ரூ.1,340 கோடியில் மாணவ-மாணவிகளுக்கு விலையில்லா மடிக்கணினி எடப்பாடி பழனிசாமி வழங்கினார்

ரூ.1,340 கோடியில் மாணவ-மாணவிகளுக்கு விலையில்லா மடிக்கணினி வழங்கும் திட்டத்தை முதல்- அமைச்சர் எடப்பாடி பழனிசாமி தொடங்கி வைத்தார். இதுதொடர்பாக தமிழக அரசு சார்பில் வெளியிடப்பட்டுள்ள செய்திக்குறிப்பில் கூறப்பட்டு இருப்பதாவது:- சிறப்பு திட்ட செயலாக்க துறை மூலமாக 2011-12-ம் ஆண்டு முதல் 2017-18-ம் ஆண்டு வரை 37 லட்சத்து 88 ஆயிரத்து 528 மாணவ-மாணவியர்களுக்கு ரூ.5 ஆயிரத்து 552 கோடியே 39 லட்சம் மதிப்பீட்டிலான விலையில்லா மடிக்கணினிகள் வழங்கப்பட்டுள்ளன. 2018-19-ம் ஆண்டு முதல், பிளஸ்-2 வகுப்பில் வழங்கப்பட்டு வந்த மடிக்கணினிகளை ஓராண்டுக்கு முன்னதாக பிளஸ்-1 வகுப்பிலேயே வழங்கிட ஜெயலலிதாவின் வழியில் செயல்படும் தமிழ்நாடு அரசு முடிவெடுத்தது. எடப்பாடி பழனிசாமி வழங்கினார் அதன் அடிப்படையில், 2018-19-ம் ஆண்டில் பிளஸ்-1 வகுப்பு படிக்கின்ற 5.12 லட்சம் மாணவ-மாணவிகள் உள்பட, அரசு மற்றும் அரசு உதவி பெறும் பள்ளிகளில் பிளஸ்-2 வகுப்பு படிக்கின்ற மாணவ- மாணவிகள், அரசு மற்றும் அரசு உதவி பெறும் பல்தொழில்நுட்ப கல்லூரிகளில் முதலாம் ஆண்டு படிக்கும் மாணவ-மாணவிகளும் பயன் அடைய உள்ளனர். அதேபோல், அரசு மற்றும் அரசு உதவி பெறும் மாற்றுத்திறனாளி பள்ளிகளில் பிளஸ்-1, பிளஸ்-2 வகுப்புகளில் படிக்கும் மாணவ-மாணவிகள் என ஆக மொத்தம் 15.18 லட்சம் மாணவ-மாணவிகளுக்கு ரூ.1,340 கோடியே 44 லட்சம் மதிப்பீட்டிலான விலையில்லா மடிக்கணினிகள் வழங்கும் திட்டத்தினை தொடங்கி வைக்கும் அடையாளமாக, முதல்- அமைச்சர் எடப்பாடி பழனிசாமி 7 மாணவ-மாணவிகளுக்கு மடிக்கணினிகளை வழங்கினார். இந்த நிகழ்ச்சியில், அமைச்சர்கள் கே.ஏ.செங்கோட்டையன், எஸ்.பி.வேலுமணி, டாக்டர் எம்.மணிகண்டன், தலைமை செயலாளர் கிரிஜா வைத்தியநாதன் உள்பட பலர் கலந்துகொண்டனர். இவ்வாறு அதில் தெரிவிக்கப்பட்டுள்ளது. உலக முதலீட்டாளர்கள் மாநாடு அதேபோல், தமிழக அரசு வெளியிட்டுள்ள மற்றொரு செய்திக்குறிப்பில் கூறப்பட்டு இருப்பதாவது:- சென்னை நந்தம்பாக்கம் வர்த்தக மையத்தில் கடந்த ஜனவரி மாதம் 23, 24-ந்தேதிகளில் ‘உலக முதலீட்டாளர்கள் மாநாடு 2019’ வெற்றிகரமாக நடத்தப்பட்டது. 10.5 லட்சம் பேருக்கு வேலை வாய்ப்பு அளிக்கும் வகையிலும், ரூ.3 லட்சத்து 431 கோடி அளவிலான முதலீட்டினை ஈர்க்கும் வகையிலும், 304 புரிந்துணர்வு ஒப்பந்தங்கள் கையெழுத்திடப்பட்டன. உலகெங்கிலும் இருந்து சுமார் 9 ஆயிரத்துக்கும் மேற்பட்ட பன்னாட்டு அரசு பிரதிநிதிகள், தொழில் அதிபர்கள், நிறுவன நிர்வாகிகள் கலந்து கொண்ட இந்த உலக முதலீட்டாளர்கள் மாநாடு தமிழ்நாடு தொழில் துறையில் முன்னோடி மாநிலமாக விளங்கி வருவதற்கு சான்றாக அமைந்துள்ளது. அடிக்கல் நாட்டினார் அந்த வகையில் 2019 உலக முதலீட்டாளர்கள் மாநாட்டில் கையெழுத்திடப்பட்ட ஒப்பந்த திட்டங்களில் ரூ.14 ஆயிரத்து 71 கோடி முதலீட்டில் 12 ஆயிரத்து 294 பேருக்கு வேலைவாய்ப்பு அளிக்கக்கூடிய 12 திட்டப்பணிகளுக்கு முதல்-அமைச்சர் எடப்பாடி பழனிசாமி தலைமை செயலகத்தில் அடிக்கல் நாட்டினார். இவ்வாறு அதில் கூறப்பட்டுள்ளது.

