You will be redirected to the script in

seconds
Puthiyaseithi | புதிய செய்தி: August 2018

Thursday, August 30, 2018

மத்திய அரசு ஊழியர்களுக்கு 2% அகவிலைப்படி உயர்வு அமைச்சரவை ஒப்புதல்...

மத்திய அரசு ஊழியர்களுக்கு 2 சதவீதம் அகவிலைப்படி உயர்வு வழங்க மத்திய அமைச்சரவை ஒப்புதல் அளித்துள்ளது. மத்திய அமைச்சரவையின் கூட்டம் பிரதமர் நரேந்திர மோடி தலைமையில் டெல்லியில் நேற்று நடைபெற்றது. இக்கூட்டத்தில் மத்திய அரசு ஊழியர்களுக்கான அகவிலைப்படியை 2 சதவீதம் உயர்த்த ஒப்புதல் அளிக்கப் பட்டது. விலைவாசி உயர்வை கருத் தில் கொண்டு 7-வது மத்திய ஊதியக்குழு பரிந்துரைகளின் அடிப்படையில் அக விலைப் படி உயர்த்தப்பட்டுள்ளது. இது கடந்த ஜூலை 1-ம் தேதி முதல் கணக்கிடப்பட்டு வழங்கப் படும். இந்த அகவிலைப்படி உயர் வால் 48.41 லட்சம் மத்திய அரசு ஊழியர்களும் 62.03 லட்சம் ஓய் வூதியதாரர்களும் பலன் பெறுவார் கள். இதனால், அரசுக்கு ஆண் டுக்கு ரூ.6,112.20 கோடி கூடுதல் செலவாகும். 2018-19 நிதியாண்டில் அரசுக்கு 4,074.80 கோடி செலவாகும் என்று மத்திய அரசு தெரிவித்துள்ளது.

புதிய செய்தி - puthiya seithi latest news and qr code

போலீஸ் கைரேகை பிரிவிற்கு 202 சப்-இன்ஸ்பெக்டர்கள் புதிதாக தேர்வு ஆன்லைன் மூலம் விண்ணப்பங்களை அனுப்பலாம்

தமிழக போலீஸ் கைரேகை பிரிவிற்கு 202 சப்-இன்ஸ்பெக்டர்கள் புதிதாக தேர்வு செய்யப்படுகிறார்கள். ஆன்லைன் மூலம் விண்ணப்ப மனுக்களை அனுப்பலாம் என்று அறிவிக்கப்பட்டுள்ளது. காலிப்பணி இடங்கள் தமிழக போலீஸ் கைரேகை பிரிவில் 202 சப்-இன்ஸ்பெக்டர்கள் பதவி காலியாக உள்ளது. அந்த காலிப்பணி இடங்களை நிரப்புவதற்கு 202 சப்-இன்ஸ்பெக்டர்கள் புதிதாக தேர்வு செய்யப்படுகிறார்கள். இதற்கான விண்ணப்ப மனுக்களை www.tnusr-b-o-n-l-i-ne.org என்ற இணையதளம் வாயிலாக மட்டுமே விண்ணப்பிக்க வேண்டும். உதவி மையம் விண்ணப்ப மனுக்களை அனுப்புவதற்கான கடைசி நாள் 28-9-2018 ஆகும். விண்ணப்ப மனுக்கள் தொடர்பாக தமிழ்நாடு சீருடைப் பணியாளர் தேர்வுக் குழுமத்தில் செயல்படும் உதவி மையத்தை தொடர்பு கொண்டு தெரிந்து கொள்ளாம். இந்த உதவி மையம் காலை 9 மணி முதல் மாலை 6 மணி வரை செயல்படும். இந்த உதவி மையம் சீருடைப் பணியாளர் தேர்வுக் குழுமத்தில் மட்டுமல்லாது தமிழகத்தில் உள்ள இதர காவல் ஆணையாளர் அலுவலகங்களிலும், மாவட்டங்களில் உள்ள போலீஸ் சூப்பிரண்டு அலுவலகங்களிலும் செயல்படும். உதவி மையத்தை 044-40016200, 044-28413658, 9499008445, 9176243899, 9789035725 போன்ற தொலைபேசி மற்றும் செல்போன் எண்களில் பேசலாம். மேற்கண்ட தகவல்களை தமிழ்நாடு சீருடைப் பணியாளர் தேர்வுக் குழுமம் வெளியிட்டுள்ளது.

புதிய செய்தி - puthiya seithi latest news and qr code

Tuesday, August 28, 2018

வருமானவரி கணக்கு தாக்கல் செய்ய 31-ந் தேதியுடன் கால அவகாசம் நிறைவு வருமான வரித்துறை அதிகாரிகள் தகவல்

வருமானவரி கணக்கு தாக்கல் செய்ய அளிக்கப்பட்ட கால அவகாசம் வருகிற 31-ந் தேதியுடன் நிறைவு பெறுகிறது என்று வருமான வரித்துறை அதிகாரிகள் கூறினார்கள். வருமானவரிச் சட்டத்தின் கீழ் தணிக்கை தேவைப்படாத பிரிவினர் வருமான வரி கணக்கை தாக்கல் செய்ய கடந்த மாதம் (ஜூலை) 31-ந் தேதியை கடைசி நாளாக வருமான வரித்துறை அறிவித்து இருந்தது. பின்னர் ஒரு மாத காலம் அதாவது வருகிற 31-ந் தேதி வரை கால அவகாசம் அளிக்கப்பட்டது. அந்த கால அவகாசமும் வருகிற 31-ந் தேதியுடன் நிறைவு பெறுகிறது. மாத ஊதியம், ஓய்வூதியம், வீட்டு வாடகை உள்ளிட்ட சொத்திலிருந்து வருமானம் பெறுவோர், மூலதன மதிப்பு உயர்வு, வர்த்தகம் அல்லது தொழில் மூலம் வருமானம் பெறுவோர், இதர வருமானம் பெறுவோர் இந்த வகையின் கீழ் வருகின்றனர். வருமானவரி கணக்கை வருகிற 31-ந் தேதிக்கு முன்னதாக தாக்கல் செய்வோருக்கு அபராத கட்டணம் ஏதும் இல்லை. மொத்த ஆண்டு வருமானம் ரூ.5 லட்சத்துக்கு மிகாமல் உள்ளவர்கள் வருமானவரி கணக்கை வருகிற 31-ந் தேதிக்கு பிறகு அடுத்த ஆண்டு மார்ச் 31-ந் தேதிக்கு முன்பாக தாக்கல் செய்தால் அபராத கட்டணமாக ரூ.1,000 செலுத்த வேண்டும் என்று அறிவிக்கப்பட்டு உள்ளது. மொத்த வருமானம் ரூ.5 லட்சத்துக்கும் மேல் உள்ளவர்கள் வருமானவரி கணக்கை வருகிற 31-ந் தேதிக்கு பிறகு தொடங்கி டிசம்பர் 31-ந் தேதிக்கு முன்னதாக தாக்கல் செய்தால் தாமத கட்டணம் ரூ.5 ஆயிரம் செலுத்த வேண்டும். மொத்த வருமானம் ரூ.5 லட்சத்துக்கு அதிகமாக இருப்போர் தங்கள் வருமானவரி கணக்கை வருகிற 31-ந் தேதிக்கு பிறகு, அடுத்த ஆண்டு மார்ச் 31-ந் தேதிக்குள் தாக்கல் செய்தால் தாமத கட்டணம் ரூ.10 ஆயிரம் செலுத்த வேண்டும். இந்த கால கட்டத்துக்கு பிறகு வருமான வரிக்கணக்கை தாக்கல் செய்ய முடியாது. அனைத்து வரி செலுத்துவோரும் தங்களது வருமானவரி கணக்குகளை மின்னணு முறையில் தாக்கல் செய்ய வேண்டும். மாத ஊதியம், இதர ஊதியங்கள் மற்றும் வீட்டு சொத்தில் இருந்து வருமானம் பெறுவோர் ஆகியோர் காகித வடிவில் வருமானவரி கணக்கை தாக்கல் செய்யலாம். வருமானவரி செலுத்துவோர் தங்களது வருமான வரி கணக்கை தாக்கல் செய்வதற்கு ஏதுவாக, சென்னை, நுங்கம்பாக்கம், உத்தமர் காந்தி சாலையில் உள்ள வருமானவரி அலுவலகத்தில் வருமான வரி கணக்கு முன் தயாரிப்பு உதவி மையமும் திறக்கப்பட்டு செயல்பட்டு வந்தது. இந்த நிலையில் வருகிற 31-ந் தேதி வரை வருமானவரி கணக்கை அபராதம் இன்றி தாக்கல் செய்யலாம் என்று அறிவிக்கப்பட்டு உள்ளது. மழை வெள்ள பெருக்கு காரணமாக கேரள, கர்நாடக மாநிலங்கள் சார்பில் மேலும் கால அவகாசம் வழங்க வேண்டும் என்று கோரிக்கை விடுக்கப்பட்டு உள்ளது. இந்த தேதியில் மாற்றம் செய்வது குறித்து அதிகாரபூர்வமான தகவல்கள் எதுவும் வரவில்லை. மேற்கண்ட தகவல்களை வருமான வரித்துறை அதி காரிகள் தெரிவித்தனர்.

புதிய செய்தி - puthiya seithi latest news and qr code

69 சதவீத இடஒதுக்கீட்டுக்கு இடைக்கால தடை விதிக்க முடியாது சுப்ரீம் கோர்ட்டு உத்தரவு

69 சதவீத இடஒதுக்கீட்டுக்கு இடைக்கால தடை விதிக்க முடியாது என்று சுப்ரீம் கோர்ட்டு உத்தரவிட்டது. தமிழக மருத்துவ கல்லூரி மாணவர் சேர்க்கையில் அமலில் உள்ள 69 சதவீத இடஒதுக்கீட்டுக்கு எதிராக சி.வி.காயத்ரி உள்ளிட்ட சில மாணவ, மாணவிகள் சுப்ரீம் கோர்ட்டில் 2012-ம் ஆண்டு முதல் 2015-ம் ஆண்டு வரை தனித்தனியாக மனுக்கள் தாக்கல் செய்தனர். இந்த மனுக்களில், 69 சதவீத இடஒதுக்கீட்டை ரத்து செய்து, கடந்த சில ஆண்டுகளாக செய்துவருவதுபோல மருத்துவம் மற்றும் பொறியியல் கல்லூரிகளில் 50 சதவீத இடஒதுக்கீட்டை பின்பற்றி மாணவ, மாணவிகளுக்கு கூடுதல் இடங்களை ஒதுக்க உத்தரவிட வேண்டும் என்று கூறப்பட்டிருந்தது. இந்த மனுக்கள் சுப்ரீம் கோர்ட்டில் நீதிபதிகள் அருண் மிஸ்ரா, எஸ்.அப்துல் நஜீர் ஆகியோர் அடங்கிய அமர்வு முன்பு இந்த மாதம் 1-ந் தேதி விசாரணைக்கு வந்தபோது, முந்தைய ஆண்டுகளில் தனித்தனி மனுக்களின் மீது கூடுதலாக இடம் ஒதுக்கி அனுமதி வழங்கியிருந்தாலும் இப்போது அதுபோன்ற உத்தரவை பிறப்பிக்க முடியாது. 69 சதவீத இடஒதுக்கீட்டை ரத்து செய்ய வேண்டும் என்று தனி கோரிக்கை எதுவும் விடுக்கப்படாததால் உங்கள் மனுவை தள்ளுபடி செய்கிறோம். 69 சதவீத இடஒதுக்கீட்டுக்கு எதிராக மனுக்களை மீண்டும் தனியாக தாக்கல் செய்யலாம் என்று உத்தரவு பிறப்பித்தனர். இதனைத் தொடர்ந்து மீண்டும் மாணவிகள் வி.சஞ்ஜனா, அகிலா அன்னபூரணா ஆகியோர் தரப்பில் இதே கோரிக்கையுடன் தாக்கல் செய்யப்பட்ட மனு நேற்று சுப்ரீம் கோர்ட்டில் நீதிபதிகள் அருண் மிஸ்ரா, இந்திரா பானர்ஜி ஆகியோர் அடங்கிய அமர்வு முன்பு விசாரணைக்கு வந்தது. விசாரணை தொடங்கியதும் நீதிபதிகள் இந்த மனுவை விசாரணைக்கு ஏற்க முடியாது என்று கூறி தள்ளுபடி செய்தனர். மேலும் 69 சதவீத இடஒதுக்கீட்டுக்கு எதிரான மூல மனுவின் மீது இடைக்கால தடை உத்தரவு எதையும் பிறப்பிக்க மறுத்த நீதிபதிகள், இந்த மூல மனுவை நவம்பர் மாதம் விசாரணைக்கு எடுத்துக்கொள்வதாக கூறி விசாரணையை ஒத்திவைத்து உத்தரவிட்டனர்.

புதிய செய்தி - puthiya seithi latest news and qr code

Saturday, August 25, 2018

திருவண்ணாமலையில் பவுர்ணமி கிரிவலம் செல்ல உகந்த நேரம் எப்போது? கோவில் நிர்வாகம் அறிவிப்பு |

இந்த மாதம் பவுர்ணமியையொட்டி எப்போது கிரிவலம் செல்லலாம் என்று திருவண்ணாமலை அருணாசலேஸ்வரர் கோவில் நிர்வாகம் அறிவித்துள்ளது. அதன் விவரம் வருமாறு:- இன்று (சனிக்கிழமை) மாலை 4.05 மணிக்கு பவுர்ணமி தொடங்கி நாளை (ஞாயிற்றுக்கிழமை) மாலை 5.40 மணி வரை பவுர்ணமி உள்ளது. இந்தநேரத்தில் கிரிவலம் செல்வது உகந்ததாகும்.  

