You will be redirected to the script in

seconds
Puthiyaseithi | புதிய செய்தி: December 2018

Sunday, December 30, 2018

2019 ஏப்ரல் முதல் வாகனங்களுக்கு புது வகை நம்பர் பிளேட்! மத்தியஅரசு முடிவு

போலி நம்பர் பிளேட்கள் மூலம் வாகனங்கள் இயக்கப்படுவதை தடுக்கும் நோக்கில், அடுத்த ஆண்டு (2019) ஏப்ரல் 1ந்தேதி முதல் வாகனங்களுக்கு பாதுகாப்பு வசதியுடன் கூடிய புது வகை நம்பர் பிளேட் பொருத்த மத்திய அரசு முடிவு செய்துள்ளது. பாராளுமன்ற மக்களவையில், போலி நம்பர் பிளேட் விவகாரம் குறித்து உறுப்பினரின் கேள்விக்கு பதில் அளித்த மத்திய சாலைப் போக்குவரத்து துறை அமைச்சர் நிதின் கட்கரி இந்த தகவலை தெரிவித்து உள்ளார். அதன்படி, ஏப்ரல் 1-ஆம் தேதி முதல் அனைத்து வாகனங்களிலும் குரோமியம் பூசப்பட்ட நம்பர் பிளேட்டில் ஹாலோகிராம் ஸ்டிக்கர்கள் ஒட்டப்படும் என்றும், அத்துடன் வாகனத்தின் எண் லேசர் ஒளிக்கற்றை மூலம் பொறிக்கப்பட இருப்பதாகவும் கூறினார். வாகனத்தின் வாகனத்தின் முன்பக்கம் மற்றும் பின்பிக்கம் ஆகிய இருபுறங்களில் அமைக்கப்படும் நம்பர் பிளேட்டுளும் ஒரே மாதிரியாகவே இருக்கும் என்றும் தெரிவித்து உள்ளார். இதுதொடர்பாக மத்திய அரசு வெளியிட்டுள்ள செய்திக்குறிப்பில், 2019 ஏப்ரல் 1-ஆம் நாள் முதல், வாகன உற்பத்தியாளர்கள், டீலர்கள் தாங்கள் விற்பனை செய்யும் வாகனங்களில் உயர் பாதுகாப்பு அம்சம் கொண்ட நம்பர் பிளேட்டுகள் பொருத்தி டீலர்களுக்கும், வாடிக்கையாளர் களுக்கும் விற்பனை செய்வது கட்டாயமாக்கப்பட்டுள்ளது. உயர் பாதுகாப்பு அம்சம் கொண்ட நம்பர் பிளேட்டானது வாகனத்திலிருந்து அகற்ற முடியாததாக வும், மறுமுறை வேறு எவராலும் பயன்படுத்த முடியாத வகையிலும், வாகனத்துடனே பொருத்தும் வகையில் அமைக்கப்படும். ஏற்கனவே பயன்பாட்டில் இருக்கும் பழைய வாகனங்களுக்கும் இந்த உயர் பாதுகாப்பு அம்சம் கொண்ட நம்பர் பிளேட்டை பொருத்தலாம். ஆனால், நம்பர் பிளேட் உற்பத்தியாளர்கள், விற்பனையாளர்கள் மாநில அரசின் அங்கீகாரத்தை பெற்றிருத்தல் அவசியம் ஆகும். இவ்வாறு அதில் கூறப்பட்டு உள்ளது.

வரும் கல்வி ஆண்டிலிருந்து, தொடக்கப் பள்ளிகளே கிடையாது.! தமிழக அரசு அதிரடி அறிவிப்பு..!

தமிழகத்தில் கல்வி கற்பிக்கும் முறைகளில், பல மாற்றங்களைக் கொண்டு வந்துள்ளது, தமிழக அரசு. சமச்சீர் கல்வியை, அனைத்துப் பள்ளிகளும் பின்பற்ற வேண்டும், என்ற கட்டாயமும் உள்ளது. இதனால், தனியார் பள்ளிகள் அனைத்தும், பொதுக் கல்வி வாரியத்தின் கீழ் செயல்பட்டு வருகின்றன. இதனை அடுத்து, தமிழக அரசு, தமிழகத்தில் இயங்கும், அரசு தொடக்கப் பள்ளிகள் அனைத்தையும், ஒரே நிர்வாகத்தின் கீழ் கொண்டு வர முடிவு செய்துள்ளது. அதற்கான பணிகள் தற்போது மும்முரமாக நடைபெற்று வருகிறது. இதன்படி, வரும் 2019-ஆம் ஆண்டு, ஜுன் மாதம் முதல், தமிழகத்தில், அரசு துவக்கப் பள்ளிகளே இருக்காது. அனைத்து அரசு துவக்கப் பள்ளிகளும், உயர்நிலைப் பள்ளி மற்றும், மேனிலைப் பள்ளிகளுடன் இணைக்கப்படும். இனி, ஒரே பள்ளியல், 1 முதல் பிளஸ் டூ வரை, இந்தத் திட்டத்தின் கீழ் மாணவர்கள் கல்வி பயிலலாம். இந்த நடைமுறை, அரசு உதவி பெறும் பள்ளிகளுக்கும் பொருந்துமா? என்ற கேள்வியும் தற்போது எழுந்துள்ளது

யூ.பி.எஸ்.சி. எனப்படும் மத்திய அரசுப் பணியாளர் தேர்வாணையம் என்ஜினீயர்களுக்கான என்ஜினீயரிங் சர்வீஸ் எக்ஸாம் 2019 தேர்வை விரைவில் நடத்த உள்ளது. 581 பணியிடங்களை நிரப்பும் இந்தத் தேர்வுக்கான அட்மிட் கார்டுகள் வினியோகம் தொடங்கி உள்ளது. ஜனவரி 6-ந் தேதி தேர்வு நடக்க உள்ளது. இதுவரை அட்மிட்கார்டு பதிவிறக்கம் செய்யாதவர்கள் உடனே www.upsc.gov.in இணையதளம் வழியாக அட்மிட் கார்டு பெறலாம்.

அடுத்த பிரதமர் யார் என்பதை கணிக்க முடியவில்லை யோகா குரு பாபா ராம்தேவ் கருத்து

நாட்டின் அடுத்த பிரதமர் யார் என்பதை கணிக்க முடியவில்லை என்று யோகா குரு பாபா ராம்தேவ் கூறினார். யோகா, வேதப் பயிற்சி, பதஞ் சலி ஆகியவற்றை எடுத்துரைக்கும் 3 நாள் (டிச.26, 27, 28) பாரத் ஸ்வாபிமான் நிகழ்ச்சி யோகா குரு பாபா ராம்தேவ் தலைமையில் ராமேசுவரத்தில் நடைபெறுகிறது. இதில் கலந்துகொள்ள நாட்டின் பல்வேறு பகுதிகளில் உள்ள பாபா ராம்தேவ் யோகா மையங்களில் இருந்து 2 ஆயிரத்துக்கும் மேற் பட்டோர் ராமேசுவரம் வந்துள்ள னர். ராமேசுவரத்தில் உள்ள தனியார் பள்ளியில் மாணவர்களுக்கு நேற்று சிறப்பு யோகா பயிற்சி அளித்த யோகா குரு பாபா ராம்தேவ், பின்னர் செய்தியாளர்களிடம் கூறியதாவது: பாரத் ஸ்வாபிமான் எந்தவித மதம் மற்றும் அரசியல் சார்பும் இல்லாத ஒரு ஆன்மிக நிகழ்ச்சி. இதன் மூலம் இந்தியா முழுவதும் யோகா, வேதம் மற்றும் பதஞ்சலியை பிரபலப்படுத்தவும், நம் மக்களை சுதேசிப் பொருட்களை வாங்கச் செய்யவும் முயற்சி எடுத்து வரு கிறோம். யோகா என்பது மதம் சார்ந்ததோ அல்லது உடற்பயிற்சி சார்ந்ததோ அல்ல. அது ஒரு அறிவியல் சார்ந்த வாழ்க்கை முறை. யோகா மூலம் நம் உடம்பில் உள்ள நோய்களை சரிப்படுத்தலாம். மன அழுத்தத்தில் இருந்து வெளிவரலாம் என்றார். தற்போதைய அரசியல் சூழல் பற்றி கேட்டபோது, "தற் போது நாட்டில் அரசியல் களம் மிகவும் சிக்கலானதாக உள்ளது. அடுத்த பிரதமர் யார் என்பதை கணிக்க முடியவில்லை. இருப்பினும், சூழ்நிலை மிகவும் சுவாரஸ்யமாகவும், கடுமையான போட்டியுடனும் காணப்படுகிறது. தற்போதைக்கு நான் அரசியலில் கவனம் செலுத்தவில்லை. மேலும் நான் எந்த தனிப்பட்ட நபரையோ அல்லது கட்சியையோ ஆதரிக்கவில்லை" என்று ராம் தேவ் தெரிவித்தார்.

பொதுத்தேர்வு நேரம் மாற்றம் தேர்வுத் துறை அறிவிப்பு

10, 12-ம் வகுப்புகளின் பொதுத் தேர்வு நேரங்கள் மாற்றி அமைக் கப்பட்டுள்ளன. தமிழக பள்ளிக்கல்வியில் 10, 11, 12-ம் வகுப்புகளின் பொதுத் தேர்வு அட்டவணை கடந்த ஜூனில் வெளியிடப்பட்டது. இந்நிலையில் சில மாற்றங்களுடன் பொதுத் தேர்வு கால அட்டவணையை நாள் மற்றும் நேரம் வாரியாக தேர்வுத் துறை நேற்று வெளியிட்டுள்ளது. அதில், ‘‘மார்ச்சில் நடைபெறும் 10-ம் வகுப்பு பொதுத் தேர்வில் தமிழ் (முதல், 2-ம் தாள்) மற்றும் ஆங்கிலம் (முதல், 2-ம் தாள்) தேர்வுகள் மட்டும் மதியம் 2 மணிக்கு தொடங்கி மாலை 4 மணி வரை நடைபெறும். மற்ற கணிதம், அறிவியல், சமூக அறிவியல் தேர்வுகள் காலை 10 மணிக்கு தொடங்கி மதியம் 12.45 மணிக்கு முடியும். இதேபோல், கடந்த ஆண்டு பிளஸ் 2 தேர்வில் தோல்வி அடைந்து, மார்ச்சில் மறுதேர்வு எழுதுபவர்களுக்கு தமிழ், ஆங்கிலம் ஆகிய பாடங் களுக்கு மொத்த மதிப்பெண் 100 ஆகவும், நேரம் 2.30 மணியாகவும் இருக்கும். மற்ற எல்லா பாடங் களுக்கும் மதிப்பெண் 200 ஆகவும், நேரம் 3 மணியாக இருக் கும். மேலும், நேரடியாக பொதுத் தேர்வு எழுதும் 11, 12-ம் வகுப்பு தேர்வில் எந்த மாற்றமும் இல்லை. இதுகுறித்த கூடுதல் விவரங் களை www.dge.tn.gov.in என்ற இணையதளத்தில் காணலாம்’’.

போட்டித் தேர்வுக் களமாக மாறிய ரெயில் நிலையம்

அரசு வேலை வாய்ப்பை பெறுவதற்கு போட்டி தேர்வு எழுதும் இளைஞர்கள் குழுவாக அமர்ந்து படிக்கும் வழக்கம் பெருகிக்கொண்டிருக்கிறது. ரெயிலில் பயணித்து வேலைக்கு செல்பவர்களில் நிறைய பேர் பணி முடிந்து வீடு திரும்பு வதற்கு முன்பு ரெயில் நிலையத்தில் அமர்ந்து போட்டி தேர்வுக்கு தங்களை தயார் படுத்திக்கொள்கிறார்கள். பீகார் மாநிலத்தில் உள்ள சாசராம் ரெயில் நிலையத்தில் மட்டுமே 1000-க்கும் மேற்பட்டவர்கள் ஒன்று கூடி எந்தவிதமான சச்சரவுமின்றி போட்டித்தேர்வுக்கு குழுவாக அமர்ந்து படித்து ஆச்சரியப்பட வைக்கிறார்கள். அவர்களுக்கு ரெயில் நிலைய அதிகாரிகளும், ரெயில்வே போலீசாரும் உறுதுணையாக இருந்து தேவையான வசதிகளை ஏற்படுத்தி கொடுக்கிறார்கள். பல்வேறு போட்டித்தேர்வுகளுக்கு படிப்பவர்களுக்கு அடையாள அட்டைகள் வழங்கியும் பயிற்சி வகுப்புக்கு ஏற்பாடு செய்திருக்கிறார்கள். அங்கு அமர்ந்து படித்து வேலை வாய்ப்பை பெற்றவர்கள், போட்டித் தேர்வுக்கு முழு கவனம் செலுத்தி படிப்பவர்கள் தினமும் வந்து பயிற்சி அளிக்கிறார்கள். இங்கு 2002-ம் ஆண்டில் இருந்தே மாணவர்கள் தேர்வுக்கு படித்து கொண்டிருக் கிறார்கள். சுற்றுப்புற பகுதிகளில் மின் தடை பிரச்சினை இருக்கிறது. அருகில் உள்ள மலைக்கிராமங்களில் போதிய மின் விளக்கு வசதி இல்லாத நிலையும் நீடிக்கிறது. அதனால் தாங்கள் படிப்பதற்கு ஏற்ற இடமாக சாசராம் ரெயில் நிலையத்தை தேர்வு செய்துவிட்டார்கள். ‘‘எங்கள் கிராமங்களில் மின்சார வசதி இல்லை. சிலர் பக்கத்து கிராம பகுதிகளுக்கு சென்று தெரு விளக்கில் படிக்கிறார்கள். ரெயில் நிலையத்தில் நிறைய பேர் ஒன்றாக அமர்ந்து படிப்பதால் நானும் இங்கு வந்து படிக்கிறேன். இப்படி குழுவாக அமர்ந்து படிப்பது போட்டித் தேர்வை எளிதாக எதிர்கொள்ள உதவுகிறது. நிறைய விஷயங்களை தெரிந்துகொள்ள முடிகிறது’’ என்கிறார், மலைக் கிராமத்தை சேர்ந்தவரான வசிகுமார்.

2 ஆண்டுகளில் விண்வெளிக்கு இந்திய வீரர் செல்வார் இஸ்ரோ தலைவர் சிவன் பேட்டி

2 ஆண்டுகளில் விண்வெளிக்கு இந்திய வீரர் செல்வார் என்று இஸ்ரோ தலைவர் சிவன் கூறினார். இஸ்ரோ தலைவர் சிவன் தனது மனைவி மற்றும் மகன்களுடன் மதியம் குமரி மாவட்டம் வந்தார். அவர் அகஸ்தீஸ்வரம் பகுதி மற்றும் தேரேகால்புதூரில் உள்ள சகோதரிகள் வீடுகளுக்குச் சென்றார். முன்னதாக அவர் நிருபர்களுக்கு அளித்த பேட்டியின்போது கூறியதாவது:- ரூ.10 ஆயிரம் கோடி இந்திய விண்வெளி ஆராய்ச்சி நிலையத்தின் (இஸ்ரோ) சார்பில் விண்வெளிக்கு இந்திய வீரரை அனுப்பி வைக்கும் ‘ககன்யான்‘ திட்டத்தை செயல்படுத்த இருக்கிறோம். இந்த திட்டத்துக்காக கடந்த 10 ஆண்டுகளாக நிதி கேட்டு வந்தோம். தற்போது மத்திய அரசின் மந்திரிசபைக் கூட்டத்தில் ரூ.10 ஆயிரம் கோடி நிதி ஒதுக்கீடு செய்ய ஒப்புதல் அளிக்கப்பட்டுள்ளது. இந்த தொகை அதிகமானது என்றாலும், இவ்வளவு பெரிய தொகையை மத்திய அரசு ஒதுக்கி இருப்பது பெரிய விஷயம்தான். ‘ககன்யான்‘ திட்டத்தின்படி முதன்முதலாக விண்வெளிக்கு ஒரு விண்வெளி வீரர் மட்டும்தான் அனுப்பி வைக்கப்பட இருக்கிறார். அந்த வீரர் விமானப்படையில் இருந்து தேர்வு செய்யப்பட்டு அனுப்பப்பட இருக்கிறார். அதற்கான தேர்வு விரைவில் நடைபெற உள்ளது. மனரீதியாகவும், உடல் ரீதியாகவும் தகுதி இருக்கும் பட்சத்தில் அந்த வீரரை தேர்வு செய்து ஒரு வருட காலம் பயிற்சி அளிக்க இருக்கிறோம். 2 ஆண்டுகளில் விண்வெளிக்கு இந்திய வீரர் செல்வார். இதற்காக தீவிர முயற்சி எடுக்கப்பட்டு வருகிறது. ஏற்கனவே அமெரிக்கா, ரஷ்யா, சீனாவுக்கு அடுத்தபடியாக 4-வதாக இந்தியா சார்பில் விண்வெளிக்கு இந்திய வீரர் அனுப்பி வைக்கப்படுகிறார். இந்த திட்டம் வெற்றிகரமாக செயல்படுத்தப்படும் என்ற நம்பிக்கை எனக்கு இருக்கிறது. இவ்வாறு சிவன் கூறினார்.

