You will be redirected to the script in

seconds
Puthiyaseithi | புதிய செய்தி: November 2017

Thursday, November 30, 2017

தேசிய திறனாய்வுத் தேர்வு, நவம்பர் 2017 (NTSE) தற்காலிக விடைக்குறிப்பு 01.12.2017 அன்று வெளியிடப்படுகிறது.

தேசிய திறனாய்வுத் தேர்வு, நவம்பர் 2017 (NTSE) | செய்திக் குறிப்பு | 18.11.2017 அன்று நடைபெற்று முடிந்த நவம்பர் 2017 தேசிய திறனாய்வுத் தேர்வு (NTSE) சம்பந்தமான தற்காலிக விடைக்குறியீடு (Tentative Key Answer) அரசுத் தேர்வுகள் இயக்கக இணையதள முகவரியான www.dge.tn.gov.in என்ற இணையதள முகவரியில் 01.12.2017 அன்று வெளியிடப்படுகிறது. மாணவர்கள் மற்றும் பெற்றோர்கள் இவ்விடைக்குறியீடு சார்பாக மாற்றுக் கருத்துகள் ஏதேனும் இருப்பின் அவற்றை 04.12.2017-க்குள் directordge.tn@nic.in என்ற மின்னஞ்சல் முகவரிக்கு தெரிவிக்கலாம் என அறிவிக்கப்படுகிறது. | DOWNLOAD

பழைய ஓய்வூதிய திட்டத்தை நடைமுறைப்படுத்த முடியுமா? வல்லுநர் குழு அறிக்கை சமர்ப்பிக்க காலக்கெடு இன்றுடன் (30.11.2017) முடிகிறது

பழைய ஓய்வூதிய திட்டத்தை நடைமுறைப்படுத்த முடியுமா? வல்லுநர் குழு அறிக்கை சமர்ப்பிக்க காலக்கெடு இன்றுடன் (30.11.2017) முடிகிறது | அரசு ஊழியர்களுக்கு பழைய ஓய்வூதிய திட்டத்தை நடை முறைப்படுத்துவது தொடர்பான சாத்தியக் கூறுகளை ஆராய புதிதாக அமைக்கப்பட்ட ஓய்வுபெற்ற ஐஏஎஸ் அதிகாரி டி.எஸ்.ஸ்ரீதர் தலைமையிலான வல்லுநர் குழு தனது அறிக்கையை சமர்ப்பிப்பதற்கான காலக்கெடு இன்று (30-ம் தேதி) முடிவடைகிறது. தமிழகத்தில் 1.4.2003 அன்று மற்றும் அதற்குப் பின்னர் பணியில் சேர்ந்த அரசு ஊழியர்களுக்கும் அரசு பள்ளி ஆசிரியர்களுக்கும் புதிய பென்சன் திட்டம் நடைமுறைப்படுத்தப்பட்டு வருகிறது. இத்திட்டத்தில், ஓய்வூதியம் எவ்வளவு கிடைக்கும் என்ற உத்தரவாதம் இல்லாததால் அரசு ஊழியர்கள் தொடர்ந்து புதிய பென்சன் திட்டத்தை எதிர்த்து வருகிறார்கள். அவ்வப்போது ஆர்ப்பாட்டம், உண்ணாவிரதம் என பல்வேறு வழிகளில் போராட்டமும் நடத்தி வருகிறார்கள். இந்த நிலையில், அரசு ஊழியர்களுக்கு பழைய ஓய்வூதிய திட்டத்தை தொடர்வதற்கான சாத்தியக்கூறுகள் பற்றி ஆராய ஓய்வுபெற்ற ஐஏஎஸ் அதிகாரி சாந்தா ஷீலா நாயர் தலைமையில் கடந்த 2016-ம் ஆண்டு பிப்ரவரி மாதம் 26-ம் தேதி அப்போதைய முதல்வர் ஜெயலலிதா ஒரு வல்லுநர் குழுவை அமைத்தார். இந்தக் குழு அரசு ஊழியர் மற்றும் ஆசிரியர் சங்கங்களின் பிரதிநிதிகளைப் பல்வேறு கட்டங்களாக அழைத்து அவர்களின் கருத்துகளைக் கேட்டறிந்து வந்தது. அறிக்கையை சமர்ப்பிப்பதற்கான காலக்கெடு முடிவடையும் தறுவாயில் அக்குழு 3 தடவை நீட்டிக்கப்பட்டது. இந்த சூழலில் வல்லுநர் குழுவின் தலைவரான சாந்தா ஷீலா நாயர் தனது பதவியை ராஜினாமா செய்ததை தொடர்ந்து, அந்த பணிகளைத் தொடர்ந்து மேற்கொள்ள ஓய்வுபெற்ற ஐஏஎஸ் அதிகாரியான டி.எஸ்.ஸ்ரீதர் தலைமையில் கடந்த ஆகஸ்ட் மாதம் 3-ம் தேதி முதல்வர் கே.பழனிசாமி ஒரு குழுவை அமைத்தார். அந்த குழு நவம்பர் இறுதிக்குள் தனது அறிக்கையை சமர்ப்பிக்கும் என தமிழக அரசு ஆணையிட்டது. இதற்கிடையே, ஜாக்டோ-ஜியோ கூட்டமைப்பினர் அண்மையில் காலவரையற்ற வேலைநிறுத்தப் போராட்டத்தில் ஈடுபட்டபோது தங்களின் முக்கிய கோரிக்கை யாக பழைய ஓய்வூதிய திட்டத்தை முன்வைத்தனர். அப் போது அந்த அமைப்பின் நிர்வாகிகளுடன் பேசிய முதல்வர் கே.பழனிசாமி, வல்லுநர் குழு தனது அறிக்கையை நவம்பர் இறுதிக்குள் அரசிடம் சமர்ப்பித்துவிடும். அந்த அறிக்கையின் பேரில் இந்த விஷயத்தில் முடிவெடுப்பதாக நிர்வாகிகளிடம் உறுதியளித்தார். அந்த உறுதிமொழியை தொடர்ந்து, ஜாக்டோ-ஜியோ கூட்டமைப்பில் ஒருபிரிவினர் தங்களின் காலவரையற்ற வேலைநிறுத்தப் போராட்டத்தை கைவிட்டு பணிக்கு திரும்பினர். இந்த நிலையில், தமிழக அரசு ஏற்கெனவே அறிவித்தபடி, வல்லுநர் குழு அறிக்கையை சமர்ப்பிப்பதற்கான கடைசி நாள் இன்று (நவம்பர் 30) முடிவடை கிறது. டி.எஸ்.ஸ்ரீதர் தலைமையிலான வல்லுநர் குழு இதுவரையில் அரசு ஊழியர், ஆசிரியர் சங்கங்களின் நிர்வாகிகளை அழைத்துப் பேசவில்லை என்று சங்கங்களின் நிர்வாகிகள் குற்றம் சாட்டினர். வல்லுநர் குழு தனது அறிக்கையை காலக்கெடுவுக்குள் சமர்ப்பிக்குமா? அல்லது அந்த குழுவுக்கு மேலும் காலஅவகாசம் அளிக்கப்படுமா? என்பது இன்று தெரியும்.