Thursday, August 23, 2018

வரும் 1-ம் தேதி முதல் அமலுக்கு வருகிறது தமிழகத்தில் 20 சுங்கச்சாவடிகளில் தேசிய நெடுஞ்சாலைத்துறை ஆணையம் முடிவு 

தமிழகத்தில் மொத்தம் 20 சுங்கச் சாவடிகளில் வரும் 1-ம் தேதி முதல் 10 முதல் 12 சதவீதம் வரை யில் கட்டணம் உயர்வு செய்து வசூலிக்க தேசிய நெடுஞ்சாலைத் துறை ஆணையம் முடிவு செய்துள்ளது. தமிழகத்தில் மொத்தம் 45 சுங்கச்சாவடிகள் உள்ளன. இந்த சுங்கச்சாவடிகளில் ஆண்டுதோறும் சுழற்சி அடிப்படையில் செப்டம்பர் மற்றும் ஏப்ரல் மாதங்களில் என தனித்தனியாக பிரித்து சுங்கச்சாவடி களில் கட்டணம் உயர்த்தப்பட்டு வருகிறது. இந்த கட்டண உயர்வு களால் போக்குவரத்து நெரிசலை கணக்கு காட்டி அத்தியாவசிய உணவுப் பொருட்களின் விலை உயர்த்தப்படுகிறது. இதேபோல், ஆம்னி பேருந்துகளின் கட்டணம் உயர்த்தப்பட்டு வருகிறது. இதற்கிடையே வழக்கம்போல், வரும் செப்டம்பர் 1-ம் தேதி முதல் தமிழகத்தில் மொத்தம் 20 சுங்கச்சாவடிகளில் 10 முதல் 12 சதவீதம் வரையில் கட்டணம் உயர்வு செய்யப்பட்டுள்ளது. இதற்கான அறிவிப்பை தேசிய நெடுஞ்சாலைத்துறை விரைவில் வெளியிடவுள்ளது. இதில், சேலம்-உளுந்தூர் பேட்டை- மேட்டுப்பட்டி, திண்டிவனம் -உளுந்தூர்பேட்டை, நல்லூர் - சென்னை, திருச்சி-திண்டுக்கல், நத்தக்கரை-வீரசோழ புரம், விக்கிரவாண்டி - தடா (ஆந்திர மாநிலம்), பொன்னம்பலபட்டி உள் ளிட்டவை இடம் பெறும். இதுதொடர்பாக தேசிய நெடுஞ்சாலைத்துறை அதிகாரி ஒரு வரிடம் கேட்ட போது, ‘‘ஒவ்வொரு ஆண்டும் செப்டம்பர் மாதம் 1-ம் தேதி முதல் 20-க்குள் மேற் பட்ட சுங்கச்சாவடிகளில் கட்ட ணம் மாற்றியமைக்கப்பட்டு அமல் படுத்தப்படும். கட்டண உயர்வு வாகனங்களுக்கு ஏற்றவாறு 10 முதல் 12 சதவீதம் வரையில் இருக் கும். கட்டண விபரங்கள் குறித்து முழு தகவல்கள் விரைவில் வெளியிடப்படும்’’ என்றார். பராமரிப்பு இல்லை இது தொடர்பாக தமிழ்நாடு லாரி உரிமையாளர்கள் சம்மேளனத்தின் தலைவர் சுகுமார் கூறியதாவது: ‘‘நெடுஞ்சாலைகள் பராமரிக்க ஆண்டுதோறும் 10 முதல் 15 சத வீதம் வரையில் கட்டணம் உயர்த்தப் படுகிறது. ஆனால், திட்டமிட்டப்படி சாலை விரிவாக்கம், பராமரிப்பு போன்ற பணிகள் நடத்துவதில்லை. குறிப்பாக, சென்னை - வாலாஜா, வாலாஜா - கிருஷ்ணகிரி, சென்னை - திண்டிவனம், மாதாவரம் - தடா ஆகிய வழித்தடங்கள் தற் போதுள்ள 4 வழி பாதையை 6 வழி பாதையாக மாற்றப்படும் என கடந்த 5 ஆண்டுகளுக்கு முன்பு அறிவித்தது. ஆனால், இன்னும் பல்வேறு இடங்களில் பணிகளை முழுமையாக முடிக்காமல் இருக் கின்றன. ஆங்காங்கே பள்ளங்கள் தோண்டப்பட்டு பல மாதங்களாக இருப்பதால், சாலை விபத்துக்கள் ஏற்பட்டு உயிரிழப்புகள் நடக்கின்றன. வாலாஜா - கிருஷ்ணகிரி தேசிய நெடுஞ்சாலையில் மட் டும் ஆண்டுதோறும் ஏற்படும் சாலை விபத்துக்களில் 480-க் கும் இறக்கின்றனர். ஆனால், தற்போதும் 6 வழி பாதைக்கான கட்டணத்தை சம்பந்தப்பட்ட தனியார் நிறுவனங்கள் வசூலிக் கின்றன. எனவே, சாலையை விரிவாக்கம் செய்து, ஆண்டு தோறும் பராமரிக்காமல் இருக் கும் சம்பந்தப்பட்ட தனியார் நிறு வனங்கள் மீது உரிய நடவடிக்கை எடுக்க வேண்டும். தமிழக அரசு நெடுஞ்சாலைகளில் நடக்கும் முறைகேடுகள் தொடர்பாக ஒரு குழு அமைத்து விசாரணை நடத்த வேண்டும். நீண்ட கால மாக கட்டணம் வசூலிக்கும் சுங்கச் சாவடிகளை இழுத்து மூட வேண்டும்’’. இவ்வாறு அவர் கூறினார்.

புதிய செய்தி - puthiya seithi latest news and qr code

Wednesday, August 22, 2018

எதிர்பார்ப்பை நிறைவேற்றும் ‘விவோ எக்ஸ் 21’ போன்

ஸ்மார்ட்போன் தயாரிப்பில் முன்னணியில் இருக்கும் நிறுவனம் விவோ. இந்த நிறுவனம் புதிதாக விவோ எக்ஸ் 21 மொபைல்களை அறிமுகப்படுத்தியுள்ளது. இதைப்பார்த்து ‘ஐ அம் இம்ப்ரெஸ்ட்’ என்று சொல்லாமல் யாரும் இருக்கவே முடியாது. அந்த அளவிற்கு அதன் சிறப்பம்சங்கள் அமைந்துள்ளன. விவோவின் ஒவ்வொரு புதிய மாடல் போன் அறிமுகத்தின் போதும் மக்களிடையே எதிர்பார்ப்பு காணப்படும். அதில் இம்மியளவும் ஏமாற்றம் இல்லாமல் வெளிவந்துள்ளது தான் விவோ எக்ஸ் 21. 6.28 அங்குலம் அளவில் டிஸ்பிளே அமைந்துள்ளது. இதனால் கேம் விளையாடும் போதும், வீடியோ பார்க்கும் போதும் பிரம்மாண்டமான தோற்றத்தை கண்களுக்கு விருந்தாக்குகிறது. போனை ‘அன்லாக்’ செய்ய நம் முகத்தை ‘ஐ.டி’யாக பயன்படுத் தலாம். அல்லது கை ரேகையை கொண்டும் ‘அன்லாக்’ செய்யலாம். இதனால் நம் அனுமதியின்றி யாரும் நமது போனை உபயோகிக்கவோ, தகவல்களை பார்க்கவோ இயலாது. இந்த போனில் ‘இன்ப்ரா ரெட் சென்சார்கள்’ உள்ளன. இதனால் இருட்டில் கூட நம் முகத்தை அடையாளம் தெரிந்து கொண்டு போனை ‘அன்லாக்’ செய்யும் வசதி இதில் உள்ளது. போட்டோவை எடுத்த பின்பு அதை போட்டோஷாப் மென்பொருளை பயன்படுத்தி அதை அழகாக்கும் வேலை எல்லாம் இனி தேவையில்லை. இந்த போனில் உள்ள 24 மில்லியன் போட்டோகிராபிக் யூனிட்டுகள் மிகமிக துல்லியமாக சிறந்த தரத்துடன் குறைந்த வெளிச்சத்திலும் நம்மை அழகாக காட்டும். இளசுகளின் போட்டோ மோகத்திற்கு தீனி போடக்கூடிய வகையில் 12 MP கேமராக்கள் இதில் முன்னும் பின்னும் உள்ளன. இதில் இருக்கும் ‘பேஸ் பியூட்டி’ செட்டிங் மூலம் போட்டோ எடுத்தால் நமது முக அமைப்புக்கு ஏற்றவாறு அதுவே மேம்படுத்தி கொடுத்து விடும் ஆற்றல் கொண்டது. இடையூறு இல்லாமல் கேம் விளையாடக்கூடிய ‘கேம் மோட்’ வசதியும் இதன் பிளஸ் பாயிண்ட் ஆகும். கேம் விளையாடும் போது இடையே போன் வந்தால், நீங்கள் பேசிவிட்டு கேமை விட்ட இடத்தில் இருந்து தொடரலாம். அதுபோல கேம் மோடில் போன் இருக்கும் போது தவறுதலாக எதையும் அழுத்திவிட்டாலும் அதை கணக்கில் எடுத்துக்கொள்ளாது. ஸ்னாப்ட்ராகன் 660 AJE பிராசஸர், 6 GB ரேம், 3200 mAh பேட்டரி ஆகியன விவோ எக்ஸ் 21 மொபைல் போனின் சிறப்புகள். இதன் ‘டூயல் சார்ஜிங் என்ஜின்’ நாள் முழுவதும் சார்ஜ் இறங்காமல் வைத்திருக்கும். இதன் ‘ஹை பை ஆடியோ சிப்’ மிக அருமையான சவுண்ட் குவாலிட்டி கொண்டது. அப்புறமென்ன ஒரே செல்பி தான், கேம் தான், பாட்டு தான். அடடடடடடா...

புதிய செய்தி - puthiya seithi latest news and qr code

எண்ணம்போல இசைமழை பொழியும் ‘ஹெட்செட்’

உங்கள் மனநிலை, சிந்தனை ஓட்டம் இவற்றை புரிந்துகொண்டு அந்த சூழ்நிலைக்கு ஏற்ப இசை மற்றும் பாடல்களை ஒலிபரப்பி உங்கள் உள்ளத்தை இதமாக்கும் நவீன தயாரிப்பு தான் இந்த ஐமெக் இ.இ.ஜி. ஹெட்செட் ( IMEC EEG He-a-d-S-et ) . இதய துடிப்பை அளவிடும் இ.சி.ஜி. ( ECG ) குறித்து கேள்விப்பட்டிருப்பீங்க. இ.இ.ஜி. ( EEG ) என்றால் என்ன என்று தெரியுமா? எலெக்ட்ரோ என்செபாலோக்ராம் ( el-e-c-t-r-o -e-n-c-e-p-h-a-l-o-g-r-am ) என்ற தொழில்நுட்பம் தான் இ.இ.ஜி. எனப்படுகிறது. அதாவது, நம் மூளையில் தோன்றும் எண்ண அலைகளை எலெக்ட்ரோடுகளை வைத்து ட்ராக் செய்யும் தொழில்நுட்பம் தான் இது. இதை அடிப்படையாக வைத்து பெல்ஜியம் நிறுவனமான ‘ஐமெக்’ ( IMEC ) ஒரு ஹெட்செட்டை தயாரித்து இருக்கிறது. இந்த வயர்லெஸ் ஹெட்செட் உங்கள் மூளையின் எண்ண ஓட்டத்திற்கு ஏற்ப செயல்படுகிறது. நம் மனநிலைக்கு ஏற்றவாறு இனிய இசையை இந்தக்கருவி இசைக்கிறது. அதாவது மனம் சோர்வாக இருக்கும் போது நல்ல இசையை ஓடவிட்டு நமது மனநிலையை மாற்றுமாம். அமெரிக்காவில் உள்ள லாஸ்வேகஸ் நகரில் நடைபெற்ற தொழில்நுட்ப கண்காட்சியில் இந்த புதிய தயாரிப்பு காட்சிக்கு வைக்கப்பட்டுள்ளது. இனிமேல் நீங்க சோர்வா இருந்தா இந்த ஹெட்செட்டை தலையில் மாட்டிக்கொண்டால் போதும், உங்களது மனநிலைக்கு ஏற்ப ஒரு தாலாட்டு பாட்டை போட்டு, ‘தூங்கு ராசா’ என்று சொல்லிவிடும்.

புதிய செய்தி - puthiya seithi latest news and qr code

போர்டபிள் சார்ஜர்

எவ்வளவு பெரிய போன் மாடலாக இருந்தாலும் சரி, அதிக விலை போன் என்றாலும் சரி... போன் பேட்டரியின் சார்ஜ் ஒருநாளுக்கு மேல் நீடிப்படிப்பதில்லை. இதனால் பெரும்பாலும் ‘பவர் பேங்க்’ எனப்படும் தற்காலிக பவர் சார்ஜரை மக்கள் பயன்படுத்துகின்றனர். இவை கனமாகவும், சற்றும் தடிமனாகவும் இருப்பதால், இதை சுமப்பது என்பது சற்று கடினமான ஒன்றுதான். ஆனால் இந்த பிரச்சினைக்கு தீர்வுகாணும் வகையில் மிகவும் லேசான போர்ட்டபிள் சார்ஜர்கள் வந்திருக்கின்றன. ‘பிங்கர்போ போர்டபிள் சார்ஜர்’ என்ற பெயரில் அறிமுகமாகியிருக்கும் இந்த சார்ஜர் பார்ப்பதற்கு மிகவும் சிறியதாக அதேசமயம் தொடர்ந்து ஸ்மார்ட்போனில் பேசுவதற்கு உதவியாக உள்ளது. சிறிய யு.எஸ்.பி. போர்ட் போல அழகாக வடிவமைக்கப்பட்ட இந்த சார்ஜரை இணைக்க வயர் தேவையில்லை. போனில் சொருகும் வகையில் இதில் ‘பின்’ உள்ளது. இந்த சார்ஜர் இடத்தை பெரிதும் அடைத்துக் கொள்ளாது. இதனால் போனுடன் பாக்கெட்டிலேயே இந்த சார்ஜரையும் வைத்து கொள்ளலாம். சார்ஜரில் பேட்டரி அளவு குறைந்துவிட்டால் அதற்குரிய சார்ஜரில் போட்டு அதை சார்ஜ் செய்யலாம். ஒரு சார்ஜிங் டிவைசில் நான்கு போன்களை சார்ஜ் ஏற்றிக் கொள்ள முடியும். இதனால் பயணத்தின்போதும் இடையூறின்றி பேச முடியும்.

இறுதிப் பட்டியலில் 4 நடிகர்கள் விஜய்க்கு சர்வதேச விருது கிடைக்குமா?

விஜய் நடித்துள்ள மெர்சல் படம் பல்வேறு சாதனைகளை நிகழ்த்தி வருகிறது. இதில் இடம்பெற்ற ஆளப்போறான் தமிழன் பாடலுக்கும் பெரிய வரவேற்பு கிடைத்தது. சர்வதேச திரைப்பட விழாக்களிலும் இந்தப் படம் திரையிடப்பட்டு வந்தது. இந்த நிலையில் மெர்சல் படம் ‘ஐஏஆர்ஏ’ என்ற சர்வதேச விருதுக்கும் அனுப்பி வைக்கப்பட்டது. இந்த விருதுக்கு சிறந்த நடிகர்களாக ஹாலிவுட் நடிகர்கள் உள்ளிட்ட பலர் பரிந்துரைக்கப்பட்டு இருந்தனர். அதில் விஜய் பெயரும் இடம்பெற்று இருந்தது. இது அவரது ரசிகர்களுக்கு உற்சாகத்தை ஏற்படுத்தியது. இந்த நிலையில் அந்த பட்டியலில் இருந்து 4 பேரை தேர்வு செய்து இறுதிப் பட்டியல் வெளியிட்டு உள்ளனர். அதில் விஜய், கென்னத் ஓகோலி, டைம்ஹசன், ஜோஷூவா ஜேக்‌ஷன் ஆகியோரின் பெயர்கள் இடம்பெற்று உள்ளன. சிறந்த நடிகருக்கான பட்டியலில் விஜய் பெயர் இறுதி சுற்றுக்கு வந்து இருப்பது விஜய் ரசிகர்களை மேலும் கொண்டாட வைத்து இருக்கிறது. இதில் விஜய்க்கு சிறந்த நடிகருக்கான விருது கிடைக்குமா? என்ற எதிர்பார்ப்பு உள்ளது. விருது வழங்கும் விழா 22-ந் தேதி லண்டனில் நடைபெறும் என்று அறிவிக்கப்பட்டு உள்ளது.