ஜனவரி 4 முதல் 20-ந்தேதி வரை நடக்கிறது: சென்னை புத்தக கண்காட்சி முதல்-அமைச்சர் தொடங்கி வைக்கிறார்

சென்னை புத்தக கண்காட்சி ஜனவரி 4-ந்தேதி முதல் 20-ந்தேதி வரை நடக்கிறது. இதை முதல்-அமைச்சர் எடப்பாடி பழனிசாமி தொடங்கி வைக்கிறார். தென்னிந்திய புத்தக விற்பனையாளர் மற்றும் பதிப்பாளர் சங்கத்தின் (பபாசி) தலைவர் வயிரவன், துணைத் தலைவர் மயிலவேலன், செயலாளர் வெங்கடாசலம், பொருளாளர் டி.எஸ்.சீனிவாசன் ஆகியோர் சென்னையில் நேற்று நிருபர்களுக்கு அளித்த பேட்டியில் கூறியதாவது:- 42-வது சென்னை புத்தக கண்காட்சி மற்றும் விற்பனை அடுத்த மாதம் (ஜனவரி) 4-ந்தேதி முதல் 20-ந்தேதி வரை 17 நாட்கள் சென்னை நந்தனத்தில் உள்ள ஒய்.எம்.சி.ஏ. உடற்கல்வியியல் கல்லூரி மைதானத்தில் நடைபெற உள்ளது. இதனை முதல்-அமைச்சர் எடப்பாடி பழனிசாமி தொடங்கி வைக்கிறார். வேலை நாட்களில் பிற்பகல் 2 மணி முதல் இரவு 9 மணி வரையிலும், விடுமுறை நாட்களில் காலை 11 மணி முதல் இரவு 9 மணி வரையிலும் புத்தக கண்காட்சி நடைபெறும். தமிழுக்கு 487 அரங்குகள் என மொத்தம் 820 அரங்குகள் அமைக்கப்பட உள்ளது. ஜனவரி 5-ந்தேதியன்று புத்தக கண்காட்சி வளாகத்தில் தமிழ் அன்னை சிலை நிறுவப்பட உள்ளது. இதனை தமிழ் வளர்ச்சித்துறை அமைச்சர் கே.பாண்டியராஜன் திறந்து வைக்கிறார். மக்கள் நீதி மய்ய தலைவர் கமல்ஹாசன் 8-ந்தேதி ‘வாசித்தேன் யோசித்தேன்’ என்ற தலைப்பில் உரையாற்றுகிறார். பொங்கல் பண்டிகையையொட்டி நமது பண்பாட்டை பறைசாற்றும் வகையில் 16-ந்தேதி நாட்டுப்புற கலை நிகழ்ச்சிகள் நடத்தப்பட உள்ளன. ஐ.ஏ.எஸ். அதிகாரி வெ.இறையன்பு, திரைப்பட இயக்குனர் தங்கர்பச்சான் உள்பட ஏராளமான முக்கிய பிரமுகர்கள் கலந்துகொண்டு நிகழ்வினை சிறப்பிக்க இருக்கிறார்கள். முதல் முறையாக இந்த ஆண்டு சிறந்த பெண் எழுத்தாளருக்கான விருது அறிமுகப்படுத்தப்பட்டு, முதல் பெண் பதிப்பாளர் வனிதா பதிப்பகம் அம்சவேணி பெரியண்ணன் பெயரிலான விருது ஓய்வுபெற்ற ஐ.பி.எஸ். அதிகாரி திலகவதிக்கு வழங்கப்பட உள்ளது. புத்தக கண்காட்சியின் நிறைவு விழாவில் பதிப்பு துறையில் 25 ஆண்டு சேவை புரிந்தவர்களுக்கு விருது வழங்கி, ஐகோர்ட்டு நீதிபதி ஆர்.மகாதேவன் கவுரவிக்கிறார். கண்காட்சி வளாகத்தில் 2 ஏ.டி.எம். எந்திரங்கள் வைக்கப்பட உள்ளது. மேலும் 15 இடங்களில் டெபிட் மற்றும் கிரெடிட் கார்டு மூலம் புத்தகம் வாங்குவதற்கும் வசதி செய்யப்பட்டுள்ளது. புத்தக கண்காட்சிக்கு நுழைவு கட்டணமாக ரூ.10 வசூலிக்கப்படும். ‘பபாசி’ இணையதளம் மூலமும் நுழைவுச்சீட்டு பெறும் முறையை அறிமுகப்படுத்தி இருக்கிறோம். 12 லட்சம் தலைப்புகளில் 1½ கோடி புத்தகங்கள் காட்சிக்கு வைக்கப்பட உள்ளது. புத்தகங்களுக்கு 10 சதவீத தள்ளுபடி வழங்கப்படும். கடந்த ஆண்டு ரூ.10 கோடிக்கு புத்தகங்கள் விற்பனையானது. இந்த ஆண்டு ரூ.15 கோடிக்கு புத்தகங்கள் விற்பனை செய்வதற்கு இலக்கு நிர்ணயித்துள்ளோம். இவ்வாறு அவர்கள் கூறினர்.

Friday, December 28, 2018

பிளஸ்-1, பிளஸ்-2 பொது தேர்வுகளுக்கு தனித்தேர்வர்கள் விண்ணப்பிக்கலாம் 5-ந் தேதி கடைசி நாள்

மார்ச்-2019 பிளஸ்-1, பிளஸ்-2 பொது தேர்வுகளுக்கு விண்ணப்பிக்க விரும்பும் தகுதியுள்ள தனித்தேர்வர்கள் கல்வி மாவட்ட வாரியாக அமைக்கப்பட்டுள்ள அரசு தேர்வுகள் சேவை மையங்களுக்கு வருகிற 5-ந் தேதி (சனிக்கிழமை) வரையிலான நாட்களில் (வருகிற 30 மற்றும் 1-ந் தேதிகள் தவிர) காலை 10 மணி முதல் மாலை 5.45 மணிக்குள் இணையதளம் மூலம் தங்கள் விண்ணப்பத்தினை பதிவு செய்து கொள்ளலாம். பிளஸ்-1, பிளஸ்-2 பொது தேர்வு எழுதி தோல்வியுற்ற பாடங்களில் தேர்வு எழுதும் தனித்தேர்வர்கள் ஒவ்வொரு பாடத்துக்கு ரூ.50 தேர்வு கட்டணமும், ரூ.35 இதர கட்டணமும், ஆன்-லைன் கட்டணம் ரூ.50-ம், முதன்முறையாக எழுத உள்ள தனித்தேர்வர் கள் தேர்வு கட்டணமாக ரூ.150-ம், இதர கட்டணமாக ரூ.35-ம், ஆன்-லைன் பதிவு கட்டணமாக ரூ.50-ம் செலுத்த வேண்டும். ஆன்-லைனில் விண்ணப்பத்தினை பதிவு செய்த பிறகு, தனித்தேர்வர்களுக்கு ஒப்புகை சீட்டு வழங்கப்படும். அதில் குறிப்பிடப்பட்டுள்ள விண்ணப்ப எண்ணை பயன்படுத்தியே அரசு தேர்வுத்துறை பின்னர் அறிவிக்கும் நாளில் ஹால் டிக்கெட் பதிவிறக்கம் செய்ய இயலும். தனித்தேர்வர்கள் அவரவர் விண்ணப்பிக்கும் கல்வி மாவட்டத்தில் அமைக்கப்பட்டுள்ள தேர்வு மையத்திலேயே தேர்வு எழுத வேண்டும். மேற்கண்ட தகவல் அரசு தேர்வுகள் இயக்குனர் தண்.வசுந்தராதேவி வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

அலங்காநல்லூரில் 17-ந் தேதி ஜல்லிக்கட்டு போட்டி அரசாணை வெளியீடு

தமிழகத்தில் ஜல்லிக்கட்டு போட்டிகளை நடத்த கடந்த 2016-ம் ஆண்டு தடை விதிக்கப்பட்டது. அதை எதிர்த்து மெரினா கடற்கரையில், பல்வேறு இயக்கங்கள் ஒன்று சேர்ந்து மிகப்பெரிய அளவில் போராட்டம் நடத்தின. அதைத் தொடர்ந்து ஜல்லிக்கட்டு போட்டிகளை நடத்துவதற்கு நிபந்தனைகளை விதித்து மத்திய அரசு உத்தரவிட்டது. அதற்கான சட்டத் திருத்தமும் கொண்டு வரப்பட்டது. அதன் அடிப்படையில் ஒவ்வொரு ஆண்டும் ஜல்லிக்கட்டு போட்டிகள் சில கட்டுப்பாடுகளுடன் நடத்தப்படுகின்றன. இந்த நிலையில், தமிழ்நாடு கால்நடை பாதுகாப்பு, பால்வளம் மற்றும் மீன்வளத்துறை முதன்மைச் செயலாளர் கே.கோபால் வெளியிட்ட அரசாணையில் கூறப்பட்டு இருப்பதாவது:- விலங்குகள் வதைத் தடுப்பு (தமிழ்நாடு திருத்தம்) சட்டம் - 2017-ன் அடிப்படையில், குறிப்பிட்ட சில இடங்களில் குறிப்பிட்ட நாட்களில் ஜல்லிக்கட்டு போட்டிகளை நடத்தலாம் என்று அனுமதித்துள்ளார். அதன்படி, மதுரை தெற்கு தாலுகாவில் உள்ள அவனியாபுரத்தில் ஜனவரி 15-ந் தேதியும்; வாடிப்பட்டி தாலுகாவில் உள்ள பாலமேட்டில் ஜனவரி 16-ந் தேதி அன்றும்; அலங்காநல்லூரில் ஜனவரி 17-ந் தேதியிலும் ஜல்லிக்கட்டு போட்டிகளை நடத்தலாம். இவ்வாறு அதில் கூறப்பட்டுள்ளது.

Wednesday, December 26, 2018

புதிய 20 ரூபாய் நோட்டு விரைவில் அறிமுகம்.

புதிய அம்சங்களுடன் ரூ. 20 நோட்டை விரைவில் வெளியிட உள்ளதாக ரிசர்வ் வங்கி தெரிவித் துள்ளது. ரிசர்வ் வங்கி ஏற்கனவே ரூ.50, ரூ.100, ரூ.500 ரூபாய் நோட்டு களை வெளியிட்டுள்ளது. மேலும், பணம் மதிப்பு நீக்க நடவடிக்கை யின் போது புதிதாக ரூ.200, ரூ.2000 நோட்டுகளை அறிமுகப்படுத் தியது. இந்த ரூபாய் நோட்டுகள் மகாத்மா காந்தி (புதிய) தொடர் வரிசையில் வெளியிட்டது. இந்த நிலையில், பல்வேறு புதிய அம்சங்களுடன் புதிதாக ரூ.20 நோட்டை விரைவில் அறிமுகம் செய்ய உள்ளது. கடந்த 2016ம் ஆண்டு மார்ச் 31-ம் தேதி வரை யில் 492 கோடி 20 ரூபாய் நோட்டு கள் புழக்கத்தில் இருந்தன. இந்த ஆண்டு புழக்கத்தில் உள்ள மொத்த ரூபாய் நோட்டுகளில் 20 ரூபாய் நோட்டின் பங்களிப்பு 9.8 சதவீதமாக இருக்கிறது.

ரூ.5,900 கோடியில் உருவான நாட்டிலேயே மிக நீளமான பாலம் அசாமில் இரண்டு அடுக்கு பாலத்தை பிரதமர் மோடி திறந்து வைத்தார்

ரூ.5,900 கோடியில் உருவான நாட்டி லேயே மிக நீளமான ரயில் மற்றும் சாலை இரண்டு அடுக்கு பாலத்தை அசாமில் பிரதமர் நரேந்திர மோடி நேற்று திறந்து வைத்தார். வடகிழக்கு மாநிலங்களான அசாம் மற்றும் அருணாசலப் பிரதேசத்தை இணைக்கும் வகையில் பிரம்ம புத்திரா நதியின் குறுக்கே போகிபீல் என்ற இடத்தில் ரயில் மற்றும் சாலை இரண்டு அடுக்கு பாலம் கட்டப்பட்டுள் ளது. இது அசாமின் தேமாஜி, திப்ரு கர் பகுதிகளை இணைக்கிறது. 4.94 கி.மீ. நீளமுள்ள இந்தப் பாலம் நாட்டிலேயே மிகவும் நீளமானதாகும். ஆசியாவின் இரண்டாவது மிகப் பெரிய பாலம் என்ற பெருமையையும் இது பெற்றுள்ளது. இந்தப் பாலத்தின் மூலம் அசாமின் திப்ருகரில் இருந்து அருணாசலப் பிரதேசத்தின் இடா நகருக்கு ரயிலில் எளிதாக செல்ல முடியும். சுமார் 3 மணி நேரம் பயண நேரம் குறையும். 1997-ல் அப்போ தைய பிரதமர் தேவகவுடாவால் அடிக் கல் நாட்டப்பட்டு 2002-ல் அப்போ தைய பிரதமர் வாஜ்பாயால் கட்டுமானப் பணிகள் தொடங்கப்பட்டது. கடந்த டிசம்பர் 3-ல் கட்டுமானப் பணிகள் முடிந்து சோதனை ஓட்டம் நடந்தது. இந்தப் பாலத்தை அசாமின் திப்ருகரில் நேற்று நடந்த நிகழ்ச்சியில் பிரதமர் நரேந்திர மோடி திறந்து வைத்து நாட்டுக்கு அர்ப்பணித்தார். பாலத்தில் பயணம் செய்தும் பார்வையிட்டார். மக்களின் வாழ்த்துகளை ஏற்றுக் கொண்டபடி தனது காரில் இருந்து கீழே இறங்கி சிறிது தூரம் நடந்து சென்றார். பின்னர், அசாமில் இருந்து அருணாசலப் பிரதேசம் செல்லும் முதல் பயணிகள் ரயிலையும் பிரதமர் மோடி கொடியசைத்து தொடங்கி வைத்தார். அசாம் மற்றும் அருணாசலப் பிரதேச மக்களுக்கு இந்தப் பாலம் மிகப் பெரிய வரமாக கருதப்படுகிறது. பாலத்தை திறந்து வைத்த பின்னர் திப்ருகரில் நடந்த கூட்டத்தில் பிரதமர் மோடி பேசும்போது, ‘‘நாட்டின் வரலாற் றில் இன்று முக்கியமான நாள். போகிபீல் ரயில் - சாலை பாலம் மூலம் அசாம் மட்டுமின்றி ஒட்டுமொத்த வடகிழக்கு மாநிலங்களும் பெருமளவில் வளர்ச்சி பெறும். இப்பகுதியின் பொருளாதார நிலை மேம்படும். ராணுவ தளவாடங் களை எல்லைப் பகுதிக்கு நம் வீரர்கள் எளிதில் கொண்டு செல்ல முடியும். வாஜ்பாய் ஆட்சியில்தான் பாலம் கட்டும் பணி தொடங்கியது. அவர் மீண் டும் பிரதமராகி இருந்தால் 2008-09 ஆண்டிலேயே இப்பாலம் கட்டப்பட் டிருக்கும். அவருக்குப் பின் வந்த அரசு கள் 2014-ம் ஆண்டுவரை இதில் அக்கறை காட்டவில்லை. நாங்கள் மீண்டும் ஆட்சிக்கு வந்த பிறகுதான் பணிகளை துரிதப்படுத்தி பாலத்தை கட்டி முடித்துள்ளோம். போகிபீல் பாலம் வெறும் பாலம் அல்ல. இது இப்பகுதியின் வாழ்வாதாரம். வட கிழக்கு மாநிலங்களில் விரைவில் 15 புதிய ரயில்கள் தொடங்கப்படும். நாட்டின் எல்லாப் பகுதிகளும் சமமான வளர்ச்சி பெற வேண்டும் என்பதிலும் வடகிழக்கு மாநிலங்களின் வளர்ச்சி யிலும் மத்திய அரசு அதிக அக்கறை கொண்டிருக்கிறது’’ என்றார்.மேலே சாலை.. கீழே ரயில் தடம் 1985-ம் ஆண்டு மத்திய அரசின் அசாம் ஒப்பந்தப்படி வடகிழக்கு மாநிலங்களின் வளர்ச்சிக்காக போகிபீல் பாலம் கட்ட முடிவு செய்யப்பட்டது. போகிபீல் பாலம் இரண்டு அடுக்கு பாலமாகும். மேலே 3 வழிச் சாலையும் கீழ் பகுதியில் இரண்டு வழி ரயில் தடமும் அமைக்கப்பட்டுள்ளது. ரூ.5,900 கோடி செலவில் இந்தப் பாலம் கட்டப்பட்டுள்ளது. அசாம், அருணாசலப் பிரதேச மக்கள் மருத்துவம், கல்வி வசதிகளை சுலபமாக பெறவும் இந்த பாலம் உதவும். ரயில்வே பாலத்தின் கர்டரும் தரைப்பகுதியும் முதல்முறையாக உருக்கு இரும்பு கொண்டு அமைக்கப்பட்டுள்ளது.

Tuesday, December 25, 2018

உள்ளாட்சி தேர்தல் அறிவிப்பாணை மே 2019-ல் வெளியாகும் மாநில தேர்தல் ஆணையர் மாலிக் ஃபெரோஸ்கான் தகவல்