ஜிமெயில் பயனுள்ள புதிய வசதிகள்!

கருத்து பகிர்வு, தகவல் பரிமாற்றத்திற்காக எத்தனையோ சமூகவலைத்தளங்கள் வந்துவிட்டாலும், ஜிமெயில் பயன்பாடு தவிர்க்க முடியாததாக விளங்குகிறது. காலத்திற்கேற்ப கூடுதல் வசதிகளையும் ஜிமெயில் அறிமுகம் செய்து கொண்டிருக்கிறது. சமீபத்தில் பல்வேறு புதிய வசதிகள் ஜிமெயிலில் சேர்க்கப்பட்டு உள்ளது. குறிப்பாக முக்கியமான ஷாட்கட் வசதிகள் அறிமுகமாகி இருப்பது அனைவரும் அறிய வேண்டியது. ஜிமெயிலின் சில புதிய வசதிகளை அறிவோமா? புதிய மெயில்களை உருவாக்கி அனுப்ப உதவும் ‘கம்போஸ்’ மற்றும் ‘டிராப்ட்’, ‘சென்ட் மெயில்’ போன்ற வசதிகளை எளிதாக பயன்படுத்த ஷாட்கட் விசைகள் உருவாக்கப்பட்டுள்ளன. மவுஸ் மற்றும் டிராக்பேடு உதவியுடன் இவற்றை தேடிக் கொண்டிருக்காமல் உடனடியாக இந்த விசைகளை சொடுக்கி இந்த வசதிகளை பயன்படுத்தலாம். அல்ட் பொத்தானுடன் சேர்த்து அம்புக்குறிகளை இயக்குவது மற்றும் கண்ட்ரோல் பொத்தானுடன் 1 முதல் 9 வரையிலான எண் விசைகள் மற்றும் டேப் விசையை பயன்படுத்துவது போன்றவற்றில் ஏராளமான ஷாட்கட் அம்சங்கள் சேர்க்கப்பட்டிருப்பது குறிப்பிடத்தக்கது. உதாரணமாக உங்கள் கணக்கில் சேமிக்கப்பட்டிருக்கும் அனைத்து மெயில் முகவரிகளுக்கும் பொதுவான ஒரு தகவலை அனுப்ப வேண்டுமானால் கண்ட்ரோல், சிப்ட், டி(d) விசைகளை சேர்த்து இயக்கினால் போதும். இதேபோல ஒருவருக்கு பதிலளிக்கும் ரிப்ளை வசதியையும், மற்றவருக்கு அந்த தகவலை அனுப்பும் ‘பார்வர்டு’ வசதியையும் மவுஸ் மூலமாக தேடிக் கொண்டிருக்க வேண்டாம். ரைட்கிளிக் வசதிகளில் இந்த இரு ஆப்சன்களும் சேர்க்கப்பட்டிருக்கிறது. தகவல்களின் இடையே படங்கள், குறியீடுகளை சேர்க்க, ‘ஆடு லேபிள்’ வசதியும் அறிமுகம் செய்யப்பட்டிருக்கிறது. மேலும் குறிப்பிட்ட மெஸேஜ்களை ஒன்றாக சேர்த்து வைக்க பண்டல் வசதியும், நினைவூட்டும் ரிமைண்டர் வசதியும் சேர்க்கும் நடவடிக்கைகளையும் எடுத்து வருகிறது கூகுள். ஜிமெயிலின் இந்த வசதிகளை செயல் படுத்த உங்கள் ஜிமெயில் கணக்கை புதிய பதிப்புக்கு ‘அப்டேட்’ செய்து கொண்டால் போதும்.