புதிய செய்தி - puthiya seithi latest news and qr code

Monday, August 20, 2018

ஆதார் தகவல் சரிபார்ப்பில் முக அடையாளம்  செப்டம்பர் 15-ம் தேதி முதல் படிப்படியாக அமலாகிறது

முகத்தைக் கொண்டு ஆதார் தகவல்களை சரிபார்க்கும் முறையை கூடுதல் சரிபார்ப்பு முறையாக பயன்படுத்துவது செப்டம்பர்-15 முதல் அமலுக்கு வர இருப்பதாக யுஐடிஏஐ தெரிவித்துள்ளது. முதல்கட்டமாக தொலைத் தொடர்பு நிறுவனங் கள் மட்டும் இந்த முறையைப் பயன்படுத்த உள்ளதாக யுஐடிஏஐ தெரிவித்துள்ளது. முன்னதாக ஜூலை-1 முதல் இதை அமலாக்க திட்டமிட்டிருந் தது, பின்னர் ஆகஸ்ட் 1-க்கு தள்ளிவைக்கப்பட்டது தற்பொழுது செப்டம்பர் -15 முதல் அறிமுகப் படுத்தப்பட உள்ளது. இந்த முறையைப் பயன்படுத் துவதற்கு நிர்ணயிக்கப்பட்டுள்ள இலக்கை எட்டாத தொலைத் தொடர்பு நிறுவனங்களுக்கு அடுத்த மாத மத்தியில் இருந்து அபராதம் விதிக்கவும் யுஐடிஏஐ முடிவு செய்துள்ளது. தொலைத் தொடர்பு நிறுவனங் கள் தவிர பிற தகவல் சரிபார்ப்பு அமைப்புகள் முகத்தைக் கொண்டு தகவல்களை சரிபார்ப்பதை எப் பொழுது அமல்படுத்த வேண்டும் என்பது குறித்த தகவல்களை யுஐடிஏஐ வெளியிடவில்லை. -பிடிஐ

புதிய செய்தி - puthiya seithi latest news and qr code

அடுத்த ஆண்டிலிருந்து ஏடிஎம்களில் இரவு 9 மணிக்கு மேல் பணம் நிரப்பக்கூடாது உள்துறை அமைச்சகம் உத்தரவு

நகர்புற ஏடிஎம்களில் இரவு 9 மணிக்கு மேல் பணம் நிரப்பப்படாது என மத்திய அரசு அறிவித்துள்ளது. அடுத்த ஆண்டிலிருந்து இது நடைமுறைக்கு வர உள்ளது. மேலும், கிராமப்புறங்களில் உள்ள ஏடிஎம்களில் மாலை 6 மணிக்கு மேல் பணம் நிரப்பக் கூடாது என்றும் மத்திய உள்துறை அமைச்சகம் உத்தரவிட்டுள்ளது. ஏடிஎம் மையங்களில் நடக்கும் கொலை, கொள்ளையைத் தடுக் கும் முயற்சியாக இந்த நடவடிக்கை களை மத்திய உள்துறை அமைச் சகம் மேற்கொண்டுள்ளது. இது தொடர்பாக ஏடிஎம் மையங்களைப் பராமரிக்கும் நிறுவனங்களுக்கு பல்வேறு கட்டுப்பாடுகளையும், விதிமுறைகளையும் வகுத்து சுற்றறிக்கை வெளியிட்டுள்ளது. நக்சலைட் நடமாட்டம் உள்ள பகுதிகளில் மாலை 4 மணிக்கு மேல் ஏடிஎம்களில் பணம் நிரப்பப்படாது என்றும் தெரிவித்துள்ளது. ஏடிஎம் மையங்களுக்கான பணத்தை கையாளும் நிறுவனங்கள் வேலை நாட்களில் முதல் பாதியில் வங்கி யிலிருந்து பணத்தை பெற வேண் டும். கவச வாகனங்களை பயன் படுத்த வேண்டும் என்றும் அறிவுறுத்தியுள்ளது. உள்துறை அமைச்சகம் வெளியிட்டுள்ள இந்த புதிய செயல் பாட்டு நடைமுறைகள் அனைத் தும் 2019-ம் ஆண்டு பிப்ரவரி 8-ம் தேதியில் இருந்து செயல்படுத்தப் படும். நாட்டில் மொத்தம் 8 ஆயிரம் தனியார் நிறுவனங்கள் வங்கிகளின் ஏடிஎம் மையங்களைப் பராமரிக்கும் பொறுப்பில் ஈடுபட்டுள்ளன. இந்த நிறுவனங்கள் ஏடிஎம் மையங் களில் பணம்நிரப்புதல், பராமரித் தல், இயந்திரங்களில் கோளாறு ஏற்பட்டால் சரி செய்தல், பாது காவலர்களை நியமித்தல் உள் ளிட்ட பல்வேறு பணிகளைச் செய்கின்றன. இந்த நிறுவனங்கள் மூலம் தினசரி ரூ.15 ஆயிரம் கோடி பணம் ஏடிஎம்களில் வைக்கப்பட்டு வருகின்றன. இந்நிலையில், சமீப காலமாக ஏடிஎம்களை உடைத்துத் திருடு வதும், பாதுகாவலர்களைக் கொலை செய்து கொள்ளையடிப் பதும், சிலநேரங்களில் ஏடிஎம் இயந்திரங்களையே தூக்கிச் செல் லும் சம்பவங்களும் அதிகரித்து வருகின்றன. இதனால், ஏடிஎம் மையங்களைப் பாதுகாப்பது பெரும் சவாலாகவும், அதிகமான செலவு பிடிப்பதாகவும் வங்கி களுக்கு இருந்து வருகின்றன. மேலும் ஏடிஎம் மையங்களுக்கு உரிய பாதுகாப்பு அளிப்பதில் காவல்துறை கவனம் செலுத்த முடியாத சூழலும் உள்ளது. இதை யடுத்து குற்ற நடவடிக்கைகளைக் குறைக்கும் வகையில் உள்துறை அமைச்சகம் இந்த உத்தரவுகளைப் பிறப்பித்துள்ளது. -பிடிஐ

புதிய செய்தி - puthiya seithi latest news and qr code

குரூப்-2 பணி...அழைக்கிறது அரசுப்பணி...

ஆயிரத்துக்கும் மேற்பட்ட குரூப்-2 பணியிடங்களுக்கு, தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி.) தேர்வுக்கான அறிவிக்கை வெளியிட்டு இருக்கிறது. கடந்த ஆண்டு இந்தியா முழுதும் நடைபெற்ற குடிமைப் பணிகள் (ஐ.ஏ.எஸ்.) தேர்வு கூட 900+ இடங்களைத்தான் வழங்கியது. ஆனால் தமிழ்நாட்டுக்குள் மட்டும், குரூப்-2 அலுவலர்கள் 1179 இடங்கள் இது மிகப் பெரிய வாய்ப்பு. நன்கு முறையாகப் பயன்படுத்திக் கொள்வோம்.

இந்த பணிகளுக்கு வருகிற செப்டம்பர் 9-ந்தேதி வரை விண்ணப்பிக்கலாம். நவம்பர் 11 காலை, முதல் நிலைத் தேர்வு நடக்கிறது. அதன் பிறகு, முதன்மைத் தேர்வு மற்றும் வாய்மொழித் தேர்வு (oral test). கல்வித் தகுதி - ஏதேனும் ஒரு பட்டம் முடித்து இருக்க வேண்டும்.

எத்தனை வயது வரை விண்ணப்பிக்கலாம்..? இங்குதான் டி.என்.பி.எஸ்.சி. தனித்து விளங்குகிறது. பொதுப் பிரிவினர் அல்லாத, எஸ்.சி. எஸ்.டி. மற்றும் மிகப் பிற்படுத்தப்பட்ட, பிற்படுத்தப்பட்ட வகுப்பினருக்கு உச்ச வயது வரம்பு கிடையாது. 58 வயதிலும் அரசுப் பணிக்குள் நுழைய முடியும்.

குறிப்பாக கவனத்தில் கொள்ள வேண்டியது, இஸ்லாமிய சமயத்தைத் தேர்ந்த சிறுபான்மையினர், மேற்சொன்ன வயது விலக்குப் பிரிவுக்குள் அடங்குவர். அதாவது, பட்டப் படிப்பு முடித்த இஸ்லாமிய சகோதர சகோதரிகள் அனைவரும், 58 வயது வரையில் கூட, டி.என்.பி.எஸ்.சி. தேர்வில் வெற்றி பெற்று தமிழக அரசுத் துறையில் பணியில் சேரலாம். இந்தச் செய்தியைப் பரவலாகக் கொண்டு செல்ல வேண்டும்.

அரசுத் துறைகளில் பணி புரிகிற இஸ்லாமியச் சகோதரிகளின் எண்ணிக்கை மிகக் குறைவு. மொத்த பணியாளர் எண்ணிக்கையில் ஒரு சதவீதம் கூட இல்லை. ஆசிரியப் பணி தவிர்த்து, பிற துறைகளில் அறவே இல்லை எனலாம். இந்த நிலை மாறுவது அனைவருக்குமே நல்லது.

அரசுப் பணி என்பது ஊதியத்துக்கான ஒரு வழி மட்டுமே அன்று. அது, அதிகாரத்தின் அடையாளம் (a symbol of empowerment). ஒரு ஜனநாயகக் குடியரசில், அரசுத் துறைகளில் அனைத்து பிரிவினரும் போதுமான பிரதிநிதித்துவம் கொண்டு இருத்தல் வேண்டும். அப்போதுதான் நியாய அநியாயங்களைப் புரிந்து நடக்கிற நிர்வாகம் சாத்தியப்படும். அங்கேதான் எல்லாருக்கும் பொதுவான சமநீதி கிடைக்கும்.

சமய நம்பிக்கைகள், மரபுகள், பழக்க வழக்கங்களைக் கேள்வி கேட்பது நமது நோக்கம் அன்று. நிறைய படித்து நல்ல திறமையுடன் விளங்குகிற சகோதரிகள், அரசுப் பணிக்கு வருவதால், அரசு நிர்வாகத்தில் 'தர மாற்றம்' ஏற்படும்; பல முன்னேற்றங்களுக்கு வழி கோலும்.

பிற சமூகத்தைச் சேர்ந்த மகளிருக்கும் இந்தக் கோரிக்கை பொருந்தும். அதிகளவில் பெண்கள் அரசுப் பணிக்கு வருவதால், ஊழல் பெருமளவில் குறையும் என்று எதிர்பார்க்கலாம். அலுவலகங்களுக்கு வரும் சாமான்யர்களுக்கு, கனிவான பதிலும் மென்மையான அணுகுமுறையும் கிடைப்பதற்கு வாய்ப்புகள் கூடும்.

இந்தியாவில் வேறு எந்த மாநிலத்தை விடவும், தமிழ்நாட்டில் பெண் கல்வி, உச்ச நிலையை எட்டி உள்ளது. பட்டி தொட்டிகளில் கூட படித்த பெண்கள் மிகுந்துள்ளனர். இவர்களின் அறிவும் புலமையும் திறமையும் வீண் ஆகலாமா...? இவர்களின் ஆக்கபூர்வமான பங்களிப்பு, அவர்களின் குடும்பத்துக்கும் உதவ வேண்டும்; நாட்டுக்கும் பயன் பட வேண்டும்.

பணிப் பாதுகாப்பு, சட்ட பூர்வ நடைமுறைகள், விடுமுறை, மருத்துவ வசதிகள், எந்த விதத்திலும் தனி மனித உரிமைகளைப் பறிக்காத அலுவலக விதிமுறைகள்... எல்லாம் சேர்ந்து, அரசுப் பணி, மகளிருக்கு முற்றிலும் பொருந்தி வருகிற ஒன்றாகத் திகழ்கிறது.

இதோ... செப்டம்பர் 9 நெருங்கிக் கொண்டு இருக்கிறது. சற்றும் தாமதிக்க வேண்டாம். www.tnpsc.gov.in www.tnpscexams.net www.tnpscexams.in ஆகிய மூன்று இணையங்களில் ஏதேனும் ஒன்றின் மூலம், ‘ஆன்லைன்' விண்ணப்பம் சமர்ப்பிக்கவும்.

'ஒரு முறைப் பதிவு' கட்டணம் ரூபாய் 150 மட்டுமே.அடுத்து ஐந்து ஆண்டுகளுக்கு இது செல்லும். இது அல்லாமல், தேர்வுக் கட்டணம் சுமார் 100 ஆகலாம். நலிந்த பிரிவினருக்கு இக்கட்டணம் இல்லை. பிற்படுத்தப் பட்டோருக்கு, முதல் மூன்று தேர்வுகளுக்கு கட்டணம் இல்லை.

பாடப் புத்தகங்கள், செய்தித் தாள்கள் போன்றவை இருந்தால் போதும். கடந்த தேர்வுகளின் வினாத் தாட்களை பதிவிறக்கம் செய்து கொள்ளலாம். அத்தனை பாடங்களும் வழிகாட்டுக் குறிப்புகளும் இணையத்தில் இலவசமாகவே கொட்டிக்கிடக்கின்றன. வேறென்ன வேண்டும்...? வீட்டில் இருந்த படியே தயார் செய்து கொள்ளலாம்.

சுயமாகப் படித்து சொந்தமாகத் தயாரித்து, வெற்றி பெறுவதற்கு ஏற்ற போட்டித் தேர்வு உண்டு எனில் அது, 'டி.என்.பி.எஸ்.சி.' தேர்வுதான்.

புதிய செய்தி - puthiya seithi latest news and qr code

Thursday, August 16, 2018

ஆகஸ்ட் 27 முதல் பதஞ்சலியின் கிம்போ செயலி

பதஞ்சலி நிறுவனம் தன்னுடைய கிம்போ செயலியை மீண்டும் மறு அறிமுகம் செய்ய இருக்கிறது. கடந்த இரு மாதங்களுக்கு முன்பு இந்த செயலி அறிமுகம் செய்யப் பட்டது. ஆனால் அதில் பிரச்சினை ஏற்பட்டதால் கூகுள் பிளேஸ்டோ ரில் இருந்து நீக்கப்பட்டது. தற் போது தொழில்நுட்ப மாற்றங்களை செய்து மீண்டும் அறிமுகம் செய்ய இருக்கிறது. ஆகஸ்ட் 27-ம் தேதி முதல் இந்த செயலியை கூகுள் பிளே ஸ்டோரில் பதிவிறக்கம் செய்துகொள்ள முடி யும். அதேபோல ஆப்பிள் போனி லும் பதிவிறக்கம் செய்துக் கொள்ள முடியும் என அறிவிக்கப் பட்டிருக்கிறது. பதஞ்சலி நிறுவனத்தின் நிர்வாக இயக்குநர் ஆச்சார்யா பால் கிருஷ்ணா கூறும்போது, புதிய வசதிகளுடன் கிம்போ செயலி தயாராக இருப்பதாக தெரிவித்தார். மே மாதம் 31-ம் தேதி இந்த செயலி அறிமுகம் செய்யப்பட்டது. அப்போது பாதுகாப்பு ரீதியில் இந்த செயலி பலவீனமாக இருப்ப தாக பல வல்லுநர்கள் தெரிவித் திருந்தனர். தற்போது இந்த செய லியில் பாதுகாப்பு வசதிகள் செய் யப்பட்டுள்ளதாக தெரிவிக்கப்பட் டுள்ளது. செயலி அறிமுகம் செய்யப்பட்ட அடுத்த 12 நாட்களில் 10 லட்சம் நபர்கள் இதனை பதிவிறக்கம் செய் வார்கள் என எதிர்பார்க்கிறோம். பாபா ராம்தேவ் மற்றும் ஆச்சார்யா பால்கிருஷ்ணாவுடன் மத்திய சாலை போக்குவரத்து துறை அமைச்சர் நிதின் கட்கரி இந்த செயலியை அறிமுகம் செய்ய இருக்கிறார் என நிறுவனம் தெரிவித்திருக்கிறது. மே மாதம் அறிமுகம் செய்யப்பட்டபோது ஒரு நாள் மட்டுமே கூகுள் பிளேஸ்டோர் மற்றும் ஆப்பிள் ஸ்டோரில் இந்த செயலி இருந்தது. அன்றைய நாளில் 1.5 லட்சம் நபர்கள் இதனை பதிவிறக்கம் செய்தனர்.