உள்ளாட்சித் தேர்தல் குறித்த அறிவிப்பாணை வரும் 2019 மே முதல் வாரத்தில் வெளியாக வாய்ப்புள்ளது என மாநில தேர்தல் ஆணையர் எம்.மாலிக் ஃபெரோஸ் கான் தெரிவித்தார். தமிழகத்தில் 2016 அக்டோபரில் 2 கட்டங்களாக நடத்தப்பட்டு இருக்க வேண்டிய உள்ளாட்சித் தேர்தல், திமுக தொடர்ந்த வழக்கின் காரண மாக தள்ளிப்போனது. இந்நிலை யில் 2017 நவ.17-ம் தேதிக்குள் உள்ளாட்சித் தேர்தலை நடத்தி முடிக்க வேண்டுமென உயர் நீதிமன் றம் உத்தரவிட்டது. அந்த உத்தரவை மாநிலத் தேர்தல் ஆணையம் அமல் படுத்தவில்லை எனக்கூறி திமுக சார் பில் நீதிமன்ற அவமதிப்பு வழக்கு தொடரப்பட்டு நிலுவையில் இருந்து வருகிறது. இதேபோல வார்டு மறு வரையறை தொடர்பாக திமுக சார் பில் உச்ச நீதிமன்றத்தில் தொடரப் பட்ட வழக்கும் நிலுவையில் இருந்து வருகிறது. இந்த சூழலில் மாநிலத் தேர்தல் ஆணையரான எம்.மாலிக் ஃபெ ரோஸ்கான் ‘இந்து தமிழ்’ நாளிதழி டம் கூறியது: தமிழகத்தில் உள்ள மூன்றடுக்கு உள்ளாட்சி அமைப்பு களுக்கு ஏற்கெனவே 1991 மக்கள் தொகை கணக்கெடுப்பின் படி, கடைசியாக கடந்த 1996-ம் ஆண்டு வார்டு மறுவரையறை செய்யப்பட்டு, உள்ளாட்சித் தேர்தல் நடத்தப்பட்டது. அதன்பிறகு இத் தனை ஆண்டுகள் கழித்து தற்போது தான் வார்டு மறுவரையறைப் பணிகள் பூகோள ரீதியாகவும், மக்கள் தொகை அடிப்படையிலும் மேற்கொள்ளப்பட்டு, கடந்த டிச. 15-ல் அரசிதழில் வெளியிடப்பட்டு உள்ளது. இதில் வார்டுகளின் எண் ணிக்கை எந்த விதத்திலும் குறைக் கப்படவில்லை. தற்போது 12,524 கிராம ஊராட்சி கள், 388 ஊராட்சி ஒன்றியம், 31 மாவட்ட ஊராட்சி என கிராமப்புறங் களில் 12,943 தலைவர் பதவிகளுக் கும், ஒரு லட்சத்து ஆயிரத்து 450 உறுப்பினர் பதவிகளுக்கும் தேர்தல் நடத்தப்பட வேண்டும். அதுபோல நகர்ப்புறங்களில் 12 மாநகராட்சி, 124 நகராட்சி, 528 பேரூராட்சி என மொத்தம் 664 தலைவர் பதவிக ளுக்கும், 12 ஆயிரத்து 820 உறுப்பி னர் பதவிகளுக்கும் தேர்தல் நடத்தப்பட வேண்டியுள்ளது. இதேபோல நகர்ப்புறங்களில் மேயர், தலைவர் போன்ற பதவிக ளுக்கு நேரடித்தேர்தல் என அறிவிக் கப்பட்டுள்ளதால், மின்னணு வாக் குப்பதிவு இயந்திரங்கள் கூடுதலாக 2 மடங்கு தேவைப்படுகிறது. அவற்றை தயார்படுத்தும் பணிக ளில் ஈடுபட்டு வருகிறோம். வார்டு மறுவரையறை முடிந்து விட்டதால் அடுத்தகட்டமாக பெண் கள் மற்றும் தாழ்த்தப்பட்ட, பழங்குடி யின வார்டுகளை சரியாகக் கண்ட றிந்து இடஒதுக்கீடு வழங்க வேண் டும். இப்பணிகளை முடிப்பதற்கு எப்படியும் 6 வார காலம் தேவை. ஏனெனில் ஏற்கெனவே உள்ள மக் கள் தொகை பட்டியலும், தற்போது வார்டு மறுவரையறைக்குப்பின்பு உள்ள பட்டியலும் முற்றிலுமாக மாறுபட்டவை. அதன்படி இடஒதுக் கீடு பணிகள் முடிவடைவதற்கு 2019 பிப். முதல் வாரம் ஆகிவிடும். அதன்பிறகு நாங்கள் தயாரித் துள்ள வரைவு வாக்காளர் பட்டி யலை, இந்திய தேர்தல் ஆணையம் 2019 ஜனவரியில் வெளியிடும் பிரதான வாக்காளர் பட்டியலுடன் பொருத்திப்பார்த்து சரிபார்க்க வேண்டும். இந்த வாக்காளர் பட்டி யல் சரிபார்ப்பு பணியை ரூ. 12 லட் சம் செலவில் தேசிய தகவல் மையத் தின் (என்ஐசி) பொறுப்பில் ஒப்ப டைத்துள்ளோம். இப்பணி முடிவ டைவதற்கு 95 நாட்கள் தேவை என என்ஐசி தெரிவித்துள்ளது. இப்படி ஒவ்வொரு பணியையும் யாருமே கேள்வி கேட்க முடியாத அளவுக்கு அறிவியல் பூர்வமாக துல்லியமாக செய்து வருகிறாம். அதன்படி எப்படி பார்த்தாலும் வரும் மே முதல் வாரத்தில் தான் எங்களால் உள்ளாட்சித் தேர்தல் தொடர்பான அறிவிப்பாணையை வெளியிட இயலும். அதன்பிறகு 2 மாதத்துக்குள் தேர்தல் நடத்தப் பட்டு அனைத்துப் பதவிகளுக்கும் தகுதியானவர்கள் தேர்ந்தெடுக்கப் படுவர். இதற்கிடையே உயர் நீதி மன்றம் என்ன உத்தரவு பிறப்பித்தா லும் அதையும் ஏற்க வேண்டிய சூழலில் உள்ளோம் என்றார். நாடாளுமன்ற தேர்தல் அறிவிப்பு முன்கூட்டியே வந்துவிட்டால் உள் ளாட்சித் தேர்தல் மீண்டும் தள்ளிப் போக வாய்ப்பு உள்ளதா என கேட் டதற்கு, உள்ளாட்சித் தேர்தலுக்கும், நாடாளுமன்ற தேர்தலுக்கும் எந்த சம்பந்தமும் இல்லை. நாங்கள் 2016-ல் எப்படி தயாராக இருந் தோமோ அதே நிலையில் தான் தற் போதும் இருந்து வருகிறோம், என் றார். மாநில தேர்தல் ஆணையச் செயலாளர் டி.எஸ்.ராஜசேகர் உடனிருந்தார்.

அரசு மருத்துவமனைகளில் பணியாற்றும்  செவிலியர்களுக்கு புதிய சீருடை அறிமுகம்  பிப்ரவரி மாதம் பயன்பாட்டுக்கு வருகிறது 

அரசு மருத்துவமனைகளில் பணி யாற்றும் செவிலியர்களுக்கு புதிய சீருடைகளை சுகாதாரத்துறை அமைச்சர் சி.விஜயபாஸ்கர் அறிமுகம் செய்து வைத்தார். பிப்ரவரி முதல் வாரத்தில் புதிய சீருடையை அணிந்து செவிலியர் கள் பணியாற்ற உள்ளனர். தமிழகத்தில் அரசு மருத்துவ மனைகளில் பணியாற்றும் பெண், ஆண் செவிலியர்களுக்கு புதிதாக மாற்றம் செய்யப்பட்டுள்ள சீருடை கள் அறிமுகம் செய்யும் நிகழ்ச்சி சென்னை தேனாம்பேட்டையில் உள்ள டிஎம்எஸ் வளாகத்தில் நேற்று மாலை நடந்தது. சுகாதாரத்துறை அமைச்சர் சி.விஜயபாஸ்கர் புதிய சீருடைகளை அறிமுகம் செய்து வைத்தார். பின்னர் அமைச்சர் சி.விஜய பாஸ்கர் பேசியதாவது: தமிழக அரசு மருத்துவ மனைகளில் சேவைகள் தொடர்ந்து நவீனமயமாக்கப்பட்டு வருகின்றன. செவிலியர்களின் சீருடையில் மாற்றத்தை கொண்டு வரவேண்டும் என்ற செவிலியர் சங்கத்தினரின் கோரிக்கையை ஏற்று, புதிய சீருடை அறிமுகம் செய்யப்பட்டுள்ளது. இதன் மூலம் அரசு மருத்துவமனைகளில் பணிபு ரியும் 13,864 நிரந்தர செவிலியர்கள், 12,600 தற்காலிக செவிலியர்கள் என மொத்தம் 26,464 செவிலியர்கள் பயனடைவார்கள். முதல்நிலை செவிலிய கண்காணிப்பாளர்கள், இரண்டாம் நிலை செவிலிய கண்காணிப்பாளர்கள், 10 ஆண்டுகளுக்கு மேல் பணிபுரியும் செவிலியர்கள், 10 ஆண்டுகளுக்கு கீழ் பணிபுரியும் செவிலியர்கள், பச்சிளம் குழந்தைகள் பிரிவில் பணிபுரியும் செவிலியர்களுக்கென (பெண், ஆண்) தனித்தனி சீருடைகள் என பிரிக்கப்பட்டுள்ளது. இரண்டு செட் சீருடைகளை அரசு இலவசமாக வழங்கும். இவ்வாறு அவர் தெரிவித்தார். புதிய சீருடைகள் குறித்து மருத்துவக் கல்வி இயக்குநர் எட்வின் ஜோவிடம் கேட்ட போது, “தமிழகம் முழுவதும் அரசு மருத்துவமனைகளில் பணியாற் றும் பெண், ஆண் செவிலியர் களுக்கு சீருடை மாற்றப்பட்டுள் ளது. பிப்ரவரி முதல் வாரத்தில் இருந்து புதிய சீருடை அணிந்து செவிலியர்கள் பணியாற்றுவார் கள்” என்றார். இந்த நிகழ்ச்சியில் சுகாதாரத் துறை கூடுதல் செயலாளர் நாக ராஜன், மருத்துவப் பணியார் தேர்வு வாரிய தலைவர் ராஜா ராமன், மருத்துவம் மற்றும் ஊரக நலப்பணிகள் இயக்குநர் ருக்மணி, பொதுசுகாதாரத் துறை இயக்குநர் குழந்தைசாமி, செவிலியர் சங்கங்களின் தலைவி வளர்மதி ஆகியோர் கலந்துக் கொண்டனர்.செவிலியர்களின் சீருடையில் மாற்றத்தை கொண்டு வரவேண்டும் என்ற செவிலியர் சங்கத்தினரின் கோரிக்கையை ஏற்று, புதிய சீருடை அறிமுகம் செய்யப்பட்டுள்ளது. இதன் மூலம் அரசு மருத்துவமனைகளில் பணிபுரியும் 13,864 நிரந்தர செவிலியர்கள், 12,600 தற்காலிக செவிலியர்கள் என மொத்தம் 26,464 செவிலியர்கள் பயனடைவார்கள்.

Monday, December 24, 2018

வெளிவர முடியாமல் தவிக்கிறீர்களா?

பொழுதுபோக்கிற்காக பேஸ்புக், யூடியூப், இன்ஸ்டாகிராம், டுவிட்டர், நெட்பிளிக்ஸ் போன்ற தளங்களில் நுழைந்துவிட்டு, அதைவிட்டு வெளியே வர முடியாமல் தவிக்கிறீர்களா? படிக்க வேண்டிய நேரங்களிலும் மனம், அந்த தளங்களில் ஒரு நிமிடம் உலவிவிட்டு வந்துவிட துடிக் கிறதா? உங்கள் மனதை கட்டுப்படுத்த உதவக்கூடியது http://keepmeout.com/en/ என்ற இணையதளம். இதில் மக்கள் அதிகமாக பொழுதுபோக்கும் இணைய தளத்தின் பெயர்கள் கொடுக்கப்பட்டிருக்கும், அவை அல்லாமல் உங்கள் படிப்பை தடுக்கும் இணையதள முகவரியையும் கொடுத்து, எவ்வளவு நேரத்திற்கு அந்த இணையப்பக்கம் திறக்காமல் இருக்க வேண்டும் என்பதை கொடுத்து வைக்கலாம். இப்படி கொடுத்து வைப்பதால் நீங்களே விரும்பினாலும் குறிப்பிட்ட அந்த நேரம் வரை சம்பந்தப்பட்ட இணையதளம் திறக்காமல் தடுக்கப்பட்டு விடும். அடம்பிடிக்கும் குழந்தைகள், அடங்க மறுக்கும் இளசுகளை கட்டுப்படுத்துவதற்காக பெற்றோர் பயன்படுத்தும் இந்த இணையதளத்தை கட்டுப்பாடு மிக்க மாணவர்களான நீங்களும் பயன்படுத்தி பலன் பெறலாம்.

யூ.பி.எஸ்.சி. என்ஜினீயரிங் சர்வீஸ் எக்ஸாம் அட்மிட்கார்டு பதிவிறக்கம்

யூ.பி.எஸ்.சி. எனப்படும் மத்திய அரசுப் பணியாளர் தேர்வாணையம் என்ஜினீயர்களுக்கான என்ஜினீயரிங் சர்வீஸ் எக்ஸாம் 2019 தேர்வை விரைவில் நடத்த உள்ளது. 581 பணியிடங்களை நிரப்பும் இந்தத் தேர்வுக்கான அட்மிட் கார்டுகள் வினியோகம் தொடங்கி உள்ளது. ஜனவரி 6-ந் தேதி தேர்வு நடக்க உள்ளது. இதுவரை அட்மிட்கார்டு பதிவிறக்கம் செய்யாதவர்கள் உடனே www.upsc.gov.in இணையதளம் வழியாக அட்மிட் கார்டு பெறலாம்.

ஐ.பி.பீ.எஸ் தேர்வு நுழைவு அட்டை

வங்கிப் பணியாளர் தேர்வு அமைப்பான ஐ.பி.பீ.எஸ்., புரபெசனரி அதிகாரி பணிகளுக்கான 8-வது தேர்வை சமீபத்தில் அறிவித்திருந்தது. 1599 பணிகளுக்கான இந்தத் தேர்வு முதல்நிலைத்தேர்வு, முதன்மைத் தேர்வு, நேர்காணல் என 3 நிலைகளில் நடக்க உள்ளது. முதல்நிலைத் தேர்வு வருகிற 29,30-ந் தேதிகளில் நடக்க இருக்கிறது. இதற்கான தேர்வு நுழைவு அட்டை (அட்மிட் கார்டு) கடந்த வாரம் முதல் பதிவிறக்கம் செய்ய அனுமதிக்கப் படுகிறது. இதுவரை அட்மிட் கார்டு பெறாதவர்கள் இணையதளம் (www.ibps.in) சென்று பதிவிறக்கம் செய்து கொள்ளலாம்.

இது ‘அட்மிஷன்’ காலம்

தனியார் பள்ளிகளில் ஜனவரி முதலே எல்.கே.ஜி., யு.கே.ஜி. மற்றும் முதலாம் வகுப்பு களுக்கு மாணவர் சேர்க்கை நடைபெறும். பிரபலமான பள்ளிகளில் தங்கள் பிள்ளைகளைச் சேர்க்க விரும்பும் பெற்றோர்கள், இதற்காக ஏற்கனவே தயாராகிக் கொண்டிருப்பார்கள். குழந்தைகளின் சாதிச் சான்றிதழ், பிறப்புச் சான்றிதழ், மற்றும் ஆதார் அட்டை போன்றவை கட்டாயமாக கேட்கப்படுவதால், இதுவரை சான்றிதழ் ஏதேனும் இல்லாதிருப்பவர்கள், இந்த அரையாண்டு விடுமுறை காலத்திலேயே விண்ணப்பித்துவிடலாம். 5 வயதுக்கு உட்பட்ட குழந்தைகளுக்கு வீடு தேடி வந்து ஆதார் பதிவு செய்யும் திட்டமும் அறிமுகம் செய்யப்பட்டிருக்கிறது என்பதை நினைவில் கொள்ளுங்கள்.

எய்ம்ஸ் மையத்தில் மருத்துவ படிப்பிற்கான மாணவர் சேர்க்கை

நமது நாட்டின் பிரபலமான மருத்துவ கல்வி ஆராய்ச்சி மையமான எய்ம்ஸ் மையத்தில் மருத்துவ படிப்பிற்கான மாணவர் சேர்க்கை அறிவிக்கப்பட்டு உள்ளது. இதில் சேர நீட் தேர்வு எழுத வேண்டியதில்லை. அவர்கள் நடத்தும் தனி நுழைவுத் தேர்வில் தேர்ச்சி பெற வேண்டும். பிளஸ்-2 படிப்பை அறிவியல் பிரிவில் படித்து 60 சதவீத மதிப்பெண்களுடன் தேர்ச்சி பெற்றவர்கள் www.aiimsexams.org இணையதளம் வழியாக எய்ம்ஸ் நுழைவுத் தேர்வு எழுத விண்ணப்பிக்கலாம். ஜனவரி 3-ந் தேதி வரை விண்ணப்பம் செய்யலாம். வருகிற மே மாதம் 25,26-ந் தேதிகளில் தேர்வு நடைபெற உள்ளது குறிப்பிடத்தக்கது.

சென்னை பல்கலைக்கழகத்தில் மாணவர் சேர்க்கை ..

சென்னை பல்கலைக்கழகத்தில் தொலைதூர 2019-ம் காலண்டர் ஆண்டுக்கான மாணவர் சேர்க்கை அறிவிக்கப்பட்டு உள்ளது. தொலைதூர கல்வி முறையில் இளநிலை, முதுநிலை படிப்புகள், கல்வியியல் படிப்புகள், டிப்ளமோ-சான்றிதழ் படிப்புகள் படிப்பவர்கள் தங்களுக்கு விருப்பமான படிப்பில் சேர விண்ணப்பிக்கலாம். இதற்கான மாணவர் சேர்க்கை வருகிற ஜனவரி 2-ந் தேதி முதல் தொடங்குகிறது. ஜனவரி 31-ந் தேதி வரை விண்ணப்பம் சமர்ப்பிக்கலாம். இதற்காக சென்னை பல்கலைக்கழகம், 23 கல்லூரிகளில் கற்றல் உதவி மையங்களை ஏற்படுத்தி உள்ளது. இது பற்றிய விவரங்களை www.ideunom.ac.in என்ற இணையதளத்தில் பார்க்கலாம்.

Saturday, December 22, 2018

இந்தியாவில் 2032-ல் ஒலிம்பிக் போட்டி?

