You will be redirected to the script in

seconds
Puthiyaseithi | புதிய செய்தி: August 2019

Wednesday, August 28, 2019

சாம்சங் கேலக்ஸியின் நோட் 10, நோட் 10 புரோ

மின்னணு பொருட்கள் உற்பத்தியில் முன்னிலை வகிக்கும் கொரியாவைச் சேர்ந்த சாம்சங் நிறுவனம் தனது பிரபல ஸ்மார்ட்போன் மாடலில் கேலக்ஸி நோட் 10 மாடலை இந்தியாவில் அறிமுகம் செய்துள்ளது. இத்துடன் கேலக்ஸி நோட் 10 பிளஸ் எனும் மாடலும் அறிமுகமாகியுள்ளது. தலைமுறை சார்ந்து மிகச் சிறப்பாக செயல்படும் வகையில் இதன் வேகம் உள்ளது. சிறப்பான செயல்பாடு அனைத்துத் தரப்பினரையும் கவரும் விதமாக உள்ளது. சாம்சங் நிறுவனம் ஸ்மார்ட்போனில் புதிய படைப்புகளை சமீபகாலமாக அதிக அளவில் அறிமுகப்படுத்திக் கொண்டே வருகிறது. குறிப்பாக அகலமான திரை, ஸ்டைலஸ் பேனா எஸ் ஆகியன இவற்றின் சிறப்பம்சங்களாகும். அந்த வகையில் கேலக்ஸி வரிசை மாடல்கள் பொதுமக்கள் மத்தியில் மிகச் சிறந்த வரவேற்பைப் பெற்றன. இந்த இரண்டு மாடலுமே மிகச் சிறந்த வடிவமைப்பு, வாடிக்கையாளரின் தேவையை பூர்த்தி செய்யும் வகையிலான செயல்பாடு கொண்டவை. முதல் முறையாக கேலக்ஸி நோட் 10 மாடல் இரண்டு அளவுகளில் வந்துள்ளது. இவை இரண்டுக்குமே ‘எஸ்’ பேனா உள்ளது. இதனால் வாடிக்கையாளர்கள் திரையில் இதைக் கொண்டு எழுதலாம். இதற்காக சாம்சங் டெக்ஸ் எனும் சிறப்பான டிஜிட்டல் டெக்ஸ் எழுதுவதற்காக உருவாக்கப்பட்டுள்ளது. இந்த சாப்ட்வேர் வாடிக்கையாளர்களுக்கு கம்ப்யூட்டரில் பணியாற்றுவது போன்ற அனுபவத்தை நிச்சயம் அளிக்கும். இவற்றில் 7 என்.எம். பிராசஸர் உள்ளது. இவை இரண்டு மாடலிலுமே 12 ஜி.பி. ரேம் மற்றும் 8 ஜி.பி. ரேம் கொண்ட மாடல்கள் வந்துள்ளன. இவற்றில் ஏ.ஆர். டூடுல் மற்றும் 3 டி ஸ்கேனர் வசதி உள்ளது. இதன் மூலம் உபயோகிப்பாளர்கள் தங்களது கற்பனைத் திறனுக்கேற்ப வடிவங்களை வரைந்து நண்பர்கள், உறவினர்களுக்கு அனுப்ப முடியும். இந்த மாடல் உருவாக்கம், வடிவமைப்பில் பெங்களூருவில் உள்ள இந்நிறுவன ஆராய்ச்சி மையம் பெரும் பங்கு வகித்துள்ளது. இதனால் கேலக்ஸி நோட் 10 உருவாக்கத்தில் இந்தியர்களின் பங்கு அதிகமாகவே கொரிய