You will be redirected to the script in

seconds
Puthiyaseithi | புதிய செய்தி: May 2018

Thursday, May 31, 2018

அரசு பள்ளி ஆசிரியர் பொது இடமாறுதல் கலந்தாய்வு அரசாணை வெளியீடு

அரசு பள்ளி ஆசிரியர் பொது இடமாறுதல் கலந்தாய்வு அரசாணை வெளியீடு உபரி ஆசிரியர்களை பணிநிரவல் செய்ததும் கலந்தாய்வு | அரசு பள்ளிகளில் ஆசிரியர் பொது இடமாறுதல் கலந்தாய்வில் கடைபிடிக்க வேண்டிய நெறிமுறைகள் தொடர்பான அரசாணையை பள்ளிக் கல்வித் துறை வெளியிட்டுள்ளது. உபரி ஆசிரியர்களை பணிநிரவல் செய்த பின்னரே கலந்தாய்வு நடவடிக்கை மேற்கொள்ளப்பட வேண்டும் என்று கல்வி அதிகாரிகளுக்கு உத்தரவு பிறப்பிக்கப்பட்டுள்ளது. 2018-2019-ம் கல்வி ஆண்டில் ஆசிரியர் பொது இடமாறுதல் கலந்தாய்வின்போது பின்பற்றப்பட வேண்டிய நெறிமுறைகள் தொடர்பாக பள்ளிக்கல்வித்துறை முதன்மைச் செயலர் பிரதீப் யாதவ் வெளியிட்டுள்ள அரசாணையில் கூறப்பட்டு இருப்பதாவது:- பள்ளிக் கல்வித் துறை மற்றும் தொடக்கக்கல்வித் துறையின் கீழ் இயங்கும் அரசு பள்ளிகளில் பணிபுரியும் அனைத்து வகை ஆசிரியர்களின் பொது இடமாறுதலுக்கு குறிப்பிட்டுள்ள நெறிமுறைகள் கடைப்பிடிக்கப்பட வேண்டும். உபரியாக உள்ள.. காலிப்பணியிடங்களை கலந்தாய்வுக்கு காட்டும்போது ஆசிரியர்கள் உபரியாக உள்ள காலியிடங்களை இயக்குநரின் தொகுப்புக்கு கொண்டுசெல்ல வேண்டும். அந்த பணியிடங்களை கலந்தாய்வுக்கு காட்டக்கூடாது. இந்த இடங்களுக்கு மாறுதலும் வழங்கக்கூடாது. உபரி ஆசிரியர் பணியிடங்களை பணிநிரவல் செய்த பின்னர் பொது இடமாறுதல் நடவடிக்கைகளை மேற்கொள்ள வேண்டும். முன்னுரிமை மனமொத்த மாறுதல் அடிப்படையில் மாறுதல் பெற்றவர்கள் மீண்டும் ஏற்கெனவே பணிபுரிந்த பள்ளிக்கே மனமொத்த மாறுதலில் செல்ல அனுமதிக்கக் கூடாது. முன்னுரிமை பட்டியலில் இடம்பெற்றவர்களுக்கு கலந்தாய்வின்போது முன்னுரிமை வரிசை அடிப்படையில் முன்னுரிமை அளிக்கப்பட வேண்டும். இவ்வாறு அந்த அரசாணையில் கூறப்பட்டுள்ளது. | DOWNLOAD

வாட்ஸ்ஆப்-க்கு சரியான போட்டி: பதஞ்சலியின் 'கிம்போ' அறிமுகம்.!

தொடர்ந்து பாபா ராம்தேவ் பதஞ்சலி என்ற பிராண்ட் மூலம் பல பொருட்களை விற்பனை செய்து வந்தார், இந்நிலையில் சில நாட்களுக்கு முன்பு பதஞ்சலி மற்றும் பிஎஸ்என்எல் நிறுவனங்கள் இணைந்து சுதேசி சம்ரித்தி என்ற பெயரில் சிம்கார்டு விற்பனை துவங்கியது என்பது குறிப்பிடத்தக்கது.தற்சமயம் வாட்ஸ்ஆப் செயலிக்கு போட்டியாக பாபா ராம்தேவின் பதஞ்சலி குழுமம் கிம்போ என்ற புதிய செயலியை இந்தியாவில் அறிமுகம் செய்யப்பட்டுள்ளது. மேலும் வாட்ஸ்ஆப் பொறுத்தவரை இந்தியாவில் சுமார் 20கோடி மக்கள் பயன்படுத்துகின்றனர்.

கிம்போ:
பதஞ்சலி சிம் அறிமுகமான சில நாட்களுக்குள்ளாகவே தொடர்ந்து தொலைத்தொடர்பில் கால்பதிக்கும் முயற்சியில் கிம்போ என்ற மெசேஜிங் செயலியை வெளியிட்டுள்ளது அந்நிறுவனம். மேலும் வாட்ஸஆப்-க்கு கடும் போட்டியாக இருக்கும் என்று கூறிக்கொண்டு அறிமுகமாகியுள்ளது இந்த கிம்போ செயலி.

பிளே ஸ்டோர்:
இந்த கிம்போ என்ற மெசேஜிங் செயலி ஆண்ட்ராய்டு ப்ளே ஸ்டோரில் கிடைக்கும் என்று தகவல் தெரிவிக்கப்பட்டுள்ளது, மேலும் இந்தியாவில் கிம்போ மெசேஜிங் செயலி மிகப் பெரிய வெற்றியைப் பெரும் என எதிர்பார்க்கப்படுகிறது.

5லட்சம்:
பதஞ்சலி மற்றும் பிஎஸ்என்எல் நிறுவனங்கள் அறிவத்துள்ள இந்த சுதேசி சம்ரித்தி சிம் கார்டுகள் நாடு முழுவதும் 5லட்சம் கடைகள் மற்றும் நேரடி பதஞ்சலி கடைகளிலும் கிடைக்கும் எனத் தெரிவிக்கப்பட்டுள்ளது. மேலும் இந்த சிம் கார்டு பாபா ராம்தேவ் வெளியிட்டார் என்பது குறிப்பிடத்தக்கது.

ரூ.144/-திட்டம்:
சுதேசி சம்ரித்தி சிம் கார்டு வாங்கி ரூ.144/- ரீசார்ஜ் செய்தால் 2ஜிபி டேட்டா மற்றும் 100எஸ்எம்எஸ் பெற முடியும் எனத் தெரிவிக்கப்பட்டுள்ளது, மேலும் அதற்காக ஒப்பந்த பணிகள் நடைபெற்று வருகிறது என பிஎஸ்என்எல் நிறுவனம் சார்பில் தெரிவிக்கப்பட்டுள்ளது.

மருத்துவ காப்பீடு:
சுதேசி சம்ரித்தி கார்டு வாங்கி பயன்படுத்தும் வாடிக்கையாளர்களுக்கு 2.5 லட்சம் மதிப்பில் மருத்துவ காப்பீடு மற்றும் 5லட்சம் மதிப்புடைய மருத்துவ காப்பீடு கிடைக்கும் என பதஞ்சலி மற்றும் பிஎஸ்என்எல் நிறுவனங்கள் சார்பில் தெரிவிக்கப்பட்டுள்ளது.

நிறுவன ஊழியர்கள்:
இந்த சிம் கார்டுகள் முதல் கட்டமாக பதஞ்சலி நிறுவன ஊழியர்கள் பயன்பாட்டிற்கு வழங்கப்பட்டுள்ளது,விரைவில் விற்பனைக்கு வரும் என எதிர்பார்க்கப்படுகிறது. மேலும் இந்த சுதேசி சம்ரித்தி சிம் கார்டு வெளிவரும் போது வாடிக்கையாளர்கள் பதஞ்சலி பொருட்களை வாங்கினார் 10 சதவீதம் சலுகை கிடைக்கும்.

வராக்கடனால் பொதுத்துறை வங்கிகளுக்கு ஒவ்வொரு மணி நேரத்திலும் 9 கோடி ரூபாய் இழப்பு

KALVISOLAI - கல்விச்சோலை - kalvisolai latest news -
வராக்கடன் பிரச்னையால் பொதுத்துறை வங்கிகள் ஒரு மணி நேரத்துக்கு ரூ.9 கோடியும், நாள் ஒன்றுக்கு ரூ.217 கோடியும் இழக்கின்றன என்ற அதிர்ச்சி தகவல் வெளிவந்துள்ளது. வராக்கடன் விவகாரத்தால் வங்கிகளின் நிதி நிலைமை மிக மோசமாகி வருகிறது. இதில் இருந்து அவற்றை மீட்க மத்திய அரசு மூலதன நிதி அளிக்கிறது. இருப்பினும் கடன்களை போதிய அளவு வசூல் செய்ய முடியாததால், இதில் இருந்து மீள முடியாமல் வங்கிகள் தவிக்கின்றன. இதனால் பல வங்கிகள் கடன்களை தள்ளுபடி செய்துள்ளன. இந்த வகையில் கடந்த 2016 மார்ச் வரையிலான 5 ஆண்டுகளில் வர்த்தக வங்கிகள் மொத்தம் ரூ.2,25,180 கோடியை தள்ளுபடி செய்துள்ளன என்று ரிசர்வ் வங்கி அதிர்ச்சி தகவலை அளித்துள்ளது. 2017-18 பட்ஜெட் ரூ.24.4 லட்சம் கோடி, இலவச காஸ் இணைப்பு கொடுக்க ரூ.13,000 கோடி தேவை. வேளாணுக்கான ஆண்டு பட்ஜெட் ரூ.58,000 கோடி. மத்திய அரசு திட்டங்களுக்கு ரூ.7.1 லட்சம் கோடி. இவை அனைத்தும் சேர்த்தால் கூட வங்கிகளுக்கு ஏற்பட்ட இழப்பை விட குறைவுதான். 2017-18 நிதியாண்டில் பொதுத்துறை வங்கிகளுக்கு ரூ.79,000 இழப்பு ஏற்பட்டுள்ளது. வராக்கடன்கள் ரூ.8.6 லட்சம் கோடியாக உள்ளது. வங்கி வரலாற்றில் இந்த அளவு மோசமான நிலை ஏற்பட்டதில்லை என கூறப்படுகிறது. இதனால் பொதுத்துறை வங்கிகளுக்கு மொத்தம் ரூ.79,071 கோடி இழப்பு ஏற்பட்டுள்ளது. ஆனால் தனியார் வங்கிகள் ரூ.42,000 கோடி லாபம் ஈட்டியுள்ளன. பொதுத்துறை வங்கிகளின் வராக்கடன் 2013ம் ஆண்டில் ரூ.1.56 லட்சம் கோடியாக இருந்தது. இது தற்போது ரூ.8.57 லட்சம் கோடியாக அதிகரித்துள்ளது.

தனியார் தொலைக்காட்சியில் “சொல்வதெல்லாம் உண்மை” நிகழ்ச்சிக்கு இடைக்கால தடை மதுரை ஐகோர்ட்டு உத்தரவு

தனியார் தொலைக்காட்சியில் “சொல்வதெல்லாம் உண்மை” நிகழ்ச்சிக்கு இடைக்கால தடை மதுரை ஐகோர்ட்டு உத்தரவு | ராஜபாளையத்தை சேர்ந்த கல்யாணசுந்தரம் என்பவர், மதுரை ஐகோர்ட்டு கிளையில் ஒரு மனு தாக்கல் செய்திருந்தார். அதில், ஒரு தனியார் தொலைக்காட்சியில் “சொல்வதெல்லாம் உண்மை” என்ற நிகழ்ச்சி ஒளிபரப்பாகிறது. இந்த நிகழ்ச்சியை நடிகை லட்சுமி ராமகிருஷ்ணன் தொகுத்து வழங்குகிறார். அவர் பல்வேறு தனிமனித, குடும்ப பிரச்சினைகளில் தலையிடுகிறார். மேலும் நிகழ்ச்சி நடைபெறும் அரங்கில் காரசாரமான விவாதங்கள், தொகுப்பாளரின் கேள்விகள் நிகழ்ச்சியில் கலந்து கொள்பவர்களின் மனதில் பாதிப்பை ஏற்படுத்துகின்றன. பெண்களுக்கு சரியான முறையில் மரியாதை அளிப்பதில்லை. விவரம் தெரியாத ஆண்-பெண்களை குறிவைத்து இந்நிகழ்ச்சி நடத்தப்படுகிறது. குறிப்பாக இந்நிகழ்ச்சி டி.ஆர்.பி. ரேட்டிங்கிற்காக நடத்தப்படுகிறது. இது தனிமனித சுதந்திரத்தை பாதிப்பதாக உள்ளது. இந்த நிகழ்ச்சியை ஒளிபரப்ப இடைக்கால தடை விதித்து உத்தரவிட வேண்டும்“ என கூறியிருந்தார். இந்த மனு, நீதிபதிகள் முரளிதரன், கிருஷ்ணவள்ளி அமர்வு முன்பு விசாரணைக்கு வந்தது. அப்போது ‘சொல்வதெல்லாம் உண்மை’ நிகழ்ச்சியை ஒளிபரப்ப இடைக்கால தடை விதித்து நீதிபதிகள் உத்தரவிட்டனர். இதுகுறித்து மத்திய-மாநில அரசுகளுக்கும், தனியார் தொலைக்காட்சி நிர்வாக இயக்குனருக்கும் நோட்டீஸ் அனுப்ப உத்தரவிட்டு வழக்கு விசாரணையை ஜூன் 18-ந் தேதிக்கு ஒத்திவைத்து உத்தரவிட்டனர்.

Wednesday, May 30, 2018

பிளஸ் 1 வகுப்புகளுக்கான பொது தேர்வு முடிவுகள் | 91.3 சதவீதம் பேர் தேர்ச்சி..