விமான நிலையத்தைப் போல எழில்மிகு தோற்றத்துடன் ஒரே வளாகத்தில் புறநகர், மாநகர், தனியார் ஆம்னி பஸ்களை இயக்கும் வசதி



சென்னை அருகே கிளாம்பாக்கத் தில் விமான நிலையத்தைப் போல உலகத் தரத்தில் புதிய புறநகர் பேருந்து நிலையம் நவீன தொழில்நுட்பத்தில் பிரம் மாண்டமாக கட்டப்படுகிறது. சென்னை மாநகர் மக்கள் தொகை 80 லட்சம். தினசரி வந்து செல்வோர் 20 லட்சம். மொத்தம் ஒரு கோடி பேரின் சாலை, குடிநீர் போன்ற அடிப் படைத் தேவைகளுடன் பொதுப் போக்குவரத்தையும் மேம்படுத்த வேண்டியதிருக்கிறது. சென்னை கோயம்பேட்டில் தெற்கு ஆசியாவிலே மிகப்பெரிய புறநகர் பேருந்து நிலையம் செயல்படுகிறது. அண்மையில் மாதவரத்தில் புதிய புறநகர் பேருந்து நிலையம் திறக்கப் பட்டது. அங்கிருந்து ஆந்திர மார்க்கமாகச் செல்லும் பேருந் துகள் இயக்கப்படுகின்றன. இந்நிலையில், கோயம்பேடு புறநகர் பேருந்து நிலையம் மற்றும் அதனைச் சுற்றியுள்ள பகுதிகளில் நிலவும் போக்குவரத்து நெரிசலைக் குறைக்கவும் திருச்சி, மதுரை, கன்னியாகுமரி உள்ளிட்ட தென் மாவட்டங்களுக்குச் செல்லும் பேருந்துகளுக்காக சென்னைப் பெருநகர வளர்ச்சிக் குழுமம் (சிஎம்டிஏ) மூலம் காஞ்சிபுரம் மாவட்டம், வண்டலூர் அருகே கிளாம்பாக்கத்தில் 44.75 ஏக்கரில் ரூ.394 கோடியில் தினமும் ஒன்றரை லட்சம் பயணிகள் புழங்கும் வகையில் விமான நிலையத்தின் தரத்துக்கு ஈடாக புதிய புறநகர் பேருந்து நிலையம் பிரம்மாண்டமாக கட்டப்பட உள்ளது. இதற்கு முதல்வர் கே.பழனிசாமி நேற்று முன்தினம் அடிக்கல் நாட்டினார். கோயம்பேட்டில் அரசு புறநகர் பேருந்துகள், தனியார் ஆம்னி பேருந்துகளுக்கு தனித்தனியாக பேருந்து நிலையங்கள் உள்ளன. ஆனால், கிளாம்பாக்கத்தில் அரசு புறநகர் பேருந்துகள், தனியார் ஆம்னி பேருந்துகள், சென்னை மாநகரப் பேருந்துகள் என அனைத்தும் ஒரே இடத்தில் இயங்கும் வகையில் பேருந்து நிலையம் கட்டப்படுகிறது. எழில்மிகு தோற்றம் மட்டுமல்லாமல், அனைத்து வசதிகள், பாதுகாப்பு அம்சங்கள் இடம்பெறவுள்ளன. மொத்தம் 6 லட்சத்து 40 ஆயிரம் சதுரஅடியில் நவீன தொழில்நுட்பத்தில் இரண்டு அடித் தளங்கள், தரைதளம், முதல் தளம் என கட்டுமானப் பணிகள் தொடங்கியுள்ளன. முதல் அடித் தளத்தில் 260 கார்கள், 568 இருசக்கர வாகனங்கள் நிறுத்தும் வசதியும் இரண்டாவது அடித்தளத்தில் 84 கார்கள், 2,230 இருசக்கர வாகனங்களை நிறுத்தும் வசதியும் இருக்கும். தரைதளம் மற்றும் முதல்தளத்தில் பயணிகளுக்கான