இந்தியாவில் 2032-ல் ஒலிம்பிக் போட்டி நடத்தப்படலாம் எனக் கருதப்படுகிறது. இந்த விஷயத்தில் தாங்கள் மிகத் தீவிரமாக இருப்பதாக இந்திய ஒலிம்பிக் சங்கத் தலைவர் (ஐ.ஓ.ஏ.) நரீந்தர் பத்ரா கூறுகிறார். இந்தியாவில் ஒலிம்பிக் போட்டியை நடத்துவதற்கான விருப்பத்தை சர்வதேச ஒலிம்பிக் கமிட்டியிடம் தெரிவித்துள்ள ஐ.ஓ.ஏ., இவ்விஷயத்தில் மத்திய அரசின் ஆதரவை எதிர்பார்க்கிறது. இந்த ஆண்டு ஆரம்பத்தில் இந்தியா வந்த ஒலிம்பிக் கமிட்டி தலைவர் தாமஸ் பாக்கிடம், 2032 ஒலிம்பிக் போட்டியை நம் நாடு நடத்த விரும்பும் விஷயத்தைத் தெரிவித்தார், பத்ரா. அம்முயற்சிக்கு தாமஸ் பாக்கும் வரவேற்புத் தெரிவித்தார். இந்தியாவில் ஒலிம்பிக் போட்டியை நடத்தும் விருப்பத்தைத் தெரிவிக்கும் முறைப்படியான விண்ணப்பமும் ஒலிம்பிக் கமிட்டியிடம் சமர்ப்பிக்கப்பட்டுள்ளது. அதைத் தொடர்ந்து, ஐ.ஓ.ஏ. பொதுச் செயலாளர் ராஜீவ் மேத்தா, ஒலிம்பிக் கமிட்டியின், போட்டியை நடத்துவதற்கான விண்ணப்பக் குழுவைச் சந்தித்தார். ஒலிம்பிக் விளையாட்டுகள் மற்றும் போட்டியை நடத்த விரும்பும் விண்ணப்பதாரர்களுக்கான இணை இயக்குநர் ஜாக்குலின் பாரட் தலைமையிலானது அக்குழு. இந்த மாத தொடக்கத்தில் டோக்கியோவில் நடைபெற்ற இந்த அமைப்பின் செயற்குழு கூட்டத்துக்குப் பின் இச்சந்திப்பு நடைபெற்றது. ‘‘2032 ஒலிம்பிக்கை பொறுத்தவரை நாங்கள் மிகவும் முனைப்பாக இருக்கிறோம். அது தொடர்பாக நாங்கள் ஏற்கனவே சர்வதேச ஒலிம்பிக் கமிட்டியிடம் கடிதம் அளித்துவிட்டோம். ஒலிம்பிக் கமிட்டியின் விண்ணப்பக் குழுவையும் நான் சந்தித்திருக்கிறேன். அப்போது எனது முயற்சியை வரவேற்ற அவர்கள், இந்தியா சீக்கிரமே ஒலிம்பிக் போட்டியை நடத்த வேண்டும் என்று தங்கள் விருப்பத்தையும் தெரிவித்தார்கள்’’ என்று பத்ரா சொல்கிறார். இந்தியாவில் ஒலிம்பிக்கை நடத்துவது என்றால் டெல்லி அல்லது மும்பையில் நடத்தலாம் என்று இந்திய ஒலிம்பிக் சங்கம் நினைக்கிறது. அதேநேரம், மற்ற நகரங்களுக்கான வாய்ப்பையும் அவர்கள் முற்றிலும் நிராகரித்துவிடவில்லை. இந்தியாவில் ஒலிம்பிக் போட்டியை நடத்துவது பற்றி பல்வேறு அலசல்கள், தகவல்கள் இதற்கு முன் உலா வந்திருந்தாலும், இங்கே ஒலிம்பிக்கை நடத்த விருப்பம் தெரிவிக்கப்பட்டிருப்பது இதுவே முதல்முறை. ‘‘முதல்கட்டமாக, ஒலிம்பிக் போட்டியை நடத்த விண்ணப்பிக்கும் விருப்பத்தை ஒரு நாடு தெரிவிக்க வேண்டும், அதற்குப் பின்புதான் விருப்பம் தெரிவித்த நாடு அல்லது நகரத்தின் பெயர், விண்ணப்பப் பட்டியலில் இடம்பெறும். இந்தியா இதற்கு முன்பு ஒலிம்பிக் போட்டியை நடத்த விருப்பம் தெரிவித்ததோ, விண்ணப்பித்ததோ இல்லை’’ என்கிறார் பத்ரா. 2032 ஒலிம்பிக் போட்டிக்கான விண்ணப்ப நடைமுறையே 2022-ம் ஆண்டுதான் தொடங்கும். அதன்பிறகு, 2032 ஒலிம்பிக் போட்டியை நடத்தும் நாட்டை 2025-ல் முறைப்படி அறிவிப்பார்கள். 2032 ஒலிம்பிக் போட்டியை நடத்த சீனாவின் ஷாங்காய் நகரம் விரும்புகிறது. 2000-ல் சிட்னியில் ஒலிம்பிக் போட்டியை நடத்திய ஆஸ்திரேலியாவும் இதற்கான போட்டியில் முன்னிற்கிறது. தீவிரப் பகையாளிகளாக இருந்த வடகொரியாவும் தென்கொரியாவும் இணைந்து 2032 ஒலிம்பிக்கை நடத்த விரும்புகின்றன. அந்த ஆண்டு ஒலிம்பிக் போட்டியை தனது நாட்டின் 13 நகரங்களில் நடத்த ஜெர்மனியும் ஆசைப்படுகிறது. விண்ணப்ப நடைமுறைகளுக்காகத் திட்டமிடவும், முறையான திட்டத்துடன் மத்திய அரசை அணுகவும் இந்திய ஒலிம்பிக் சங்கம் தீர்மானித்திருக்கிறது. மத்திய அரசு மட்டுமல்ல, போட்டி நடைபெறும் நகரம் அமைந்திருக்கும் மாநில அரசு மற்றும் எதிர்க்கட்சித் தலைவரின் ஆதரவும் வேண்டுமாம். இந்திய ஒலிம்பிக் சங்கம் இவ்விஷயத்தில் வேகம் காட்டினாலும், இதில் மத்திய அரசு இதுவரை நிதான முகம்தான் காட்டுகிறது. ஒலிம்பிக் போட்டியை நடத்துவதை விட, பொதுவாக ஒலிம்பிக் போட்டிகளில் அதிக பதக்கம் வெல்வதிலும், நாட்டில் விளையாட்டு உள்கட்டமைப்பு வசதிகளை மேம்படுத்துவதிலும்தான் தங்கள் கவனம் என்கிறார், மத்திய விளையாட்டுத் துறை அமைச்சர் ராஜ்யவர்தன்சிங் ரத்தோர். இந்தியாவில் ஒலிம்பிக் போட்டியை நடத்த முனைவது, இயல்பாகவே இங்கு விளையாட்டு வசதிகளை மேம்படுத்தும், நாட்டில் ஒரு புதிய விளையாட்டுப் புரட்சியை ஏற்படுத்தும் என்பதை அரசு புரிந்து கொள்ள வேண்டும்.

ரூ.800 கோடியில் தயாரிக்கப்பட்ட சந்திரயான்-2 விண்கலத்தை ஜனவரியில் விண்ணில் செலுத்த திட்டம் இஸ்ரோ விஞ்ஞானிகள் தகவல்

‘ரூ.800 கோடி செலவில் தயாரிக்கப்பட்ட சந்திரயான்-2 விண்கலத்தை ஜனவரி மாதம் விண்ணில் செலுத்த இஸ்ரோ திட்டமிட்டு உள்ளது’ என்று இஸ்ரோ விஞ்ஞானிகள் தெரிவித்தனர். சந்திரனில் தண்ணீர் இருக்கிறதா? என்பதை ஆய்வு செய்வதற்காக இந்திய விண்வெளி ஆய்வு நிறுவனம் (இஸ்ரோ) கடந்த 2008-ம் ஆண்டு சந்திரயான்-1 விண்கலத்தை விண்ணில் ஏவியது. இதன் மூலம் நடந்த ஆய்வில் சந்திரனில் தண்ணீர் இருப்பதை இந்தியா கண்டுப் பிடித்தது. தொடர்ந்து சந்திரனில் உள்ள பாறைகளை ஆய்வு செய்வதற்காக சந்திரயான்-2 என்ற விண்கலத்தை விண்ணில் செலுத்த இஸ்ரோ திட்டமிட்டு இருந்தது. அதன்படி இஸ்ரோ தயாரித்த சந்திரயான்-2 விண்கலத்தை ஜனவரி மாதம் விண்ணில் செலுத்துவதற்கான பணியில் தற்போது இஸ்ரோ தீவிரமாக ஈடுபட்டு வருகிறது. இதுகுறித்து இஸ்ரோ விஞ்ஞானிகள் கூறியதாவது:- அண்டை நாடுகளுடன் உறவுகளை மேம்படுத்தும் வகையில் ‘தெற்காசிய செயற்கைகோள்’ ஆகியவை இதில் அடங்கும். ஸ்மார்ட் சிட்டி, தொலைநோக்கு திட்டம் கையாளும் அமைச்சகங்கள் உள்பட பல்வேறு துறை அமைச்சகங்கள் விண்வெளி தொழில்நுட்பத்தை பயன்படுத்தி வருகின்றன. விண்வெளி தொழில்நுட்பத்தில் இந்தியா ஒரு முன்னணி நாடு என்ற நிலையை எட்டி உள்ளது. அந்தவகையில் விண்ணில் வெற்றிகரமாக ஏவப்பட்ட அதிவிரைவு தகவல் தொடர்புக்கான ஜிசாட்-7ஏ செயற்கைகோள் அதன் செயல்படும் புவிவட்டப்பாதைக்கு கொண்டு செல்லும் பணியில் தீவிரமாக ஈடுபட்டு வருகிறோம். ஓரிரு நாட்களில் இந்த தகவல் தொடர்பு செயற்கைகோள் செயல்பட தொடங்கும். திட்டமிட்ட ஆயுள் காலத்தை விட கூடுதலான ஆயுள்காலத்தை இந்த செயற்கைகோள் பெறுவதற்கான நடவடிக்கைகளும் எடுக்கப்பட்டு வருகிறது. சந்திரயான்-2 விண்கலம் ரூ.800 கோடி செலவில் தயாரிக்கப்பட்டு உள்ளது. இது பெங்களூரில் உள்ள இஸ்ரோவின் தலைமை நிலையத்தில் இறுதிக்கட்ட சோதனையில் இருக்கிறது. இதில் சந்திரயான்-1 விண்கலத்தை விட சந்திரயான்-2 விண்கலத்தில் பல்வேறு நவீன கருவிகள் பொருத்தப்பட்டு மேலும் விரிவாக்கம் செய்யப்பட்டுள்ளது. சந்திரயான்-2 விண்கலத்தில் உள்ள ரோவர் வகை வாகனத்தை, இதுவரை கண்டுபிடிக்கப்படாத சந்திரனின் தென் துருவத்தை நோக்கமாக கொண்டு, அதன் அருகில் முதன் முதலில் தரையிறக்க திட்டமிடப்பட்டு உள்ளது. இப்பகுதியில் பல லட்சம் ஆண்டுகளுக்கு முன்பு உள்ள பாறைகள் உள்ளன. இவற்றை எந்த நாடுகளும் ஆய்வு செய்ததில்லை. இதனை ஆய்வு செய்வதன் மூலம் உலகம் எப்போது தோன்றியது என்பது போன்ற தகவல்கள் தெரியவரும். இதனை ஆய்வு செய்வதற்காக சந்திரயான்-2 விண்கலத்தை விண்ணில் செலுத்த திட்டமிடப்பட்டு உள்ளது. பொருத்தமில்லாத வானிலை நிலவிவந்ததால் கடந்த ஏப்ரல் மற்றும் நவம்பர் மாதங்களில் சந்திரயான்-2 விண்ணில் செலுத்தப்படவில்லை. அதை ஜனவரி மாதம் விண்ணில் செலுத்துவதற்கான பணியில் முழுவீச்சுடன் இறங்கி உள்ளோம். இதன் மூலம் விண்வெளி தொழில் நுட்பத்தில் புதிய உயரத்தை இந்தியா எட்டும். இவ்வாறு விஞ்ஞானிகள் கூறினார்கள்.

ஜி.எஸ்.டி. கவுன்சில் இன்று கூடுகிறது ஏ.சி., சிமெண்டு, டயர் மீதான வரி குறைக்கப்பட வாய்ப்பு 99 சதவீத பொருட்கள், 18 சதவீத வரம்புக்குள் வருமா?

ஜி.எஸ்.டி. கவுன்சில் கூட்டம் இன்று நடக்கிறது. அதில், ஏ.சி., சிமெண்டு, டயர், சில எலெக்ட்ரானிக் சாதனங்கள் ஆகியவற்றின் மீதான வரியை குறைப்பது பற்றி பரிசீலிக்கப்படுகிறது. நாட்டின் மறைமுக வரிகளுக்கு மாற்றாக, சரக்கு மற்றும் சேவை வரி (ஜி.எஸ்.டி.) என்ற ஒற்றை வரி, கடந்த ஆண்டு ஜூலை 1-ந் தேதி அமலுக்கு கொண்டுவரப்பட்டது. 5 சதவீதம், 12 சதவீதம், 18 சதவீதம், 28 சதவீதம் என 4 அடுக்குகளாக ஜி.எஸ்.டி. வரி சதவீதம் நிர்ணயிக்கப்பட்டு உள்ளது. வரி விகிதங்களை மாற்றி அமைப்பது குறித்து முடிவெடுக்க மாநில நிதி மந்திரிகள் அடங்கிய ஜி.எஸ்.டி. கவுன்சில் அமைக்கப்பட்டு உள்ளது. இந்த கவுன்சில் அவ்வப்போது கூடி முக்கிய முடிவுகளை எடுத்து வருகிறது. இந்நிலையில், ஜி.எஸ்.டி. கவுன்சில் கூட்டம் இன்று நடக்கிறது. இந்த கூட்டத்தில், கவுன்சில் உறுப்பினர்களாக உள்ள மாநில நிதி மந்திரிகள் கலந்துகொள்கிறார்கள். இதில், ஜி.எஸ்.டி. கணக்கு தாக்கலை எளிமைப்படுத்துவது பற்றியும், சிறு, நடுத்தர தொழில் நிறுவனங்களுக்கான தொகையை திரும்ப அளிப்பது பற்றியும் விவாதிக்கப்படுகிறது. மேலும், சமீபத்தில் மும்பையில் ஒரு கூட்டத்தில் பேசிய பிரதமர் நரேந்திர மோடி, சாதாரண மக்கள் பயன்படுத்தும் 99 சதவீத பொருட்கள், 18 அல்லது அதற்கு குறைவான சதவீத வரி வரம்புக்குள் கொண்டு வரப்படும் என்று அறிவித்தார். இன்றைய கூட்டத்தில் இதுபற்றியும் ஆலோசிக்கப்படுகிறது. அனைத்து உறுப்பினர்களிடையே கருத்து ஒற்றுமை உருவாக்க முயற்சி மேற்கொள்ளப்படும் என்று தெரிகிறது. அப்படி கருத்து ஒற்றுமை உருவானால், ஆடம்பர பொருட் கள், புகையிலை பொருட்கள் போன்றவற்றுக்கு மட்டும் 28 சதவீத வரி நீடிக்கும். மற்ற 99 சதவீத பொருட்கள், 18 சதவீதத்துக்கு கீழ் கொண்டுவரப்படும். ஏ.சி., ஆட்டோமொபைல் டயர், சிமெண்டு, ரியல் எஸ்டேட் சாதனங்கள், சில எலெக்ட்ரானிக் கருவிகள் ஆகியவை மீதான வரி குறைக்கப்படும் என்று எதிர்பார்க்கப்படுகிறது. கட்டுமான தொழிலை ஊக்குவிக்க சிமெண்டு மீதான ஜி.எஸ்.டி. 18 சதவீதமாக குறைக்கப்பட வேண்டும் என்று மத்திய அரசு விரும்புகிறது. 5 மாநில சட்டசபை தேர்தல்களில் தோல்வி ஏற்பட்டதாலும், நாடாளுமன்ற தேர்தல் நெருங்குவதாலும் வரி குறைப்பு சலுகைகளை அறிவிக்க மத்திய அரசு விரும்புகிறது. இருப்பினும், ஐந்து நட்சத்திர ஓட்டல் அறைகளுக்கான ஜி.எஸ்.டி. குறைக்கப்பட மாட்டாது என்று மத்திய அரசு வட்டாரங்கள் தெரிவித்தன.

Friday, December 21, 2018

ஜிப்மரில் மருத்துவ மேற்படிப்பு கலந்தாய்வு இன்று முதல் இணையத்தில் ஒளிபரப்பு

இதுதொடர்பாக ஜிப்மர் இயக்குநர் சுவாமிநாதன் நேற்று வெளியிட்ட செய்திக்குறிப்பு: ஜிப்மர் மருத்துவமனையில் இன்று (டிச.21) காலை மருத்துவ மேற்படிப்பு (DM, MCh) நுழைவுத் தேர்வில் தேர்ச்சி பெற்ற மாணவர்களுக்கான கலந்தாய்வு நடக்கிறது. இது முதல் முறையாக நேரடி ஒளிபரப்பு செய்யப்பட உள்ளது. இதன் மூலம் கலந்தாய்வு வெளிப்படை தன்மையாக நடப்பது தெரிய வரும். கலந்தாய்வில் பெற்றோருக்கு அனுமதியில்லை. பெற்றோர் வீட்டில் இருந்தே இந்த கலந்தாய்வை ஜிப்மர் இணையதளத்தில் பார்வையிடலாம். மருத்துவக் கலந்தாய்வு இந்திய அளவில் அரசு மருத்துவ நிறுவனத்தில் நேரடி ஒளிப்பரப்பு செய்வது இதுவே முதல்முறை. வரும் காலத்தில் எம்பிபிஎஸ் மருத்துவக் கலந்தாய்வுக்கும் இம்முறை பயன்படுத்தப்படும் என்று செய்திக்குறிப்பில் தெரிவித்துள்ளார்.

குரூப்-2 முதன்மை தேர்வுக்கு தற்காலிகமாக தேர்வானவர்கள் அசல் சான்றிதழ்களை பதிவேற்றம் செய்ய வேண்டும் டி.என்.பி.எஸ்.சி. அறிவிப்பு

தமிழ்நாடு அரசு பணியாளர் தேர்வாணையத்தின் (டி.என்.பி.எஸ்.சி.) தேர்வு கட்டுப்பாட்டு அலுவலர் இரா.சுதன் வெளியிட்டுள்ள செய்திக்குறிப்பில் கூறப்பட்டு இருப்பதாவது:- குரூப்-2 பதவிகளுக்கான முதன்மை எழுத்து தேர்வுக்கு தற்காலிகமாக தேர்வு செய்யப்பட்டுள்ளவர்கள் வருகிற 24-ந் தேதி முதல் அடுத்த மாதம் (ஜனவரி) 10-ந் தேதி மாலை 5.30 மணிக்குள் தங்களுடைய அசல் சான்றிதழ்களை ஸ்கேன் செய்து தேர்வாணைய இணையதளத்தில் அரசு கேபிள் டி.வி. நிறுவனம் நடத்தும் இ-சேவை மையங்கள் மூலமாக பதிவேற்றம் செய்ய வேண்டும். சான்றிதழ்களை மேற்குறிப்பிட்ட நாட்களில் பதிவேற்றம் செய்யவில்லை என்றால் அந்த விண்ணப்பதாரர்கள் முதன்மை எழுத்து தேர்வில் கலந்து கொள்ள விருப்பமில்லை எனக்கருதி அவர்களுடைய விண்ணப்பம் பரிசீலனைக்கு எடுத்துக்கொள்ளப்படமாட்டாது. முதல்நிலை எழுத்து தேர்வுக்கு தேர்வு கட்டண விலக்கு கோராத விண்ணப்பதாரர்கள் அனைவரும் முதன்மை தேர்வுக்கான தேர்வு கட்டணம் ரூ.150-ஐ அரசு பணியாளர் தேர்வாணைய இணையதளத்தில் வெளியிடப்பட்டுள்ள குறிப்பாணையில் தெரிவித்துள்ளவாறு அடுத்த மாதம் 10-ந் தேதிக்கு முன்னர் கண்டிப்பாக செலுத்த வேண்டும். தவறும்பட்சத்தில் அவர்களுடைய விண்ணப்பம் நிராகரிக்கப்படும். தேர்வு கட்டணம் செலுத்த வேண்டிய விண்ணப்பதாரர்கள் கட்டணம் செலுத்திய பின்னரே அவர்களுடைய சான்றிதழ்களை பதிவேற்றம் செய்ய முடியும். இவ்வாறு அதில் தெரிவிக்கப்பட்டுள்ளது.

