சாய்ந்தால் அதனை அப்புறப்படுத்த பணியாளர்கள் தயார் நிலையில் இருக்கிறார்கள். எங்கு பாதிப்பு ஏற்பட்டாலும் அங்கிருக்கும் மக்களை பாதுகாக்கவும், மீட்கவும் அனைத்துத்துறை பணியாளர்களும் தயாராக இருக்கிறார்கள். முன்னெச்சரிக்கை நடவடிக்கைகளில் அரசு முழுவீச்சில் பணிகளை முடுக்கி விட்டிருக்கிறது. பாதிக்கப்படும் பகுதிகளில் மக்களை மீட்க 14,232 பெண்கள் உள்பட 43,400 முதல் நிலை மீட்பாளர்களும், கால்நடைகளை பாதுகாக்க 8,871 பேரும் தயார் நிலையில் இருக்கிறார்கள். சாலையில் விழும் மரங்களை அகற்ற 9,909 முதுநிலை மீட்பாளர்கள், பேரிடர் மீட்பு படையில் பயிற்சி பெற்ற 5,505 காவலர்கள், 691 ஊர்காவல் படையினர், 4,691 தீயணைப்பு மற்றும் மீட்பு படையினர், 9,853 பாதுகாப்பு பயிற்சி பெற்ற தன்னார்வலர்களும் தயார் நிலையில் இருக்கிறார்கள்.

நிவாரண முகாம்கள்

3,094 கல்வி நிறுவனங்கள், 2,561 தொழிற்சாலைகள் மற்றும் பொதுமக்கள் கூடும் இடங்களில் பாதுகாப்பு ஒத்திகை பயிற்சி நடத்தப்பட்டுள்ளது. 11,387 பாலங்கள், 1,09,808 சிறுபாலங்களில் பழுதுகள் மற்றும் அடைப்புகள் நீக்கப்பட்டுள்ளன. சாலைகளில் மழைநீர் தேங்காமல் எளிதாக செல்வதற்கு நடவடிக்கை எடுக்கப்பட்டு இருக்கிறது.

தாழ்வான பகுதிகளில் வசிக்கும் மக்களை பாதுகாக்கும் பொருட்டு 121 பல்நோக்கு பாதுகாப்பு மையங்கள் ஏற்படுத்தப்பட்டு உள்ளன. மேலும் பள்ளி, கல்லூரிகள், திருமண மண்டபங்களும் தயார்நிலையில் இருக்கின்றன. 3,905 மரம் அறுக்கும் எந்திரங்கள், சாய்ந்த மரங்களை உடனடியாக அப்புறப்படுத்த 2,897 ஜே.சி.பி. எந்திரங்களும் தயாராகவே இருக்கின்றன.

நிவாரண முகாம்களில் மின்தடை ஏற்பட்டால் சமாளிப்பதற்காக 2,115 ஜெனரேட்டர்கள் தயார் நிலையில் உள்ளன. மழைநீர் தேங்காத வகையில் 483 அதிக திறன் கொண்ட பம்புகள், மீட்பு குழுக்கள் மற்றும் 108 ஆம்புலன்சுகள் 465 என்ற எண்ணிக்கையில் தயார் நிலையில் இருக்கின்றன.

பிரதமர் உறுதி

கேள்வி:- புயலால் பாதிக்கப்பட்டவர்களுக்கு இழப்பீடு கிடைக்குமா?

பதில்:- பாதிக்கப்படுபவர்களுக்கு இழப்பீட்டு தொகை நிச்சயம் கொடுக்கப்படும்.

கேள்வி:- பிரதமர் நரேந்திர மோடி தொலைபேசியில் உங்களிடம் என்ன பேசினார்?

பதில்:- தமிழகத்தில் புயல் என தகவல் வந்துள்ளது. அதற்கு மத்திய அரசு துணைநிற்கும். உங்களுக்கு வேண்டிய உதவிகளை செய்து தருவோம் என்று பிரதமர் நம்பிக்கை அளித்தார்.

இவ்வாறு அவர் கூறினார்.

பட அதிபர்கள் சங்க தேர்தலில் ‘தேனாண்டாள் பிலிம்ஸ்’ முரளி வெற்றி செயலாளர்களாக ராதாகிருஷ்ணன், மன்னன் தேர்வு

தமிழ் திரைப்பட தயாரிப்பாளர்கள் சங்க தேர்தலில் ராமநாராயணனின் மகனும், தேனாண்டாள் பிலிம்ஸ் பட நிறுவனத்தின் அதிபருமான முரளி வெற்றி பெற்றார். செயலாளர்களாக ராதாகிருஷ்ணன், மன்னன் ஆகிய இருவரும் தேர்ந்தெடுக்கப்பட்டனர்.

