You will be redirected to the script in

seconds
Puthiyaseithi | புதிய செய்தி: September 2018

Sunday, September 30, 2018

வாட்ஸ்அப்பில் வருகிறது 2 புது அப்டேட்..

இன்று சூழலில் குறுஞ்செய்திகளை அனுப்புவதில் முதலிடத்தில் இருப்பது வாட்ஸ்அப் தான். அதிலும் இந்தியாவில் ஸ்மார்ட்போன் வைத்துள்ள அனைவரும் கண்டிப்பாக வாட்ஸ் அப்பை பயன்படுகிறார்கள். இந்நிலையில், வாட்ஸ்அப்பில் புதிதாக இரண்டு வசதிகள் வரவிருக்கின்றன. ஒன்று டார்க் மோட் (DARK MODE), மற்றொன்று Swipe to Reply. வாட்ஸ்அப் அடுத்த பதிப்பில் இருந்து இந்த வசதிகள் கிடைக்கும். தற்போது பீட்டா வெர்ஷன் வெளியாகியிருந்தாலும், அதில் இந்த இரண்டு வசதிகளும் இன்னும் சேர்க்கப்படவில்லை. இன்னும் சோதனை நிலையிலேயே இருப்பதுதான் அதற்கு காரணம். via GIPHY Dark Mode என்ற இந்த வசதியானது ஏற்கெனவே பல செயலிகளில் வழக்கத்தில் இருக்கும் ஒன்றுதான். தற்போது அந்த வசதி வாட்ஸ்அப்புக்கும் வரவிருக்கிறது. இதன்மூலம் இரவில் தானாக 'வொயிட் தீமில்' இருந்து 'நைட் தீமுக்கு' மாறிக்கொள்ள முடியும். இந்த வசதி ஆப்பிள், ஆண்ட்ராய்டு ஆகிய இரண்டு இயங்குதளத்திற்கும் வரவுள்ளது. swipe to reply என்ற வசதியானது ஏற்கெனவே ஆப்பிள் மொபைல்களில் இருப்பதுதான். தற்போது ஆண்ட்ராய்டுக்கு அப்டேட் ஆகவுள்ளது. swipe to reply என்ற வசதி மூலம், வாட்ஸ்அப் குரூப்களில் அனுப்பப்படும் செய்திகளுக்கு மிக எளிதாக பதிலளிக்கலாம். தற்போது குரூப்பில் ஒருவரின் மெசேஜுக்கு ரிப்ளை செய்யவேண்டுமென்றால், அந்த மெசேஜை சில நொடிகள் பிரஸ் செய்து, பின்னர் ரிப்ளை பட்டனை தேர்வு செய்தால் மட்டுமே, ரிப்ளை மெசேஜ் அனுப்பமுடியும். ஆனால், இந்தப் புதிய வசதி மூலம், பிறரின் மெசேஜை வலதுபுறம் ஸ்வைப் செய்தாலே, ரிப்ளை வசதி வந்துவிடும். இந்த 2 அப்டேட்களும் விரைவில் அனைத்து மொபைலிலும் வந்துவிடும் என எதிர்பார்க்கபடுகிறது.

ஓட்டுனர் உள்ளிட்ட பல்வேறு உரிமங்களை பெறுவதற்கான கட்டணத்தை ‘ஆன்-லைன்’ மூலம் செலுத்தும் வசதி நாளை முதல் நடைமுறைக்கு வருகிறது.

ஓட்டுனர் உள்ளிட்ட பல்வேறு உரிமங்களை பெறுவதற்கான கட்டணத்தை ‘ஆன்-லைன்’ மூலம் செலுத்தும் வசதி நாளை முதல் நடைமுறைக்கு வருகிறது. தமிழக அரசு வெளியிட்டுள்ள செய்திக்குறிப்பில் கூறியிருப்பதாவது:- வாகனங்களுக்கான பதிவு கட்டணம் மற்றும் வரி ஆகியவை இணையதளம் மூலம் செலுத்தும் வசதி கடந்த 2012-ம் ஆண்டு முதல் நடைமுறையில் உள்ளது. பெயர் மாற்றம் செய்தல், உரிமம் மாற்றம் செய்தல் உள்ளிட்ட பணிகளை இணையதளம் மூலம் மேற்கொள்ள ஏற்பாடு செய்யப்பட்டு உள்ளது. அதற்கான கட்டணம் கணினி வழியாக செலுத்தும் வசதி ஏற்படுத்தப்பட்டு உள்ளது. கடந்த ஆண்டு மார்ச் 1-ந் தேதி முதல் அனைத்து வட்டார போக்குவரத்து அலுவலகங்கள் மற்றும் பகுதி அலுவலகங்களில், ஓட்டுனர் உரிமம் சம்பந்தப்பட்ட அனைத்து பணிகளும் இணையதளம் மூலம் விண்ணப்பிக்கப்பட்டு ஓட்டுனர் உரிமங்கள் வழங்கப்பட்டு வருகின்றன. தற்போது, விண்ணப்பதாரர்கள் ஓட்டுனர் உரிமத்திற்கான கட்டணத்தை வட்டார போக்குவரத்து அலுவலகத்தில் நேரடியாக செலுத்தி வருகின்றனர். பழகுனர் உரிமம், நிரந்தர ஓட்டுனர் உரிமம், ஓட்டுனர் உரிமம் முகவரி மாற்றம் செய்தல், நகல் ஓட்டுனர் உரிமம் பெறுதல் போன்ற பணிகளுக்கான கட்டணம் முழுவதுமாக மனுதாரர்கள் தங்கள் இருப்பிடத்தில் இருந்து ‘ஆன்-லைன்’ மூலம் செலுத்தும் வசதி நாளை (திங்கட்கிழமை) முதல் நடைமுறைக்கு வருகிறது. இதனை போக்குவரத்து துறை அமைச்சர் தொடங்கிவைக்கிறார். மனுதாரர்கள் நேரடியாக https://parivahan.gov.in/parivahan/ இணையதளம் மூலம் விண்ணப்பித்து அதற்கான தொகையை ‘ஆன்-லைன்’ மூலம் செலுத்தி பயன்பெறலாம். அங்கீகரிக்கப்பட்ட ஓட்டுனர் பயிற்சி பள்ளிகள் மூலமாகவும் விண்ணப்பிக்கலாம். ‘ஆன்-லைன்’ மனுவை பூர்த்தி செய்த பிறகு, அதற்கான கட்டணத்தையும் ‘ஆன்-லைனில்’ செலுத்தலாம். வங்கி இணைய சேவை (நெட் பேங்கிங்), டெபிட் கார்டு அல்லது கிரெடிட் கார்டு மூலமாகவும் பண பரிவர்த்தனை செய்யலாம். விண்ணப்பத்திற்கு செலுத்த வேண்டிய தொகையை இணையதளம் மூலம் ரசீதை உருவாக்கி அதை அருகில் உள்ள பாரத ஸ்டேட் வங்கியில் செலுத்தலாம். செலுத்திய பின்பு ஒப்புகை சீட்டு அல்லது பணம் கட்டிய ரசீதுடன் வட்டார போக்குவரத்து அலுவலகம் மற்றும் மோட்டார் வாகன ஆய்வாளர் அலுவலகத்திற்கு சென்று தகுந்த தேர்வில் கலந்துகொண்டு, புகைப்படம் எடுத்து உரிமத்தை பெற்றுக்கொள்ளலாம். இதன் மூலம், கால விரயம் தவிர்க்கப்படுகிறது. மேலும் அலுவலக பணியாளர்களுக்கு பணிச்சுமை குறைந்து, இதர பணிகளில் கவனம் செலுத்தி பொதுமக்களுக்கு சிறப்பாக சேவையாற்ற முடியும். போக்குவரத்து துறையின் படிப்படியான முன்னேற்றத்தில் இது ஒரு மைல்கல் ஆகும்.

பரியேறும் பெருமாள்

தூத்துக்குடி மாவட்டம் புளியங் குளத்தைச் சேர்ந்த இளைஞர் பரியேறும் பெருமாள் (கதிர்), தன் நண்பர்களுடன் வேட்டைக்குச் செல்கிறார். அவர் கூடவே இருக்கும் ‘கருப்பி’ நாய் திடீரென காணாமல் போகிறது. அதை தேடி அலையும் போது, அவரது கண் எதிரிலேயே ரயிலில் அடிபட்டு உயிரிழக்கிறது. தன் சமூகத்தின் மீதான வன்மமும், அடக்குமுறையும்தான் கருப்பி இறக்க காரணம் என்பதை உணர்கிறார். சட்டம் படித்தால்தான் தனது சமூகத்தினரின் குரல் ஓங்கி ஒலிக்கும் என்ற எண்ணத்துடன் நெல்லை சட்டக் கல்லூரியில் சேர்கிறார். அங் கும் பல சாதி வெறுப்புகள், அவமானங் களை சந்திக்கிறார். சக மாணவியான ‘கயல்’ ஆனந்திக்கு அவர் மீது காதல் உருவாகிறது. தாங்கள் வெவ்வேறு சமூகத்தினர் என்பதால் பிரச்சினை வரும் என்று கருதி, ஆனந்தியிடம் இருந்து விலக முயற்சிக்கிறார். இதற் கிடையில், ஆனந்தியின் காதல், அவரது வீட்டுக்கு தெரியவருகிறது. அடுத்தடுத்து வெடிக்கும் பிரச்சினை கள் என்ன? கல்லூரியில் தலைவிரித் தாடும் சாதி, சமூக வன்மத்துக்குள் சிக்கும் கதிர் எப்படி அதை எதிர்கொள் கிறார் என விரிகிறது மீதிப் படம். இயக்குநர் ராம் சினிமா பட்டறை யில் பயின்ற மாரி செல்வராஜ் இயக்கி யுள்ள முதல் படம். இயக்குநர் பா.இரஞ்சித் தயாரித்துள்ளார். மனித மனங்களில் சாதி புரை யோடிப் போயிருப்பதை முகத் தில் அறைந்தாற்போல சொல்கிறது படம். ஒவ்வொரு ஃபிரேமிலும் நெல்லைச் சீமையின் கிராமத்துப் பின் னணியை தடம் மாறாமல் நேர்த்தியாக பதிவு செய்கிறார் இயக்குநர். அதில், அந்த மண்ணின் பல ஆண்டுகால வாழ்வியல் தெறிக்கிறது. கருப்பியை இழந்து வாடுவது, ‘‘பரியேறும் பெருமாள் பி.ஏ. பி.எல். மேல ஒரு கோடு’’ என சட்டக் கல்லூரி யில் வெள்ளந்தியாகப் பேசுவது, ஆனந்தியின் காதலை அன்போடு மறுப்பது, கல்லூரியில் தன் அப்பா அவமானப்படும் இடம் என ஒவ்வொரு இடத்திலும் அந்த கதாபாத்திரம் கேட்கும் நடிப்பை அளவுகோல் மீறாமல் வெளிப்படுத்துகிறார், கதிர். திரைக்கதையின் மொத்த வலுவையும் ஒற்றை ஆளாகத் தாங்கிப் பிடிக்கிறார். நாயகியின் மீது விரல் நுனிகூட படாத அவரது கண்ணியமான நட்பு, இளைஞர்களுக்கு ஒரு பாடம். அமைதியான கேரக்டரில் வரும் நாயகி ஆனந்தி, மிகையில்லாத நடிப் பால் கவர்கிறார். அவருக்கு இன்னும் முக்கியத்துவம் கொடுத்திருக்கலாம். நாயகனின் நண்பராக யோகிபாபு, குணச்சித்திர நடிகராக அடுத்த கட்டத் துக்கு நகர்ந்துள்ளார். வில்லன் நடிகர் லிங்கேஷ், ஆனந்தியின் தந்தையாக வரும் மாரிமுத்து ஆகியோர் சாதி வெறியை நுட்பமாக வெளிக்காட்டி சிறப்பாக நடித்துள்ளனர். கதிருக்கு பொய் அப்பா வாக நடிக்க வரும் சண்முகராஜின் எதார்த்தம் பதிந்த பேச்சும், அணுகு முறையும் அழகு. தவிர, சின்னச் சின்ன கதாபாத்திரங் களில் வந்து போகிறவர்களும் இயல்பான நடிப்பை வழங்கியுள்ளனர். பல கிராமங்களில் இன்னும் சாதி வன்மம் வேரூன்றி இருப்பதைக் காட்டுவதாகவே கராத்தே வெங்க டேஷ் கதாபாத்திரம் கட்டமைக் கப்பட்டுள்ளது. கச்சிதமாக திட்டமிட்டு ஆணவக் கொலைகளை செய்யும் அவரது நடிப்பு மிரட்டல். படத்தின் பெரும்பாலான நேரத்தை சட்டக் கல்லூரி காட்சிகள் எடுத்துக் கொண்டாலும் அதை சோர்வின்றி கடத்துகிறது யோகிபாபுவின் நகைச் சுவை மற்றும் அவரது சென்டிமென்ட் இடங்கள். காமெடி காட்சிகள் கதை ஓட்டத்துக்கு பக்கபலமாகவே நகர் கின்றன. கதிர் மீதான அன்பையும், கோபத் தையும் ஆனந்தி வெளிப்படுத்தும் விதம் சிறப்பு. ‘‘நான் எதுக்குப்பா காலேஜுக்கு? அம்மாவை அழைச்சிட்டு போகவேண்டியதுதானே?’’ என கூறும் தந்தையை கல்லூரி முதல்வரிடம் கதிர் அறிமுகப்படுத்தும் இடம் சிலிர்க்க வைக்கிறது. சந்தோஷ் நாராயணனின் பின் னணி இசை, பாடல்கள் படத்தின் ஓட்டத் துக்கு பலம். தரின் ஒளிப்பதிவு நெல்லை மண்ணின் நிறத்தை, சாதி வெறியாட்டத்தை அதனதன் இயல் போடு காட்சிப்படுத்தி இருக்கிறது. ஒரு சமூகம் தன்னைச் சுற்றி கட்டமைக்கப்பட்டுள்ள சுயமதிப்பை இழந்துவிடக்கூடாது என்று நினைக் கிறது. தனக்கான சூழலில் இருந்து மேம்பட்டு தன் தேவைகளை தானே நிவர்த்தி செய்துகொள்வதற்காக நின்று போராடுகிறது இன்னொரு சமூகம். இந்தப் போராட்டத்தை மிகவும் திறமையாகக் கையாண்டுள்ளார் இயக்குநர். படத்தின் கதையை வன்முறையை நோக்கி நகர்த்தாமல், ‘மனிதத்தை' நோக்கி நகர்த்தி, நம்பிக்கையூட்டும் விதமாக அமைத்தது பாராட்டுக் குரியது. இந்து டாக்கீஸ் கருத்து