பேட்மிண்டன் தரவரிசையில் சிந்து 3-வது இடத்துக்கு முன்னேற்றம்

சர்வதேச பேட்மிண்டன் சம்மேளனம் நேற்று வெளியிட்ட புதிய தரவரிசை பட்டியலில் இந்திய வீராங்கனை பி.வி.சிந்து 3 இடங்கள் முன்னேறி 3-வது இடத்தை பிடித்துள்ளார். சமீபத்தில் டாப்-8 வீராங்கனைகள் மட்டுமே பங்கேற்ற உலக டூர் இறுதி சுற்று பேட்மிண்டனில் தங்கம் வென்றதன் மூலம் சிந்துவுக்கு இந்த ஏற்றம் கிடைத்துள்ளது. மற்றொரு இந்திய வீராங்கனை சாய்னா நேவால் 9-வது இடத்தில் நீடிக்கிறார். தாய் ஜூ யிங் (சீனதைபே) முதலிடத்திலும், நஜோமி ஒகுஹரா (ஜப்பான்) 2-வது இடத்திலும் உள்ளனர். ஆண்கள் ஒற்றையர் பிரிவில் இந்திய வீரர்கள் ஸ்ரீகாந்த் 8-வது இடமும், சமீர் வர்மா 2 இடங்கள் உயர்ந்து 12-வது இடமும் வகிக்கிறார்கள்.

கீழ் கோர்ட்டு நீதிபதி பதவிக்கு அகில இந்திய அளவில் தேர்வு

கீழ் கோர்ட்டுகளில் நீதிபதி பதவிக்கு அகில இந்திய அளவில் தேர்வு நடத்த நிதி ஆயோக் பரிந்துரை செய்துள்ளது. அகில இந்திய நீதித்துறை பணிகள் முறையை கொண்டு வர வேண்டும் என்று மத்திய அரசு திட்டமிட்டது. ஆனால் 9 ஐகோர்ட்டுகள் இதை ஏற்கவில்லை. 8 ஐகோர்ட்டுகள், அந்த திட்டத்தில் மாற்றங்கள் வேண்டும் என்று கேட்டன. இதையடுத்து அந்த திட்டம் கிடப்பில் போடப்பட்டது. இப்போது மத்திய திட்ட கமிஷனுக்கு மாற்றாக கொண்டு வரப்பட்டுள்ள நிதி ஆயோக் அமைப்பு, கீழ் கோர்ட்டு நீதிபதிகள் பதவிக்கு அகில இந்திய அளவில் தேர்வு நடத்த வேண்டும் என்று பரிந்துரை செய்துள்ளது. இது தொடர்பாக நிதி ஆயோக் அமைப்பு கூறி உள்ள முக்கிய அம்சங்கள் வருமாறு:- * கீழ் கோர்ட்டு நீதிபதிகள், இந்திய சட்ட சேவை (மத்திய, மாநில அரசுகள்), அரசு வக்கீல்கள், சட்ட ஆலோசகர்கள், சட்ட வரைவாளர்கள் பதவிகளுக்கு அகில இந்திய தேர்வு நடத்த வேண்டும். அந்தப் பொறுப்பை யு.பி.எஸ்.சி. என்னும் மத்திய பணியாளர் தேர்வாணையத்திடம் ஒப்படைக்க வேண்டும். * இந்த நடவடிக்கையால் இளம் மற்றும் பிரகாசமான சட்ட பட்டதாரிகளை நீதித்துறை பணிக்கு கொண்டு வர முடியும். ஆட்சி அமைப்பில் பொறுப்புணர்வை அதிகரிக்கும். * செயல்முறைகளை சீராக்க நீதித்துறையில் நிர்வாக அதிகாரிகளை அறிமுகம் செய்யலாம். செயல்திறன் அட்டவணை * நீதிபதிகள் செயல்திறன் அட்டவணை தயாரிக்கலாம். * விரைவாக நீதி வழங்குவதற்கு வசதியாக வீடியோ கான்பரன்ஸ் முறையை (காணொலி காட்சி) எல்லா கோர்ட்டுகளிலும் கொண்டு வரலாம். இவ்வாறு நிதி ஆயோக், மத்திய அரசுக்கு பரிந்துரை செய்து அறிக்கை அளித்துள்ளது. குடிமைப்பணி வயது உச்சவரம்பு ஐ.ஏ.எஸ்., போன்ற சிவில் சர்வீசஸ் என்னும் குடிமைப்பணிகளில் சேருவதற்கு பொதுப்பிரிவினருக்கு தற்போது வயது உச்சவரம்பு 30 ஆக உள்ளது. இந்த உச்சவரம்பை 27 ஆக குறைக்க வேண்டும். இதை 2022-23 ஆண்டுக்குள் பல கட்டங்களாக நடைமுறைப்படுத்த வேண்டும் என்றும் நிதி ஆயோக் கூறி உள்ளது.

சிவில் சர்வீசஸ் முதன்மை தேர்வு முடிவு வெளியீடு

சிவில் சர்வீசஸ் முதன்மை தேர்வு முடிவு வெளியிடப்பட்டு உள்ளது. இதில் சைதை துரைசாமியின் மனிதநேய மையத்தில் படித்த 34 பேர் தேர்வு பெற்றனர். மனிதநேய மையம் மத்திய அரசு பணியாளர் தேர்வாணையம் ஆண்டுதோறும் ஐ.ஏ.எஸ்., ஐ.பி.எஸ்., ஐ.ஆர்.எஸ்., ஐ.எப்.எஸ். போன்ற சிவில் சர்வீசஸ் பணிகளுக்கான தேர்வுகளை நடத்துகிறது. முதலில் முதல்நிலை தேர்வும், தொடர்ந்து முதன்மை தேர்வும், அதன் பிறகு நேர்முகத்தேர்வும் நடக்கிறது. இந்த ஆண்டு 874 பணிகளுக்கான தேர்வு நடைபெற்றது. இதில், முதல்நிலை தேர்வில் வெற்றி பெற்றவர்கள் முதன்மை தேர்வில் கலந்துகொண்டனர். கடந்த செப்டம்பர் 27-ந்தேதி முதல் அக்டோபர் 7-ந்தேதி வரை முதன்மை தேர்வு நடைபெற்றது. இந்த தேர்வில் கலந்துகொண்டவர்களுக்கு சைதை துரைசாமியின் மனிதநேய மையம் இலவச பயிற்சி அளித்தது. அந்த பயிற்சியில் கலந்துகொண்டவர்களுக்கு மிக தீவிர பயிற்சி அளிக்கப்பட்டது. இந்தநிலையில் முதன்மை தேர்வு முடிவுகள் நேற்று வெளியிடப்பட்டது. இதில் மனிதநேய மையத்தில் படித்த 10 மாணவர்கள், 24 மாணவிகள் என 34 பேர் தேர்ச்சி பெற்றனர். நேர்முகத் தேர்வுக்கு பயிற்சி இந்த முதன்மை தேர்வில் தேர்ச்சி பெற்றுள்ள அனைத்து மாணவ- மாணவிகளுக்கும் நேர்முக தேர்வுக்கான பயிற்சி வகுப்பு இலவசமாக தொடர்ந்து நடத்தப்பட உள்ளன. இப்பயிற்சியில் கலந்துகொள்ள விரும்பும் தேர்ச்சி பெற்ற அனைத்து மாணவ- மாணவிகளும், தங்களுடைய பாஸ்போர்ட் அளவு புகைப்படம், எழுத்து தேர்வுக்கான நுழைவுச்சீட்டு ஆகியவற்றுடன் இன்று (வெள்ளிக் கிழமை) முதல் மனிதநேயம் மையத்தில் நேரிலோ அல்லது இணையதளத்தின் (ஷ்ஷ்ஷ்.னீஸீ௴யீக்ஷீமீமீவீணீ.நீஷீனீ) வாயிலாகவோ பதிவு செய்துகொள்ளலாம். அனைத்து வசதிகள் இலவசம் நேர்முகத் தேர்வுக்கு பதிவு செய்துகொள்ளும் அனைவருக்கும், இலவச பயிற்சி வகுப்புகள் நடத்தப்பட உள்ளன. இந்த நேர்முக தேர்வுக்கான பயிற்சி வகுப்பில் கலந்துகொள்ளும் அனைத்து மாணவ-மாணவிகளுக்கும், அனைத்து வசதிகளும் இலவசமாக செய்து தரப்படும். மேற்கண்ட தகவலை மனிதநேய மைய பயிற்சி இயக்குனர் கார்த்திகேயன் தெரிவித்து உள்ளார்.

Thursday, December 20, 2018

அரசு வேலைக்கு தகுதி இல்லாதவை என, 33 படிப்புகள் அறிவிக்கப்பட்டுள்ளன.

அரசு வேலைக்கு தகுதி இல்லாதவை என, 33 படிப்புகள் அறிவிக்கப்பட்டுள்ளன.

இவற்றை படித்தோருக்கு, தனியார் வேலை மட்டுமே கிடைக்கும்.தமிழக பல்கலைகள் மற்றும் கல்லுாரிகளில், மாணவர் சேர்க்கையை அதிகரிக்கும் வகையில், சில பொது பாடங்களுக்கு இணையாக, புதிய பெயரில், பட்ட மேற்படிப்புகள் நடத்தப்படுகின்றன.

உதாரணமாக, எம்.காம்., மற்றும் எம்.எஸ்சி., கணினி அறிவியல் போன்ற படிப்புகளுக்கு, வேலை வாய்ப்புகள் அதிகம் என்பதால், அதற்கு இணையானவை என்ற பெயரில், 33 புதிய பட்ட மேற்படிப்புகள் துவங்கப்பட்டு உள்ளன; பல்கலைகளும் அனுமதி அளித்துள்ளன.

ஆனால், மத்திய அரசின் பல்கலை மானிய குழு, மத்திய மனிதவள மேம்பாட்டு அமைச்சகம், அகில இந்திய தொழில்நுட்ப கல்வி கவுன்சிலான, ஏ.ஐ.சி.டி.இ., மற்றும் தேசிய ஆர்கிடெக்ட் கவுன்சில் ஆகியன, இவற்றை அங்கீகரிக்க மறுத்துள்ளன.

இந்த விபரம் தெரியாமல், புதிய படிப்புகளை முடித்தவர்கள், அரசு வேலை கிடைக்காமல் ஏமாறும் நிலை உள்ளது. இதையடுத்து, அரசு வேலைக்கு தகுதியில்லாத படிப்புகளின் பட்டியலை, தமிழக உயர் கல்வி
துறைதயாரித்துள்ளது.இந்த பட்டியலில், தமிழகத்தின், எட்டு பல்கலைகளில் நடத்தப்படும், 33 படிப்புகள் இடம் பெற்றுள்ளன.

தகுதியற்ற படிப்புகள் என்னென்ன?

பெரியார் பல்கலை: எம்.காம்., - கம்ப்யூட்டர் அப்ளிகேஷன் மற்றும், கார்ப்பரேட் செக்ரட்ரிஷிப் ஆகிய, இரண்டுபடிப்புகள், எம்.காம்., படிப்புக்கு, இணை கிடையாது.

அழகப்பா பல்கலை: எம்.எஸ்சி., 'இன்பர்மேஷன் டெக்னாலஜி' படிப்பு, எம்.எஸ்சி., கணினி அறிவியலுக்கு இணை இல்லை

சென்னை பல்கலை: எம்.எஸ்சி., இன்பர்மேஷன் டெக்னாலஜி படிப்பு, எம்.எஸ்சி., கணினி அறிவியலுக்கு இணை இல்லை.

பாரதியார் பல்கலை: எம்.எப்.டி., என்ற, 'மாஸ்டர் ஆப் பாரின் டிரேட்' மற்றும் எம்.காம்., 'இன்டர்நேஷனல் வணிகம்' ஆகிய படிப்புகள், எம்.காம்., பட்ட மேற்படிப்புக்கு இணை இல்லை.

எம்.எஸ்சி., படிப்பில் பல்வேறு பாட பிரிவுகளான, கம்ப்யூட்டர் டெக்னாலஜி, கம்ப்யூட்டர் கம்யூனிகேஷன், சாப்ட்வேர் சிஸ்டம், சாப்ட்வேர் டெக்னாலஜி, சாப்ட்வேர் இன்ஜினியரிங், இன்பர்மேஷன் சயின்ஸ் அண்ட் மேனேஜ்மென்ட், இன்பர்மேஷன் டெக்னாலஜி மற்றும் எம்.சி.ஏ., ஆகிய, எட்டு படிப்புகள், எம்.எஸ்சி., கணினி அறிவியலுக்கு இணையானவை அல்ல.

பாரதிதாசன் பல்கலை:
 எம்.எஸ்., இன்பர்மேஷன் டெக்னாலஜி அண்ட் மேனேஜ்மென்ட் மற்றும் எம்.எஸ்.,இன்பர்மேஷன் டெக்னாலஜி, சாப்ட்வேர் டெக்னாலஜி; எம்.எஸ்சி., இன்பர்மேஷன் டெக்னாலஜி, சைபர் டெக்னாலஜி, இ - காமர்ஸ் அப்ளிகேஷன்ஸ், சாப்ட்வேர் டெக்னாலஜி; எம்.எஸ்., சாப்ட்வேர் டெக்னாலஜி, எம்.சி.ஏ., என, ஒன்பது படிப்புகள், எம்.எஸ்சி., கணினி அறிவியலுக்கு இணையானவை இல்லை

அண்ணாமலை பல்கலை: எம்.எஸ்சி.,யில், சாப்ட்வேர் இன்ஜினியரிங்; ஒருங்கிணைந்த ஐந்து ஆண்டு படிப்பு; இன்பர்மேஷன் டெக்னாலஜி; தொலைநிலை கல்வியில், எம்.சி.ஏ., படிப்பு; கிரெடிட் மதிப்பெண் முறையிலான, எம்.சி.ஏ., ஆகிய, ஐந்து படிப்புகள், எம்.எஸ்சி., கணினி அறிவியலுக்கு இணை இல்லை.

மனோன்மணியம் சுந்தரனார் பல்கலை: எம்.எஸ்சி.,யில், இன்பர்மேஷன் டெக்னாலஜி; கிரெடிட் மதிப்பெண் முறையிலான, இன்பர்மேஷன் டெக்னாலஜி மற்றும், எம்.சி.ஏ,, ஆகிய மூன்று படிப்புகள், எம்.எஸ்சி., கணினி அறிவியல் படிப்புக்கு இணை இல்லை.

அவினாசிலிங்கம் கல்வி நிறுவனம்: எம்.ஏ., மேம்பாட்டு மொழியியல் படிப்பு, எம்.ஏ., தமிழுக்கு இணையானது அல்ல; முதுநிலை மனை அறிவியல் விரிவாக்க கல்வி - எம்.ஏ., சமூக பணி படிப்புக்கு இணை கிடையாது.

இந்த பட்டியல், தமிழ்நாடு அரசு பணியாளர் தேர்வாணையமான, TNPSC செயலர், அனைத்து பல்கலைகளின் பதிவாளர்கள் உட்பட பலருக்கு அனுப்பப்பட்டு
உள்ளது.


மதுரை ஆவின் தலைவரான 5 மணி நேரத்தில் ஓபிஎஸ் சகோதரர் ராஜா அதிமுகவிலிருந்து திடீர் நீக்கம் கட்சியின் உறுப்பினர் உட்பட அனைத்துப் பொறுப்புகளில் இருந்தும் விடுவித்ததின் பின்னணி