தமிழ் திரைப்பட தயாரிப்பாளர்கள் சங்கத்துக்கு 2 வருடங்களுக்கு ஒருமுறை தேர்தல் நடைபெறும். ஏற்கனவே பொறுப்பு வகித்த நிர்வாகிகளின் பதவி காலம் முடிவடைந்ததை தொடர்ந்து 2020-2022-ம் ஆண்டுகளுக்கான புதிய நிர்வாகிகளை தேர்வு செய்வதற்கு நேற்று முன்தினம் தேர்தல் நடந்தது. ஓட்டுப்பதிவு, சென்னை அடையாரில் உள்ள எம்.ஜி.ஆர்-ஜானகி கல்லூரியில் நடந்தது.

மொத்தம் உள்ள 1,303 ஓட்டுகளில், 1,050 ஓட்டுகள் பதிவாகி இருந்தது. ஓட்டு எண்ணிக்கை நேற்று காலை நடந்தது. பகல் 11 மணி அளவில் முடிவுகள் அறிவிக்கப்பட்டன. தலைவர் பதவிக்கு போட்டியிட்ட 3 பேர்களில், முரளி வெற்றி பெற்றார். இவர், தயாரிப்பாளர்கள் சங்க முன்னாள் தலைவர் ராமநாராயணனின் மகன். தேனாண்டாள் பிலிம்ஸ் பட நிறுவனத்தின் அதிபர். இவரை எதிர்த்து போட்டியிட்ட டைரக்டர் டி.ராஜேந்தர், பட அதிபர் பி.எல்.தேனப்பன் ஆகிய இருவரும் தோல்வி அடைந்தார்கள். ஓட்டு விவரம் வருமாறு:-

தேனாண்டாள் பிலிம்ஸ் முரளி-557; டி.ராஜேந்தர்-388; பி.எல்.தேனப்பன்-87; செல்லாதவை-18.

2 செயலாளர்களுக்கான பதவிக்கு போட்டியிட்டவர்களில் ராதாகிருஷ்ணன் 539 ஓட்டுகளும், மன்னன் 405 ஓட்டுகளும் பெற்று வெற்றி பெற்றார்கள். இவர்களுடன் செயலாளர் பதவிக்கு போட்டியிட்ட கே.ஜே.ராஜேஷ் 301 ஓட்டுகளும், போஸ் 374 ஓட்டுகளும், கலைப்புலி ஜி.சேகரன் 318 ஓட்டுகளும் வாங்கி இருந்தார்கள்.

2 துணைத்தலைவர்கள் பதவிக்கு போட்டியிட்டவர்களில் கதிரேசன், ஆர்.கே.சுரேஷ் ஆகிய இருவரும் வெற்றி பெற்றார்கள். கதிரேசன் 493 ஓட்டுகளும், ஆர்.கே.சுரேஷ் 419 ஓட்டுகளும் வாங்கி இருந்தார்கள்.

பொருளாளர் பதவிக்கு போட்டியிட்டவர்களில் சந்திரபிரகாஷ் ஜெயின் 407 ஓட்டுகள் வாங்கி வெற்றி பெற்றார். இவரை எதிர்த்து போட்டியிட்ட கே.ராஜன் 382 ஓட்டுகளும், ஜே.எஸ்.கே.சதீஷ்குமார் 233 ஓட்டுகளும் வாங்கியிருந்தார்கள்.

அமெரிக்கர்களுக்கு அடுத்த மாதம் முதல் தடுப்பூசி போடப்படும் வெள்ளை மாளிகை அதிகாரி தகவல்

அமெரிக்காவின் உணவு மற்றும் மருந்து நிர்வாகம் (எப்.டி.ஏ.) அனுமதி அளித்தால் அடுத்த மாதம் (டிசம்பர்) 2-வது வாரத்தில் இருந்து அமெரிக்கர்களுக்கு தடுப்பூசி போடப்படும் என வெள்ளை மாளிகை அதிகாரி தெரிவித்தார்.