பிளஸ் 1 வகுப்புகளுக்கான பொது தேர்வு முடிவுகள் இன்று வெளியாகி உள்ளன. இதில் மாணவ மாணவிகள் என 91.3 சதவீதம் பேர் தேர்ச்சி பெற்றுள்ளனர். தமிழ்நாடு மற்றும் புதுச்சேரியில் முதன் முறையாக பிளஸ்-1 மாணவ மாணவிகளுக்கு அரசு பொதுத்தேர்வு நடைபெற்றது. இந்த தேர்வை தமிழ்நாடு மற்றும் புதுச்சேரியில் 8 லட்சத்து 61 ஆயிரத்து 915 பள்ளி மாணவ-மாணவிகளும், 1,753 தனித்தேர்வர்களும் எழுதினர். மொத்தத்தில் 8 லட்சத்து 63 ஆயிரத்து 668 பேர் தேர்வெழுதினர். விடைத்தாள் மதிப்பீடு செய்யப்பட்டு மதிப்பெண்கள் கம்ப்யூட்டரில் பதிவு செய்யும் பணி முடிவடைந்தது. இதையடுத்து பிளஸ்-1 தேர்வு முடிவுகள் இன்று காலை 9 மணிக்கு வெளியாகின. இதில் தேர்வு எழுதிய மாணவ மாணவிகளில் 91.3 சதவீதம் பேர் தேர்ச்சி பெற்றுள்ளனர். தேர்வு எழுதிய மாணவர்களில் 87.4 சதவீதம் பேரும், மாணவிகளில் 94.6 சதவீதம் பேரும் தேர்ச்சி பெற்றுள்ளனர். இந்த வருடம் மாணவர்களை விட மாணவிகள் 7.2 சதவீதம் பேர் அதிகளவில் தேர்ச்சி அடைந்துள்ளனர். இந்த தேர்வு முடிவில் 97.3 சதவீதம் தேர்ச்சியுடன் ஈரோடு முதலிடம் பிடித்துள்ளது. தொடர்ந்து 96.4 சதவீதம் தேர்ச்சியுடன் திருப்பூர் 2வது இடமும் மற்றும் 96.2 சதவீதம் தேர்ச்சியுடன் கோவை 3வது இடமும் பிடித்துள்ளன. 80.21 சதவீதம் தேர்ச்சியுடன் விழுப்புரம் கடைசியிடம் பிடித்துள்ளது. மொத்தம் 2,054 மேனிலை பள்ளிகள் 100 சதவீதம் தேர்ச்சி பெற்றுள்ளன. இதேபோன்று 2,724 அரசு பள்ளிகளில் 188 பள்ளிகள் 100 சதவீதம் தேர்ச்சி பெற்றுள்ளன. | RESULT

PLUS ONE RESULT - MARCH 2018 | பிளஸ் 1 பொதுத்தேர்வின் முடிவுகள் இன்று (மே 30) காலை 9 மணிக்கு வெளியிடப்படுகின்றன.


இன்று பிளஸ் 1 பொதுத்தேர்வு முடிவு இந்த ஆண்டு முதல்முறையாக நடத்தப்பட்ட பிளஸ் 1 பொதுத்தேர்வின் முடிவுகள் இன்று (மே 30) காலை 9 மணிக்கு வெளியிடப்படுகின்றன. கடந்த ஆண்டு வரையில் பிளஸ் 1 தேர்வானது பள்ளி அளவிலான சாதாரண தேர்வாகவே நடத்தப்பட்டு வந்தது. இந்த ஆண்டிலிருந்துதான் எஸ்எஸ்எல்சி, பிளஸ் 2 போன்று பிளஸ் 1 தேர்வும் பொதுத்தேர்வாக மாற்றப்பட்டுள்ளது. அந்த வகையில், முதலாவது பிளஸ் 1 பொதுத்தேர்வு மார்ச் 7 முதல் ஏப்ரல் 16-ம் தேதி வரை நடைபெற்றது. தமிழகம் மற்றும் புதுச்சேரியில் பள்ளி மாணவ - மாணவிகள், தனித்தேர்வர்கள் என 8 லட்சத்து 63 ஆயிரம் பேர் தேர்வெழுதியுள்ளனர். இந்த நிலையில், ஏற்கெனவே அறிவிக்கப்பட்டபடி தேர்வு முடிவுகள் இன்று காலை 9 மணிக்கு வெளியிடப்படுகின்றன. மாணவர்கள் கீழே கொடுக்கப்பட்டுள்ள இணையதளங்களில் பதிவெண் மற்றும் பிறந்த தேதியைக் குறிப்பிட்டு மதிப்பெண்களுடன் கூடிய தேர்வு முடிவுகளை அறிந்து கொள்ள லாம்  www.tnresults.nic.in | www.dge1.tn.nic.in | www.dge2.tn.nic.in  DOWNLOAD

அரசு, தனியார் நிறுவனங்களில் பணியாற்றும் மாற்றுத்திறனாளிகளுக்கும் உதவித்தொகை வழங்க அரசு உத்தரவு போராட்டத்தை ஒத்திவைப்பதாக கூட்டமைப்பு அறிவிப்பு

KALVISOLAI - கல்விச்சோலை - kalvisolai latest news -
40 சதவீத ஊனத்துடன் இருக்கும் அனைத்து மாற்றுத்திறனாளிகளுக்கும் சமூக பாதுகாப்பு திட்டத்தின் கீழ் மாதந்தோறும் ரூ.1,000 பராமரிப்பு உதவித்தொகை வழங்கப்படுகிறது. ஆனால் சுயதொழில் செய்வோர், அரசு, தனியார் நிறுவனங்களில் வேலை செய்பவர்களுக்கு இந்த உதவித்தொகை வழங்கப்படுவதில்லை. எனவே அரசு, தனியார் நிறுவனங்களில் பணியாற்றும் மாற்றுத்திறனாளிகளுக்கும் உதவித்தொகை வழங்க வலியுறுத்தி நேற்று சென்னை எழிலகத்தை முற்றுகையிடும் போராட்டம் நடத்தப்போவதாக மாற்றுத்திறனுடையோர் சங்கங்களின் கூட்டமைப்பினர் அறிவித்து இருந்தனர். இதைத்தொடர்ந்து கூட்டமைப்பு நிர்வாகிகளுடன் அதிகாரிகள் பேச்சுவார்த்தை நடத்தினர். இதன்பின்னர், புதிய அரசாணை வெளியிடப்பட்டது. அதில், ரூ.3 லட்சத்துக்கும் குறைவாக ஆண்டு வருமானம் பெறும் அரசு மற்றும் அரசு உதவி பெறும் நிறுவனங்கள், தனியார் நிறுவனங்களில் பணியாற்றும் 40 சதவீத ஊனமுள்ள மாற்றுத்திறனாளிகளுக்கும், சுயதொழில் செய்யும் மாற்றுத்திறனாளிகளுக்கும் மாதந்தோறும் ரூ.1,000 பராமரிப்பு உதவித்தொகை வழங்கப்படும் என்று கூறப்பட்டுள்ளது. இதைத்தொடர்ந்து தற்காலிகமாக போராட்டத்தை ஒத்திவைப்பதாக கூட்டமைப்பு நிர்வாகி நம்புராஜன் தெரிவித்தார்.

9 துறைமுகங்களில் புயல் எச்சரிக்கை கூண்டு

வங்கக்கடலில் காற்றழுத்த தாழ்வு 9 துறைமுகங்களில் புயல் எச்சரிக்கை கூண்டு வங்கக்கடலில் வலுப்பெற்று வரும் காற்றழுத்த தாழ்வு மண்டலம் காரணமாக 9 துறைமுகங்களில் 1-ம் எண் புயல் எச்சரிக்கை கூண்டுகள் ஏற்றப்பட்டுள்ளன. இது குறித்து சென்னை வானிலை ஆய்வு மையம் கூறியதாவது: மத்திய கிழக்கு வங்கக்கடலில் நிலவிய காற்றழுத்த தாழ்வு பகுதி வலுப்பெற்று காற்றழுத்த தாழ்வு மண்டலமாக மாறியுள்ளது. இது மேலும் வலுப்பெற்று தீவிர காற்றழுத்த தாழ்வு மண்டலமாக மாற வாய்ப்புள்ளது. இது 30-ம் தேதி அதிகாலை மியான்மர் பகுதியில் கரையை கடக்கும் என்று எதிர்பார்க்கப்படுகிறது. அதன் காரணமாக வடகிழக்கு, மத்திய கிழக்கு வங்கக்கடல் பகுதியில் மணிக்கு 55 கி.மீ. வேகத்தில் காற்று வீசக்கூடும். காற்றழுத்த தாழ்வு மண்டலத்தின் தாக்கத்தால் தமிழகத்துக்கு மழை வாய்ப்பு இல்லை. மீனவர்கள் 31-ம் தேதி வரை மத்திய கிழக்கு வங்கக்கடல் பகுதியில் மீன் பிடிக்கச் செல்ல வேண்டாம். அதற்காக சென்னை, கடலூர், நாகப்பட்டினம், எண்ணூர், காட்டுப்பள்ளி, புதுச்சேரி, காரைக்கால், பாம்பன், தூத்துக்குடி ஆகிய 9 துறைமுகங்களில் 1-ம் எண் புயல் எச்சரிக்கை கூண்டு ஏற்றப்பட்டுள்ளது. கேரளா மற்றும் தமிழகத்தின் சில பகுதிகளில் தென்மேற்கு பருவமழை தொடங்கியுள்ளது. இந்த ஆண்டு வழக்கமான தேதியைவிட 3 நாட்கள் முன்னதாக தொடங்கியுள்ளது.

பள்ளிக்கல்வித் துறையின் நிர்வாக அமைப்பில் பல்வேறு புதிய மாற்றங்கள் | 52 புதிய கல்வி மாவட்டங்கள் பள்ளிக்கல்வித் துறை உத்தரவு...


பள்ளிக்கல்வித் துறையின் நிர்வாக அமைப்பில் பல்வேறு புதிய மாற்றங்கள் செய்யப்பட்டு வருகின்றன. மாவட்ட தொடக்கக் கல்வி அதிகாரி, மெட்ரிகுலேஷன் பள்ளிகள் ஆய்வாளர் ஆகிய பணியிடங்கள் மாவட்ட கல்வி அதிகாரிக்கு இணையான பதவியாக இருப்பதால் அப்பணியிடங்களை மாவட்ட கல்வி அதிகாரி பணியிடங்களாக மாற்ற முடிவுசெய்யப்பட்டது. அதன்படி, 32 மாவட்ட தொடக்கக் கல்வி அதிகாரி பணியிடங்கள், 17 மெட்ரிக் பள்ளிகள் ஆய்வாளர் பணியிடங்கள், 2 மாவட்ட முறைசாரா கல்வி அலுவலர், ஒரு ஆங்கிலோ இந்தியன் பள்ளிகள் ஆய்வாளர் பணியிடங்கள் மாவட்ட கல்வி அதிகாரி பணியிடங்களாக தற்போது மாற்றப்பட்டுள்ளன. இதைத் தொடர்ந்து, புதிதாக 52 கல்வி மாவட்டங்களை தொடங்க பள்ளிக்கல்வித் துறையின் முதன்மைச் செயலர் பிரதீப் யாதவ் உத்தரவிட்டார். அதன்படி, 52 புதிய கல்வி மாவட்டங்களும் உருவாக்கப்பட்டுள்ளன. இதனால், கல்வி மாவட்டங்களின் எண்ணிக்கை 119 ஆக உயர்ந் துள்ளது. DOWNLOAD

Tuesday, May 29, 2018

8 லட்சத்து 63 ஆயிரம் பேர் எழுதிய பிளஸ்-1 தேர்வு முடிவுகள் நாளை (புதன்கிழமை) காலை 9 மணிக்கு வெளியிடப்படுகிறது.


8 லட்சத்து 63 ஆயிரம் பேர் எழுதிய பிளஸ்-1 தேர்வு முடிவுகள் நாளை வெளியீடு | 8 லட்சத்து 63 ஆயிரம் பேர் எழுதிய பிளஸ்-1 தேர்வு முடிவுகள் நாளை (புதன்கிழமை) வெளியிடப்படுகிறது. பிளஸ்-1 தேர்வு தமிழ்நாடு மற்றும் புதுச்சேரியில் முதன் முறையாக பிளஸ்-1 மாணவ-மாணவிகளுக்கு அரசு பொதுத்தேர்வு நடைபெற்றது. இந்த தேர்வை தமிழ்நாடு மற்றும் புதுச்சேரியில் 8 லட்சத்து 61 ஆயிரத்து 915 பள்ளி மாணவ-மாணவிகளும், 1,753 தனித்தேர்வர்களும் எழுதினர். மொத்தத்தில் 8 லட்சத்து 63 ஆயிரத்து 668 பேர் தேர்வெழுதினர். மேலும், வேலூர், கடலூர், புதுக்கோட்டை, கோவை, மதுரை, பாளையங்கோட்டை, திருச்சி மற்றும் புழல் சிறைகளில் 62 ஆண் கைதிகள் புழல் சிறையில் அமைக்கப்பட்டு இருந்த தேர்வு மையத்தில் தேர்வெழுதினர். நாளை வெளியீடு மாணவ-மாணவிகள் காப்பி அடிப்பதை தடுக்க 4,000 பேர் கொண்ட பறக்கும் படை அமைக்கப்பட்டிருந்தது. விடைத்தாள் மதிப்பீடு செய்யப்பட்டு மதிப்பெண்கள் கம்ப்யூட்டரில் பதிவு செய்யும் பணி முடிவடைந்து உள்ளது. இதையடுத்து பிளஸ்-1 தேர்வு முடிவுகள் நாளை (புதன்கிழமை) காலை 9 மணிக்கு வெளியிடப்படுகிறது. இந்த தேர்வு முடிவுகளை ( www.tnresults.nic.in, www.dge.tn.nic.in, www.dge2.tn.nic.in ) என்ற இணையதளங்களில் தெரிந்து கொள்ளலாம். DOWNLOAD

Monday, May 28, 2018

வேலைவாய்ப்பு மிகுந்த வேளாண் படிப்புகள்!

உயிர் வாழ்தலுக்கான அடிப்படைகளில் உணவுக்கே முதலிடம். அந்த உணவுக்கு அடிப்படை வேளாண்மையே. எனவே என்றென்றும் விவசாய படிப்புகளுக்கு மவுசு அதிகமே. பல்வேறு சூழல்களால் இன்று விவசாயம் பாதிக்கப்பட்டு வருவதால், எதிர்காலத்தில் விவசாயத்திற்கு மிகமிக அதிக தேவை ஏற்படும் என்பது மறுப்பதற்கில்லை. அப்போது வேளாண் சார்ந்த படிப்புகளை படித்து முடித்திருப்பவர்களுக்கு வாழ்க்கையில் திரும்பம் தரும் வகையில் வாய்ப்புகள் உருவாகும் என்றால் ஆச்சரியப்படுவதற்கில்லை. விவசாயம் சார்ந்த சில படிப்புகளையும், அவை வழங்கும் வேலைவாய்ப்புகள் பற்றியும் இங்கு பார்ப்போம்...