தயாரிப்பில் உள்ளது எனலாம். இந்த ஸ்மார்ட்போனில் புரோ கிரேட் கேமரா எனும் தொழில்நுட்பம் உள்ளது. இது மிகச் சிறந்த புகைப்படங்கள் மற்றும் வீடியோ காட்சிகளை பதிவு செய்ய உதவுகிறது. இதன் பின்பகுதியில் உள்ள 3 கேமராக்களில் முதலாவது 16 மெகா பிக்ஸெல்லும், இரண்டாவது 12 மெகா பிக்ஸெல்லும், 3-வது கேமரா 2 மெகா பிக்ஸெல்லும் கொண்டிருக்கும். குறைவான வெளிச்சத்திலும் மிகச் சிறப்பாக புகைப்படம் எடுக்க இவை உதவும். முன்பகுதியில் 10 மெகா பிக்ஸெல் கேமரா உள்ளது. இது குறைந்த வெளிச்சமிருந்தாலும் சிறப்பாக படமெடுக்க உதவும். இதில் உள்ள கேமராக்கள் மூலம் துல்லியமாக வீடியோ காட்சிகளையும் பதிவு செய்ய முடியும். இத்துடன் ஜூம் இன் மைக்ரோபோன் இருப்பதால் வீடியோ காட்சிகள் தத்ரூபமாக சுற்றுப்புற சத்தத்துடன் பதிவாகும். காட்சிகளை உடனுக்குடன் எடிட் செய்வதற்கான வசதியும் இதில் உள்ளது. இதில் ஸ்கிரீன் ரெகார்டர் வசதியும் உள்ளது. அதாவது திரையில் தோன்றும் காட்சிகளையும் படமெடுத்துக் கொள்ள முடியும். இதில் முப்பரிமாணத்தில் (3டி) படங்களை எடுக்க முடியும். அனைத்துக்கும் மேலாக இதில் நைட்மோட் எனும் வசதி உள்ளது. இது இருளில் குறைவான வெளிச்சமிருந்தால் கூட படமெடுத்து தள்ளிவிடும். இதில் வயர்லெஸ் முறையில் மின்சாரத்தை பிற சாதனங்களுக்கு அனுப்பும் வசதி உள்ளது. அதாவது ஸ்மார்ட்போனில் உள்ள மின்சக்தியை ஹெட்போனுக்கு மாற்ற முடியும். அதேபோல ஸ்மார்ட்வாட்சுக்கும் மின்சாரத்தை அனுப்ப முடியும். கேலக்ஸி நோட் 10 பிளஸ் மாடல் விலை ரூ.79,999 ஆகும். மற்றொரு மாடலான கேலக்ஸி நோட் 10 மாடல் விலை ரூ.69,999 ஆகும். இவை இரண்டுமே 12 ஜி.பி. ரேம், 256 ஜி.பி. நினைவகம் மற்றும் 12 ஜி.பி. ரேம், 512 ஜி.பி. நினைவக வசதியோடு வந்துள்ளன. மைக்ரோ எஸ்.டி. கார்டு போடும் வசதியும் உள்ளது. இதன் மூலம் 1 டெரா பைட் அளவுக்கு தகவல்களை சேமிக்க முடியும். இவை இரண்டுமே கண்கவர் வண்ணங்களில் வந்துள்ளன. அறிமுக சலுகைகள் பலவற்றை நிறுவனம் அறிவித்துள்ளது. விழாக்கால சீசனில் அறிமுகமாகியுள்ள இந்த ஸ்மார்ட்போன் மிகச் சிறந்த வரவேற்பைப் பெறும் என்று நிறுவனம் உறுதியாக நம்புகிறது.