உலக அளவில் கொரோனாவால் அதிகம் பாதித்த நாடாக அமெரிக்கா அறியப்படுகிறது. அங்கு 1.2 கோடிக்கும் அதிகமானோர் தொற்றால் பாதிக் கப்பட்டு இருப்பதுடன், 2½ லட்சத்துக்கு அதிகமானோர் உயிரிழந்தும் உள்ளனர். இதனால் தொற்றை தடுக்கும் பணிகளை அமெரிக்க அரசு முடுக்கி விட்டு உள்ளது.

இது ஒருபுறம் இருக்க, கொரோனாவுக்கு எதிரான தடுப்பூசியை விரைவில் தயாரித்து நாட்டு மக்களை பாதுகாக்க அமெரிக்காவின் முன்னணி மருந்து நிறுவனங்களும் இரவு பகலாக ஈடுபட்டு உள்ளன. இதில் சில நிறுவனங்கள் வெற்றியும் பெற்று தங்கள் தடுப்பூசியை பரிசோதித்தும் வருகின்றன.

இதில் முக்கியமாக, புகழ்பெற்ற பைசர் மருந்து நிறுவனம் தனது ஜெர்மனி கூட்டாளியான பயோன்டெக்குடன் இணைந்து தயாரித்த தடுப்பூசி ஒன்று இறுதிக்கட்ட பரிசோதனையில் இருக்கிறது. இந்த தடுப்பூசி 95 சதவீதத்துக்கும் மேலான பலனை தருவதாக கண்டறியப்பட்டு உள்ளது.

எனவே இந்த தடுப்பூசியை அவசர தேவைக்கு பயன்படுத்த அனுமதிக்குமாறு அமெரிக்க உணவு மற்றும் மருந்து நிர்வாகத்திடம் (எப்.டி.ஏ.) பைசர் நிறுவனம் கடந்த 20-ந்தேதி வேண்டுகோள் விடுத்து உள்ளது.

இதைப்போல அமெரிக்காவின் மாடர்னா மருந்து நிறுவனம் தயாரித்த தடுப்பூசி ஒன்றும் 95 சதவீதம் அளவுக்கு பலன் தருவதாக அந்த நிறுவனம் அறிவித்து இருக்கிறது. இதனால் அவசர தேவைகளுக்கு தங்கள் தடுப்பூசியை பயன்படுத்த அனுமதி கேட்டு எப்.டி.ஏ.வில் மாடர்னாவும் விண்ணப்பிக்கும் என எதிர்பார்க்கப்படுகிறது.

இந்தநிலையில் பைசர் நிறுவனத்தின் வேண்டுகோள் குறித்து முடிவு செய்வதற்காக எப்.டி.ஏ.யின் ஆலோசனைக்குழு கூட்டம் அடுத்த மாதம் (டிசம்பர்) 10-ந்தேதி நடக்கிறது. இந்த கூட்டத்தில் மேற்படி தடுப்பூசிக்கு ஒப்புதல் அளிக்கப்பட்டால் மறுநாளில் இருந்தே அமெரிக்கர்களுக்கு தடுப்பூசி போடப்படும் என தகவல் வெளியாகி உள்ளது. இதன் மூலம் டிசம்பர் 2-வது வாரத்தில் முதலாவது அமெரிக்கர் தடுப்பூசியை பெறுவார் என அதிகாரிகள் தெரிவித்து உள்ளனர்.

இது தொடர்பாக வெள்ளை மாளிகையின் தடுப்பூசி தலைமை அதிகாரியும், அமெரிக்காவின் கொரோனா தடுப்பூசி திட்ட தலைவருமான டாக்டர் மான்செப் ஸ்லாய் கூறுகையில், ‘பைசர் நிறுவன தடுப்பூசிக்கு எப்.டி.ஏ. ஒப்புதல் அளித்துவிட்டால் 24 மணி நேரத்தில் தடுப்பூசியை தேவைப்படும் இடங்களுக்கு கொண்டு சேர்க்க எங்களால் முடியும். எனவே டிசம்பர் 11 அல்லது 12-ந்தேதி முதல் அமெரிக்கர்களுக்கு தடுப்பூசி போடப்படும்’ என நம்பிக்கை தெரிவித்தார்.

இந்த தடுப்பூசி அமெரிக்கா முழுவதும் போடப்படும், அதாவது அனைத்து மாகாணங்களிலும் பரவலாக போடப்படும் எனக்கூறிய டாக்டர் மான்செப், அமெரிக்க சுகாதாரத்துறை எங்களுக்கு தெரிவிக்கும் பகுதிகளுக்கு எல்லாம் இந்த தடுப்பூசி அனுப்பி வைக்கப்படும் எனவும் தெரிவித்தார்.