மதுரை ஆவின் தலைவராக தேர்ந்தெடுக்கப்பட்ட 5 மணி நேரத் தில் துணை முதல்வர் ஓ.பன்னீர் செல்வத்தின் சகோதரர் ஓ.ராஜா அதிமுகவில் இருந்து நீக்கப்பட்டார். அமைச்சர், மாவட்டச் செயலாளர் என பலரும் வாழ்த்துத் தெரிவித்த நிலையில் திடீரென நீக்கப்பட்டது கட்சியினரிடையே பரபரப்பை ஏற்படுத்தியுள்ளது. துணை முதல்வர் ஓ.பன்னீர் செல்வத்தின் சகோதரர் ஓ.ராஜா, பெரியகுளம் நகராட்சி முன்னாள் தலைவராக இருந்தவர். மதுரை, தேனி மாவட்டத்தில் உள்ள 1,070 கூட்டுறவுச் சங்கங்களுக்கான ஆவின் ஒன்றியம் மதுரையில் உள் ளது. இந்த ஆவின் நிர்வாகத்துக்கான தேர்தல் படிப்படியாக நடந்தது. ஆவின் தலைவராக இருந்த தங்கம், தேனி மாவட்டத்தைச் சேர்ந்த இளையராஜா ஆகியோர் போட்டியின்றி தேர்வாகினர். மீதி 15 பேரை தேர்ந்தெடுப்பதற்கான தேர்தல் டிச.15-ல் நடந்தது. இதில் துணை முதல்வரின் சகோதரர் ஓ.ராஜா உட்பட 15 பேர் தேர்ந்தெடுக் கப்பட்டனர். மதுரை ஆவினில் நேற்று காலை 10 மணிக்கு நடந்த தேர்தலில் தலை வர் பதவிக்கு ஓ,ராஜா, துணைத் தலைவர் பதவிக்கு தங்கம் ஆகி யோர் மட்டுமே மனுத்தாக்கல் செய்த னர். இதையடுத்து 2 பேரும் போட்டி யின்றி தேர்ந்தெடுக்கப்பட்டதாக தேர்தல் அதிகாரி காலை 11 மணிக்கு அறிவித்தார். இதையடுத்து, அமைச்சர் செல் லூர் கே.ராஜூ, மதுரை புறநகர் மாவட் டச் செயலாளர் வி.வி.ராஜன் செல்லப்பா உள்ளிட்ட முக்கிய நிர்வாகிகள் பிற்பகல் 12 மணியள வில் ஆவினுக்கு வந்து ஓ.ராஜா வுக்கு சால்வை அணிவித்து வாழ்த் துத் தெரிவித்தனர். இனிப்புகள் வழங்கி வெற்றியை கட்சியினர் கொண்டாடினர். இந்நிலையில் நேற்று மாலை 4 மணியளவில் ஓ.ராஜா அதிமுகவில் இருந்து நீக்கப்படுவதாக முதல்வர், துணை முதல்வரும் அறிவித்தனர். அதில், கட்சியின் கட்டுப்பாட்டை மீறி கட்சிக்கு களங்கமும், அவப்பெய ரும் உண்டாக்கும் விதத்தில் செயல்பட்ட காரணத்தால், கட்சியின் அடிப்படை உறுப்பினர் உட்பட அனைத்துப் பொறுப்புகளில் இருந் தும் நீக்கப்படுகிறார் என தெரிவித்து உள்ளனர். இதுகுறித்து கட்சியினர் கூறியது: மதுரை ஆவின் தலைவராக தனது ஆதரவாளர் தங்கத்தையே தேர்ந்தெடுக்க செல்லூர் கே.ராஜூ திட்டமிட்டார். ஆனால், ஓ.ராஜா முயற்சித்ததும் மேலிடத்து சமாச் சாரம் எனக் கருதி செல்லூர் ராஜூ ஒதுங்கினார். ஓ.ராஜா தலைவர் பதவிக்கு முயற்சிப்பதை எதிர்த்து தேனியைச் சேர்ந்த அமாவாசை உயர் நீதிமன்ற கிளையில் வழக்குத் தொடுத்தார். இந்நிலையில், துணை முதல்வர் ஓ.பன்னீர்செல்வம் தேனி மாவட்டத்தைச் சேர்ந்த செல்ல முத்து என்பவரை ஆவின் தலைவ ராக்க விரும்பியதாக தகவல் வெளி யானது. ஆனாலும், இதுகுறித்து அதிகாரப்பூர்வமாக யாருக்கும் தகவல் அளிக்கப்படவில்லை. ஓ.ராஜா மதுரை ஆவின் தலைவரானால், அவர் மாநில அள வில் ஆவின் கூட்டுறவு இணையத் துக்கும் தலைவராக வரும் வாய்ப்பு உள்ளது. அப்போது, தனது நிர்வாகத்துக்கு சிக்கல் ஏற்பட லாம் எனக் கருதிய பால்வளத் துறை அமைச்சர் கே.டி.ராஜேந்திர பாலாஜியும் எதிர்ப்புத் தெரிவித்து உள்ளார். எனினும் துணை முதல்வரிடம் இருந்து எந்த தகவலும் வராததால், மவுனத்தை சம்மதமாகக் கருதி அனைவரும் ஓ.ராஜாவுக்கு ஆதரவாகவே பணியாற்றியதால் அவர் இயக்குநராக தேர்வானார். அவர், மற்ற இயக்குநர்கள் பலரை மதுரையில் ஓட்டலில் 2 நாட்க ளாக தங்கவைத்து, யாரும் எதிர்த் துப் போட்டியிடாதவாறு பார்த்துக் கொண்டார். தேனி மாவட்ட செயலாளர் சையதுகான், ஓபிஎஸ் மகன் ரவீந்திர நாத்குமார், ஆதரவாளர் ஆர்டி.கணேசன் உட்பட யாரும் ஆவின் தலைவர் தேர்தலின்போது வர வில்லை. மதுரையில் இருந்த அமைச்சர் ஆர்.பி.உதயகுமாரும் வரவில்லை. இந்நிலையில்தான் பதவியேற்ற 5 மணி நேரத்துக்குள் ஓ.ராஜா கட்சியில் இருந்தே நீக்கப் பட்டதாக அறிவிப்பு வருகிறது. ஓ.ராஜாவை போட்டியிட வேண் டாம் என ஓபிஎஸ் தெரிவித்துள்ளார். அவர் போட்டியிட்டால் குடும்பத் தினரின் ஆதிக்கம் அதிகமாக உள் ளதாக கட்சியினர் கருதுவர் என்றும், பூசாரி நாகமுத்து தற்கொலை வழக்கு விசாரணை முடியாதது, உயர் நீதிமன்றத்தில் ஆவின் தலைவ ராவதற்கு எதிராக மனுத்தாக்கல் செய்யப்பட்டது என பல காரணங்களை மனதில் வைத்தே ஓ.ராஜாவை தலைவராக்க ஓபிஎஸ் விரும்பவில்லை. இதை சகோதர ரிடம் சொன்னால் கேட்கமாட்டார் எனக் கருதிய ஓபிஎஸ், அவரை கட்சியில் இருந்து நீக்கியுள்ளார். இவ்வாறு அவர்கள் தெரிவித்தனர். ஓ.ராஜா கட்சியின் உறுப்பினர் உட்பட அனைத்துப் பொறுப்புகளில் இருந்தும் நீக்கப்பட்டது அதிமுக வினரிடையே பரபரப்பை ஏற்படுத்தி உள்ளது. இதுகுறித்து அமைச்சர் ஜெயக் குமார் சென்னையில் கூறியது: அதிமுக கட்டுக்கோப்பான இயக் கம். கட்சி விரோத நடவடிக்கையில் யார் ஈடுபட்டாலும் நீக்கப்படுவார் கள். இதில் அண்ணன், தம்பி உறவு இல்லை. யார் தவறு செய்தாலும் நடவடிக்கை இருக்கும் என்பதை ஒருங்கிணைப்பாளர்கள் உணர்த்தி யுள்ளனர். கட்சி விரோத நடவடிக்கைகள் குறித்து வெளியில் சொல்ல முடியாது என்றார்.

அடுத்த ஆண்டு 32 விண்வெளி திட்டங்கள் செயல்படுத்தப்படும் ‘இஸ்ரோ’ தலைவர் கே.சிவன் தகவல்

அடுத்த ஆண்டு 32 விண்வெளித் திட்டங்கள் செயல்படுத்தப்படும் என ‘இஸ்ரோ’ தலைவர் கே.சிவன் கூறினார். ஆந்திர மாநிலம் ஹரிகோட்டா வில் உள்ள சதீஷ் தவன் விண் வெளி ஆய்வு மையத்தில் இருந்து ஜிஎஸ்எல்வி எஃப்-11 ராக்கெட் மூலம் ஜிசாட்-7ஏ ராக்கெட் நேற்று வெற்றிகரமாக விண்ணில் செலுத்தப்பட்ட பின்பு அங்குள்ள கட்டுப்பாட்டு அறையில் இஸ்ரோ தலைவர் கே.சிவன் விஞ்ஞானிகள் மத்தியில் உரையாற்றினார். அப் போது அவர் கூறியதாவது: ஜிஎஸ்எல்வி ராக்கெட் மூலம் ஜிசாட் செயற்கைக்கோள் வெற்றி கரமாக குறித்த புவி சுற்றுவட்டப் பாதையில் நிலைநிறுத்தப்பட்டுள் ளது. இது இஸ்ரோ விஞ்ஞானிகள் குழுவுக்கு கிடைத்த வெற்றி. அனைவருக்கும் பாராட்டுகளை தெரிவித்துக் கொள்கிறேன். இது, 35 நாளில் விண்ணில் செலுத்தப்பட் டுள்ள 3-வது தகவல் தொடர்பு செயற்கைக்கோள் ஆகும். அதி லுள்ள சோலார் பேனல்கள் விரிந்து செயல்படத் தொடங்கியுள்ளன. செயற்கைக்கோளின் சுற்று வட்டப்பாதையை உயர்த்தும் பணி வியாழக்கிழமை (இன்று) காலை மேற்கொள்ளப்படும். இந்த செயற் கைகோளிலும், அதை விண்ணில் செலுத்திய ஜிஎஸ்எல்வி ராக்கெட் டிலும் கூடுதல் தொழில்நுட்பங்கள் சேர்க்கப்பட்டன. தற்போதைய வெற்றியானது இஸ்ரோவுக்கு அதிக பொறுப்புணர்வையும் இன் னும் பல திட்டங்களை வெற்றி கரமாக செயல்படுத்த வேண்டும் என்ற உந்துதலையும் அளித்துள் ளது. நம் நாட்டின் செயற்கை கோள்கள் தேவையை இஸ்ரோ நிறைவேற்றும். அடுத்த ஆண்டு 32 விண்வெளி திட்டங்களை இஸ்ரோ செயல்படுத்த திட்டமிட்டுள்ளது.இவ்வாறு சிவன் கூறினார். அவரைத் தொடர்ந்து, ஜிஎஸ் எல்வி எஃப்-11 ராக்கெட் திட்ட இயக்குநர் என்.பி.கிரி, ஜிசாட்-7ஏ செயற்கைக்கோள் திட்ட இயக் குநர் பங்கஜ் கில்லெடர், விக்ரம் சாராபாய் விண்வெளி ஆராய்ச்சி மைய இயக்குநர் எஸ்.சோமநாத், சதீஷ் தவன் விண்வெளி ஆய்வு மைய இயக்குநர் எஸ்.பாண்டி யன், பெங்களூரு யு.ஆர்.ராவ் செயற்கைக்கோள் மைய இயக்கு நர் பி.குன்னிகிருஷ்ணன், விண் வெளி பயன்பாட்டு மைய இயக்குநர் டி.கே.தாஸ், மகேந்திரகிரி திரவ எரிபொருள் ஆய்வு மைய இயக் குநர் வி.நாராயணன், இஸ்ரோ திரவ எரிபொருள் வளாக இயக்குநர் டி.மூக்கையா உள்ளிட்ட விஞ்ஞானி கள் தங்கள் அனுபவங்களை பகிர்ந்து கொண்டனர்.

‘போக்சோ’ சட்டத்தில் அரசு பள்ளி ஆசிரியர் கைது

திண்டுக்கல் மாவட்டம் முழுவதும் உள்ள அரசு, தனியார் பள்ளிகளில் படிக்கும் மாணவிகளுக்கு ஏற்படும் பாலியல் ரீதியான பிரச்சினைகள் குறித்து சட்டப்பணிகள் ஆணைக்குழு விழிப்புணர்வை ஏற்படுத்தி வருகிறது. அதன்படி பழனியை அடுத்த கீரனூர் அரசு மேல்நிலைப்பள்ளிக்கு சென்ற இந்த குழுவினர், மாணவிகளிடம் ஏதேனும் பிரச்சினை இருக்கிறதா? என விசாரித்தனர். அப்போது, அதே பள்ளியில் ஆங்கில பாட ஆசிரியராக பணியாற்றும் பழனி முல்லைநகரை சேர்ந்த ஸ்டீபன்ராஜ் (வயது 45) என்பவர் தங்களிடம் ஆபாசமாக பேசுவதாக மாணவிகள் தெரிவித்தனர். அதன் அடிப்படையில் சட்டப்பணிகள் ஆணைக்குழு அறிக்கை தயாரித்து பழனி சப்-கோர்ட்டில் சமர்ப்பித்தது. இதையடுத்து சம்பந்தப்பட்ட ஆசிரியரிடம் விசாரணை நடத்தி நடவடிக்கை எடுக்கும்படி பழனி அனைத்து மகளிர் போலீசாருக்கு, கோர்ட்டு உத்தரவிட்டது. அதன்பேரில் நேற்று அந்த பள்ளிக்கு சென்ற போலீசார், ஸ்டீபன்ராஜிடமும், மாணவிகளிடமும் தனித்தனியாக விசாரணை நடத்தினர். விசாரணையின் முடிவில் ஸ்டீபன்ராஜ், மாணவிகளிடம் ஆபாசமாக பேசியது உறுதி செய்யப்பட்டது. இதையடுத்து, ‘போக்சோ’ சட்டத்தின் கீழ் போலீசார் வழக்குப்பதிவு செய்து அவரை கைது செய்தனர்.

அண்ணா பல்கலைக்கழகத்தில் கேள்வித்தாள் வெளியான விவகாரத்தில் என்ஜினீயர் உள்பட 2 பேர் கைது

சென்னை அண்ணா பல்கலைக்கழகத்தில் கேள்வித்தாள் வெளியான விவகாரத்தில் என்ஜினீயர் உள்பட 2 பேரை சி.பி.சி.ஐ.டி. போலீசார் அதிரடியாக கைது செய்தனர். கேள்வித்தாள் வெளியாக பல்கலைக்கழக ஊழியரும் உடந்தையாக இருந்தது தெரியவந்துள்ளது. சென்னை அண்ணா பல்கலைக்கழக தேர்வு கட்டுப்பாட்டு அதிகாரி டாக்டர் எம்.வெங்கடேசன், சென்னை சி.பி.சி.ஐ.டி. போலீசில் கடந்த 7-ந் தேதி புகார் கொடுத்தார். அதில், ‘அண்ணா பல்கலைக்கழகத்தில் கடந்த 3-ந் தேதி கணக்கு பாடத்தில் நடந்த தேர்வு தொடர்பான கேள்வித்தாள்கள் முன்கூட்டியே வெளியாகி விட்டது. இதுகுறித்து விசாரணை நடத்தி உரிய நடவடிக்கை எடுக்க வேண்டும்’ என்று கூறியிருந்தார். இதுதொடர்பாக சி.பி.சி.ஐ.டி. கூடுதல் போலீஸ் டி.ஜி.பி. அமரேஷ் பூஜாரி உத்தரவின் பேரில் சி.பி.சி.ஐ.டி. போலீசார் மோசடி சட்டப்பிரிவின்கீழ் வழக்குப்பதிவு செய்து விசாரித்தனர். விசாரணையின் முடிவில், சுரேஷ்குமார், ஹரிகிருஷ்ணன் ஆகிய 2 வாலிபர்கள் நேற்று கைது செய்யப்பட்டனர். இதில் சுரேஷ்குமார் என்ஜினீயரிங் படித்துள்ளார். ஹரிகிருஷ்ணன், ஸ்ரீபெரும்புதூரில் உள்ள ஒரு தனியார் என்ஜினீயரிங் கல்லூரியில் படித்தார். ஆனால் கணக்கு பாடத்தில் தேர்ச்சி அடையவில்லை. தற்போது கணக்கு பாடத்தில் அவர் தேர்வு எழுதியிருக்கிறார். சுரேஷ்குமார் தான், பல்கலைக்கழக கேள்வித்தாள் முன்கூட்டியே வெளியாவதற்கு முக்கிய காரணமாக இருந்துள்ளார். சுரேஷ்குமாரின் உறவினர் ஒருவர் அண்ணா பல்கலைக்கழக தேர்வு கட்டுப்பாட்டு அலுவலகத்தில் ஊழியராக வேலை பார்த்துள்ளார். அந்த ஊழியர் மூலமாக இந்த கேள்வித்தாள் சுரேஷ்குமாருக்கு கிடைத்துள்ளது. சுரேஷ்குமார் அந்த கேள்வித்தாளை ஹரிகிருஷ்ணனுக்கு கொடுத்துள்ளார். ஹரிகிருஷ்ணன் தனது நண்பர்களுக்கு கேள்வித்தாள்களை முன்கூட்டியே வினியோகித்து உள்ளார் என்பது போலீஸ் விசாரணையில் தெரியவந்துள்ளது. இந்த வழக்கில் தொடர்ந்து விசாரணை நடந்து வருவதாகவும், மேலும் சிலரை தேடிவருவதாகவும் சி.பி.சி.ஐ.டி. போலீசார் தெரிவித்தனர். இதுதொடர்பாக அண்ணா பல்கலைக்கழகத்தின் பதிவாளர் குமார் கூறுகையில், “சி.பி.சி.ஐ.டி.யின் அறிக்கை எங்களுக்கு கிடைத்த உடன் சம்பந்தப்பட்ட துறை அதிகாரிகள், பணியாளர்கள் மீது உரிய நடவடிக்கை எடுக்கப்படும்’ என்றார்.

கடும் அமளிக்கு மத்தியில் மக்களவையில் வாடகைத்தாய் ஒழுங்குமுறை மசோதா நிறைவேறியது ‘குழந்தை பெற்றுத்தர பணம் கொடுத்து ஒருவரை அமர்த்த முடியாது’

மக்களவையில் கடும் அமளிக்கு மத்தியில் வாடகைத்தாய் ஒழுங்குமுறை மசோதா நிறைவேறியது. இதன்படி, குழந்தை பெற்றுத்தர பணம் கொடுத்து ஒருவரை வாடகைத்தாயாக அமர்த்த முடியாது. ரபேல் போர் விமான விவகாரம், மேகதாது அணை பிரச்சினை உள்ளிட்டவற்றில் நாடாளுமன்ற மக்களவையில் நேற்றும் எதிர்க்கட்சிகள் கடும் அமளியில் ஈடுபட்டன. இந்த அமளிக்கு மத்தியில் வாடகைத்தாய் ஒழுங்குமுறை மசோதா விவாதத்துக்கு எடுத்துக்கொள்ளப்பட்டது. இந்த விவாதத்தில் உறுப்பினர்கள் சுப்ரியா சுலே (தேசியவாத காங்கிரஸ்), பி.மகாதேவ் (பிஜூ ஜனதாதளம்), காக்கோலி கோஷ் தஸ்திதார் (திரிணாமுல் காங்கிரஸ்), நிஷிகந்த் துபே (பாரதீய ஜனதா), என்.கே.பிரேமசந்திரன் (புரட்சிகர சோஷலிஸ்டு கட்சி) ஆகியோர் பங்கேற்று தங்கள் கருத்துக்களை கூறினார்கள். விவாதத்துக்கு மத்திய சுகாதாரத்துறை மந்திரி ஜே.பி.நட்டா பதில் அளித்துப்பேசினார். அப்போது அவர், “அமளிக்கு மத்தியில் இந்த மசோதா மீது தரமான விவாதம் நடந்தது. இது உறுப்பினர்களின் அக்கறையை காட்டுகிறது. இந்த மசோதா பெண்கள் மற்றும் குழந்தைகளின் கண்ணியத்தை பாதுகாக்கிறது. வாடகைத்தாய் முறையை வியாபார ரீதியில் செய்துகொள்ள முடியாது. இந்த மசோதாவின் நோக்கம், குடும்பங்களை காப்பாற்றுவதுதான்” என்று குறிப்பிட்டார். மேலும் “வாடகைத்தாய்முறை செயல்களை ஒழுங்குபடுத்துவதற்காகத்தான் இந்த மசோதா கொண்டு வரப்பட்டுள்ளது. எனவே குழந்தை இல்லாத தம்பதியர் மருத்துவ விஞ்ஞானத்தை பயன்படுத்தி, குழந்தைப்பேற்றினை பெறலாம். இந்த மசோதாவில் 23 திருத்தங்கள் கொண்டு வரப்பட்டுள்ளன. இந்த மசோதாவில் வெளிநாடு வாழ் இந்தியர்கள் சேர்த்துக்கொள்ளப்படவில்லை” என்று கூறினார். அதைத் தொடர்ந்து குரல் வாக்கெடுப்பின் மூலம் இந்த மசோதா நிறைவேறியது. இந்த மசோதாவின் முக்கிய அம்சங்கள் வருமாறு:- * வாடகைத்தாய் முறையில் குழந்தை பெற்றுக்கொள்ள விரும்புகிற தம்பதியருக்கு திருமணமாகி 5 ஆண்டுகள் முடிந்திருக்க வேண்டும். கணவன், மனைவி ஆகிய இருவரில் ஒருவர் மலட்டுத்தன்மை உள்ளவராக இருக்க வேண்டும். * குழந்தை பெற்றுத்தர வாடகைத்தாயாக அமர்த்தப்படுகிற பெண், கணவன்-மனைவி ஆகிய இருவரில் ஒருவரின் நெருங்கிய உறவினராக இருக்க வேண்டும். அவருக்கும் திருமணமாகி குழந்தை இருக்க வேண்டும். * வியாபார ரீதியில் பணம் கொடுத்து வாடகைத்தாயாக ஒருவரை அமர்த்தக்கூடாது. அதே நேரத்தில் மருத்துவ செலவுகள், காப்பீட்டு செலவு போன்றவற்றை தரலாம். * வாடகைத்தாய் அமர்த்தி குழந்தை பெற்றுக்கொள்ள தகுதி வாய்ந்த தம்பதியருக்கு சான்றிதழ் வழங்குவதற்கு உரிய அதிகாரிகளை மத்திய, மாநில அரசுகள் நியமிக்கும். இவ்வாறு மசோதாவில் குறிப்பிடப்பட்டுள்ளது.