புதிய செய்தி - puthiya seithi latest news and qr code

ராயப்பேட்டை ஒய்எம்சிஏ மைதானத்தில் சென்னை புத்தகத் திருவிழா 11 நாட்கள் நடைபெறும்  நாளை மாலை 5 மணிக்கு துணை முதல்வர் ஓபிஎஸ் தொடங்கி வைக்கிறார் 

சென்னை புத்தகத் திருவிழா ராயப்பேட்டை ஒய்எம்சிஏ மைதானத்தில் நாளை தொடங்க உள்ளது. தமிழ்நூல் வெளியீடு மற்றும் விற்பனை மேம்பாட்டுக் குழுமம் சார்பில் 4-வது சென்னை புத்தகத் திருவிழா ஆகஸ்ட் 17-ம் தேதி முதல் 27-ம் தேதி வரை நடைபெறுகிறது. ராயப்பேட்டை ஒய்எம்சிஏ மைதானத்தில் நடைபெறும் இந்தப் புத்தகத் திரு விழாவில் 200-க்கும் மேற்பட்ட அரங்குகள், கோடிக் கணக்கான புத்தகங்கள் இடம்பெற உள்ளன. புத்தகத் திருவிழாவை ஆகஸ்ட் 17-ம் தேதி மாலை 5 மணிக்கு துணை முதல்வர் ஓ.பன்னீர்செல்வம் தொடங்கி வைக்கிறார். நிகழ்ச்சியில் தமிழ் வளர்ச்சித் துறை அமைச்சர் க.பாண்டியராஜன், உயர் நீதிமன்ற முன்னாள் நீதிபதி து.அரிபரந்தாமன் உள்ளிட்டோர் கலந்துகொள்கின்றனர். வார நாட்களில் பிற்பகல் 2 மணி முதல் இரவு 8.30 மணி வரையும், விடுமுறை நாட்களில் காலை 11 மணி முதல் இரவு 9 மணி வரையும் புத்தகக் கண்காட்சி நடைபெறும். புத்தகத் திருவிழாவில் கவிதை வாசிப்பு, நாட்டுப்புற கலை நிகழ்ச்சிகள், சமூகம், அரசியல், சினிமா, சுற்றுச்சூழல் குறித்த கருத்தரங்கங்கள், வாசகர் வினாடி-வினா போட்டி ஆகியவை நடைபெற உள்ளன. விழாவின் நிறைவாக ஆகஸ்ட் 27-ம் தேதி 2017, 2018-ம் ஆண்டுகளில் வெளிவந்த சிறந்த நூல்களுக்கு பரிசுகள் வழங்கப்பட உள்ளன. புத்தகத் திருவிழாவின் சிறப்பு அம்சமாக எந்த புத்தகம் எங்கு உள்ளது என அறிய ஏற்பாடு செய்யப்பட்டுள்ளது. குலுக்கல் முறையில் தினமும் வாசகர்களுக்கு நூல் பரிசளிப்பு, புகைப்படம் எடுக்க சிறப்புப் பயிற்சி, புகைப்படக் கண்காட்சி, வாசகர்கள் தாங்கள் படித்த புத்தகம் குறித்து பதிவு செய்து காட்சிப்படுத்த ஏற்பாடுகள் செய்யப்பட்டுள்ளன. Facebook Google Twitter EmailShare © 2017 All Rights Reserved. Powered by Summit exclusively for The Hindu

புதிய செய்தி - puthiya seithi latest news and qr code

6 மாவட்டங்களில் கனமழைக்கு வாய்ப்பு 

வங்கக் கடலில் குறைந்த காற்றழுத்த தாழ்வு மண்டலம் நீடிப்பதால் நீலகிரி, கோவை, தேனி, திண்டுக்கல், நெல்லை, கன்னியாகுமரி மாவட்டங்களில் ஓரிரு இடங்களில் கனமழை முதல் மிக கனமழை வரை பெய்யும் என்று சென்னை வானிலை ஆய்வு மையம் தெரிவித்துள்ளது. இதுகுறித்து சென்னை வானிலை ஆய்வு மைய இயக்குநர் எஸ்.பாலச்சந்திரன் கூறியதாவது: வடமேற்கு வங்கக் கடல் பகுதியில் நிலை கொண்டிருந்த குறைந்த காற்றழுத்த தாழ்வுப் பகுதி, காற்றழுத்த தாழ்வு மண்டலமாக வலுப்பெற்று ஒடிசா கடற்கரைப் பகுதியில் புவனேஸ்வருக்கு தென்கிழக்கே சுமார் 30 கிலோ மீட்டர் தூரத்தில் நிலை கொண்டுள்ளது. இது மேற்கு, வடமேற்கு திசையில் நகர்ந்து செல்லக்கூடும். இந் நிலையில் ஈரப்பதத்துடன் கூடிய மேற்குதிசைக் காற்று, குறைந்த காற்றழுத்த தாழ்வு மண்டலத்தை நோக்கி, தமிழகப் பகுதிகள் வழியாக செல்லக்கூடிய நிலையில், அடுத்து வரும் 24 மணி நேரத்தில் மலைப்பகுதிகள் அடங்கிய நீலகிரி மற்றும் வால்பாறை உள்ளிட்ட கோவை மாவட்டப் பகுதிகளில் ஓரிரு இடங்களில் மிக கனமழை பெய்யும். தேனி, திண்டுக்கல், நெல்லை, கன்னியாகுமரி மாவட்டப் பகுதி களில் ஒரு சில இடங்களில் கனமழை முதல் மிக கனமழை வரை பெய்யும். தமிழகம் மற்றும் புதுச்சேரியின் அனேக பகுதிகளில் லேசானது முதல் மிதமானது வரை மழை பெய்யும். சென்னை மற்றும் புறநகர் பகுதிகளில் இடைவெளி விட்டு சில முறை மிதமான மழை பெய்யும். மீனவர்கள் வடக்கு ஆந்திர கடற்கரை மற்றும் வடக்கு வங்கக்கடல் பகுதிகளுக்கு இன்று செல்ல வேண்டாம். இவ்வாறு அவர் கூறினார். கடந்த 24 மணி நேரத்தில் அதிகபட்சமாக செங்கோட்டையில் அதிகபட்சமாக 270 மிமீ, சின்னக் கல்லாரில் 210 மிமீ, பேச்சிப் பாறையில் 200 மிமீ மழை பதிவாகி உள்ளது.

புதிய செய்தி - puthiya seithi latest news and qr code

டெல்லி ஆஸ்பத்திரியில் சிகிச்சை பெறும் வாஜ்பாய் உடல்நிலை கவலைக்கிடம்

டெல்லி ஆஸ்பத்திரியில் சிகிச்சை பெறும் முன்னாள் பிரதமர் வாஜ்பாயின் உடல்நிலை கவலைக்கிடமாக உள்ளது. முன்னாள் பிரதமரும், பாரதீய ஜனதா மூத்த தலைவருமான வாஜ்பாய் (வயது 93) முதுமை மற்றும் உடல்நல குறைவின் காரணமாக டெல்லியில் உள்ள வீட்டிலேயே சிகிச்சை பெற்று வந்தார். அவருக்கு சிறுநீரக தொற்று ஏற்பட்டதாலும், உடல்நிலை பாதிக்கப்பட்டதாலும் கடந்த ஜூன் மாதம் 11-ந் தேதி அங்குள்ள அகில இந்திய மருத்துவ விஞ்ஞான கழக ஆஸ்பத்திரியில் (எய்ம்ஸ்) அனுமதிக்கப்பட்டார். சமீபத்தில் உள்துறை மந்திரி ராஜ்நாத் சிங் ஆஸ்பத்திரிக்கு சென்று வாஜ்பாயின் உடல்நிலை பற்றி விசாரித்தார். கடந்த சில நாட்களாக வாஜ்பாயின் உடல்நிலை மோசமாக இருப்பதாக கூறப்பட்டது. இந்த நிலையில், பிரதமர் மோடி நேற்று மாலை எய்ம்ஸ் ஆஸ்பத்திரிக்கு சென்று வாஜ்பாயை பார்த்தார். அவரது உடல்நிலை குறித்து டாக்டர்களிடம் கேட்டு அறிந்தார். மத்திய ஜவுளித்துறை மந்திரி ஸ்மிரிதி இரானியும் ஆஸ்பத்திரிக்கு சென்று வாஜ்பாயின் உடல்நிலை பற்றி விசாரித்தார். இந்த நிலையில், கடந்த 24 மணி நேரமாக வாஜ்பாயின் உடல்நிலை மிகவும் மோசம் அடைந்துள்ளதாகவும், அவர் கவலைக்கிடமாக இருப்பதாகவும் எய்ம்ஸ் ஆஸ்பத்திரி நிர்வாகம் நேற்று இரவு அறிவித்தது. உயிர் காக்கும் உபகரணங்களுடன் அவருக்கு தீவிர சிகிச்சை அளிக்கப்பட்டு வருவதாகவும் தெரிவிக்கப்பட்டு உள்ளது.


புதிய செய்தி - puthiya seithi latest news and qr code

Wednesday, August 15, 2018

பெண்களுக்கு எதிரான வன்முறைக்கு கடுமையான தண்டனை தேவை -நடிகை கீர்த்தி சுரேஷ்

தமிழ் பட உலகுக்கு வந்த சமீபத்திய கதாநாயகிகளில் குறுகிய காலத்தில் மளமளவென வளர்ந்து இருப்பவர், கீர்த்தி சுரேஷ். வசீகர சிரிப்பாலும், துடுக்குத்தன நடிப்பாலும் ரசிகர் பட்டாளத்தை ஈர்த்து இருக்கிறார். 2013-ல் ‘கீதாஞ்சலி’ என்ற மலையாள படத்தில்தான் இவருக்கு கதாநாயகியாக அறிமுகம் கிடைத்தது. அடுத்த 2 வருடங்களுக்கு பிறகு ‘இது என்ன மாயம்’ படம் மூலம் தமிழ் பட உலகுக்கு வந்தார்.

அதன்பிறகு, ‘ரஜினிமுருகன்’ படத்தின் வெற்றி அவரை பிரபலமாக்கியது. தொடரி, ரெமோ, பைரவா, தானா சேர்ந்த கூட்டம் என்று தொடர்ந்து பட வாய்ப்புகள் குவிந்தன. மறைந்த நடிகை சாவித்திரியின் வாழ்க்கையை மையமாக வைத்து தயாரான ‘நடிகையர் திலகம்’ படம் இவருக்கு பெரிய திருப்பு முனையாக அமைந்து திறமையான நடிகை என்ற அங்கீகாரத்தை பெற்று கொடுத்தது.

கீர்த்தி சுரேஷ் இப்போது முன்னணி கதாநாயகிகள் பட்டியலில் இருக்கிறார். விஜய் ஜோடியாக சர்கார், விக்ரமுடன் சாமி-2, விஷாலுடன் சண்டக்கோழி-2, சிவகார்த்திகேயனுடன் சீமராஜா என்று ‘பிஸி’யாக இருக்கிறார். தெலுங்கு பட உலகிலும் முக்கிய இடத்தை பிடித்துள்ளார். திரையுலக பயணம் குறித்து கீர்த்தி சுரேஷ் மனம் திறந்து சொன்னவை:-

“நான் நடிகையாவேன் என்று நினைக்கவில்லை. ஆடை வடிவமைப்புக்குத்தான் படித்தேன். அப்பா தயாரிப்பாளர் என்பதால் அவரது படங்களில் ஆடை வடிவமைப்பாளராக பணியாற்றலாம் என்று கருதி அந்த பாடத்தை தேர்வு செய்தேன். ஆனால், சூழ்நிலை என்னை கதாநாயகியாக்கி விட்டது. இப்போது ஆடை வடிவமைப்புக்கு படித்தது எனக்கு உதவியாக இருக்கிறது. கதாநாயகிகளுக்கு ஆடை வடிவமைப்பு பற்றிய அறிவும், அனுபவமும் ரொம்ப முக்கியம்.

நான் அறிமுகமான ‘கீதாஞ்சலி’ மலையாள படத்தை மறக்கவே முடியாது. படப்பிடிப்பில் தொழிலாளியாக இருப்பவரில் இருந்து நடிகர்கள், இயக்குனர் வரை எல்லோருக்கும் மரியாதை கொடுக்க வேண்டும் என்று அம்மா (நடிகை மேனகா) கற்றுக்கொடுத்தார். அதை கடைபிடித்து வருகிறேன். தமிழில் நல்ல கதைகளும், கதாபாத்திரங்களும் எனக்கு அமைகின்றன.

சினிமாவில் என்னை விட அனுபவமும், திறமையும் உள்ள நடிகைகள் நிறைய பேர் இருக்கிறார்கள். அவர்கள் மத்தியில் எனக்கு நல்ல கதைகளும் கதாபாத்திரங்களும் அமைவதற்கு அதிர்ஷ்டம்தான் காரணம். அதிர்ஷ்டத்தை மட்டுமே நம்பி இருந்தாலும் பயன் இல்லை. திறமையும் வேண்டும். திறமை இல்லாமல் சினிமாவில் நிலைத்து இருக்க முடியாது. கதைகளை தேர்வு செய்வதில் கவனமாக இருக்கிறேன். இந்த கதையில் நடித்தால் சிறப்பாக இருக்கும் என்று என் மனது சொன்னால் மட்டுமே ஒப்புக்கொள்கிறேன்.

தமிழில் அத்தனை முன்னணி கதாநாயகர்களுடனும் நடிக்க வேண்டும் என்று எனக்குள் இருந்த ஆசை நிறைவேறி இருக்கிறது. விஜய் ரசிகையாக இருந்த எனக்கு ‘பைரவா’ படத்தில் அவருக்கு ஜோடியாக நடிக்க வாய்ப்பு கிடைத்ததை நம்பவே முடியவில்லை. மிகவும் சந்தோஷப்பட்டேன். படப்பிடிப்பில், ‘ரஜினிமுருகன்’ படத்தில் நான் சிறப்பாக நடித்து இருந்ததாகவும், பாடல் காட்சியில் எனது கண் அசைவுகள் நன்றாக இருந்ததாகவும் விஜய் பாராட்டியது உற்சாகத்தை கொடுத்தது.

ஒவ்வொரு படத்திலும் வித்தியாசமான கதாபாத்திரங்களில் நடிக்க வேண்டும் என்ற ஆசை இருக்கிறது. நான் எதிர்பார்த்தபடியே படங்களும் அமைகின்றன. ‘நடிகையர் திலகம்,’ எனது வாழ்க்கையில் முக்கிய படமாக அமைந்து விட்டது. டைரக்டரும் தயாரிப்பாளரும் என்னை அணுகி கதை சொன்னபோது சாவித்திரியாக என்னால் நடிக்க முடியுமா? என்று சந்தேகப்பட்டேன். பயமும் ஏற்பட்டது.