பைசர் மற்றும் மாடர்னா நிறுவனங்களின் தடுப்பூசியின் தரம் வெளியாகி இருக்கும் நிலையில் மே மாத இறுதிக்குள் அமெரிக்காவின் 70 சதவீத மக்களுக்கு தடுப்பூசி போடப்படும் எனவும், இதன் மூலம் உண்மையான கூட்டு நோய் எதிர்ப்பு சக்தியை சாதிக்க முடியும் எனவும் அவர் நம்பிக்கை வெளியிட்டார்.

ஆன்லைன் ரம்மிக்கு தடை விதித்து அவசர சட்டம் தமிழக அரசிதழில் வெளியீடு

ஆன்லைன் ரம்மி உள்ளிட்ட சூதாட்ட விளையாட்டுகளை தடை செய்து அவசர சட்டம் பிறப்பிக்கப்பட்டுள்ளது. இது தற்போது தமிழக அரசிதழில் வெளியிடப்பட்டு உள்ளது.

தற்கொலை

தமிழகத்தில் ஆன்லைன் மூலம் பணம் வைத்து ரம்மி உள்ளிட்ட சூதாட்ட விளையாட்டுகள், இளைஞர்கள் மத்தியில் அமோக வரவேற்பை பெற்றிருந்தன. ஆனால் அதில் பங்கேற்கும் சிலர் பணத்தை இழந்து, வேதனையில் தற்கொலை செய்யும் நிலையும் அதிகரித்து வந்தது.

இது மக்கள் மத்தியில் அதிர்ச்சியையும், எதிர்ப்பையும் ஏற்படுத்தியது. அரசியல் கட்சிகளும் ஆன்லைன் சூதாட்ட விளையாட்டை எதிர்த்து குரல் கொடுத்தன.

அவசர சட்டம்

ஆன்லைன் சூதாட்ட விளையாட்டுகளுக்கு எதிராக தொடரப்பட்ட வழக்குகளில், மத்திய, மாநில அரசுகளிடம் ஐகோர்ட்டு சில கேள்விகளை எழுப்பி இருந்தது.

இந்த நிலையில், ஆன்லைன் சூதாட்ட விளையாட்டுகள் விரைவில் தடை செய்யப்படும் என்று முதல்-அமைச்சர் எடப்பாடி பழனிசாமி அறிவிப்பு வெளியிட்டார். ஆன்லைன் ரம்மி உள்ளிட்ட இணையதள சூதாட்ட விளையாட்டுகளை தடை செய்யும் அவசர சட்டம் பிறப்பிக்கப்பட்டுள்ளது.

திருத்தங்கள்

இதுகுறித்து தமிழக அரசிதழில் வெளியிடப்பட்டுள்ள அவசர சட்டத்தில் கூறப்பட்டு இருப்பதாவது:-

தமிழக சட்டசபை கூடாத நிலையில் கவர்னரால் இந்த அவசர சட்டம் கொண்டு வரப்படுகிறது. இந்த அவசர சட்டத்தின்படி தமிழ்நாடு விளையாட்டுகள் சட்டம்- 1930, சென்னை நகர போலீஸ் சட்டம்-1888, தமிழ்நாடு மாவட்ட போலீஸ் சட்டம்-1859 ஆகியவற்றில் திருத்தம் மேற்கொள்ளப்படுகிறது.

தமிழ்நாடு விளையாட்டு மற்றும் போலீஸ் சட்டங்கள் (திருத்தம்) அவசர சட்டம் என்று அழைக்கப்படும் இந்த அவசர சட்டம் 21-ந் தேதி முதல் அமலுக்கு வருகிறது.

சிறை தண்டனை

இந்த அவசர சட்டத்தின்படி, ஏற்கனவே இருக்கும் சட்டப்பிரிவில் ‘எலக்ட்ரானிக் ரெகார்டு’, கம்ப்யூட்டர், கம்ப்யூட்டர் தொழில்நுட்பம், இணையதளம் மற்றும் அவற்றின் தொடர்புடைய எந்தவொரு சாதனம் ஆகியவையும் இணைக்கப்படுகின்றன.

இந்த அவசர சட்டத்தின்படி, ஒரு நிறுவனமோ அல்லது அந்த நிறுவனத்துடன் விளையாட்டு ரீதியான தொடர்பு வைத்துக்கொள்பவரும் குற்றச்சாட்டுக்கு ஆளாவர்.

