தமிழகத்தில் லோக் ஆயுக்தா உறுப்பினர் நியமன தடையை நீக்க முடியாது சுப்ரீம் கோர்ட்டு உத்தரவு

தமிழகத்தில் லோக் ஆயுக்தா உறுப்பினர் நியமனத்துக்கு மதுரை ஐகோர்ட்டு விதித்த இடைக்காலத் தடையை நீக்க முடியாது என சுப்ரீம் கோர்ட்டு நேற்று உத்தரவிட்டது. மதுரை ஐகோர்ட்டில் வழக்கு தமிழகத்தில் லோக் ஆயுக்தா அமைப்புக்கு மாநில அரசு கடந்த சில நாட்களுக்கு முன் உறுப்பினர்களை நியமித்தது. இதில் அமைப்பின் தலைவராக ஓய்வுபெற்ற ஐகோர்ட்டு நீதிபதி தேவதாஸ் நியமிக்கப்பட்டார். மேலும் ஓய்வுபெற்ற மாவட்ட நீதிபதிகள் ஜெயபாலன், கிருஷ்ணமூர்த்தி, ஓய்வுபெற்ற ஐ.ஏ.எஸ். அதிகாரி ராஜாராம் மற்றும் ஆறுமுகம் ஆகியோரை உறுப்பினர்களாக நியமித்து கடந்த 1-ந் தேதி அரசாணை பிறப்பிக்கப்பட்டது. இதில் ராஜாராம், ஆறுமுகம் ஆகியோரின் நியமனத்தில் விதிகள் பின்பற்றப்படவில்லை எனக்கூறி கரூரை சேர்ந்த ராஜேந்திரன் என்பவர் மதுரை ஐகோர்ட்டு கிளையில் வழக்கு தொடர்ந்தார். அவர்கள் இருவரின் நியமனத்தை ரத்து செய்து உத்தரவிட வேண்டும் என அவர் கோரிக்கை விடுத்து இருந்தார். தமிழக அரசு மேல்முறையீடு இந்த வழக்கை விசாரித்த நீதிபதிகள் கிருபாகரன், சுந்தர் ஆகியோர், ராஜாராம் மற்றும் ஆறுமுகம் ஆகியோரின் நியமனத்துக்கு இடைக்கால தடை விதித்து உத்தரவிட்டனர். அவர்கள் இருவரின் நியமனமும் சட்ட விதிகளுக்கு புறம்பானது என நீதிபதிகள் தங்கள் உத்தரவில் கூறினர். மதுரை ஐகோர்ட்டின் இந்த உத்தரவுக்கு எதிராக தமிழக அரசு தரப்பில் சுப்ரீம் கோர்ட்டில் மேல்முறையீட்டு மனு தாக்கல் செய்யப்பட்டது. அந்த மனு மீதான விசாரணை சுப்ரீம் கோர்ட்டில் தலைமை நீதிபதி ரஞ்சன் கோகாய், நீதிபதிகள் தீபக் குப்தா, சஞ்சீவ் கன்னா ஆகியோர் அமர்வில் நேற்று நடைபெற்றது. ஒத்திவைப்பு இதில் தமிழக அரசு தரப்பில் மூத்த வக்கீல் முகுல் ரோத்தகி மற்றும் ராஜேந்திரன் தரப்பில் மூத்த வக்கீல் சிராஜூதீன் ஆகியோர் ஆஜரானார்கள். விசாரணை தொடங்கியதும், ‘லோக் ஆயுக்தா உறுப்பினர்களை நியமித்த தமிழக அரசின் உத்தரவுக்கு, மதுரை ஐகோர்ட்டு விதித்த இடைக்கால தடையை நீக்க முடியாது’ என நீதிபதிகள் தெரிவித்தனர். பின்னர் தமிழக அரசின் மனு மீதான பதில் மனுவை தாக்கல் செய்ய, இந்த வழக்கின் எதிர்மனுதாரர் ராஜேந்திரனுக்கு நோட்டீஸ் அனுப்ப உத்தரவிட்டு விசாரணையை வருகிற 8-ந் தேதிக்கு ஒத்திவைத்தனர்.

‘பானி’ புயல் அதி தீவிரமடைகிறது கடலோர பகுதிகளில் 70 கி.மீ. வேகத்தில் காற்று வீசும்

‘பானி’ புயல் அதி தீவிரமடைவதால் கடலோர பகுதிகளில் 70 கி.மீ. வேகம் வரை காற்று வீசும் என்றும் வானிலை ஆய்வு மையம் தெரிவித்து உள்ளது. தமிழகத்தில் கோடைகாலம் வாட்டி வதைத்து வருகிறது. பருவமழையும் ஏமாற்றியது, கோடைமழையும் ஏமாற்றி வருகிறது. இதனால் தமிழகத்தின் பல்வேறு பகுதிகள் வறட்சியின் கோரப்பிடியில் சிக்கி இருக்கிறது. தண்ணீரின் தேவையை அறிந்து செலவு செய்யும் முனைப்பில் மக்கள் இருக்கின்றனர். இந்த நிலையில் வங்கக்கடல் மற்றும் அதனை ஒட்டிய இந்திய பெருங்கடல் பகுதியில் கடந்த 25-ந் தேதி உருவான குறைந்த காற்றழுத்த தாழ்வு பகுதி, புயலாக மாறி இருக்கிறது. அந்த புயலுக்கு ‘பானி’ என்று பெயர் சூட்டப்பட்டது. இது முதலில் தமிழக கடற்கரை பகுதிகளில் கரையை கடக்கும் என்று அறிவிக்கப்பட்டு இருந்த நிலையில், தற்போது புயல் திசைமாறி செல்கிறது. இதனால் தமிழகத்துக்கு பெரிய அளவில் பாதிப்பு இல்லை என்றும், எதிர்பார்த்த மழையும் இருக்காது என்றும் வானிலை ஆய்வு மையம் தெரிவித்தது. இந்த நிலையில் தற்போது ‘பானி’ புயலின் நிலை எப்படி இருக்கிறது? என்பது குறித்து சென்னை வானிலை ஆய்வு மைய இயக்குனர் எஸ்.பாலச்சந்திரன் நேற்று நிருபர்களிடம் கூறியதாவது:- தென்கிழக்கு வங்கக்கடல் பகுதியில் தற்போது சென்னைக்கு தென்கிழக்கே சுமார் 870 கி.மீ. தொலைவில் ‘பானி’ புயல் நிலைகொண்டு உள்ளது. இது தொடர்ந்து தீவிர புயலாகவும், நாளை (இன்று) அதி தீவிர புயலாகவும் வலுப்பெற கூடும். இது வருகிற மே 1-ந் தேதி (நாளை) வரை வடமேற்கு திசையில் நகர்ந்து வட தமிழகம் மற்றும் தெற்கு ஆந்திரா கரைகளுக்கு அருகில் 300 கி.மீ. தொலைவு வரை வந்து, பிறகு வடக்கு மற்றும் வடகிழக்கு திசையில் நகர்ந்து செல்லக்கூடும். ஏப்ரல் 30, மே 1-ந் தேதிகளில் (இன்றும், நாளையும்) வட தமிழகத்தில் ஒரு சில இடங்களில் லேசானது முதல் மிதமான மழை பெய்யக்கூடும். வட தமிழக கடற்கரை பகுதிகளில் நாளை (இன்று) காலை மணிக்கு40 முதல் 50 கி.மீ. வேகத்தில் காற்றுவீசும். சில சமயம் 60 கி.மீ. வேகத்திலும் காற்று வீசும். நாளை (இன்று) மாலை 50 முதல் 60 கி.மீ. வேகத்திலும், சில சமயத்தில் 70 கி.மீ. வேகத்திலும் காற்று வீசும். ஏப்ரல் 30, மே 1-ந் தேதிகளில் (இன்றும், நாளையும்) தென்மேற்கு மற்றும் மத்திய மேற்கு வங்கக்கடல் பகுதிகளில் கடல் மிகவும் கொந்தளிப்பாக காணப்படும். மீனவர்கள் வருகிற 30 மற்றும் மே 1, 2-ந் தேதிகளில் தென்மேற்கு மற்றும் மத்திய மேற்கு வங்கக்கடல் பகுதிகளுக்கு செல்ல வேண்டாம். ஆழ்கடலில் மீன்பிடித்து கொண்டிருக்கும் மீனவர்கள் உடனடியாக கரைக்கு திரும்பவேண்டும் என்று கேட்டுக்கொள்ளப்படுகிறார்கள். இவ்வாறு அவர் கூறினார்.

செல்போனில் படம்பிடிப்பதை தடுக்க ரஜினிகாந்த் படப்பிடிப்பில் பார்வையாளர்களுக்கு தடை

ரஜினிகாந்த் படப்பிடிப்புகள் எங்கு நடந்தாலும் ஆயிரக்கணக்கான ரசிகர்கள் திரள்வது வழக்கம். கபாலி படப்பிடிப்பை மலேசியாவில் நடத்தியபோது அங்கும் பெரும்கூட்டம் கூடியது. ரஜினிகாந்த் நடித்த காட்சிகளை செல்போனில் புகைப்படம் எடுத்தும் வீடியோவில் பதிவு செய்தும் சமூக வலைத்தளத்தில் பரப்பினார்கள். மும்பையில் நடந்த காலா படப்பிடிப்பிலும் புகுந்து புகைப்படம் எடுத்து வெளியிட்டனர். இதுபோல் முந்தைய படமான பேட்ட பட காட்சிகளும் சமூக வலைத்தளத்தில் கசிந்தன. இந்த படத்தில் ரஜினிகாந்த் தோற்றத்தை இளமையாக உருவாக்கி இருந்தனர். ஆனால் படம் திரைக்கு வருவதற்கு முன்பே அது ரசிகர்களுக்கு தெரியவந்து எதிர்பார்ப்பை குறைத்தது. இப்போது தர்பார் படப்பிடிப்புக்கும் அதே தொல்லைகள் தொடர்கிறது. இதன் படப்பிடிப்பு மும்பையில் நடந்து வருகிறது. 3 மாதங்கள் தொடர்ச்சியாக அங்கு படப்பிடிப்பை நடத்துகின்றனர். ரஜினிகாந்துடன் நயன்தாரா, யோகிபாபு ஆகியோரும் இணைந்து நடித்து வருகிறார்கள். படப்பிடிப்பை காண தினமும் ஏராளமான ரசிகர்கள் திரள்கிறார்கள். அவர்கள் படப்பிடிப்பு காட்சிகளை செல்போனில் படம்பிடித்து இணையதளத்தில் வெளியிட்டு வருகிறார்கள். ரஜினிகாந்த், யோகிபாபு கிரிக்கெட் விளையாடுவது, அதை நயன்தாரா அருகில் நின்று ரசிப்பது போன்ற காட்சிகள் வெளிவந்தன. படப்பிடிப்பு காட்சிகள் உடனுக்குடன் இணையதளத்தில் வெளியாவது தயாரிப்பு தரப்பினருக்கும், இயக்குனருக்கும் அதிர்ச்சியை ஏற்படுத்தி உள்ளது. இதனை தடுப்பது குறித்து ஆலோசனை நடத்தி படப்பிடிப்பை பார்வையாளர்கள் காண தடைவிதித்துள்ளனர். தனியார் பாதுகாவலர்களை படப்பிடிப்பு நடைபெறும் இடத்தை சுற்றிலும் நிறுத்தி உள்ளனர். அருகில் உள்ள போலீஸ் நிலையத்தில் மனு அளித்து அதிகமான போலீஸ் பாதுகாப்பையும் பெற்றுள்ளனர். துணை நடிகர்-நடிகைகளுக்கும் செல்போன் கொண்டுவர தடை விதித்துள்ளனர்.

பெயர் இல்லாமல் ஓட்டுபோட்டதால் கைது நடவடிக்கை? வக்கீல்களுடன் சிவகார்த்திகேயன் ஆலோசனை

தமிழகத்தில் கடந்த 18-ந் தேதி நாடாளுமன்ற தேர்தல் நடந்தபோது நடிகர் சிவகார்த்திகேயன் தென் சென்னை தொகுதிக்கு உட்பட்ட சாலிகிராமம் வாக்குச்சாவடியில் ஓட்டு போடுவதற்காக மனைவியுடன் சென்று இருந்தார். ஆனால் வாக்காளர் பட்டியலில் அவரது மனைவி பெயர் இருந்தது. சிவகார்த்திகேயன் பெயர் இல்லை. அதன்பிறகு வளசரவாக்கம் வாக்குச்சாவடிக்கு சென்று சிவகார்த்திகேயன் ஓட்டுப்போட்டதாக கூறப்பட்டது. அவரது பெயர் வாக்காளர் பட்டியலில் இல்லாத நிலையில் ஓட்டு போட அனுமதிக்கப்பட்டதாக சர்ச்சை கிளம்பியது. இதுகுறித்து தமிழக தலைமை தேர்தல் அதிகாரி சத்யபிரத சாகு கூறும்போது, “சிவகார்த்திகேயன் வாக்காளர் பட்டியலில் பெயர் இல்லாமலேயே ஓட்டு போட்டு இருக்கிறார். அவரை எப்படி ஓட்டுபோட அனுமதித்தார்கள் என்று விளக்கம் கேட்டு இருக்கிறோம். இதில் தவறு செய்தவர்கள் கண்டறியப்பட்டு நடவடிக்கை எடுக்கப்படும். வாக்காளர் பட்டியலில் பெயர் இல்லாமலேயே சிவகார்த்திகேயன் ஓட்டு போட்ட விவரத்தை தேர்தல் கமிஷனுக்கு தெரிவித்து இருக்கிறோம். ஓட்டு எண்ணிக்கையின்போது ஒரு ஓட்டில் வெற்றி தோல்வியை நிர்ணயிக்கும் நிலை ஏற்பட்டால் சிவகார்த்திகேயன் அளித்த ஓட்டு கணக்கில் சேர்க்கப்படாது” என்றார். வாக்காளர் பட்டியலில் பெயர் இல்லாமல் ஓட்டு போட்டதற்காக சிவகார்த்திகேயன் மீது கைது நடவடிக்கை எடுக்கவும் சட்டத்தில் இடம் இருக்கிறது என்று தகவல் பரவி பட உலகில் பரபரப்பை ஏற்படுத்தி உள்ளது. இதுகுறித்து வக்கீல்களுடன் சிவகார்த்திகேயன் ஆலோசித்து வருகிறார்.

எஸ்.எஸ்.எல்.சி. பொதுத்தேர்வு முடிவு இன்று வெளியீடு இணையதளம், செல்போனிலும் மதிப்பெண்களை பார்க்கலாம்

எஸ்.எஸ்.எல்.சி. பொதுத்தேர்வு முடிவு இன்று (திங்கட்கிழமை) வெளியிடப்படுகிறது. மாணவ-மாணவிகள் மதிப்பெண்களை இணையதளம் மற்றும் செல்போனில் பார்க்கலாம். எஸ்.எஸ்.எல்.சி. தேர்வு முடிவு எஸ்.எஸ்.எல்.சி. பொதுத் தேர்வு கடந்த மாதம் (மார்ச்) 14-ந் தேதி தொடங்கி 29-ந் தேதியுடன் முடிவடைந்தது. இந்த தேர்வை தமிழகம் மற்றும் புதுச்சேரியில் பள்ளி மாணவர்கள் மற்றும் தனித்தேர்வர்கள் என மொத்தம் 9 லட்சத்து 97 ஆயிரத்து 794 மாணவ- மாணவிகள் எழுதினார்கள். ரேங்க் பட்டியல் முறையை கல்வித்துறை ரத்து செய்து, தேர்ச்சி சதவீதத்தை மட்டுமே வெளியிட்டு வருகிறது. அதன் அடிப்படையில் தான், இந்த ஆண்டும் தேர்வு முடிவு வெளியிடப்படுகிறது. இன்று (திங்கட்கிழமை) காலை 9.30 மணிக்கு தேர்வு முடிவை மாணவ-மாணவிகள் தெரிந்து கொள்ளலாம். இணையதளத்தில் பார்க்கலாம் தேர்வு முடிவுகளை மாணவ-மாணவிகள் www.tnresults.nic.in, www.dge1.tn.nic.in, www.dge2.tn.nic.in என்ற இணையதளங்களில் பதிவு எண், பிறந்த தேதி ஆகியவற்றை பதிவு செய்து பார்க்கலாம். பள்ளி மாணவர்கள் தாங்கள் பயின்ற பள்ளிகளிலும் மதிப்பெண்ணுடன் கூடிய தேர்வு முடிவுகளை தெரிந்து கொள்ளலாம். மேலும் பள்ளி மாணவர்கள் அவர்கள் பயின்ற பள்ளிகளில் சமர்ப்பித்த செல்போன் எண்ணுக்கும், தனித்தேர்வர்கள் ஆன்லைனில் தேர்வுக்கு விண்ணப்பிக்கும்போது கொடுத்திருந்த செல்போன் எண்ணுக்கும் மதிப்பெண் குறுஞ்செய்தியாக அனுப்பப்பட இருக்கிறது. கடந்த ஆண்டு எஸ்.எஸ்.எல்.சி. தேர்வை 10 லட்சத்து 1,140 பேர் எழுதினார்கள். இதில் 94.5 சதவீதம் பேர் தேர்ச்சி அடைந்து இருந்தனர் என்பது குறிப்பிடத்தக்கது.

சிறு சேமிப்புகளில் முதலீடு செய்ய இது சரியான நேரம்!