Saturday, August 17, 2019

‘இன்வெர்ட்டர்’ பயன்பாட்டில் முக்கியக் குறிப்புகள்

மின்வெட்டு காரணமாக குடியிருப்புகளின் ஏற்படும் மின்சார தேவையை பூர்த்தி செய்வதில் இன்வெர்ட்டர்கள் பயன்படுகின்றன. அவை தாமாக இயங்குபவை என்பதால், மின்சாரம் தடைபட்டவுடன் இயங்க ஆரம்பித்துவிடும். மின்சாரம் வந்ததும் அதன் இயக்கம் தானாகவே நின்றும் விடும். இன்வெர்ட்டரில் சார்ஜ் குறைந்துவிட்டால், அளிக்கப்பட்ட மின்சார இணைப்பு வழியாக அதுவாகவே ‘சார்ஜ்’ செய்து கொள்ளும். அதனால் ‘இன்வெர்ட்டர்’ மற்றும் பேட்டரி ஆகிய இரண்டையுமே மின்சார இணைப்பில் வைத்திருக்க வேண்டும்.

‘இன்வெர்ட்டர்’ மூலம் வீட்டு உபயோக பொருட்கள் மற்றும் கணினி போன்ற சாதனங்கள் தேவையான மின்சாரத்தை பெற்றுக்கொள்கின்றன. அதுபோன்ற சமயங்களில் தகுந்த அளவு மின்சார சப்ளை இருந்தால்தான் வீட்டு உபகரணங்களில் பழுது ஏற்படாமல் பாதுகாக்கப்படும். அதன் அடிப்படையில் ‘இன்வெர்ட்டர்’ பராமரிப்பில் கவனம் செலுத்துவது அவசியம். அதற்கான பராமரிப்புகள் பற்றி வல்லுனர்கள் குறிப்பிடும் தகவல்களை இங்கே காணலாம்.

* ‘இன்வெர்ட்டரை’ எப்போதுமே உயரமான ‘லாப்ட்’ அல்லது அலமாரி மேல் வைப்பதுதான் பாதுகாப்பானது. அப்போதுதான் குழந்தைகளுக்கு எட்டாத வகையில் இருக்கும். ‘இன்வெர்ட்டரை’ கீழே வைக்க வேன்டிய நிலையில் ஈரப்பதம் இல்லாமலும், தண்ணீர் படாத இடத்திலும் வைக்கப்படுவதுடன் குழந்தைகள் அணுகாத இடமாகவும் இருக்க வேண்டும்.

* மின்சாரம் தட்டுப்பாடு இல்லாமல் தொடர்ச்சியாக இருக்கும் நிலையில் மாதத்தில் ஒரு நாள் முற்றிலும் ‘இன்வெர்ட்டர்’ மின்சாரத்தை பயன்படுத்த வேண்டும். அப்போதுதான் அதன் செயல்திறன் குறையாமல் இருக்கும்.

* ‘இன்வெர்ட்டர்’ பேட்டரி டிஸ்டில்டு வாட்டர் (Battery distilled Water) எப்போதும் குறையாமல் பார்த்துக்கொள்ள வேண்டும். மேலும், ‘இன்வெர்ட்டர் சார்ஜ்’ ஆகும் நிலையில் அதன் மின் இணைப்பைத் துண்டிப்பது கூடாது. குறிப்பாக, சார்ஜ் ஆகிக்கொண்டிருக்கும் பேட்டரியை கழற்றுவதும் தவறானது.

* இன்வெர்ட்டர் பேட்டரிகளில் உள்ள ‘டியூப்ளர்’ (Tubular battery) மற்றும் ‘பிளாட்’ (Flat Battery) ஆகிய இரு வகைகளில் ‘டியூப்ளர் பேட்டரி’ வகை பல இடங்களில் பயன்பாட்டில் இருந்து வருவதாக அறியப்பட்டுள்ளது.

* வெப்பநிலை அதிகமாக உள்ள இடம், கியாஸ் ஸ்டவ் வைக்கப்பட்டுள்ள பகுதி, நெருப்பு பயன்படும் இடங்கள், மண்ணெண்ணெய் உள்ளிட்ட எரிபொருள்கள், மெழுகுவர்த்தி ஆகியவற்றைப் பயன்படுத்தும் இடங்களுக்கு அருகாமையில் ‘இன்வெர்ட்டர்’ வைப்பதை முற்றிலும் தவிர்ப்பது அவசியம்.

* ‘சார்ஜ்’ செய்யும்பொழுது ‘இன்வெர்ட்டருக்கு’ அனுமதிக்கப்பட்ட வேகத்தை விடவும் ( Permissible speed) கூடுதலான வேகத்துடன் ‘சார்ஜ்’ செய்வது கூடாது. விரைவாக ‘சார்ஜ்’ செய்யப்பட வேண்டும் என்று நினைத்து வேகத்தை அதிகரிப்பதன் காரணமாக அவை விரைவில் பழுதடையும் வாய்ப்பு உண்டு.