Wednesday, November 29, 2017

ESLC 2018 | சிறப்பு அனுமதி திட்டத்தின் கீழ் விண்ணப்பிக்க இன்றே (29.11.2017) கடைசி நாள்.கூடுதலாக ரூ.500/- செலுத்தி விண்ணப்பிக்கலாம். 8-வது வகுப்பு தனித்தேர்வர்களுக்கு தேர்வு கால அட்டவணை


சிறப்பு அனுமதி திட்டத்தின் கீழ் விண்ணப்பிக்க இன்றே (29.11.2017) கடைசி நாள்.கூடுதலாக ரூ.500/- செலுத்தி விண்ணப்பிக்கலாம். 8-வது வகுப்பு தனித்தேர்வர்களுக்கு தேர்வு கால அட்டவணை | 2018-ம் ஆண்டுக்கான 8-வது வகுப்பு தனித்தேர்வர்களுக்கு பொதுத்தேர்வு வருகிற ஜனவரி மாதம் நடத்தப்படுகிறது. தேர்வுக்கால அட்டவணை வருமாறு:- ஜனவரி 29-ந்தேதி -தமிழ், 30-ந்தேதி - ஆங்கிலம், 31-ந்தேதி -கணிதம், பிப்ரவரி மாதம் 1-ந்தேதி -அறிவியல், 2-ந்தேதி -சமூக அறிவியல். தேர்வுகள் அனைத்தும் காலை 10 மணிக்கு தொடங்கி பகல் 12 மணிக்கு முடிவடையும். தேர்வு அட்டவணையை www.dge.tn.gov.in என்ற இணையதளத்தில் பார்த்துக்கொள்ளலாம். இந்த தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார். | ESLC - JANUARY 2018 - EXAMINATION TIME TABLE DOWNLOAD | ESLC JANUARY 2018 - PRIVATE CANDIDATE INSTRUCTIONS DOWNLOAD | ESLC JANUARY 2018 - APPLICATION NODAL CENTRE DETAILS DOWNLOAD |