சிறு சேமிப்பு திட்டங்களில் பாதுகாப்பானதும், ஓரளவு அதிக வட்டி அளிக்கக் கூடியதாகவும் தபால் அலுவலக சேமிப்பு திட்டங்கள் உள்ளன. அதேபோல சில வங்கிகளும் நிரந்தர வைப்புக் கணக்குகளுக்கு கணிச மான வட்டியை அளிக்கின்றன. அரசு அங்கீகாரம் உள்ளதால் சேமிப்பும் பாதுகாப்பானவை. மேலும் இதில் வட்டி குறையுமோ, முதலீடு முழுவதுமாக போய் விடுமோ என்ற அச்சம் கிடையாது. அந்த வகையில் சில சேமிப்புத் திட்டங்களுக்கு அளிக்கப்படும் வட்டித் தொகை வழக்க மான வட்டியை விட அதிகமாகவே உள்ளன. அத்துடன் சிலவற்றுக்கு வரிச் சலுகையும் இருப்பதோடு, வட்டியும் உரிய நேரத்தில் கிடைத்துவிடுகிறது. குறிப்பாக பொது சேமநல நிதி (பிபிஎப்), தேசிய சேமிப்பு பத்திரம் (என்எஸ்சி), மூத்த குடிமக்களுக்கான சேமிப்பு திட்டம் (எஸ்சிஎஸ்எஸ்), சுகன்ய சம்ருதியோஜனா (எஸ்எஸ்ஒய்) மேலும் 5 ஆண்டு நிரந்தர வைப்புக் கணக்குகளுக்கு 80 சி பிரிவின் கீழ் ரூ. 1.5 லட்சம் வரை வருமான வரி விலக்கும் வழங்கப்படுகிறது. பிபிஎப் திட்டம், சுகன்ய சம்ருதி யோஜனா திட்டங்களில் முதிர்வின்போது கிடைக்கும் வட்டிக்கு முழுமையான வரி விலக்கு உண்டு. தேசிய சேமிப்பு பத்திரம் மூலம் கிடைக்கும் வட்டி தொகை மீண்டும் முதலீடு செய்யப்பட்டால் அதற்கு 80 சி பிரிவின் கீழ் விலக்கு பெற முடியும். சிறு சேமிப்பு திட்டங்களில் ஆண்டில் எப்போது வேண்டுமானாலும் முதலீடு செய்யலாம். இந்த சிறு சேமிப்பு திட்டங்களில் இப்போது அதிக வட்டி அளிக்கப்படுகிறது. இனி வரும் காலங் களில் இவை குறையலாம். எனவே இப்போதே முதலீடு செய்வது சிறந்தது. 2016-ம் ஆண்டு ஏப்ரலிலிருந்து சேமிப்பு திட்டங்களுக்கான வட்டி நிர்ணயம் ஒவ்வொரு காலாண்டிலும் நிர்ணயிப்பது என முடிவு செய்யப்பட்டது. அரசு கடன் பத்திரங்களுக்கு ஏற்ப வட்டி விகிதம் இருக்க வேண்டும் என்பதற்காக இந்த முறை கொண்டு வரப்பட்டது. இதன்படி அரசு கடன் பத்திரங்களுக்கான வட்டி விகிதம் உயரும்போது அல்லது குறையும் போது அதற்கேற்ப சிறுசேமிப்பு திட்டங்களுக்கான வட்டி விகிதம் நிர்ணயிக்கப்படும். இதனால் ஒவ்வொரு காலாண்டிலும் சிறுசேமிப்பு திட்டங்களுக்கான வட்டி ஏறுவதும் இறங்குவதுமாக உள்ளது. வங்கி சேமிப்புகளுக்கு இணையாக வட்டி விகிதம் இருப்பதால் சிறுசேமிப்பு திட்டங்கள் மீதான ஈர்ப்பு குறைந்தது. இருந்தாலும் காலாண்டுக்கு ஒரு முறை வட்டியை நிர்ணயிக்கும் முறை எப்போதும் பயன்படுத்தப்படுவதில்லை. அரசு கடன் பத்திரங்கள் மீதான வட்டி குறையும்போது மட்டும் மாற்றப்படுகிறது. இதற்கு முக்கிய காரணம் வட்டி குறைப்பு நடவடிக்கையால் முதலீட்டாளர்கள் பாதிக்கப்படுவார்கள் என்பதால் அரசு வட்டி குறைப்பை அடிக்கடி மேற்கொள் வதில்லை. மேலும் தற்போது தேர்தல் காலமாக இருப்பதால் வட்டி குறைப்பு செய்யப்படவில்லை. இவற்றையெல்லாம் கவனத்தில் கொண்டு பார்க்கும்போது 10 ஆண்டு களில் முதிர்வடையும் அரசு கடன் பத்திரங் களுக்கு அதிகபட்சமாக 8.2 சதவீத வட்டி அளிக்கப்பட்டுள்ளது. 2018 அக்டோ பருக்கு முன்பு வரை இந்நிலை இருந்தது. அதன் பிறகுதான் படிப்படியாக குறைந்து தற்போது 7.5 சதவீதமாக நிர்ணயிக்கப்பட்டுள்ளது. 2018 அக்டோபர் டிசம்பர் காலாண்டில் சிறு சேமிப்பு திட்டங்களுக்கான வட்டி விகிதம் 30 புள்ளி கள் முதல் 40 புள்ளிகள் (0.3 முதல் 0.4 சதவீதம்) அதிகரித்துள்ளது. இதை யடுத்து தொடர்ந்து இரண்டு காலாண்டு களாக (ஜனவரி முதல் மார்ச் 2019 மற்றும் ஏப்ரல் முதல் ஜூன் 2019 வரை) பெரும் பாலான சிறு சேமிப்பு திட்டங்களின் வட்டி விகிதத்தில் எவ்வித மாற்றமும் செய்யவில்லை. அரசு பத்திரங்கள் மீதான வட்டி குறைக்கப்பட்ட போதிலும் இவற்றுக்கான வட்டி குறைக்கப்பட வில்லை. குறிப்பாக சொல்ல வேண்டு மாயின் மூத்த குடிமக்களுக்கான வட்டி விகிதம் 8.7 சதவீதமாகவும், சுகன்ய சம்ருதி யோஜனா திட்டத்துக்கு 8.5 சத வீதமாகவும் தொடர்ந்தது. அதேபோல பிபிஎப் மற்றும் தேசிய சேமிப்பு பத்திரங் கள் மமீதான வட்டி விகிதம் 8 சதவீதமாக நீடித்தது. அதேசமயம் வருமான வரி விலக்கு வரம்பு அதிகரிக்கப்பட்டுள்ளது குறிப்பிடத்தக்கது. காலாண்டுக்கு ஒரு முறை வட்டி விகிதத்தை மாற்றியமைக்கும் திட்டத் தின்படி ஜனவரி முதல் மார்ச் 2019 வரையான காலத்தில் வட்டி விகிதங் கள் மாற்றப்பட்டிருக்க வேண்டும். அல் லது ஏப்ரல் முதல் ஜூன் வரையான காலத் திற்காவது மாற்றியிருக்க வேண்டும். ஆனால் தேர்தல் காரணமாக மத்திய அரசு இவற்றின் மீது கைவைக்கவில்லை. இருப்பினும் அடுத்து வரும் ஜூலை-செப்டம்பர் காலாண்டிலும் இது தொடர வாய்ப்பில்லை. ஏனெனில் அப்போது புதிய அரசு பதவி ஏற்றிருக்கும். ரிசர்வ் வங்கியின் சமீபத்திய அறிவிப்புகளைப் பார்க்கும்போது இனி வரும் காலங்களிலும் வட்டி குறைக்கப்படலாம் என்றே தோன்றுகிறது. இது அரசின் கடன் பத்திரங்களுக்கான வட்டி விகிதத்திலும் எதிரொலிக்கும். ஒருவேளை பணவீக்கம் அதிகரித்து ரிசர்வ் வங்கி அடுத்துவரும் நிதிக் கொள்கை கூட்டங்களில் வட்டிக் குறைப்பை மேற்கொள்ளாவிட்டாலும், சிறுசேமிப்புகள் மீதான வட்டி விகிதத்தை மத்திய அரசு நிச்சயம் மாற்றியமைக்கும். எனவே இப்போது உயர் வட்டி விகிதம் இருக்கும்போதே முதலீடுகளை மேற்கொள்வது சிறந்தது. உயரும் என காத்திருந்து பிறகு குறைந்த வட்டி விகிதத்தில் முதலீடு செய்வதை விட இப்போது முதலீடு செய்வது சரியானதாயிருக்கும் நிரந்தர சேமிப்பில் முதலீடு செய்யுங்கள் நிரந்தர சேமிப்பு திட்டங்களில் முதலீடு செய்தால், அதன் முதிர்வுக் காலம் வரை இப்போது நிர்ணயிக்கப்பட்ட வட்டி நிச்சயம் கிடைக்கும். சிறு சேமிப்பு திட்டங்களான பிபிஎப் மற்றும் எஸ்எஸ்ஒய் ஆகிய திட்டங்களில் வட்டி விகிதம் மாறுபடலாம். எனவே இந்த திட்டங்களில் முதலீடு செய்வதற்கு அவசரம் காட்ட வேண்டியதில்லை. பொதுவாக என்எஸ்சி, எஸ்சிஎஸ்எஸ், கேவிபி, தபால் அலுவலக மாதாந்திர சேமிப்பு உள்ளிட்ட திட்டங்களுக்கான வட்டி விகிதம் சேரும்போது எந்த அளவுக்கு நிர்ணயிக்கப்பட்டதோ அந்த அளவுக்கு அளிக்கப்படும். காலாண்டுக்கு ஒருமுறை மாறினாலும், முதலீடு செய்யும் சமயத்தில் நிர்ணயிக்கப்பட்ட வட்டி அதன் முதிர்வுக் காலம் வரை இருக்கும். எனவே இப்போது அதிக வட்டி விகிதம் உள்ளதால் இவற்றில் முதலீடு செய்வது சிறந்ததாயிருக்கும்.இனி வரும் காலங்களிலும் வட்டி குறைக்கப்படலாம். இது அரசின் கடன் பத்திரங்களுக்கான வட்டி விகிதத்திலும் எதிரொலிக்கும். ஒருவேளை பணவீக்கம் அதிகரித்து ரிசர்வ் வங்கி வட்டிக் குறைப்பை மேற்கொள்ளாவிட்டாலும், சிறுசேமிப்புகள் மீதான வட்டி விகிதத்தை மத்திய அரசு நிச்சயம் மாற்றியமைக்கும். எனவே இப்போது உயர் வட்டி விகிதம் இருக்கும்போதே முதலீடுகளை மேற்கொள்வது சிறந்தது.

விருப்பத்துடன் உறவு கொண்டால் நடவடிக்கையில் இருந்து விலக்கு அரசு சட்டத் திருத்தம் கொண்டுவர உயர் நீதிமன்றம் ஆலோசனை

பதினாறு வயதுக்கு மேற்பட்ட ஆணும், பெண்ணும் விருப்பத் துடன் உறவு கொண்டால் அவர்கள் மீது போக்ஸோ சட்டத்தின் கீழ் நடவடிக்கை எடுக்காமல் விலக்கு அளிப்பது தொடர்பாக சட்டத் திருத்தம் கொண்டுவர அரசுக்கு உயர் நீதிமன்றம் ஆலோசனை வழங்கியுள்ளது. நாமக்கல் மாவட்ட இளைஞர் ஒருவர் அதே பகுதியைச் சேர்ந்த மைனர் பெண்ணை கடத்தி திருமணம் செய்ததாக போலீஸார் வழக்குப் பதிவு செய்தனர். அந்த வழக்கை விசாரித்த நாமக்கல் மகளிர் நீதிமன்றம், அவருக்கு 10 ஆண்டு சிறை தண்டனை, ரூ.5 ஆயிரம் அபராதம் விதித்து கடந்த ஆண்டு தீர்ப்பு அளித்தது. இதை எதிர்த்து உயர் நீதிமன்றத்தில் அவர் மேல்முறையீடு செய்தார். நீதிபதி வி.பார்த்திபன் முன்பு இந்த மனு மீதான விசாரணை நடந் தது. அப்போது, ‘கடத்தப்பட்டதாக கூறப்படும் மைனர் பெண், தன்னை யாரும் கடத்தவில்லை என சாட்சியம் அளித்துள்ளார். ஆனால் கீழமை நீதிமன்றம் அதை கருத்தில் கொள்ளாமல், எனக்கு தண்டனை விதித்துள்ளது’ என்று மனுதாரர் தரப்பில் வாதிடப்பட்டது. இதை ஏற்றுக்கொண்ட நீதிபதி, அந்த இளைஞர் மீதான குற்றச் சாட்டுகளை போலீஸார் சரிவர நிரூபிக்கவில்லை என்று கூறி, அவரை விடுதலை செய்து தீர்ப்பு அளித்தார். தனது உத்தரவில் நீதிபதி மேலும் கூறியதாவது: 16 வயதுக்கு மேற்பட்ட ஆணும், பெண்ணும் விருப்பத்துடன் உறவு கொண்டால், அவர்கள் மீது போக்ஸோ சட்டத்தின் கீழ் நடவ டிக்கை எடுப்பதில் இருந்து விலக்கு அளிப்பது தொடர்பாக, அந்த சட்டத்தில் தமிழக அரசு உரிய திருத்தம் செய்ய வேண்டும். ஏனெனில் போக்ஸோ சட்டம் தொடர்பாக போதுமான விழிப்பு ணர்வு முயற்சிகள் எடுத்தபோதும் குற்றங்கள் குறையவில்லை. இந்த குற்றங்களை குறைக்க தமிழக அரசு நடவடிக்கை எடுக்க வேண்டும். வளர் இளம் பருவம் தொடர்பான திரைப்படங்களை திரையிடும் போது, போக்ஸோ சட்டம் குறித்த எச்சரிக்கையையும் அதில் இடம் பெறச் செய்ய வேண்டும். 18 வயதுக்கு கீழ் உள்ள ஆணும், பெண்ணும் ஒருவரை ஒருவர் காதலித்து திருமணம் செய் துகொண்டால்கூட, போக்ஸோ சட்டத்தின் கீழ் நடவடிக்கை எடுக் கப்படுகிறது. இதனால், சம்பந் தப்பட்ட ஆணுக்கு 7 முதல் 10 ஆண்டு வரை சிறை தண்டனை விதிக்கப்படும் சூழல் ஏற்படுகிறது. இதை தடுக்க, போக்ஸோ சட்டத் தில் சிறுமிகளுக்கான வயது வரம்பை 16 வயதாக குறைக்கலாம். சமூகத்தில் குழந்தைகளுக்கு எதிரான பாலியல் குற்றங்கள் பெருகுவதற்கான காரணங்களை ஆராய உயர்நிலைக் குழுவை தமிழக அரசு அமைக்க வேண்டும். இவ்வாறு நீதிபதி உத்தரவிட் டுள்ளார்.

சுங்கச் சாவடிகளில் நிற்காமல் பயணிக்க உதவும் ‘பாஸ்டாக்’

தேசிய நெடுஞ்சாலைகளில் வாகனங்களில் விரைவாக பயணிக்க 6 வழிச் சாலை, நான்கு வழிச் சாலைகள் போடப்பட்டன. காஷ்மீர் முதல் கன்னியாகுமரி வரை சாலை தங்க நாற்கர சாலைத் திட்டம் போடப்பட்டது. சாலை கட்டமைப்பு திட்டத்தை நிறைவேற்ற ஒவ்வொரு 50 கி.மீ. தூரமும் தனியார் நிறுவனத்திடம் விடப்பட்டன. இந்த நிறுவனங்கள் சாலை அமைத்து இவற்றை பராமரித்து வருகின்றன. இதற்காக சுங்க கட்டணம் வசூலிக்கப்படுகிறது. சுங்கச் சாவடிகளில் வரிசையாக நின்று கட்டணம் செலுத்தி பயணிக்க வேண்டும். தொடர்ந்து வெளியூர் பயணம் மேற்கொள்வோரின் வசதிக்காக வாகனங்களுக்கு ‘பாஸ்டாக்’ எனும் எலெக்ட்ரானிக் அட்டை அளிக்கப்பட்டது. மின்னணு முறையில் சுங்கக் கட்டணம் செலுத்த முடியும். பாஸ்டாக் அட்டை செயல்படுவது எப்படி அதன் பயன்கள் என்ன என்பதைப் பார்க்கலாம். 2014-ம் ஆண்டு முதல் முறையாக இது அகமதாபாத்-மும்பை இடையிலான தேசிய நெடுஞ்சாலையில் பயன்படுத்திப் பார்க்கப்பட்டது. இதையடுத்து டெல்லி-மும்பை மார்க்கத்தில் இது அமல்படுத்தப்பட்டது. 2015-ம் ஆண்டில் சென்னை-பெங்களூரு நெடுஞ்சாலையில் இது புழக்கத்துக்கு வந்தது. மின்னணு முறையில் சுங்கக் கட்டணம் (இ.டி.சி.) செலுத்தும் முறை. இதற்கென தனித்துவமான ரேடியோ அலைவரிசை அட்டை (ஆர்.எப்.ஐ.டி.) பயன்படுத்தப்படுகிறது. இத்தகைய ஆர்.எப்.ஐ.டி. கொண்ட அட்டைகள்தான் பாஸ்டாக் எனப்படுகின்றன. இவற்றை வாகனத்தின் ஜன்னல் பகுதியில் ஒட்டிவைத்தால் போதுமானது. இது பிரீபெய்ட் கார்டைப் போன்றது. இதில் போதிய தொகையை லோட் செய்தால் ஒவ்வொரு சுங்கச் சாவடியைக் கடக்கும்போதும் நிர்ணயிக்கப்பட்ட கட்டணம் இதிலிருந்து கழித்துக் கொள்ளப்படும். நாட்டில் மொத்தம் 420 சுங்கச் சாவடிகளில் இந்த பாஸ்டாக் அட்டை ஏற்கப்படுகிறது. இதற்கென தனி பாதையே உள்ளது. இப்பகுதி வழியாக பாஸ்டாக் அட்டை உள்ள வாகனங்கள் எவ்வித இடையூறுமின்றி விரைவாகக் கடந்து செல்ல முடியும். இதனால் காத்திருக்கும் நேரம் குறையும்.

• இந்த அட்டைகளை பயன்படுத்துவோருக்கு 5 சதவீத கேஷ்பேக் சலுகையும் அளிக்கப்படுகின்றன. இந்தத் தொகைக்கு வாகனங்களுக்கு பெட்ரோல், டீசல் நிரப்பிக் கொள்ள முடியும்.
• எஸ்.எம்.எஸ். அல்லது இ-மெயில் மூலமாக அனைத்து பரிவர்த்தனை விவரங்களும் உடனுக்குடன் வந்து சேரும்.
• இணையதளம் மூலம் வாடிக்கையாளர்கள் தாங்கள் பயன்படுத்திய சுங்கச் சாவடி கட்டண விவரங்களை பெற முடியும்.
• ஆன்லைன் மூலமும் இதை ரீ-சார்ஜ் செய்ய முடியும். கிரெடிட் கார்டு மற்றும் டெபிட் கார்டு மற்றும் நெட் வங்கி மூலமாகவும் இதை ரீ- சார்ஜ் செய்யலாம். பே.டி.எம். மூலமும் இதை ரீ-சார்ஜ் செய்ய முடியும்.
• குறைந்த பட்சம் ரூ.100 முதல் அதிகபட்சம் ரூ.1 லட்சம் வரை ரீ-சார்ஜ் செய்யலாம். இந்த அட்டையை பயன்படுத்த காலகெடு கிடையாது.
• ரீ - சார்ஜ் செய்த தொகையை குறிப்பிட்ட காலத்துக்குள் பயன்படுத்த வேண்டும் என்ற அவசியமும் கிடையாது.
• சுங்கச் சாவடிகளைக் கடக்கும் போது பணம் அவசியமாக வைத்திருக்க வேண்டியதில்லை. பாஸ்டாக் இருந்தால் போதுமானது.
• ரூ.1 லட்சம் வரை விபத்து காப்பீடும் இந்த கார்டுக்கு அளிக்கப்படுகிறது.
• புதிய கார்களில் இந்த பாஸ்டாக் அட்டை கட்டாயம் இடம்பெறுகிறது. 2017 டிசம்பரிலிருந்து இது கட்டாயமாக்கப்பட்டுள்ளது.
• ஹெச்.டி.எப்.சி. வங்கி, ஐ.சி.ஐ.சி.ஐ. வங்கி, சிண்டிகேட் வங்கி, ஆக்சிஸ் வங்கி, ஐ.டி.எப்.சி. வங்கி, ஸ்டேட் வங்கி ஆகிய வங்கிகளில் இந்த பாஸ்டாக்-ஐ பெறலாம். சுங்கச் சாவடிகளிலும் இதைப் பெறலாம்.