Saturday, September 29, 2018

அக்டோபர் 2-வது வாரத்தில் வடகிழக்கு பருவமழை தொடங்கும் சென்னை வானிலை ஆய்வு மையம் அறிவிப்பு

தென்கிழக்கு வங்கக் கடலில் வளிமண்டல மேலடுக்கு சுழற்சி நீடிப்பதாலும், வெப்பச்சலனம் காரணமாகவும் கன்னியாகுமரி, காரைக்கால், நாகப்பட்டினம், விழுப்புரம், பாம்பன், ராமநாத புரம் உள்ளிட்ட பல இடங்களில் இன்று கனமழை பெய்யும் என்று சென்னை வானிலை ஆய்வு மையம் தெரிவித்துள்ளது. தென் மேற்கு பருவமழை முடிவ டைந்து, அக்டோபர் 2-வது வாரத் தில் வடகிழக்கு பருவமழை தொடங்குவதற்கான வாய்ப்புகள் உள்ளன என்று வானிலை ஆய்வு மைய அதிகாரி கூறினார். இதுகுறித்து சென்னை வானிலை ஆய்வு மைய அதி காரி கூறியதாவது: வெப்பச்சலனம் மற்றும் தென்கிழக்கு வங்கக் கடலில் நீடிக்கும் வளிமண்டல மேலடுக்கு சுழற்சி காரணமாகவும் தமிழ் நாடு, புதுச்சேரியில் இன்று அநேக இடங்களில் மிதமானது முதல் இடியுடன்கூடிய மழை வரை பெய்யும். கன்னியாகுமரி, காரைக்கால், நாகப்பட்டினம், விழுப்புரம், பாம்பன், ராமநாதபுரம் ஆகிய பகுதிகளில் ஓரிரு இடங்களில் கனமழை பெய்யவும் வாய்ப்புள்ளது. சென்னையைப் பொறுத் தவரை வானம் மேகமூட்டத்துடன் காணப்படும். சில பகுதிகளில் லேசான மழையோ அல்லது இடியுடன்கூடிய மழையோ பெய்யக்கூடும். அதிகபட்ச வெப்பநிலை 93.2 டிகிரி பாரன் ஹீட்டாகவும், குறைந்தபட்ச வெப்பநிலை 78.8 டிகிரி பாரன்ஹீட்டாகவும் இருக்கும். தென்கிழக்கு வங்கக் கடலில் நீடிக்கும் வளிமண்டல மேலடுக்கு சுழற்சி வலுப்பெறவில்லை. இருந்தபோதிலும், வெப்பச் சலனம் காரணமாக மழை நீடிக் கிறது. கோபியில் 80 மிமீ மழை கடந்த 24 மணி நேரத்தில் அதிகபட்சமாக கோபிசெட்டி பாளையத்தில் 80 மில்லி மீட்டர் மழை பதிவாகியுள்ளது. சத்திரபட்டி, ஒட்டன்சத்திரத்தில் தலா 60 மில்லி மீட்டர், உடு மலைப்பேட்டை, தாளவாடியில் 50 மில்லி மீட்டர், அரண்மனைப் புதூர், ஆய்க்குடி, தாராபுரம், பொள்ளாச்சி, போடிநாயக் கனூர், காங்கேயம் ஆகிய இடங்களில் தலா 40 மில்லி மீட்டர், காமாட்சிபுரம், கொடைக்கானல், திருத்துறைப்பூண்டி, தென்காசி, அரவக்குறிச்சி, பேச்சிப்பாறை, பெரியநாயக்கன்பாளையம், உத்தமபாளையம், ஊட்டி ஆகிய இடங்களில் தலா 30 மில்லி மீட்டர் மழை பெய்தது. மேலும் பெருந்துறை உட்பட 14 இடங்களில் 20 மில்லி மீட்டர், பழனி, பவானிசாகர் உட்பட 15 இடங்களில் 10 மில்லி மீட்டர் மழை பதிவாகியுள்ளது. தென்மேற்கு பருவமழை முடிவடைந்து, அக்டோபர் 2-வது வாரத்தில் வடகிழக்கு பருவமழை தொடங்குவதற்கான வாய்ப்புகள் உள்ளன. இவ்வாறு சென்னை வானிலை ஆய்வு மைய அதிகாரி கூறினார்.

Friday, September 28, 2018

அனைவருக்கும் அதிவேக இணையசேவை: புதிய தொலை தொடர்பு கொள்கைக்கு மத்திய அமைச்சரவை ஒப்புதல்

குடிமக்கள் அனைவருக்கும் அதிவேக இணையசேவை வழங்குவதை அடிப்படையாகக் கொண்ட புதிய தொலை தொடர்பு கொள்கைக்கு மத்திய அமைச்சரவை ஒப்புதல் அளித்துள்ளது. தேசிய மின்னணு தொலைத்தொடர்பு கொள்கை - 2018 என்று பெயரிடப்பட்டுள்ள இக்கொள்கையினை, முதலில் இவ்வாண்டு மே மாதம் மத்திய அரசு வரைவாக வெளியிட்டது. பின்னர் தேசிய தொலைத்தொடர்பு ஆணையம் இவ்வாண்டு ஜூலையிவ் இதற்கு ஒப்புதல் அளித்தது. அனைவருக்கும் பொதுவாக 50 எம்பிபிஎஸ் (மெகா பைட் பெர் செகண்ட்) வேகத்தில் இணைய சேவை வழங்குவதையும், ரூ. 1 லட்சம் கோடி அளவில் புதிய முதலீடுகளை வரவழைப்பதையும் இது அடிப்படையாகக் கொண்டுள்ளது. மத்திய அமைச்சரவைக்கு கூட்டத்திற்குப் பின்னர் இதுதொடர்பாக செய்தியாளர்களிடம் பேசிய, மத்திய தொலைதொடர்புத் துறை அமைச்சர் மனோஜ் சின்ஹா கூறியதாவது: இந்திய குடிமக்கள் அனைவருக்கும் அதிவேக இணையசேவை வழங்குவதும், 40 லட்சம் புதிய வேலைவாய்ப்புகளை உருவாக்குவதும் இக்கொள்கையின் செயல் திட்டங்களிலொன்றாகும். எங்கும் எளிதில் கிடைக்குமாறும் பாதுகாப்பானதும் அனைவரும் பயன்படுத்தும் விலையிலும் அமைந்த மின்னணு தொலைத்தொடர்பு சேவைகளை வழங்குவதும் இதன் நோக்கம். அதேபோல் 2020-ஆம் ஆண்டுவாக்கில் 1 ஜிபிபிஎஸ் (ஜிகா பைட் பெர் செகண்ட்) வேகத்திலும், 2020- ஆம் ஆண்டுவாக்கில் 10 ஜிபிபிஎஸ் (ஜிகா பைட் பெர் செகண்ட்) வேகத்திலும் இணைய சேவைகள் இதன் மூலம் வழங்கப்படும். அத்துடன் உலக நாடுகளிடையே தகவல் தொடர்பு மற்றும் தொலை தொடர்பு சேவை குறியீட்டு எண் வரிசையில், இந்தியாவை முதல் 50 இடங்களுக்குள் கொண்டு வ்ருவதையும் மனதில் கொண்டு இந்த் கொள்கை வடி வமைக்கப்பட்டுள்ளது. இவ்வாறு அவர் தெரிவித்தார்.

குரு பெயர்ச்சி - 14.10.2018 | அனைத்து ராசிகளுக்குமான பலன்கள் மற்றும் பரிகாரங்கள்!

குரு பெயர்ச்சி - 14.10.2018 | அனைத்து ராசிகளுக்குமான பலன்கள் மற்றும் பரிகாரங்கள்! download

Whatsapp New Update : Messageஐ Open பண்ணாமல் Photo வை பார்க்கலாம்!

வாட்ஸ்ஆப்பில் மெசேஜை ஓபன் பண்ணாமல் ஒருவர் அனுப்பிய ஃபோட்டோவை பார்க்கும் வசதி வர உள்ளதாக தெரிகிறது. ஒருவர் அனுப்பும் வாட்ஸ்ஆப் மெசேஜை நோட்டிஃபிகேஷன்களில் என்ன என்று பார்த்துவிடலாம். ஆனால், ஒருவர் புகைப்படம் அனுப்பி இருந்தால், அது என்ன என்பதை பார்க்க மெசேஜை திறக்க வேண்டும். இதனை மாற்றும் வகையில் வாட்ஸ்ஆப் புதிய அப்டேட்களை டெஸ்ட் செய்து வருகிறது. இன்லைனர் இமேஜஸ் என்று கூறப்படும் இந்த வசதி முன்பே இருக்கிறது. எனினும், தற்போது சோதனையில் உள்ள அப்டேட்டில் நோட்டிஃபிகேஷனிலேயே அந்த படத்தை பெரிதாக்கி பார்க்க முடியும். இந்த சோதனை அப்டேட் 'ஆண்ட்ராய்டு 9 பை' சாதனங்களில் மட்டுமே பயன்படுத்த முடியும். மெசேஜ் ஸ்டைலிலும் மாற்றங்கள் கொண்டு வர வாட்ஸ்ஆப் முடிவு செய்துள்ளது. மேலும், வீடியோ அல்லது ஜிஃபை பொறுத்தவரை, அவற்றின் ஐகான்கள் மட்டுமே நோட்டிஃபிகேஷனில் தெரியும்.

பள்ளிகளில் கல்வி அதிகாரிகள் அதிரடி ஆய்வு

விடுமுறை நாட்களில் சிறப்பு வகுப்புகள் நடத்தக்கூடாது என தமிழக அரசு உத்தரவிட்டுள்ளது. இது குறித்த அரசாணை கல்வித்துறை சார்பில் அனைத்து பள்ளிகளுக்கும் அனுப்பி வைக்கப்பட்டுள்ளது. ஆனால் பல பள்ளிகள் ரகசியமாக சிறப்பு வகுப்புகளை நடத்தி வருகின்றன. இதை பெற்றோரும் கண்டுகொள்வதில்லை.இந்த நிலையில் கடந்த 21ம் தேதி மொகரம் பண்டிகை விடுமுறை. 22ம் தேதி எம்ஜிஆர் நூற்றாண்டு விழாவுக்காக அரசே விடுமுறை அறிவித்திருந்தது. 23ம் தேதி ஞாயிற்றுக்கிழமை விடுமுறை. மேலும் 24ம் தேதி முதல் காலாண்டு விடுமுறை விடப்பட்டுள்ளது. ஆனால் மாவட்டம் முழுவதும் பல பள்ளிகள் அந்நாட்களில் சிறப்பு வகுப்புகளை நடத்தி உள்ளன.குறிப்பாக மொகரம் மற்றும் எம்ஜிஆர் நூற்றாண்டு விழா நாட்களில் பல பள்ளிகள் மாணவர்களை பள்ளிக்கு அழைத்து வகுப்புகளை நடத்தின.

Thursday, September 27, 2018

65 வயதான முன்னாள் தலைமை ஆசிரியரை காதலித்தது ஏன்? போலீசாரிடம் கல்லூரி மாணவி மகத் கூறிய தகவல்

65 வயதான முன்னாள் தலைமை ஆசிரியரை காதலித்தது ஏன்? என்பது குறித்து கல்லூரி மாணவி மகத் போலீசாரிடம் கூறி கதறிய தகவல் தெரியவந்துள்ளது.“காதலுக்கு கண் இல்லை” என்பார்கள். ஆனால் “காதலுக்கு வயதும் இல்லை” என்று கூறுவது போல் அமைந்துவிட்டது ஓய்வுபெற்ற தலைமை ஆசிரியர் ஜெய்கிருஷ்ணன் (வயது 65), சட்டக்கல்லூரி மாணவி மகத் (20) ஆகியோர் காதல். ஆசிரியர்-மாணவி என்ற உறவை கடந்து கிட்டத்தட்ட 45 வயது வித்தியாசத்தை கொண்டது இந்த முரண்பட்ட காதல். பஞ்சாப் மாநிலத்தை சேர்ந்த இவர்களது காதல் பயணம் சொந்த மாநிலத்தில் தொடங்கி இருந்தாலும் அவர்களை வெளி உலகுக்கு கொண்டு வந்தது ராமேசுவரம்தான்.

தலைமை ஆசிரியர் ஜெய்கிருஷ்ணனுடன் மாயமான தன் மகள் மகத்தை கண்டுபிடித்து ஒப்படைக்குமாறு அவருடைய தந்தை கோர்ட்டை நாடினார். அவர் தாக்கல் செய்த ஆட்கொணர்வு மனுவை விசாரித்த கோர்ட்டு, இன்னும் 72 மணி நேரத்தில் மாணவியை கண்டுபிடித்து கோர்ட்டில் ஆஜர்படுத்துமாறு கிடுக்கிப்பிடி உத்தரவை பிறப்பித்தது.அதன் பின்னரே உஷாரான பஞ்சாப் போலீசார் விசாரணை நடத்தி, ராமேசுவரம் போலீசார் உதவியுடன் மகத்தையும், அவருடைய 65 வயது காதல் கணவர் ஜெய்கிருஷ்ணனையும் கண்டுபிடித்து அழைத்துச் சென்றனர்.இதில் இன்னொரு தகவல் என்னவென்றால் பஞ்சாப் போலீசாருடன் மகத்தின் தந்தையும் வந்து மகளை உடன் வருமாறு அழைத்ததற்கு மகத் கூறிய சில பதில்கள் போலீசாரையே அதிர்ச்சி அடைய வைத்தது.