வேளாண் பொறியியல்:
விவசாயமும் இன்றும் தொழில்நுட்ப மயமாகிவிட்டது. நாற்று நடுவது, களைபறிப்பது, அறுவடை வரை அனைத்திலும் எந்திரங்களும், தொழில்நுட்ப கருவிகளும் பயன்படுத்தப்பட்டு வருகின்றன. எனவே வேளாண் பொறியியல் முக்கியத்துவம் நிறைந்த பட்டப்படிப்பாக மாறிக் கொண்டிருக்கிறது. 4 ஆண்டுப் படிப்பு இது. பிளஸ் 2 பொதுத் தேர்வில் எடுத்த மதிப்பெண்ணையும், அந்தந்த கல்வி நிறுவனங்கள் நடத்தும் மதிப்பெண்ணையும் அடிப்படையாக வைத்து இப்படிப்பிற்கான மாணவ சேர்க்கை நடைபெறுகிறது. பொறியியல் மாணவர் சேர்க்கை மூலம் இந்த படிப்பையும், நீங்கள் விரும்பும் கல்லூரியையும் தேர்வு செய்யலாம்.விவசாயத்தில் பொறியியலையும், தொழில்நுட்பத்தையும் பயன்படுத்தும் பணி வேளாண் பொறியாளர்களுடையது. வேளாண் துறைக்குத் தேவையான கருவிகள், எந்திரங்கள் போன்றவற்றை வடிவமைத்தல், உருவாக்குதல் போன்ற பணிகள் வேளாண் பொறியாளர்களுக்கானது. இப்படிப்பை முடித்தவர்களுக்கு வேளாண் கருவிகள் உற்பத்தி நிறுவனங்கள், புட் புராசசிங் நிறுவனங்கள், பாசனக் கருவிகள் தயாரிக்கும் நிறுவனங்கள் உள்பட வேளாண் தொழில் நுட்ப நிறுவனங்களில் வேலை கிடைக்கும். வங்கிகள், இன்சூரன்ஸ் நிறுவனங்களிலும் வேலைவாய்ப்புக்கான சாத்தியங்கள் உண்டு. தமிழகத்தில் கோவை, தமிழ்நாடு விவசாயப் பல்கலைக்கழகம் இப்படிப்பை அளிக்கிறது.

வேளாண் தகவல் தொழில்நுட்பம்:
அக்ரிகல்சர் இன்பர்மேஷன் டெக்னாலஜி படிப்பும், தொழில்நுட்பம் சார்ந்த பட்டப்படிப்பே. 4 ஆண்டுப் படிப்பு இது. தகவல் தொழில்நுட்பத்தின் முக்கியத்துவம் வேளாண் துறையிலும் பெருகிவருகிறது. விவசாய உற்பத்தி, உணவு, மக்கள்தொகை பெருக்கம் ஆகிய காரணங்களால் இந்த துறை மேலும் முக்கியத்துவத்தை பெறும். விவசாயிகளுக்கும் விவசாய ஆய்வாளர்களுக்கும் உதவுவதற்காகவும், அவர்களின் சிக்கலை தீர்க்கவும், அக்ரிகல்சர் சாப்ட்வேர் உருவாக்கப்பட்டுள்ளது. விவசாயத்தில் தகவல்தொழில்நுட்பத்தை பயன்படுத்தும் போது கிராமப் புறங்களில் பல புதிய வாய்ப்புகள் உருவாகின்றன.இந்தியாவில் உள்ள 65 சதவீதம் பேருக்கு விவசாயம் தான் தொழிலாக உள்ளது. கிராமப்புறங்களில் வசிப்பவர்களுக்கு விவசாயம், கால்நடை வளர்ப்பு, சுகாதாரம், கல்வி போன்ற விஷயங்கள் தொடர்பான தகவல்களை அறிந்து கொள்வது அவசியம். கிராமங்களுக்கு தகவல்கள் சென்றடைய தொழில்நுட்பம் உதவுகிறது. விவசாயத்திலும், கிராமப்புற முன்னேற்றத்திலும் தகவல் தொழில்நுட்பத்தின் பங்கினைப் பற்றியும், விவசாயம் சந்திக்கும் பிரச்சினை, அதை தகவல் தொழில்நுட்பத்தை பயன்படுத்தி தீர்வு காண்பது பற்றியும் மாணவர்கள் இந்த படிப்பில் அறிந்துகொள்ளலாம்.இந்த படிப்பில் அக்ரிகல்சர் இன்பர்மேஷன் சிஸ்டம், ஆப்ஜெக்ட் ஓரியன்டட் புரோகிராமிங், டெவலப்மென்டல் எக்னாமிக்ஸ், கம்ப்யூட்டர் நெட்வொர்க் அண்டு வில்லேஜ் ஏரியா நெட்வொர்க், பி.சி., அண்டு அப்ளிகேஷன்ஸ் இன் ரூரல் ஏரியாஸ், ரிமோட் சென்சிங் அண்டு ஜி.ஐ.எஸ்., மல்டிமீடியா டெக்னாலஜி, பார்ம் ஆட்டோமேஷன், ஆபரேட்டிங் சிஸ்டம் அண்டு டேட்டாபேஸ் மேனேஜ்மென்ட் சிஸ்டம் போன்ற பாடங்களை கற்றுத்தருகின்றனர். கோவை, தமிழ்நாடு விவசாய பல்கலைக்கழகத்தில் அக்ரிகல்சர் இன்பர்மேஷன் டெக்னாலஜி, பி.டெக்., படிப்பாக வழங்கப்படுகிறது.

பல்வேறு படிப்புகள்:
இவை மட்டுமல்லாமல் வேளாண் அறிவியல் வேளாண் விற்பனை (அக்ரிகல்சுரல் மார்க்கெட்டிங்), வேளாண்மை நிதி (அக்ரி பினான்ஸ்), வேளாண் திட்டங்கள் ( அக்ரிகல்சுரல் பாலிசி), அக்ரி பிசினஸ் மேனேஜ்மென்ட், அக்ரிகல்சரல் ரிசர்ச் அண்ட் ஸ்டாட்டிஸ்டிக்ஸ், சாயில் சயின்ஸ், புட் சயின்ஸ் போன்ற பட்டப்படிப்புகளும் வேளாண் துறையில் முக்கியத்துவம் வாய்ந்த பட்டப்படிப்புகளாக உள்ளன.அக்ரிகல்சர் அண்ட் எக்ஸ்டென்சன் எஜூகேசன், அக்ரிகல்சரல் ரிசர்ச் அண்ட் அனலைசிஸ், அக்ரிகல்சர் எஜுகேசன் டெக்னிக்ஸ் போன்ற முதுநிலை படிப்புகளும் உள்ளன. பல்வேறு ஆராய்ச்சி படிப்புகளும் உள்ளன. பல்வேறு படிப்புகள் டிப்ளமோ படிப்புகளாகவும் வழங்கப்படுகின்றன.இந்தப் படிப்புகளை இந்தியா முழுவதும் உள்ள ஏராளமான கல்வி மையங்களில் பயில முடியும். பெரும்பாலும் 3 ஆண்டு மற்றும் 4 ஆண்டு காலம் கொண்ட பட்டப்படிப்புகளாகும். இவற்றை தேர்வு செய்து படிப்பவர்களுக்கு சிறந்த எதிர்காலம் உண்டு.

வேலைவாய்ப்புகள்:
வேளாண் ஆராய்ச்சியாளர், வேளாண் தொழில்நுட்பனர், கள ஆய்வாளர், பசுமை வீடு தொழில்நுட்பனர், பண்ணை மேலாளர், வேளாண் விற்பனை பிரதிநிதி, வேளாண் உணவுப்பொருள் கிட்டங்கி அதிகாரி, வேளாண் கல்வியாளர், திட்ட வரைவாளர், மண்வள ஆய்வாளர், வேளாண் தொழில் வல்லுனர், வேளாண் நிர்வாக அதிகாரி என பலவிதமான பொறுப்புகளுக்குச் செல்ல முடியும்.அரசு மற்றும் தனியார் வேளாண் நிறுவனங்கள், வேளாண் கருவி தயாரிப்பு நிறுவனங்கள், உர நிறுவனங்கள் மற்றும் வங்கிகள் போன்றவற்றிலும் வேலைவாய்ப்புகள் கிடைக்கும். விருப்பம் உள்ளவர்கள் வேளாண் படிப்பை தேர்வு செய்து பிரகாசமான எதிர்காலத்தைப் பெறலாம்!

Saturday, May 26, 2018

ஹெச்-4 விசா பணி ஆணை ரத்து ஜூன் மாதம் இறுதி முடிவு

KALVISOLAI - கல்விச்சோலை - kalvisolai latest news -
ஹெச்-4 விசா வைத்திருப்பவர்களுக்கு வழங்கப்பட்ட பணி நியமன ஆணையை ரத்து செய்வதற்கான நடவடிக்கைகள் இறுதி கட்டத்தில் உள்ளதாக ட்ரம்ப் நிர்வாகம் , அமெரிக்க நீதிமன்றத்தில் தெரிவித்துள்ளது. இதனால் ஆயிரக்கணக்கான இந்தியர்கள் பாதிக்கப்படும் நிலை உருவாகி உள்ளது. ஹெச்-1பி விசா வைத்திருப்பவர்களின் கணவன் அல்லது மனைவிக்கு ஹெச்-4 விசா அளிக்கப்படுகிறது. ஹெச்-4 விசா வைத்திருப்பவர்களில் பெரும்பாலானவர்கள் இந்தியாவைச் சேர்ந்த தொழில்நுட்ப ஊழியர்கள் என்பது குறிப்பிடத்தக்கது. கடந்த 2015-ம் ஆண்டு ஒபாமா ஆட்சிக் காலத்தில் ஹெச்-1பி விசா வைத்திருப்பவர்களின் கணவன் அல்லது மனைவி தங்களிடமுள்ள ஹெச்-4 விசாவின் மூலம் அமெரிக்காவில் பணிபுரியும் வகையில் சட்டம் கொண்டுவரப்பட்டது. இந்த சட்டத்தை நீக்க தற்போதைய ட்ரம்ப் நிர்வாகம் முடிவு செய்துள்ளது. இதனால் ஹெச்-4 விசாவின் மூலம் பணிபுரிந்து வருகிற 70,000 பேருக்கு பாதிப்பு ஏற்படும் நிலை உருவாகியுள்ளது. இந்த சட்ட திருத்தம் இறுதிக் கட்டத்தில் உள்ளதாகவும், உள்ளூர் பாதுகாப்புத் துறையின் (டிஹெச்எஸ்) அனுமதிக்காக தற்பொழுது அனுப்பப்பட்டுள்ளதாகவும் ட்ரம்ப் நிர்வாகம் அமெரிக்க நீதிமன்றத்தில் தெரிவித்துள்ளது. உள்ளூர் பாதுகாப்புத் துறை அனுமதி அளித்ததும் மேலாண்மை மற்றும் பட்ஜெட் மேற்பார்வை துறைக்கு இது அனுப்பி வைக்கப்படும் எனவும் ட்ரம்ப் நிர்வாகம் நீதிமன்றத்தில் தெரிவித்துள்ளது. முன்னதாக இந்த சட்டத் திருத்தத்தை செயல்படுத்த முடிவு செய்து இருப்பதாக உள்ளூர் பாதுகாப்புத் துறை, நீதிமன்றத்தில் தெரிவித்திருந்தது குறிப்பிடத்தக்கது.

ஐஃபோன் வடிவமைப்பை நகலெடுத்த விவகாரம் சாம்சங் நிறுவனத்துக்கு 53 கோடி டாலர் அபராதம்

ஐஃபோன் வடிவமைப்பை நகலெடுத்ததாக சாம்சங் நிறுவனம் மீது ஏழு ஆண்டுகளுக்கு முன்பு தொடுக்கப்பட்ட காப்புரிமை வழக்கில், சாம்சங் நிறுவனம் 53.3 கோடி டாலரை ஆப்பிள் நிறுவனத்துக்கு செலுத்தவேண்டும் என அமெரிக்க நீதிமன்றம் உத்தரவிட்டுள்ளது. சில காப்புரிமை விதிகளை மீறியதற்காக மேலும் 50 லட்சம் டாலரை சாம்சங் செலுத்தவேண்டும் எனவும் நீதிபதிகள் உத்தரவிட்டனர். முன்னதாக 2012-ம் ஆண்டு வழங்கப்பட்ட தீர்ப்பில் 105 கோடி டாலரை சாம்சங் செலுத்தவேண்டும் என நீதிபதிகள் உத்தரவிட்டனர். 2016-ம் ஆண்டு அமெரிக்க உச்ச நீதிமன்றத்தில் மேல்முறையீட்டுக்கு வந்த இந்த வழக்கு பின்னர் மாவட்ட நீதிமன்றத்துக்கு மாற்றப்பட்டது. மாவட்ட நீதிமன்றம் அபராதத் தொகையை 39.9 கோடி டாலராக குறைத்தது. ஆப்பிள் நிறுவனத்தின் மேல்முறையீட்டைத் தொடர்ந்து அபராதத் தொகையை மேலும் 14 கோடி டாலர் அளவுக்கு அதிகரித்து 53.3 கோடி டாலரை சாம்சங் அபராதமாக செலுத்தவேண்டும் என நீதிபதிகள் உத்தரவு பிறப்பித்துள்ளனர். சாம்சங் நகலெடுத்த பகுதிகள், ஆப்பிள் நிறுவனத்தின் ஐஃபோனின் செயல்பாட்டில் முக்கிய பங்கு வகிக்கக்கூடிய பகுதியா அல்லது ஒரு சிறிய பகுதி மட்டும்தானா என்ற வகையில் நீதிபதிகள் விசாரணை மேற்கொண்டனர். சாம்சங் நகலெடுத்திருக்கிற பகுதி ஆப்பிள் ஐஃபோனின் மிக முக்கியமான பகுதி என ஆப்பிள் நிறுவனம் நீதிமன்றத்தில் வாதிட்டது. சாம்சங் சார்பில் வாதாடிய ஜான் குவின், ஆப்பிள் குறிப்பிடும் வகை ஃபோன்களை விற்றதற்கான லாபத்தின் பங்கை ஆப்பிளுடன் பகிர்ந்துகொள்ள மாட் டோம் என்று சொல்லவில்லை, ஆனால் ஃபோனுக்கான முழு லாபத்தையும் ஆப்பிள் நிறுவனத்துக்கு தர முடியாது என்றார். இருதரப்பு வாதங்களையும் கேட்ட கலிபோர்னியாவின் சான் ஜோஸ் நகர நீதிபதி லூசி கோஹ் சாம்சங் நிறுவனத்துக்கு 53.3 கோடி டாலர் அபராதம் விதித்து உத்தர விட்டார். ஐஃபோனின் விளிம்புகள், திரை உட்பட மூன்று வெளிப்புற வடிவமைப்புகள் மற்றும் ஐகான் நிறங்களை சாம்சங் நகலெடுத்ததாக ஆப்பிள் நிறுவனம் குற்றம் சாட்டியிருந்தது. இந்த வழக்கில் தொடர்புடைய ஃபோன்களை இனி சாம்சங் விற்காது என தகவல்கள் தெரிவிக்கின்றன. ஏற்கெனவே சாம்சங் நிறுவனம் 39.9 கோடி டாலரை அபராதமாக ஆப்பிளுக்கு செலுத்திவிட்டது. Facebook Google Twitter EmailShare © 2017 All Rights Reserved. Powered by Summit exclusively for The Hindu Click to return on the top page