ஆனால் அவர்கள் தைரியம் கொடுத்து நடிக்க வைத்தார்கள். சாவித்திரியின் படங்களை பார்த்தும் அவரது உறவினர்களை சந்தித்து தகவல்கள் சேகரித்தும், புத்தகங்கள் படித்தும் சாவித்திரியாக என்னை உருமாற்றினேன். தினமும் 4 மணிநேரம் மேக்கப் போட்டு, திரவ உணவை மட்டும் சாப்பிட்டு 120 வகை ஆடைகள் அணிந்து 6, 7 மணி நேரம் வரை கஷ்டப்பட்டு நடித்ததை என்னால் இப்போதும் மறக்க முடியவில்லை.

அந்த படத்துக்கு கிடைத்த வரவேற்பு என்னை மகிழ்ச்சியில் திளைக்க வைத்துள்ளது. எங்கு போனாலும், அந்த படத்தை பற்றித்தான் பேசுகிறார்கள். எனது நடிப்பை பாராட்டுகிறார்கள். சாவித்திரி போலவே நான் இருந்ததாக புகழ்கிறார்கள். சினிமாவுக்கு வந்த பெரும் பயன் இந்த படம் மூலம் எனக்கு கிடைத்து விட்டது. நான் இப்போது முன்னணி நடிகர்களுடன் அதிகமான படங்களில் நடித்து வருகிறேன்.

சம்பளத்தை உயர்த்தி விட்டதாக வதந்திகள் பரவி உள்ளன. அதில் உண்மை இல்லை. பணத்தை எதிர்பார்த்து நடிக்கவில்லை. நல்ல கதையம்சம் உள்ள படங்களில் நடிக்க வேண்டும் என்பதே எனது விருப்பமாக இருக்கிறது. இந்தியில் வந்த ‘குயீன்’ படம் எனக்குள் பெரிய தாக்கத்தை ஏற்படுத்தியது. அதில் கங்கனா ரணாவத் பிரமாதமாக நடித்து இருந்தார். அதுபோல் சவாலான கதாபாத்திரங்களில் நடிக்க விரும்புகிறேன்.

சமீபகாலமாக பெண்களுக்கு எதிரான வன்முறைகள் அதிகம் நடக்கின்றன. கடுமையான தண்டனைகள் மூலமாக அவற்றை கட்டுப்படுத்த வேண்டும்.

அனைவரும் சுதந்திரமாக வாழ்வதை உறுதி செய்வதுதான் இந்த சுதந்திரநாளில் நாம் எடுத்துக்கொள்ளும் சபதமாக இருக்க வேண்டும். பல துறைகளில் நாம் உயர்வு பெற்று இருந்தாலும், பெண்களுக்கு எதிராக நடக்கும் வன்முறைகள் வேதனை தருகிறது. அவர்கள் சுதந்திரமாக வாழ வழிசெய்ய வேண்டியது முக்கியம்.” என்றார்.

புதிய செய்தி - puthiya seithi latest news and qr code

TNPSC - GROUP-IV CERTIFICATE UPLOAD FRO E SEVA CENTERS - 30.08.2018 AND 18.09.2018

தமிழ்நாடு அரசுப் பணியாளர் தேர்வாணையம் செய்திக் குறிப்பு தமிழ்நாடு அரசுப் பணியாளர் தேர்வாணையம் அறிவிக்கை எண் 23/2017 ன் படி தொகுதி 4 ல் அடங்கிய பதவிகளுக்கான எழுத்துத் தேர்வினை 11.02.2018 அன்று நடத்தி அதற்கான தேர்வு முடிவுகளை (தரவரிசைப் பட்டியல்) 30.07.2018 அன்று வெளியிட்டது. அறிவிக்கையில் வெளியிடப்பட்ட காலிபணியிடங்களின் எண்ணிக்கையை விட கூடுதலாக காலிப்பணியிடங்கள் கண்டறியப்பட்டு இந்த தெரிவுக்கென சேர்க்கப்பட்டுள்ளன. இதற்கான சான்றிதழ் பதிவேற்றம் செய்யப்படவேண்டிய தேதி 16.08.2018 முதல் 30.08.2018 வரை நிர்ணயிக்கப்பட்டிருந்தது. கூடுதல் காலிப்பணியிடங்கள் பெறப்பட்டதன் காரணமாக இன சுழற்சி அடிப்படையில் எந்தெந்த வகுப்பினருக்கு துறைவாரியாக எத்தனை காலிப்பணியிடங்கள் உள்ளன என்பதை கணக்கிட்டு அதற்குறிய சான்றிதழ் பதிவேற்றம் செய்யவேண்டிய விண்ணப்பதாரர்களின் எண்ணிக்கையை கண்டறிய கூடுதலாக கால அவகாசம் தேவைப்படுகிறது. எனவே சான்றிதழ் பதிவேற்றம் செய்யவேண்டிய விண்ணப்பதாரர்களின் பட்டியல் 27.08.2018 அன்று தேர்வாணையத்தின் இணைய தளத்தில் வெளியிடப்படும். அவ்வாறு சான்றிதழ் சரிபார்ப்புக்குத் தெரிவு செய்யப்பட்ட விண்ணப்பதாரர்கள் 30.08.2018 முதல் 18.09.2018 வரை, தமிழ்நாடு அரசு கேபிள் டி.வி நிறுவனத்தால் நடத்தப்படும் அரசு இ-சேவை மையங்களில் மட்டுமே ஸ்கேன் செய்து பதிவேற்றம் செய்ய வேண்டும். இச்சேவைக்கென தெரிவு செய்யப்பட்டுள்ள அரசு இ-சேவை மையங்களின் முகவரிகள் தேர்வாணையத்தின் இணையதளத்தில் வெளியிடப்பட்டுள்ளது. பதிவேற்றம் செய்ய விண்ணப்பதாரர்கள் அசல் சான்றிதழ்களைக் கொண்டுவர வேண்டும். விண்ணப்பதாரகள் விண்ணப்பத்தில் பதிவு செய்துள்ள விவரங்களுக்கு அதற்குறிய சான்றிதழ்களை கண்டிப்பாகப் பதிவேற்றம் செய்ய வேண்டும். ஒருவேளை விண்ணப்பத்தில் தவறான தகவல்களை பதிவு செய்து, அதற்கான சான்றிதழ் அவர்களிடம் இல்லை எனில் தங்களிடம் சான்றிதழ் இல்லை என்பதை குறிப்பிட்டு தேர்வுக்கட்டுப்பாடு அலுவலருக்கு ஒரு கடிதம் எழுதி கையொப்பமிட்டு அதனை ஸ்கேன் செய்து உரிய இணைப்பில் பதிவேற்றம் செய்ய வேண்டும். சான்றிதழ் பதிவேற்றம் செய்யப்படாத விண்ணப்பதாரர்களின் விண்ணப்பம் நிராகரிக்கப்படும். விண்ணப்பத்தில் தெரிவித்துள்ள ஏதேனும் சில விவரங்களுக்கு மட்டும் உரிய சான்றிதழ்களை பதிவேற்றம் செய்யவில்லை எனில் அவர்களது விண்ணப்பம் நிராகரிக்கப்பட வாய்ப்புள்ளது. இதுகுறித்து சந்தேகங்கள் ஏதும் இருப்பின் 044-25300336, 044-25300337 தொலைபேசி எண்களிலும் மற்றும் 1800 425 1002 என்ற கட்டணமில்லாத் தொலை பேசியிலும் தொடர்புகொள்ளலாம். இரா. சுதன், இ.ஆ.ப., தேர்வுக்கட்டுப்பாடு அலுவலர்

புதிய செய்தி - puthiya seithi latest news and qr code

ஆச்சரியம் அளிக்கும் அமேசானின் ‘அலெக்ஸா’

தொழில்நுட்ப வளர்ச்சி நாளுக்கு நாள் விஸ்வரூபம் எடுத்துக்கொண்டே உள்ளது. புதுப் புது வரவுகள் இதைத்தான் உணர்த்துகின்றன. மனிதர்களின் கட்டுப்பாட்டில் இயங்கும் ரோபட்டுகள் ஒரு வகை. அதுபோல நமது குரல் கட்டளைக்கு ஏற்ப செயல்படும் கருவிகள் வரத்தொடங்கியுள்ளன. அந்த வரிசையில் ஆன்லைனில் பொருள்களை விற்பனை செய்யும் அமேசான் நிறுவனத்தின் ‘அலெக்ஸா’ மிகவும் பிரபலமானது. ‘அலெக்ஸா’ என்பது ஒரு ‘மெய்நிகர் உதவியாளர்’. ஆங்கிலத்தில் சொல்வதென்றால் விர்ச்சுவல் அசிஸ்டன்ட் ( Vi-r-t-u-al As-s-i-t-a-nt ). உருளை போன்ற தோற்றத்தில், ஒரு டம்ளர் போன்ற தோற்றத்தில் இருக்கும் ஸ்பீக்கர் போன்று காட்சியளிக்கும் ‘அலெக்ஸா’ இன்டர்நெட் இணைப்பு மூலம் இயங்கக்கூடியது. இது நம் வீட்டில் உள்ள ஸ்மார்ட் கருவிகளுடன் இணைந்து செயல்படும். உதாரணத்திற்கு நம் வீட்டில் உள்ள ஸ்மார்ட் ரெப்ரிஜ்ரேட்டருடன் ‘அலெக்ஸா’ இணைந்து செயல்படும். அதாவது பிரிட்ஜில் உள்ள உணவுப்பொருள் காலியாகி விட்டால் இதை ‘அலெக்ஸா’ அறிந்துகொண்டு சூப்பர் மார்க்கெட்டுக்கு தகவல் கொடுத்து பொருட்களை தருவிக்கும். அல்லது உங்களுக்கு பிரிட்ஜில் இருந்த பிரட் தீர்ந்து விட்டது என்று தகவல் சொல்லும். இதுமட்டுமல்ல அதன் பணிகள் இன்னும் ஆச்சரியம் தரும். இதோ அவற்றில் சில... ஊருக்குப் புறப்படுகிறீர்கள், அலெக்சாவுக்கு கட்டளையிட்டால் போதும். அது உபெர் அல்லது ஓலாவுக்கு போன் செய்து உங்களுக்கான காரை பதிவு செய்து வீட்டு வாசலுக்கு வரவழைத்துவிடும். இதற்கு உங்களது ஓலா மற்றும் உபெர் அக்கவுண்ட்டை இதனுடன் இணைத்திருந்தால் போதும். அடுத்து அமேசானில் பொருள்களை வெகு எளிதாக ஆர்டர் செய்யலாம். உதாரணத்துக்கு நீங்கள் ஒரு பல்பு வாங்க விரும்பினால், இதற்கு முன் உங்கள் வீட்டில் பயன்படுத்தும் பல்புகளின் விவரத்தை எடுத்துத் தரும். வார விடுமுறை மனைவிக்கு சமையலறையிலிருந்து விடுமுறை அளிக்க முடிவு செய்கிறீர்கள். இதற்கும் அலெக்ஸா உதவும். ஜொமோட்டோவில் உங்களது ஆர்டரை ஏற்று வீட்டுக்கு உணவுகளை வரவழைக்கும். வேறு வேலையாக இருக்கிறீர்கள். கிரிக்கெட் பார்க்க நேரமில்லை. அப்போது ஸ்கோரை கேட்டால் அலெக்ஸா துல்லியமாக தரும். உலகின் எந்த மூலையில் நிகழ்ந்த செய்தியையும் இது உங்களுக்குத் தரும். இதனால் உட்கார்ந்த இடத்திலிருந்தே நாட்டு நடப்புகளை தெரிந்து கொள்ள முடியும். போரடிக்கும்போது இசை கேட்கலாம். இந்தியாவில் அமேசான் பிரைம் வசதி இல்லாவிட்டாலும், இதன் மூலம் பாடல்களைக் கேட்டு மகிழலாம். வேலைப் பளு, வீட்டுக்கு வந்தால் சோர்வு, உங்களது மன அழுத்தத்தைப் போக்க ஜோக்குகளையும் இது அள்ளித் தரும். உங்களை மகிழ்ச்சியில் ஆழ்த்தும். மொபைலில் விளையாட்டுகளைத் தேர்வு செய்து உங்களை மகிழ்ச்சியில் ஆழ்த்தும். உங்கள் நண்பர் அல்லது உறவினர் வீட்டில் அலெக்ஸா இருந்தால் அவரையும் உங்கள் வீட்டிலுள்ள அலெக்ஸா மூலம் அழைத்து பேசலாம். புதிய மாடலில் ஸ்கிரீனும் உள்ளது. இதனால் நீங்கள் இந்திய பிரதமர் யார் என்று கேட்டால், விக்கி பீடியாவில் உள்ள அவரது உருவம் தோன்றி உங்களது கேள்விக்கு விடையளிக்கும். மூன்று ஆண்டுகளுக்கு முன்பு அறிமுகப்படுத்திய அலெக்சா, ஆசிய சந்தையில் கடந்த ஆண்டு அறிமுகமானது. தற்போது இந்திய சந்தையிலும் இது விற்பனைக்கு வந்துவிட்டது. நமது வாழ்க்கையை எளிமையாக்கவும், மகிழ்ச்சியாக்கவும் தொழில் நுட்பங்களின் புதிய வரவுகள் வரத்தொடங்கியுள்ளன.

புதிய செய்தி - puthiya seithi latest news and qr code

எண்ணெய் இன்றி பொரிக்க உதவும் ‘ஏர் பிரை’

எண்ணெயில் பொரிக்கப்படும் உணவுகளை சாப்பிடுவதால் உடலில் கொழுப்பு சத்து அதிகரிக்கிறது. சுவையான உணவைக் காட்டிலும் சத்தான உணவை சாப்பிட வேண்டும் என்ற சிந்தனை மக்களிடம் அதிகரித்து வருகிறது. எண்ணெய் இன்றி, அதே நேரத்தில் உணவின் சுவை மாறாமல் பொரிக்க உதவுவதுதான் ‘ஏர் பிரை’. சமையலறையில் நவீன வரவான ஏர் பிரையரில் வெப்பக் காற்று பரவி உணவை சமைக்க உதவுகிறது. இதனால் எண்ணெய் வைத்து பொரிக்க வேண்டியதில்லை. இதில் 360 டிகிரி பாரன் ஹீட் வரை வெப்பம் பரவும். இதனால் சிக்கன் உள்ளிட்ட அசைவ உணவுகளையும் சுவைபட சமைக்க முடியும். கடாயில் எண்ணெய் ஊற்றி பொரிப்பதை விட ஏர் பிரை மூலம் பொரிப்பது சிறந்தது. ஏர் பிரையில் காய்கறி, அசைவ உணவுகளை சமைப்பதற்கு எண்ணெய் அவசியமில்லை. உணவின் மீது லேசாக எண்ணெய் தடவியிருந்தாலே அது மொறுமொறுப்பான சுவையை அளிக்கும், தேவைப்பட்டால் மிகக் குறைந்த அளவில் சமையல் எண்ணெய்யை பயன்படுத்திக் கொள்ளலாம். வழக்கமாக எண்ணெயில் பொரிப்பதை விட 80 சதவீத அளவுக்கு குறைவான எண்ணெயே போதுமானது. ஆரோக்கியமான சமையலுக்கு உதவும் இந்த புதிய வரவுக்கு பெண்கள் தரப்பில் அமோக ஆதரவு கிடைத்துள்ளது.