“வாழ்ந்தால் முன்னாள் தலைமை ஆசிரியர் ஜெய்கிருஷ்ணனுடன்தான் வாழ்வேன். என் கணவரை என்னைவிட்டு பிரித்துவிடாதீர்கள்” என கதறி அழுது கெஞ்சி இருக்கிறார். பொருந்தாத இந்த காதல் பற்றி பஞ்சாப் மற்றும் ராமேசுவரம் போலீசார் எடுத்துக்கூறியும் அதை மகத் பொருட்டாகவே கருதவில்லை.3 மகன்கள், ஒரு மகளுக்கு தந்தையான ஜெய்கிருஷ்ணனிடமும் போலீசார் பேசிப்பார்த்தனர். அவரின் மகள் வயதுடைய மகத்தை விட்டு விலகி விடுமாறு போலீசார் கேட்ட போது அவரும் பிரிய மறுத்திருக்கிறார்.

இதுதொடர்பாக நடந்த விசாரணை தொடர்பாக போலீசார் கூறிய தகவல்கள் வருமாறு:-மகத் பள்ளிக்கூடத்தில் படித்த போது, அவருக்கு தலைமை ஆசிரியர் ஜெய்கிருஷ்ணன் பாடம் நடத்தி இருக்கிறார். இருவரது வீடும் அருகருகே உள்ளது. எனவே பள்ளிக்கூடம் முடிந்து வீடு திரும்பிய பின்பும் அவ்வப்போது ஜெய்கிருஷ்ணன் வீட்டுக்கு மகத் சென்று வருவதை வாடிக்கையாக கொண்டிருந்தார். இந்த உறவு முறையை யாரும் தவறாக நினைக்காததுதான் அவர்கள் திசைமாற காரணமாக அமைந்தது விசாரணையில் தெரியவந்தது.மகத்தின் தந்தை வங்கி அதிகாரி ஆவார். ஒரே மகள் என்பதால் செல்லமாக வளர்த்தனர். ஆனால், மகத்தின் மனப்போக்கில் ஏற்பட்ட மாறுபாட்டை அவருடைய குடும்பத்தினர் கண்டறிந்து எடுத்துக்கூறி சரிசெய்யாமல் விட்டதுதான் இந்த காதலுக்கு தூபம் போட்டது போல் அமைந்துவிட்டது. பள்ளிப்படிப்பை முடித்து சட்டக்கல்லூரி மாணவியான பின்பு டியூசன் என்ற பெயரில் ஜெய்கிருஷ்ணனை சந்தித்து வந்தார்.நெருக்கம் அதிகமாகி ஓராண்டுக்கு முன்பே அவர்கள் ரகசிய திருமணமும் செய்துள்ளனர். அடிக்கடி திருட்டுத்தனமாக வெளியே சென்று வந்துள்ளனர். வெளியில் அறை எடுத்தும் தங்கினர். இதை எல்லாம் மகத் மீதுள்ள நம்பிக்கையில் அவரது பெற்றோர் தவறாக நினைக்கவில்லை.இனியும் திருட்டு வாழ்க்கை வாழ விரும்பாமல் எங்காவது சென்றுவிடலாம் என்று நினைத்து ஊரில் இருந்து புறப்பட்டு டெல்லி சென்றனர். பின்னர் ராமேசுவரம் வந்து தந்தை-மகள் என்று கூறி அறை எடுத்தும் தங்கினர்.

போலீசாரிடம் பிடிபட்ட போது, “உடல் சுகத்துக்காக நான் மகத்தை திருமணம் செய்யவில்லை. மனைவியை இழந்த என் மீது மகத் அளவு கடந்த பாசம் வைத்துள்ளாள்” என்பதுதான் காதலுக்கான காரணம் என ஜெய்கிருஷ்ணன் தெரிவித்தார்.

மகத் கூறுகையில், “எங்களை பஞ்சாப்புக்கு அனுப்பினால் இருவரது உயிருக்கும் பாதுகாப்பு இல்லை. சிறு வயதில் இருந்தே என் மீது அவர் காட்டிய அக்கறைதான் ஜெய்கிருஷ்ணன் மீது மதிப்பை ஏற்படுத்தியது. நாளடைவில் என்னை அறியாமலேயே அவர் மீது அளவற்ற பாசம் வைத்துவிட்டேன். என்னுடைய காதல் தவறு என தெரிந்தாலும் நான் அவருடன்தான் வாழ்வேன். என் வாழ்க்கை அவரோடுதான். பஞ்சாப்புக்கு நாங்கள் போக விரும்பவில்லை. நான் மேஜர் என்பதால் யாருடன் வாழ வேண்டும் என்ற முடிவை எடுக்கும் உரிமை எனக்கு உள்ளது” என்று தெரிவித்துள்ளார்.கோர்ட்டு உத்தரவு குறித்து தெரிவித்த பின்னர்தான் பஞ்சாப் திரும்ப இருவரும் சம்மதித்து, ராமேசுவரத்தில் இருந்து புறப்பட்டுள்ளனர் என்பது குறிப்பிடத்தக்கது.

ஆதார் எங்கு அவசியம்? எங்கே தேவை இல்லை?

அரசின் முக்கிய நலத்திட்டங்களுக்கு ஆதார் எண் கட்டாயம் என உச்ச நீதிமன்றம் இன்று அதிரடி தீர்ப்பு வழங்கியுள்ளது. இந்தியாவில் பல்வேறு சமூக நலத்திட்டங்களுக்கு ஆதார் அவசியம் என மத்திய அரசு கூறியிருந்தது. மத்திய அரசின் இந்த கருத்துக்கு எதிர்க்கட்சிகள் உள்ளிட்ட பலர் எதிர்ப்பு தெரிவித்தனர். ஆதாருக்கு எதிராக உச்சநீதிமன்றத்தில் பல்வேறு வழக்குகள் தொடரப்பட்டன. இந்த வழக்குகள் அனைத்தும் கடந்த சில ஆண்டுகளாக விசாரணையில் இருந்து வருகிறது. முதலில் 9 நீதிபதிகள் கொண்ட அமர்வு இந்த வழக்கை விசாரித்து வந்தது. 'அரசியல் சாசனம் வழங்கியுள்ள அடிப்படை உரிமைகளில் ஒன்று தனிமனித சுதந்திரம். இதனை ஆதார் மீறுவதாக உள்ளது' என அந்த அமர்வு ஒரு பரபரப்பான தீர்ப்பை வழங்கியது. இதையடுத்து, தனிநபரின் விபரங்களை பகிர்வது அடிப்படை உரிமையை மீறும் செயலா? என்பது குறித்து விசாரிக்க 5 நீதிபதிகள் கொண்ட அரசியல் சாசன அமர்வு அமைக்கப்பட்டது. இந்த அமர்வு வழக்கை விசாரித்து முடித்த நிலையில், தீர்ப்பு ஒத்தி வைக்கப்பட்டிருந்தது. கடந்த மே மாதம் விசாரணைக்கு வந்த இந்த வழக்கில் செப்டம்பர் 26 அன்று காலை 10.30 மணிக்கு தீர்ப்பு வழங்கப்படும் என தெரிவிக்கப்பட்டிருந்தது. அதன் பேரில் இன்று ஆதார் விவகாரத்தில் உச்ச நீதிமன்றம் இன்று தீர்ப்பு வழங்கியுள்ளது. அரசின் பல்வேறு நலத்திட்டங்களுக்கு ஆதார் எண் கட்டாயம் என தீர்ப்பு வழங்கியுள்ளது.
ஆதார் கட்டாயம் தேவை

1. நிரந்தர கணக்கு எண்ணுடன் (பான்) இணைக்க ஆதார் அவசியம்.

2. வருமான வரி கணக்கு தாக்கல் செய்வதற்கும் கட்டாயம் வேண்டும்.

3. நலத்திட்டங்கள் மற்றும் அரசின் மானியங்கள் பெறுவதற்கும் தேவை.

ஆதார் அவசியம் இல்லை

1. வங்கிக் கணக்குடன் இணைக்கத் தேவையில்லை.

2. செல்போன் நிறுவனங்களுக்கு அளித்திட வேண்டியதில்லை.

3. மத்திய கல்வி வாரியம், நீட், பல்கலைக்கழக மானிய குழு தேர்வுகளுக்கு அவசியம் கிடையாது.

4. பள்ளியில் மாணவர் சேர்க்கைக்கு தேவையில்லை.

5. சிறுவர்-சிறுமிகள் பயன்கள் பெறுவதற்கு ஆதாரை எடுத்து வரும்படி கட்டாயப் படுத்தக்கூடாது.

ஐசிஐசிஐ வங்கி கிளைகளில் ஆதார் பதிவு மையங்கள்

அரசு அறிவிப்பு படி, ஐசிஐசிஐ வங்கி தேர்ந்தெடுக்கப்பட்ட கிளைகளில் ஆதார் பதிவு மையங்கள் தொடங்கியுள்ளனர். ஆதார் பதிவு அல்லது புதுப்பிப்பதற்கான இந்த கிளைகளை நீங்கள் அணுகலாம். | DOWNLOAD

Wednesday, September 26, 2018

தாம்சன் ஸ்மார்ட் டி.வி.

டி.வி. தயாரிப்பில் முன்னணியில் உள்ள தாம்சன் நிறுவனம் பண்டிகைக் காலத்தை முன்னிட்டு பிரமாண்டமான யு.ஹெச்.டி. ஸ்மார்ட் டி.வி.க்களை அறிமுகம் செய்துள்ளது. 50 அங்குலம் மற்றும் 55 அங்குல திரை கொண்ட ‘4கே’ ஸ்மார்ட் டி.வி.க்கள் விற்பனைக்கு வந்துள்ளன. தாம்சன் டி.வி. தயாரிப்பு நிறுவனம் 15 ஆண்டுகால இடைவெளிக்குப் பிறகு இந்தியாவில் மீண்டும் தனது விற்பனையைத் தொடங்கியுள்ளது. தற்போது ஸ்மார்ட் டி.வி. விற்பனை அதிகரித்து வருவதைத் தொடர்ந்து அந்த ரக மாடலை இந்திய சந்தையில் அறிமுகம் செய்துள்ளது. டீலர்கள் மூலமாக அல்லாமல் பிளிப்கார்ட் மூலம் தனது தயாரிப்புகளை விற்பனை செய்ய தாம்சன் நிறுவனம் திட்டமிட்டுள்ளது. இந்நிறுவனம் இந்தியாவிற்கென ஒரு செயலியை உருவாக்கியுள்ளது. இந்த செயலியில் பல்வேறு வகையான டி.வி. செயல்பாடுகள் உள்ளன. இதனால் வாடிக்கையாளர்கள் பல்வேறு நிகழ்ச்சிகளைக் கண்டு மகிழலாம்.

மூன்றரை கோடி ரூபாய்க்கு சாம்சங் டி.வி.

வீட்டிலேயே தியேட்டருக்கு சென்று பார்க்கும் அனுபவத்தைப் பெறுவதற்காக ஹோம் தியேட்டர்கள் உருவான காலம் போய் இப்போது வீட்டிலேயே திரையரங்கை உருவாக்கும் தொழில்நுட்பத்துக்கு போய்க் கொண்டிருக்கிறோம். இதை முதலில் தொடங்கி வைத்துள்ளது சாம்சங் நிறுவனம். இந்நிறுவனம் ரூ. 1 கோடி முதல் ரூ.3.5 கோடி வரையிலான டி.வி.க்களை அறிமுகம் செய்துள்ளது. 110 அங்குலம், 130 அங்குலம், 220 அங்குலம் மற்றும் 260 அங்குல டி.வி.க்களை அறிமுகம் செய்துள்ளது. ஆக்டிவ் எல்இடி என்ற தொழில்நுட்பத்தை முதல் முறையாக பயன்படுத்தி டி.வி.க்களை அறிமுகம் செய்துள்ளது. பெரும் கோடீஸ்வரர்களை மையமாகக் கொண்டு இந்த டி.வி.க்கள் அறிமுகம் செய்யப்பட்டுள்ளன. சூப்பர் பிரீமியம் திரையில் திரைப்படங்களை அதே எபெக்டில் பார்க்கும் அனுபவத்தை இந்த டி.வி.க்கள் அளிக்கும். வாடிக்கையாளர்களின் எதிர்பார்ப்பு மற்றும் அவர்களது தேவை ஆகியவற்றை புரிந்து கொண்டதன் அடிப்படையில் உருவானதுதான் இந்த டி.வி. என சாம்சங் நிறுவனத்தின் துணைத் தலைவர் புனீத் சேத்தி தெரிவித்துள்ளார். எல்.இ.டி. பார் ஹோம் டி.வி.க்கள் ஹெச்டிஆர் பிக்சர் ரிபைன்மென்ட் தொழில்நுட்பத்தை அடிப்படையாகக் கொண்டு தயாரிக்கப்பட்டது. உண்மையான கற்பனைக்கும் எட்டாத துல்லியமான காட்சிப் பதிவுகளை வெளிப்படுத்தக் கூடியது. சுற்றுப்புற ஒளி அமைப்புகள் ஒருபோதும் உறுத்தலான சூழலை அளிக்காது. ஆக்டிவ் எல்.இ.டி. ஒரு லட்சம் மணி நேரம் வரை செயல்படக் கூடியது. வாடிக்கையாளர்களின் விருப்பத்துக்கு ஏற்ப அவர்களது வீடுகளில் எந்த அறையில் வைக்க விரும்புகிறார்களோ அங்கு எவ்வளவு பெரிய டி.வி.யை வைக்கலாம் என்று தீர்மானித்து அதற்கேற்ப இது வடிவமைத்து நிறுவி தரப்படும். கோடிகள் குவிந்தால் அதை செலவிட வழி இருக்காது என்பவர்களுக்காகவே இதுபோன்ற நவீன சாதனங்கள் வந்த வண்ணம் உள்ளன.