Friday, May 25, 2018

ஸ்டெர்லைட் ஆலையை மூட தமிழக அரசு முடிவு  அமைதி திரும்ப ஒத்துழைக்குமாறு ஆட்சியர் வேண்டுகோள்

KALVISOLAI - கல்விச்சோலை - kalvisolai latest news -
‘ ஸ்டெர்லைட் ஆலையை மூட அரசு முடிவு செய்துள்ளது. அமைதி திரும்ப மக்கள் ஒத்துழைக்க வேண்டும்’ என்று மாவட்ட ஆட்சியர் சந்தீப் நந்தூரி நேற்று தெரிவித்தார். தூத்துக்குடியில் 3-வது நாளாக நேற் றும் பதற்றம் நீடித்தது. தீ வைப்பு, பெட்ரோல் குண்டு வீச்சு போன்ற சம்பவங்கள் தொடர்ந்தன. நீதிமன்ற உத்தரவால் ஸ்டெர்லைட் ஆலைக்கான மின் இணைப்பு துண்டிக்கப்பட்டுள்ளது. ஸ்டெர்லைட் ஆலைக்கு எதிரான போராட்டம் 100-வது நாளை எட்டியதை தொடர்ந்து கடந்த 22-ம் தேதி ஸ்டெர் லைட் எதிர்ப்பு தூத்துக்குடி மாவட்ட மக்கள் கூட்டமைப்பு சார்பில் மாவட்ட ஆட்சியர் அலுவலகம் முற்றுகை போராட்டம் நடைபெற்றது. இப்போராட்டத்தில் கலவரம் வெடித்தது. கல்வீச்சு, தீ வைப்பு சம்பவங்களைத் தொடர்ந்து, ஆட்சியர் அலுவ லக வளாகத்தில் போலீஸார் துப்பாக் கிச் சூடு நடத்தியதில் 13 பேர் உயிரிழந்தனர். மேலும், காயமடைந்த 95 பேர் தூத்துக்குடி அரசு மருத்துவக்கல்லூரி மருத்துவமனையில் தொடர்ந்து சிகிச்சை பெற்று வருகின்றனர். தீ வைப்பு, கல்வீச்சு தூத்துக்குடியில் 3-வது நாளான நேற்று பதற்றம் சற்று தணிந்திருந்தபோதிலும் சகஜ நிலை திரும்பவில்லை. தீ வைப்பு, கல்வீச்சு, பெட்ரோல் குண்டு வீச்சு போன்ற சம்பவங்கள் ஆங்காங்கே நேற்றும் நடந்தன. தூத்துக்குடி முத்தையாபுரம் போலீஸ் நிலையம் முன்பு நள்ளிரவில் சிலர் பெட்ரோல் குண்டு வீசினர். தூத்துக்குடி அண்ணா நகரில் உள்ள டாஸ்மாக் கடைக்கு நேற்று முன்தினம் இரவு தீ வைக்கப்பட்டது. பிரையண்ட் நகர் மற்றும் சாயர்புரத்தில் உள்ள டாஸ் மாக் மதுபானக் கடைகளுக்கு நேற்று காலை சிலர் தீ வைத்தனர். நகரின் பல பகுதிகளில் வீடுகளுக்கு முன்பு நிறுத்தப்பட்டிருந்த 17 கார்களின் கண்ணாடிகளை நள்ளிரவில் சிலர் உடைத்து சேதப்படுத்தியுள்ளனர். இதனால் தூத்துக்குடி அண்ணா நகர் பகுதியே கலவர பூமியாக காட்சியளித்தது. பல கோடி இழப்பு தூத்துக்குடியில் கடைகள், வணிக நிறுவனங்கள் 3-வது நாளாக நேற்றும் அடைக்கப்பட்டிருந்தன. காமராஜ் காய் கறி மார்க்கெட் நேற்று காலை 5 மணி முதல் 9 மணி வரை திறக்கப்பட்டது. அரிசி, காய்கறிகள் உள்ளிட்ட அத்தியாவசிய பொருட்களை வாங்க கூட்டம் அலைமோதியது. கடைகள் வணிக நிறுவனங்கள் தொடர்ந்து அடைக்கப்பட்டுள்ளதால் அத்தியாவசிய பொருட்கள் கிடைக்காமல் மக்கள் அவதிப்பட்டு வருகின்றனர். அம்மா உணவகத்தை 24 மணி நேர மும் திறந்து வைக்க நடவடிக்கை எடுக்கப்பட்டுள்ளது. அதுபோல, பேருந்து போக்குவரத்து 3-வது நாளாக நேற்றும் தொடங்கப்படவில்லை. தொழிற்சாலைகள், தொழில் நிறுவனங்கள் இயங்காததால் பல கோடி ரூபாய் இழப்பு ஏற்பட்டுள்ளது. மேலும் ஆயிரம் போலீஸார் தூத்துக்குடியில் ஏற்கெனவே ஏடிஜிபி விஜயகுமார் தலைமையில் 5 ஆயிரம்போலீஸார் குவிக்கப்பட்டுள்ளனர். இந்நிலையில் தமிழ்நாடு சிறப்பு காவல் படையைச் சேர்ந்த ஆயிரம் போலீஸார் தூத்துக்குடிக்கு அனுப்பி வைக்கப்பட் டுள்ளனர். இதனிடையே, தூத்துக்குடியில் நேற்று மாலை ஆட்சியர் அலுவலகத்தில், வணிகர்கள், ஓட்டல் உரிமையாளர்கள் சங்கத்தினர், அரசியல் கட்சியினர் பங்கேற்ற அமைதிக் கூட்டம் நடைபெற்றது. இதன்பிறகு, மாவட்ட ஆட்சியர் சந்தீப் நந்தூரி செய்தியாளர்களிடம் கூறியதாவது: தமிழக முதல்வர் ஏற்கெனவே தெரிவித்தபடி, ஸ்டெர்லைட் ஆலைக்கு மின்சாரம், குடிநீர் இணைப்புகள் துண்டிக்கப்பட்டிருக்கிறது. சுற்றுச்சூழல் அனுமதியும் மறுக்கப்பட்டுள்ளது. மக்களுக்கு தேவையில்லாத திட்டம் வேண்டாம் என்பதுதான் அரசின் நிலைப்பாடு. நீதிமன்றத்திலும் அரசு தரப்பில், இதுகுறித்து தெரிவிக்கப்பட்டுள்ளது. இந்த ஆலையை நடத்த அரசு விரும்பவில்லை. வழக்கு நிலுவையில் இருக்கிறது. அதில் ஆலைக்கு எதிராகவே அரசு வாதிட்டு வருகிறது. ஆலையைத் திறப்பதற்கு இனி வாய்ப்பில்லை. மக்கள் கோரிக்கை நிவர்த்தி செய்யப்பட்டிருக்கிறது. இதை மக்கள் புரிந்துகொண்டு அமைதி திரும்ப ஒத்துழைக்க வேண்டும். இவ்வாறு அவர் கூறினார்.

Thursday, May 24, 2018

1, 6, 9, 11-ம் வகுப்புகளுக்கான புதிய பாடப் புத்தகங்கள் மே 31 இல் இணையதளத்தில் வெளியீடு

1, 6, 9, 11-ம் வகுப்புகளுக்கான புதிய பாடப் புத்தகங்கள் மே 31 இல் இணையதளத்தில் வெளியீடு | 1,6,9,11-ம் வகுப்புகளுக்கான புதிய பாடப்புத்தகங்கள் இணையதளத்தில் மே 31 முதல் படிப்படியாக வெளியிடப்படுகின்றன. தமிழகத்தில் நீண்ட காலமாக மாற்றப்படாமல் இருந்த பள்ளி பாடத்திட்டம் இந்த ஆண்டுமுதல் படிப்படியாக மாற்றியமைக்கப்படுகிறது. முதல்கட்டமாக 1,6,9,11-ம் வகுப்புகளுக்கு புதிய பாடத்திட்டம் நடைமுறைப்படுத்தப்படும். இதைத்தொடர்ந்து, மற்ற வகுப்புகளுக்கு அடுத்தடுத்த கல்வி ஆண்டுகளில் படிப்படியாக புதிய பாடத்திட்டம் அமல்படுத்தப்படும். இந்த நிலையில், 1,6,9,11-ம் வகுப்புகளுக்கான புதிய பாடப்புத்தகங்களை முதல்வர் கே.பழனிசாமி கடந்த 4-ம் தேதி வெளியிட்டார். புதிய புத்தகங்கள் இம்மாத இறுதியில் விற்பனைக்கு வரவுள்ளன. 1,6,9,11-ம் வகுப்புகளுக்கான புதிய பாடப்புத்தகங்கள் மே 23-ம் தேதி இணையதளத்தில் வெளியிடப்படும் என்று பள்ளிக் கல்வி அமைச்சர் கே.ஏ.செங்கோட்டையன் அண்மையில் அறிவித்தார். அதன்படி, வெளியிடவில்லை. புதிய பாடப்புத்தகங்கள் தமிழ்நாடு மாநில கல்வியியல் ஆராய்ச்சி மற்றும் பயிற்சி நிறுவனத்தின் இணையதளத்தில் (www.tnscert.org) மே 31 இல் வெளியிடப்படுகின்றன. இணையதளத்தின் சர்வர் திறனுக்கு ஏற்ப, புதிய பாடப்புத்தகங்கள் வகுப்புகள் மற்றும் பாடங்கள் வாரியாக மே 31 இல் படிப்படியாக இணையதளத்தில் வெளியிடப்படும் என்று கல்வியியல் ஆராய்ச்சி மற்றும் பயிற்சி நிறுவனத்தின் இயக்குநரும், புதிய பாடத் திட்டக்குழுவின் உறுப்பினர்-செயலருமான ஜி. அறிவொளி தெரிவி்த்தார். பள்ளி மாணவர்களுக்கான அனைத்து பாடப்புத்தகங்களையும் வகுப்புகள், பாடங்கள் வாரியாக தமிழ்நாடு பாடநூல் கழகம் மற்றும் கல்வியியல் பணிகள் கழகத்தின் இணையதளத்தில் (www.textbooksonline.tn.nic.in) பார்க்கலாம். அந்த வகையில், 1,6,9,11-ம் வகுப்பு புதிய பாடப்புத்தகங்களையும் பாட நூல் கழக இணையதளத்தில் வெளியிட ஏற்பாடு செய்யப்படும் என்று அதன் நிர்வாக இயக்குநர் டி.ஜெகந்நாதன் தெரிவித்தார். | DOWNLOAD

எஸ்எஸ்எல்சி தேர்வு முடிவு மறுகூட்டலுக்கு மே 24-ம் தேதி முதல் 26-ம் தேதி மாலை 5.45 மணி வரை விண்ணப்பிக்கலாம்.

எஸ்எஸ்எல்சி தேர்வு முடிவு மறுகூட்டலுக்கு மே 24-ம் தேதி முதல் 26-ம் தேதி மாலை 5.45 மணி வரை விண்ணப்பிக்கலாம். இதுதொடர்பாக அரசு தேர்வுகள் இயக்குநர் தண்.வசுந்தராதேவி வெளியிட்ட செய்திக்குறிப்பில் கூறியிருப்பதாவது: பள்ளி மாணவர்கள் தங்கள் பள்ளி வழியாகவும், தனித் தேர்வர்கள் தாங்கள் தேர்வு எழுதிய மையம் வழியாகவும் மே 24-ம் தேதி (நாளை) முதல் 26-ம் தேதி மாலை 5.45 மணி வரை மறுகூட்டலுக்கு விண்ணப்பிக்க வேண்டும். இதற்கான கட்டணமாக மொழித்தாள், ஆங்கிலத் தாளுக்கு தலா ரூ.305, கணிதம், அறிவியல், சமூக அறிவியல், விருப்ப மொழிப்பாடம் ஆகியவற்றுக்கு தலா ரூ.205 செலுத்த வேண்டும். விண்ணப்பிக்கும் இடத்திலேயே கட்டணத்தை செலுத்த வேண்டும். விண்ணப்பிக்கும்போது வழங்கப்படும் ஒப்புகைச் சீட்டை மாணவர்கள் பத்திரமாக வைத்துக்கொள்ள வேண்டும். இதில் உள்ள விண்ணப்ப எண் மூலமாகத்தான் பின்னர் மறுகூட்டல் முடிவுகளை அறிந்துகொள்ள முடியும். சிறப்பு துணை பொதுத் தேர்வு பொதுத்தேர்வில் வெற்றிவாய்ப்பை இழந்தவர்கள், தேர்வுக்கு விண்ணப்பித்து கலந்துகொள்ளாதவர்களுக்கு ஜூன் 28-ம் தேதி சிறப்பு துணை பொதுத் தேர்வு நடத்தப்படும். இதற்கு விண்ணப்பிப்பது குறித்து தனியாக அறிவிப்பு வெளியிடப்படும். இவ்வாறு அவர் தெரிவித்துள்ளார்.

தமிழில் சட்டப் பயிற்சி மனுபாத்ரா நிறுவனம் அறிமுகம்

தமிழில் சட்டப்பயிற்சி சேவைகளை மனுபாத்ரா பகுப்பாய்வு நிறுவனம் தொடங்கியுள்ளது. இதற்காக lawskills.com என்கிற இணையதளத்தினை அறிமுகம் செய்துள்ளது. இது தொடர்பாக மனுபாத்ரா இன்பர்மேஷன் நிறுவனத்தின் இயக்குநர் தீபக் கபூர் கூறுகையில், இந்தியாவில் சட்டக் கல்வி சிறப்பான வகையில் இருந்தாலும், சட்டக் கல்வி முடிப்பவர் கள் நீதிமன்ற நடைமுறைகளை அறிந்து கொள்வதற்காக வழக்கறிஞர்களிடத்தில் தனியாக பயிற்சி பெறுகின்றனர். இதனால் அவர்கள் சொந்தமாக தொழி லைத் தொடங்க சில ஆண்டுகள் கூடுதலாக செலவாகிறது. இந்த அனுபவப் பயிற்சி காலகட்டத்தை தவிர்க்கும் விதமாக லா ஸ்கில்ஸ் இணையதள பயிற்சி இருக்கும். அதுபோல கார்ப்பரேட்டுகள் ஈடுபடும் ஒப்பந்தங்கள், அவர்களுக்கான சட்ட நடைமுறைகளையும், மற்றும் வழக்கு நடைமுறைகளை தெரிந்து கொள்ளலாம். சட்ட மாணவர்கள் அல்லாதவர்களும் இந்திய சட்ட நடைமுறைகள் குறித்த கல்வி பெற இந்த இணைய தளம் உதவும். தேர்ந்த மொழிபெயர்ப்பாளர்களைக் கொண்டு தமிழில் சட்ட விவரங்களை அளிக்கிறோம். பயிற்சிக்கான சராசரி கட்டணம் ரூ.4,000 என்கிற அளவிலேயே நிர்ணயித்துள்ளோம். சட்டக் கல்லூரிகள் அளவில் இந்த இணைய தளத்தை கொண்டு செல்லத் திட்டமிட்டுள்ளோம். தற்போது தமிழ் உட்பட ஐந்து மொழிகளில் சட்ட விவரங்களை அளிக்கிறோம் வரும் ஆண்டுக்குள் 10 மொழிகளில் அளிக்க உள்ளோம். தினசரி வழக்கு விவரங்கள் வரை இணையதளத்தில் உடனடியாக பார்க்க முடியும் என்றார். சட்டத் தகவல்கள் தேடல், பகுபாய்வு துறையில் உள்ள மனுபாத்ரா இதன் மூலம் சட்டக் கல்வி பயிற்சியிலும் கால்பதித்துள்ளது.