* தொடர்ந்து பல நாட்கள் ‘இன்வெர்ட்டரை’ பயன்படுத்தாத சூழலில், நேராக நிறுத்தி வைக்கவேண்டும். அவற்றில் தூசி, குப்பை ஆகியவை படியாமலும், காற்றோட்டமான இடத்திலும் வைக்கவேண்டும்.

* தூசிகளிலிருந்து பாதுகாக்கும் வகையில் இயங்கிக்கொண்டிருக்கும் ‘இன்வெர்ட்டர்’ மீது துணிகள் மற்றும் ‘ஷீட்’ போன்றவற்றை போட்டு மூடி வைப்பது கூடாது. வாங்கிய புதிதில் ‘இன்வெர்ட்டரின்’ மீது தூசிகள் படியாமல் இருக்க சிலர் துணி அல்லது அட்டைப் பெட்டிகள் கொண்டு மூடிவைப்பதாக அறியப்பட்டுள்ளது. அது ஆபத்தை விளைவிக்கக்கூடிய செயலாகும்.

* எப்போதும் ‘ Inv-e-rt-er UPS ’ வாங்கும்போது அதனுடன் கொடுக்கப்படும் Ma-nu-al Gui-de விவரங்களில் உள்ள பராமரிப்பு முறைகள் பற்றி படித்து, அதன்படி பராமரிப்புகளை மேற்கொண்டால் நீண்ட நாட்களுக்கு ‘இன்வெர்ட்டர்’ உழைக்கும்.

Friday, August 9, 2019

ஊராட்சிக்கு வந்த அரசு வரவு, செலவு விவரம்

https://accountingonline.gov.in/FileRedirect.jsp?FD=ExpenditureReport2018-2019/33&name=33.html இதுல உங்கள் மாவட்டத்தில் க்ளிக் செய்தால். ஒன்றியங்கள் வரும். உங்கள் ஒன்றியத்தை க்ளிக் செய்தால். உங்கள் ஊராட்சிகள் வரும். உங்களுக்கு தேவையான ஊராட்சியை க்ளிக் செய்து. பார்த்தீர்களானால், ஊராட்சிக்கு வந்த அரசு வரவு, செலவுகள் இருக்கும். செலவு தொகை எவ்வளவு அதில் உங்கள் ஊராட்சிக்கு செலவு செய்தது உண்மையான வேலைக்கான செலவா என்றும் தனிமையில் கேட்காதீர்கள். கிராம சபாக் கூட்டத்தில் கேளுங்கள். நன்மையை செய்யுங்கள் வெற்றி பெறுங்கள்

Thursday, August 8, 2019

பெற்றோர்களின் கனிவான கவனத்திற்கு

இனி, நம் குழந்தைகள் அனைவரும் 1,6,9,11 வகுப்பு புதிய பாடத்திட்டத்தில் புதிய கற்பித்தல் முறைகளுக்காக 'Smartphones' பயன்பாடும், 'Cam scanner, Diksa, Mx videoplayer, Es file manager' போன்ற Android Apps , 'You tube'யும் பயன்படுத்த தேவையும் வரலாம். அவ்வாறு பயன்படுத்தும் போது, அடிக்கடி இடையிடையே சில முகம் சுளிக்கும் விளம்பரங்களும் வரலாம். எனவே, முன்னச்செரிக்கையாக 'phone' ல் செய்ய வேண்டியது:- -'Play store' சென்று 'Settings' ல் 'Parent control' option ஐ, 'On' செய்யவும். அதன் கீழே உள்ள 'Apps and Games' ஐ கிளிக் செய்து '12+' ல் டிக் செய்யவும். -அடுத்ததாக 'Films' ஐ கிளிக் செய்து 'U' என்பதை டிக் செய்யவும். -அதேபோல் 'YOU TUBE' settings ல் 'Restriction mode' ஐ 'On' செய்யவும். இப்போது, நம் குழந்தைகளின் Smartphone ல், தேவையற்ற விளம்பரம், Video குறுக்கிடாமல் பயன்படுத்துவதற்கு பாதுகாப்பானதாக இருக்கும். (சமூக நலன் கருதி இரா.கருணாகரன், காவல் உதவி ஆய்வாளர் - திருச்சி மாநகரின் பயனுள்ள பதிவு)