இந்த அட்டையை வாங்குவதற்கு வாகனத்தின் பதிவு சான்று, வாகன உரிமையாளரின் பாஸ்போர்ட் அளவு புகைப்படும், அடையாள அட்டை (டிரைவிங் லைசென்ஸ், பான் கார்டு, பாஸ்போர்ட், வாக்காளர் அடையாள அட்டை, ஆதார் உள்ளிட்டவை) இவற்றை காட்டி அட்டையை பெறலாம். நகலுடன் உண்மை சான்றையும் எடுத்துச் செல்ல வேண்டும்.

பிளிப்கார்டின் குளுகுளு ஏ.சி. மார்க்

ஆன்லைன் வர்த்தக நிறுவனமான பிளிப்கார்டின் சப்பிராண்டாக மார்க் என்ற பெயரில் புதிய ஏர் கண்டிஷனர் அறிமுகமாகியுள்ளது. இதன் விலை ரூ.25,999-ல் ஆரம்பமாகிறது. இதில் 1.2 டன் ஏ.சி. மற்றும் 1.5 டன் ஏ.சி.க்கள் 3 நட்சத்திரக் குறியீடு கொண்டவையாக வந்துள்ளன. இதில் 1.5 டன் ஏ.சி.யில் மற்றொரு மாடல் 5 நட்சத்திரக் குறியீடு பெற்றுள்ளது. கண்ணாடி போன்ற ஜொலிப்புத் தன்மையுடன் ஸ்பிளிட் ஏ.சி.யாக இது வந்துள்ளது. இந்த ஏ.சி. தானாக சுத்தம் செய்து கொள்ளும் தொழில்நுட்பம் கொண்டதாக வந்துள்ளது. நான்கு கட்டங்களாக சுத்தம் செய்வதற்கென தனி பொத்தானும் ரிமோட்டில் உள்ளது. குறிப்பிட்ட கால இடைவெளியில் பிராஸ்டிங், டி பிராஸ்டிங், டிரையிங், ஸ்டெரிலைசேஷன் ஆகிய வசதிகள் உள்ளன. இந்த புது மாடல் ஏ.சி.க்கள் முற்றிலும் தாமிரத்தால் ஆன கன்டென்ஸரைக் கொண்டவை. இதனால் இது விரைவாக குளிர்ச்சியை அளிக்கும். இதில் கோல்டன் பின் எவாப்ரேட்டர் வசதி உள்ளது. இது துருபிடிப்பதை தடுக்கும். இதில் செல்ப் டயாக்னோசிஸ் நுட்பம் உள்ளது. ஏ.சி. செயல்பாட்டில் பழுது ஏற்பட்டால் அதன் டிஸ்பிளேயில் காட்டும். 1.2 டன் ஏ.சி.யானது 100 சதுர அடி முதல் 150 சதுர அடி பரப்பு கொண்ட அறைக்கு மிகவும் ஏற்றது. இந்திய வீடுகளுக்கு ஏற்ற கட்டுபடியாகும் விலையில் ஏ.சி.க்களை பிளிப்கார்ட் அறிமுகம் செய்துள்ளது. இவை மின்சாரத்தை குறைந்த அளவில் நுகர்வதால் மின்சாரமும் சிக்கனமாக செலவாகும். அழகிய தோற்றம், நவீன வடிவமைப்பு, குறைந்த விலை ஆகியன இதன் சிறப்பம்சங்களாகும். கோடையின் கடுமையான வெப்பத்திலிருந்து தப்பிக்க இந்த ஏ.சி. நிச்சயம் உதவும்.

சரிகம ‘கார்வான் கோ’ ஸ்பீக்கர்

இசைப் பிரியர்கள் மத்தியில் மிகவும் பிரபலமானதாக திகழ்கிறது கார்வான். இந்நிறுவனம் சமீபத்தில் கையில் எடுத்துச் செல்லக் கூடிய ஸ்பீக்கர்களை அறிமுகம் செய்துள்ளது. ‘கார்வான் கோ’ என்ற பெயரிலான இந்த ஸ்பீக்கர்களை எடுத்துச் செல்வது எளிது. இதன் எடை வெறும் 88 கிராம் மட்டுமே. லதா மங்கேஷ்கரின் மெல்லிசைப் பாடல்கள் உட்பட 3,000 இந்தி பாடல்கள் இதில் பதிவேற்றம் செய்யப்பட்டுள்ளன. இதன் விலை ரூ.3,990 ஆகும். நிறுவன இணையதளம் மற்றும் முன்னணி விற்பனையகங்களில் இது கிடைக்கும். இதை எப்.எம். ரேடியோவாகவும் பயன்படுத்தலாம். ஹெட்போன் மற்றும் மியூசிக் பிளேயருடன் இணைப்பதற்காக 3.5 மி.மீ. ஜாக் உள்ளது. இதை புளூடூத் மூலமும் இணைக்க முடியும். இதில் மைக்ரோ எஸ்.டி. கார்டு உள்ளது. இதில் உள்ள பேட்டரியை ஒரு முறை சார்ஜ் செய்தால் 7 மணி நேரம் தொடர்ந்து செயல்படுவது சிறப்பாகும். மைக்ரோ யு.எஸ்.பி. போர்ட் உள்ளது. இதன் மூலமும் இதை சார்ஜ் செய்ய முடியும். பயணத்தின் போது இனிய இசையைக் கேட்டு ரசிக்க கார்வான் கோ உதவும்.

அடிக்கடி பயணம் மேற்கொள்வோருக்கு சட்டைகள் கசங்காமலிருக்க ...

வெளியூர் பயணம் மேற்கொள்ளும்போது ஆண்களின் சட்டைகளை மடிப்பு கலையாமல் பாதுகாப்பது என்பது மிகவும் கடினம். ஏனெனில் குடும்பத்தினர் அனைவரது துணிகளையும் ஒரே சூட்கேஸ் அல்லது பேக்கில் வைக்கும்போது அயர்ன் செய்த சட்டையாக இருந்தாலும், ஊருக்கு சென்று பெட்டியை திறந்து பார்த்தால் அது எந்த அளவுக்கு கசங்கியிருக்கும் என்பது புரியும். இந்தக் குறையைப் போக்க வந்துள்ளதுதான் ஷர்ட் ஆர்கனைசர். இதனுள் அதிகபட்சம் 4 சட்டைகளை டையுடன் வைக்க முடியும். சுற்றுலா பயணம் மட்டுமின்றி அலுவலக வேலையாக அடிக்கடி பயணம் மேற்கொள்வோருக்கு மிகவும் ஏற்றது. அமேசான் ஆன்லைனில் இதன் விலை சுமார் ரூ.1,632. பிரவுன், கருப்பு, கிரே ஆகிய மூன்று கண்கவர் வண்ணங்களில் இது கிடைக்கிறது.

பற்களை பாதுகாக்கும் டூத் பிரஷ்

பல் பிரச்சினைகள் இல்லாத ஆளே இல்லை என்று சொல்லும் வகையில் எல்லோருக்கும் ஏதோ விதமான பல் தொந்தரவுகள் இருந்து கொண்டே இருக்கும்.சீனாவை சேர்ந்த 32 டீத் என்னும் நிறுவனம் ஒரு புதுவிதமான பல் தேய்க்கும் பிரஷ் மற்றும் செயலியை அறிமுகப்படுத்தியுள்ளது. இந்த செயலி ப்ளாக் சைன் ( BLOCKCHAIN ) எனப்படும் தொழில்நுட்பத்தில் இயங்குகிறது. அதாவது இந்த செயலியை உபயோகிக்கும் பலரையும் ஒரு சங்கிலி இணைப்பாக வைத்து, ஒவ்வொரு முறை பல் தேய்க்கும் போது நமக்கான டோக்கன்களை ( CRYPTOCURRENCY ) வழங்குகிறது. இது ஒரு குறிப்பிட்ட எல்லையை அடையும் போது நாம் பற்பசை, புதிய பிரஷ் ஆகியவற்றை அந்த டோக்கன்களை உபயோகித்து இலவசமாக பெற்றுக் கொள்ளலாம். இது மட்டுமின்றி இந்த பிரஷை கொண்டு பல் துலக்கும் போது புலப்படும் உண்மை ( AUGMENTED REALITY ) தொழில்நுட்பத்தைக் கொண்டு தினசரி நமது பற்களின் சுத்தம் மற்றும் பிரச்சினைகளை ஆராய்ந்து சொல்கிறது.எந்த இடங்களில் சரியாக சுத்தம் செய்யவில்லையோ, அதை நமது செல்போன் திரையில் காட்டுகிறது. இதனால் நம் பற்களை நாமே கவனித்துக் கொள்ள முடியும். பிரச்சினைகள் ஏற்படும் முன்னரே சரி செய்தும் கொள்ளலாம்.

பேட்டரியில் இயங்கும் சோனி மொபைல் புரொஜெக்டர்

மின்னணு பொருள்கள் தயாரிப்பில் முன்னிலை வகிக்கும் ஜப்பானின் சோனி நிறுவனம் கையடக்கமான எளிதில் எடுத்துச் செல்லக் கூடிய புரொஜெக்டரை அறிமுகம் செய்துள்ளது. சோனி எம்.பி.சி.டி. 1 என்ற பெயரில் இது வெளி வந்துள்ளது. பொதுவாக வீடுகளில் புரொஜெக்டரை பயன்படுத்துவது என்பது பகீரத பிரயத்தனம் போல அதிக முன்னேற்பாடுகளைச் செய்ய வேண்டும். ஆனால் இந்த மினி புரொஜெக்டர் இருந்தால் அதற்கெல்லாம் அவசியம் இருக்காது. குரோம்கேஸ்ட், பயர் ஸ்டிக் ஆகியவற்றை யு.எஸ்.பி. போர்ட் மூலம் இணைக்க முடியும். இது கையிலிருந்தால் எந்த இடத்திலும் காட்சிகளை பெரிதாக்கி பார்க்கலாம். இதன் விலை ரூ.29,990 ஆகும். அழகிய தோலினால் ஆன கேஸ் இருப்பது இதற்கு மேலும் அழகு சேர்க்கிறது. அழகிய டைரியைப் போல இருக்கும் இந்த புரொஜெக்டரின் எடை வெறும் 80 கிராம் மட்டுமே. இது 120 அங்குலம் வரை திரையில் படங்களை தெளிவாக, துல்லியமாகக் காட்டும். இதில் 5,000 எம்.ஏ.ஹெச். பேட்டரி உள்ளது. படங்களை துல்லியமாகக் காட்டும் வகையில் வடிவமைக்கப்பட்டுள்ள இது அலுவலக பயன்பாட்டுக்கு மிகவும் ஏற்றது. லேப்டாப் மூலம் காட்சிகளை திரைப்படுத்த விரும்புவோருக்கு மிகவும் ஏற்றது.

பட்ஜெட் விலையில் மிகச் சிறந்த தண்ணீர் சுத்திகரிப்பான்

தண்ணீர் மூலம் பரவும் நோய்கள் மிக அதிகம். வயிற்றுப் போக்கு, வாந்தி போன்ற உடனடி நோய்களுக்கு மிக முக்கியக் காரணமாய் இருப்பது தண்ணீர்தான். இதனால் சுத்திகரிக்கப்பட்ட நீர் மனிதனுக்கு அவசியமாகிறது. இதனாலேயே இப்போது வீடுகளில் கூட சுத்திகரிக்கப்பட்ட நீரை பயன்படுத்தும் போக்கு அதிகரித்துவிட்டது. ஆனால் பயணம் மேற்கொண்டால் அங்கு சுத்திகரிக்கப்பட்ட தண்ணீர் கிடைக்குமா என்பது சந்தேகம். அதிலும் குறிப்பாக மலையேற்றம், காடுகளில் சுற்றுலா மற்றும் காடுகளில் தங்கி ஆராய்ச்சி செய்பவர்களுக்கு சுத்திகரிக்கப்பட்ட தண்ணீர் கிடைப்பதை சாத்தியமாக்கியுள்ளது சர்வைவர் பில்டர் புரோ. உலகிலேயே அங்கீகரிக்கப்பட்ட மிகச் சிறந்த குடிநீர் சுத்திகரிப்பானாக அமெரிக்க அரசின் சான்று பெற்ற சுத்திகரிப்பானும் இதுவே. தண்ணீரில் கலந்துள்ள வைரஸ், ஒட்டுண்ணி, பாக்டீரியா ஆகியவற்றை அழித்துவிடுவதோடு அதில் தண்ணீரில் கலந்துள்ள உலோகங்களையும் நீக்கிவிடும். இதன் மேல்பகுதி ஏ.பி.எஸ். பிளாஸ்டிக்கால் ஆனது. இதனுள் மருத்துவதுறையில் பயன்படுத்தும் மெல்லிய பில்டர் உள்ளது. இத்தகைய பில்டர்களை விண்வெளி வீரர்கள் பயன்படுத்துவர் என்பது குறிப்பிடத்தக்கது. அதேபோல உணவுப் பொருள்களை வடிகட்ட உதவும் கார்பன் மற்றும் உறுதியான கைப்பிடி ஆகியன இதில் உள்ளன. இது ஊசி மருந்துசெலுத்தும் சிரின்ஜ் முறையில் செயல்படுகிறது. இதை சுத்தப்படுத்துவதும் எளிது. இதன் பில்டர் மூலம் ஒரு லட்சம் லிட்டர் தண்ணீரை சுத்தப்படுத்த முடியும். இதன் கோபைகளை தனித்தனியாக கழற்றி வைத்துவிடலாம். இதை எடுத்துச் செல்ல வசதியாக பையும் உள்ளது. இதன் எடை 360 கிராம் மட்டுமே. 6.5 அங்குலம் நீளம் உடைய இந்த சுத்திகரிப்பான் ஒரு நிமிடத்தில் 500 மி.லி. தண்ணீரை சுத்திகரிக்கும். இதில் உள்ள 2ஏஏ பேட்டரியில் கிடைக்கும் மின்சாரம் மூலம் நீரில் கரைந்துள்ள உலோகங்களை பிரித்தெடுக்கும் பணி நடைபெறுகிறது. இதை யு.எஸ்.பி. மூலம் சார்ஜ் செய்ய முடியும். சுத்தமான தண்ணீருக்கு கவலைப்படத் தேவையில்லை. நீர் வீழ்ச்சி அல்லது நீரோடை தண்ணீரையும் இதனுள் செலுத்தி மிகவும் தைரியமாக பருகலாம். இதன் விலை சுமார் ரூ.4,420.

ஜியோமி நிறுவனத்தின் புதிய தயாரிப்பு - ஸ்மார்ட் ரைஸ் குக்கர்

ஸ்மார்ட்போன், ஸ்மார்ட் டி.வி. உள்ளிட்ட மின்னணு சாதனங்கள் தயாரிப்பில் முன்னணியில் உள்ள சீனாவின் ஜியோமி நிறுவனம் தற்போது ஸ்மார்ட் ரைஸ் குக்கரை தயாரித்துள்ளது. ஜியோமி மிஜா ஸ்மார்ட் ரைஸ் குக்கர் என்ற பெயரில் இது வடிவமைக்கப்பட்டுள்ளது. சீனாவில் அறிமுகமான இந்த ரைஸ் குக்கரை விரைவிலேயே இந்தியாவிலும் அறிமுகம் செய்யத் திட்டமிட்டுள்ளது. இந்த ஸ்மார்ட் ரைஸ் குக்கரில் பர்கர், பீட்சா, பாஸ்டாஸ் உள்ளிட்ட உணவுப் பொருள்களையும் உடலுக்கு கேடு விளைவிக்காத வகையில் வீட்டிலேயே தயாரிக்க முடியும் என்பது இதன் சிறப்பம்சமாகும். அதாவது சமைக்கும் உணவுகளை சுவையுள்ளதாகவும், சத்து நிறைந்ததாகவும் கலோரி கண்ணோட்டத்தில் சமைக்க இது உதவும். ரைஸ் குக்கர் விலை ரூ.6,100 ஆகவும், இன்டக்‌ஷன் பிளேட் விலை ரூ.2,000 ஆகவும் இருக்கும் என தெரிகிறது. இது தவிர ரூ.1,000 விலையில் இதன் உதிரி பாகங்களும் விற்கப்படும். ரைஸ் குக்கரில் ஓலெட் டிஸ்பிளே உள்ளது. இதன் வெப்ப நிலையையும் மற்றும் அழுத்தத்தையும் செயலி மூலம் கட்டுப்படுத்தலாம். குக்கர் அறிமுகத்துக்கு முன்பாகவே இதுபற்றிய விளம்பரங்களை தீவிரப்படுத்தியுள்ளது ஜியோமி.