அரசு பள்ளிகளை மூடும் திட்டம் இல்லை அமைச்சர் செங்கோட்டையன் விளக்கம்

அரசு பள்ளிகளை மூடும் திட்டம் இல்லை அமைச்சர் செங்கோட்டையன் விளக்கம் | அரசு பள்ளிகளை மூடும் திட்டம் எதுவும் இல்லை என்று பள்ளிக்கல்வி அமைச்சர் கே.ஏ.செங்கோட்டையன் கூறியுள்ளார். தமிழகத்தில் 37,211 அரசு பள்ளிகளும் 8,403 அரசு உதவி பெறும் பள்ளிகளும் 12,419 தனியார் சுயநிதி பள்ளிகளும் இயங்கி வருகின்றன. இவற்றில் ஒரு கோடியே 25 லட்சத்துக்கும் மேற்பட்ட மாணவ-மாணவிகள் கல்வி பயில்கின்றனர். அரசு பள்ளிகளில், நிர்ணயிக்கப்பட்டுள்ள ஆசிரியர் மாணவர் விகிதாச்சாரத்தின்படி மாணவர்கள் எண்ணிக்கை குறித்த விவரங்களையும், மாணவர் எண்ணிக்கை குறைவாக உள்ள பள்ளிகளின் எண்ணிக்கையையும் கணக்கெடுக்க பள்ளிக்கல்வித்துறை அண்மையில் உத்தரவு பிறப்பித்தது. , சுமார் 900 அரசு மற்றும் அரசு உதவி பெறும் தொடக்கப் பள்ளிகளில் மாணவர்களின் எண்ணிக்கை 15-க்கும் குறைவாக இருப்பது கண்டறியப்பட்டது. மாணவர் சேர்க்கை குறைவாக உள்ள பள்ளிகளை அருகேயுள்ள பள்ளிகளுடன் இணைக்கலாமா என்று அரசு திட்டமிட்டு வருகிறது. இந்த நிலையில், மாணவர் சேர்க்கை 10-க்கும் குறைவாக உள்ள 890 அரசு தொடக்கப்பள்ளிகளை மூட அரசு பரிசீலித்து வருவதாக ஊடகங்களில் செய்தி வெளியானது. இதுதொடர்பாக சென்னையில் தனியார் தொலைக்காட்சிக்கு பள்ளிக்கல்வி அமைச்சர் செங்கோட்டையன் நேற்று அளித்த பேட்டியில் கூறியதாவது: அரசு தொடக்கப் பள்ளிகளில் 10-க்கும் குறைவான மாணவர்கள் உடைய பள்ளிகளாக 892 பள்ளிகள் கண்டறியப்பட்டுள்ளன. அரசு பள்ளிகளில் மாணவர் சேர்க்கையை அதிகரிக்கவும், மாணவர் எண்ணிக்கை குறையாமல் இருக்கவும் என்னென்ன வழிவகைகளை செய்யலாம் என்று ஆய்வு செய்துகொண்டிருக்கிறோம். அரசு பள்ளிகளை மூடும் நோக்கம் அரசுக்கு இல்லை.

Tuesday, May 22, 2018

SSLC RESULT MARCH 2018 | பத்தாம் வகுப்பு தேர்வு முடிவுகள் 23.05.2018 காலை 9.30 மணிக்கு வெளியிடப்படுகிறது. உறுதிமொழிப்படிவத்தில் குறிப்பிட்டுள்ள கைபேசி எண்ணுக்கு குறுஞ்செய்தி மூலம் தேர்வு முடிவு அனுப்பப்படும்.

SSLC RESULT MARCH 2018 | பத்தாம் வகுப்பு தேர்வு முடிவுகள் 23.05.2018 காலை 9.30 மணிக்கு வெளியிடப்படுகிறது. உறுதிமொழிப்படிவத்தில் குறிப்பிட்டுள்ள கைபேசி எண்ணுக்கு குறுஞ்செய்தி மூலம் தேர்வு முடிவு அனுப்பப்படும். 16.03.2018 முதல் 20.04.2018 வரை நடைபெற்ற மார்ச் / ஏப்ரல் 2018, பத்தாம் வகுப்பு பொதுத் தேர்வெழுதிய பள்ளி மாணாக்கர் மற்றும் தனித்தேர்வர்களின் தேர்வு முடிவுகள் 23.05.2018 அன்று காலை 09.30 மணிக்கு வெளியிடப்படுகிறது. தேர்வர்கள் தங்களது பதிவெண் மற்றும் பிறந்த தேதி, மாதம், வருடத்தினை பதிவு செய்து தேர்வு முடிவுகளை மதிப்பெண்களுடன் கீழ்க் குறிப்பிட்டுள்ள இணையதளங்கள் மூலம் அறிந்து கொள்ளலாம். 
மேலும், ஒவ்வொரு மாவட்டத்திலும், மாவட்ட ஆட்சியர் அலுவலகங்களில் இயங்கும் தேசிய தகவலியல் மையங்களிலும் (National Informatics Centres), அனைத்து மைய மற்றும் கிளை நூலகங்களிலும் கட்டணமின்றி தேர்வு முடிவுகளை அறிந்து கொள்ளலாம். பள்ளி மாணவர்கள் தாங்கள் பயின்ற பள்ளிகளிலும் மதிப்பெண்களுடன் கூடிய தேர்வு முடிவுகளை அறிந்து கொள்ளலாம். பள்ளி மாணவர்களுக்கு அவர்கள் பயின்ற பள்ளிகளில் சமர்ப்பித்த உறுதிமொழிப்படிவத்தில் குறிப்பிட்டுள்ள கைபேசி எண்ணுக்குக் குறுஞ்செய்தி மூலம் தேர்வு முடிவு அனுப்பப்படும். தனித்தேர்வர்களுக்கும், ஆன்-லைனில் விண்ணப்பிக்கும்போது வழங்கிய கைபேசி எண்ணிற்குத் தேர்வு முடிவுகள் குறுஞ்செய்தியாக ( SMS) அனுப்பப்படும். | DOWNLOAD

தற்காலிக மதிப்பெண் சான்றிதழ்கள் 28.05.2018 பிற்பகல் பதிவிறக்கம் செய்து கொள்ளலாம்.

தற்காலிக மதிப்பெண் சான்றிதழ்கள் பதிவிறக்கம் செய்தல் 28.05.2018 பிற்பகல் முதல் பள்ளி மாணவர்கள் தாங்கள் பயின்ற பள்ளி தலைமையாசிரியர்கள் வழியாகவும், தனித்தேர்வர்கள் தாங்கள் தேர்வெழுதிய தேர்வு மைய தலைமையாசிரியர்கள் வழியாகவும், தற்காலிக மதிப்பெண் சான்றிதழ்களைப் பெற்றுக் கொள்ளலாம். மேலும், 28.05.2018 பிற்பகல் முதல் பள்ளி மாணவர்கள் / தனித்தேர்வர்கள் தங்களுக்கான தற்காலிக மதிப்பெண் சான்றிதழைத் தங்களது பிறந்த தேதி, பதிவெண் ஆகிய விவரங்களை அளித்து www.dge.tn.nic.in என்ற இணையதளத்திலும் தாங்களே பதிவிறக்கம் செய்து கொள்ளலாம். | DOWNLOAD

SSLC EXAM MARCH 2018 RE TOTAL DETAILS | மறுகூட்டலுக்கு விண்ணப்பிக்கும் பள்ளி மாணாக்கர் மறுகூட்டலுக்கான கட்டணத்தை தாங்கள் பயின்ற பள்ளியில் செலுத்த வேண்டும்.

மறுகூட்டலுக்கு விண்ணப்பிக்கும் முறை மார்ச் / ஏப்ரல் 2018, பத்தாம் வகுப்பு பொதுத் தேர்வில் தாம் தேர்வெழுதிய எந்தவொரு பாடத்திற்கும் மறுகூட்டலுக்கு (Retotalling) விண்ணப்பிக்கலாம். மார்ச் / ஏப்ரல் 2018 பத்தாம் வகுப்பு தேர்வெழுதி விடைத்தாட்களின் மதிப்பெண் மறுகூட்டலுக்கு விண்ணப்பிக்க விழைவோர் 24.05.2018 (வியாழக் கிழமை) முதல் 26.05.2018 (சனிக் கிழமை) மாலை 5.45 மணி வரை பள்ளி மாணவர்கள் தங்கள் பள்ளி வழியாகவும், தனித்தேர்வர்கள் தாங்கள் தேர்வெழுதிய தேர்வு மையம் வழியாகவும் விண்ணப்பிக்க வேண்டும். மறுகூட்டல் கட்டணம் பகுதி – I மொழி - ரூ.305/- பகுதி – II மொழி (ஆங்கிலம்) - ரூ.305/- பகுதி – III - கணிதம், அறிவியல் மற்றும் - ரூ.205/- சமூக அறிவியல் பகுதி – IV விருப்ப மொழிப்பாடம் - ரூ.205/- மறுகூட்டலுக்கான கட்டணம் செலுத்தும் முறை மறுகூட்டலுக்கான கட்டணத்தை பள்ளி மாணாக்கர் தாங்கள் பயின்ற பள்ளியிலும், தனித்தேர்வர்கள் தாங்கள் தேர்வெழுதிய தேர்வு மையத்திலும் பணமாகச் செலுத்த வேண்டும். மறுகூட்டலுக்கு விண்ணப்பிக்கும்போது வழங்கப்படும் ஒப்புகைச் சீட்டினை மாணவர்கள் பாதுகாப்பாக வைத்துக்கொள்ள வேண்டும். ஒப்புகைச் சீட்டில் குறிப்பிட்டுள்ள விண்ணப்ப எண்ணைப் பயன்படுத்தியே தேர்வர்கள் மறுகூட்டல் முடிவுகளை அறிந்துகொள்ள இயலும். | DOWNLOAD

பத்தாம் வகுப்பு சிறப்பு துணைப் பொதுத்தேர்வு 28.06.2018 முதல் நடைபெறவுள்ளது.

பத்தாம் வகுப்பு சிறப்பு துணைப் பொதுத்தேர்வு 28.06.2018 முதல் நடைபெறவுள்ளது. பத்தாம் வகுப்பு சிறப்பு துணைப் பொதுத்தேர்வு, ஜூன் / ஜூலை 2018 மார்ச் / ஏப்ரல் 2018-ல் நடைபெற்ற பத்தாம் வகுப்பு பொதுத்தேர்வில் தேர்வெழுத பதிவுசெய்து, தேர்ச்சி பெறாதோருக்கும் / வருகை புரியாதோருக்கும் நடத்தப்படும் சிறப்பு துணைப் பொதுத்தேர்வு 28.06.2018 முதல் நடைபெறவுள்ளது. இத்தேர்விற்கு விண்ணப்பிக்கும் முறை குறித்து விரைவில் தனியே அறிவிப்பு வெளியிடப்படும் எனத் தெரிவித்துக் கொள்ளப்படுகிறது. | DOWNLOAD

ஷிவாங்கி பதக்: சிகரம் தொட்ட இளம்பெண்

ஹரியாணாவைச் சேர்ந்த 16 வயது இளம்பெண் ஷிவாங்கி பதக், எவரெஸ்ட் மலைச் சிகரத்தின் மீது நேபாளம் வழியாக ஏறிய இளம்பெண் என்ற சாதனையை மே 17 அன்று நிகழ்த்தியிருக்கிறார். எவரெஸ்ட் மலைச் சிகரத்தின் மீது ஏறிய மாற்றுத்திறனாளி அருணிமா சின்ஹாவால் ஈர்க்கப்பட்டு இந்தச் சாதனையை நிகழ்த்தியதாகத் தெரிவித்திருக்கிறார் ஷிவாங்கி. இவருக்குமுன், 2014-ம் ஆண்டு, திபெத் வழியாக எவரெஸ்ட் சிகரத்தின் மீது ஏறி 13 வயது மாளவத் பூர்ணா சாதனையைப் படைத்திருக்கிறார்

இஸ்ரோ: சூழலுக்கு உகந்த மாற்று எரிபொருள்

KALVISOLAI - கல்விச்சோலை - kalvisolai latest news -
இஸ்ரோ விஞ்ஞானிகள் விண்கலன்களையும் செயற்கைக்கோள்களையும் செலுத்துவதற்குச் சூழலுக்கு உகந்த எரிபொருளை ‘ஹைட்ரோக்ஸில் அமோனியம் நைட்ரேட்’டைப் (HAN) பயன்படுத்தி தயாரித்திருக்கின்றனர். இஸ்ரோவால் இதுவரை வழக்கமாகப் பயன்படுத்தப்பட்டுவந்த ஹைட்ராஸைன் எரிபொருளுக்குப் பதிலாக இனி ஹைட்ரோக்ஸில் அமோனியம் நைட்ரேட் பயன்படுத்தப்படும் என்று அறிவிக்கப்பட்டிருக்கிறது. இஸ்ரோவின் ‘எல்பிஎஸ்சி’ (Liquid Propulsion Systems Centre) மையத்தின் ஆராய்ச்சியாளர்கள் இந்த எரிபொருளை ஆறு மாத சோதனைக்குப் பிறகு வெளியிட்டிருக்கின்றனர். ஹைட்ராஸைன் எரிபொருளைவிட ஹைட்ரோக்ஸில் அமோனியம் நைட்ரேட் குறைவான நச்சுத்தன்மையுடனும் பாதுகாப்பு அம்சங்களுடனும் இருப்பதாக ஆராய்ச்சியாளர்கள் அறிவித்திருக்கின்றனர்.