விமானப்படையை மேம்படுத்த ‘ஜி-சாட் 7ஏ’ செயற்கை கோளுடன் ‘ஜி.எஸ்.எல்.வி-எப் 11’ ராக்கெட் விண்ணில் வெற்றிகரமாக பாய்ந்தது இஸ்ரோ தலைவர் சிவன் பெருமிதம்

விமானப்படையை மேம்படுத்த ‘ஜி-சாட் 7ஏ’ செயற்கை கோளை சுமந்துகொண்டு ‘ஜி.எஸ்.எல்.வி- எப்11’ ராக்கெட் வெற்றிகரமாக விண்ணில் பாய்ந்தது. ‘ஜி-சாட் 7ஏ’ செயற்கை கோள் இந்திய விண்வெளி ஆராய்ச்சி நிறுவனம் (இஸ்ரோ), விமானப்படையை மேம்படுத்த உதவும் வகையில் ‘ஜி-சாட் 7ஏ’ என்ற செயற்கைகோளை சிறப்பாக உருவாக்கியது. இது 39-வது தகவல் தொடர்பு செயற்கை கோள் ஆகும். இந்த செயற்கை கோள், 2,250 கிலோ எடை கொண்டதாகும். இது பூமியில் இருந்து அதிகபட்சமாக 36 ஆயிரம் கி.மீ. தொலைவிலும், குறைந்தபட்சம் 170 கி.மீ. தொலைவிலும் சுற்றுப்பாதையில் பூமியைச் சுற்றி வரும் வகையில் வடிவமைக்கப்பட்டுள்ளது. இந்த செயற்கை கோளில் 3.3 கிலோ வாட் திறன் கொண்ட 2 பேட்டரிகள், 2 நவீன ரக கேமராக்கள், தகவல்களை சேகரிப்பதற்காக டிரான்ஸ்பாண்டர்கள் மற்றும் நவீன கருவிகள் பொருத்தப்பட்டுள்ளன. இதனுடைய ஆயுள் காலம் 8 ஆண்டுகளாகும். பயன் என்ன? இந்த செயற்கை கோள், தரையில் உள்ள ரேடார் நிலையங்கள், விமானப்படை தளங்கள், வான் ஆபத்து எச்சரிக்கை மற்றும் போர் விமானம் ஆகியவற்றுடன் விமானப்படை தொடர்பு ஏற்படுத்திக்கொள்ள பயன்படும். மேலும் விமானப்படையின் நெட்வொர்க் மையப்படுத்தப்பட்ட போர்த்திறன்களை மேம்படுத்தவும் துணை நிற்கும். ஆளில்லா விமானங்களை இயக்குவதற்கு இந்த செயற்கை கோள் மிகப்பெரிய உந்துசக்தியாக விளங்கும். போர் விமானங்களின் இருப்பிடத்தை துல்லியமாக அறியவும் உதவும். போர் விமானிகள் விமானத்தில் இருந்தவாறு தகவல்களை பரிமாறிக்கொள்ள முடியும். விண்ணில் வெற்றிகரமாக பாய்ந்தது இந்த செயற்கை கோளை ஜி.எஸ்.எல்.வி-எப் 11 ராக்கெட்டில் பொருத்தி நேற்று விண்ணில் செலுத்துவதற்கு இஸ்ரோ திட்டம் தீட்டியது. இந்த ராக்கெட், முற்றிலும் உள்நாட்டிலேயே தயாரிக்கப்பட்ட ‘கிரையோஜெனிக்’ என்ஜின் பொருத்தியது என்பது சிறப்பம்சம். இந்த ராக்கெட், ‘ஜி-சாட் 7ஏ’ செயற்கைகோளை சுமந்து கொண்டு, ஆந்திர மாநிலம், ஸ்ரீஹரிகோட்டாவில் உள்ள சதீஷ்தவான் விண்வெளி ஆய்வு மையத்தின் 2-வது ஏவுதளத்தில் இருந்து நேற்று மாலை சரியாக 4.10 மணிக்கு திட்டமிட்டபடி விண்ணில் வெற்றிகரமாக பாய்ந்தது. சுற்று வட்டப்பாதையில்.... விண்ணில் சீறிப்பாய்ந்த 19 நிமிடம் 15 வினாடிகளில் திட்டமிட்ட உயரத்தை அடைந்ததும், ‘ஜி-சாட் 7ஏ’ செயற்கைகோளை ஜி.எஸ்.எல்.வி-எப்11 ராக்கெட் வெற்றிகரமாக குறிப்பிட்ட இலக்கில் கொண்டு போய் சேர்த்தது. அதன் சுற்று வட்டப்பாதையில் நிலைநிறுத்தியது. இந்த ராக்கெட், நான்காம் தலைமுறை ராக்கெட் ஆகும். விஞ்ஞானிகள் மகிழ்ச்சி ராக்கெட் வெற்றிகரமாக பறந்ததும், ஸ்ரீஹரிகோட்டாவில் உள்ள கட்டுப்பாட்டு அறையில் கூடி இருந்த விஞ்ஞானிகள் மிகுந்த மகிழ்ச்சி அடைந்தனர். இந்திய விண்வெளி ஆராய்ச்சி நிறுவன தலைவர் கே.சிவன், இஸ்ரோ விஞ்ஞானிகள், என்ஜினீயர்கள் மற்றும் ஊழியர்களை தழுவி கைகுலுக்கி வாழ்த்துகளை பரிமாறிக்கொண்டார். ராக்கெட் விண்ணில் செலுத்தப்படுவதை பார்வையிட ஸ்ரீஹரிகோட்டாவில் உள்ள இஸ்ரோ அலுவலக கட்டிடங்களில் இஸ்ரோ அதிகாரிகளின் குடும்பத்தினர் கூடி இருந்தனர். அவர்களும் தங்கள் மகிழ்ச்சியை பகிர்ந்து கொண்டனர். வானம் நேற்று தெளிவாக இருந்ததால் ராக்கெட் ஏவப்பட்டு சில விநாடிகள் வரை முழுமையாக காணமுடிந்தது. கே.சிவன் பெருமிதம் ராக்கெட் விண்ணில் வெற்றிகரமாக ஏவப்பட்டதை தொடர்ந்து இஸ்ரோ விஞ்ஞானிகள் மத்தியில் தலைவர் கே.சிவன் பேசினார். அப்போது அவர், “ ‘ஜி-சாட் 7ஏ’ செயற்கை கோள் 35 நாளில் விண்ணில் செலுத்தப்பட்ட மூன்றாவது தகவல் தொடர்பு செயற்கை கோள் ஆகும். கிரையோஜெனிக் என்ஜின் பொருத்தப்பட்ட ராக்கெட் சுமந்து சென்ற அதிக எடை கொண்ட செயற்கை கோள் இது” என பெருமிதத்துடன் கூறினார். மேலும், “தற்போது செயற்கைகோளின் மேல் பொருத்தப்பட்டுள்ள சூரிய தகடுகள் சில நிமிடங்களில் செயல்பட தொடங்கியது. நாளை (இன்று) காலை செயற்கை கோளை புவி வட்டப்பாதையில் நிலைநிறுத்தும் பணிகள் தொடங்கும்” எனவும் குறிப்பிட்டார்.

பொதுமக்களுக்கு இடையூறாக தமிழகம் முழுவதும் ‘பேனர்கள்’ வைக்க தடை ஐகோர்ட்டு உத்தரவு

பொதுமக்களுக்கு இடையூறாக தமிழகம் முழுவதும் சாலைகளிலும், சாலையோரத்திலும் பேனர்கள் வைக்க தடை விதித்து சென்னை ஐகோர்ட்டு அதிரடியாக உத்தரவு பிறப்பித்து உள்ளது. தமிழகத்தில் விதிகளை மீறி சட்டவிரோதமாக டிஜிட்டல் பேனர் வைப்பதை தடுக்கக்கோரி சென்னை ஐகோர்ட்டில் டிராபிக் ராமசாமி வழக்கு தொடர்ந்தார். இந்த வழக்கு ஐகோர்ட்டில் நிலுவையில் உள்ளது. இந்த நிலையில், எம்.ஜி.ஆர். நூற்றாண்டு விழா சென்னையில் கொண்டாடப்பட்ட போது, சட்டவிரோதமாக ஏராளமான பேனர்கள் வைக்கப்பட்டன. சென்னை பசுமைச்சாலையில் உள்ள ஐகோர்ட்டு நீதிபதிகள் வீட்டிற்கு முன்பும் சட்டவிரோதமாக பேனர்கள் வைக்கப்பட்டன. இதேபோல், கடந்த 16-ந்தேதி மறைந்த முன்னாள் முதல்-அமைச்சர் கருணாநிதியின் சிலை திறப்பு நிகழ்ச்சி நடந்த போது காங்கிரஸ் கட்சியை சேர்ந்தவர்கள், சோனியா காந்தி, ராகுல்காந்தி ஆகியோரது புகைப்படத்துடன் ஏராளமான பேனர்களை வைத்தனர். கடந்த 12-ந்தேதி நடிகர் ரஜினிகாந்த் பிறந்தநாளை முன்னிட்டு வடபழனி பகுதியில் அனுமதி இன்றி ஏராளமான பேனர்கள் வைக்கப்பட்டன. இவற்றை எல்லாம் குறிப்பிட்டு சென்னை ஐகோர்ட்டில் டிராபிக் ராமசாமி கூடுதல் மனுக்களை தாக்கல் செய்தார். இந்த வழக்கு நீதிபதிகள் எம்.சத்தியநாராயணன், பி.ராஜமாணிக்கம் ஆகியோர் முன்பு நேற்று முன்தினம் விசாரணைக்கு வந்தது. அப்போது, ‘அரசியல் கட்சியினர் சட்டவிரோதமாக வைக்கும் பேனர்களை அகற்ற முடியவில்லை என்றால், அரசு அதிகாரிகள் தங்களது பதவியை ராஜினாமா செய்துவிட்டு, அரசியல் கட்சிகளில் சேர்ந்துவிடுங்கள்‘ என்ற நீதிபதிகள் கடும் கண்டனம் தெரிவித்தனர். மேலும், ‘சட்டவிரோதமாக வைக்கப்படும் பேனர்கள் மீது நடவடிக்கை எடுக்காததற்கு அதிகாரிகள் கூறும் காரணங்களை கேட்டு கேட்டு எங்களுக்கே (நீதிபதிகளுக்கே) மனச்சோர்வு ஏற்பட்டுவிட்டது’ என்றும் கூறி இருந்தனர். இந்த நிலையில், இந்த வழக்கு நீதிபதிகள் எம்.சத்தியநாராயணன், பி.ராஜமாணிக்கம் ஆகியோர் முன்பு நேற்று மீண்டும் விசாரணைக்கு வந்தது. அப்போது மாநகராட்சி தரப்பில் ஒரு அறிக்கை தாக்கல் செய்யப்பட்டது. மாநகராட்சி சார்பில் ஆஜரான வக்கீல், ‘ஐகோர்ட்டின் உத்தரவை தீவிரமாக அதிகாரிகள் பின்பற்றுகின்றனர். விதிகளை மீறி வைக்கப்பட்ட பேனர்கள் அகற்றுப்பட்டுவிட்டன. இதுகுறித்து அரசியல் கட்சியினர் மீது வழக்குப்பதிவு செய்யவில்லை. ஆனால், இந்த விவகாரத்தில் அரசு உறுதியான நடவடிக்கை எடுத்து வருகிறது’ என்றார். மாநகராட்சியின் அறிக்கையை படித்து பார்த்த நீதிபதிகள், ‘கடந்த 2006-ம் ஆண்டு முதல் சட்டவிரோத பேனர்கள் குறித்து ஒரேவிதமான பதிலைத்தான் அதிகாரிகள் தெரிவித்து வருகின்றனர். நிகழ்ச்சி நடப்பதற்கு குறைந்தது 2 நாட்களுக்கு முன்பு பேனர் வைக்க அனுமதி பெறவேண்டும் என்று விதி கூறுகிறது. ஆனால் கடந்த 16-ந்தேதி சென்னையில் நடந்த நிகழ்ச்சிக்கு, முதல் நாள் விண்ணப்பம் செய்து, உடனே அனுமதி பெற்றுள்ளனர். இந்த அனுமதியை வழங்கிய போலீஸ் அதிகாரிகள் மீது ஏன் ஒழுங்கு நடவடிக்கை எடுக்கவில்லை?’ என்று நீதிபதிகள் கேள்வி எழுப்பினர். பின்னர் நீதிபதிகள் பிறப்பித்த உத்தரவில் கூறி இருப்பதாவது:- பேனர்கள் வைப்பதற்கான விதிகளையும், இந்த ஐகோர்ட்டு பிறப்பித்துள்ள பல்வேறு உத்தரவுகளையும் தீவிரமாக அமல்படுத்துவோம். விதிமீறல் எதுவும் இருக்காது என்று தமிழக அரசும், உள்ளாட்சி அமைப்பும் உறுதியான உத்தரவாதம் தரும் வரை, அங்கீகரிக்கப்பட்ட மற்றும் பதிவு செய்யப்பட்ட அரசியல் கட்சிகள் தமிழகம் முழுவதும் எந்த ஒரு பேனர்களையும் வைக்கக்கூடாது. தமிழகம் முழுவதும் உள்ள முக்கியமான சாலைகள், சாலையோரங்களில் இருபுறமும் பாதசாரிகள், வாகன ஓட்டிகள் ஆகியோருக்கு இடையூறாக பேனர்கள் வைக்க மறுஉத்தரவு பிறப்பிக்கும் வரை தடை விதிக்கப்படுகிறது. மேலும், டிஜிட்டல் பேனர்களில் அச்சிடுவோரது பெயர் உள்ளிட்ட விவரங்கள் இடம் பெறவேண்டும் என்று பலமுறை உத்தரவிட்டும், பேனர்களில் அந்த விவரங்கள் இடம்பெறுவது இல்லை. அவ்வாறு விவரங்களை குறிப்பிடாமல் பேனர்களை அச்சிட்டவர்கள் மீது அதிகாரிகளும் இதுவரை நடவடிக்கை எடுக்கவில்லை. இதுமட்டுமல்ல, சென்னை விமான நிலையம் முதல் அண்ணாசாலை வரை ஏராளமான பேனர்கள் வைப்பதற்கு தடையில்லா சான்றிதழ் அனுமதி வழங்கிய சென்னை தெற்கு துணை கமிஷனர், இன்ஸ்பெக்டர்கள் ஆகியோரது செயலை இந்த ஐகோர்ட்டு தீவிரமாக கருதுகிறது. இந்த வழக்கு ஜனவரி 4-ந் தேதிக்கு தள்ளிவைக்கப்படுகிறது. இவ்வாறு நீதிபதிகள் கூறியுள்ளனர்.

Tuesday, December 18, 2018

போட்டி நடத்தி சுகாதார விழிப்புணர்வு: அரசு பள்ளிகளில் செயல்படுத்த திட்டம்

மாணவ, மாணவியர் ஒவ்வொருவரும், தங்களுக்கு தனிமரியாதை கிடைக்கும் வகையில் நடந்து கொள்ள வேண்டுமென, பள்ளிகளின் வாயிலாக விழிப்புணர்வு ஏற்படுத்த உள்ளது. அரசு மற்றும் தனியார் பள்ளிகளில் தினமும், காலை நடைபெறும் வழிபாட்டு கூட்டத்தில் மாணவ, மாணவிகளுக்கு சுத்தம் மற்றும் சுகாதாரம் சார்ந்த விழிப்புணர்வு ஏற்படுத்த பள்ளிக் கல்வித்துறை உத்தரவிட்டுள்ளது. அதன்பேரில் மாவட்டத்தில் உள்ள அனைத்து பள்ளிகளிலும், சுத்தம் மற்றும் சுகாதாரம் சார்ந்த நிகழ்ச்சிகள் வாயிலாக, மாணவ, மாணவியர் இடையே விழிப்புணர்வு ஏற்படுத்தப்பட்டு வருகிறது. அதில், மாணவர்கள், மன அளவிலும், உடல் அளவிலும் சுத்தமாக இருக்க வேண்டும். பள்ளிக்கு செல்லும் முன் குளித்து உடலை சுத்த செய்தும், சுத்தமான சீருடை அணிவித்தும், நகத்தையும், தலை முடியையும் சீராக கத்தரித்து அழகுபடுத்தி தனிமரியாதை ஏற்படும் வகையில் நடந்து கொள்ள வேண்டும். அரசுப் பள்ளி ஆசிரியர்கள் கூறுகையில், 'சுகாதாரம், சுற்றுச் சூழல் துாய்மை ஆகியவை குறித்து மாணவர்களுக்கு பேச்சு, கட்டுரை, ஓவியம், தனி நடிப்பு ஆகிய போட்டிகளின் வாயிலாக விழிப்புணர்வு ஏற்படுத்தப்படுகிறது. அதேபோல், திறந்தவெளி கழிப்பிடத்தை தவிர்க்கவும், கழிப்பறைக்கு செல்லும்போது காலணி அணிந்து செல்லவும், கைகழுவுவதன் அவசியம் குறித்தும் மாணவர்களுக்கு அறிவுறுத்தப்பட்டு வருகிறது. மேலும், பள்ளிகளில் குடிநீர் தொட்டி, சத்துணவுக் கூடம், வகுப்பறை, பள்ளி வளாகம் ஆகியவற்றை சுத்தமாக வைத்திருக்க நடவடிக்கை எடுக்கப்படுகிறது,' என்றனர்.