வாடகை வீட்டில் கள்ளக்காதல் ஜோடி தற்கொலை உறவினர்கள் எதிர்ப்பு தெரிவித்ததால் விபரீத முடிவு

உறவினர்கள் எதிர்ப்பு தெரிவித்ததால் வாடகை வீட்டில் கள்ளக்காதல் ஜோடி தற்கொலை செய்து கொண்டது. சேலம் மாவட்டம் ரெட்டியூர் பெருமாள் கவுண்டர் காலனியை சேர்ந்தவர் சங்கரலிங்கம் மகன் கோபிநாத் (வயது 31). இவர் அதே பகுதியை சேர்ந்த ராஜேஸ்வரி(33) என்பவருடன் கடந்த 19-ந் தேதி விழுப்புரம் மாவட்டம் தியாகதுருகத்துக்கு வந்தார். அப்போது தாங்கள் கணவன்-மனைவி என கூறிக்கொண்டு அவர்கள் அண்ணாநகரில் வீடு ஒன்றை வாடகைக்கு எடுத்து தங்கினர். நேற்று முன்தினம் மாலை கோபிநாத், ராஜேஸ்வரி ஆகியோர் அதே பகுதியில் உள்ள கோவிலுக்கு சென்று விட்டு வீட்டுக்கு திரும்பினர். இந்த நிலையில் நேற்று காலை நீண்ட நேரமாகியும் அவர்கள் தங்கியிருந்த வீட்டின் கதவு திறக்கப்படவில்லை. 2 பேர் பிணம் இதனால் அருகில் வசித்தவர்கள் கோபிநாத் தங்கியிருந்த வீட்டின் ஜன்னல் வழியாக உள்ளே பார்த்தனர். அப்போது வீட்டுக்குள் கோபிநாத், ராஜேஸ்வரி ஆகியோர் வாயில் நுரை தள்ளிய நிலையில் கிடந்தனர். இதை கண்டு அதிர்ச்சி அடைந்த அவர்கள் உடனே போலீசாருக்கு தகவல் தெரிவித்தனர். அதன் பேரில் தியாகதுருகம் போலீசார் சம்பவ இடத்துக்கு விரைந்து வந்து, வீட்டின் கதவை உடைத்து உள்ளே சென்று பார்த்தனர். அங்கு 2 பேரும் இறந்து கிடந்தது தெரியவந்தது. இதையடுத்து போலீசார், அந்த வீட்டின் உரிமையாளரிடம் கோபிநாத் கொடுத்திருந்த முகவரியை வைத்து சேலம் மாவட்ட போலீஸ் நிலையத்தில் விசாரணை நடத்தினர். காணவில்லை என புகார் விசாரணையில் பள்ளப்பட்டி போலீஸ் நிலையத்தில் கோபிநாத்தை காணவில்லை என அவரது மனைவி உமாவும், ராஜேஸ்வரியை காணவில்லை என அழகாபுரம் போலீஸ் நிலையத்தில் அவரது கணவர் முல்லைவேந்தனும் புகார் கொடுத்திருந்தது தெரியவந்தது. அதன் பிறகு தான் தற்கொலை செய்து கொண்டது கள்ளக்காதல் ஜோடி என்பது போலீசாருக்கு தெரிந்தது. தொடர்ந்து நடத்திய விசாரணையில், கோபிநாத்துக்கு திருமணமாகி உமா என்ற மனைவியும், சஞ்ஜய், கனிஷ்கர் என்ற 2 மகன்கள் இருப்பதும், இதேபோல் ராஜேஸ்வரிக்கு சேலம் மாவட்டம் அன்னகாரபட்டியை சேர்ந்த முல்லைவேந்தனுடன் திருமணம் நடந்து, அவர்களுக்கு கமலேஷ்(10) என்ற மகன் உள்ளான் என்பதும் தெரியவந்தது. கள்ளக்காதல் தச்சுத்தொழில் செய்து வந்த கோபிநாத் கடந்த 5 மாதங்களுக்கு முன்பு அன்னகாரபட்டியில் உள்ள முல்லைவேந்தன் வீட்டுக்கு வேலைக்கு சென்றுள்ளார். அப்போது ராஜேஸ்வரிக்கும் கோபிநாத்துக்கும் இடையே பழக்கம் ஏற்பட்டுள்ளது. இந்த பழக்கம் அவர்களுக்கிடையே கள்ளக்காதலாக மாறியது. இதுபற்றி அறிந்த முல்லைவேந்தன் ராஜேஸ்வரியை கண்டித்துள்ளார். இதனால் ராஜேஸ்வரி கோபித்துக் கொண்டு ரெட்டியூரில் உள்ள பெற்றோர் வீட்டுக்கு சென்று விட்டார். அதன்பிறகு கள்ளக்காதல் ஜோடி அடிக்கடி தனிமையில் சந்தித்து உல்லாசம் அனுபவித்து வந்துள்ளனர். பெற்றோர் எதிர்ப்பு இவர்களது கள்ளக்காதல் விவகாரம் பற்றி அறிந்த கோபிநாத்தின் பெற்றோர் மற்றும் உறவினர்கள் அவருக்கு எதிர்ப்பு தெரிவித்தனர். இதனால் இருவரும் வெளியூருக்கு சென்று குடும்பம் நடத்த முடிவு செய்துள்ளனர். அதன்படி கடந்த 19-ந் தேதி இருவரும் தியாகதுருகத்துக்கு வந்து வாடகைக்கு வீடு எடுத்து குடும்பம் நடத்தி வந்தனர். இந்நிலையில் உறவினர்களின் ஆதரவு இல்லாததால் வாழ்க்கையில் விரக்தியடைந்த இருவரும் தற்கொலை செய்து கொள்ள முடிவு செய்து, நேற்று முன்தினம் இரவு விஷத்தை குடித்து தற்கொலை செய்து கொண்டது தெரியவந்தது. கடிதம் சிக்கியது இதையடுத்து போலீசார் அந்த வீட்டில் சோதனை செய்த போது கோபிநாத் எழுதி வைத்திருந்த கடிதம் சிக்கியது. அதில் ‘நானும், ராஜேஸ்வரியும் சேர்ந்து வாழ்வது எனது தாய்க்கும், உறவினர்களுக்கும் பிடிக்கவில்லை. அவர்கள் எங்களுக்கு எதிர்ப்பு தெரிவித்து வருகின்றனர். இதனால் நாங்கள் இருவரும் தற்கொலை செய்து கொள்ள முடிவு செய்துள்ளோம். எங்களது சாவுக்கு யாரும் காரணமில்லை’ என எழுதப்பட்டிருந்தது. இதுகுறித்த புகாரின் பேரில் போலீசார் விசாரணை நடத்தி வருகின்றனர்.

ஒதுக்கப்பட்ட அத்வானி

“வாழ்ந்தவன் கெட்டால் வறுக்கோடுக்கு கூட ஆகமாட்டான்” என்று ஒரு பழமொழி சொல்வார்கள். கிராமங்களில் அந்த காலத்தில் எல்லாம் வீடுகளில் மண்பாண்டங்களில்தான் சமையல் செய்தார்கள். சோறு பொங்குவது, குழம்பு வைப்பதெல்லாம் மண்பாண்டங்களில்தான். பெண்கள் உளுந்து, கொள்ளு போன்ற பயிறு வகைகளை மண் சட்டியில்தான் வறுப்பார்கள். தினசரி குழம்பு வைக்க பயன்படும் மண்சட்டி பயன்பாட்டுக்கு வந்து நாளாகிவிட்டாலோ அல்லது அதற்காக புது மண் சட்டி வாங்கி விட்டாலோ, ஏற்கனவே உபயோகத்தில் இருந்த அந்த சட்டியை தூக்கி வீசிவிடாமல் பயிறு வகைகளை வறுப்பதற்காக தூக்கி ஓரமாக வைத்து விடுவார்கள். ஏனெனில் அதன்பிறகு அது எப்போவதுதான் பயன்படும். அதாவது தினசரி பயன்பாட்டில் இருந்து அந்த மண்சட்டி, ஓரங்கட்டப்பட்டுவிடும். வறுப்பதற்கு பயன்படும் அதை வறுக்கோடு என்பார்கள். நல்ல நிலையில் செல்வாக்குடன் இருக்கும் ஒருவன் திடீரென்று வீழ்ச்சி அடைந்துவிட்டால், ஊரில் யாரும் அவனை கண்டுகொள்ளமாட்டார்கள். மதிப்பு, மரியாதையெல்லாம் போய்விடும். அப்படிப்பட்டவர்களைத்தான் கிராமங்களில், “வாழ்ந்தவன் கெட்டால் வறுக்கோடுக்கு கூட ஆகமாட்டான்” என்று பரிகாசத்துடனும், அதே சமயம் சற்று ஆதங்கத்துடனும் குறிப்பிடுவார்கள். இப்படிப்பட்ட ஒரு பரிதாப நிலை சில அரசியல்வாதிகளுக்கும் ஏற்பட்டு விடுகிறது. பாரதீய ஜனதா என்றால் அத்வானி; அத்வானி என்றால் பாரதீய ஜனதா என்று இருந்த ஒரு காலம் உண்டு. அப்படி செல்வாக்குடன் விளங்கிய அவருக்கு, முதுமையை காரணம் காட்டி இந்த தேர்தலில் போட்டியிட பாரதீய ஜனதா வாய்ப்பு வழங்க மறுத்துவிட்டது. ஏற்கனவே கட்சியில் ஓரங்கட்டப்பட்ட நிலையில் இருந்த அத்வானிக்கு கடைசி கதவும் சாத்தப்பட்டு விட்டது. பாரதீய ஜனதா என்ற கோட்டையை வலுவான அடித்தளத்துடன் கட்டி எழுப்பி தேசம் முழுக்க பரவச் செய்தவர்களில் முக்கியமானவர் அத்வானி என்பதை அவரது அரசியல் எதிரிகளும் ஒப்புக்கொள்வார்கள். அயோத்தியில் ராமர் கோவில் கட்டும் பிரச்சினையை முன்வைத்து 1990-ல் நாடு முழுவதும் அவர் மேற்கொண்ட ரத யாத்திரைதான், பாரதீய ஜனதா நாடு முழுவதும் வளர காரணமாக அமைந்தது. குறிப்பாக தென் மாநிலங்களில் அந்த கட்சிக்கு அறிமுகம் கிடைத்தது. 4 முறை நாடாளுமன்ற மாநிலங்களவை உறுப்பினராகவும், 7 முறை மக்களவை உறுப்பினராகவும் இருந்துள்ள 91 வயதான அத்வானி, மத்திய மந்திரியாகவும், வாஜ்பாய் அரசில் துணை பிரதமராகவும், மன்மோகன் சிங் தலைமையிலான ஐக்கிய முற்போக்கு கூட்டணி ஆட்சியில் எதிர்க்கட்சி தலைவராகவும் பதவி வகித்து இருக்கிறார். பாரதீய ஜனதாவில் தலைவர் பதவி உள்பட பல பதவிகளை வகித்துள்ளார். பழுத்த அரசியல்வாதியான அத்வானி 1941-ம் ஆண்டு 14-வது வயதிலேயே தன்னை ஜனசங்கத்தில் இணைத்துக்கொண்டவர். அதில் பல்வேறு பொறுப்புகளை வகித்த அவர் அரசியலில் படிப்படியாக வளர்ந்தார். 1975-ல் அப்போதைய பிரதமர் இந்திராகாந்தி நெருக்கடி நிலையை அமல்படுத்தியதை தொடர்ந்து, நாட்டில் கொந்தளிப்பான சூழ்நிலை ஏற்பட்டது. நெருக்கடி நிலையால் பாதிக்கப்பட்ட கட்சிகளின் தலைவர்களெல்லாம் ஓரணியில் திரண்டனர். அப்படி பாதிக்கப்பட்ட இந்திய சோசலிஸ்டு கட்சி, லோக்தளம், ஜனசங்கம் உள்ளிட்ட சில கட்சிகள் ஒன்றாக இணைந்து உருவாக்கிய கட்சிதான் ஜனதா. நெருக்கடி நிலையை தொடர்ந்து 1977-ல் நடந்த நாடாளுமன்ற தேர்தலில் ஜனதா கட்சி வெற்றி பெற்றதையடுத்து, மத்தியில் மொரார்ஜி தேசாய் தலைமையில் புதிய அரசு அமைந்தது. அந்த ஜனதா அரசில் அத்வானி தகவல் மற்றும் ஒலிபரப்பு துறை மந்திரியாக இருந்தார். அதன்பிறகு தலைவர்கள் இடையே ஏற்பட்ட கருத்து வேறுபாட்டால், ஜனதா கட்சி உடைந்து நெல்லிக்காய் மூட்டையாக சிதறியது. ஜனதாவில் இருந்து வெளியேறிய ஜனசங்கம் பாரதீய ஜனதா என்ற நாமகரணத்துடன் வாஜ்பாய் தலைமையில் புதிய அவதாரம் எடுத்தது. பாரதீய ஜனதாவை உருவாக்கியதில் அத்வானியின் பங்கு முக்கியமானது என்பதால், கட்சியில் அவரது செல்வாக்கு நாளுக்கு நாள் அதிகரித்தது. இந்த நிலையில், இந்திரா காந்தியின் படுகொலைக்கு பிறகு 1984-ல் நடைபெற்ற நாடாளுமன்ற தேர்தலில் காங்கிரஸ் அமோக வெற்றி பெற்றது. இந்திராகாந்தியின் மரணத்தினால் ஏற்பட்ட அனுதாப அலையில் எதிர்க்கட்சிகள் அடித்துச் செல்லப்பட்டன. பாரதீய ஜனதாவுக்கு வெறும் 2 இடங்களே கிடைத்தன. அதன்பிறகு ராமஜென்ம பூமி விவகாரத்தில் பாரதீய ஜனதா கூடுதல் கவனம் செலுத்தியது. இந்த நிலையில் 1989-ல் நடந்த நாடாளுமன்ற தேர்தலில் எந்த கட்சிக்கும் பெரும்பான்மை கிடைக்காமல் தொங்கு நாடாளுமன்றம் ஏற்பட்டதால், 87 இடங்களில் வெற்றி பெற்ற பாரதீய ஜனதாவின் ஆதரவுடன் வி.பி.சிங் தலைமையில் தேசிய முன்னணி அரசு அமைந்தது. அதன்பிறகு 1990-ல் அயோத்தி ராமர் கோவில் பிரச்சினையை முன்வைத்து அத்வானி குஜராத்தில் உள்ள சோம்நாத்தில் தொடங்கி இந்தியா முழுவதும் ரதயாத்திரை மேற்கொண்டார். அத்வானியின் ரத யாத்திரை மத கலவரத்துக்கு வழிவகுக்கும் என்று கூறி, பீகார் மாநிலத்தில் அவரது ரத யாத்திரையை அப்போது முதல்-மந்திரியாக இருந்த லாலு பிரசாத் தடுத்து நிறுத்தினார். 2 ஆண்டுகள் அத்வானி மேற்கொண்ட இந்த ரத யாத்திரை அவரது செல்வாக்கு அதிகரிக்கவும், பாரதீய ஜனதா வளர்ச்சி அடையவும் பெரிதும் உதவியது. இதன் விளைவாக, 1996-ல் நடந்த நாடாளுமன்ற தேர்தலில் 161 இடங்களை கைப்பற்றி தனிப்பெரும் கட்சியாக விளங்கியது. (அந்த தேர்தலில் எந்த கட்சிக்கும் பெரும்பான்மை கிடைக்கவில்லை) இப்படியாக ஒவ்வொரு காலகட்டத்திலும் பாரதீய ஜனதாவை வளர்த்ததில் அத்வானியின் பங்கு மிகவும் முக்கியமானது ஆகும். பாரதீய ஜனதாவில் தேசிய அளவில் அத்வானியின் செல்வாக்கு ஏறுமுகமாக இருந்த நிலையில், குஜராத்தில் பாரதீய ஜனதா முதல்-மந்திரியாக இருந்த மோடி அந்த மாநிலத்தில் அசைக்க முடியாத சக்தியாக விளங்கினார். குஜராத்தில் பாரதீய ஜனதாவுக்கு வலுவான அடித்தளத்தை உருவாக்கிய அவரது பார்வை தேசிய அரசியல் பக்கம் திரும்பியது. மோடி தேசிய அரசியலுக்கு வந்தது, அத்வானியின் வீழ்ச்சிக்கு வழி வகுப்பதாக இருந்தது. குஜராத்தில் தனது அரசில் மந்திரியாக இருந்தவரும், தனக்கு வலது கரமாக விளங்கியவருமான அமித்ஷாவின் உதவியுடன் தேசிய அரசியலில் கால் பதித்த மோடி, கடந்த 2014-ம் ஆண்டு நாடாளுமன்ற தேர்தலின் போது கிட்டத்தட்ட கட்சியை தனது முழு கட்டுப்பாட்டுக்குள் கொண்டு வந்துவிட்டார். அந்த தேர்தலில் மோடியை பிரதமர் வேட்பாளராக முன்நிறுத்தியே பாரதீய ஜனதா தேர்தலை சந்தித்தது. வேட்பாளர் தேர்வு, பிரசாரம் என்று அனைத்திலும் மோடியின் கையே ஓங்கி இருந்தது. அத்வானியின் முக்கியத்துவம் கட்சியில் படிப்படியாக குறைந்து வந்தது. அந்த தேர்தலுக்கு முன் 2013-ம் ஆண்டு ஜூன் மாதம் 9-ந் தேதி பாரதீய ஜனதாவின் பிரசார குழு தலைவராக மோடி நியமிக்கப்பட்டார். அதற்கு எதிர்ப்பு தெரிவித்து, யாரும் எதிர்பாராத வகையில் கட்சியில் தான் வகித்து வந்த அனைத்து பதவிகளையும் அத்வானி ராஜினாமா செய்தார். ஆனால் கட்சியில் பல்வேறு தரப்பில் இருந்தும் வற்புறுத்தல்கள் வந்ததை தொடர்ந்து, மறுநாளே அவர் தனது ராஜினாமாவை வாபஸ் பெற்றுக் கொண்டார். இப்படியாக அத்வானிக்கும், மோடிக்கும் இடையேயான மோதல் நீறு பூத்த நெருப்பாகவே இருந்தது. அந்த தேர்தலில் பாரதீய ஜனதா வெற்றி பெற்று மோடி பிரதமர் ஆனதும், அத்வானிக்கு அரசில் முக்கிய பதவி கிடைக்கும் என்று எதிர்பார்க்கப்பட்டது. ஆனால் மோடி அவரை ஒதுக்கி வைத்துவிட்டார். அப்போது, பாரதீய ஜனதாவில் ‘மார்க் தர்ஷக் மண்டல்’ என்ற பெயரில் புதிதாக உருவாக்கப்பட்ட வழிகாட்டும் குழுவில் வாஜ்பாய், முரளி மனோகர் ஜோஷி ஆகியோருடன் அத்வானியும் நியமிக்கப்பட்டார். அதன்பிறகு 2017-ல் ஜனாதிபதி தேர்தல் வந்தது. பாரதீய ஜனதா சார்பில் நிறுத்தப்படும் வேட்பாளரின் வெற்றி உறுதி என்ற நிலையில், அத்வானிக்கு ஜனாதிபதி ஆகும் வாய்ப்பை மோடி வழங்கக்கூடும் என்று எதிர்பார்க்கப்பட்டது. ஆனால் எதிர்பார்ப்புக்கு மாறாக, பீகார் மாநில கவர்னராக இருந்த ராம்நாத் கோவிந்தை ராஜினாமா செய்ய வைத்து, அவரை வேட்பாளராக நிறுத்தி ஜனாதிபதியாக்கி விட்டார் மோடி. ஆக, தேசிய அரசியலில் மோடி தலை தூக்கியதில் இருந்து அத்வானியின் அரசியல் வாழ்க்கை படிப்படியாக மங்க தொடங்கியது. இந்த தேர்தலில், முதுமையை காரணம் காட்டி அவரை கழற்றிவிட்டு விட்டார்கள். அத்வானிக்கு மட்டுமா இந்த நிலை? அவரைப்போன்ற கட்சியின் மூத்த தலைவர்களான முரளி மனோகர் ஜோஷி, சுஷ்மா சுவராஜ், உமா பாரதி, அருண் ஜெட்லி, சாந்த குமார், பி.சி.கந்தூரி, கல்ராஜ் மிஸ்ரா, ஷாநவாஸ் உசேன், ரமேஷ் பயஸ், சுமித்ரா மகாஜன், ராஜன் கோகெய்ன், பிஜோயா சக்ரவர்த்தி போன்றோரும் இந்த ஒதுக்கப்பட்டோர் பட்டியலில் உள்ளனர். 75 வயதுக்கு மேற்பட்டோருக்கு தேர்தலில் போட்டியிட சீட் வழங்குவது இல்லை என்ற அடிப்படையில் கட்சியில் உள்ள மூத்த தலைவர்களுக்கு வாய்ப்பு வழங்கப்படவில்லை என்று பாரதீய ஜனதா தரப்பில் கூறப்படுகிறது. இந்த 75 வயது வரையறைக்குள் வந்துவிட்ட சிலர், தங்களுக்கு சீட் கிடைக்காது என்று கருதி, கட்சி தலைமையின் மன ஓட்டத்தை அறிந்து, தாங்கள் தேர்தலில் போட்டியிட விரும்பவில்லை என்று தாமாகவே ஒதுங்கிவிட்டனர். அப்படி ஒதுங்கியவர்களில் தற்போது நாடாளுமன்ற சபாநாயகராக இருக்கும் 76 வயதான சுமித்ரா மகாஜன், 85 வயதான சாந்தகுமார் எம்.பி. ஆகியோர் குறிப்பிடத்தக்கவர்கள். சுமித்ரா மகாஜன் மத்தியபிரதேச மாநிலம் இந்தூர் தொகுதியில் இருந்து, 30 ஆண்டுகளில் தொடர்ந்து 8 முறை தேர்ந்தெடுக்கப்பட்டவர். இமாசலபிரதேச முதல்-மந்திரியாக பதவி வகித்துள்ள சாந்தகுமார், கடந்த நாடாளுமன்ற தேர்தலில் அங்குள்ள கங்க்ரா தொகுதியில் இருந்து தேர்ந்தெடுக்கப்பட்டவர். ஏற்கனவே அந்த தொகுதியில் 3 முறை போட்டியிட்டு வெற்றி பெற்று இருக்கிறார். இமாசலபிரதேசத்தில் பாரதீய ஜனதா வலுவாக காலூன்றியதில் சாந்தகுமாருக்கு முக்கிய பங்கு உண்டு. உடல் நிலையை காரணம் காட்டி விலகிக் கொண்டவர் பி.சி.கந்தூரி. உத்தரகாண்ட் மாநிலத்தில் இரு முறை முதல்-மந்திரியாக பதவி வகித்துள்ள இவர், வாஜ்பாய் ஆட்சியின் போது வெளியுறவு மந்திரியாக இருந்துள்ளார். காய்கள் ருசிப்பதில்லை, நன்றாக கனிந்த பழங்கள்தான் இனிக்கின்றன. வயதாக வயதாகத்தான் தேக்கு மரத்தின் உறுதித்தன்மையும், மதிப்பும் அதிகரிக்கிறது. உடல் நலமும், மனநலமும் நன்றாக இருப்பவர்களை முதுமையை காரணம் காட்டி ஒதுக்கி வைப்பது அவர்களை புண்படுத்துவதோடு மட்டுமின்றி, அப்படிச் செய்பவர்களுக்கும் ஓர் இழப்பாகவே இருக்கும். முதுமையின் அனுபவ அறிவும், இளமையின் செயலாக்க வேகமும் சேரும்போதுதான் மகத்தான சாதனைகள் உருவாகும். இந்த தேர்தலில் பாரதீய ஜனதா மீண்டும் வெற்றி பெற்றால், அத்வானி தொடர்ந்து முக்கியத்துவம் இழந்த நிலையிலேயே இருப்பார். முடிவு நேர் மாறாக இருந்தால், மோடியை நோக்கி கணைகள் பாயும். கட்சியில் ஒதுக்கி வைக்கப்பட்டுள்ள அத்வானியின் அரசியல் வாழ்க்கை முடிந்துவிட்டதா? அல்லது பீனிக்ஸ் பறவையைப் போல் அவர் மீண்டும் எழுந்து வருவாரா? என்பதற்கு காலம்தான் பதில் சொல்லும்.