திரையரங்கின் அனுபவத்தை வீட்டிலேயே பெற உதவும் ஜே.பி.எல். சவுண்ட் பார்

குடும்பத்தினருடன் தியேட்டருக்கு சென்று திரைப்படம் பார்ப்பதற்கு அனைவருக்கும் நேரம் இருப்பதில்லை. இருக்கிற நேரத்தில் தியேட்டருக்கு சென்று பொழுதை கழிக்க பலரும் விரும்புவதில்லை. இதனால் வீட்டையே திரையரங்கமாக மாற்ற தொடங்கிவிட்டனர். பெரிய திரை டி.வி., அதிரும் சவுண்ட் சிஸ்டம் என பலரது வீட்டில் குட்டி தியேட்டரே இருக்கிறது. அப்படிப்பட்டவர்களுக்காகவே ஜே.பி.எல். நிறுவனம், ஜே.பி.எல். சினிமா எஸ்.பி. 450 சவுண்ட் பார் சிஸ்டத்தை வழங்கியிருக்கிறது. வழக்கமான சவுண்ட் ஸ்பீக்கர்களைக் காட்டிலும், சவுண்ட் பார் மிகவும் வித்தியாசமானது. இது திரையரங்கில் படம் பார்ப்பதைப் போன்ற இசை விருந்தை படைக்கிறது. இந்த சவுண்ட் பார் சிஸ்டம் புளூடூத் முறையில் இயங்குகிறது. அதனால் சிக்கலான வயரிங் தேவைப்படுவதில்லை. இது 440 வாட்ஸ் திறன் கொண்டது. இத்துடன் ஒரு சப் ஊபரும் அளிக்கப்படுகிறது. இதில் 8 பொத்தான்கள் உள்ளன. ஒரு பொத்தான் ஆன்-ஆப் வசதிக்காகவும், 2 பொத்தான்கள் சத்தத்தை கூட்டவும், குறைக்கவும் உதவுகின்றன. இதை எந்தவொரு இசை சாதனத்துடனும் இணைக்க முடியும். புளூடூத் வழி இணைப்பு தவிர, வயர் மூலமாகவும் இவற்றை இணைக்க முடியும். சவுண்ட் பாரின் பின் பகுதியில் பல்வேறு வசதிகள் உள்ளன. 3 ஹெச்.டி.எம்.ஐ. இன்புட் போர்ட் மற்றும் ஒரு ஹெச்.டி.எம்.ஐ. அவுட்புட் போர்ட் உள்ளது. அத்துடன் ஏ.ஆர்.சி. எனப்படும் ஆடியோ ரிடர்ன் சானல் வசதியும் உள்ளது. இது டி.வி.யிலிருந்து வரும் ஆடியோவை சவுண்ட்பார் மூலமாக கேட்க உதவும். இதை இயக்குவதற்கென்று தனியான ரிமோட் உள்ளது. ஹெச்.டி. தரம் மற்றும் திரைப்படங்களுக்கென உருவாக்கப்பட்ட இசையின் உண்மை தரம் கொஞ்சமும் பிசிறின்றி இந்த சவுண்ட்பாரில் கேட்க முடியும். திரையரங்கில் பார்ப்பது போன்ற அனுபவத்தை வீட்டிலேயே பெற வேண்டும் என நினைப்பவர்கள் நிச்சயம் இதை வாங்கலாம். இதன் விலை ரூ.33,990 ஆகும். ஆன்லைனில் ரூ.28,990-க்கு வாங்கலாம்.

மினி புரொஜெக்டர்

மாத்திரை வடிவிலான மிகச் சிறிய மாடல் புரொஜெக்டரை நெபுலா நிறுவனம் அறிமுகம் செய்துள்ளது. பார்ப்பதற்கு ஒரு கோகோ கோலா அல்லது பெப்சி கேன் போன்ற தோற்றத்தில் இது உள்ளது. அளவில் மிகச் சிறியதாக இருந்தாலும் இது மிகச் சிறப்பாக செயல்படக்கூடியது. இது ஆண்டிராய்டு 7.0 இயங்குதளத்தில் செயல்படும் டிஎல்பி புரொஜெக்டராகும். இதனுடன் மிகச் சிறப்பான சார்ஜிங் கருவியும் உள்ளது. இந்த புரொஜெக்டர் மூலம் 360 டிகிரி கோணத்தில் எந்த திசையில் வேண்டுமானாலும் படத்தை திருப்பி பார்க்கலாம். இதனுடன் 5 வாட்ஸ் ஸ்பீக்கர் மற்றும் ஆம்பிளிபயர் இருப்பது சிறப்பம்சமாகும். இதை புளூடூத் மூலம் செயல்படும் ஸ்பீக்கராகவும் பயன்படுத்தி பாடல்களைக் கேட்கலாம். இதை சார்ஜ் செய்தால் இரண்டரை மணி நேரம் செயல்படும். அதாவது இதன் மூலம் ஒரு முழு நீள திரைப்படத்தைப் பார்க்க முடியும். இசையைக் கேட்பதாயிருந்தால் 40 மணி நேரம் தொடர்ந்து செயல்படும். இது புளூடூத் 4.0 கனெக்ட்டிவிடி உடையது. இதில் ஆடியோ சிறப்பாக வெளிப்பட 9 ஆயிரம் துளைகள் உள்ளன. நெபுலா கேப்சூல் புரொஜெக்டரில் விரைவாக சார்ஜிங் செய்யும் வசதியும் உள்ளது. ஒரு மணி நேரத்தில் 70 சதவீதம் சார்ஜ் ஆகும். இரண்டரை மணி நேரத்தில் 100 சதவீதம் சார்ஜ் ஆகும். பொதுவாக புரொஜெக்டரில் திரைப்படத்தைப் பார்ப்பது கடினம். ஆனால் இந்த புரொஜெக்டரில் படம் பார்க்கலாம். இது ஆண்டிராய்டு இயங்குதளத்தில் செயல்படக் கூடியது. இதனால் நெட்பிளிக்ஸிலிருந்து பதிவிறக்கம் செய்யப்பட்ட திரைப்படங்களை இதன் மூலம் பார்க்க முடியும். ஸ்கிரீன் மிரரிங் மூலம் டேப்லெட், ஸ்மார்ட்போன் ஆகியவற்றில் உள்ள படங்களையும் இதன் மூலம் பார்க்கலாம். இது 8 ஜிபி நினைவகத்திறனுடன் வந்துள்ளது. இதன் விலை 199 டாலராகும்.

டியூசனுக்கு வந்த 20 வயது மாணவியை திருமணம் செய்த ஓய்வுபெற்ற தலைமை ஆசிரியர்

டியூசன் படிக்க வந்த 20 வயது மாணவியை திருமணம் செய்த ஓய்வுபெற்ற தலைமை ஆசிரியர் பஞ்சாப்பில் இருந்து ராமேசுவரத்துக்கு அழைத்துவந்தபோது போலீசில் சிக்கினார். பஞ்சாப் மாநிலம் அபோகர் பகுதியை சேர்ந்தவர் ஜெய்கிருஷ்ணன் (வயது 65). பள்ளிக்கூடத்தில் தலைமை ஆசிரியராக இருந்து ஓய்வுபெற்றவர். இவரிடம் அதேபகுதியை சேர்ந்த மகத் (20) என்ற கல்லூரி மாணவி டியூசன் படித்துவந்தார். இந்த நிலையில் இருவரும் திடீரென்று மாயமாகிவிட்டனர். இதுகுறித்து மாணவியின் தந்தை போலீசாரிடம் புகார் செய்தார். அதில், தனது மகளை ஜெய்கிருஷ்ணன் கடத்திச் சென்றுவிட்டதாக கூறியிருந்தார். இருவரையும் தீவிரமாக தேடி வந்த பஞ்சாப் போலீசார், இதுதொடர்பாக அனைத்து பகுதிக்கும் தகவல் கொடுத்தனர். இதற்கிடையில் அவர்கள் ராமேசுவரத்தில் உள்ள ஒரு தனியார் விடுதியில் இருப்பது தெரியவந்தது. ராமேசுவரம் போலீசார் அவர்கள் இருவரையும் பிடித்து போலீஸ் நிலையத்துக்கு அழைத்துவந்து விசாரணை நடத்தினர். அப்போது பரபரப்பான தகவலை இருவரும் தெரிவித்தனர். அதன் விவரம் வருமாறு:- ஜெய்கிருஷ்ணனுக்கு திருமணமாகி 3 மகன், ஒரு மகள் உள்ளனர். அவருடைய மனைவி இறந்துவிட்டார். அவர் தலைமை ஆசிரியராக வேலைபார்த்து வந்த பள்ளியில் தான் மகத் படித்துவந்தார். அப்போது மாணவி மீது பிரியமாக இருப்பதாக கூறி ஜெய்கிருஷ்ணன் சில உதவிகளை செய்துகொடுத்தார். பணியில் இருந்து ஓய்வுபெற்ற பின்பும், மாணவிக்கு கல்வி தொடர்பான ஆலோசனைகள் கூறியதுடன், டியூசனும் எடுத்துவந்தார். இதனால் ஜெய்கிருஷ்ணன் மீது மாணவிக்கு ஈர்ப்பு உருவானது. ஆனால் இதை யாரும் ஒரு பொருட்டாக கருதவில்லை. ஆசிரியர், மாணவி உறவு என்றே நினைத்துக்கொண்டனர். ஆனால் இருவரும் காதல் வயப்பட்டு வீட்டுக்கு தெரியாமல் வெளியே சுற்றத்தொடங்கினர். ஜெய்கிருஷ்ணனுக்கு ஓய்வூதியம் ரூ.25 ஆயிரம் வந்ததும் இருவரும் ஜாலியாக வெளியே சென்றுவருவதை வாடிக்கையாக வைத்திருந்தனர். அதன்படி இந்த மாதம் பணம் கிடைத்ததும் கடந்த 11-ந் தேதி இருவரும் வீட்டை விட்டு வெளியே கிளம்பினர். முதலில் டெல்லி சென்று சுற்றிப்பார்த்துவிட்டு அங்கிருந்து பல இடங்களுக்கு சென்றனர். இரு தினங்களுக்கு முன்பு ராமேசுவரம் வந்து தந்தை-மகள் என்று கூறி விடுதியில் அறை எடுத்தனர். இதற்கிடையே மகத்தின் தந்தை போலீசில் புகார் கொடுத்ததால் செல்போன் சிக்னலை வைத்து தேடியபோது ராமேசுவரத்தில் இருப்பது தெரியவந்தது. பஞ்சாப் போலீசாரின் தகவலை தொடர்ந்து ராமேசுவரம் போலீசாரிடம் அவர்கள் சிக்கினர். பஞ்சாப் போலீசார் மகத்தின் தந்தையுடன் ராமேசுவரம் வந்தனர். அப்போது, தானும், ஜெய்கிருஷ்ணனும் ஏற்கனவே திருமணம் செய்துகொண்டதாக மகத் போலீசாரிடம் தெரிவித்துள்ளார். இதைக்கேட்டு போலீசார் அதிர்ச்சி அடைந்தனர். பின்னர் இருவரையும் ராமேசுவரம் கோர்ட்டில் ஆஜர்படுத்திவிட்டு, பஞ்சாப் போலீசாரிடம் ஒப்படைத்தனர். அவர்களை போலீசார் பஞ்சாப்புக்கு அழைத்துச்சென்றனர்.

4 ஆயிரம் செவிலியர்கள் விரைவில் நியமனம் அமைச்சர் சி.விஜயபாஸ்கர் தகவல்

கும்பகோணம் அரசு மாவட்ட மருத்துவமனையில் நேற்று ஆய்வு மேற்கொண்ட சுகாதாரத் துறை அமைச்சர் சி.விஜயபாஸ்கர் செய்தியாளர்களிடம் கூறியதாவது: மதுரையில் எய்ம்ஸ் மருத்துவ மனை அமைப்பதற்கு மத்திய அரசுக்கான அனைத்து உதவிகளை யும் மாநில அரசு செய்து வரு கிறது. விரிவான திட்ட அறிக்கை தயார் செய்யப்பட்டுள்ளது. உரிய காலத்துக்குள் எய்ம்ஸ் மருத்துவமனை அமைக்கப்படும் கும்பகோணம் அரசு மருத்துவ மனையில் ரூ.20 கோடி மதிப்புள்ள சிறப்பு மகப்பேறு மையம் அறிவிக் கப்பட்டு அதற்கான பணிகள் தொடங்கப்பட்டுள்ளன. அதே போல தாய்ப்பால் வங்கி தொடங்கு வதற்கு நிதி ஒதுக்கப்பட்டுள்ளது. மேலும், தாய் திட்டத்தின் கீழ் விபத்து காய சிகிச்சை மையங்களில் ஒன்றாக கும்பகோணம் அரசு மருத்துவமனை தேர்ந்தெடுக்கப் பட்டுள்ளது. தற்போது அதற்கான ஆய்வு செய்யப்பட்டுள்ளது. கும்ப கோணம் அரசு மருத்துவமனையில் எம்ஆர்ஐ ஸ்கேன் அமைக்கப் பட்டு வருகிறது. விரைவில் கும்ப கோணம் அரசு மாவட்ட தலைமை மருத்துவமனையை, மருத்துவக் கல்லூரி மருத்துவமனைக்கு இணையான மருத்துவமனையாக உருவாக்குவதற்கான அனைத்து நடவடிக்கைகளும் எடுக்கப்பட்டு, அதற்கான பணிகள் தற்போது நடைபெற்று வருகின்றன. கும்ப கோணம் அரசு மருத்துவமனை யில் 4 மருத்துவ காலியிடங்களில் உயர் பதவிக்கான மருத்துவர்கள் விரைவில் நியமிக்கப்படுவார்கள். 1800 மருத்துவர் பணி நோயாளிகளின் எண்ணிக்கை அதிகரித்து வருவதால் சிகிச்சை அளிக்க கூடுதல் மருத்துவர் பணியிடங்களை உருவாக்க வேண்டும் என்று கோரிக்கை விடுக்கப்பட்டுள்ளது. தமிழகம் முழுவதும் விரைவில் அரசு மருத்துவமனைகளுக்கு 1,800 மருத்துவர்களும், 4 ஆயிரம் செவிலியர்களும் மருத்துவப் பணியாளர் தேர்வு வாரியத்தின் மூலம் நியமிக்கப்படுவார்கள் என்றார்.