வசதிகளும் ஓட்டுநர், நடத்துநர் உள்ளிட்ட போக்குவரத்துப் பணி யாளர்களுக்கான வசதிகளும் ஏற்படுத்தப்படுகிறது. தரைதளத்தில் பயணிகள் மற்றும் பொதுமக்கள் அமர்வதற் கான பகுதி, 49 கடைகள், 2 உணவகங்கள், 2 துரித உணவகங்கள், 20 பயணச்சீட்டு வழங்குமிடங்கள், மருத்துவ மையம், மருத்துவமனை, தாய்ப் பால் ஊட்டும் அறை, ஏடிஎம் மையம், பொருட்கள் பாதுகாப்பு அறை, பயணிகள் பாதுகாப்பை உறுதி செய்ய கண்காணிப்பு கேமராக்களைக் கண்காணிக்கும் அறை, தரைதளத்தின் பல்வேறு பகுதிகளில் ஆண், பெண் கழிப் பறைகள், 34 சிறுநீர் கழிப்பிடம், 74 முகம் கழுவுமிடம் ஆகியன கட்டப்படுகின்றன. முதல் தளத்தில் 100 ஆண்கள், 40 பெண்கள் தங்குமிடம், 340 ஓட்டுநர்கள் தங்குமிடம், 35 கடை கள், கழிப்பிடம் ஆகியன இடம் பெறுகின்றன. ஒருங்கிணைந்த கட்டிட மேலாண்மை முறையில் இந்த புறநகர் பேருந்து நிலைய வளாகத்தில் மின்சாரம், சுகாதாரம், தீ தடுப்பு, காற்றோட்டம் ஆகிய வசதிகள் உருவாக்கப்படும் என்று அறிவிக்கப்பட்டுள்ளது. சுமார் 14 ஏக்கரில் பேருந்துகள் நிறுத்துமிடம் கட்டப்படுகிறது. இந்த இடத்தில் ஒரேநேரத்தில் 130 அரசுப் பேருந்துகளும், 85 தனியார் ஆம்னி பேருந்துகளும் நிறுத்தப்படும். இப்புறநகர் பேருந்து நிலையத்தில் இருந்து கோயம்பேடு மற்றும் நகரின் முக்கியமான பகுதிகளுக்குச் செல்ல வசதியாக 5 ஏக்கரில் மாநகரப் போக்குவரத்து நிலையமும் 3,500 மாநகரப் பேருந்துகள் வந்து செல்ல மேற்கூரையுடன்கூடிய நடைமேடையும் அமைக்கப் படுகிறது. மாநகர பேருந்து நிலையத்தில் இருந்து புறநகர் பேருந்து நிலையம் செல்ல லிப்டுகள், நகரும் படிக்கட்டுகள் வசதி செய்யப்படுகிறது. 18 மாதத்தில் கட்டி முடிக்கப்படும் எரிபொருள் நிரப்பும் நிலையம், புறக்காவல் நிலையம், குடிநீர் சுத்திகரிப்பு நிலையம், கழிவுநீர் சுத்திகரிப்பு நிலையம், துணை மின்நிலையம் என அனைத்து வசதிகளும் ஒருங்கே அமைக்கப்படுகிறது. “இப்பேருந்து நிலையத்தை ஈரோடு ஒப்பந்ததாரர் அடுத்த 18 மாதங்களில் கட்டி முடிப்பார்” என்று சிஎம்டிஏ அதிகாரிகள் தெரிவித்தனர். இப்பேருந்து நிலைய வளாகத்தின் நான்கு புறமும் பசுமையான சூழல் ஏற்படுத்துவதுடன், இங்கிருந்து வெளியேறும் கார்பன்டை ஆக்ஸைடை கிரகிக்கும் வகையில் ஏராளமான மரங்கள், செடிகள் நடப்படுகின்றன. பேருந்துகளை நிறுத்தி வைக்கவும் எதிர்கால மேம்பாட்டுப் பணிகளுக்காகவும் 15 