வங்கி கணக்கில் பணத்தை திருடும் மோசடி கும்பல்

வங்கியில் இருந்து பேசுவதாகக் கூறி டெபிட், கிரெடிட் கார்டுகளின் தகவலை கேட்டு, வங்கி கணக்கில் இருக்கும் பணத்தை கொள்ளையடிக்கும் சம்பவங்கள் நடந்து வரும் நிலையில், தற்போது எந்த தகவலையுமே கேட்காமல், வங்கி கணக்கில் இருக்கும் பணத்தை கொள்ளையடிக்கும் நவீன தொழில்நுட்பத்தை கொள்ளையர்கள் பயன்படுத்தத் தொடங்கியுள்ளனர். சென்னை ராயப்பேட்டையைச் சேர்ந்தவர் சண்முகம். எச்டிஎஃப்சி வங்கியில் கணக்கு வைத்திருக்கிறார். ஆன்லைன் மூலம் வாங்கிய பொருளுக்கு வங்கி கணக்கில் இருந்து ரூ.10 ஆயிரம் எடுக்கப்பட்டிருப்பதாக அவரது செல்போன் எண்ணுக்கு குறுஞ்செய்தி வந்துள்ளது. இதனால் அதிர்ச்சி அடைந்தவர், உடனடியாக வங்கியின் சேவை மையத்துக்கு தொடர்பு கொண்டு தனது கார்டை ‘பிளாக்’ செய்துள்ளார். பின்னர் வங்கி அதிகாரிகளிடம் சென்று முறையிட்டபோது, “ஆன்லைன் மூலம் செய்யப்பட்ட பணப் பரிமாற்றத்துக்கு முறைப்படி உங்களது செல்போன் எண்ணுக்கு ரகசிய குறியீட்டு எண் (ஓடிபி) அனுப்பப்பட்டுள்ளது. அந்த ஓடிபியைப் பயன்படுத்திய பிறகே உங்கள் வங்கி கணக்கில் இருந்து பணம் எடுக்கப்பட்டுள்ளது. இதற்கு நாங்கள் பொறுப்பாக முடியாது” என்று கூறியுள்ளனர். இதனால் அதிர்ச்சி அடைந்த சண்முகம் தனது செல்போனை பரிசோதனை செய்ய, அதில் ‘எம்ஐ பேயூ’ (mi payU) என்ற பெயரில் ஒரு செயலி பதிவிறக்கமாகி இருப்பதை பார்த்திருக்கிறார். அது ஒரு ஹேக்கர் செயலி என்பதையும், அதன் மூலம் செல்போனை ‘ஹேக்’ செய்து பணப் பரிமாற்றத்துக்கான ஓடிபியை ஹேக்கர் கள் தெரிந்து கொண்டதும் அவருக்கு தெரியவந்தது. உடனே அந்தச் செயலியை செல்போனில் இருந்து ‘அன்இன்ஸ்டால்’ செய்துள்ளார். பின்னர் தனது பெயரில் இருந்த 3 வங்கி கணக்குகளை பிளாக் செய்து விட்டு, அவசர தேவைக்காக இந்தியன் வங்கியில் உள்ள ஒரே ஒரு கணக்கை மட்டும் பிளாக் செய்யாமல் விட்டுள்ளார். 10 நாள் இடைவெளியில் இந்தியன் வங்கி கணக்கில் இருந்தும் தலா ரூ.10 ஆயிரம் வீதம் இரண்டு தவணைகளில் ரூ.20 ஆயிரம் ஆன்லைன் மூலம் திருடப்பட, அதிர்ச்சி அடைந்த சண்முகம் அந்த வங்கிக் கணக்கையும் பிளாக் செய்துள்ளார். பின்னர் தனது செல்போனை சோதனை செய்ய, ஏற்கெனவே ‘அன்இன்ஸ்டால்’ செய்த ‘எம்ஐ பேயூ’ என்ற செயலி மீண்டும் செல்போனில் பதிவிறக்கம் செய்யப்பட்டிருப்பதை பார்த்து, செல்போனையே ‘பேக்டரி டேட்டா ரீ செட்’ செய்திருக்கிறார். ஒரு நபர் வெவ்வேறு வங்கிகளில் வைத்திருக்கும் வங்கிக் கணக்கு விவரங்களை எப்படி எடுக்க முடிந்தது, அதை வைத்து எப்படி பணத்தை கொள்ளையடிக்கிறார்கள் என்பது குறித்து சைபர் கிரைம் போலீஸாரிடம் கேட்டபோது, “வங்கிகளின் நெட் பேங்கிங் பக்கத்தில் ‘யூபிஐ’ என்ற பிரிவு சமீப காலமாக இருப்பதை நாம் பார்த்திருப்போம். அதாவது, ஒரு நபரின் பெயரில் இருக்கும் வெவ்வேறு வங்கி கணக்கு விவரங்கள் அனைத்தும் இந்த யூபிஐ அக்கவுண்டில் இணைக்கப்பட்டிருக்கும். ஒரு வங்கி கணக்கில் இருந்து மற்றொரு வங்கி கணக்குக்கு, எந்த விதமான சேவைக்கட்டணமும் இன்றி பணத்தை உடனடியாக மாற்றுவதற்காக இந்த யூபிஐ அக்கவுண்ட் பயன் படுகிறது. இந்த யூபிஐ அக்கவுண்ட்டில் ஆதார் கார்டை இணைப்பது அவசிய மாகும். சிக்கலே இங்கேதான் ஆரம் பிக்கிறது. வங்கி அதிகாரி பேசுவதாக கூறியும், டெபிட் - கிரெடிட் கார்டுகளின் விவரங்கள் மற்றும் ரகசிய குறியீட்டு எண்ணைத் தெரிந்து கொண்டு பணத்தைத் திருடி வந்த கொள்ளையர்கள், தற்போது ஹேக்கிங் தொழில்நுட்பத்தைப் பயன்படுத்தி கொள்ளையடிக்கின்றனர். அனைத்து வங்கி கணக்குகளுடனும் ஆதார் எண்ணை இணைத்திருப்பதால், நமது ஆதார் எண் மூலம் யூபிஐ அக்கவுண்ட்டுக்குள் நுழையும் ஹேக்கர்கள், ஒரு நபரின் அனைத்து வங்கி கணக்கு விவரங்களையும் எடுத்து விடுகின்றனர். பின்னர், நமது செல்போனுக்கு குறுஞ்செய்தி அல்லது விளம்பரம் மூலம் ஹேக்கிங் செயலியைச் செலுத்தி, நமது செல்போனுக்கு வரும் ஓடிபி தகவல்களை அவர்களுக்கு வரும்படி செய்து, வங்கிக் கணக்கில் இருக்கும் பணத்தைக் கொள்ளையடிக்கின்றனர். தமிழகத்தில் கடந்த ஓர் ஆண்டில் மட்டும் இதுபோல 2,100 வழக்குகள் பதிவாகியுள்ளன. இதில் ஒரு நபரைக்கூட பிடிக்க முடியவில்லை. வங்கிக் கணக்கில் இருந்து கொள்ளையடிக்கப்படும் பணம் கொள்ளையர்களின் வங்கி கணக்குகளுக்குத்தான் அனுப்பப்படும். பின்னர் அடுத்தடுத்து 4 அல்லது 6 வங்கி கணக்குக்கு அந்த பணம் மாற்றப்பட்டு, ஏதாவது ஒரு இடத்தில் பணத்தை எடுத்துவிடுவார்கள். அனைத்து வங்கி கணக்குகளும் போலி முகவரியால், அடையாளம் தெரியாத நபரால் தொடங்கப்பட்டிருக்கும். அந்த நபர்களைக் கண்டுபிடிப்பது சிரமம். தொடர் விசாரணை மற்றும் வெளிமாநிலங்களில் தங்கி தேடுதல் வேட்டை நடத்தினால் மோசடி நபர்களைப் பிடிக்க முடியும். ஆனால், அதற்கு அதிக பொருட்செலவு ஏற்படும் என்பதால் காவல் துறையினர் யாரும் அதை செய்வதில்லை” என்றனர். அகில இந்திய வங்கி அதிகாரிகள் கூட்டமைப்பின் முன்னாள் பொதுச் செயலாளர் டி.தாமஸ் ஃபிராங்கோ கூறும்போது, “வங்கி எண்ணுடன் ஆதார் எண்ணை இணைப்பது தேவையற்றது. இது தொடர்பாக உச்ச நீதிமன்றத்தில் தொடரப்பட்டுள்ள 27 வழக்குகளில் நானும் ஒரு வழக்கைப் பதிவு செய்து இருக்கிறேன். வங்கிக் கணக்குடன் ஆதார் எண்ணை இணைத்திருப்பவர்கள், வங்கிக்கு கடிதம் கொடுத்து ஆதார் எண்ணை நீக்கச் சொல்ல வேண்டும்” என்றார். எக்ஸ்னோரா நிர்மல் கூறும்போது, “வரும்காலத்தில் ஆதார் தகவல்களைத் திருடித்தான் மிகப்பெரிய மோசடிகள் நடத்தப்படும் என்று தொழில்நுட்ப வல்லுநர்கள் தெரிவித்துள்ளனர். அதிக பாதுகாப்பு அம்சங்கள் கொண்ட அமெரிக்கா மற்றும் இந்தியாவின் ராணுவ இணையதளங்களையே ஹேக்கர்கள் முடக்கி விட்டனர். இணையதளம் முடக்கப்பட்டதால் ‘வாஷிங்டன் போஸ்ட்’ பத்திரிகை 4 நாட்கள் வெளிவரவில்லை. இதையெல்லாம் செய்த ஹேக்கர் களுக்கு ஆதார் தகவல்களைத் திருடுவது சவாலாக இருக்காது. எனவே, ஆதாரை வங்கிக் கணக்குடன் இணைப்பது ஆபத்தானது” என்றார். சாதாரண தொழில்நுட்பங்களை மட்டும் வைத்துக் கொண்டு, தொழில் நுட்ப குற்றங்களைத் தடுக்கவும் முடியாது, குற்றவாளிகளைக் கண்டு பிடிக்கவும் முடியாது. ஹேக்கர்களைக் கண்டுபிடிக்க, ஹேக்கிங் தொழில்நுட்பம் தெரிந்த நபர்களை சைபர் கிரைம் பணியில் சேர்க்க வேண்டும். அவர் களை வைத்து மட்டுமே ஹேக்கர் களைப் பிடிக்க முடியும். வங்கிக் கணக்கில் இருக்கும் பணம் திருடுபோனால் அதற்கு வங்கியே முழு பொறுப்பையும் ஏற்க வேண்டும் என்று சமூக ஆர்வலர்கள் தெரிவித் துள்ளனர்.அனைத்து வங்கி கணக்குகளுடனும் ஆதார் எண்ணை இணைத்திருப்பதால், அதன் மூலம் யூபிஐ அக்கவுண்ட்டுக்குள் நுழையும் ஹேக்கர்கள், ஒரு நபரின் அனைத்து வங்கி கணக்கு விவரங்களையும் எடுத்து விடுகின்றனர்.

பணி பதிவேட்டில் குறிப்பிட்டதை விட ஆசிரியர்களின் பெயரில் அதிக சொத்து இருந்தால் நடவடிக்கை ஐகோர்ட்டு அதிரடி உத்தரவு.