கருணாஸின் பதவிக்கு ஆபத்து அமைச்சர் ஜெயக்குமார் தகவல்

கருணாஸின் எம்எல்ஏ பதவிக்கு ஆபத்து இருப்பதாக அமைச்சர் டி.ஜெயக்குமார் தெரிவித்தார். இது தொடர்பாக மயிலாப்பூரில் நேற்று செய்தியாளர்களிடம் டி.ஜெயக்குமார் கூறியதாவது: சட்டத்தின் முன் அனைவரும் சமம். கருணாஸைப் பொறுத்தவரை ஜாதிக் கலவரத்தை தூண்டும் வகையில் அவரது பேச்சு இருந் தது. இதை ஆரம்ப நிலையிலேயே களையெடுக்க வேண்டும். சட்ட நடவடிக்கை எடுக்க வேண்டும். தமிழகத்தில் மொழி, ஜாதி, மதப் பிரச்சினை இல்லை. சட்டப்பேரவை உறுப்பினர் பொறுப்பு மிகப்பெரியது. அரசியலமைப்பு சட்டப்படி பதவி யேற்றவர்கள் அதை மதிக்க வேண் டும். பதவியேற்கும்போது ஜாதி மதத் துக்கு அப்பாற்பட்டவனாக இருப்பேன் என்றுதான் பதவி ஏற்கின்றனர். அதை அவர் கடைபிடிக்கவில்லை. இந்த போக்கால் அவரது சட்டப்பேரவை உறுப்பினர் பதவியே கேள்விக்குறியாகி உள்ளது. அவர் ஏன் சட்டப்பேரவை உறுப்பினராக நீடிக்க வேண்டும் என்று மற்ற உறுப்பினர்கள் கேள்வி எழுப்புகின்றனர். பால்தாக்கரே ஒருமுறை இதுபோன்ற கருத்தை கூறியபோது, உச்ச நீதிமன்ற தீர்ப்பின்படி பால்தாக்கரேவின் ஓட்டுரிமை பறிக்கப்பட்டது. பால் தாக்கரே வழக்கை ஒப்பிடும்போது கருணாஸின் பதவிக்கு ஆபத்தாக முடியும். உடனடியாக அவரை கைது செய்ய வேண்டும் என்று பல்வேறு சமூகத்தினர் போராட்டத்தில் இறங்கினர். அதனால்தான் அவர் மீது நடவடிக்கை எடுக்கப்பட்டுள்ளது. தமிழகத்தில் ஜாதி, மதக் கலவரங்களை உருவாக்க வேண்டும் என்ற நினைப்பு இருப்பவர்களுக்கு ஜெயில்தான். இவ்வாறு ஜெயக்குமார் கூறினார். பொதுக்கூட்டம் இலங்கை தமிழர்கள் படுகொலை விவகாரத்தில் திமுக மற்றும் காங்கிரஸைக் கண்டித்து சென்னை கொளத்தூர் அகரம் பகுதியில் பொதுக்கூட்டம் நடந்தது. இதில், அமைச்சர் டி.ஜெயக்குமார், முன்னாள் அமைச்சர் கோகுல இந்திரா, அதிமுக மாவட்ட செயலாளர்கள் வெங்கடேஷ்பாபு, தி.நகர் சத்யா, ராஜேஷ் உள்ளிட்டோர் பங்கேற்றனர். இக்கூட்டத்தில் ஜெயக்குமார் பேசும்போது, ‘‘ஈழத் தமிழர் படுகொலையில் திமுக- காங்கிரஸ் கட்சிகளை விசாரணைக்கு உட்படுத்த வேண்டும். திமுக சர்வதேச குற்றவாளிக் கூண்டில் காங்கிரஸுடன் நிற்கும் காலம் விரைவில் வரும். இதற்கான தொடர் நடவடிக்கை களை அதிமுக மேற்கொள்ளும்’’ என்றார்.

Tuesday, September 25, 2018

இந்தியாவில் முதல் முறையாக E சிம் சேவை : ஜியோ நிறுவனத்தின் அதிரடி சேவை

ஜியோ நிறுவனம் இதுவரை மக்களுக்கு பல சேவைகளை வழங்கி வருகிறது. இதனால் அநேகர் பயனடைந்துள்ளனர். இந்தியாவிலேயே முதல் முறையாக E சிம் சேவையை ஜியோ நிறுவனம் அறிமுகப்படுத்தியுள்ளது. இந்தியாவில் பிரீபெயிட் பயனர்களுக்கு E சிம் சேவையை வழங்கும் முதல் நிறுவனம் ரிலையன்ஸ் ஜியோ என்று கூறிஉள்ளார். புதிய ஐபோனில் வழங்கப்பட்டு இருக்கும் மேம்படுத்தப்பட்டு இசிம் வசதி ஜியோ பிரீபெயிடு மற்றும் போஸ்ட் பெயிடு பயனர்களுக்கு வழங்கப்படும் என அறிவிக்கப்பட்டுள்ளது. இச்சேவையை வழங்கும் ஒற்றை நிறுவனமாக ஜியோ இருக்கிறது.

ஒரு நொடிக்கு 100 ஜிபி டவுன்லோடு செய்யும் வேகத்தில் இன்டர்நெட் வசதி

ஒரு நொடிக்கு 100 ஜிபி டவுன்லோடு செய்யும் வேகத்தில் இன்டர்நெட் வசதி2019க்குள் கிடைக்கும். கடந்த ஜூன் மாதத்தில் ஜிசாட் 19 செயற்கைக்கோள் விண்ணில் ஏவப்பட்டது. அதிவேக இணைய வசதிக்காக அடுத்தடுத்து 3 செயற்கைக்கோள்கள் விண்ணில் ஏவப்படஉள்ளது. இஸ்ரோ தலைவர் சிவன்.

IGNOU - தொலை நிலை கல்வி: 'இக்னோ' பல்கலை 'டாப்'

தொலை நிலை கல்வியில் பட்டப் படிப்புகளை நடத்த, தமிழகஅரசின், பல பல்கலைகளுக்கு அனுமதி கிடைக்காததால், மத்திய அரசின், 'இக்னோ' பல்கலையில், அதிக மாணவர்கள் சேர்ந்து வருகின்றனர். இது, தமிழக பல்கலைகளை அதிர்ச்சி அடையச் செய்துள்ளது.தமிழக அரசு கட்டுப்பாட்டில், சென்னை பல்கலை, அண்ணா பல்கலை, மதுரைகாமராஜ், அழகப்பா, திருவள்ளுவர், பெரியார், தெரசா, தமிழ்நாடு பல்கலை, மனோன்மணியம் பல்கலை உட்பட, 13 பல்கலைகள் செயல்படுகின்றன. இந்த பல்கலைகளில், வழக்கமான தினசரி வகுப்புகள் மட்டுமின்றி, தொலைநிலை கல்வியிலும், இளநிலை, முதுநிலை பட்டப் படிப்புகள் நடத்தப்பட்டன.இதை நடத்துவதற்கு, மத்திய அரசின், பல்கலை மானியக் குழுவான யு.ஜி.சி., அனுமதி வழங்க வேண்டும். இந்த ஆண்டு, தமிழ்நாடு திறந்தநிலை பல்கலை, சென்னை பல்கலை, அண்ணா பல்கலை போன்றவற்றில், சில குறிப்பிட்ட படிப்புகளை மட்டும் நடத்த, யு.ஜி.சி., அனுமதி வழங்கியுள்ளது. மற்ற பல்கலைகளுக்கு, தொலைநிலை கல்வி நடத்துவதற்கான அனுமதி கிடைக்கவில்லை. சென்னை பல்கலையில், மூன்று; அண்ணா பல்கலையில், ஒரு பாடத்துக்கு மட்டுமே அனுமதி கிடைத்துள்ளது.இதனால், இந்த ஆண்டு தொலைநிலை கல்வியில் புதிதாக சேரும் மாணவர்கள், தமிழக பல்கலைகளை விட்டு, மத்திய பல்கலையான, ந்திரா காந்தி தேசிய திறந்தநிலைபல்கலை, 'இக்னோ'வில் அதிகம் சேர்ந்துவருகின்றனர். இக்னோவில், பலஆண்டுகளாக, திறந்தநிலை மற்றும் தொழிற்கல்வி படிப்புகள், உரியஅனுமதியுடன் நடத்தப்படுவதால், மாணவர்கள் அதிகம்சேர்ந்து வருகின்றனர். இதனால், தமிழகபல்கலைகள் அதிர்ச்சி அடைந்துள்ளன.அத்துடன், தமிழக பல்கலைகளுக்கு, தொலைநிலை கல்வி வாயிலாக கிடைத்த வருவாயும் பாதித்துஉள்ளது. இதேநிலை நீடித்தால், பல்கலைகளின் நிதி நிலைமை மோசமாகும்.எனவே, தொலைநிலை படிப்புக்கு விரைந்து அனுமதி பெறும் நடவடிக்கையில், அதிகாரிகள்ஈடுபட்டுள்ளனர்.

நிலவில் சாய் பாபா முகம்

நிலவில் ஷீரடி சாய்பாபாவின் உருவம் தெரிகிறது என்று நேற்று பரவிய வதந்தி சென்னை வாசிகளை வீதிகளில் இறக்கி நிலவைப் பார்க்க வைத்துள்ளது. உண்மையில், பாபாவின் உருவம் நிலவில் தெரிந்ததா என்பதை விவரிக்கிறது இந்த செய்தி.எவ்வளவோ தனித்த இரவுகளை கடந்து வந்தாலும் நேற்றைய இரவு சர்ச்சைகளுக்கு வித்திட்டுள்ளது. நிலவில் பாபாவும் உருவம் தெரிந்ததாக வாட்ஸ் அப்பில் பரவிய தகவலே அதற்கு காரணம். அதற்கு கூடுதல் வலு சேர்க்கும் வகையில், ஒரு புகைப்படம் ஒன்றும் நேற்று வாட்ஸ் அப்பில் உலவியது. அதில், நிலவில் பாபாவின் முகம் தெளிவாக படிந்திருப்பது போல் காணப்பட்டதால், பாபாவின் முகத்தைப் நிலவில் பார்க்க பொதுமக்கள் திடீரென வீதியில் திரண்டனர். தாங்கள் பாபாவின் முகத்தை நிலவில் பார்த்ததாக சிலர் கூறி பரபரப்பை மேலும் அதிகரித்தனர். இருப்பினும், இது வதந்தி என்று கூறிய சிலர், பாபாவின் உருவம் நிலவில் தெரிவதாக நாம் மனத்தில் நினைத்துக்கொண்டு பார்ப்பதாலேயே அது போன்ற காட்சி கண்ணுக்குப் புலப்படுவதாக கூறினர். மேலும், தங்களுக்கு பிடித்த கடவுளை மனத்தில் நினைத்துக்கொண்டு பார்த்தாலும் அவர்களின் உருவம் நிலவில் இருப்பது போல் தெரியும் என்று அவர்கள் விளக்கம் அளித்தனர்.நிலவில் ஒரு மனித உருவமும், அதன் நிழலும் தெரிவது போன்ற வீடியோ காட்சி கடந்த 2014 ஆம் ஆண்டு இதே போல் வெளியாகி, பரபரப்பு கிளம்பியது. இது நாசா எடுத்த படம் என்றும் தகவல்கள் வெளியானது. இருப்பினும், அதுகுறித்து இன்னும் நாசா உறுதிப்படுத்தவில்லை. அந்த உருவம் என்ன, யார் அது என்பது குறித்தும் இன்னும் நாசா தெளிவுபடுத்தவில்லை.இதே போல், கடந்த காலங்களில், நிலவில் ஏலியனின் மண்டையோடுபோன்ற காட்சி தெரிவதாக சர்ச்சைக் கிளம்பியது. இதனால், வேற்று கிரகவாசியான ஏலியன் நிலவில் இருந்ததாகவும், பின்னர் அவை அழிந்ததால், அவற்றின் எலும்புகள் நிலவில் கிடப்பதாகவும் கூறப்பட்டது. இருப்பினும், ஏலியன் நிலவில் வாழ்ந்ததை விஞ்ஞான ரீதியில் உறுதிப்படுத்தும் அதிகாரப்பூர்வ தகவல் இதுவரை வெளியாகவில்லை.1976 ஆம் ஆண்டு, வெளியான ஒரு புகைப்படம் இதே போல் சர்ச்சைக்கு வித்திட்டது. ஏலியன் புகைப்படம் ஒன்று நிலவில் படிந்ததாக வெளியேன புகைப்படமே அது. இது குறித்து ஆய்வு மேற்கொண்ட நாசா. அது பொய்யான புகைப்படம் என்று கூறி சர்ச்சைக்கு முற்றுப்புள்ளி வைத்தது. 2005 ஆம் ஆண்டு அமெரிக்காவை மட்டும் அல்ல உலகையே அதிர்ச்சியில் உறைய வைத்தது அந்த புகைப்படம். நிலவில் உள்ள பாறை ஒன்றில், அப்போதையை அமெரிக்க அதிபர் பராக் ஒபாமாவின் முகம் தெரிவதாக சித்தரித்து இணையதளத்தில் கசிந்தது ஒரு புகைப்படம். அந்த செய்தியைக் கேட்டு, பராக்ஒபாமாவே அதிர்ச்சியில் ஆடிப்போனார். ஒபாமாவின் சிலை ஒன்றிலிருந்து அந்த புகைப்படம் எடுக்கப்பட்டு எடிட் செய்யப்பட்டது உறுதி செய்யப்பட்டு அந்த சர்ச்சைக்கு முற்றுப்புள்ளி வைக்கப்பட்டது.நிலவில் பாட்டி வடை சுடுகிறாள் என்று குழந்தைகளுக்கு கதை சொல்லியதில் இருந்து நீல் ஆம்ஸ்டாங் நிலவில் கால் பதித்தது வரை நிலவில் மனிதன் என்ற சர்ச்சை பல்வேறு காலங்களில் தொடர்ந்து கொண்டே இருக்கின்றது. உண்மையோ பிரம்மையோ சமூக ஊடகங்களில் பரவும் காட்சிகளால் வதந்திகள் தொடர்ந்துகொண்டுதான் இருக்கிறது.