கம்ப்யூட்டர் சாதனம் மூலம் தடை செய்யப்பட்டுள்ள விளையாட்டை நடத்தும்பட்சத்தில், அந்த நபருக்கோ, கம்பெனியின் உயர் அதிகாரிக்கோ ரூ.5 ஆயிரம் அபராதம், 6 மாதம் ஜெயில் தண்டனை விதிக்கப்படும்.

அதுபோல அதற்கான அரங்கம் வைத்திருக்கும் பட்சத்தில் ரூ.10 ஆயிரம் அபராதம், 2 ஆண்டுகள் ஜெயில் தண்டனை விதிக்கப்படும்.

இவ்வாறு அதில் கூறப்பட்டுள்ளது.

காரைக்கால்-மாமல்லபுரம் இடையே தீவிர புயலாக நாளை கரையை கடக்கும் ‘நிவர்’ வானிலை ஆய்வுமையம் தகவல்

வங்கக்கடலில் நிலைக்கொண்டு இருக்கும் தாழ்வுமண்டலம் தீவிர புயலாக(நிவர்) காரைக்கால்-மாமல்லபுரம் இடையே நாளை(புதன்கிழமை) கரையை கடக்கும் என்று வானிலை ஆய்வு மையம் தெரிவித்துள்ளது.

இந்த நிலையில் நிவர் புயலின் அடுத்தக்கட்டம் எப்படி இருக்கும்?, அதன் நகர்வு எங்கே இருக்கும்?, எந்த பகுதிகளில் கரையை கடக்கும்? என்பது குறித்து வானிலை ஆய்வு மையத்தின் தென் மண்டல தலைவர் எஸ்.பாலச்சந்திரன் நேற்று நிருபர்களிடம் கூறியதாவது:-

தென்மேற்கு வங்கக்கடல் பகுதிகளில் இருக்கும் காற்றழுத்த தாழ்வு மண்டலம் சென்னைக்கு தென்கிழக்கே 520 கிலோ மீட்டர் தொலைவில் நிலை கொண்டு இருக்கிறது. இது அடுத்த 24 மணிநேரத்தில் (இன்று) புயலாகவும், அதனைத்தொடர்ந்து தீவிர புயலாகவும் வலுப்பெறக்கூடும். இது வடமேற்கு திசையில் நகர்ந்து தற்போதைய நிலவரப்படி காரைக்கால்-மாமல்லபுரம் இடையே நாளை (புதன்கிழமை) பிற்பகலில் கரையை கடக்கும் என்று எதிர்பார்க்கப்படுகிறது.

இதன் காரணமாக தமிழகம் மற்றும் புதுச்சேரியில் இன்று முதல் 3 நாட்களுக்கு மழை பெய்யக்கூடும். இன்றும், நாளையும் தஞ்சை, திருவாரூர், நாகப்பட்டினம் ஆகிய டெல்டா மாவட்டங்கள் மற்றும் காஞ்சீபுரம், செங்கல்பட்டு, திருவள்ளூர், கடலூர், விழுப்புரம், கள்ளக்குறிச்சி, புதுக்கோட்டை மாவட்டங்களில் ஓரிரு இடங்களில் அதி கனமழை பெய்யக்கூடும்.

அதேபோல் ஏனைய வடமாவட்டங்களான வேலூர், திருப்பத்தூர், ராணிப்பேட்டை, திருவண்ணாமலை, கிருஷ்ணகிரி, சேலம், தர்மபுரி, நாமக்கல், நீலகிரி, திருப்பூர், கோவை, ஈரோடு, கரூர், திருச்சி, அரியலூர், பெரம்பலூர் மாவட்டங்களில் ஒரு சில இடங்களில் கன முதல் மிக கனமழையும் பெய்ய வாய்ப்பு இருக்கிறது. சென்னை மற்றும் புறநகரை பொறுத்தவரையில் நகரின் சில பகுதிகளில் கனமழை பெய்யக்கூடும்.

புயல் தொடர்பாக அரசு விடுக்கும் முன்னெச்சரிக்கை நடவடிக்கைகளை பொதுமக்கள் கவனமாக பின்பற்றவேண்டும். அத்தியாவசியமான உணவு, குடிநீர், மருந்து பொருட்களை கைவசம் வைத்துக்கொள்ள வேண்டும். தேவையற்ற பயணங்களை தவிர்ப்பது நல்லது.