பணி பதிவேட்டில் குறிப்பிட்டதை விட ஆசிரியர்களின் பெயரில் அதிக சொத்து இருந்தால் நடவடிக்கை ஐகோர்ட்டு அதிரடி உத்தரவு. அரசு மற்றும் அரசு உதவிபெறும் பள்ளி ஆசிரியர்கள் பணி பதிவேட்டில் உள்ள சொத்துகளின் விவரங்களுக்கும், அவர்களது பெயரில் உள்ள சொத்துகளின் விவரங்களுக்கும் வித்தியாசம் காணப்பட்டால், அவர்கள் மீது சட்டப்படி நடவடிக்கை எடுக்க வேண்டும் என்று ஐகோர்ட்டு அதிரடி உத்தரவை பிறப்பித்துள்ளது. ஆதார் இணைப்பு அரசு மற்றும் அரசு உதவி பெறும் பள்ளிகளில் ஆசிரியர்கள் மற்றும் ஊழியர்களின் வருகையை கண்காணிக்க 'பயோ மெட்ரிக்' வருகைப்பதிவேடு முறை கட்டாயமாக்கப்படும் என தமிழக அரசு கடந்தாண்டு அரசாணை வெளியிட்டது. இந்த பயோ மெட்ரிக்குடன், ஆசிரியர்கள், ஆசிரியர்கள் அல்லாத ஊழியர்களின் ஆதாரையும் இணைக்க அரசு முடிவு செய்தது. இதை எதிர்த்து கன்னியாகுமரி மாவட்டத்தை சேர்ந்த ஆர்.அன்னாள் என்ற ஆசிரியை சென்னை ஐகோர்ட்டில் வழக்கு தொடர்ந்தார். இந்த வழக்கை நீதிபதி எஸ்.எம்.சுப்பிரமணியம் விசாரித்து பிறப்பித்த உத்தரவில் கூறியதாவது:- அரசின் பிரதிநிதிகள் தமிழக அரசு ஊழியர்களுக்கு, தமிழக அரசு தான் முதலாளி. பொதுநிர்வாகத்தை மேம்படுத்த 'பயோமெட்ரிக்' திட்டத்தை அமல்படுத்த தமிழக அரசுக்கு அதிகாரம் உள்ளது. அரசின் பிரதிநிதியாக அரசு ஊழியர்கள் திகழ்வதால், அவர்களது ஆதாரை 'பயோ மெட்ரிக்' வருகை பதிவேட்டில் சேர்ப்பது ஒன்றும் விதிமீறல் இல்லை. தனிநபர் சுதந்திரம் என்பது கூட நிபந்தனைக்கு உட்பட்டதுதான். இப்போது அரசு ஊழியர்கள் மத்தியில் ஒழுங்கீனம் அதிகரித்துள்ள நிலையில், ஆசிரியர்கள், ஆசிரியர் அல்லாத ஊழியர்களின் வருகையை உறுதி செய்ய தமிழக அரசு இதுபோன்ற திட்டத்தை கொண்டு வந்துள்ளது. எதிர்க்க முடியாது பொதுவாக அரசு பள்ளி ஆசிரியர்கள் சரியான நேரத்தில் பணிக்கு வருவது இல்லை என்றும், பணி நேரத்துக்கு முன்பாக பள்ளியில் இருந்து சென்று விடுகின்றனர் என்றும் ஆசிரியர் பணிக்கு தொடர்பில்லாத வேறு வேலைகளை அவர்கள் செய்து வருகின்றனர் என்றும் பல புகார்கள் வருகின்றன. எனவே, அவர்களது வருகையையும், பணி நேரத்தையும் கண்காணிக்கவும், உறுதி செய்யவும் இதுபோன்ற திட்டத்தை அரசு கொண்டு வந்துள்ளது. இதுபோன்ற திட்டத்தை அரசு கொள்கை முடிவு அடிப்படையில் கொண்டு வரும்போது, அதை ஆசிரியர்கள் எதிர்க்க முடியாது. மனுதாரரிடம் ஆதார் இல்லை என்றால், அதை விண்ணப்பித்து பெறவேண்டும். ஒருவேளை மனுதாரர் ஆதார் அட்டையை பெற விரும்பவில்லை என்றால், அவர் தொடர்ந்து ஆசிரியர் பணியை தொடர்வதா? அல்லது அப்பதவியை விட்டு விலகுவதா? என்பது குறித்து முடிவு செய்யவேண்டும். வரிப்பணத்தில் ஊதியம் தனியார் பள்ளிகளில் படிக்கும் மாணவர்கள், அதிகம் பேர் அதிக மதிப்பெண் எடுத்து தேர்ச்சிப்பெறுகின்றனர். இத்தனைக்கும் அங்கு பணியாற்றும் ஆசிரியர்களுக்கு குறைந்த ஊதியம் தான் வழங்கப்படுகிறது. அவர்கள் அதிகநேரம் பணியாற்றுகின்றனர். ஆனால், அரசு பள்ளி ஆசிரியர்கள் அதிக ஊதியம் பெறுகின்றனர். ஆனால், மாணவர்கள் தேர்ச்சி சதவீதத்தில் அரசு பள்ளிகள் மோசமாக உள்ளது. இது வரி செலுத்தும் மக்கள் மத்தியில் கடுமையான கோபத்தை ஏற்படுத்துகிறது. மக்கள் செலுத்தும் வரியின் மூலம் ஊதியம் பெறும் அரசு ஆசிரியர்கள், அனைத்து கல்வித் தகுதிகளையும் கொண்டிருந்தும், மாணவர்களுக்கு கல்வியை சிறப்பாக கற்பிப்பது இல்லை. அரசு பள்ளிகளின் உள்கட்டமைப்பு வசதிகளை மேம்படுத்த அரசு பெரும் தொகையை ஆண்டுதோறும் வழங்குகிறது. அப்படி இருந்தும், சிறந்த கல்வி மாணவர்களுக்கு கிடைப்பது இல்லை. மாணவர்களின் முன்மாதிரியாக ஆசிரியர்கள் திகழவேண்டும். மனுதாரரின் கோரிக்கையை நிராகரிக்கிறேன். பயோ மெட்ரிக் வருகை பதிவேட்டுடன், ஆதாரை இணைக்கும் திட்டத்தை தமிழக கல்வித்துறை விரைவாக அமல்படுத்த வேண்டும். அரசு பள்ளி ஆசிரியர்களுக்கு, பதவி மூப்பு அடிப்படையில் பதவி உயர்வு வழங்கும் விதிகளை தமிழக அரசு கொண்டு வரவேண்டும். அப்போதுதான், கல்வி முறையில் ஆசிரியர்களின் திறமையை வளர்க்க முடியும். அரசு மற்றும் அரசு உதவி பெறும் பள்ளிகளில் பணியாற்றும் ஆசிரியர்கள், ஆசிரியர் அல்லாத ஊழியர்களின் பெயரில் உள்ள அசையும், அசையா சொத்துகளின் விவரங்களை தமிழக கல்வித்துறை அதிகாரிகள் சரிபார்க்க வேண்டும். இதில் பணி பதிவேட்டில் உள்ள சொத்துகளின் விவரங்களுக்கும், ஆசிரியர்களின் பெயரில் உள்ள சொத்துகளின் விவரங்களுக்கும் வித்தியாசம் காணப்பட்டால், அதாவது அதிக சொத்து இருந்தால் அவர்கள் மீது சட்டப்படியான நடவடிக்கையை ஊழல் தடுப்பு பிரிவு போலீசார் மூலம் மேற்கொள்ள வேண்டும். துறை ரீதியான ஒழுங்கு நடவடிக்கைகளையும் எடுக்க வேண்டும். இவ்வாறு உத்தரவிட்ட நீதிபதி, அந்த வழக்கையும் முடித்து வைத்தார்.

கலை-அறிவியல் கல்லூரிகளில் சேர விண்ணப்பம் வினியோகம்

கலை-அறிவியல் கல்லூரிகளில் சேர விண்ணப்பம் வினியோகம் மாணவ-மாணவிகள் நீண்ட வரிசையில் நின்று வாங்கினர் தமிழகத்தில் உள்ள கலை மற்றும் அறிவியல் கல்லூரி களில் சேர விண்ணப்பம் வினியோகம் நேற்று தொடங் கியது. மாணவ- மாணவிகள் நீண்ட வரிசையில் நின்று வாங்கி சென்றனர். கலை மற்றும் அறிவியல் கல்லூரிகள் பிளஸ்-2 பொதுத்தேர்வு முடிவு வருகிற 19-ந்தேதி (வெள்ளிக்கிழமை) வெளியாக உள்ளது. தேர்வு முடிவு வெளியிடுவதற்கு 5 நாட்களுக்கு முன்பு கலை மற்றும் அறிவியல் கல்லூரிகளில் சேருவதற்கு விண்ணப்பம் வினியோகம் செய்யப்படுவது வழக்கம். அந்த வகையில் கல்லூரிகளில் நேற்று விண்ணப்பம் வினியோகம் தொடங்கியது. தமிழகத்தில் உள்ள 91 அரசு கலை மற்றும் அறிவியல் கல்லூரிகள், 139 அரசு உதவி பெறும் கல்லூரிகள், 518 தனியார் கல்லூரிகள், 27 பல்கலைக்கழக உறுப்பு கல்லூரிகள் உள்ளன. இதில் மொத்தம் 4 லட்சத்து 30 ஆயிரம் இடங்கள் இருப்பதாக கூறப்படுகிறது. விண்ணப்பம் வினியோகம் இந்த கல்லூரிகளில் நேற்று காலை முதல் சேர்க்கை விண்ணப்பங்கள் வினியோகம் செய்யப்பட்டன. எஸ்.சி., எஸ்.டி. பிரிவை சேர்ந்த மாணவ-மாணவிகள் ரூ.2-ம், பிற பிரிவு மாணவ-மாணவிகள் ரூ.50-ம் செலுத்தி விண்ணப்பங்களை வாங்கினர். இன்னும் 2 வாரங்களுக்கு மேல் விண்ணப்பங்கள் வினியோகம் செய்யப்படும். சென்னை அண்ணாசாலையில் உள்ள காயிதே மில்லத் அரசு மகளிர் கல்லூரி, காமராஜர் சாலையில் உள்ள ராணிமேரி கல்லூரியிலும் கலை மற்றும் அறிவியல் பாடப்பிரிவுகளில் சேர்ந்து படிப்பதற்கு மாணவிகள் நீண்ட வரிசையில் நின்று விண்ணப்பங்களை வாங்கி சென்றனர். தரவரிசை பட்டியல் கடந்த ஆண்டு வரை பிளஸ்-2 பொதுத்தேர்வு மொத்த மதிப்பெண் 1,200 ஆக இருந்தது. ஆனால் இந்த ஆண்டு 600 மதிப்பெண் களுக்கு பொதுத்தேர்வு நடைபெற்றது. இனிவரக்கூடிய காலங்களிலும் இதேமுறை தான் பின்பற்றப்பட இருக்கிறது. இந்த ஆண்டுக்கான தரவரிசை பட்டியல், தமிழ் மற்றும் ஆங்கிலம் பாடங் களை தவிர, பிற பாடப்பிரிவுகளுக்கு 400 மதிப்பெண்கள் அடிப்படையில் தயார் செய்து வெளியிடப்பட இருப்பதாக அதிகாரிகள் தெரிவித்தனர். கடந்த ஆண்டை போலவே, இந்த ஆண்டும் பி.காம் படிப்புக்கு கடும் போட்டி ஏற்பட்டு இருக்கிறது. விண்ணப்பங்களை பெற வந்திருந்த பெரும்பாலான மாணவிகள் பி.காம் படிப்பையே தேர்வு செய்ய இருப்பதாக தெரிவித்தனர்.

பிளஸ் 2 முடிவு திட்டமிட்டபடி ஏப். 19-ல் வெளியீடு அரசு தேர்வுத்துறை மீண்டும் அதிகாரப்பூர்வ அறிவிப்பு

பிளஸ் 2 தேர்வு முடிவுகள் திட்ட மிட்டபடி ஏப்ரல் 19-ம் தேதி வெளியிடப்படும் என அரசு தேர்வுத் துறை மீண்டும் அதிகாரப்பூர்வமாக அறிவித்துள்ளது. 12-ம் வகுப்பு பொதுத்தேர்வுகள் மார்ச் 1-ம் தேதி தொடங்கி 19-ல் முடிவடைந்தன. தமிழகம் மற்றும் புதுச்சேரியில் 8 லட்சத்து 87 ஆயிரத்து 992 மாணவ-மாணவி யர், தனித்தேர்வர்கள் தேர்வெழு தியுள்ளனர். விடைத்தாள் திருத்தும் பணி மார்ச் 20-ம் தொடங்கி ஏப்ரல் 8-ம் தேதி முடிவடைந்தது. தமிழகம் முழுவதும் 75-க்கும் மேற்பட்ட மையங்களில் ஏறத்தாழ 45,000 முதுகலை பட்டதாரி ஆசிரி யர்கள் விடைத்தாள் மதிப்பீட்டுப் பணியில் ஈடுபட்டனர். முன்கூட்டியே அறிவிப்பு பிளஸ் 2 தேர்வுகள் தொடங்கு வதற்கு முன்பாக தேர்வு முடிவுகள் ஏப்ரல் 19-ம் தேதி வெளியிடப்படும் என அதிகாரப்பூர்வமாக அறிவிப்பு வெளியிடப்பட்டது. இருப்பினும், மக்களவைத் தேர்தல் பணி, ஏப்ரல் 19-ம் தேதி புனித வெள் ளிக்கிழமையாக இருப்பது போன்ற பல்வேறு காரணங்களால் தேர்வு முடிவு வெளியாகும் தேதி மாற்றியமைக்கப்படலாம் என்று சந்தேகம் மாணவ-மாணவியர், பெற்றோர் மற்றும் ஆசிரியர்கள் மத்தியில் நிலவி வந்தது. எனினும் திட்டமிட்டபடி பிளஸ் 2 தேர்வு முடிவுகள் ஏப்ரல் 19-ம் தேதி வெளியாகும் என்று அரசு தேர்வுத்துறை சார்பில் அவ்வப் போது விளக்கம் அளிக்கப்பட்டு வந்தது. இந்நிலையில், பிளஸ் 2 தேர்வு முடிவுகள் தொடர்பாக அரசு தேர்வுத் துறை மீண்டும் அதிகாரப்பூர்வமாக ஓர் அறிவிப்பை இணையதளத்தில் வெளியிட்டுள்ளது. அதன்படி, பிளஸ் 2 தேர்வு முடிவுகள் குறித்த ஆய்வை (அனலிசிஸ்) தேர்வுத் துறையின் இணையதளத்தில் ஏப்ரல் 19-ம் தேதி (வெள்ளிக் கிழமை) காலை 9.30 மணிக்கு பதிவிறக்கம் செய்துகொள்ளலாம் என கூறப்பட்டுள்ளது. கடந்த 2 ஆண்டுகளாகவே பிளஸ் 2 தேர்வு முடிவுகள், தேர்ச்சி விவரங்கள் அரசு தேர்வுத்துறை தலைமை அலுவலகத்தில் நேரில் வெளியிடப்படுவது இல்லை. தேர்வு முடிவுகள் அடங்கிய விவரங்களை இணையதளத்தில் பதிவிறக்கம் செய்துகொள்ள வேண்டும் என்பது குறிப்பிடத்தக்கது. குறுஞ்செய்தியில் முடிவுகள் மதிப்பெண்களுடன் கூடிய தேர்வு முடிவுகளை மாணவர்களின் செல்போன் எண்ணுக்கு எஸ்எம்எஸ் மூலம் அனுப்பும் முறை கடந்த ஆண்டு அறிமுகப்படுத்தப்பட்டது. எனவே, பிளஸ் 2 தேர்வு முடிவுகள் 19-ம் தேதி காலை 9.30 மணிக்கு தேர்வெழுதிய அனைத்து மாணவ-மாணவியரின் செல்போன் எண் ணுக்கு குறுஞ்செய்தி வாயிலாக தெரிவிக்கப்படும். கடந்த ஆண்டு வரையில் பிளஸ் 2 தேர்வில் ஒவ்வொரு பாடமும் 200 மதிப்பெண்ணுக்கு நடத்தப்பட்டது. இந்த ஆண்டு முதல் முறையாக 100 மதிப்பெண்ணுக்கு நடத்தப்பட்டது. அதோடு தமிழ், ஆங்கிலம் உள்ளிட்ட மொழித்தாள் தேர்வுகள் முன்பு போல 2 தாள்களாக இல்லாமல் ஒரே தாளாக நடத்தப்பட்டது என்பது குறிப்பிடத்தக்கது.

UPSC RECRUITMENT 2019 | UPSC அறிவித்துள்ள வேலைவாய்ப்பு அறிவிப்பு | பதவி : மருத்துவ அதிகாரி உள்ளிட்ட பணி | மொத்த காலிப்பணியிட எண்ணிக்கை : 965 | விண்ணப்பிக்க கடைசி நாள் : 06.05.2019. இணைய முகவரி : www.upsc.gov.in

UPSC RECRUITMENT 2019 | UPSC அறிவித்துள்ள வேலைவாய்ப்பு அறிவிப்பு | பதவி : மருத்துவ அதிகாரி உள்ளிட்ட பணி | மொத்த காலிப்பணியிட எண்ணிக்கை : 965 | விண்ணப்பிக்க கடைசி நாள் : 06.05.2019. இணைய முகவரி : www.upsc.gov.in

மத்திய அரசு துறைகளில் 965 மருத்துவ அதிகாரி பணியிடங்கள் மத்திய அரசு துறைகளில் மருத்துவ அதிகாரி பணியிடங்களுக்கான தேர்வு அறிவிக்கப்பட்டு உள்ளது. மொத்தம் 965 பேர் தேர்வு செய்யப்படுகிறார்கள். இது பற்றிய விவரம் வருமாறு:- மத்திய அரசுப் பணியாளர் தேர் வாணையம் சுருக்கமாக யூ.பி.எஸ்.சி. என அழைக்கப்படுகிறது. மத்திய அரசு துறைகளின் பல்வேறு உயர் பொறுப்புகளை இந்த அமைப்பு தேர்வு நடத்தி நியமனம் செய்து வருகிறது. தற்போது மருத்துவ அதிகாரி பணியிடங்களை நிரப்புவதற்கான தேர்வு அறிவிக்கப்பட்டு உள்ளது. ஒருங்கிணைந்த மருத்துவ சேவைப் பணிகள் தேர்வு 2019 எனப்படும் இந்த தேர்வு மூலம் உதவி டிவிஷன் மருத்துவ அதிகாரி, துணை பொது மருத்துவ அதிகாரி உள்ளிட்ட பணியிடங்கள் நிரப்பப்படுகிறது. மொத்தம் 965 பணியிடங்கள் நிரப்பப்படுகிறது. பிரிவு வாரியான பணியிட விவரம் : உதவி டிவிஷனல் மருத்துவ அதிகாரி -300 பேர், உதவி மருத்துவ அதிகாரி - 46 பேர், ஜூனியர் சென்டிரல் கெல்த் சர்வீஸஸ் -25, துணை பொது மருத்துவ அதிகாரி (கிரேடு2) -362 பேர், டெல்லி நகர கவுன்சில் மருத்துவ அதிகாரி -7 பேர் இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்கள் வருமாறு.. வயது வரம்பு விண்ணப்பதாரர்கள், 1-8-2019-ந் தேதியில் 32 வயதுக்கு உட்பட்டவர்களாக இருக்க வேண்டும். அதாவது 2-8-1987-க்கு பிறகு பிறந்தவர்கள் விண்ணப்பிக்கலாம். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படும். கல்வித்தகுதி எம்.பி.பி.எஸ். படித்தவர்கள் விண்ணப்பம் சமர்ப்பிக்கலாம். தேர்வு செய்யும் முறை எழுத்துத் தேர்வில் தேர்ச்சி பெறுபவர்கள், நேர்காணல் மற்றும் ஆளுமைத் திறன் தேர்வுக்கு அழைக்கப்படுவார்கள். சான்றிதழ் சரிபார்க்கப்பட்ட பின் தேர்வுகளில் தேர்ச்சி பெறுபவர்கள் பணி நியமனம் செய்யப்படுவார்கள். கட்டணம் விண்ணப்பதாரர்கள் ரூ.200 கட்டணம் செலுத்தி விண்ணப்பிக்க வேண்டும். பெண் விண்ணப்பதாரர்கள், எஸ்.சி., எஸ்.டி. பிரிவினர் மற்றும் மாற்றுத்திற னாளிகள் இந்த கட்டணம் செலுத்த வேண்டியதில்லை. இணையதளம் மற்றும் வங்கி வழியாக கட்டணம் செலுத்தலாம். விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். மே 6-ந் தேதி விண்ணப்பிக்க கடைசிநாளாகும். இதற்கான தேர்வு 21-7-2019-ந்தேதி நடைபெறுகிறது. தேர்வு முடிவு செப்டம்பர்-அக்டோபரில் வெளியாகும். அதன் பிறகு நேர்காணல் தேதி அறிவிக்கப்படும். விண்ணப்பிக்கவும், விரிவான விவரங்களை தெரிந்து கொள்ளவும் www.upsc.gov.in என்ற இணையதள பக்கத்தைப் பார்க்கவும்.