ஏக்கர் ஒதுக்கப்பட்டுள்ளது. “வண்டலூரில் ஜிஎஸ்டி சாலையில் இருந்து கிளாம்பாக்கம் புதிய புறநகர் பேருந்து நிலையம் வரை சுமார் ஒரு கிலோ மீட்டர் தூரத்துக்கு ரூ.150 கோடியில் தனியாக மேம்பாலம் கட்டவும் திட்டமிடப்பட்டுள்ளது” என்று அதிகாரி ஒருவர் கூறினார். வடிவமைப்பு மற்றும் பொறியியல் ஆலோசனைகளை வழங்கும் இந்தியாவின் முன்னணி நிறுவனங்களில் ஒன்றான சென்னையைச் சேர்ந்த சி.ஆர்.நாராயண ராவ் கன்சல்டன்ட்ஸ் நிறுவனம், கிளாம்பாக்கம் புறநகர் பேருந்து நிலையத்தை உலகத் தரத்தில் வடிமைத்துக் கொடுத்திருப்பதாக அதன் நிறுவன இயக்குநர் சி.ஆர்.அரவிந்த் தெரிவித்தார். 6 லட்சத்து 40 ஆயிரம் சதுரஅடியில் நவீன தொழில்நுட்பத்தில் இரண்டு அடித்தளங்கள், தரைதளம், முதல்தளம் என கட்டுமானப் பணிகள் தொடங்கியுள்ளன. Facebook Google Twitter EmailShare © 2017 All Rights Reserved. Powered by Summit exclusively for The Hindu

மோசமான பதிவுகளை வெளியிட்ட டிக்டாக் கணக்குகள் முடக்கம் அமைச்சர் மணிகண்டன் தகவல்

மோசமான பதிவுகளை வெளியிட்ட டிக்டாக் கணக்குகள் முடக்கப்பட்டு உள்ளதாக அமைச்சர் மணிகண்டன் தெரிவித்துள்ளார். செயலி தமிழக தகவல் தொழில்நுட்பத்துறை அமைச்சர் டாக்டர் மணிகண்டன் ராமநாதபுரத்தில் நிருபர்களிடம் கூறியதாவது:- சமூகத்தில் மோசமான விளைவுகளை ஏற்படுத்துவதால் டிக்டாக் செயலியை தடை செய்ய வேண்டும் என அனைத்து தரப்பினரும் வைத்த கோரிக்கையை ஏற்று அதனை தடை செய்ய நடவடிக்கை எடுப்பதாக சட்டமன்றத்தில் தெரிவித்திருந்தேன். அதன்படி அந்த செயலியை உடனே தடை செய்ய உரிய நடவடிக்கை எடுக்கப்பட்டு மத்திய அரசுக்கு கடிதம் அனுப்பப்பட்டு உள்ளது. ஏற்கனவே புளூவேல் என்ற உயிரை பறிக்கக்கூடிய ஆபத்தான விளையாட்டு தடை செய்யப்பட்டது போல இதுவும் தடை செய்யப்படும். இதற்கிடையே டிக்டாக் சமூக வலைத்தள நிறுவனமே தாமாக முன்வந்து அதிலுள்ள மோசமான பதிவுகளை அகற்றி விட்டு அந்த கணக்குகள் முடக்கப்படும் என்று தமிழக அரசுக்கு தகவல் தெரிவித்துள்ளது. இது வரவேற்கத்தக்கது. உறுதி காஷ்மீரில் பயங்கரவாதிகள் தாக்குதலில் 40 துணை ராணுவ வீரர்கள் பலியானது கடும் கண்டனத்திற்கு உரியது. காஷ்மீர் மாநிலத்தில் மக்களின் பாதுகாப்பினை உறுதி செய்ய மத்திய அரசு தீவிர நடவடிக்கை மேற்கொண்டுள்ளது. இந்த சம்பவத்தை முன் உதாரணமாக கொண்டு இந்தியா முழுவதும் பயங்கரவாதத்தை வேரறுக்க வேண்டும். இவ்வாறு அவர் கூறினார்.

