Skip to main content

மாவட்ட கல்வி அதிகாரிகள் தேர்வு: இறுதி மதிப்பெண் பட்டியலில் ஷெர்லின் விமல் முதல் இடம் 20 இடங்களுக்கு 47 பேரிடம் நேர்காணல் நடந்தது

மாவட்ட கல்வி அதிகாரிகள் தேர்வு இறுதி மதிப்பெண் பட்டியலில் மார்த்தாண்டத்தை சேர்ந்த ஷெர்லின் விமல் முதல் இடத்தை பெற்றுள்ளார். மொத்தம் 20 இடங்களுக்கு 47 பேரிடம் நேர்காணல் நடந்தது.

தமிழ்நாடு அரசு பணியாளர் தேர்வாணையத்தால்(டி.என்.பி.எஸ்.சி.) கல்வித்துறையில் 2014-ம் ஆண்டு முதல் 2017-ம் ஆண்டு வரையிலான காலகட்டத்தில் காலியாக இருந்த 20 மாவட்ட கல்வி அதிகாரி பதவிகளுக்கான அறிவிப்பை வெளியிட்டது. இதற்கு பலர் விண்ணப்பித்து இருந்தனர். இந்த பதவிக்கு முதல்நிலை, முதன்மை மற்றும் நேர்காணல் தேர்வு அடிப்படையில் தேர்வு செய்யப்படுவார்கள்.

முதல்நிலைத் தேர்வு கடந்த ஆண்டு(2019) மார்ச் மாதம் 2-ந்தேதி நடந்தது. அந்த தேர்வில் வெற்றி பெற்றவர்கள் அடுத்தக்கட்டமாக நடைபெறும் முதன்மை தேர்வு எழுத தகுதியுள்ளவர்கள் ஆவார்கள். அதன்படி, கடந்த ஆண்டு ஜூலை மாதம் 27-ந்தேதி முதல் 29-ந்தேதி வரை முதன்மை தேர்வு நடத்தப்பட்டது.

இதற்கிடையில் கொரோனா நோய்த்தொற்று காரணமாக ஏற்படுத்தப்பட்ட ஊரடங்கால் டி.என்.பி.எஸ்.சி. அனைத்து தேர்வு முடிவுகளையும் வெளியிடாமல் இருந்தது. தற்போது ஊரடங்கு தளர்வு அறிவிக்கப்பட்டதை தொடர்ந்து டி.என்.பி.எஸ்.சி. தேர்வு முடிவுகளை வெளியிட்டு வருகிறது.

அந்தவகையில் முதன்மைத் தேர்வு அடிப்படையில் நேர்காணலுக்கு தகுதி பெற்றவர்களின் விவரங்கள் கடந்த 8-ந்தேதி தேர்வாணையத்தின் இணையதளத்தில் வெளியிடப்பட்டது. அதன்படி 20 மாவட்ட கல்வி அதிகாரி பதவிகளுக்கு 47 பேர் நேர்காணல் தேர்வுக்கு அழைக்கப்பட்டு இருந்தனர். அவர்களுக்கான நேர்காணல் தேர்வு நேற்று நடைபெற்றது.

நேர்காணல் தேர்வு முடிந்ததும், முதன்மை தேர்வு மற்றும் நேர்காணல் தேர்வில் பெற்ற மதிப்பெண்கள் அடங்கிய இறுதி மதிப்பெண் பட்டியலை டி.என்.பி.எஸ்.சி. நேற்று இரவே வெளியிட்டது.

அதில், கன்னியாகுமரி மாவட்டம், மார்த்தாண்டம் குழிவிளையை சேர்ந்த ஷெர்லின் விமல்(வயது 26) என்பவர் 643.75 மதிப்பெண் பெற்று முதல் இடத்தை பெற்று இருக்கிறார். இவர் ஏற்கனவே குரூப்-2 ஏ தேர்வில் வெற்றி பெற்று கல்வித்துறையில் உதவியாளராக பணிபுரிந்து, அதன்பிறகு குரூப்-2(நேர்காணல்) தேர்வில் வெற்றிபெற்று முதுநிலை வருவாய் ஆய்வாளராக பணிபுரிந்து வருகிறார் என்பது குறிப்பிடத்தக்கது.

அதேபோல், இறுதி மதிப்பெண் பட்டியலில் கடலூர் மாவட்டத்தை சேர்ந்த சூசைமரியநாதன் என்பவர் 3-வது இடத்தையும்(பிற்படுத்தப்பட்டோர் பிரிவில்), ஈரோட்டை சேர்ந்த ராஜூ 4-வது இடத்தையும்(மிகவும் பிற்படுத்தப்பட்டோர் பிரிவில்) பெற்றுள்ளனர். இவர்களில் ராஜூ என்பவர் கூலித்தொழிலாளியின் மகன் ஆவார். சூசை மரியநாதனின் தந்தை மின்சார வாரியத்தில் பணிபுரிகிறார்.

இதுகுறித்து முதல் மதிப்பெண் பெற்ற ஷெர்லின் விமல் கூறுகையில், ‘என்னுடைய குடும்பத்தினர் கல்வித்துறையில் மிகுந்த ஈடுபாடு கொண்டவர்கள். தந்தை ஓய்வுபெற்ற தலைமை ஆசிரியர், தாயார் தற்போது ஆசிரியராக பணிபுரிந்து வருகிறார். அந்தவகையில் நானும் தற்போது கல்வித்துறையில் சேவை புரிய போகிறேன். மதிப்பெண் பட்டியலில் முதல் இடத்துக்கு வந்தது ரொம்ப மகிழ்ச்சி’ என்றார்.