புதிய செய்தி - puthiya seithi latest news and qr code

புதிய போன் வாங்கப்போறீங்களா? ஒரு நிமிஷம்... இதைப்படிங்க...

புதிய போன் வாங்கப்போறீங்களா? ஒரு நிமிஷம்... இதைப்படிங்க...


புதிதாக ஒரு மொபைல் வாங்க வேண்டுமெனில் நீங்கள் கவனத்தில் எடுத்து கொள்ள வேண்டிய விஷயங்களை பற்றி பார்க்கலாம்:

* முதலில் உங்கள் பட்ஜெட் என்ன என்பதை தீர்மானித்து கொள்ளுங்கள்.

* அடுத்ததாக அந்த விலைக்குள் கிடைக்கக்கூடிய மொபைல் போன்களை பட்டியலிடுங்கள்.

* அந்த பட்டியலில் இருந்து தரமான கம்பெனி மொபைல்களை தேர்ந்தெடுங்கள்.

* சமீபத்தில் வெளியான மொபைல் போனை தேர்வு செய்வதே சிறந்தது. ஏனெனில் அதில் தான் புதிதாக நிறைய சிறப்பம்சங்கள் சேர்க்கப்பட்டிருக்கும்.

* நீங்கள் வாங்க நினைக்கும் போனில் ‘பிராஸசர்’ (pr-o-c-e-s-s-or) திறன் எவ்வளவு என்பதை கவனிக்க வேண்டியது மிக முக்கியம். இதை பொறுத்தே போனின் செயல்திறனும், பேட்டரியும் அமையும். உங்களுடைய பட்ஜெட் 7 ஆயிரம் ரூபாய் எனில் ஸ்னாப்ட்ராகன் 425 அல்லது 430 பிராஸசர் நல்ல தேர்வாகும். 10 ஆயிரம் ரூபாய் எனில், ஸ்னாப்ட்ராகன் 625 அல்லது 630 பிராஸசர் நீடித்த செயல்திறன் கொண்டதாகும்.

* மீடியாடெக் பிராஸசர்கள் இரண்டு ஆண்டுகள் வரை மட்டுமே உழைக்கின்றன. எனவே ஸ்னாப்ட்ராகன் தேர்ந்தெடுப்பது நன்மை பயக்கும்.

* போன் ‘டிஸ்பிளே’ 18:9 என்ற விகிதத்தில் இருப்பது நல்லது. இதனால் திரையில் தோன்றும் காட்சி பெரிதாகவும் தெளிவாகவும் இருக்கும்.

* நல்ல கேமரா அம்சம் பலருடைய முக்கிய எதிர்பார்ப்பாகும். 16 மெகா பிக்ஸல் திறன்கொண்ட டூயல் கேமராக்கள் முன்னும் பின்னும் அமையப்பெற்றது நல்ல தேர்வாகும்.

* மேலும் தானாகவே செயல்படும் சென்சார்கள், ஹெட்போன் உபயோகிக்ககூடிய அமைப்புகள், விரைவாக சார்ஜ் ஆகக்கூடிய பேட்டரி ஆகியவைகளையும் கருத்தில் கொண்டு நம்முடைய பட்ஜெட்டுக்குள் நல்ல மொபைல் போனை தேர்வு செய்யலாம்.

* உங்கள் தேவை மற்றும் பயன்பாட்டுக்கு ஏற்ப ரேம் மற்றும் பேட்டரியை தேர்வு செய்வது நல்லது.

புதிய செய்தி - puthiya seithi latest news and qr code

நோக்கியாவின் அதிரடி தயாரிப்புகள்

செல்போன் தயாரிப்பில் முன்னணியில் உள்ள நோக்கியா நிறுவனம் சமீபத்தில் நோக்கியா-3, நோக்கியா-5 மற்றும் நோக்கியா-6 என்ற பெயரில் தனது தயாரிப்புகளை அறிமுகப்படுத்தியுள்ளது. அதன் சிறப்புகளை இங்கே காண் போம்.

நோக்கியா-3

இதன் விலை சுமார் ரூ. 9,499. விலை குறைந்த ஸ்மார்ட் போன்களில் முன்னணியில் உள்ள போன் இதுவாகும். பாலிகார்பனேட் பாடி மற்றும் அலுமினியம் பிரேம் கொண்டது. 5 அங்குல டிஸ்பிளே, சிங்கிள் மற்றும் டுயல் சிம் வசதிகள், 8 எம்.பி. கேமரா, காரினிங் கொரில்லா கிளாஸ் திரை, ஆண்ட்ராய்ட் நவ்கட் ஓ.எஸ். 2 ஜி.பி. ரேம், 16 ஜி.பி. இன்டர்னல் மெமரி, 1.3 ஜிகாஹெர்ட்ஸ் பிராஸசர், 2650 mAh பேட்டரி, LTE 4நி இணைப்பு வசதி ஆகியவை உள்ளன.

நோக்கியா-5

இந்த போன் சுமார் ரூ. 12,899 விலை கொண்டதாகும். 5 அங்குல பொலரைய்ட் HD காட்சி திரை கொரில்லா கண்ணாடியுடன் ஆனது. ஆண்ட்ராய்ட் 7.1.1 நவ்கட் மென்பொருள், ஸ்னாப்ட்ரகன் 330 பிராஸசர், 2 ஜி.பி. ரேம், 8 மெகா பிக்ஸல் கேமரா, ஆட்டோ போகஸ் வசதி, 4 ஜி இணைப்பு வசதி, 16 ஜி.பி. சேமிப்பு வசதியும் இதை 128 ஜி.பி. வரை விரிவுபடுத்தி பயன்படுத்தும் வசதியும் இந்த போனில் உள்ளது.

நோக்கியா-6

இதன் விலை சுமார் ரூ. 14,999 ஆகும். திரையின் அளவு 5.5 அங்குலம், HD தரத்திலானது. கொரில்லா கண்ணாடி, கைரேகை சென்சார், ஆண்ட்ராய்ட் 7 நவ்கட் மென்பொருள், ஸ்னாப் டிராகன் 430 பிராஸசர், 3 ஜி.பி. ரேம், 32 ஜி.பி. சேமிப்பும் இதை 128 ஜி.பியாக விரிவுபடுத்தி பயன்படுத்த முடியும். 16 பிக்ஸல் கேமரா மற்றும் டால்பி ஒலி வசதியும் இதில் உண்டு.

புதிய செய்தி - puthiya seithi latest news and qr code

கேமிங் லேப்டாப் விலை ரூ. 8 லட்சம்!

‘ஏசூஸ்’ நிறுவனம் கம்ப்யூட்டரில் விளையாடுவோருக்கென பிரத்யேகமான லேப்டாப்பை உருவாக்கி வெளியிட்டுள்ளது. ‘ஏசூஸ் ஆர்.ஓ.ஜி. ஜி.எக்ஸ் 800’ என்ற பெயரில் இந்தியாவில் விற்பனைக்கு வந்திருக்கும், இந்த லேப்டாப்பின் விலை ரூ.8 லட்சமாகும். மெக்கானிக்கல் கீ போர்டு அதாவது விளையாட்டுப் பிரியர்களுக்கான ஜாய் ஸ்டிக்கும் இந்த லேப்டாப்பில் உள்ளது. க்வாட் கோர் 2.9 கிகாஹெர்ட்ஸ் இன்டெல் கோர் ஐ7 7820 ஹெச்கே பிராசஸர், 64 ஜிபி ரேம் மற்றும் மூன்று 512 ஜிபி பிசிஎல்இ எஸ்எஸ்டி ஸ்டோரேஜ் வசதி கொண்டுள்ளது. இது 18.4 அங்குல எல்.இ.டி. பேக்லைட் திரையுடன் வந்துள்ளது. இடையூறின்றி விளையாடும் வகையில் இது உருவாக்கப்பட்டுள்ளது. 3 யுஎஸ்பி போர்ட்களை இணைக்கலாம். கிகாபிட் எதர்நெட், ஹெச்டிஎம்ஐ போர்ட், மினி டிஸ்பிளே போர்ட், தண்டர்போல்ட் 3.0 மற்றும் 10 ஜிபிபிஎஸ் மற்றும் யுஎஸ்பி 3.1 (இரண்டாம் தலைமுறை) உள்ளிட்டவை இதில் உள்ள சிறப்பம்சமாகும். நீண்ட நேரம் விளையாடினாலும் பிராசஸர் மற்றும் கிராபிக் கார்டு சூடேறுவதை தடுக்கும் வசதியும் உள்ளது.

புதிய செய்தி - puthiya seithi latest news and qr code

‘நீங்கள் விரும்பும் வேகம்’ ஒன் பிளஸ் 6 அறிமுகம்

ஒரு மொபைல் போனை வாங்கவும், அதன் அறிமுக விழாவைக் காணவும் இத்தனை ரசிகர்களா என்று ஆச்சரியம் தந்த விழா அது. மும்பையில் நடந்த விழாவில் பங்கேற்ற பெருந்திரளான மக்கள் கூட்டத்தைக் கண்டபிறகுதான், அறிமுக விழாவுக்கு ஏன் பிரம்மாண்டமான உள்ளரங்கைத் தேர்ந்தெடுத்தார்கள் என்பது புரிந்தது. சீனாவின் மிகவும் பிரபலமான ஸ்மார்ட்போன் பிராண்டுகளில் ‘ஒன் பிளஸ்’ மிகவும் பிரபலம். அமெரிக்கா மற்றும் ஐரோப்பிய நாடுகளில் இதற்கென தனி ஒன் பிளஸ் சமூகமே உள்ளனர். இந்தியாவிலும் இத்தகைய குழுவினர் உருவாகி வருவதை ஒன் பிளஸ் 6 அறிமுக விழாவில் பார்க்க முடிந்தது. ஆப்பிள் போனுக்கு அடுத்தபடியாக மிகுந்த எதிர்பார்ப்பு ஒன் பிளஸ் ஸ்மார்ட்போனுக்கு உள்ளது. இது 6.28 அங்குல திரை கொண்டது. முந்தைய மாடலைவிட பெரிய திரையை இது கொண்டுள்ளது. குவால்காம் ஸ்நாப்டிராகன் 845 தொழில்நுட்பத்துடன் இது தயாரிக்கப்பட்டுள்ளது. இந்நிறுவனம் இதுவரை தயாரித்துள்ள ஸ்மார்ட்போன்களில் அதி விரைவான செயல்பாடுகளைக் கொண்ட ஸ்மார்ட்போன் ஒன் பிளஸ் 6 என்று பெருமையுடன் கூறுகிறது. இந்த ஸ்மார்ட்போன் வழக்கம்போல அமேசான் இணையதளத்தின் மூலமே வாங்க முடியும். இதில் 1 கிகா பைட் டவுன்லோட் ஸ்பீட் உள்ளதால், பதிவிறக்கம் மிக விரைவாக நடைபெறும். கொரில்லா கிளாஸ் 5 இதில் பயன்படுத்தப்பட்டுள்ளது. வழக்கமாக முன்புறத்தில் மட்டுமே கண்ணாடி பயன்படுத்தப்படும். ஆனால் ஒன் பிளஸ் 6 ஸ்மார்ட்போனில் முன்புறம் மட்டுமின்றி பின்பகுதியும் கண்ணாடியால் ஆனது. மிகவும் சிறப்பான வளைவுகளைக் கொண்டிருப்பதால் பார்ப்பதற்கு மிகவும் அழகிய தோற்றத்துடன் இது விளங்குகிறது. மிரர் பிளாக், மிட்நைட் பிளாக் மற்றும் மிகக் குறைந்த எண்ணிக்கையில் சில்க் வொயிட் வண்ணத்தில் இது வெளி வந்துள்ளது. இதில் 16 மெகா பிக்ஸல் கேமிரா மற்றும் 20 மெகா பிக்ஸல் இரண்டாவது கேமிரா உள்ளது. இதில் 16 மெகா பிக்ஸெல் கேமிராவில் 19 சதவீதம் பெரிய சென்சார் உள்ளதால் எத்தகைய வெளிச்ச சூழலிலும் துல்லியமாக படம் பிடிக்க உதவும். இதில் மேம்பட்ட ஹெச்டிஆர் நுட்பம் உள்ளது. இதில் படம் பிடிக்கப்பட்ட தனது புகைப்படம் ஒரு ஆங்கில வார பத்திரிகையில் அட்டைப்படமாக வெளிவந்துள்ளதாக நிகழ்ச்சியில் பங்கேற்ற நடிகை அதிதி ராவ் தெரிவித்துள்ளார். இதிலிருந்தே படங்கள் எந்த அளவுக்கு துல்லியமாக இருக்கும் என்பதை உணர முடியும். நிகழ்ச்சியில் பங்கேற்ற இந்தி பட உலகின் சூப்பர் ஸ்டார் அமிதாப் பச்சன் விழாவில் அதிதி ராவுடன் சேர்ந்து செல்பி எடுத்துக் கொண்டார். 6 ஜிபி ரேம், 64 ஜிபி நினைவகம் கொண்ட ஸ்மார்ட்போனின் விலை ரூ. 34,999 ஆகும். அடுத்து 8 ஜிபி ரேம் மற்றும் 128 ஜிபி நினைவகம் கொண்ட ஸ்மார்ட்போனின் விலை ரூ. 39,999 ஆகும். மார்வல் அவெஞ்சர்ஸ் பிரியர்களுக்காக ஒன் பிளஸ் 6 மார்வல் அவெஞ்சர்ஸ் ஸ்மார்ட்போன் குறைந்த எண்ணிக்கையில் தயாரித்து வெளியிட உள்ளது. 8 ஜிபி ரேம் மற்றும் 256 ஜிபி நினைவக வசதியுடன் கூடிய இத்தகைய ஸ்மார்ட்போனின் விலை ரூ. 44,999. ஒன் பிளஸ் 6 ஸ்மார்ட்போனுடன் புளூடூத் இயர்போனும் அறிமுகப்படுத்தப்பட்டுள்ளது. எடை குறைந்த, ஸ்டைலான அதே சமயம் துல்லியமான இசையைக் கேட்டு மகிழும் வகையில் இது வடிவமைக்கப்பட்டுள்ளது. இதன் விலை ரூ. 3,999 ஆகும். ஒன் பிளஸ் பிரத்யேக விற்பனையகத்திலும் இந்த ஸ்மார்ட்போனை வாங்கலாம். எக்ஸ்சேஞ்ச் சலுகை பழைய போனுக்கு பதிலாக புதிய போனை மாற்றுவதற்கு கூடுதல் சலுகையும் வழங்கியுள்ளது. பழைய போனின் விலையை விட கூடுதலாக ரூ. 2 ஆயிரம் சலுகையை வாடிக்கையாளர்கள் பெற முடியும். இந்த சலுகை அமேசான் இணையதளத்தில் வாங்குபவர்களுக்கும், ஒன் பிளஸ் இணையதளத்தில் வாங்குபவர்களுக்கும் கிடைக்கும். அதேபோல எஸ்.பி.ஐ. டெபிட் கார்டு மூலம் வாங்கும் வாடிக்கையாளர்கள் 10 சதவீதம் உடனடி தள்ளுபடி சலுகையை பெறலாம். மேலும் ஒன்பிளஸ் 6 சார்ந்த பிற பொருள்களை வாங்கும் வாடிக்கையாளர்கள் அதன் விலையில் 20 சதவீத தள்ளு படியைப் பெற லாம்.