இணைய ஆபத்தை எதிர்கொள்ள குழந்தைகளுக்கு உதவும் புதிய, 'ஆப்'

'புளுவேல், மோமோ சேலஞ்ச்' உள்ளிட்ட இணைய விளையாட்டுகளால் எழும் ஆபத்துகளில் இருந்து, குழந்தைகளை பாதுகாக்கும் நோக்கில், புதிய விளையாட்டு, 'ஆப்'பை, மத்திய அரசு வெளியிட்டுள்ளது. 'புளுவேல், மோமோ சேலஞ்ச்' உள்ளிட்ட பல இணைய விளையாட்டுகளால், கடந்த சில ஆண்டுகளில், பலர் உயிரிழந்தது, நாடு முழுவதும் அதிர்ச்சி அலைகளை ஏற்படுத்தியது. இந்த ஆபத்துகளில் இருந்து, குழந்தைகளை பாதுகாக்க, 'சைபர் டிரைவியா' என்ற, விளையாட்டு, 'ஆப்' எனப்படும் செயலியை, மத்திய அரசு உருவாக்கி உள்ளது.இதுகுறித்து, என்.சி.பி.சி.ஆர்., எனப்படும், தேசிய குழந்தைகள் உரிமை பாதுகாப்பு கமிஷன் அதிகாரி ஒருவர் கூறியதாவது:சைபர் டிரைவியா எனப்படும், 'ஆப்'பில், பல விடைகளுடன் கூடிய கேள்வி தொகுப்புகள் இருக்கும். சரியான விடை கூறும் குழந்தைகளுக்கு, பரிசு புள்ளிகள் வழங்கப்படும். இணையத்தில் அறிமுகம் இல்லாத ஒருவர் தொடர்பு கொள்ளும்போது, அவர்களை எவ் வாறு எதிர்கொள்வது என்பதுகுறித்த கேள்விகள், சைபர் டிரைவியா, 'ஆப்'பில் இடம்பெற்றிருக்கும்.அறிமுகம் இல்லாத நபர், குழந்தைகளிடம், புகைப்படம் கேட்டாலோ, விரும்பத்தகாத செயல்களை செய்யும்படி கூறினாலோ, அவர்களை எதிர்கொள்வது குறித்த தகவல்கள், சைபர் டிரைவியா மூலம், குழந்தைகளுக்கு போதிக்கப்படும்.இவ்வாறு அவர்கூறினார்.

Monday, September 24, 2018

இந்தியன் ஆயில் நிறுவனத்தில் பயிற்சிப் பணியிடங்களுக்கு 390 பேர் தேர்வு

இந்தியன் ஆயில் நிறுவனத்தில் பயிற்சிப் பணியிடங்களுக்கு 390 பேர் தேர்வு செய்யப்படுகிறார்கள். இது பற்றிய விவரம் வருமாறு:- இந்தியன் ஆயில் கழக நிறுவனம் சுருக்கமாக ஐ.ஓ.சி.எல். (IOCL) எனப்படுகிறது. தற்போது இந்த நிறுவனத்தின் பைப்லைன் பிரிவில் அப்ரண்டிஸ் பயிற்சிப் பணியிடங்களுக்கு விண்ணப்பம் கோரப்பட்டு உள்ளது. டெக்னீசியன் பிரிவிலும், டிரேடு பிரிவிலும் பயிற்சிப் பணிகள் உள்ளன. மொத்தம் 390 பேர் தேர்வு செய்யப்படுகிறார்கள். மெக்கானிக்கல், எலக்ட்ரிக்கல், டெலிகம்யூனிகேசன் அண்ட் இன்ஸ்ட்ருமென்டேசன் போன்ற பிரிவில் ஐ.டி.ஐ., டிப்ளமோ என்ஜினீயரிங் படித்தவர்கள் டெக்னீசியன் பயிற்சிப் பணிகளுக்கும். பட்டப்படிப்பு படித்தவர்கள் எச்.ஆர். மற்றும் அக்கவுண்டன்ட் பிரிவு டிரேடு அப்ரண்டிஸ் பயிற்சி பணிகளுக்கும் விண்ணப்பிக்கலாம். இவர்கள் 19-9-2018-ந் தேதியில் 24 வயதுக்கு உட்பட்டவர்களாக இருக்க வேண்டும். விருப்பமுள்ளவர்கள் இணையதளம் வழியாக விண்ணப்பம் சமர்ப்பிக்கலாம். 12-10-2018-ந் தேதி விண்ணப்பிக்க கடைசி நாளாகும். எழுத்துத் தேர்வு மற்றும் நேர்காணல் அடிப்படையில் தகுதியானவர்கள் தேர்வு செய்யப்படுகிறார்கள். வருகிற நவம்பர்-டிசம்பர் மாதங்களில் இந்த தேர்வுகள் நடத்த உத்தேசிக்கப்பட்டுள்ளது. இது பற்றிய விவரங்களை https://www.iocl.com/ என்ற இணையதளத்தில் பார்க்கலாம்.

புதிய செய்தி - puthiya seithi latest news and qr code

கனரா வங்கியின் துணை நிதி நிறுவனத்தில் வேலை

வங்கியின் துணை நிறுவனத்தில் வேலை கனரா வங்கியின் துணை நிதி நிறுவனம் கேன் பின் ஹோம்ஸ் லிமிடெட். வீட்டுவசதி கடன் நிதி நிறுவனமான இ்தில் தற்போது இளநிலை அதிகாரி பணியிடங்களுக்கு விண்ணப்பம் கோரப்பட்டு உள்ளது. மொத்தம் 50 பேர் தேர்வு செய்யப்படுகிறார்கள். இந்த பணிகளுக்கு விண்ணப்பிக்க விரும்புபவர்கள் 1-9-2018-ந் தேதியில் 21 வயது முதல் 30 வயதுக்கு உட்பட்டவர்களாக இருக்க வேண்டும். ஏதேனும் ஒரு பிரிவில் பட்டப்படிப்பு படித்தவர்கள் விண்ணப்பிக்கத் தகுதியானவர்கள். விருப்பமுள்ளவர்கள் ரூ.100 கட்டணம் செலுத்தி இணையதள விண்ணப்பம் சமர்ப்பிக்கலாம். இணையதள விண்ணப்பம் சமர்ப்பிக்க கடைசிநாள் 29-9-2018-ந் தேதியாகும். இது பற்றிய விரிவான விவரங்களை http://www.canfinhomes.com/ என்ற இணையதள பக்கத்தில் பார்க்கலாம்.

புதிய செய்தி - puthiya seithi latest news and qr code

குழந்தைகள் மேம்பாட்டு மையத்தில் இளநிலை இயக்குனர் பணி

மக்கள் கூட்டுறவு மற்றும் குழந்தைகள் மேம்பாட்டு தேசிய மையம் (NIPCCD) இளநிலை இயக்குனர், மண்டல இயக்குனர், டெபுடி டைரக்டர், உதவி இயக்குனர் உள்ளிட்ட பணியிடங்களுக்கு 36 பேரை தேர்வு செய்ய அறிவிப்பு வெளியிட்டு உள்ளது. 30 முதல் 50 வயதுக்கு உட்பட்டவர்களுக்கு பணி உள்ளது. பணி சார்ந்த முதுநிலை படிப்பும், முதுநிலை டிப்ளமோ படிப்பு, ஆராய்ச்சி படிப்பு படித்தவர்களுக்கு பணிகள் உள்ளன. அந்தந்த பணிக்கான சரியான கல்வித்தகுதி, வயது வரம்பு விவரங்களை இணையதளத்தில் பார்க்கலாம். விருப்பமுள்ளவர்கள் குறிப்பிட்ட மாதிரியான விண்ணப்பத்தை, ரூ.250 கட்டண டி.டி. உடன் இணைத்து அனுப்ப வேண்டும். விண்ணப்பம் அறிவிப்பில் இருந்து 30 நாட்களுக்குள் சென்றடைய வேண்டும். இதற்கான அறிவிப்பு 8-9-2018 அன்று வெளியாகி உள்ளது குறிப்பிடத்தக்கது. இது பற்றிய விவரங்களை http://nipccd.nic.in என்ற இணையதளத்தில் பார்க்கலாம்.

புதிய செய்தி - puthiya seithi latest news and qr code

எய்ம்ஸ் மருத்துவ மையத்தில் 345 வேலைவாய்ப்புகள்

எய்ம்ஸ் மருத்துவ மையத்தில் 345 வேலைவாய்ப்புகள் எய்ம்ஸ் மருத்துவ மைய கிளைகளில் 345 பணியிடங்கள் அறிவிக்கப் பட்டு உள்ளன. இது பற்றிய விரிவான விவரம் வருமாறு:- அகில இந்திய மருத்துவ அறிவியல் ஆராய்ச்சி மையம் சுருக்கமாக எய்ம்ஸ் (AIIMS) என்று அழைக்கப்படுகிறது. நாடு முழுவதும் பல்வேறு இடங்களில் இந்த மருத்துவமனை-ஆய்வு மையங்கள் உள்ளன. தற்போது புது டெல்லி மற்றும் பல்வேறு இடங்களில் உள்ள எய்ம்ஸ் கிளைகளில் கற்பித்தல் மற்றும் கற்பித்தல் சாராத பணியிடங்களை நிரப்ப விண்ணப்பம் கோரப்பட்டு உள்ளது. அதிகபட்சமாக ராய்ப்பூரில் உள்ள எய்ம்ஸ் கிளையில் பேராசிரியர் உதவி பேராசிரியர் உள்ளிட்ட பணிகளுக்கு 183 பேரும், புதுடெல்லி கிளையில் உதவி பேராசிரியர் மற்றும் விரிவுரையாளர் பணிக்கு 162 பேரும் தேர்வு செய்யப்படுகிறார்கள். இந்த பணிகளுக்கு வி்ண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை பார்ப்போம்... புதுடெல்லி புதுடெல்லி கிளையில் உதவி பேராசிரியர் மற்றும் விரிவுரையாளர் பணிக்கு 162 பேர் தேர்வு செய்யப்படுகிறார்கள். அனஸ்தியாலஜி, கார்டியாலஜி, ஜி.ஐ. சர்ஜரி, லிவர் டிரான்ஸ்பிளாண்டேசன், லேபரேட்டரி மெடிசின், பீடியாட்ரிக் சர்ஜரி, பிளாஸ்டிக் சர்ஜரி, டெர்மடாலஜி, எண்டோகிரினாலஜி, யூராலஜி, நியூராலஜி, பேத்தாலஜி, ரேடியாலஜி, ஓரல் மெடிசின் உள்ளிட்ட 21 பிரிவுகளில் பணியிடங்கள் உள்ளன. இது சார்ந்த முதுநிலை மருத்துவ படிப்புகளுக்கு பணியிடங்கள் உள்ளன. விண்ணப்பதாரர்கள் 31-8-2018-ந் தேதியில் 50 வயதுக்கு உட்பட்டிருக்க வேண்டும். அரசு விதிகளின்படி ஓ.பி.சி. பிரிவினருக்கு 3 ஆண்டுகளும், எஸ்.சி., எஸ்.டி. பிரிவினருக்கு 5 ஆண்டுகளும் வயது வரம்பில் தளர்வு அனுமதிக்கப்படும். விருப்பமுள்ளவர்கள் ரூ.500 கட்டணம் செலுத்தி விண்ணப்பம் சமர்ப்பிக்க வேண்டும். எஸ்சி., எஸ்.டி. பிரிவினர் ரூ.100 செலுத்தினால் போதுமானது. 5-10-2018-ந் தேதிக்குள் விண்ணப்பம் சமர்ப்பிக்க வேண்டும். இது பற்றிய விவரங்களை www.aiimsexams.org என்ற இணையதளத்தில் பார்க்கலாம். நகல் விண்ணப்பம் 20-10-2018-ந் தேதிக்குள் சென்றடையும் வகையில் அனுப்ப வேண்டும். ராய்ப்பூரில் 183 பணிகள் ராய்ப்பூர் எய்ம்ஸ் கிளையில் பேராசிரியர், கூடுதல் பேராசிரியர், இணை பேராசிரியர், உதவி பேராசிரியர் போன்ற பணிகளுக்கு 183 பேர் தேர்வு செய்யப்படுகிறார்கள். எம்.டி., எம்.எஸ். முதுநிலை மருத்துவ படிப்புடன் 14 ஆண்டு கற்பித்தல் பணி அனுபவம் உள்ளவர்கள் பேராசிரியர் பணிக்கும், 8 ஆண்டுகள் பணி அனுபவம் உள்ளவர்கள் கூடுதல் பேராசிரியர் பணிக்கும், 6 ஆண்டு பணி அனுபவம் உள்ளவர்கள் இணை பேராசிரியர் பணிக்கும், 3 ஆண்டு பணி அனுபவம் உள்ளவர்கள் உதவி பேராசிரியர் பணிக்கும் விண்ணப்பிக்கலாம். 41 விதமான மருத்துவ பிரிவுகளில் பணியிடங்கள் உள்ளன. விருப்பமுள்ளவர்கள் www.aiimsraipur.edu.in இது பற்றிய விவரங்களை பார்த்துவிட்டு 3-11-2018-ந் தேதிக்குள் இணையதள விண்ணப்பம் சமர்ப்பிக்கலாம். அடுத்த 2 வாரங்களுக்குள் நகல் விண்ணப்பம் சென்றடையும் வகையில் அனுப்ப வேண்டும்.

புதிய செய்தி - puthiya seithi latest news and qr code

என்.ஐ.டி. கல்வி மையத்தின் இணை பேராசிரியர் பணி

தேசிய தொழில்நுட்ப கல்வி மையமான என்.ஐ.டி. கல்வி மையத்தின் இமாசலபிரதேச மாநிலம் ஹாமிர்பூர் கிளையில், உதவி பேராசிரியர், இணை பேராசிரியர் பணிகளுக்கு 96 பேர் தேர்வு செய்யப்படுகிறார்கள். தொழில்நுட்ப கல்வியில் முதுநிலை பட்டம் மற்றும் ஆராய்ச்சி பட்டம் பெற்றவர்களுக்கு பணிகள் உள்ளன. இது பற்றிய விவரங்களை www.nith.ac.in என்ற இணைய தளத்தில் பார்த்துவிட்டு விண்ணப்பிக்கலாம். விண்ணப்பிக்க கடைசி நாள் 30-9-2018-ந் தேதியாகும்.