3-வது பெரிய சூரிய ஆற்றல் சந்தை

உலகின் மூன்றாவது பெரிய சூரிய ஆற்றல் சந்தையாக இந்தியா 2017-ம் ஆண்டில் உருவெடுத்திருக்கிறது. சீனா, அமெரிக்காவைத் தொடர்ந்து இந்தியா மூன்றாவது இடத்தைச் சென்ற ஆண்டு பிடித்திருப்பதாக ‘மெர்காம் கம்யூனிகேஷன்ஸ் இந்தியா’ நிறுவனத்தின் அறிக்கையில் தெரிவிக்கப்பட்டிருக்கிறது. 2017-ம் ஆண்டில் இந்தியா 9.6 GW சூரிய ஆற்றல் நிறுவல்களைச் செய்திருக்கிறது. 2016-ம் ஆண்டில் நிறுவப்பட்ட 4.3 GW சூரிய ஆற்றலுடன் ஒப்பிடும்போது, சென்ற ஆண்டு சூரிய ஆற்றல் வளர்ச்சி இரண்டு மடங்காக அதிகரித்திருக்கிறது. இதனால், இந்தியாவின் ஒட்டுமொத்த சூரிய ஆற்றல் திறன் டிசம்பர் 2017-ம் 19.6 GW ஆக அதிகரித்திருக்கிறது.

விஞ்ஞானியின் கடைசிப் புத்தகம்

விஞ்ஞானியின் கடைசிப் புத்தகம் சக்கர நாற்காலியே கதி என்ற நிலைக்கு மோட்டார் நியூரான் நோயால் 21 வயதிலேயே தள்ளப்பட்டாலும் 50 ஆண்டுகளுக்கும் மேலாகப் பிரபஞ்சத்தை ஆராய்ந்து கருந்துளைக் (Black Hole) கோட்பாடு, பெருவெடிப்புக் (Big-Bang) கோட்பாடு, வேற்றுக்கிரகவாசிகள் குறித்த ஆய்வுகள், டைம் மெஷின் ஆராய்ச்சிகள்…. என உலகத்தினரைத் திரும்பிப் பார்க்க வைத்தவர் விஞ்ஞானி ஸ்டீவன் ஹாக்கிங். அவர் எழுதிய ‘A Brief History of Time’ புத்தகம் லட்சக்கணக்கான இளைஞர்களைப் பிரபஞ்சவியலை ஆராய உந்தித்தள்ளியது. புவியீர்ப்பு, நேரம், வெளி உள்ளிட்ட அறிவியல் சிக்கல்களைக் கட்டவிழ்த்ததில் ஐன்ஸ்டைனுக்கு அடுத்தபடியான அறிவியல் சிம்மாசனம் ஸ்டீவன் ஹாக்கிங்குக்கே! இத்தனை பெருமைகளுக்கும் உரிய ஹாக்கிங் கடந்த மார்ச் மாதம் 76 வயதில் காலமானார். இந்நிலையில், அவர் எழுதிய கடைசிப் புத்தகம் வரும் அக்டோபர் மாதம் இந்தியா உட்பட உலகெங்கிலும் வெளிவரவிருக்கிறது என்று ஸ்டீவன் ஹாக்கிங் பதிப்புத் தரப்பினர் சில நாட்களுக்கு முன்பாகத் தெரிவித்துள்ளனர். துரத்தும் கேள்விகளுக்கான பதில்கள் ‘தொழில்நுட்பம் நம்மைக் காப்பாற்றுமா, அழித்துவிடுமா?’, ‘நம் இருப்புக்கான காரணம் என்ன?’, ‘நாம் பிழைக்க முடியுமா?’, ‘எவ்வாறு நாம் செழித்தோங்கலாம்?’ ஆகிய நான்கு கேள்விகளுக்கான விடைகளைத் தேடும் முயற்சியே ‘Brief Answers to the Big Questions’ என்ற இப்புத்தகம் என்கிறார் ஸ்டீவன் ஹாக்கிங்கின் மகள் லூசி ஹாக்கிங். தன்னுடைய தந்தையின் நகைச்சுவை உணர்வு, சிந்தனை வளம், கோட்பாட்டறிவு, எழுத்துத் திறன்….என அத்தனை அம்சங்களையும் கொண்டுள்ள இப்புத்தகத்தை வெளிக்கொணர்வதுதான், தான் அவருக்குச் செலுத்தும் அன்புக் காணிக்கை எனத் தெரிவித்துள்ளார். இப்புத்தகத்தின் விற்பனையில் கிடைக்கும் உரிமத் தொகையில் ஒரு குறிப்பிட்ட சதவீதம் மோட்டார் நியூரான் நோய் சங்கத்துக்கும் ஸ்டீபன் ஹாக்கிங் அறக்கட்டளைக்கும் அளிக்கப்படும் என்றும் தெரிவித்துள்ளார். இயற்பியல் மாமேதை ஹாக்கிங்கிடம் நெடுங்காலமாக கேட்கப்பட்டுவந்த பல கேள்விகளுக்கு இப்புத்தகத்தில் விடை கிடைக்கும் என்ற எதிர்பார்ப்பு எழுகிறதல்லவா!

2,39,000 பெண் குழந்தைகள் இறப்பு

KALVISOLAI - கல்விச்சோலை - kalvisolai latest news -
இந்தியாவில் பாலினப் பாகுபாட்டால் ஒவ்வோர் ஆண்டும் ஐந்து வயதுக்குட்பட்ட 2 லட்சத்து 39 ஆயிரம் பெண் குழந்தைகள் இறப்பதாக மே 14 அன்று லான்செட் மருத்துவ இதழில் அறிக்கை வெளியானது. நாட்டிலுள்ள 29 மாநிலங்களிலும் இத்தகைய பாலினப் பாகுபாட்டு இறப்புகள் நிகழ்ந்துள்ளன. பிரசவத்துக்கு முன் இறந்த குழந்தைகளின் தரவுகள் இதில் சேர்க்கப்படவில்லை. இந்த ஐந்து வயதுக்குட்பட்ட பெண் குழந்தைகளின் இறப்பு விகிதம் வட இந்தியாவின் உத்திர பிரதேசம், பிஹார், ராஜஸ்தான், மத்திய பிரதேசம் ஆகிய நான்கு மாநிலங்களில் அதிகமாக இருப்பது இந்த ஆய்வில் தெரியவந்திருக்கிறது.

நாட்டின் தூய்மையான நகரங்கள்

KALVISOLAI - கல்விச்சோலை - kalvisolai latest news -
மத்திய குடியிருப்பு, நகர விவகாரத் துறை அமைச்சர் ஹர்தீப் பூரி, ‘ஸ்வச் சர்வேக்ஷ்ன் 2018’ முடிவுகளை மே 16 அன்று வெளியிட்டார். இதில் இரண்டாவது ஆண்டாகத் தொடர்ந்து இந்தியாவின் தூய்மையான நகரமாக இந்தூர் தேர்ந்தெடுக்கப்பட்டிருக்கிறது. இந்தூரைத் தொடர்ந்து இரண்டாவது இடத்தை போபாலும், மூன்றாவது இடத்தை சண்டிகரும் பிடித்திருக்கின்றன. இந்தத் தூய்மையான நகரங்களுக்கான ஆய்வில், சென்ற ஆண்டு 11-வது இடத்திலிருந்த சண்டிகர் இந்த ஆண்டு மூன்றாவது இடத்துக்கு முன்னேறியிருக்கிறது. மாநிலங்களில் தூய்மை தொடர்பான செயல்திட்டங்களை நிறைவேற்றுவதில் சிறந்த மாநிலமாக ஜார்கண்ட் தேர்ந்தெடுக்கப்பட்டிருக்கிறது.

அமைகிறது காவிரி மேலாண்மை ஆணையம்

KALVISOLAI - கல்விச்சோலை - kalvisolai latest news -
காவிரி நதி நீர் பங்கீடு தொடர்பான வழக்கில் மத்திய அரசு மாற்றியமைத்த வரைவு செயல்திட்ட அறிக்கைக்கு உச்ச நீதிமன்றம் மே 18 அன்று ஒப்புதல் வழங்கியது. தென்மேற்கு பருவ மழைக் காலம் தொடங்கும் முன், பத்து பேர் கொண்ட காவிரி நீர் மேலாண்மை ஆணையத்தை அமைப்பது பற்றி அரசிதழில் மத்திய அரசு வெளியிடவேண்டும் என்றும் உச்ச நீதிமன்றம் தெரிவித்தது. உச்ச நீதிமன்றம் ஒப்புதல் அளித்திருக்கும் வரைவு செயல்திட்டத்தின்படி தமிழ்நாடு, கர்நாடகா, கேரளா, புதுச்சேரி ஆகிய நான்கு மாநிலங்களும் இனி காவிரி நதிநீர் பங்கீடு தொடர்பாக ‘காவிரி மேலாண்மை ஆணையத்தை’தான் அணுக வேண்டும். இறுதி முடிவை எடுக்க மத்திய அரசுக்கு அதிகாரம் வழங்கப்படவில்லை. இந்த ஆணையம் டெல்லியில் அமைக்கப்படவேண்டும் என்றும் உச்ச நீதிமன்றம் உத்தரவிட்டிருக்கிறது.

களைகட்டும் கலைப் படிப்புகள்

KALVISOLAI - கல்விச்சோலை - kalvisolai latest news -
களைகட்டும் கலைப் படிப்புகள் தொழிற்கல்விப் படிப்புகளைப் படித்தால் மட்டுமே சிறப்பான வேலைவாய்ப்பைப் பெற முடியும் என்பதான கற்பிதங்கள் தற்போது மாறி வருகின்றன. அதிலும் உரிய வேலைவாய்ப்புகளுடன், பிற படிப்புகள் தராத சமூக மாற்றத்தை ஏற்படுத்தக்கூடியவை கலைப் படிப்புகள். இத்துறையைச் சேர்ந்த அரசியல் அறிவியல், பொது நிர்வாகவியல், பொருளாதாரம், சமூகவியல், வரலாறு உள்ளிட்ட படிப்புப் பிரிவுகளைப் பற்றி இங்கே பார்ப்போம். பொதுவாகப் பள்ளி மேல்நிலை வகுப்புகள் தொடங்கிக் கல்லூரிவரை கலைப் படிப்புகள் என்றாலே, வேறு பாடங்களில் இடம் கிடைக்காதவர்கள், மதிப்பெண் தகுதி குறைந்தவர்கள், சுமாராகப் படிக்கும் மாணவர்கள் ஆகியவர்களுக்கான துறை என்பதாகக் கருதப்படுகிறது. ஆனால், நடைமுறையில் கலைப் படிப்புகள் இந்த அவநம்பிக்கைகளை உடைத்துப்போடுகின்றன. தனக்கு விருப்பமான கலைப் பாடத்தைத் தேர்வு செய்வதுடன் அவற்றைத் தரமான கல்வி நிறுவனத்தில் சேர்ந்து படிப்பதன் மூலம் மாணவர்கள் தங்களது தகுதியை மேலும் உயர்த்திக்கொள்ளலாம். டெல்லி பல்கலைக்கழகம், டெல்லி ஜவாஹர்லால் நேரு பல்கலைக்கழகம் போன்ற செறிவான பாடத்திட்டம் கொண்ட சர்வதேசத் தரத்திலான கல்வி நிலையங்களில் படிக்கலாம் மாணவர்கள் தமது தனிப்பட்ட பாட விருப்பம், விரும்பிய கல்லூரியில் விரும்பிய பாடம் கிடைப்பது, எதிர்பார்க்கும் வேலைவாய்ப்பு ஆகியவற்றைப் பொறுத்து இளங்கலையில் பாடத்தை முடிவு செய்யலாம். தமிழகக் கல்லூரிகளைப் பொறுத்தவரை அரசியல் அறிவியல், தத்துவம், பொது நிர்வாகம், சமூகவியல் போன்ற துறைகள் அரிதாகவும், பொருளாதாரம், வரலாறு, இலக்கியம் போன்றவை பரவலாகவும் தேர்வுசெய்யப்படுகின்றன. இளங்கலையில் பொருளாதாரத் துறை வட இந்தியாவில் மிகவும் பிரபலமானது. உயர் மதிப்பெண் பெறும் மாணவர்கள் பொறியியலுக்கு இணையாகப் பொருளாதாரப் படிப்புக்கான சேர்க்கைக்குப் போட்டிபோடுகிறார்கள். இதைப் படித்துவிட்டு ஐ.இ.எஸ். எனப்படும் இந்திய பொருளாதாரப் பணி அதிகாரியாகவும் ஆகலாம். பொருளாதாரம், புள்ளியியல் இணைந்த ‘எக்கனாமெட்ரிக்ஸ்’ படிப்பு, வேலைவாய்ப்பு அடிப்படையில் தற்போது பிரபலமாகி வருகிறது. இதேபோன்று குடும்பம், அமைப்புகள், சிந்தனைகள் தொடர்பான சமூகவியல் பாடம் சுவாரசியமானதும்கூட. தமிழகத்தில் பெரும்பான்மையான அரசு மற்றும் அரசு உதவிபெறும் கல்லூரிகளில் வரலாறு படிக்கலாம். பள்ளி, கல்லூரிகளில் ஆசிரியராகும் வாய்ப்புகளுடன், போட்டித் தேர்வுகள் முதல் குடிமைப் பணி தேர்வுவரை இலக்காகக் கொண்டவர்கள் எளிமையான இப்படிப்பைத் தேர்வு செய்கின்றனர். சமூக அறிவியல் படிப்புகளைத் தமிழகத்தின் பெரும்பாலான அரசுக் கல்லூரிகள் வழங்குகின்றன. சமூக அடிப்படையிலான பல்வேறு ஊக்கத் தொகைகள் கிடைக்கும் என்பதால் அரசுக் கல்லூரிகளில் செலவின்றிப் படிக்கலாம். டெல்லி லேடி ஸ்ரீராம் (மகளிர்), சென்னை லயோலா, பெங்களூர் கிறைஸ்ட் பல்கலைக்கழகம், மும்பை செயின்ட் சேவியர் போன்றவை சமூக அறிவியல் துறைகளுக்கான இந்தியாவின் ‘டாப்’ கல்லூரிகளில் முதல் வரிசையில் உள்ளன. இளங்கலையைத் தொடர்ந்து விரும்பிய முதுகலை, இளம் முனைவர், முனைவர் என உயர் படிப்புகளை மாணவர்கள் மேற்கொள்ளலாம். இளங்கலையைவிட முதுகலையில் கூடுதலான எண்ணிக்கையில் விருப்பப் பாட வாய்ப்புகள் உள்ளன. இந்த வகையில் அதே துறையில் மட்டுமன்றி வேறு பாடப் பிரிவுகளிலும் முதுநிலைப் படிப்புகளைப் படிக்கலாம். ஆனால், பல கல்லூரிகள், பல்கலைக்கழகங்களில் பேராசிரியர் பணிகளுக்கு இளங்கலை, முதுகலை இரண்டிலும் ஒரே பாடத்தை எடுத்துப் படித்திருப்பது அவசியம். கலைப் படிப்புகளில் ஆர்வம் கொண்டோருக்கு அரசு கலைக் கல்லூரிகள் ஏராளமான பாடப் பிரிவுகளுடன் காத்திருக்கின்றன. அரசு உதவி பெறும் கல்லூரிகளும் இதில் சேரும். பெரும்பாலான பல்கலைக்கழகங்கள் கலைப் படிப்புகளில் ஏராளமான முதுநிலைப் பட்டங்களை வழங்குகின்றன. அடுத்ததாக ஜவாஹர்லால் நேரு போன்ற தேசியப் பல்கலைக்கழகங்கள் சர்வதேசத் தரத்திலான முதுநிலை மற்றும் ஆராய்ச்சி நிலையிலான சமூகப் படிப்புகளை வழங்குகின்றன. திருவாரூர், புதுச்சேரி உள்ளிட்ட இடங்களில் செயல்படும் மத்தியப் பல்கலைக்கழகங்களில் மதிப்பு வாய்ந்த சமூக அறிவியல் கலைப் படிப்புகள் வழங்கப்படுகின்றன. சென்னை ஐ.ஐ.டி. ஒருங்கிணைந்த 5 ஆண்டு எம்.ஏ., படிப்பை வழங்குகிறது. மும்பை, ஹைதராபாத், கவுகாத்தி ஆகிய மையங்களில் செயல்படும் டாடா இன்ஸ்டிடியூட் ஆஃப் சோஷியல் சயின்சஸ் சமூகப் பணி தொடர்பான பல்வேறு முதுநிலைப் பட்டம் மற்றும் பட்டயங்களை வழங்குகிறது. எத்துறை சார்ந்த வேலைவாய்ப்பானாலும் அவற்றுக்கான அடிப்படைத் திறன்களைக் கலைப் படிப்புகள் கொண்டிருக்கும். கலைப் பாடங்களைப் படித்தவர்கள் பல்துறை விற்பன்னர்களாக ஜொலிப்பதின் அடிப்படை இதுதான். ஊடகம்: பொருளாதாரம், சமூகவியல் போன்ற துறைகளில் உயர் படிப்பு முடித்தவர்களால் அத்துறை சார்ந்த ஆழமான கட்டுரைகளை எழுத முடியும். இதழியல் சார்ந்து முதுநிலையில் பட்டம் அல்லது பட்டயப் படிப்பை படித்துவிட்டு ஊடகத் துறைக்கு வரலாம். போட்டித் தேர்வுகள்: குடிமைப் பணிக்கான தேர்வில் பெரும்பாலான வினாக்கள் கலைப் பாடங்களில் இருந்தே கேட்கப்படுகின்றன. அரசியலமைப்பு, வரலாறு, பொருளாதாரம், கலாச்சாரம், சர்வதேச உறவுகள் உள்ளிட்டவற்றைத் தனியாகப் படிப்பதைவிட அதையே பாடமாக எடுத்துப் படிப்பவர்கள் சிறப்பாக வெற்றி பெற முடியும். அதேபோல குரூப் 1 தேர்வு, வங்கித் தேர்வில் கேட்கப்படும் பொது அறிவுக் கேள்விகளுக்குக் கலைப் பாடங்களைப் படித்தவர்களால் சிறப்பாக பதிலளிக்க முடிகிறது. ஆசிரியர் பணி: பள்ளி ஆசிரியராகப் பணியாற்றுவதற்கான ஆசிரியர் தகுதித் தேர்வு எழுதவும், கல்லூரிகளில் விரிவுரையாளர் ஆவதற்கான NET, SET தகுதித் தேர்வுகள் எழுதவும் கலைப் பாடங்கள் அடிப்படையாக இருப்பதுடன் கூடுதல் அறிவு பெறவும் உதவுகின்றன. குறிப்புகளை வழங்கியவர் முனைவர் பி.கனகராஜ், அரசியல் அறிவியல் துறைத் தலைவர், கோவை அரசு கலைக் கல்லூரி.