SBI RECRUITMENT 2019 | SBI அறிவித்துள்ள வேலைவாய்ப்பு அறிவிப்பு | பதவி : கிளார்க் உள்ளிட்ட பணி | மொத்த காலிப்பணியிட எண்ணிக்கை : 8,904 | விண்ணப்பிக்க கடைசி நாள் : 03.05.2019. இணைய முகவரி : www.sbi.co.in

SBI RECRUITMENT 2019 | SBI அறிவித்துள்ள வேலைவாய்ப்பு அறிவிப்பு | பதவி : கிளார்க் உள்ளிட்ட பணி | மொத்த காலிப்பணியிட எண்ணிக்கை : 8,904 | விண்ணப்பிக்க கடைசி நாள் : 03.05.2019. இணைய முகவரி : www.sbi.co.in

ஸ்டேட் வங்கியில் 8,904 கிளார்க் பணிகள் ஸ்டேட் வங்கியில் கிளார்க் பணியிடங்களுக்கு 8 ஆயிரத்து 904 பேர் தேர்வு செய்யப்படுகிறார்கள். பட்டதாரிகள் இந்த பணியிடங்களுக்கு விண்ணப்பிக்கலாம். இது பற்றிய விவரம் வருமாறு:- இந்தியாவின் பிரபலமான பொதுத்துறை வங்கிகளில் ஒன்று ஸ்டேட் பேங்க் ஆப் இந்தியா (எஸ்.பி.ஐ.). ஸ்டேட் வங்கி என அழைக்கப்படும் இந்த வங்கி நாடு முழுவதும் ஆயிரக்கணக்கான கிளைகளுடன் செயல்படுகிறது. மற்ற பொதுத்துறை வங்கிகள், வங்கி பொது எழுத்துத் தேர்வு அடிப்படையில் பணியிடங்களை நிரப்பி வருகிறது. ஸ்டேட் வங்கி மட்டும் தனியே தேர்வு நடத்தி பணியாளர்களை நியமித்து வருகிறது. கடந்த வாரம் புரபெசனரி அதிகாரிகளுக்கான தேர்வை அறிவித்து இருந்தது. தற்போது கிளார்க் மற்றும் ஜூனியர் அசோசியேட் பணியிடங்களுக்கான அறிவிப்பை வெளியிட்டு உள்ளது. மொத்தம் 8 ஆயிரத்து 904 பணியிடங்கள் நிரப்பப்படுகிறது. இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு விண்ணப்பதாரர்கள் 1-4-2019-ந் தேதியில் 20 வயது பூர்த்தி அடைந்தவராகவும், 28 வயதுக்கு உட்பட்டவர்களாகவும் இருக்க வேண்டும். மத்திய அரசு விதிகளின்படி குறிப்பிட்ட பிரிவினருக்கு வயது வரம்பு தளர்வு அனுமதிக்கப்படும். கல்வித்தகுதி ஏதேனும் ஒரு பிரிவில் பட்டப்படிப்பு படித்தவர்கள் விண்ணப்பிக்கத் தகுதியானவர்கள். கட்டணம் பொதுப் பிரிவினர், ஓ.பி.சி. பிரிவினர் மற்றும் பொருளாதாரத்தில் பின்தங்கியவர்கள் ஆகியோர் ரூ.750 கட்டணமாக செலுத்தி விண்ணப்பிக்க வேண்டும். எஸ்.சி., எஸ்.டி. பிரிவினர் மற்றும் மாற்றுத்திறனாளிகள், முன்னாள் ராணுவ வீரர்கள் ஆகியோர் ரூ.125 கட்டணம் செலுத்தினால் போதுமானது. நெட்பேங்கிக் மற்றும் டெபிட்கார்டு, கிரெடிட் கார்டு மூலம் கட்டணம் செலுத்தலாம். விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். இணையதளம் வழியாக விண்ணப்பம் சமர்ப்பிக்கவும் கட்டணம் செலுத்தவும் மே 3-ந் தேதி விண்ணப்பிக்க கடைசிநாளாகும். முதல்நிலைத் தேர்வு ஜூன் மாதமும், முதன்மைத் தேர்வு ஆகஸ்ட் 10-ந்தேதியும் நடத்த உத்தேசிக்கப்பட்டு உள்ளது. விண்ணப்பிக்கவும், விரிவான விவரங்களை தெரிந்து கொள்ளவும் www.sbi.co.in என்ற இணையதள பக்கத்தைப் பார்க்கவும்.

எம்பிபிஎஸ், பிடிஎஸ் படிப்பு  நீட் தேர்வுக்கான ஹால்டிக்கெட் இணையதளத்தில் இன்று வெளியீடு 

எம்பிபிஎஸ், பிடிஎஸ் படிப்பு களுக்கான நீட் தேர்வுக்கு விண்ணப் பித்த மாணவ, மாணவிகள் தங்களுடைய ஹால்டிக்கெட்டை இணையதளத்தில் இருந்து இன்று பதிவிறக்கம் செய்து கொள்ளலாம் என்று தேசிய தேர்வுகள் முகமை தெரிவித் துள்ளது. நாடுமுழுவதும் அரசு மற்றும் தனியார் மருத்துவக் கல்லூரிகளில் உள்ள எம்பிபிஎஸ், பிடிஎஸ் படிப்புகளுக்கு 2019-10-ம் கல்வி ஆண்டு மாணவர் சேர்க்கைக்கான தேசிய தகுதி மற்றும் நுழைவுத் தேர்வு வரும் மே மாதம் 5-ம் தேதி நடக்கிறது. தேசிய தேர்வுகள் முகமை (என்டிஏ) நடத்தும் நீட் தேர்வுக்கு நாடுமுழுவதும் இருந்து 15 லட்சத்து 19 ஆயிரம் பேரும், தமிழகத்தில் மட்டும் சுமார் 1 லட்சத்து 40 ஆயிரம் பேரும் விண்ணப்பித்துள்ளனர். இந்நிலையில் நீட் தேர்வுக்கான ஹால் டிக்கெட் www.nta.ac.in / www.ntaneet.nic.in இணையதளங் களில் இன்று பதிவேற்றம் செய் யப்படுகிறது. நீட் தேர்வுக்கு விண்ணப்பித்த மாணவ, மாணவி கள் இணையதளங்களில் இருந்து ஹால்டிக்கெட்டை பதிவிறக்கம் செய்து கொள்ளலாம். தமிழகத் தில் 14 நகர்கள் உட்பட நாடுமுழுவதும் 154 நகரங்களில் தமிழ், ஆங்கிலம், இந்தி, தெலுங்கு, கன்னடம், குஜராத்தி, மராத்தி, ஒடியா, அஸ்சாமி, வங்காளம், உருது ஆகிய 11 மொழிகளில் நீட் தேர்வு நடைபெறுகிறது. தமிழ் மொழியில் நீட் தேர்வு எழுத விண்ணப்பித்தவர்களுக்கு தமிழகத்திலேயே தேர்வு மையங்கள் ஒதுக்கீடு செய்யப்பட உள்ளன. ஆங்கிலத்தில் தேர்வு எழுத விண்ணப்பித்தவர்களுக்கு தமிழகத்தில் இடம் காலியாக இல்லை என்றால் வேறு மாநிலங்களில் தேர்வு மையம் ஒதுக்கீடு செய்யப்படும். நீட் தேர்வு முடிவுகள் ஜூன் 5-ம் தேதி வெளியிடப்பட உள்ளதாக தேசிய தேர்வுகள் முகமை தெரிவித்துள்ளது.

எமிஸ் இணையதளம் மூலம் மாணவர் சேர்க்கை  பள்ளிக்கல்வி துறை உத்தரவு 

பள்ளி கல்வித்துறை இயக் குநர் வி.சி.ராமேஸ்வர முருகன், மாவட்ட முதன்மை கல்வி அதிகாரிகளுக்கு அனுப்பிய சுற்றறிக்கை: நடப்பாண்டு முதல் கல்வியாண்டின் இறுதி லேயே (ஏப்.1) அனைத்து வித மான பள்ளிகளிலும் மழலையர் வகுப்புகள் தொடங்கி பிளஸ் 2 வரை மாணவர் சேர்க்கை நடவடிக்கைகளை மேற் கொள்ள அனுமதி அளிக்கப் பட்டுள்ளது. மேலும், தங்கள் மாவட்டத் தில் அனைத்து வகை பள்ளி களிலும் புதிய மாணவர்கள் சேர்க்கை, பழைய மாணவர் களின் தேர்ச்சி விவரம், வேறு பள்ளிக்கு மாற்றம் மற்றும் நீக்குதல் உள்ளிட்ட அனைத்து அன்றாட நடவடிக்கைகளை யும் கல்வித் தகவல் மேலாண்மை (எமிஸ்) இணையதளத்தில் பள்ளிகள் பதிவு செய்ய வேண்டும். இதுதொடர்பான பணிகளை முதன்மை கல்வி அதிகாரிகள் அவ்வப்போது மேற்பார்வை செய்து, இணையதள விவரங் களை சரியாக பராமரிக்காத பள்ளிகள் மீது உரிய நட வடிக்கை எடுக்க வேண்டும். புதிய மாணவர் சேர்க்கையில் அரசின் வழிகாட்டுதல்கள் கட் டாயம் பின்பற்றப்படவேண்டும்.

தமிழில் ‘நீட்’ தேர்வு எழுத விண்ணப்பித்தவர்களுக்கு மட்டும் தமிழகத்திலேயே தேர்வு மையங்கள் ஒதுக்கீடு இணையதளத்தில் நாளை ஹால்டிக்கெட் 

எம்பிபிஎஸ், பிடிஎஸ் படிப்புகளுக் கான நீட் தேர்வை தமிழில் எழுத விண்ணப்பித்த மாணவ, மாணவிகளுக்கு தமிழகத்திலேயே தேர்வு மையங்கள் அமைக்கப் பட்டிருப்பதாக தேசிய தேர்வுகள் முகமை தெரிவித்துள்ளது. நாடுமுழுவதும் அரசு மற்றும் தனியார் மருத்துவக் கல்லூரிகளில் உள்ள எம்பிபிஎஸ், பிடிஎஸ் படிப்பு களுக்கு 2019-10-ம் கல்வியாண்டு மாணவர் சேர்க்கைக்கான தேசிய தகுதி மற்றும் நுழைவுத் தேர்வு வரும் மே மாதம் 5-ம் தேதி பிற்பகல் 2 மணி முதல் மாலை 5 மணி வரை நடக்கிறது. நீட் தேர்வுக்கு ஆன்லைனில் விண்ணப்பிப்பது கடந்த நவம்பர் 1-ம் தேதி தொடங்கி 30-ம் தேதியுடன் முடிவடைந்தது. இதற்கிடையில் 25 வயதுக்கு மேற் பட்ட பொதுப் பிரிவு மாணவர்களும் நீட் தேர்வில் பங்கேற்கலாம் என்று டெல்லி உயர் நீதிமன்றம் கடந்த வாரம் உத்தரவிட்டது. இதையடுத்து நீட் தேர்வுக்கு விண்ணப்பிக்க கால அவகாசம் டிசம்பர் 7-ம் தேதி வரை நீட்டிக்கப்பட்டது. நீட் தேர்வுக்கு நாடுமுழுவதிலும் இருந்து 15 லட்சத்து 19 ஆயிரம் பேரும், தமிழகத்தில் மட்டும் சுமார் 1 லட்சத்து 40 ஆயிரம் பேரும் விண்ணப்பித்துள்ளனர். நீட் தேர்வுக்கான ஹால்டிக்கெட் www.nta.ac.in / www.ntaneet.nic.in இணையதளங்களில் வரும் 15-ம் தேதி (நாளை) பதிவேற்றம் செய்யப்படுகிறது. நீட் தேர்வுக்கு விண்ணப்பித்த மாணவ, மாணவி கள் இணையதளங்களில் இருந்து ஹால்டிக்கெட்டை பதிவிறக்கம் செய்து கொள்ளலாம். . நீட் தேர்வு முடிவுகள் வரும் ஜூன் 5-ம் தேதி வெளியிடப்பட உள்ளது. இந்நிலையில் தேசிய தேர்வுகள் முகமை வெளியிட்ட அறிவிப்பில் கூறியிருப்பதாவது: நாடுமுழுவதும் நீட் தேர்வு 154 நகரங்களில் நடைபெறுகிறது. தமிழகத்தில் மட்டும் சென்னை, காஞ்சிபுரம், கரூர், மதுரை, நாகர் கோவில், நாமக்கல், சேலம், தஞ்சாவூர், திருவள்ளூர், திருச்சி, திருநெல்வேலி, வேலூர் உள்ளிட்ட 14 நகரங்களில் நடைபெற உள்ளது. தமிழ், ஆங்கிலம், இந்தி, தெலுங்கு, கன்னடம், குஜராத்தி, மராத்தி, ஒடியா, அஸ்ஸாமி, வங்காளம், உருது ஆகிய 11 மொழிகளில் நடைபெறுகிறது. ஆங்கிலம், இந்தி, உருது மொழியில் நீட் தேர்வு அனைத்து நகரங்களிலும் நடைபெற உள் ளது. ஆங்கிலம் - அசாமி மொழி யில் அசாம் மாநிலத்திலும், ஆங்கிலம் - வங்காளம் மொழியில் மேற்கு வங்கம் மற்றும் திரிபுரா மாநிலத்திலும், ஆங்கிலம் - குஜ ராத்தி மொழியில் குஜராத், டாமன் டையூ மற்றும் தாத்ரா நாகர் அவேலியிலும், ஆங்கிலம் - கன்ன டம் கர்நாடகா மாநிலத்திலும் நடை பெறுகிறது. ஆங்கிலம் - மராத்தி மொழியில் மகாராஷ்டிரா மாநிலத்திலும், ஆங்கிலம் - ஒடியா மொழியில் ஒடிசா மாநிலத்திலும், ஆங்கிலம் - தெலுங்கு மொழியில் ஆந்திரா மற்றும் தெலங்கானா மாநிலத் திலும் நடைபெற உள்ளது. தமிழகத்தில் ஆங்கிலம் மற்றும் தமிழ் மொழியில் நீட் தேர்வு நடைபெறு கிறது. நீட் தேர்வை தமிழில் எழுத விண்ணப்பித்த மாணவ, மாணவி களுக்கு தேர்வு மையங்கள் தமி ழகத்தில் அமைக்கப்பட்டுள்ளது. இவ்வாறு அறிவிப்பில் கூறப் பட்டுள்ளது.வெளிமாநிலத்தில் தேர்வு மையம் நாடுமுழுவதும் கடந்த ஆண்டு நடந்த நீட் தேர்வின்போது தமிழக மாணவர்களுக்கு கேரளா, கர்நாடகா, ராஜஸ்தான் உள்ளிட்ட பல மாநிலங்களில் தேர்வு மையங்கள் ஒதுக்கப்பட்டன. வெளிமாநிலங்களில் தேர்வு மையங்கள் ஒதுக்கப்பட்டதால், தமிழக மாணவர்கள் பெரிதும் பாதிக்கப்பட்டனர். திருவாரூர் மாவட்டம் திருத்துறைப்பூண்டி அடுத்த விளக்குடி கிராமத்தைச் சேர்ந்த கஸ்தூரி மகாலிங்கத்துக்கு கேரள மாநிலம் எர்ணாகுளத்தில் தேர்வு மையம் ஒதுக்கப்பட்டிருந்தது. தந்தை கிருஷ்ணசாமியுடன் தேர்வு எழுதச் சென்றார். மகன் மையத்தில் தேர்வு எழுதிக் கொண்டிருந்தபோது, வெளியே காத்திருந்த கிருஷ்ணசாமி மாரடைப்பால் உயிரிழந்த சம்பவம் பெரும் பரபரப்பை ஏற்படுத்தியது. இனிவரும் காலங்களில் நீட் தேர்வுக்கு விண்ணப்பிக்கும் தமிழக மாணவர்களுக்கு தமிழகத்திலேயே தேர்வு மையங்கள் அமைக்கப்பட வேண்டும் என்ற கோரிக்கை தொடர்ந்து வைக்கப்பட்டு வருகிறது. இதுதொடர்பாக அதிகாரிகளிடம் கேட்டபோது, "தமிழில் நீட் தேர்வு எழுத விண்ணப்பித்தவர்களுக்கு மட்டும் தமிழகத்திலேயே தேர்வு மையங்கள் ஒதுக்கீடு செய்யப்படும். அதேநேரத்தில் ஆங்கிலத்தில் தேர்வு எழுத விண்ணப்பித்தவர்களுக்கு தமிழகத்தில் தேர்வு மையங்களில் இடம் காலியாக இல்லை என்றால் அருகில் உள்ள மாநிலங்களில் தேர்வு மையங்கள் ஒதுக்கீடு செய்யப்படும். தமிழக மாணவர்கள் அனைவருக்கும் தமிழகத்திலேயே தேர்வு மையங்கள் ஒதுக்கீடு செய்வது கடினம்" என்றனர்.

ஆசிரியர் தகுதித் தேர்வுக்கு 5.9 லட்சம் பேர் விண்ணப்பம் ஜூனில் எழுத்துத் தேர்வு நடத்த முடிவு

ஆசிரியர் தகுதித் தேர்வுக்கு 5.9 லட்சம் பட்டதாரிகள் விண் ணப்பித்துள்ளதாக தேர்வு வாரியம் தெரிவித்துள்ளது. இலவச கட்டாயக் கல்வி உரிமை சட்டத்தின்படி அனைத்து வகை பள்ளிகளிலும் ஆசிரியராக பணியில் சேர ஆசிரியர் தகுதித் தேர்வில் (டெட்) தேர்ச்சி பெற வேண்டும். டெட் தேர்வு இரு தாள்களை கொண்டது. இந்த இரு தாள்களும் தலா 150 மதிப் பெண்களுக்கு தேர்வு நடத்தப் படும். முதல் தாளில் தேர்ச்சி பெறு பவர்கள் 1 முதல் 5-ம் வகுப்பு வரையும், 2-ம் தாளில் தேர்ச்சி பெறுபவர்கள் 6 முதல் 8-ம் வகுப்பு வரையும் பாடம் நடத்த தகுதி உடையவர்கள். அதன்படி தமிழகத்தில் ஆசிரியர் தேர்வு வாரியம் (டிஆர்பி) மூலம் டெட் தேர்வு நடத்தப்பட்டு வருகிறது. நடப்பு ஆண்டுக்கான ஆசிரியர் தகுதி தேர்வுக்கு விண்ணப்பிக்க கடந்த பிப்ரவரி 28-ல் அறிவிப்பு வெளியிடப்பட்டது. தொடர்ந்து டெட் தேர்வுக்கான இணையதள விண்ணப்பப் பதிவு கடந்த மார்ச் 15-ல் தொடங்கி ஏப்ரல் 12-ம் தேதியுடன் முடிந்தது. ஆசிரியர் தகுதித் தேர்வுக்கு மொத்தம் 5.9 லட்சம் பேர் விண் ணப்பித்துள்ளனர். தேர்வர்களின் விண்ணப்ப விவரங்களை பரி சீலனை செய்யும் பணிகள் தொடங்கியுள்ளன. ஏப்ரல் இறுதியில் போட்டித் தேர்வு நடைபெறும் தேதி, காலி பணியிடங்கள் மற்றும் பாடத்திட் டம் குறித்த விவரங்கள் வெளியிடப் படும். ஜூன் மாதம் தேர்வு நடத்த முடிவு செய்துள்ளதாக தேர்வு வாரிய அதிகாரிகள் தெரிவித்தனர்.தேர்வர்களின் விண்ணப்ப விவரங்களை பரிசீலனை செய்யும் பணிகள் தொடங்கியுள்ளன.