புதிய செய்தி - puthiya seithi latest news and qr code

சிறப்பு மருத்துவர் பணி

மற்றொரு அறிவிப்பின் படி இதே படைப்பிரிவில் சிறப்பு டாக்டர், மருத்துவ அதிகாரி பணிகளுக்கு 42 பேர் தேர்வு செய்யப்படுகிறார்கள். முதுநிலை மருத்துவ படிப்புகள், ஆராய்ச்சி பட்டம் பெற்றவர்கள் இந்த பணிகளுக்கு விண்ணப்பிக்கலாம். நேர்காணல் அடிப்படையில் பணியிடங்கள் நிரப்பப்படுகிறது. 29-10-2018-ந் தேதி நேர்காணல் நடக்கிறது. விருப்பமுள்ளவர்கள் விரிவான விவரங்களை இணையதளத்தில் பார்த்து அறிந்து கொண்டு, தேவையான சான்றுகளுடன் நேர்காணலில் பங்கேற்கலாம். இது பற்றிய விவரங்களை www.itbp.gov.in என்ற இணையதளத்தில் பார்க்கலாம்.

புதிய செய்தி - puthiya seithi latest news and qr code

இந்திய திபெத்திய எல்லைக் காவல் படையில் பணி

மற்றொரு துணை ராணுவ படையான இந்திய திபெத்திய எல்லைக் காவல் படையில் (ஐ.டி.பீ.பி.) ெஹட்கான்ஸ்டபிள் பணியிடங்களுக்கு விண்ணப்பம் கோரப்பட்டு உள்ளது. மொத்தம் 73 பேர் தேர்வு செய்யப்படுகிறார்கள். இவை கற்பித்தல் மற்றும் மன அழுத்த கவுன்சிலிங் பிரிவு பணிகளாகும். இந்த பணிகளுக்கு விண்ணப்பிக்க விரும்புபவர்கள் பட்டதாரி ஆசிரியராகவும், உளவியல் பட்டப்படிப்பு படித்தவர்களாகவும் இருக்க வேண்டும். விருப்பமுள்ளவர்கள் ரூ.100 கட்டணம் செலுத்தி இணையதள விண்ணப்பம் சமர்ப்பிக்கலாம். இன்று (24-ந்தேதி) முதல் 23-10-2018-ந் தேதி வரை விண்ணப்பம் சமர்ப்பிக்கலாம். இது பற்றிய விரிவான விவரங்களை www.recruitment.itbpolice.nic.in என்ற இணையதள பக்கத்தில் பார்க்கலாம்.

புதிய செய்தி - puthiya seithi latest news and qr code

மத்திய நீர்மின் நிறுவன வேலை

மத்திய அரசு உத்தரபிரதேச நிறுவனத்துடன் இணைந்து செயல்படுத்தும் ஒரு மத்திய நீர்மின் நிறுவனம் டெக்ரி ஹைட்ரோபவர் காம்பளக்ஸ் நிறுவனமாகும். தற்போது இந்த மின் நிறுவனத்தில் அப்ரண்டிஸ் பயிற்சிப்பணிக்கு 100 பேரை தேர்வு செய்ய அறிவிப்பு வெளியாகி உள்ளது. எலக்ட்ரீசியன், பிட்டர், எலக்ட்ரானிக்ஸ், வயர்மேன், வெல்டர், கம்ப்யூட்டர் ஆபரேட்டர், மெக்கானிக்கல் உள்ளிட்ட பல்வேறு பிரிவுகளில் பணிகள் உள்ளன. 10-ம் வகுப்பு மற்றும் 12-ம் வகுப்பு தேர்ச்சிக்குப் பின்பு குறிப்பிட்ட பிரிவில் ஐ.டி.ஐ. படித்தவர்கள் விண்ணப்பிக்கலாம். விண்ணப்பதாரர்கள் 30 வயதுக்கு உட்பட்டவராக இருக்க வேண்டும். விருப்பமுள்ளவர்கள் www.apprenticeshipindia.org என்ற இணையதளத்தில் தங்கள் பெயரை பதிவு செய்துவிட்டு பின்னர் www.thdc.co.in என்ற இணையதளத்திற்கு சென்று விண்ணப்ப படிவத்தை பதிவிறக்கம் செய்து நிரப்பி அனுப்ப வேண்டும். விண்ணப்பம், டெக்ரி நீர்மின் நிறுவன முகவரிக்கு 9-10-2018-ந் தேதிக்குள் சென்றடைய வேண்டும். இது பற்றிய விரிவான விவரங்களையும் மேற்குறிப்பிட்டுள்ள இணையதள பக்கத்தில் பார்க்கலாம்.

புதிய செய்தி - puthiya seithi latest news and qr code

ஐ.ஐ.டி. தொழில்நுட்ப கல்வி மையத்தில் திட்ட ஆராய்ச்சியாளர், திட்ட உதவியாளர் பணி

ஐ.ஐ.டி. டெல்லியில் உள்ள ஐ.ஐ.டி. தொழில்நுட்ப கல்வி மையத்தில் திட்ட ஆராய்ச்சியாளர், திட்ட உதவியாளர் உள்ளிட்ட பணிகளுக்கு 11 பேர் தேர்வு செய்யப்படுகிறார்கள். பி.இ., பி.டெக், எம்.டெக், பிஎச்.டி. படித்தவர்களுக்கு பணிகள் உள்ளன. 1-10-2018-ந் தேதிக்குள் விண்ணப்பம் சமர்ப்பிக்க வேண்டும். இது பற்றிய விரிவான விவரங்களை http://ird.iitd.ac.in/ என்ற இணையதளத்தில் பார்க்கலாம்.

புதிய செய்தி - puthiya seithi latest news and qr code

சென்னை பெட்ரோலியம் நிறுவனத்தில் வேலை

சென்னை பெட்ரோலியம் இந்தியன் ஆயில் நிறுவனத்தின் கீழ் செயல்படும் சென்னை பெட்ரோலியம் கழக நிறுவனம் (சி.பி.சி.எல்.) நிறுவனம் கடந்த ஆண்டில் 44 ஆயிரத்து 125 கோடி ரூபாய் விற்று முதல் ஈட்டி, 913 கோடி லாபம் சம்பாதித்து உள்ளது. தற்போது இந்த நிறுவனத்தில் என்ஜினீயர், எச்.ஆர்.ஐ.டி., சேப்டி ஆபீசர் போன்ற பணியிடங்களுக்கு விண்ணப்பம் கோரப்பட்டு உள்ளது. மொத்தம் 42 பேர் தேர்வு செய்யப்படுகிறார்கள். கெமிக்கல், மெக்கானிக்கல், எலக்ட்ரிக்கல், சிவில், மெட்டலர்ஜி, ஐ.டி. என்ஜினீயரிங் படித்தவர்கள் மற்றும் எச்.ஆர், இதர பட்டப்படிப்பு படித்தவர்களுக்கு வாய்ப்பு உள்ளது. விருப்பமுள்ளவர்கள் இது பற்றிய விரிவான விவரங்களை www.cpcl.co.in என்ற இணையதளத்தில் பார்த்துவிட்டு விண்ணப்பிக்கலாம். 8-10-2018-ந் தேதி விண்ணப்பிக்க கடைசி நாளாகும்.

புதிய செய்தி - puthiya seithi latest news and qr code

இ.எஸ்.ஐ. மருத்துவமனைகளில் 890 பணியிடங்கள்

இ.எஸ்.ஐ. மருத்துவமனைகளில் 890 பணியிடங்கள் இ.எஸ்.ஐ. மருத்துவமனை - கல்லூரிகளில் 890 பணியிடங்கள் நிரப்பப்படுகிறது. இது பற்றிய விவரம் வருமாறு:- தொழிலாளர்கள் மாநில காப்பீட்டு கழக நிறுவனம் சுருக்கமாக இ.எஸ்.ஐ.சி. எனப்படுகிறது. மத்திய தொழிலாளர் நலத்துறை அமைச்சகத்தின் கீழ் செயல்படும் இந்த நிறுவனத்தின் மருத்துவமனைகள் நாடு முழுவதும் பல்வேறு மாநிலங்களில் செயல்படுகிறது. தற்போது இந்த மருத்துவமனைகளில் ஏராளமான பணியிடங்கள் நிரப்பப்படுகிறது. புதுடெல்லியில் 539 பணிகள் புதுடெல்லியில் உள்ள இ.எஸ்.ஐ. மருத்துவமனையில் பாதுகாப்பு அதிகாரி, மேலாளர் பணியிடங்களுக்கு 539 பேர் தேர்வு செய்யப்படுகிறார்கள். இதில் இட ஒதுக்கீடு அடிப்படையில் பொதுப் பிரிவுக்கு 294 இடங்களும், ஓ.பி.சி. பிரிவினருக்கு 141 இடங்களும், எஸ்.சி. பிரிவினருக்கு 82 இடங்களும், எஸ்.டி. பிரிவினருக்கு 22 இடங்களும் உள்ளன. இந்த பணிகளுக்கு ஏதேனும் ஒரு பிரிவில் பட்டப்படிப்பு படித்தவர்கள் வி்ண்ணப்பிக்கலாம். வணிகவியல், சட்டம் மற்றும் மேனேஜ்மென்ட் சார்ந்த பிரிவில் பட்டப்படிப்பு படித்திருந்தால் சிறப்புத்தகுதியாக கருதப்படும். விண்ணப்பதாரர்கள் 5-10-2018-ந் தேதியில் 21 முதல் 27 வயதுக்கு உட்பட்டவர்களாக இருக்க வேண்டும். ஓ.பி.சி. பிரிவினருக்கு 3 ஆண்டுகளும், எஸ்.சி., எஸ்.டி. பிரிவினருக்கு 5 ஆண்டுகளும், மாற்றுத் திறனாளிகளுக்கு 10 ஆண்டுகளும் வயது வரம்பில் தளர்வு அனுமதிக்கப்படும். விருப்பமுள்ளவர்கள் இணையதளம் வழியாக விண்ணப்பம் சமர்ப்பிக்கலாம். 5-10-2018-ந் தேதி விண்ணப்பிக்க கடைசி நாளாகும். ஸ்டாப் நர்ஸ் பணி இதேபோல கர்நாடக மாநிலம் கலபர்கியில் செயல்படும் இ.எஸ்.ஐ. மருத்துவ கல்லூரி மருத்துவமனையில் ஸ்டாப் நர்ஸ் மற்றும் துணை மருத்துவ பணிகள், மருத்துவம் சாராத அலுவலக பணியிடங்களை நிரப்ப விண்ணப்பம் கோரப்பட்டு உள்ளது. ஸ்டாப் நர்ஸ் பணிகளுக்கு 100 பேர் உள்பட மொத்தம் 269 பணியிடங்கள் நிரப்பப்படுகிறது. டயட்டீசியன், பார்மசிஸ்ட், மெடிக்கல் சோசியல் ஒர்க்கர், ஸ்பீச் தெரபிஸ்ட், பிளட் பேங்க் டெக்னீசியன், லேப் அசிஸ்டன்ட், லேப் டெக்னீசியன், டாகுமென்டிஸ்ட், போட்டோகிராபர், நூலகர் உள்ளிட்ட பணியிடங்கள் உள்ளன. அந்தந்த பணிக்கான காலியிட விவரத்தை முழுமையான விளம்பர அறிவிப்பில் பார்க்கலாம். இந்த பணியிடங்கள் நேர்காணல் அடிப்படையில் நிரப்பப்படுகிறது. 3-10-2018-ந் தேதி முதல் 11-10-2018-ந் தேதி வரை நேர்காணல் நடக்கிறது. விருப்பமுள்ளவர்கள் முழுமையான விவரங்களை இணையதளத்தில் பார்த்து அறிந்து கொண்டு தேவையான சான்றுகளுடன் நேர்காணலில் பங்கேற்கலாம். பேராசிரியர் பணிகள் இதேபோல ஐதராபாத்தில் உள்ள இ.எஸ்.ஐ. கல்லூரியில் பேராசிரியர், உதவி பேராசிரியர் உள்ளிட்ட பணிகளுக்கு 82 பேர் தேர்வு செய்யப்படுகிறார்கள். 37-64 வயதுக்கு உட்பட்டவர்கள் விண்ணப்பிக்கலாம். இந்திய மருத்துவ கவுன்சில் பரிந்துரைப்படி பேராசிரியர், உதவி பேராசிரியர் பணிக்கான கல்வித்தகுதியை பெற்றவர்கள் விண்ணப்பிக்கலாம். போதிய பணி அனுபவம் அவசியம். விருப்பமுள்ளவர்கள் விரிவான விவரங்களை இணையதளத்தில் பார்த்துவிட்டு 25-9-2018-ந் தேதிக்குள் விண்ணப்பம் சமர்ப்பிக்கலாம். 28-9-18 முதல் 25-10-18 வரை நேர்காணல் நடக்கிறது. இவை பற்றிய விவரங்களை www.esic.nic.in என்ற இணையதளத்தில் பார்க்கலாம். இன்னும் பல்வேறு இ.எஸ்.ஐ. கல்லூரி மருத்துவமனைகளில் குறைந்த எண்ணிக்கையிலான பணியிடங்கள் உள்ளன. அவை பற்றிய விவரங்களையும் இந்த இணையதளத்தில் பார்க்கலாம்.