7. 2 கோடி பேருக்கே வங்கிகள் கடன் அளிக்கின்றன சிபில் அறிக்கையில் தகவல்

சில்லறை கடன் வழங்கும் முறைக்கு அதிக முக்கியத்துவம் அளிக்கப்பட்டு வந்தாலும் கடன் பெற தகுதியுள்ள 22 கோடிப் பேரில் மூன்றில் ஒரு பகுதியினருக்கு மட்டுமே வங்கிகள் கடன் வழங்குவதாக சிபில் அமைப்பின் அறிக்கை தெரிவித்துள்ளது. இதன்மூலம் கடன் பெற தகுதியுள்ள 15 கோடிப் பேருக்கு வங்கிகள் கடன் அளிக்காமல் தவறவிடுவதாகவும், வெறும் 7.2 கோடிப் பேருக்கு மட்டுமே கடன் அளிக்கப்படுவதாகவும் அந்த அறிக்கை தெரிவித்துள்ளது. சரியான வயது, வருமானம் போன்ற கடன் பெறும் தகுதிகள் இருந்தும் வங்கிகளால் தவறவிடப்பட்டுள்ள 15 கோடிப் பேரில் கடந்த காலங்களில் கடன் பெற்று, இப்பொழுது கடன் எதுவும் பெறாதவர்களும் உள்ளனர் என சிபில் அறிக்கையில் தெரிவிக்கப்பட்டுள்ளது. கடன் அட்டைகள், தனிநபர் கடன்கள் மூலம் தவறவிடப்பட்டுள்ளவர்களை கடன் அளிக்கும் நிறுவனங்கள் கவர முடியும், இதனால் நாட்டின் பொருளாதாரம் மேம்படும் என்றும் சிபில் தெரிவித்துள்ளது. இதுகுறித்து கருத்து தெரிவித்த சிபில் அமைப்பின் ஆராய்ச்சி மற்றும் ஆலோசனை பிரிவு துணைத் தலைவர் யோகேந்திர சிங், தவறவிடப்பட்டுள்ளவர்களுக்கு கடன் அளிப்பதன் மூலம் வங்கி போன்ற கடன் அளிக்கும் நிறுவனங்களுக்கு நிலையான வளர்ச்சி ஏற்படும் என்றார். இதுகுறித்து அவர் மேலும் கூறியுள்ளதாவது: தவறவிடப்பட்டுள்ளவர்களை சென்றடைவதற்கான வழிகளை கடன் அளிக்கும் நிறுவனங்கள் கண்டறிய வேண்டும்.தேவையான வயது மற்றும் வருமானத்தை இன்னும் அதிகம் பேர் எட்டும்போது வீடு, வாகனம் போன்றவற்றை வாங்குவதற்காக கடன் பெறுவது இன்னும் அதிகரிக்கும். டிஜிட்டல் சந்தை வளர்ந்துவரும் நிலையில் கடன் அட்டைகளின் தேவை அதிகரிக்கும் என யோகேந்திர சிங் கூறினார். 20 முதல் 69 வரை வயதுள்ளவர்களில் வருட வருமானம் ரூ.2.5 லட்சத்துக்கு மேல் உள்ளவர்களான 22 கோடிப் பேர் கடன் பெறத் தகுதியானவர்கள் என இந்த அறிக்கையில் குறிப்பிடப்பட்டுள்ளது. இந்த எண்ணிக்கை ஆண்டுக்கு 1.4 - 1.6 கோடி என்ற விகிதத்தில் அதிகரித்து 2022-ம் ஆண்டில் 29.5 கோடியாக இருக்கும் என சிபில் அறிக்கையில் தெரிவிக்கப்பட்டுள்ளது. மற்ற நாடுகளின் வளர்ச்சிப் பாதையை இந்தியா கடைபிடித்தால் 2022-ம் ஆண்டில் நாட்டிலுள்ள மொத்த குடும்பங்கள் பெற்றுள்ள கடன் குறைந்தபட்சமாக ரூ.78 லட்சம் கோடியாகவும், அதிகபட்சமாக ரூ.94 லட்சம் கோடியாகவும் உயரும் என சிபில் தெரிவித்துள்ளது. கடந்த ஆண்டு இது ரூ.37 லட்சம் கோடியாக இருந்தது.

Monday, May 21, 2018

FTP PRIVATE SCHOOLS TEACHERS VACANT DETAILS | தனியார் பள்ளிகளின் தற்போதைய காலிப்பணியிடங்கள் பற்றிய விவரம் வெளியிடபட்டுள்ளது

தனியார் பள்ளி தாளாளர்களே.. இதுவரை உங்கள் பள்ளிக்கான ஆசிரியர் தேவையை பூர்த்தி செய்ய இயலவில்லையா? தனியார் பள்ளிகளில் வேலை தேடும் பட்டதாரி ஆசிரியர்களே... தமிழகத்தின் அனைத்து தனியார் பள்ளிகளின் காலிப்பணியிடங்கள் பற்றிய விவரம் வேண்டுமா? (தனியார் பள்ளிகளின் தற்போதைய காலிப்பணியிடங்கள் பற்றிய விவரம் வெளியிடபட்டுள்ளது) தமிழ்நாடு நர்சரி பிரைமரி மெட்ரிக் மேல்நிலை சி பி எஸ் சி பள்ளிகள் சங்கத்தின் பொது செயலாளர் திரு கே. ஆர். நந்தகுமாரின் வேண்டுகோளை படியுங்கள். இன்று அவர் வெளியிட்டுள்ள அறிக்கை:  | DOWNLOAD VACANT LIST

நீங்கள் தேர்வு செய்யும் படிப்பு வாழ்வில் திருப்பம் தர வேண்டுமா?

KALVISOLAI - கல்விச்சோலை - kalvisolai latest news -
விரைவில் விடுமுறை முடிந்து பள்ளி - கல்லூரிகள் செயல்பட உள்ளன. 10-ம் வகுப்பிற்குப் பின்னர், எதிர்கால நலன் கருதி புதிய பாடப்பிரிவை தேர்வு செய்வதாக இருந்தாலும், பள்ளிப் படிப்பிற்குப் பின், கல்லூரி பட்டப்படிப்பிற்கு புதிய பாடப்பிரிவை தேர்வு செய்வதாக இருந்தாலும் சில முக்கிய விஷயங்களை கவனத்தில் கொள்ள வேண்டும். நீங்கள் தேர்வு செய்யப் போகும் படிப்பு உங்கள் வாழ்க்கைப் பாதையை (career) நிர்ணயிக்கப் போவதாகும். கல்வி திருப்திகரமாக அமைந்து, வாழ்க்கைப் பாதையும் சிறப்பாக அமைய இங்கே குறிப்பிடும் 5 விஷயங்களை அவசியம் சிந்திக்க வேண்டும். அவை... 1. காலத்திற்கேற்ப மாற்றம் இருக்கிறதா? 20 ஆண்டுக்கு முன்பு இருந்த வகுப்பறைக்கும், இன்று இருக்கும் வகுப்பறைக்கும் பல வித்தியாசங்கள் இருக்கின்றன. பேனா, பென்சில் முதல் பெஞ்ச், கரும்பலகை, பாடம் நடத்தும் யுத்தி வரை எல்லாமே மாறி இருக்கின்றன. இன்று பேனாவுக்கு மை அடைக்க தேவையில்லை. எளிதாக எழுதும் வகைவகையான பேனாக்கள் வழக்கத்தில் உள்ளன. பென்சில்கள் பட்டன் பென்சில்களாகிவிட்டன. பாடவகுப்புகள் ஸ்மார்ட் வகுப்புகளாக வேகமாக மாறிக் கொண்டிருக்கின்றன. ஆன்லைன் வகுப்புகளில் படிப்பவர்கள் பெருகிக் கொண்டிருக்கிறார்கள். அப்படியிருக்கும்போது நீங்கள் தேர்வு செய்திருக்கும் கல்வியும், அதை போதிக்கும் கல்வி நிறுவனமும் நவீன கட்டமைப்புக்கு மாறியிருக்கிறதா? என்பதை முதலில் கவனிக்க வேண்டும். விளம்பரங்களில் காட்டப்படும் தொழில்நுட்ப வசதிகள், ஆய்வக வசதிகள், அடிப்படை வசதிகள் நேரடியாகவும் சிறப்பாக வழங்கப்படுகிறதா? என்பதை அறிந்து கொள்ள வேண்டும். நவீன தொழில்நுட்பத்தின் அடிப்படையில் தகவல் தொடர்பும், பாட வகுப்புகளும் நடைபெறும் கல்லூரியில் சேர்வது கல்வியை எளிமையாக்கும். விருப்பத்திற்குரியதாகவும் மாற்றும். ஆசிரியர்களுக்கும், மாணவர்களுக்கும், சக மாணவ குழுக்களுக்கும் தொடர்பு வசதிகள் நன்றாக இருக்க வேண்டும். விடுமுறை, அன்றைய பாட வகுப்புகள், செயல்திட்டங்கள் பற்றிய விவாதங்களும், விவரங்களும் ஒரு பொது ஒழுங்குமுறையுடன் ஒரு குழுவுக்குள் நிகழ வேண்டும். இத்தகைய இணக்கமான சூழலில் படிப்பவர்களால் கல்வியை மன அழுத்தமின்றி படிக்க முடியும். தகவல் பரிமாற்றம் செய்து, சந்தேகம் தீர்த்து விருப்பத்துடன் கல்வி கற்கலாம். வாழ்க்கை டிஜிட்டல் மயமாகிக் கொண்டிருக்கும் வேளையில் கல்வியிலும் அதே வளர்ச்சியைக் கொண்ட கல்வி நிறுவனத்தை தேர்வு செய்வது எதிர்காலத்தை பிரகாசிக்க வைக்கும். 2. திறமைமிக்க ஆசிரியர்கள்... கல்வி நிறுவனம் காலத்திற்கேற்ப மேம்பட்டிருப்பதைப்போல, கல்வி போதிக்கும் ஆசிரியர்களும், நவீன காலத்திற்கு ஏற்றவர்களாக அமைய வேண்டும். தற்கால தொழில்நுட்பங்களை புரிந்து கொண்டு, மாணவர்களுடன் இணக்கமாகச் செல்லும் ஆசிரியரின் வழிகாட்டல் கிடைத்தால், பாடவகுப்புகள் சோர்வை ஏற்படுத்தாது. மனச்சுமையின்றி கல்வி பயில முடியும். எனவே தாங்கள் சேர விரும்பும் கல்லூரியில் அந்த பாடப்பிரிவில் பயிற்றுவிக்கும் ஆசிரியர்கள் பற்றி அறிந்து கொள்வது நலம். புகழ்பெற்ற மற்றும் இணக்கமான ஆசிரியர்கள் கிடைத்துவிட்டால் உங்கள் கல்வியும், வாழ்க்கைப் பாதையும் பிரகாசிக்கும் என்பதில் சந்தேகமில்லை. 3. தெளிவான சிந்தனை கல்விக்கூடம் மற்றும் ஆசிரியர்கள் சிறப்புடையதாக அமைவதைப்போலவே உங்கள் சிந்தனையும் செம்மையாக இருக்க வேண்டும். தேர்ந்தெடுக்கும் படிப்பு பற்றிய தெளிவு உங்கள் மனதில் பிரகாசமாக இருக்க வேண்டும். இந்த படிப்பு இதைப் பற்றியது, இதில் இத்தனை பிரிவுகள் இருக்கின்றன, அடுத்தகட்டமாக நாம் பட்டமேற்படிப்புக்கு இந்த பிரிவை தேர்வு செய்ய வேண்டும், ஆராய்ச்சிப் படிப்பில் எதைப்பற்றி ஆராய வேண்டும், எந்த துறைக்கு வேலைக்குச் செல்ல வேண்டும், அல்லது எவ்விதமாக வாழ்க்கைப் பாதையை வகுத்துக் கொள்ள வேண்டும் என்ற தெளிவு உங்களிடம் இருக்க வேண்டும். இந்தத் தெளிவு இருந்துவிட்டால், கல்வி நிறுவனத்தில் உள்ள சிறுசிறு குறைகள் உள்ளிட்ட இணக்கமற்ற சூழல்களையும் சமாளித்து உங்களால் சாதிக்க முடியும். எனவே ஒருதுறையை தேர்வு செய்யும்போதே, பெற்றோர் கட்டாயத்தின்படி அல்லது மற்றவர்களின் அறிவுறுத்தல்படி தேர்வு செய்யாமல், உங்கள் சொந்த விருப்பத்தின்படி முடிவு செய்து படித்தால் உயர்வு நிச்சயம். 4. தனிக் கருத்து அவசியம்... படிப்பை தேர்வு செய்வதில் தெளிவு இருப்பதுபோலவே, உங்கள் கருத்திலும் தனித்துவம் இருக்க வேண்டும். வகுப்பில் ஆசிரியர், நீங்கள் என்னவாக விரும்புகிறீர்கள்? என்று கேள்வி கேட்டால் போதும், சரிபாதிக்கும் மேற்பட்டவர்கள் டாக்டர், என்ஜினீயர், ஐ.ஏ.எஸ். என்றே பதிலளிப்பார்கள். இவை சமூகத்தில் மதிப்பு மிக்க பணிகள் என்பதால் பலரின் லட்சியமும், ஆசையாகவும அவை இருக்கலாம். ஆனால் நீங்களும் யாவரும் அறிந்த இதுபோன்ற பதிலைத்தான் கூற வேண்டும் என்பதில்லை. தைரியமாக நான் அரசியல்வாதியாவேன், தொழில் அதிபர் ஆவேன், சமூகத் தொண்டு செய்வேன் என்று உங்கள் தெளிவான கருத்துகளைச் சொல்லலாம். அதுபோலவே பாடம் சம்பந்தமான கேள்விகளுக்கும் புத்தகத்தில் இருப்பதுபோன்றே பதிலளிக்காமல் உங்கள் புரிதலுக்கு ஏற்ப புதுமையான பதிலைக்கூறி, நீங்கள் தனிப்பட்ட சிந்தனைவாதி என்பதை அனைவர் மனதிலும் பதிய வைக்கலாம். இத்தகைய தெளிவு நீங்கள் தேர்வு செய்யும் துறையில் உங்களை ஒருநாள் சிம்மாசனத்தில் அமர்த்தும் என்பதில் சந்தேகமில்லை. 5. சூழலுடன் இணைதல்... மேற்கண்ட பண்புகள் எல்லாம் இருந்தால் சிறப்பாக இருக்கும்தான். அது உங்களிடம் இருக்கலாம். ஆனால் சமூகத்தில் அப்படி எதிர்பார்க்க முடியாது. புகழ்பெற்ற கல்வி நிறுவனம் என்று பெயரெடுத்த கல்வி நிறுவனத்தில் நீங்கள் விரும்பாத ஒரு குறை இருக்கலாம், எல்லோரும் மதிக்கும் ஆசிரியரிடம் சில பண்புகள் உங்களுக்கு ஒத்துவராமல் இருக்கலாம், குழுவாக இணைந்து ஒரு புராஜெக்ட் (செயல்திட்டம்) செய்யும்போது உங்கள் மாணவர்குழுவில் சிலர் உங்களுடன் உடன்பட்டு செயல்படாமல் இருக்கலாம். உதாசீனம் செய்யலாம். புரிந்து கொள்ளாமல் நடக்கலாம். நீங்கள் சரியாக செயல்பட்டபோதும் உங்களுக்கான அங்கீகாரம் கிடைக்காமல் போகலாம். இத்தகைய சமூக ஏற்ற இறக்கங்களில் சூழ்நிலைக்குத் தக்க, நேரத்திற்கு ஏற்ப அவசர அவசியம் கருதி இணக்கமாக செல்லும் பண்பு வாழ்க்கைப் பாதை சிறப்பாக அமைய முக்கியமாகும். இது சுற்றி இருப்பவர்களின் குற்றம் குறைகளை பொறுத்துக் கொண்டு, அவர்களுடன் இணைந்து உங்கள் லட்சியத்தை நிறைவேற்ற பெரிதும் துணைபுரியும். வாழ்க்கையிலும் மிக உயர்ந்த நிலைக்கு வழிநடத்திச் செல்லும்! படிக்கும் காலத்திலேயே பஞ்ச தந்திரங்களைப் போன்ற இந்த 5 அம்சங்களை மனதில் பதித்து வெற்றி நடைபோட வாழ்த்துக்கள்!