வாடிக்கையாளர்களுக்கு வங்கிகள் விதிக்கும் கட்டணங்கள்

குறைந்தபட்ச இருப்பு இல்லாமைக்கான கட்டணம்:

சேமிப்புக் கணக்கு களுக்கு ரூ. ஐநூறு முதல் ரூ. 10 ஆயிரம் வரை குறைந்தபட்ச இருப்புத் தொகையாக வங்கிகள் நிர்ணயம் செய்துள்ளன. நிர்ணயம் செய்யப்பட்ட குறைந்தபட்ச இருப்புத்தொகையைப் பராமரிக்காவிட்டால் வங்கிகள் வாடிக்கையாளர்களிடம் இருந்து அபராதக் கட்டணத்தை வசூலிக்கின்றன. எனவே, செயல்படாத அல்லது குறைந்தபட்ச இருப்புத் தொகையைப் பராமரிக்க இயலாத வங்கிக் கணக்கு களின் இயக்கத்தை நிறுத்திவிடுவது நல்லது.

பணம் எடுத்தல்:

நம் கணக்கு உள்ள வங்கியைச் சாராத பிற ஏ.டி.எம்.களில் பணம் எடுத்தல், நாம் கணக்கு வைத்துள்ள வங்கியின் ஏ.டி.எம்.களில் குறிப்பிட்ட எண்ணிக்கைக்கு மேல் பணம் எடுத்தல் ஆகியவற்றின்போது வங்கிகள் நம்மிடம் சேவைக் கட்டணம் வசூலிக்கின்றன.

பணம் டெபாசிட் செய்தல்:

வங்கிக் கணக்கு வைத்துள்ள கிளை அல்லாத பிற கிளை வங்கிகளில் பணம் டெபாசிட் செய்யும்போது அதற்குக் கட்டணம் விதிக்கப்படுகிறது.

காசோலைகள்:

ஒரு மாதத்துக்கு ஒரு காசோலைக்கும் மேலான பரிவர்த்தனைகளுக்குக் கட்டணம் விதிக்கப்படும். வெளியூர் வங்கிகளைச் சேர்ந்த காசோலைப் பரிவர்த்தனைகளுக்குத் தனியான சேவைக் கட்டணம் வசூலிக்கப்படுகிறது.

குறுஞ்செய்தி சேவைக் கட்டணம்:

நம்முடைய வங்கிப் பரிவர்த்தனைகள் தொடர்பாக கைபேசிகளுக்கு அனுப்பப்படும் குறுஞ்செய்திகளுக்குக் கட்டணம் விதிக்கப்படுகிறது.

டெபிட் கார்டு வழங்கும்போது:

தொலைந்துபோன அல்லது திருட்டுப்போன டெபிட் கார்டுகளுக்குப் பதிலாக புதிய கார்டுகளுக்கு விண்ணப்பித்தால் அதற்கென தனியான அபராதக் கட்டணம் வசூலிக்கப்படுகிறது.

வணிகப் பரிவர்த்தனைகளுக்கான கட்டணங்கள்:

இணையம் வழியான வணிகப் பரிவர்த்தனைகளின்போது பொதுவாக கட்டணங்கள் விதிக்கப்படுவது இல்லை. ஆனால், நம்முடைய வங்கி அல்லாத பிற முகமை நிறுவனங்கள் மூலமாக வணிக நிறுவனங்களுக்குப் பணம் செலுத்தப்படும்போது சேவைக் கட்டணம் விதிக்கப்படுகிறது. உதாரணமாக ஐ.ஆர்.சி.டி.சி. இணையதளம் மூலமாக ரெயில் டிக்கெட்டுகளுக்கு பணம் செலுத்தும்போது, குறைந்தபட்சக் கட்டணம் அல்லது செலுத்தப்படும் தொகைக்கு ஏற்ப குறிப்பிட்ட சதவீதத்தில் சேவைக் கட்டணம் வசூலிக்கப்படும்.

வெளிநாட்டுப் பண மாற்றப் பரிவர்த்தனைகள்:

கிரெடிட் கார்டு அல்லது டெபிட் கார்டு மூலமாக வெளிநாட்டு பணப் பரிவர்த்தனைகளில் ஈடுபட்டால் 2 முதல் 4 சதவீதம் வரை சேவைக் கட்டணம் விதிக்கப்படுகிறது.

அரசு பள்ளிகளுக்கு இலவச போக்குவரத்து, ரோபோ மூலம் கல்வி பயிற்சி வரும் கல்வி ஆண்டில் செயல்படுத்த பள்ளிக்கல்வி துறை திட்டம் 

மலைக் கிராமங்களில் உள்ள அரசு பள்ளிகளுக்கு இலவச போக்குவரத்து, ரோபோ மூலம் கல்வி பயிற்சி வரும் கல்வி ஆண்டில் செயல்படுத்த பள்ளிக்கல்வி துறை திட்டம்  மலைக் கிராமங்களில் உள்ள பள்ளிகளுக்கு வரும் கல்வி ஆண்டு முதல் இலவச போக்குவரத்து வசதி அளிக்கவும், அங்கு பயிலும் மாணவர்களுக்கு ரோபோ மூலம் கல்விப் பயிற்சி அளிக்கவும் பள்ளிக்கல்வித் துறை முடிவு செய்துள்ளது. தமிழக பள்ளிக்கல்வித் துறை யில் பல்வேறு மாற்றங்கள் செய் யப்பட்டு வருகின்றன. அந்த வரி சையில் பின்தங்கிய கிராமப்புறங் களில் செயல்படும் அரசுப் பள்ளி களில் படிக்கும் மாணவர்களுக்கு இலவச போக்குவரத்து வசதியும், ரோபோ மூலம் கல்வி கற்றல் பயிற்சி அளிக்கவும் பள்ளிக்கல்வித் துறை திட்டமிட்டுள்ளது. இதுகுறித்து பள்ளிக்கல்வித் துறை அதிகாரிகள் கூறியதாவது: இலவச கட்டாய கல்வி உரிமை சட்டப்படி 14 வயதுக்குட்பட்ட அனைத்து மாணவர்களுக்கும் தரமான இலவச கல்வியை வழங்க வேண்டியது அரசின் பொறுப்பா கும். பழங்குடியின மக்கள் வசிக்கும் இடங்கள், பின்தங்கிய பகுதிகள் மற்றும் மலைக்கிராமங்களில் வசிக்கும் குழந்தைகள் பள்ளி களுக்கு சென்றுவர முறையான போக்குவரத்து வசதிகள் இல்லா மல் சிரமப்படுவது தெரியவந்தது. இதையடுத்து தர்மபுரி, வேலூர் உட்பட அனைத்து மாவட்டங் களிலும் கண்டறியப்பட்ட 26 ஆயி ரம் மாணவர்கள் வரும் கல்வி ஆண்டு முதல் பள்ளிகளுக்கு சென்றுவர இலவச போக்குவரத்து வசதி அரசு சார்பில் ஏற்பாடு செய்யப்பட்டுள்ளது. மாணவர் களை அந்தந்தப் பகுதியிலுள்ள அரசுப் பள்ளிகளுக்கு அழைத்து வர இலவச வேன் வசதி செய்து தர வேண்டுமென மாவட்ட முதன்மை கல்வி அதிகாரிகளுக்கு அறிவுறுத்தப்பட்டுள்ளது. இதேபோல், கிராமப்புற அரசுப் பள்ளிகளில் மாணவர்கள் ரோபோ உதவியுடன் செயற்கை நுண்ணறிவு முறையில் கல்வி கற்கும் திட்டமும் அறிமுகம் செய் யப்பட உள்ளது. இதன் முன்னோட் டம் கடந்த ஆண்டு சென்னை உட்பட சில நகர்ப்புற பள்ளிகளில் செயல்படுத்தப்பட்ட நிலையில், வரும் கல்வி ஆண்டில் முழுவீச்சில் ரோபோ கல்வி அமல்படுத்தப்படும். அதன்படி மாணவர்களின் பெயர், உருவப்படம் உட்பட விவரங்கள் முன்கூட்டியே ரோபோக் களில் பதிவு செய்யப்படும். இதையடுத்து வகுப்பறையில் மாணவர்களின் முகங்களை வைத்து யாரெல்லாம் வகுப்புக்கு வந்துள்ளனர் என்பதை ரோபோ பதிவு செய்து கொள்கிறது. அதன் பின்னர் பாடங்களில் ஏற்படும் சந்தேகங்கள் குறித்து மாணவர்கள் ஏதேனும் கேள்வி கேட்டால் அவர்கள் பெயரைக் கூறி பதில் அளிக்கும். மேலும், கேள்விக்குரிய பதிலை மாணவர்கள் புரிந்து கொள்ளும் வகையில் உரிய படங்களுடன் ரோபோ விளக்கம் தருகிறது. உதாரணமாக, அறிவியல் பாடத்தில் விண்வெளி குறித்து மாணவர்கள் கேள்வி எழுப்பினால், அதுசார்ந்த குறும்படங்களை காண்பித்து ரோபோ விளக்கும் வகையில் தமிழில் வடிவமைக்கப்பட்டுள்ளது. அமெரிக்கா, ஜப்பான் மற்றும் ஐரோப்பா போன்ற வளர்ந்த நாடுகளில் மட்டுமே இந்த ரோபோ கல்விமுறை நடைமுறையில் உள்ளது. இந்த திட்டத்தை அறிமுகப்படுத்த தனியார் நிறுவனம் மூலம் ரோபோக்கள் தயார் செய்யும் பணிகள் முடுக்கிவிடப்பட்டுள்ளன. குறிப்பாக மலைப்பகுதிகளில் செயல்படும் பெரும்பாலான ஓராசிரி யர் பள்ளிகளில் ரோபோ கல்வி முறை மிகவும் உதவியாக இருக் கும். சாதராண மாணவர்களுக்கு நவீன தொழில்நுட்பம் குறித்த புரிதலும் கிடைக்கும். இவ்வாறு அவர்கள் கூறினர்.

பிளஸ்-2 தேர்வு முடிவு: திட்டமிட்டப்படி 19-ந் தேதி வெளியீடு

பிளஸ்-2 பொதுத்தேர்வு கடந்த மாதம் (மார்ச்) 1-ந் தேதி தொடங்கி, 19-ந் தேதியுடன் முடிவடைந்தது. இந்த தேர்வு முடிவு வருகிற 19-ந் தேதி வெளியிடப்படும் என்று ஏற்கனவே அறிவிக்கப்பட்டு இருந்தது. தமிழகத்தில் நாடாளுமன்ற தேர்தல் மற்றும் சட்டமன்ற தொகுதிகளுக்கான இடைத்தேர்தல் வருகிற 18-ந் தேதி நடைபெறுவதாலும், வேறு சில காரணங்களுக்காகவும் பிளஸ்-2 பொதுத்தேர்வு முடிவு, ஏற்கனவே அறிவிக்கப்பட்டு இருந்த தேதியில் இருந்து முன்னதாகவே வெளியிடப்படும் என்று வதந்திகள் சமூக வலைதளங்களில் வேகமாக பரவியது. இதை நம்பி சில மாணவர்களும், பெற்றோரும் அரசு தேர்வுத்துறை இணையதளத்துக்கு சென்று தேர்வு முடிவு தொடர்பான அறிவிப்பு எதுவும் வெளியாகி இருக்கிறதா? என்றும் தேடி பார்த்தனர். இந்த நிலையில் அரசு தேர்வுத்துறை, 'ஏற்கனவே அறிவித்த நாளில்(வருகிற 19-ந் தேதி) பிளஸ்-2 பொதுத்தேர்வு திட்டமிட்டபடி வெளியிடப்படும் என்று வதந்திக்கு முற்றுப்புள்ளி வைத்ததுடன், தேர்வு முடிவு தேதி எக்காரணத்தை கொண்டும் மாற்றப்படாது' என்றும் திட்டவட்டமாக தெரிவித்து இருக்கிறது.

பிளஸ் 2 மாணவர்கள்  4 ஆண்டு பிஎஸ்சி, பிஎட் சேர விண்ணப்பிக்கலாம் காந்திகிராம் பல்கலைக்கழகம் அறிவிப்பு

பிளஸ் 2 மாணவர்கள் ஒருங்கிணைந்த 4 ஆண்டு கால பிஎஸ்சி, பிஎட் படிப்புக்கு ஆன்லை னில் விண்ணப்பிக்கலாம் என திண் டுக்கல் காந்திகிராம் கிராமிய பல்கலைக்கழகம் அறிவித்துள் ளது. மத்திய அரசு பல்கலைக்கழக மான காந்திகிராம் கிராமிய பல் கலைக்கழகம் திண்டுக்கல் அருகே அமைந்துள்ளது. ஆசிரியர் பணி யில் சேர வேண்டும் என்ற குறிக் கோளுடன் இருக்கும் மாணவர்கள் பயன்பெறும் வகையில் இப்பல் கலைக்கழகம் 4 ஆண்டு கால ஒருங்கிணைந்த பிஎஸ்சி. பிஎட் படிப்பை (கணிதம், இயற்பியல், வேதியியல்) வழங்கி வருகிறது. பிஎட் படிப்புக்காலம் 2 ஆண்டு களாக உயர்த்தப்பட்ட நிலையில், பட்டப் படிப்பை முடித்து அதன் பிறகு பிஎட் படித்தால் 5 ஆண்டுகள் ஆகிவிடும். ஆனால், இந்த ஒருங்கிணைந்த பிஎஸ்சி, பிஎட் படிப்பை 4 ஆண்டுகளில் முடித்துவிடலாம் என்பது குறிப்பிடத்தக்கது. தற்போது 2019-2020-ம் கல்வி ஆண்டில் பிஎஸ்சி, பிஎட் மாண வர் சேர்க்கைக்கான அறிவிப்பை காந்திகிராம் கிராமிய பல்கலைக் கழகம் வெளியிட்டுள்ளது. கணிதம், இயற்பியல், வேதியியல் பாடங் களுடன் பிளஸ் 2 படிப்பை முடிக்கும் மாணவர்கள் இப்படிப்பில் சேர லாம். குறைந்தபட்சம் 50 சத வீத மதிப்பெண் அவசியம். நுழைவுத்தேர்வு ஏதும் இல்லாமல் பிளஸ் 2 மதிப்பெண் அடிப்படையில் மாணவர்கள் சேர்க்கப்படுவர். மாணவர்கள் தங்களுக்கு விருப்பப்படி, கணிதம், இயற்பியல், வேதியியல்-இவற்றில் ஏதேனும் ஒன்றில் ஒருங்கிணைந்த பிஎஸ்சி, பிஎட். படிக்கலாம். இதற்கான ஆன் லைன் பதிவு தொடங்கப்பட் டுள்ளது. பிளஸ் 2 தேர்வு முடிவு வெளியான 10 நாட்களுக்குள் ஆன்லைன் விண்ணப்பத்தை சமர்ப்பிக்க வேண்டும். இது ஒரு மத்திய அரசு பல்கலைக்கழகம் என்பதால் மாணவர்களிடம் மிகவும் குறைவான கல்விக்கட்டணமே வசூலிக்கப்படுகிறது. முதல் 3 ஆண்டுகளுக்கு ஒரு செமஸ்டருக்கு ரூ.6,600 (வேதியியல் பாடப்பிரிவு எனில் ரூ.7,600) செலுத்த வேண்டும். இறுதி ஆண்டு ஒரு செமஸ்டருக்கு அனைத்துப் பாடப்பிரிவினருக்கும் கல்விக்கட்டணம் ரூ.8,600. தகுதி யுடைய பிளஸ் 2 மாணவ-மாணவி கள் ஆன்லைனில் (www.ruraluniv. ac.in) பதிவுசெய்யலாம் என காந்தி கிராம் கிராமிய பல்கலைக்கழகம் அறிவித்துள்ளது.

கோடை விடுமுறையை ஆக்கபூர்வமாக பயன்படுத்த  மாணவ, மாணவிகளுக்கு அறிவுரை வழங்குங்கள் தலைமை ஆசிரியர்களுக்கு உத்தரவு

கோடை விடுமுறை காலத்தை மாணவ, மாணவியர் ஆக்கப்பூர்வமாகப் பயன் படுத்த அறிவுரைகள் வழங்க வேண்டும் என்று தலைமையாசிரியர்களுக்கு முதன்மை கல்வி அதிகாரிகள் உத்தர விட்டுள்ளனர். இதுகுறித்து மாவட்ட முதன் மைக் கல்வி அலுவலகம் வழியாக அனைத்து பள்ளி தலைமை ஆசிரி யர்களுக்கு வழங்கப்பட்டுள்ள வழி காட்டுதல்களில் கூறியிருப்பதாவது: அரசு, அரசு உதவி பெறும் மற்றும் தனியார் பள்ளிகளில் ஏப்ரல் 13-ம் தேதியுடன் பள்ளி வேலைநாட்கள் முடிவடைகின்றன. இதையடுத்து கோடை விடுமுறையை சிறப்பாகக் கழிக்கவும், அடுத்த கல்வியாண் டுக்கு திட்டமிடல் காலமாக விடு முறையைப் பயன்படுத்தவும் மாண வர்களுக்கு கீழ்க்கண்ட அறிவுரை களை தலைமையாசிரியர்கள் வழங்க வேண்டும். நாளிதழ் வாசிப்பு அதன்படி, மாணவர்கள் தினமும் நாளிதழ்களை வாசித்து செய்திகளைக் குறிப்பெடுத்து அடுத்த கல்வியாண்டின் முதல் நாளில் ஆசிரியர்களிடம் காண் பித்து கையொப்பம் பெற வேண்டும். மேலும், பொது நுாலகங்களுக்குச் சென்று புத்தகங்களைப் படித்து அதில் இருந்து குறிப்புகளை எடுத்து ஆசிரியர் களிடம் காண்பிக்க வேண்டும். சிறப்பு வகுப்புகள் கோடையில் வெயில் அதிகமாக இருக்கும் என்பதால் பெற்றோர் அல் லது பாதுகாவலர் துணையில்லாமல் மாணவர்கள் வெளியே செல்லக் கூடாது. குறிப்பாக நீர்நிலைகள் உள்ளிட்ட பகுதிகளில் செல்வதை மாணவர்கள் தவிர்க்க வேண்டும். ஓட்டு நர் உரிமம் இல்லாமல் இருசக்கர வாகனங்களை ஓட்டக்கூடாது. செல் போனில் அதிக நேரம் செலவிடுவதைத் தவிர்த்து, கணினி, தட்டச்சு போன்ற ஆக்கப்பூர்வமான சிறப்பு வகுப்பு களுக்குச் சென்று பயிற்சி பெறலாம். தற்காப்புக் கலைகள் மேலும், இசை, ஓவியம், தற் காப்புக் கலைகள், நீச்சல், யோகா போன்றவற்றைக் கற்பதன் மூலம் மாணவர்கள் தங்கள் தனித்திறன் களை வளர்த்துக் கொள்ளலாம். இந்த வழிகாட்டுதல்களை மாணவர்கள் தவறாமல் பின்பற்ற ஆசிரியர்கள் மூலம் வலியுறுத்த வேண்டும். இவ்வாறு பள்ளி தலைமையாசிரி யர்களுக்கு வழங்கப்பட்டுள்ள வழி காட்டுதல்களில் கூறப்பட்டுள்ளது.