காமராஜ் பல்கலை துணைவேந்தர் பதவிக்கு 196 பேர் விண்ணப்பம்

மதுரை காமராஜ் பல்கலை துணைவேந்தர் பதவிக்கு, ஓய்வு பெற்ற, 'இஸ்ரோ' விஞ்ஞானி மயில்சாமி அண்ணாதுரை, பல்கலை மானிய குழு முன்னாள் துணை தலைவர் தேவராஜ் உட்பட, 196 பேர் விண்ணப்பித்துள்ளனர் காமராஜ் பல்கலைக்கு புதிய துணைவேந்தரை தேர்வு செய்ய, இந்திராகாந்தி திறந்தவெளி பல்கலை முன்னாள் துணைவேந்தர் நாகேஸ்வரராவ் தலைமையில், முன்னாள் துணைவேந்தர்கள் அனந்தகிருஷ்ணன், ஓஜா இடம்பெற்ற தேடல் குழு, டிச., 14 வரை விண்ணப்பங்கள் பெற்றது.இப்பல்கலைக்கு தொடர்புடைய, 38 பேராசிரியர்கள் விண்ணப்பித்துள்ளனர். ஓய்வு பெற்ற, 'இஸ்ரோ' விஞ்ஞானி மயில்சாமி அண்ணாதுரை, பல்கலை மானிய குழு முன்னாள் துணை தலைவர் தேவராஜ் உட்பட, 196 பேர் விண்ணப்பித்துள்ளனர் தேடல் குழுவின் வெளிப்படை தன்மை காரணமாக, முதன் முதலில் இணையதளத்தில் பெயர் விபரம் வெளியிடப்பட்டுள்ளது.அதே நேரம், குற்றப் பின்னணி உள்ளோரும், ஆவலுடன் விண்ணப்பித்துள்ளனர் விண்ணப்பித்துள்ள இப்பல்கலையைச் சேர்ந்த சிலருக்கு, குற்ற வழக்கு நிலுவையில் உள்ளது. சிலர், வழக்கில் இருந்து விடுபட்டோராக உள்ளனர் சிலர், நிதி முறைகேடு புகாரில் சிக்கி, விசாரணை வளையத்திற்குள் உள்ளனர். இவர்களின் விண்ணப்பங்களை ஆரம்ப கட்டத்திலேயே நிராகரிக்க வேண்டும் என, கல்வியாளர்கள் எதிர்பார்க்கின்றனர் பேராசிரியர்கள் கூறுகையில், 'இப்பல்கலைக்கு எவ்வித தொடர்பும் இல்லாத, தகுதி மற்றும் நேர்மையான, வளர்ச்சியில் அக்கறையுள்ளவரை துணைவேந்தராக தேர்வு செய்ய, கவர்னர் புரோஹித் நடவடிக்கை எடுக்க வேண்டும்' என்றனர்

அரசு பள்ளிகளில் எல்.கே.ஜி. வகுப்பு ஜனவரி மாதம் தொடங்கப்படும் அமைச்சர் செங்கோட்டையன் தகவல்

அரசு பள்ளிகளில் ஜனவரி மாதம் முதல் எல்.கே.ஜி., யு.கே.ஜி. வகுப்புகள் தொடங்க நடவடிக்கை எடுக்கப்பட்டு வருவதாக அமைச்சர் செங்கோட்டையன் தெரிவித்தார். தமிழக பள்ளி கல்வித்துறை அமைச்சர் கே.ஏ.செங்கோட்டையன், நேற்று காலை கார் மூலம் சென்னையில் இருந்து காஞ்சீபுரம் வந்தார். பின்னர் அமைச்சர் செங்கோட்டையன், காஞ்சீபுரம் காமாட்சி அம்மன் கோவிலுக்கு சென்று சாமி தரிசனம் செய்தார். அவருக்கு அர்ச்சகர்கள் கோவில் பிரசாதங்கள் வழங்கி, பொன்னாடை அணிவித்து கவுரவித்தனர். அங்கிருந்து காஞ்சீ சங்கரமடம் சென்ற அவர், சங்கராச்சாரியார் விஜயேந்திரரை சந்தித்து ஆசி பெற்றார். சங்கரமடத்தில் முக்தியடைந்த மகா பெரியவர் சந்திரசேகரேந்திர சரஸ்வதி சாமிகள், ஜெயேந்திரர் ஆகியோரது பிருந்தாவனத்துக்கும் சென்று வணங்கினார். அதைதொடர்ந்து காஞ்சீபுரம் மூங்கில் மண்டபம் அருகே உள்ள வழக்கறுத்தீஸ்வரர் கோவிலுக்கு சென்ற அமைச்சர் செங்கோட்டையன், அங்கு சாமி தரிசனம் செய்துவிட்டு, பக்தர்களுக்கு அன்னதானம் வழங்கினார். பின்னர் அமைச்சர் செங்கோட்டையன், நிருபர்களிடம் கூறியதாவது:- முதல்-அமைச்சரும், துணை முதல்-அமைச்சரும் இணைந்து பணியாற்றி வருவதன் மூலம் அனைத்து துறைகளும் மற்ற மாநிலங்களுக்கு முன்னோடியாக விளங்கி வருகிறது. கஜா புயல் பாதித்த மாவட்டங்களில் அரசு எடுத்த நடவடிக்கை, நடந்த நிவாரண பணிகள் பாராட்டும்படி இருந்தன. தமிழகத்தில் பிளஸ்-1, பிளஸ்-2 மாணவர்களுக்கு 11 லட்சத்து 17 ஆயிரம் விலையில்லா சைக்கிள்கள் வழங்கும் திட்டம் நடைபெற்று வருகிறது. பள்ளி மாணவர்களுக்கு 14 வகையான விலையில்லா திட்டங்களை அரசு வழங்கி வருகிறது. அரசு பள்ளிகளில் ஜனவரி மாதம் முதல் எல்.கே.ஜி., யு.கே.ஜி. வகுப்புகள் தொடங்க நடவடிக்கை எடுக்கப்பட்டு வருகிறது. ஏழை மாணவர்களின் பெற்றோர்களின் ஆங்கில வழி கல்வி ஆசை இதன் மூலம் நிறைவேறும். தனியார் பள்ளிகளுக்கு இணையாக அரசு பள்ளிகளை கொண்டுவர நடவடிக்கை எடுக்கப்பட்டு உள்ளது. இவ்வாறு அவர் கூறினார்.

Saturday, December 15, 2018

பொங்கல் முதல் கல்வித் தொலைக்காட்சி: அரசு கேபிளில் காணலாம்

தமிழகத்தில் பள்ளிக் கல்வி தொடர்பான விஷயங்களை ஒளிபரப்புவதற்காக கல்வித் தொலைக்காட்சி பொங்கல் திருநாளில் தொடங்கப்படவுள்ளது தமிழக பள்ளிக் கல்வித்துறையில் மாணவர்கள், ஆசிரியர்கள், பள்ளிக் கட்டமைப்பு மேம்பாட்டுக்கான பல்வேறு நடவடிக்கைகளை தமிழக அரசு மேற்கொண்டு வருகிறது. குறிப்பாக புதிய பாடத்திட்டம், ரேங்க் முறை ரத்து, எஸ்சிஇஆர்டி யூடியூப்-சேனல் போன்ற திட்டங்களுக்கு பொதுமக்கள் மத்தியில் நல்ல வரவேற்பு கிடைத்துள்ளது இந்த நிலையில், பள்ளிக் கல்வித்துறையின் திட்டங்களை மக்களிடம் எடுத்துச் செல்லவும், பொதுத்தேர்வுகள், கல்வி உதவித்தொகை தேர்வுகள், நுழைவுத் தேர்வுகள் தொடர்பாக மாணவர்களுக்கு ஆலோசனைகள் வழங்கவும் புதிய தொலைக்காட்சி அலைவரிசை தொடங்கப்படும் என பள்ளிக் கல்வித்துறை அமைச்சர் செங்கோட்டையன் அறிவித்திருந்தார் இதையடுத்து இதற்கான பணிகளை மேற்கொள்ள பள்ளி கல்வி இயக்குநர் வி.சி. ராமேஸ்வர முருகன், மாநில கல்வியியல் ஆராய்ச்சி மற்றும் பயிற்சி நிறுவன இயக்குநர் க.அறிவொளி, ஒருங்கிணைந்த கல்வி திட்ட இயக்குநர் சுடலைகண்ணன் மற்றும் இணை இயக்குநர்கள் கொண்ட குழு அமைக்கப்பட்டது கல்வித் தொலைக்காட்சி அலைவரிசைக்கான தொழில்நுட்பப் பணி மற்றும் தொலைக்காட்சிக்கான முன்தயாரிப்பு காட்சிகளைப் பதிவு செய்யவும் தனியாக ஒரு குழுவும் ஏற்படுத்தப்பட்டுள்ளது அதே போன்று கேமராக்கள் தொழில்நுட்பக் கருவிகள் வாங்கும் பணிகளும் தொடங்கியுள்ளன இது குறித்து பள்ளிக் கல்வித்துறை அதிகாரிகள் கூறியது இந்தியாவில் கேரளம் உள்ளிட்ட ஒருசில மாநிலங்களில் மட்டுமே கல்விக்கென பிரத்யேக தொலைக்காட்சி சேனல் உள்ளது. இது போன்ற அலைவரிசையை தமிழக மாணவர்களுக்காக தொடங்க நடவடிக்கை எடுக்கப்பட்டு வருகிறது 🔶🔶அண்ணா நூற்றாண்டு நூலகத்தில் கல்வித் தொலைக்காட்சிக்கான படப்பிடிப்பு மற்றும் தொழில்நுட்ப தளம் சென்னை கோட்டூர்புரம் அண்ணா நூற்றாண்டு நூலகத்தின் 8 ஆவது தளத்தில் அமையவுள்ளது பள்ளிக் கல்வி செயல்பாடுகளைப் பதிவு செய்வதற்காக வழக்கமான கேமராக்களுடன் ஆளில்லா பறக்கும் கண்காணிப்பு ("ட்ரோன்') கேமரா வாங்கப்படும். இந்தப் பணிகளுக்காக முதல் கட்டமாக ரூ.1.35 கோடி ஒதுக்கீடு செய்யப்பட்டுள்ளது 🏀🏀என்னென்ன அம்சங்கள்? கல்வித் தொலைக்காட்சி அரசு கேபிளில் 200 ஆவது அலைவரிசையில் ஒளிபரப்பாகும் புதிதாக தொடங்கப்படவுள்ள எல்.கே.ஜி. வகுப்புகள் முதல் பிளஸ் 2 வகுப்பு வரை பள்ளிக் கல்விக்காக அரசு செயல்படுத்தும் திட்டங்கள், கல்வி உதவித் தொகைகளுக்கு விண்ணப்பிக்கும் முறை, நீட் உள்ளிட்ட நுழைவுத் தேர்வுகளுக்கான விளக்கங்கள், புதுமையான முறையில் கற்பிக்கும் ஆசிரியர்களின் நேர்காணல், அரசுப் பள்ளி மாணவர்களின் கண்டுபிடிப்புகள், பள்ளிகளுக்கான முக்கிய சுற்றறிக்கைகள், கல்வியாளர்களின் கலந்துரையாடல் என பல அம்சங்கள் இடம்பெறும் இதன் மூலம் கல்வித்துறை சார்ந்த அனைத்து செயல்பாடுகளையும் மாணவர்கள், ஆசிரியர்கள், பொதுமக்கள் உடனுக்குடன் தெரிந்து கொள்ள முடியும். பொங்கல் திருநாளில் கல்வித்தொலைக்காட்சி ஒளிபரப்பை தொடங்க திட்டமிட்டுள்ளோம் என்றார்

மாற்றுத்திறனாளிகள் கல்வித்தகுதியை பதிவு செய்ய சிறப்பு பிரிவு துவக்கம்

தேனி வேலை வாய்ப்பு அலுவலகத்தில் மாற்றுத்திறனாளிகள் கல்வித்தகுதியை பதிவு செய்யும் வகையில் சிறப்பு பிரிவு துவக்கப்பட்டுள்ளது,'' என, கலெக்டர் பல்லவிபல்தேவ் தெரிவித்துள்ளார். அவரது அறிக்கை மாவட்ட வேலை வாய்ப்பு அலுவலகத்தில் மாற்றுத்திறனாளிகள் வேலை வாய்ப்பிற்காக, தங்களது கல்வித் தகுதியை பதிவு செய்யும் வகையில் சிறப்புப் பிரிவு துவங்கப்பட்டுள்ளது. இதுவரை உறுப்பு குறைபாடுகள் கொண்டோர் மட்டுமே கல்வித்தகுதியை பதிவு செய்யும் வசதி இரு ந்தது.கண்பார்வையற்ற, காதுகேளாத, வாய்பேச முடியாதவர்கள் சென்னை வேலைவாய்ப்பு அலுவலகத்தின் மூலமே பதிவு செய்து வந்தனர். அந்த நிலை மாற்றப்பட்டு, அந்தந்த மாவட்டங்களில் அனைத்து வகை மாற்றுத்திறனாளிகளும் கல்வித் தகுதிகளை பதிவு செய்திடும் வகையில் தொழில்நுட்ப வசதிகள் மேம்படுத்தப்பட்டுள்ளன. இதனை பயன்படுத்தி பயனடைய வேண்டும். இவ்வாறு அதில் தெரிவிக்கப்பட்டுள்ளது.

இ்ந்திய தேர்தல் ஆணையத்திற்கு பள்ளி மாணவர்கள் கோரிக்கை

சுற்றுச்சூழலை பாதுகாக்கும் வகையில், தேர்தலை நடத்த வேண்டுமென, இந்திய தலைமை தேர்தல் ஆணையருக்கு, மாணவர்கள் சார்பில் கடிதம் எழுதும் நிகழ்ச்சி நடந்தது. திண்டிவனம் புனித அன்னாள் மேல்நிலைப்பள்ளி தலைமையாசிரியர் பால்ராஜ்குமார் தலைமை தாங்கினார்.முதுகலை ஆசிரியர் பொன்பாக்கியநாதன் முன்னிலை வகித்தார். இதில் பள்ளியை சேர்ந்த இரண்டாயிரத்திற்கும் மேற்பட்ட மாணவர்கள் தனித்தனியாக, தலைமை தேர்தல் ஆணையருக்கு கடிதம் அனுப்பினர். கடிதத்தில், 'பாராளுமன்ற தேர்தல் உள்ளிட்ட அனைத்து தேர்தலின் போது, காற்று மாசு படுவதை தடுக்க, தேர்தல் பிரசாரத்தின் போது பட்டாசு வெடிப்பதை தவிர்க்க வேண்டும். ஒலி, ஒளி மாசு அடைவதை தடுக்க பொதுக்கூட்டங்களிலும், தேர்தல் பிரசாரத்திலும் அதிக திறன் கொண்டு ஒலிப்பெருக்கிகள், மின் விளக்குகளை தவிர்க்க வேண்டும். இணைய வழி வாக்களிப்பு முறையை நடைமுறைப்படுத்த வேண்டும். துண்டு பிரசுரங்கள், சுவரொட்டிகள, பிளக்ஸ் போர்டுகள் ஆகியவற்றை தவிர்த்து, சமூக ஊடகங்கள் வாயிலாக பிரசாரம் மேற்கொள்ள வேண்டும் ஆகியவற்றை வலியுறுத்தி கடிதம் எழுதி அனுப்பியுள்ளனர்.

உங்களிடம் உள்ள பணத்தை இரட்டிப்பாக்க விரும்பினால்...

எந்த விஷயத்திலும் நாம் அடுத்த கட்டத்தை நோக்கி முன்னேற வேண்டும். பொருளாதாரத்திலும் அப்படித்தான். சேமிப்பு, முதலீடுதான் நம் பொருளா தார அஸ்திவாரத்தை வலுவாக்கும். சேமிப்பு என்கிறபோது, உலகப் பெரும் பணக்காரர் வாரன் பபெட் கூறிய மந்திர வார்த்தைகளைப் பின்பற்றினால் மாயாஜாலம் நிகழும். அதாவது, ‘செலவு செய்தபின் மிஞ்சிய பணத்தைச் சேமிக்காமல், சேமித்தபிறகு மிஞ்சும் பணத்தைச் செலவு செய்ய வேண்டும்’ என்கிறார், பபெட். அதேபோல, ‘தூங்கும்போதும் பணத்தைச் சம்பாதிக்கக்கூடிய வழியை நீங்கள் கண்டுபிடிக்காவிட்டால், சாகும்வரை நீங்கள் உழைத்துக்கொண்டே இருக்க வேண்டியதுதான்’ என்றும் பபெட் சொல்கிறார். உங்களிடம் உள்ள பணத்தை இரட்டிப்பாக்க வேண்டும் என்பது உங்கள் ஆசையா? பங்குச்சந்தை, மியூச்சுவல் பண்டு போன்ற முதலீடுகளில் உங்களிடம் உள்ள பணத்தை வேகமாக இரட்டிப்பாக்க முடியும் என்றாலும் அவற்றில் ‘ரிஸ்க்’ உண்டு. எனவே, அவை போன்று ரிஸ்க் ஏதும் இல்லாமல் உங்கள் கையில் உள்ள பணத்தை எப்படி ‘பிக்சட் டெபாசிட்’ மூலம் 10 ஆண்டுகளில் இரட்டிப்பாக்குவது எனப் பார்க்கலாம்... உங்களிடம் ஒரு லட்சம் ரூபாய் இருக்கிறது என்று வைத்துக்கொள்வோம். அதை ஆண்டுக்கு 8 சதவீதம் லாபம் அளிக்கக்கூடிய ஒரு பிக்சட் டெபாசிட் திட்டத்தில் 10 வருடத்துக்கு முதலீடு செய்யுங்கள். இப்படிச் செய்யும்போது நீங்கள் முதலீடு செய்த ஒரு லட்சம் ரூபாய், ஒரு வருடத்துக்குப் பிறகு ஒரு லட்சத்து 8 ஆயிரம் ரூபாயாக உயர்ந்திருக்கும். இதுவே இரண்டாம் வருடம் முடியும்போது ஒரு லட்சத்து 8 ஆயிரம் ரூபாய்க்கும் 8 சதவீதக் கூட்டு வட்டி கிடைக்கும். இப்படியே தொடர்ந்து 10 வருடம் செய்திருக்கும்போது உங்கள் பணம் இரட்டிப்பாகி 2 லட்சத்து 15 ஆயிரத்து 892 ரூபாயாக இருக்கும். ஆனால் தற்போது பெரும்பாலான வங்கி பிக்சட் டெபாசிட் திட்டங்கள் 6.8 சதவீத வட்டி விகித லாபத்தை மட்டுமே அளிக்கின்றன. எனவே 8 சதவீதத்துக்கும் அதிகமான லாபம் அளிக்கும் வங்கிகளின் பிக்சட் டெபாசிட் திட்டங்களில் உங்கள் பணத்தை முதலீடு செய்யும்போது எளிமையாக 10 வருடத்தில் இரட்டிப்பாக்க முடியும். வீடு, கார் அல்லது அது போன்றவற்றை நீங்கள் வாங்க வேண்டும் என்ற இலக்குடன் செயல்படும்போது பணத்தை இப்படிச் சேமிக்கும் போது எளிதாக ரிஸ்க், பயம் ஏதுமில்லாமல் முதலீட்டைப் பெருக்கலாம். மொத்தமாக பெரும் தொகையை முதலீடு செய்ய முடியாதவர்கள் என்ன செய்வது? அவர்கள், ரெக்கரிங் டெபாசிட் திட்டத்தில் மாத தவணையாக முதலீடு செய்து தமது பணத்தின் மீது லாபம் பெற முடியும்.