புதிய செய்தி - puthiya seithi latest news and qr code

அனைவரையும் கவரும் ‘ஹானர்’ ஸ்மார்ட்போன்

ஹூயாவெய் நிறுவனத்தின் துணை பிராண்டான ‘ஹானர்’ இரண்டு லென்ஸ் கொண்ட கேமரா ஸ்மார்ட்போனை அறிமுகப்படுத்தியுள்ளது. ஹானர் 7ஏ மற்றும் ஹானர் 7சி என்ற பெயரில் இவை அறிமுகமாகியுள்ளன. சமீபத்தில் நடைபெற்ற விழாவில் இந்த ஸ்மார்ட்போன்களை இந்தி நடிகை நேஹா தூபியா அறிமுகம் செய்தார். பிளிப்கார்ட் இணையதளம் மூலம் இந்த ஸ்மார்ட்போன்களை வாங்க முடியும். ஹானர் 7ஏ மாடல் 3 ஜி.பி. ரேம் மற்றும் 32 ஜி.பி. நினைவகத்துடன் வந்துள்ளது. இதன் விலை ரூ. 8,999 ஆகும். ஹானர் 7சி மாடல் 3 ஜி.பி. ரேம் 32 ஜி.பி. நினைவகத்துடன் வந்துள்ளது. இதன் விலை ரூ. 9,999 ஆகும். இதில் உயர் ரகமாக 4 ஜி.பி. ரேம் மற்றும் 64 ஜி.பி. நினைவகத்துடன் வந்துள்ளது. இதன் விலை ரூ. 11,999. இந்த மாடல் அமேசான் இணையதளத்தில் கிடைக்கும். இரண்டு மாடலுமே கறுப்பு, நீலம், தங்க நிறங்களில் வெளி வந்துள்ளன. ஹானர் 7ஏ மாடலில் 13 மெகா பிக்ஸல் மற்றும் 2 மெகா பிக்ஸல் கொண்ட இரட்டை லென்ஸ் உள்ளது. இந்தியாவில் இரட்டை லென்ஸ்களுடன் குறைந்த விலையில் விற்பனைக்கு வந்துள்ள ஸ்மார்ட்போன் இதுவே. இதன் முன்பகுதியில் உள்ள 8 மெகா பிக்ஸல் கேமரா ‘செல்பி’ படம் எடுப்பதற்கு மிகவும் ஏற்றது. இதில் 5.7 அங்குல தொடு திரை உள்ளது. பாதுகாப்பு அம்சமாக இதன் மேல் பகுதி அலுமினியத்தால் ஆனது. பிரீமியம் ஸ்மார்ட்போன்களில் உள்ளதைப் போன்றே முகத்தைக் காட்டியவுடன் செல்போன் இயங்குவது மற்றும் விரல் ரேகைப் பதிவு மூலம் ஆன் செய்யும் வசதி உள்ளது. இதில் ‘ஐ அவேர் 2.0’ எனும் புதிய ஸ்மார்ட் தொழில்நுட்பம் உள்ளது. இது உபயோகிப்பாளரின் தன்மையை அறிந்து சிறப்பான செயல்பாடுகளை வெளிப்படுத்தும். தேவைப்படும்போது உள்புற நினைவகத் திறனை அதிகரிக்க செய்யும். இதன் மூலம் இதன் செயல்பாடு 20 சதவீத அளவுக்கு மேம்படும். இதில் பேட்டரி சேமிப்புக்கான ஐந்தாம் தலைமுறை தொழில் நுட்பம் பயன்படுத்தப்பட்டுள்ளது. இது பேட்டரி விரைவாக செலவழிவதைத் தடுக்கும். இதில் 3,000 mAh பேட்டரி இருப்பதால் அதிக நேரம் பயன்படுத்துவோருக்கு மிகவும் ஏற்றது. இதில் ஸ்னாப்டிராகன் 430 ஆக்டா கோர் பிராசஸர் மற்றும் 505 GPU அட்ரினோ உள்ளது. ஹானர் 7சி மாடலில் தட்டையான 14 மெகா பிக்ஸல் மற்றும் 2 மெகா பிக்ஸல் கொண்ட இரட்டை கேமரா லென்ஸ் உள்ளது. இதன் முன்பகுதியில் 8 மெகா பிக்ஸல் கேமரா உள்ளது. இது தானியங்கி முறையில் செயல்பட்டு துல்லியமான ‘செல்பி’ படம் பிடிக்க உதவும். இந்த மாடலில் 5.99 அங்குல தொடு திரை உள்ளது. இது படிப்பதற்கு, வீடியோ பார்ப்பதற்கு மற்றும் விளையாடுவதற்கு ஏற்றது. தடையின்றி விளையாடுவதற்காக இதில் அட்ரினோ 506 GPU உள்ளது. மேலும் ஸ்மார்ட்பவர் 5.0 தொழில்நுட்பம் இதில் உள்ள 3,000 mAh பேட்டரி நீடித்து, நீண்ட நேரம் செயல்பட உதவுகிறது. இதில் 14 என் எம் ஆக்டா கோர் சிப்செட் மற்றும் 3 ஜி.பி. ரேம் இருப்பதால் முக அடையாளம் மற்றும் கைவிரல் ரேகை பதிவு மூலம் உடனடியாக செயல்பட உதவுகிறது.

புதிய செய்தி - puthiya seithi latest news and qr code

வங்கக்கடலில் காற்றழுத்த தாழ்வு மண்டலம் 

வங்கக்கடலில் உருவான காற்ற ழுத்த தாழ்வு நிலை, தாழ்வு மண்ட லமாக மாறும் என்பதால், கோவை, நீலகிரி, தேனி, திண்டுக்கல் மாவட்டங்களில் மிக கனமழை பெய்யக்கூடும் என வானிலை ஆய்வு மையம் அறிவித்துள்ளது. இதுதொடர்பாக சென்னை வானிலை ஆய்வு மைய இயக்குநர் எஸ்.பாலச்சந்திரன் நேற்று கூறியதாவது: வடமேற்கு வங்கக்கடலில் உருவான காற்றழுத்த தாழ்வுப் பகுதி சற்று வலுவடைந்து தொடர்ந்து அதே பகுதியில் நீடித்து வருகிறது. இது மேலும் காற்றழுத்த தாழ்வு மண்டலமாக வலுப்பெற வாய்ப்பு உள்ளது. இந்நிலையில், மேற்கு திசை காற்றின் வலு மேலும் அதிகரிக்கும். இதனால், அடுத்த 24 மணி நேரத்தில் மலைப்பகுதிகள் அடங்கிய கோவை, நீலகிரி, நெல்லை, தேனி, திண்டுக்கல் மாவட்டங்களில் ஓரிரு இடங்களில் கன முதல் மிக கனமழை பெய்யக்கூடும். இவ்வாறு அவர் கூறினார்.

புதிய செய்தி - puthiya seithi latest news and qr code

Monday, August 13, 2018

6 முறைகளில் ‘ஸ்கிரீன்ஷாட’் எடுக்கலாம் தெரியுமா?

இன்று கணினிகளும், ஸ்மார்ட்போன்களும் தொடுதிரை நுட்பத்திற்கு மாறிவிட்டன. அதன் பயன்பாடுகள் எல்லாம் புதுமையாகவும், எளிமையாகவும் இருப்பது நம்மை கவர்ந்துவிடுகிறது. ஆனால் பழைய தொழில்நுட்பத்தில் பழகிய பலருக்கும், அதில் இருந்த சில வசதிகள், புதியதில் எங்கே இருக்கிறது என்ற தடுமாற்றம் ஏற்படுவது உண்டு. குறிப்பாக அடிக்கடி கணினி- ஸ்மார்ட்போன்களை பயன்படுத்தாதவர்களுக்கு இந்தத் தடுமாற்றம் ஏற்படுவது இயல்பு,

வழக்கமாக தட்டச்சு கணினிகளில், ‘‘ஸ்கிரீன்ஷாட்” என்ற ஒரு வசதி இருக்கும். இது நமக்கு பல விதங்களில் பயன்படும். திடீரென தோன்றி மறையும் கணினி பிழைகள் மற்றும் நகல் எடுக்க முடியாத, பல்வேறு கோப்புகளை, படிநிலைகளை எளிதில் படம் பிடித்து மற்றவர்களுடன் பகிர்ந்து கொள்ள இந்த வசதி ரொம்பவே உதவியாக இருக்கும்.

ஸ்மார்ட்போன்களில் ‘ஸ்கிரீன்ஷாட்’ எடுப்பது மிகவும் எளிது. ஆன்-ஆப் பட்டனை சற்று கூடுதல் அழுத்தம் கொடுத்தால் உடனே ‘ஸ்கிரீன்ஷாட்’ சேமிக்கப்பட்டு விடும். ஆனால் விண்டோஸ்10 போன்ற தொடுதிரை கணினிகளில் இந்த வசதி எங்கிருக்கிறது, எப்படி பயன்படுத்த வேண்டும்? என்பது பலருக்கும் தெரிந்திருப்பதில்லை. விண்டோஸ் 10 கணினியில் இதை செயல்படுத்த 5 முறைகள் உள்ளன...

1. கீபோர்டு உடன் விண்டோஸ் 10 பயன் படுத்துபவர்கள் விண்டோஸ் பொத்தானுடன் பிரின்ட் ஸ்கிரீன் விசையை சேர்த்து இயக்கி (Windows key + Print Screen.) ஸ்கிரீன்ஷாட் எடுக்கலாம். இது ‘பிக்சர்’ பகுதியில் ‘ஸ்கிரீன்ஷாட்’் போல்டரில் சேமிக்கப்படும். Windows key + e > Pictures > Screenshots என்ற வரிசையில் சென்று அந்த படங்களை பார்க்கவும், பகிரவும் முடியும்.

2. இதே முறையில் பிரின்ட் ஸ்கிரீன் கொடுத்தவுடன், எம்.எஸ்.பெயின்ட் அப்ளிகேசனை திறந்து கொண்டு, ctrl + v கொடுத்து ‘பேஸ்ட்’ செய்தும் ‘ஸ்கிரீன்ஷாட்’களை சேமிக்க முடியும்.

3. திரையில் தெரியும் அனைத்து கோப்பு களையும் பதிவு செய்வதற்குப் பதிலாக, முன்னிலையில் தற்போது பணி செய்யும் அல்லது திறந்து வைத்திருக்கும் ஒரு கோப்பை மட்டும் ‘ஸ்கிரீன்ஷாட்’டாக பதிவு செய்ய விரும்பினால் alt + Print Screen கொடுத்து படம் பிடித்துவிட்டு, பின்னர் பெயிண்ட் அப்ளிகேசனை திறந்து பேஸ்ட் கொடுத்து சேமித்து கொள்ளலாம். இப்போது திரையில் பல அப்ளிகேசன்கள் திறந்திருந்தாலும், நாம் கடைசியாக பணி செய்த ஒரு அப்ளி கேசன் மட்டுமே பிரின்ட் ஆகியிருப்பதை காணலாம்.

4. விசைப்பலகை இல்லாதவர்கள் ‘ஸ்னிப்பிங் டூல்’ (Snipping Tool) வசதி வழியே சென்று ‘ஸ்கிரீன்ஷாட்’ எடுக்கலாம். இதை Start menu > All programs > Accessories> Snipping Tool என்ற வரிசையில் சென்று திறக்கலாம். இந்த அப்ளிகேசனில் நியூ (New) என்ற ஆப்சனை பயன்படுத்தி, திரையில் எந்த ஒரு குறிப்பிட்ட பகுதியையும் ‘ஸ்கிரீன்ஷாட்’ எடுக்கலாம்.

நாம் மவுஸ் மூலம் நகர்த்தி இழுக்கும் திரை அளவு மட்டும் ‘ஷாட்’ ஆக பதிவாகும். அதை சேமித்துக் கொள்ளலாம். இதில் ‘பிரிபார்ம் ஸ்னிப்’ என்ற வசதியை பயன்படுத்தினால், சதுரம் மட்டுமல்லாமல் பலவித வடிவங்களில் நாம் ‘ஸ்கிரீன்ஷாட்’ பதிவு செய்ய முடியும். இந்த ஷாட்களை, நமது வழக்கமான எழுத்து கோப்புகளின் இடையே உடனே பேஸ்ட் செய்தும் பயன் படுத்த முடியும் என்பது கூடுதல் சிறப்பம்சமாகும். இது மாணவர்களின் பாடப் பயிற்சித்திட்டம் உருவாக்குவது உள்பட பல்வேறு பயன்பாட்டிற்கு வசதியாக இருக்கும்.

5. எக்ஸ்பாக்ஸ் எனும் கேம்பார் அப்ளி கேசனை பயன்படுத்துபவர்கள் Windows key + G என்ற விசைகளின் வழியே ‘ஸ்கிரீன்ஷாட்’ ் எடுத்து பயன்படுத்தலாம்.

6. மேக் கணினிகளில் ‘கண்ட்ரோல்+ஷிப்ட் +3’ என்ற வரிசையில் விசைகளை அழுத்தி ‘ஸ்கிரீன்ஷாட்’ எடுக்கவும், ‘கண்ட்ரோல்+ஷிப்ட்+4’ கொடுத்து தேவையான இடத்தில் அதன் நகலை பயன்படுத் தவும் முடியும்.

