கல்விக்காக அரசு டி.வி.

தமிழக அரசு பள்ளிக் கல்வித் துறை சார்பில் மாணவர்களின் கல்வி நலன் சார்ந்த நிகழ்ச்சிகளை ஒளிபரப்பும் விதத்தில் “கல்வி தொலைக்காட்சி” சானல் தொடங்கப்படுகிறது. 24 மணி நேர ஒளிபரப்பு சானலாக இது ஒளிபரப்பாக உள்ளது. சென்னை ஆர்.ஏ.புரம் அண்ணா நூற்றாண்டு நூலக வளாகத்தில் இதற்கான அலுவலகம் திறக்கப்பட்டுள்ளது. நிகழ்ச்சி நிரல் தயாரிப்பு உள்பட அனைத்து ஏற்பாடுகளும் பள்ளிக்கல்வி அமைச்சர் மற்றும் கல்வித்துறை அதிகாரிகள் தலைமையில் வேகமாக நடக்கிறது. உடற்பயிற்சி, நாட்டு நடப்பு, கல்வி மற்றும் போட்டித் தேர்வு சாா்ந்த அனைத்து தகவல்களும் பல்வேறு விதமான நிகழ்ச்சிகளாக ஒளிபரப்பப்பட உள்ளது. சாதனைப் பள்ளிகள் பற்றியும், கல்விக்காக சிறந்த சேவையளிப்பவர்கள் பற்றியும் நிகழ்வுகள் இடம் பெறும். முக்கிய நிகழ்ச்சிகள் மறு ஒளிபரப்பும் செய்யப்படுகிறது. தொலைக்காட்சி ஒளிபரப்பு தொடங்கும் நாள் விரைவில் வெளி யாகும்.

Comments