படிப்பை எளிமையாக்கும் புதிய அப்ளிகேசன்கள்!

KALVISOLAI - கல்விச்சோலை - kalvisolai latest news -
படிப்பை எளிமையாக்கும் புதிய அப்ளிகேசன்கள்! கணினி யுகத்தில் இது அப்ளிகேசன் காலம் என்றால் மிகையில்லை. ஸ்மார்ட்போன்களின் பெருக்கமும், தேவைகளின் சுருக்கமும் அப்ளிகேசன்களை அள்ளி வழங்கிக் கொண்டிருக்கின்றன. கல்வித்துறையிலும் நாள்தோறும் புதிய அப்ளிகேசன்கள் அறிமுகமாகிக் கொண்டிருக்கின்றன. மாணவர்களின் கல்வித்திறனை ஊக்குவிக்கும், படிப்பை எளிமையாக்கும் சில புதுமையான அப்ளிகேசன்களை அறிவோம்.... டாப்ரேங்கர்ஸ் (TopRankers): வங்கிப் பணிகளுக்கான தேர்வு, சட்டத் தேர்வு, எஸ்எஸ்சி, யூ.பி.எஸ்.சி. தேர்வுகளுக்கு தயாராகுபவர்களுக்காக எண்ணற்ற அப்ளிகேசன்கள் வந்துள்ளன. அதில் குறிப்பிடத்தக்கது இந்த அப்ளிகேசன். வகுப்புகளிலும், புத்தகங்களில் இருந்தும் எளிமையாக குறிப்பு எடுக்க உதவுகிறது இந்த அப்ளிகேசன். பைஜூஸ் (BYJU’S) : இந்தியாவில் பரவலாக பயன்படுத்தப்படும் அப்ளிகேசன்களில் ஒன்று பைஜூஸ். கேட், ஜிமாட், ஜே.இ.இ., ஐ.ஏ.எஸ்., ஜி.ஆர்.இ., போன்ற தேர்வுகளுக்கு தயாராகுபவர்களுக்கான பல்வேறு சிறப்பு வசதிகள் இந்த அப்ளிகேசனில் உள்ளது. மேலும் மாணவர்களின் தேவை மற்றும் வேண்டுகோளுக்கு ஏற்ப அவ்வப்போது கூடுதல் வசதிகளை சேர்த்துக் கொண்டே வருவது இந்த அப்ளிகேசனின் சிறப்பு. மேலும் இதில் வழங்கப்படும் தகவல்களும், காட்சிகளும் தனித்தன்மையுடன் விளங்குகின்றன. இகுயிக்கர்ஸ் (EQuickes) என்ற அப்ளிகேசன்களிலும் இத்தகைய போட்டித் தேர்வுக்கான பாடக்குறிப்புகள் உள்ளன. இவை ஆன்லைனில் இந்த தேர்வுகளுக்கான புத்தகங்களை விற்பனை செய்வதும் குறிப்பிடத்தக்கது. சிம்பிளிலேர்ன் (Simplilearn) : இந்த அப்ளிகேசன்களும் அதிகமான மாணவர்களால் பயன்படுத்தப்படுகிறது. படிப்புக்காக மட்டும் அல்லாமல் தொழில்துறை, வாழ்க்கைப் பாதை, தொழில்நுட்பம், வணிகம் போன்ற பலதுறை தகவல்களையும் எளிமையாக திரட்டித் தரவும், பல்வேறு டிப்ஸ்களையும் தருகிறது. எனவே மாணவர் உலகத்தைத் தாண்டி தொழில்நிறுவனங்கள், பணியாளர்கள், வேலைதேடுனர்கள், ஆய்வுத்திட்டங்கள், செயல்திட்டங்களில் ஈடுபடும் குழுவினர் போன்றவர்களும் இந்த அப்ளிகேசன்களை விரும்பி பயன்படுத்தலாம். புரோஷோ (Prozo) : இந்த அப்ளிகேசனும் அதிகமாக பயன்படுத்தப்படுகிறது. புத்தகங்களின் உறைவிடமாகவும், டிஜிட்டல் குறிப்புகளின் மையமாகவும் விளங்குகிறது இந்த அப்ளிகேசன். 400க்கும் மேற்பட்ட பதிப்பகத்தாருடன் ஒருங்கிணைந்து இந்த அப்ளிகேசன் வழங்கப்படுவதால், பாடப்புத்தகங்கள் பற்றிய தேடல்களை எளிமையாக்கி, ஒரே நாளில் உங்கள் கைகளில் மெட்டீரியல்களை பெற்றுத் தர துணைபுரிகிறது இந்த அப்ளிகேசன். பாஸ்ட்டூடண்ட்ஸ் (Fastudents) : முழுமையான கல்வி அப்ளிகேசன் என்ற சிறப்பு பெற்றதுடன், அதிகம் பேரால் பயன்படுத்தப்படும் கல்வித்துறை அப்ளிகேசன் இது. 30 ஆண்டுகளுக்கும் மேலாக கல்வித்துறை பணியில் உள்ளது. புத்தகங்கள் மட்டுமல்லாது ஸ்டேசனரி வகைகள், கல்வி உபகரணங்கள், போட்டித் தேர்வு தகவல்கள், கல்லூரி பாடப்புத்தகங்கள், பயிற்சித் திட்டங்களுக்கான விவரங்கள் உள்ளிட்ட முழுமையான கல்வித் தேவைகளை நிறைவேற்றுகிறது இந்த அப்ளிகேசன். என்செர்ட் சொல்யூசன் (NCERT Solution) : மத்திய பள்ளிக்கல்வி வாரியமான சி.பி.எஸ்.சி. மாணவர்களை கருத்தில் கொண்டு உருவாக்கப்பட்ட அப்ளிகேசன் இது. விளம்பரங்கள் ஏதும் இந்த அப்ளிகேசனில் தோன்றுவதில்லை என்பது குறிப்பிடத்தக்கது. மாணவர்களின் புரிதல் திறனை எளிமையாக விளக்குவதற்காக பல்வேறு யுத்திகள் கையாளப்பட்ட விளக்கங்கள் இந்த அப்ளிகேசனில் கிடைப்பது சிறப்பு. ஜி.கே. பார்ஆல் (GK for All) : புகழ்பெற்ற அப்ளிகேசன்களில் குறிப்பிடத்தக்கது இது. நுழைவுத் தேர்வுகள், போட்டித் தேர்வுகள் உள்ளிட்ட அனைத்து தேர்வுக்குமான தொகுப்புகள் நிரம்பி வழிகிறது. தினசரி நிகழ்வுகளும் உடனே பதிவேற்றம் செய்யப்படுகின்றன. தொகுப்பாகவும் கிடைக்கின்றன. டிக்ஸ்னரி ஆப்லைன் : மாணவர்களுக்கு அவ்வப்போது வரும் சொற்பொருள் சந்தேகங்களை நிவர்த்தி செய்வதற்காக இணைய வசதி இல்லாமலேயே அகராதி சொற்களஞ்சியமாக செயல்படுகிறது English to Hindi Dictionary offline அப்ளிகேசன். ஆங்கிலம் மற்றும் இந்தி மொழியில் சொற்களுக்குப் பொருள் அறியவும், சொற்றொடர்களை மொழி பெயர்த்து அறியவும் இந்த அப்ளிகேசன் உதவியாக உள்ளது. இதேபோல வார்த்தை வளத்தை பெருக்கிக் கொள்வதற்காக வொக்கபுலரி என்ற அப்ளிகேசனும் இணையத்தில் கிடைக்கிறது. இந்த அப்ளிகேசனில் பல தங்கள் சேவைக்கேற்ப கட்டணம் விதிக்கின்றன. சிலவற்றை சிறிது காலத்திற்கு இலவசமாக பயன்படுத்த முடியும். மாணவர்கள் தங்கள் தேவைக்கேற்ற அப்ளிகேசனை பயன்படுத்தி அறிவையும், வாழ்வையும் வளப்படுத்திக் கொள்ளலாம்.

Sunday, May 20, 2018

ONLINE BOOK SHOP | BUY AKASH IAS ACADEMY - TET PAPER 2 - SOCIAL SCIENCE STUDY MATERIALS ( 4 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 4 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்.

ONLINE BOOK SHOP | BUY AKASH IAS ACADEMY - TET PAPER 2 - SOCIAL SCIENCE STUDY MATERIALS ( 4 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 4 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்.
 

ONLINE BOOK SHOP | BUY AKASH IAS ACADEMY - TET PAPER 2 - SCIENCE - MATHS STUDY MATERIALS ( 6 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 6 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்.

ONLINE BOOK SHOP | BUY AKASH IAS ACADEMY - TET PAPER 2 - SCIENCE - MATHS STUDY MATERIALS ( 6 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 6 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்.
 

ONLINE BOOK SHOP | BUY AKASH IAS ACADEMY - TET PAPER 1 STUDY MATERIALS ( 6 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 6 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்

ONLINE BOOK SHOP | BUY AKASH IAS ACADEMY - TET PAPER 1 STUDY MATERIALS ( 6 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 6 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்.
 

ONLINE BOOK SHOP | BUY AKASH IAS ACADEMY - TNPSC GROUP 2 STUDY MATERIALS ( 6 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ஆன்லைனில் வாங்க கீழ்கண்ட இணைப்பை பயன்படுத்துங்கள்.

ONLINE BOOK SHOP | BUY AKASH IAS ACADEMY - TNPSC GROUP 2 STUDY MATERIALS ( 6 BOOKS ) | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் ( 6 BOOKS ) ஆன்லைனில் வாங்க கீழ்கண்ட இணைப்பை பயன்படுத்துங்கள்.