புதிய செய்தி - puthiya seithi latest news and qr code

மூளையால் கட்டுப்படுத்தக்கூடிய மூன்றாவது கை

மூளையால் கட்டுப்படுத்தக்கூடிய மூன்றாவது கை தொகுப்பு: ஹரிநாராயணன் ‘ஒரு நேரத்துல ஒரு வேலையைத்தான் செய்ய முடியும். ஒரே நேரத்துல பத்து வேலையைச் செய்ய எனக்கு என்ன பத்து கையா இருக்கு?’ என்று நமக்கு நெருங்கிய யாரோ ஒருவர், ஏதோ ஒரு சமயத்தில் சொல்லக் கேட்டிருப்போம். அதற்கு காரணம் என்ன? ஒரு சராசரி மனிதனால், ஒரு நேரத்தில் ஒரு வேலையைத்தான் செய்ய முடியும் என்பதுதான் இயல்பு அல்லது இயற்கை. ஆனால் நாம் தற்போது வாழ்ந்துகொண்டு இருப்பது 21-ம் நூற்றாண்டில்! வேகமும், பன்முகத் திறமையும் இந்த நூற்றாண்டின் அடையாளங்கள் என்றே சொல்லலாம். இன்றைய நவீன வாழ்க்கைக்கு நமக்குத் தேவைப்படுகிற கூடுதல் வேகத்தையும், பன்முகத்தன்மையையும் ரோபாட்டிக்ஸ் மூலமாக தயாரிக்கப்படும் எந்திர மனிதர்கள் அல்லது கருவி களால் நிச்சயமாக ஏற்படுத்திக் கொடுக்க முடியும் என்கிறார்கள் ரோபாட்டிக்ஸ் துறை விஞ்ஞானிகள். கை கால்களை இழந்தவர்களுக்கு செயற்கையான (கட்டைக்) கை-கால்களை உருவாக்கிய நூற்றாண்டை நாம் கடந்து வந்து சில நூற்றாண்டுகள் ஆகிவிட்டன. ஆனால் இப்போது, மூளையால், எண்ணங்களால் கட்டுப் படுத்தி பயன்படுத்தக்கூடிய அதி நவீன செயற்கை கை-கால்களைப் பொருத்திக்கொண்டு, தத்தம் அன்றாட வேலைகளை உதவியின்றி மேற்கொள்ளும் பல மாற்றுத் திறனாளிகளை நம்மால் காண முடிகிறது. மூளையால் கட்டுப் படுத்தப்படும் செயற்கை பாகங்களைப் பயன்படுத்துவோருக்கு, இயற்கையான கை-கால்கள் இருப்பது போன்ற ஒரு உணர்வை அது ஏற்படுத்துவதாக கூறப் படுவதும் இங்கு குறிப்பிடத்தக்கது. கை-கால் இழக்காத சராசரி மனிதர் களுக்கு பயன்படக்கூடிய, மூளையால் கட்டுப்படுத்தக்கூடிய ஒரு ‘மூன்றாவது’ கையை உருவாக்கி, இயற்கையான இரண்டு கை களையும், மூளையால் கட்டுப்படுத்தக்கூடிய மூன்றாவது கையையும் ஒரே சமயத்தில் பயன்படுத்தி ஒன்றுக்கு மேற்பட்ட வேலை களைச் சுலபமாக செய்ய முடியும் என்று நிரூபித்து அசத்தியிருக்கிறார்கள் ஜப்பான் நாட்டிலுள்ள அட்வான்ஸ்டு டெலி கம்யூனிகேஷன் ரிசர்ச் இன்ஸ்டிடியூட் (Advanced Telecommunications Research Institute) ஆய்வு மையத்தைச் சேர்ந்த விஞ்ஞானிகள். இதற்கு முன்னர் உருவாக்கப்பட்ட, மூளையால் கட்டுப்படுத்தக்கூடிய செயற்கை உடல் பாகங்கள், உடல் பாகங்களை இழந்தவர்களுக்கு உதவும் வகையிலேயே உருவாக்கப்பட்டன. ஆனால், கை-கால் இழப்பு இல்லாத சராசரி மனிதர்களுக்கு, மூளையால் கட்டுப்படுத்தக்கூடிய, கூடுதலான ஒரு கை, காலை ஏற்படுத்திக்கொடுக்கும் நோக்கம் கொண்ட (supernumerary robotic limb, SRL) எனும் ரோபாட்டிக்ஸ் துறை சார்ந்த விஞ்ஞானிகளால் உருவாக்கப்பட்டுள்ளது இந்த மூன்றாவது கை. இந்த ஆய்வில் பங்குபெற்ற சுமார் 15 தன்னார்வலர்களுக்கு ஒரு மூன்றாவது கை இருப்பது போன்ற ஒரு அமைப்பு முதலில் ஏற்படுத்தப்பட்டு, அவர்கள் ஒரு நாற்காலியில் உட்கார வைக்கப்பட்டனர். அதனைத் தொடர்ந்து, மூளையின் செயல்பாடுகளை கண்காணிக்கக் கூடிய ஒரு பிரத்தியேகமான தொப்பி அவர்கள் ஒவ்வொருவரின் தலையிலும் பொருத்தப்பட்டது. அந்த தொப்பியானது, தன்னார்வலரின் மூளையிலிருந்து சேகரிக்கப்பட்ட தகவல்களை முதலில் ஒரு கம்ப்யூட்டருக்கு அனுப்பும் திறன்கொண்டது. பின்னர் அந்த தகவல்கள் மூன்றாவது கையின் செயலாக மாறியது இந்த ஆய்வில் நிரூபிக்கப்பட்டுள்ளது. அதனைத்தொடர்ந்து, ஆய்வில் கலந்துகொண்ட தன்னார்வலர்கள் அனைவரும் பின்வரும் இரண்டு வேலைகளைச் செய்யுமாறு கேட்டுக்கொள்ளப்பட்டனர். (1) தன்னார்வலர்கள் தங்களுடைய இயற்கையான கைகளால் ஒரு பலகையின் மீது ஓடும் பந்தை குறிப்பிட்ட சில புள்ளிகளில் நிறுத்த வேண்டும். (2) மூளையால் கட்டுப்படுத்தக்கூடிய மூன்றாவது கையால் ஒரு தண்ணீர் பாட்டிலை முதலில் பிடிக்க வேண்டும், பிறகு விட்டுவிட வேண்டும். இந்த இரண்டு வேலைகளும் சில சமயங்களில் தனித்தனியாகவும், சில சமயங்களில் ஒரே சமயத்திலும் செய்யுமாறு தன்னார்வலர்களுக்கு கட்டளை பிறப்பிக்கப்பட்டது. ஆய்வில் பங்குபெற்ற அனைவரும், சுமார் 20 முயற்சிகளில், மூன்று கைகளைப் பயன் படுத்தி கொடுக்கப்பட்ட இரண்டு வேலை களையும் சுமார் 75 சதவீதம் வெற்றிகரமாக முடித்தனர் என்பது இங்கு குறிப்பிடத்தக்கது. அதாவது, இரண்டு கைகளால் செய்யவே முடியாத இரண்டு செயல்களை, மூளையால் கட்டுப்படுத்தக்கூடிய மூன்றாவது கையைப் பயன்படுத்தி ஒரே சமயத்தில் செய்ய முடியும் என்று இந்த ஆய்வில் நிரூபிக்கப்பட்டுள்ளது. முக்கியமாக, மல்டி டாஸ்கிங் (Multitasking) என்று சொல்லக் கூடிய, ஒரே சமயத்தில் ஒன்றுக்கு மேற்பட்ட வேலைகளைச் செய்யும் திறனை அறிவியல்பூர்வமாக பார்த்தால், நம் மூளையானது ஒரே நேரத்தில் இரண்டு வேலைகளைச் செய்வதில்லை. மாறாக, மல்டி டாஸ்கிங்கின் போது மேற்கொள்ளப்படும் ஒன்றுக்கு மேற்பட்ட வேலைகளில் ‘ஒன்றிலிருந்து மற்றொன்று’ என்று தொடர்ச்சியாக நம் மூளையானது மாறி மாறி கவனம் செலுத்துகிறது என்பது குறிப்பிடத்தக்கது. இந்த ஆய்வில் பயன்படுத்தப்பட்டுள்ள (supernumerary robotic limb) தொழில்நுட்பமானது, நமது மூளை ஒரு வேலையைச் செய்துகொண்டு இருக்கும்போதே, நாம் செய்ய விரும்பும் மற்றொரு வேலைக்கான எண்ணங்களை படித்து பின்னர் அதற்கு செயல் வடிவமும் கொடுக்கிறது என்பது இங்கு கவனிக்கத்தக்கது. மிகவும் நவீன செயற்கை பாக தொழில்நுட்பமான இந்த SRL, மனித மூளையின் பன்முகத் திறனை, மல்டி டாஸ்கிங் திறனை மேம்படுத்தும் என்றும், மேலும் அதற்கான பயிற்சியை மூளைக்கு அளிக்கும் என்றும் கூறுகின்றனர் இதனை உருவாக்கியுள்ள ஜப்பானிய ஆய்வாளர்கள்.

புதிய செய்தி - puthiya seithi latest news and qr code

மனப்பாடமும், வீட்டுப் பாடமும்...!

நமது பள்ளிக் கல்வி முறையில் நீண்ட காலமாக மனப்பாடமும், வீட்டுப்பாடமும் இருக்கிறது. இரண்டும் ஒவ்வொருவிதமான திறன் வளர்ப்பு பயிற்சிகள் என்றாலும், அதன் விளைவுகள் சிறந்த பலனைத் தந்திருக்கிறதா? என்ற ஆய்வுக்கு வந்திருக்கிறார்கள் கல்வியாளர்கள். அதனால்தான் பள்ளிகளில் 2-ம் வகுப்பு வரை வீட்டுப்பாடம் தேவையில்லை என்ற கருத்தும், மனப்பாடம் மற்றும் வீட்டுப்பாட முறையை மாற்றி அமைக்கும் முயற்சியும் சமீப காலமாக வலுப்பெற்றுள்ளது. வீட்டுப்பாடம் மற்றும் மனப்பாடம் பற்றிய சிறிய கண்ணோட்டம்... பாடங்கள் எளிதில் மனதில் பதிவதற்காக மனப்பாட பயிற்சி செய்வது சிறந்த மாணவர்களின் பண்பு. முக்கியமான பாடப் பகுதிகள், வாய்ப்பாடுகள், விதிகள், பாடல்கள் போன்றவற்றை அனைத்து மாணவர்களும் அறிந்து வைத்திருக்க வேண்டும் என்பதற்காக குறிப்பிட்ட இவற்றை கண்டிப்பாக மனப்பாடம் செய்து வர வேண்டும் என ஆசிரியர்கள் வலியுறுத்துவது உண்டு. தேர்வுகளிலும் மனப்பாடப் பகுதியில் இருந்து சில கேள்விகள் கேட்பது உண்டு. மாணவர்கள் எளிதில் மதிப்பெண் பெறவும், தேர்ச்சி பெறவும் மனப்பாட பகுதிகள் துணை நிற்கும். மனப்பாடப் பகுதிகளை மனதில் நிறுத்துவதற்காக மீண்டும், மீண்டும் படிப்பது மாணவர்களின் வழக்கம். இப்படி பயிற்சி செய்வதால், விடை எழுதும்போது மாணவர்கள் ஓரிரு வார்த்தைகள்கூட மாற்றாமல் அப்படியே எழுதும் பழக்கமும் அதிகரித்தது. காலம் காலமாக நடைமுறையில் உள்ள இந்த பழக்கம் மாணவர்களின் படைப்புத் திறனை ஒருவகையில் பாதிப்பதாகவும் எடுத்துக் கொள்ளலாம். பாடங்கள் எப்போதும் புரிதலுக்கானவையே தவிர, ஒப்புவிப்பதற்கானதல்ல. மனப்பாட முறையானது படித்ததை, விடைத்தாளில் கொட்டி வைக்கும் முறையை வளர்ப்பதாக அமைவதால் சமீப காலமாக மனப்பாட பயிற்சி முறையை மாற்றி அமைக்கும் கட்டாயம் ஏற்பட்டுள்ளது. இது போலவே வீட்டுப் பாட பயிற்சி முறையும், மாணவர்களின் திறனில் எதிர்மறையை உருவாக்கியிருக்கிறதோ என்ற எண்ணமும் எழுந்திருக்கிறது. பள்ளியில் நடத்தும் பாடங்களை புரிந்து கொண்டு, அது சார்ந்த பாடங்களை படித்து எழுதிப் பயிற்சி பெறுவதற்காக வீட்டுப்பாட பயிற்சிகள் வழங்கப்பட்டன. கணக்குப் பாடத்தில் புதிர்களை விடுவித்தல், விடை காணல் என பயிற்சிகள் வழங்கப்பட்டன. சிறந்த பயிற்சி முறையான வீட்டுப்பாட முறை, சமீப காலத்தில் மாணவர்களுக்கு அதிக மனச்சுமையை ஏற்படுத்துவதாக மாறி உள்ளது. ஒவ்வொரு பாடத்திலும் வழங்கப்படும் அதிகப்படியான பயிற்சிகள், மாணவர்களை எந்திர கதியில் இயங்க வைக்கிறது. பள்ளி முன்பருவ குழந்தைகளுக்கும் விதவிதமான சேகரிப்புகளுடன்கூடிய வீட்டுப்பயிற்சிகள் வழங்கப்படுகின்றன. இதனால் இளம் குழந்தைகள் பள்ளிச்சூழலை வெறுக்கும் அபாயம் ஏற்படுகிறது என்ற புரிதல் வலுப்பெற்று, 2-ம் வகுப்பு வரை வீட்டுப்பாடம் தேவையில்லை என்ற முடிவு சமீபத்தில் எட்டப்பட்டிருக்கிறது. நீதிமன்றமே இதற்கான உத்தரவை பிறப்பித்திருக்கிறது. அதற்கு பெரும்பாலான பெற்றோர்கள் ஆதரவு தெரிவிக்கிறார்கள். இருந்தாலும் இந்த உத்தரவு இன்னும் நடைமுறைப்படுத்தப்படவிலலை. தனியார் பள்ளிதோறும் மழலையர் பாடத்திட்டங்களில் மாறுதல்கள் இருக்கின்றன. பயிற்றுவிக்கும் முறையிலும், மாணவர்களிடம் பயிற்சி வாங்கும் முறையிலும் வேறுபாடுகள் காட்டுகிறார்கள். விளையாட்டுப் பருவம் மாறாத மழலைகளுக்கு கல்வி என்ற பெயரில் கடுமையான பயிற்சிகள் வழங்குவது ஏற்புடையதல்ல. அவர்களுக்கு பக்கம் பக்கமாக வீட்டுப் பாட பயிற்சி வழங்குவது குழந்தைகளை விரைவில் சோர்வடையச் செய்துவிடுகிறது. அதுவே பள்ளிச்சூழலை குழந்தைகள் வெறுக்கும் நிலையை ஏற்படுத்திவிடும் அபாயமும் உள்ளது. அதிகமான பாடச்சுமையால் குழந்தைகள் எழுத மறுத்து அடம்பிடிப்பதும், பெற்றோர் குழந்தைகளை விரட்டுவதும், இறுதியில் குழந்தைகளுக்காக பெற்றோரே சில பாடங்களை எழுதிக் கொடுப்பதும் வழக்கமாகிவிட்டது. இதைத் தடுக்க சிறுவர்களின் வீட்டுப்பாட சுமையை குறைக்க உத்தரவு வெளியாகி இருப்பது நல்லதுதான். 2 ஆண்டுகளுக்கு முன்பு மத்திய பள்ளிக்கல்வி வாரியம் மனப்பாடம் மற்றும் வீட்டுப் பாட பயிற்சித் திட்டத்தை முற்றிலும் மாற்றி அமைத்தது. அதில் வீட்டுப்பாடத்தை மாணவர்கள் ரசித்துச் செய்யும் வகையில் பல பயிற்சிகள் சேர்க்கப்பட்டன. 318 பக்கங்கள் கொண்டதாக அந்த பயிற்சி செயல்திட்ட அறிக்கை வெளியானது. அதில் வீட்டின் நிர்வாக கணக்குகள் வழியே மாணவர்கள் கணிதப்பாடத்தை விளங்கிக்கொள்வது, பத்திரிகை, டி.வி. சானல்கள் வழியே சமூக நிலவரங்கள், பிரச்சினைகள், தீர்வுகளை தெரிந்து கொள்ளும் பயிற்சிமுறையும் சேர்க்கப்பட்டது. மாணவர்களின் மனநிலை, வயது உள்ளிட்ட அனைத்து அம்சங்களையும் கவனத்தில் கொண்டு, காலத்திற்கேற்ற மாற்றங்களுடன் பாடப் பயிற்சிகளை மாற்றி அமைப்பதில் தவறில்லை. அதற்கான கல்வியாளர்கள், உளவியலாளர்கள் குழு துடிப்புடன் செயல்படட்டும். அதுவே நாட்டின் எதிர்கால தூண்களான சிறந்த மாணவர்களை உருவாக்கும்!

புதிய செய்தி - puthiya seithi latest news and qr code