தொடர் வேலைநிறுத்தப் போராட்டத்தில் ஈடுபட்ட  அரசு ஊழியர்கள், ஆசிரியர்கள் மீதான நடவடிக்கைகளை திரும்ப பெற வேண்டும் முதல்வருக்கு ஜாக்டோ - ஜியோ அமைப்பு வேண்டுகோள்

தொடர் வேலைநிறுத்தப் போராட்டத்தில் ஈடுபட்ட அரசு ஊழியர்கள் மற்றும் ஆசிரியர் கள் மீது எடுக்கப்பட்ட அனைத்து நடவடிக் கைகளையும் திரும்பப் பெற வேண்டும் என்று தமிழக முதல்வருக்கு ஜாக்டோ - ஜியோ அமைப்பு வேண்டுகோள் விடுத்துள்ளது. அரசு ஊழியர், ஆசிரியர் சங்கங்களின் கூட்டமைப்பான ஜாக்டோ - ஜியோ நிர்வாகிகள் நேற்று கோட்டையில் பணியாளர் மற்றும் நிர்வாகச் சீர்திருத்தத்துறை அமைச்சர் டி.ஜெயக்குமார், பள்ளிக்கல்வி அமைச்சர் கே.ஏ.செங்கோட்டையன் ஆகி யோரை சந்தித்து மனு அளித்தனர். அந்த மனுவில் கூறப்பட்டு இருப்பதாவது: அரசு ஊழியர்கள், ஆசிரியர்களின் 9 அம்ச கோரிக்கைகளை தமிழக அரசு நிறைவேற்ற பல்வேறு ஜனநாயக நடவடிக்கைகளை மேற்கொண்டும் தீர்வு எட்டப்படாத நிலையில்தான் ஜனவரி 22 முதல் ஜாக்டோ - ஜியோ கூட்டமைப்பு வேலைநிறுத்தப் போராட் டத்தில் ஈடுபட்டது. முதல்வரின் கவனத்தை ஈர்க்கும் நோக்கில்தான் போராட்டத்தில் ஈடுபட்டோம். முதல்வர் எங்கள் அமைப்பை அழைத்துப் பேசினாலே எங்களின் கோரிக்கை கள் நிறைவேறும் என்ற நம்பிக்கையில்தான் அவர் எங்களை அழைத்துப்பேச வேண்டும் என்று வேண்டுகோள் விடுத்தோம். இந்நிலையில், அரசு ஊழியர்களும் ஆசிரியர்களும் உடனடியாக போராட்டத்தை கைவிட்டு பணிக்கு திரும்புமாறு முதல்வர் வேண்டுகோள் விடுத்தார். அவரது வேண்டு கோளை ஏற்று, ஜனவரி 30-ம் தேதி போராட் டத்தை முடித்துக்கொண்டு உடனடியாக பணிக்கு திரும்பினோம். ஆனால், முதல்வரின் நோக்கத்தை சிதைக்கும் வகையிலும், எந்த நோக்கத்துக்காக வேலைநிறுத்தம் விலக்கிக் கொள்ளப்பட்டதோ அந்த நோக்கத்தை சிதைக் கும் வகையிலும் மாணவர்கள் நலன் மற்றும் மக்களின் நலனில் அக்கறையற்று வேலை நிறுத்தக்காலம் நீடிப்பது போன்ற தோற்றத்தை அரசு அதிகாரிகள் ஏற்படுத்தியுள்ளனர். நியாயமான கோரிக்கைகளுக்காகத்தான் போராடினோம் என்ற அடிப்படை நியாயங் களை முதல்வர் மறுக்காமல், தமிழகத்தின் நிதிநிலையை குறிப்பிட்டு, தற்போது இயலாத நிலையை தெரிவித்து, ‘ஜெயலலி தாவின் அரசு, அரசு ஊழியர்கள் நலன் காக் கும் அரசு’ என்று கூறியுள்ளார். இந்நிலையில், போராட்டத்தின்போது ஆசிரியர்கள், அரசு ஊழியர்கள் மீது தொடரப்பட்ட வழக்குகளை யும், எடுக்கப்பட்ட ஒழுங்கு நடவடிக்கைகளை யும், தற்காலிக பணிநீக்க நடவடிக்கையையும் திரும்பப்பெற்று அரசுக்கும் அரசு ஊழியர் களுக்கும் இடையிலான உறவை சுமுகமாக்கி பணித்திறன் மேம்பட உதவுமாறு முதல்வரை கேட்டுக்கொள்கிறோம். இவ்வாறு அந்த மனுவில் கூறப்பட்டுள்ளது.