புதிய செய்தி - puthiya seithi latest news and qr code

துணை ராணுவ படைகளில் வேலைவாய்ப்பு

துணை ராணுவ படைகளில் வேலைவாய்ப்பு துணை ராணுவ படைகளில் சப்-இன்ஸ்பெக்டர் மற்றும் கான்ஸ்டபிள் பணிகள் அறிவிக்கப்பட்டு உள்ளன. இது பற்றிய விவரம் வருமாறு:- துணை ராணுவ படைப்பிரிவுகளில் ஒன்று பார்டர் செக்யூரிட்டி போர்ஸ் (பி.எஸ்.எப்.), எல்லை காவல் படையான இந்த துணை ராணுவ பிரிவில் தற்போது சப்-இன்ஸ்பெக்டர் (குரூப்-பி) பணிகளுக்கு விண்ணப்பம் கோரப்பட்டு உள்ளது. மொத்தம் 103 பேர் தேர்வு செய்யப்படுகிறார்கள். இந்த பணிகளுக்கு சிவில் என்ஜினீயரிங் டிப்ளமோ படிப்பு படித்தவர்கள் விண்ணப்பிக்கலாம். விண்ணப்பதாரர்கள் 30 வயதுக்கு உட்பட்டவர்களாக இருக்க வேண்டும். குறிப்பிட்ட பிரிவினருக்கு அரசு விதிகளின்படி வயது வரம்பு தளர்வு அனுமதிக்கப்படும். விருப்பமுள்ளவர்கள் ரூ.200 கட்டணம் செலுத்தி விண்ணப்பிக்க வேண்டும். பெண் விண்ணப்பதாரர்கள், எஸ்.சி., எஸ்.டி. பிரிவினர் இந்த கட்டணம் செலுத்த வேண்டியதில்லை. தகுதியானவர்கள் குறிப்பிட்ட மாதிரியான விண்ணப்பத்தை நிரப்பி, தேவையான சான்றுகள் இணைத்து அனுப்ப வேண்டும். இதற்கான அறிவிப்பு வெளியான நாளில் இருந்து 30 நாட்களுக்குள் விண்ணப்பம் சென்றடைய வேண்டும். அதன்படி 1-10-2018-ந் தேதி விண்ணப்பம் சென்றடைய கடைசி நாளாகும். இது பற்றிய விரிவான விவரங்களை http://bsf.nic.in/ என்ற இணையதள பக்கத்தில் பார்க்கலாம்.

புதிய செய்தி - puthiya seithi latest news and qr code

சர்வதேச சிறந்த நடிகராக விஜய் தேர்வு

லண்டனை சேர்ந்த ‘ஐஏஆர்ஏ’ என்ற அமைப்பு ஆண்டுதோறும் சர்வதேச அளவில் சிறந்த நடிகர்களை தேர்வு செய்து விருதுகள் வழங்கி வருகிறது. மொத்தம் 24 பிரிவுகளில் இந்த விருதுகள் வழங்கப்படுகின்றன. 2018-ஆம் ஆண்டுக்கான விருது போட்டியில் ‘மெர்சல்’ படத்தில் நடித்த விஜய் பெயர் சிறந்த நடிகர், சிறந்த சர்வதேச நடிகர் ஆகிய இரு பிரிவுகளுக்கு பரிந்துரைக்கப்பட்டது. அவருடன் ‘சில்ரன்ஸ் ஆப் லெஸ்ஸர் கார்’ படத்தில் நடித்த ஜோஷுவா ஜாக்சன், ‘தி ராயல் ஹைபிஸ்கஸ் ஹோட்டல்’ படத்தில் நடித்த கென்னத் ஒக்கோலி, ‘சைட் சிக் கேங்’ நடிகர் அட்ஜட்டே அனாங், ‘ஏஜென்ட்’ பட நடிகர் கும்புலானி கேசபியா, ‘எல் ஹெபா எல் அவ்டா’ பட நடிகர் ஹசன் ஆகியோர் பெயர்களும் இடம்பெற்று இருந்தன. இதற்காக இணையதளத்தில் வாக்குப்பதிவு நடத்தப்பட்டது. இதில் சிறந்த சர்வதேச நடிகருக்கான விருதுக்கு விஜய் தேர்வு செய்யப்பட்டு உள்ளதாக ஐஏஆர்ஏ அமைப்பு அறிவித்து உள்ளது. இது விஜய் ரசிகர்களுக்கு மகிழ்ச்சியை ஏற்படுத்தி உள்ளது. அட்லி இயக்கத்தில் உருவான மெர்சல் படம் கடந்த தீபாவளிக்கு திரைக்கு வந்தது. இதில் விஜய் 3 வேடங்களில் நடித்து இருந்தார். நித்யா மேனன், காஜல் அகர்வால், சமந்தா, எஸ்.ஜே.சூர்யா, வடிவேல் ஆகியோரும் நடித்து இருந்தனர். படத்தில் வரும் ஆளப்போறான் தமிழன் பாடல் சாதனைகள் நிகழ்த்தியது. இந்த படத்தில் இடம்பெற்ற ஜி.எஸ்.டி தொடர்பான வசனத்துக்கு பா.ஜனதா கட்சியினர் எதிர்ப்பு தெரிவித்தனர். அதையும் மீறி படத்துக்கு வரவேற்பு கிடைத்தது. சர்வதேச சிறந்த நடிகராக தேர்வான விஜய்க்கு தே.மு.தி.க. தலைவர் விஜயகாந்த் மற்றும் திரையுலகினர் வாழ்த்து தெரிவித்தனர்.

Saturday, September 22, 2018

ISRO அறிவித்துள்ள வேலை வாய்ப்பு அறிவிப்பு

  1. BPS அறிவித்துள்ள வேலை வாய்ப்பு அறிவிப்பு
  2. தந்தி டிவி அறிவித்துள்ள வேலை வாய்ப்பு அறிவிப்பு
  3. SFIO என்ற இந்திய அரசு நிறுவனம் அறிவித்துள்ள வேலை வாய்ப்பு அறிவிப்பு
  4. இந்தோ-திபெத்திய எல்லை காவல் படை அறிவித்துள்ள வேலை வாய்ப்பு அறிவிப்பு

IBPS அறிவித்துள்ள வேலை வாய்ப்பு அறிவிப்பு

தந்தி டிவி அறிவித்துள்ள வேலை வாய்ப்பு அறிவிப்பு

  1. SFIO என்ற இந்திய அரசு நிறுவனம் அறிவித்துள்ள வேலை வாய்ப்பு அறிவிப்பு
  2. இந்தோ-திபெத்திய எல்லை காவல் படை அறிவித்துள்ள வேலை வாய்ப்பு அறிவிப்பு

SFIO என்ற இந்திய அரசு நிறுவனம் அறிவித்துள்ள வேலை வாய்ப்பு அறிவிப்பு

  1. இந்தோ-திபெத்திய எல்லை காவல் படை அறிவித்துள்ள வேலை வாய்ப்பு அறிவிப்பு
  2. முத்திரைத்தாள் விற்பனையில் புதிய நடைமுறை அமல்படுத்தப்படுகிறது
  3. அக்டோபர்-டிசம்பர் காலாண்டுக்கான சிறு சேமிப்பு திட்டங்களின் வட்டி 0.4% உயர்வு
  4. இளநிலை உதவியாளர் பணியிடங்கள் தொடர்பாக டாஸ்மாக் நிறுவனம் வெளியிட்ட அறிவிப்புக்கு தடை ஐகோர்ட்டு உத்தரவு

புதிய செய்தி - puthiya seithi latest news and qr code

இந்தோ-திபெத்திய எல்லை காவல் படை அறிவித்துள்ள வேலை வாய்ப்பு அறிவிப்பு

Friday, September 21, 2018

முத்திரைத்தாள் விற்பனையில் புதிய நடைமுறை அமல்படுத்தப்படுகிறது

முத்திரைத்தாள் விற்பனையில் புதிய நடைமுறை நாளை (சனிக்கிழமை) முதல் அமல்படுத்தப்படுகிறது. இதுதொடர்பாக தமிழக பத்திரப்பதிவு துறை தலைவர் ஜெ.குமரகுருபரன், அனைத்து சார்பதிவாளர்கள், மாவட்ட பதிவாளர்களுக்கு அனுப்பியுள்ள சுற்றறிக்கையில் கூறியிருப்பதாவது:- டோக்கன் பதிவு முறை பொதுமக்களின் நலன் கருதி பல்வேறு சேவைக்கான டோக்கன் பெற ‘ஸ்டார் 2.0’ மென்பொருளில் ‘இ-பேமண்ட்’ விவரம் அல்லது முத்திரைத்தாள் எண் விவரம் உள்ளடு செய்து பின்பே டோக்கன் பதிவு செய்யும் வகையில் மென்பொருளை மாற்றியமைக்க முடிவு செய்யப்பட்டு உள்ளது. அதன்படி முத்திரைத்தாள் விற்பனையாளர் சம்பந்தப்பட்ட மென்பொருள் வருகிற 22-ந்தேதி (நாளை) முதல் அமல்படுத்தப்படுகிறது. மேலும் முத்திரைத்தாள் விற்பனையாளர்களுக்கு என தனி ‘லாகின் ஐ.டி.’ மற்றும் ‘பாஸ்வேர்டு’ உருவாக்கப்பட உள்ளது. இதை பயன்படுத்தி தான் பதிவுத்துறை இணையதளத்தில் ‘ஸ்டாக்’ மற்றும் ‘சேல்ஸ்’ விவரங்களை உள்ளடு செய்ய வேண்டும். நடைமுறைகள் முத்திரைத்தாள் விற்பனையாளர்கள் தங்களது விற்பனை விவரங்களை உள்ளடு செய்தல் தொடர்பாக பின்பற்ற வேண்டிய நடைமுறைகள் வருமாறு:- * தற்போது மத்திய ரிசர்வ் வங்கியால் முத்திரைத்தாளில் வரிசை எண் அச்சிடப்பட்டு வெளியிடப்படுகிறது. எனவே, முத்திரைத்தாள் விற்பனையாளர்கள் முத்திரைத்தாள் முகப்பில் வரிசை எண் குறிப்பிடும் நடைமுறை நீக்கப்படுகிறது. மென்பொருளில் மத்திய ரிசர்வ் வங்கியால் முத்திரைத்தாளுக்கு கொடுக்கப்பட்ட வரிசை எண்ணையே உள்ளடு செய்ய வேண்டும். * முத்திரைத்தாள் வாங்கும் நபர்களின் பெயர் விவரங்களை முழுமையாக மென்பொருளில் உள்ளடு செய்ய வேண்டும். நீதி சாரா முத்திரைத்தாள் * நீதிசாரா முத்திரைத்தாள்களின் விற்பனை விவரங்கள் குறித்த பதிவேடு, இருப்புக்கணக்கு பதிவேடு பராமரிக்கும் நடைமுறை நீக்கப்படுகிறது. * நீதி சாரா முத்திரைத்தாள் விற்பனை செய்யப்படும்போதும் இதேபோல விவரங்களை மென்பொருளில் உள்ளடு செய்தே விற்பனை செய்யவேண்டும். இவ்வாறு அதில் கூறப்பட்டு உள்ளது.

புதிய செய்தி - puthiya seithi latest news and qr code

அக்டோபர்-டிசம்பர் காலாண்டுக்கான சிறு சேமிப்பு திட்டங்களின் வட்டி 0.4% உயர்வு

சிறு சேமிப்பு திட்டங்களின் அக்டோபர் - டிசம்பர் காலாண்டுக் கான வட்டி விகிதத்தை 0.4 சத வீதம் வரை உயர்த்தியுள்ளது மத்திய நிதி அமைச்சகம். இதன் மூலம் இந்தக் காலாண்டில் பிபிஎஃப், என்எஸ்சி உள்ளிட்ட சேமிப்பு திட்டங்களில் முதலீடு செய்பவர்கள் கூடுதல் வருமானம் பெறுவார்கள். சிறு சேமிப்பு திட்டங்களுக்கான வட்டி விகிதம் ஒவ்வொரு காலாண்டுக்கும், அரசு கடன் பத்திரங்களின் வருமானத்தைப் பொறுத்து நிர்ணயிக்கப்படும் என்று 2016ல் மத்திய நிதி அமைச்சகம் முடிவு செய்தது. அதன்படி தற்போது அரசு கடன் பத்திரங்களின் வருமானம் உயர்ந்துள்ளதால் மத்திய நிதி அமைச்சகம் சிறு சேமிப்பு திட்டங்களின் வட்டி விகிதத்தை உயர்த்த முன்வந்துள்ளது. இதுகுறித்து மத்திய நிதி அமைச்சகம் வெளியிட்டுள்ள அறிக்கையின்படி, இந்த நிதி ஆண்டின் 3-ம் காலாண் டில் ஐந்தாண்டு வைப்பு நிதி, ரெக்கரிங் டெபாசிட், மூத்த குடிமக்கள் சேமிப்பு திட்டம் ஆகியவற்றின் வட்டி விகிதம் 0.4 சதவீதம் உயர்த்தப்பட்டு முறையே 7.8, 7.3 மற்றும் 8.7 சதவீதமாக நிர்ணயிக்கப் பட்டுள்ளது. இவைதவிர பிபிஎஃப், என்எஸ்சி, செல்வமகள் சேமிப்பு திட்டம், கிஸான் விகாஸ் பத்ரா சேமிப்பு திட்டம் ஆகியவற்றின் வட்டி விகிதமும் 0.4 சதவீதம் உயர்த்தப்பட்டுள்ளது. புதிய வட்டி விகிதத்தின்படி பிபிஎஃப், என்எஸ்சி இரண்டு திட்டங்களும் 8 சதவீத வட்டியும், செல்வ மகள் சேமிப்பு திட்டம் அதிகபட்சமாக 8.5 சதவீத வட்டி யும் வழங்குகிறது. கிஸான் விகாஸ் பத்ரா சேமிப்பு திட்டத்தின் வட்டி விகிதம் 7.7 சதவீதமாகும். மேலும் இதன் முதிர்வு காலமும் 118 மாதங்களிலிருந்து 112 மாதங்களாகக் குறைக்கப் பட்டுள்ளது. மேலும் ஒரு ஆண்டு முதல் 3 ஆண்டு கால வைப்பு நிதி திட்டங் களின் வட்டி விகிதமும் 0.3 சதவீதம் உயர்த்தப்பட்டுள்ளது. ஆனால் வங்கி சேமிப்பு கணக்குகளின் வட்டிவிகிதம் மாற்றமில்லாமல் 4 சதவீதத்திலேயே தொடர் கிறது. அக்டோபர் 1 முதல் டிசம்பர் 31 வரையிலான காலத்தில் சிறு சேமிப்பு திட்டங்களில் முதலீடு செய்பவர்களுக்கு இந்த வட்டி விகிதத்தின் பலன் கிடைக்கும்.

புதிய செய்தி - puthiya seithi latest news and qr code