இவ்வாறு அவர் கூறினார்.

திருவண்ணாமலையில் தீபத்திருவிழா

திருவண்ணாமலையில் தீபத்திருவிழாவையொட்டி வருகிற 27-ந் தேதி முதல் 3 நாட்களுக்கு வெளியூர் நபர்கள் தங்குவதற்கு அனுமதியில்லை என அறிவிக்கப்பட்டுள்ளது.

திருவண்ணாமலை அருணாசலேஸ்வரர் கோவிலில் கார்த்திகை தீபத் திருவிழா நடைபெற்று வருகிறது. சிகர நிகழ்ச்சியாக வருகிற 29-ந் தேதியன்று (ஞாயிற்றுக்கிழமை) 2 ஆயிரத்து 668 அடி உயரம் உள்ள மலை உச்சியில் மகா தீபம் ஏற்றப்பட உள்ளது. தீபத் திருநாளை முன்னிட்டு திருவண்ணாமலை நகரத்தில் உள்ள திருமண மண்டப உரிமையாளர்கள், தங்கும் விடுதி உரிமையாளர்கள் மேற்கொள்ளப்பட வேண்டிய நடவடிக்கைகள் தொடர்பாக திருவண்ணாமலை வருவாய் கோட்ட அலுவலகத்தில் உதவி கலெக்டர் ஸ்ரீதேவி தலைமையில் ஆய்வுக் கூட்டம் நடைபெற்றது. கூட்டத்தில் திருவண்ணாமலை நகர உட்கோட்ட உதவி போலீஸ் சூப்பிரண்டு கிரண்ஸ்ருதி, துணை போலீஸ் சூப்பிரண்டு அண்ணாதுரை மற்றும் திருமண மண்டபம், மடத்தின் உரிமையாளர்கள், தங்கும் விடுதி உரிமையாளர்கள் கலந்து கொண்டனர்.

ஊரடங்கு உத்தரவு அமலில் இருப்பதால் கொரோனா தொற்று பரவல் இல்லாமல் கார்த்திகை தீபத் திருவிழா நடைபெறுவதற்கு ஏதுவாக முன்னெடுக்கப்பட வேண்டிய நடவடிக்கைகள் குறித்து விவாதிக்கப்பட்டது. 29-ந் தேதி நடைபெற உள்ள தீபத் திருநாளையொட்டி 27-ந் தேதியில் இருந்து 3 நாட்களுக்கு எந்தவித நிகழ்ச்சிகளும், வெளியூர் நபர்கள் தங்குவதற்கு அனுமதியும் அளிக்கக் கூடாது. அடுத்து 4 நாட்கள் தங்குவதற்கு பதிவு செய்தவர்கள் குறித்த விவரங்களை போலீசாருக்கும், வருவாய் துறைக்கும் அளிக்க வேண்டும் என்று அதிகாரிகள் தெரிவித்தனர். மேலும் வருகிற 27-ந் தேதி (வெள்ளிக்கிழமை) வரை சுபமுகூர்த்தம் இருப்பதால் அன்று மாலை வரை நிகழ்ச்சி ஏற்பாட்டாளர்கள் தங்க அனுமதிக்க வேண்டும் என்று திருமண மண்டப உரிமையாளர்கள் கூட்டத்தில் கோரிக்கை வைத்தனர். அதைத் தொடர்ந்து திருமண மண்டபம், மடம் மற்றும் தங்கும் விடுதியில் வருகிற 27-ந் தேதியன்று காலை வரை நிகழ்ச்சிகள் நடத்திக் கொள்ளவும், நிகழ்ச்சி ஏற்பாட்டாளர்கள் அன்று இரவு 12 மணி வரை தங்கிக் கொள்ள அனுமதித்தும், இரவு 12 மணிக்கு மேல் வெளியூர் நபர்கள் அனைவரும் மடம், திருமண மண்டபம் மற்றும் தங்கும் விடுதி விட்டு வெளியேறிவிட வேண்டும் என்று அதிகாரிகள் தெரிவித்தனர்.

மேலும் 28-ந் தேதி மற்றும் 29-ந் தேதி ஆகிய 2 நாட்கள் எவ்வித நிகழ்ச்சியும் நடத்தக் கூடாது என்றும், அன்னதானத்திற்காக உணவு சமைக்கவும், வழங்கவும், உணவு பொருட்கள் வெளியிலிருந்து பெற தடை விதித்தும் அதிகாரிகள் உத்தரவிட்டனர்.