Comments

Popular posts from this blog

அரசு ஊழியர்களின் அகவிலைப்படி நிறுத்த உத்தரவை ரத்து செய்ய வேண்டும் மத்திய அரசு ஊழியர் மகா சம்மேளனம் வேண்டுகோள்.

மத்திய அரசு ஊழியர்களின் அகவிலைப்படி நிறுத்த உத்தரவை வாபஸ் பெற வேண்டும் என்று மத்திய அரசு ஊழியர் மகா சம்மேளன பொதுச் செயலாளர் துரைப்பாண்டியன் கேட்டுக் கொண்டுள்ளார். இது குறித்து அவர் நேற்று வெளியிட்டுள்ள அறிக்கை: மத்திய அரசுக்கு முறையாக அரசுக்கு வரு மானவரியை மாதமாதம் தவறாமல் செலுத்திவரும் மத்தியரசு ஊழியர்களின், அதிலும் டிடிஎஸ் என்ற பெயரில் வருமானவரியை முன்னதாக செலுத்தி விட்டு மாத ஊதியத்தை பெரும் அரசு ஊழியர்க ளின் பஞ்சபடியை மத் திய அரசு, கிடையாது என்று அறிவித்ததை மத் திய அரசு ஊழியர் மகா சம்மேளனம் வன்மையாக கண்டிக்கிறது. பெரும் பணக்காரர்களிடமிருந்து அரசு வங்கிகளுக்கு வர வேண்டிய லட்சக்கணக்கான கோடி வாராக்கடனை வசூல் செய்யாமலும், பேரிடர் காலங்களில் பயன்படுத்தவேண்டிய தற்செயல் நிதி மற்றும் அவசரகால நிதிகளை மக்களுக்காக பயன்படுத்தாமலும், புல்லட்ரெயில், புதிய பாராளுமன்ற கட்டிட செல வுக்காக ஒதுக்கப்பட்ட நிதியில் கைவைக்காமல், அரசு ஊழியர்களின் பஞ்சப்படியில் கைவைப்பது, கச்சா எண்ணெய் விலையில்லாவிலையில் விற்கப்படும் சூழ்நிலையில் பெட்ரோல் விலையை உயர்த்துவது, பேரிடர் காலத்தில் விஷம்போல் ஏறியிருக்கும் விலைவா ச

திருமணம் ஆகாத ஆணும் பெண்ணும் ஒரே அறையில் தங்குவது குற்றமல்ல சென்னை உயர் நீதிமன்றம் தீர்ப்பு

திருமணம் ஆகாத ஆணும், பெண் ணும் ஒன்றாக ஒரே விடுதி அறையில் தங்குவது குற்றம் இல்லை என்று சென்னை உயர் நீதிமன்றம் தீர்ப்பு அளித்துள்ளது. கோவை அவினாசி சாலையில், ஒரு கட்டிடத்தை குத்தகைக்கு எடுத்து ஹரியாணா மாநிலத்தைச் சேர்ந்த ஒரு தனியார் நிறுவனம் தங்கும் விடுதி ஒன்றை நடத்தியது. இந்த விடுதியில் சட்டவிரோத செயல்கள் நடப்பதாக சமூக வலை தளங்களில் செய்திகள் பரவின. இதையடுத்து கடந்த ஜூன் 25-ம் தேதி கோவை (தெற்கு) தாசில்தார், பீளமேடு காவல் நிலைய ஆய்வாளர் உள்ளிட்ட அதிகாரிகள் அங்கு சென்று திடீர் சோதனை நடத்தினர். அப்போது இந்த விடுதி யில் தங்கியிருப்பவர்களின் முகவரி, பெயர் உள்ளிட்ட விவரங் களை பதிவு செய்யும் பதிவேடு இல்லை. ஓர் அறையில் திருமணம் ஆகாத ஆணும், பெண்ணும் சட்ட விரோதமாக ஒன்றாக தங்கியிருந் தனர். அங்கு மதுபாட்டில்களும் இருந்தன. இவற்றை எல்லாம் பதிவு செய்த அதிகாரிகள், அந்த விடுதிக்கு உடனடியாக ‘சீல்’ வைத்து இழுத்து மூடினர். இதையடுத்து, ‘சீலை’ அகற்ற அதிகாரிகளுக்கு உத்தரவிட வேண் டும் என்று சென்னை உயர் நீதி மன்றத்தில் அந்த விடுதியை நடத் தும் தனியார் நிறுவனம் வழக்கு தொடர்ந்தது. இந்த வழக்கை நீதிபதி எம்.எ

TRB PG ZOOLOGY MODEL QUESTION PAPER DOWNLOAD | SURYA TRB COACHING CENTRE, MADURAI

TRB PG ZOOLOGY MODEL QUESTION PAPER DOWNLOAD | SURYA TRB COACHING CENTRE, MADURAI | SURYA TRB COACHING CENTRE MADURAI (a place.. You try to achieve) (Exclusively for ZOOLOGY) CELL : 8124602428, 9443564713, 8124825759, 8248826936 |  DOWNLOAD