தற்காலிக அடிப்படையில் தேர்வு செய்த அரசு மருத்துவர்களை உதவி பேராசிரியர்களாக நியமிப்பதை எதிர்த்து வழக்கு சுகாதாரத்துறை முதன்மை செயலாளர் பதில் அளிக்க ஐகோர்ட்டு உத்தரவு

தற்காலிக அடிப்படையில் தேர்வு செய்த அரசு மருத்துவர்களை உதவி பேராசிரியர்களாக நியமிப்பதை எதிர்த்து வழக்கு சுகாதாரத்துறை முதன்மை செயலாளர் பதில் அளிக்க ஐகோர்ட்டு உத்தரவு | தற்காலிக அடிப்படையில் தேர்வு செய்த அரசு மருத்துவர்களை உதவி பேராசிரியர்களாக நியமிப்பதை எதிர்த்து தொடர்ந்த வழக்கில் தமிழக சுகாதாரத்துறை முதன்மை செயலாளர் பதில் அளிக்க சென்னை ஐகோர்ட்டு உத்தரவிட்டுள்ளது. தமிழ்நாடு அரசு பணியாளர் தேர்வாணையம் மூலம் உதவி அறுவை சிகிச்சை மருத்துவர்களாக தேர்வு செய்யப்பட்டு அரசு மருத்துவமனைகளில் பணியில் இருந்து வரும் டாக்டர் சுதாகர் உள்பட பலர் சென்னை ஐகோர்ட்டில் தாக்கல் செய்த மனுவில் கூறி இருந்ததாவது:- நாங்கள் பணியில் இருந்து கொண்டே நுழைவுத்தேர்வு எழுதி முதுகலை மருத்துவ படிப்பு படித்து வருகிறோம். வருகிற மே மாதம் படிப்பு நிறைவடைகிறது. எங்களுக்கு மருத்துவக்கல்வி இயக்குனரகத்தின் கீழ் மூத்த நிலைய மருத்துவ அதிகாரியாகவோ அல்லது உதவி பேராசிரியராக பணியாற்ற அனைத்து தகுதியும் உள்ளது. இந்தநிலையில் மருத்துவ தேர்வு வாரியம், தற்காலிக அடிப்படையில் பணியாற்ற நேர்முகத்தேர்வு மூலம் தேர்வு செய்யப்பட்ட 550 உதவி அறுவை சிகிச்சை மருத்துவர்களை(சிறப்பு பிரிவு) உதவி பேராசிரியர்களாக நியமிக்க நடவடிக்கை மேற்கொண்டு வருகிறது. பல ஆண்டுகளுக்கு முன்பே அரசு ஆரம்ப சுகாதார நிலையங்களில் பணியில் சேர்ந்த நாங்கள், தற்போது பணிபுரிந்து கொண்டே முதுகலை மருத்துவ படிப்பை மேற்கொண்டு வருகிறோம். எங்களை உதவி பேராசிரியர்களாக நியமிக்காமல், தற்காலிகமாக நியமிக்கப்பட்ட 550 உதவி அறுவை சிகிச்சை மருத்துவர்களை(சிறப்பு பிரிவு) உதவி பேராசிரியர்களாக நியமிப்பதன் மூலம் எங்களது வாய்ப்பு மறுக்கப்படுகிறது. உதவி அறுவை சிகிச்சை மருத்துவர்(சிறப்பு பிரிவு) என்ற பதவி மாநில விதிகளிலோ அல்லது இந்திய மருத்துவ கவுன்சில் விதிகளிலோ இல்லை. சிறப்பு பிரிவில் பணியாற்ற நியமிக்கப்பட்ட உதவி அறுவை சிகிச்சை மருத்துவர்களை மருத்துவக்கல்லூரிகளில் நேரடியாக உதவி பேராசிரியர்களாக நியமிக்க முடியாது. இதுபோன்று நியமிப்பது பணி எனவே, முதுகலை மருத்துவ படிப்பை முடித்து அரசு ஆரம்ப சுகாதார நிலையங்களில் அரசு மருத்துவர்களாக பணியாற்றி தற்போது அரசு மருத்துவமனைகளில் பணியாற்றி வரும் எங்களை உதவி பேராசிரியர்களாக நியமிக்க உத்தரவிட வேண்டும். இவ்வாறு அதில் கூறப்பட்டுள்ளது. இந்த மனு நீதிபதி டி.ராஜா முன்னிலையில் விசாரணைக்கு வந்தது. அப்போது நீதிபதி, தற்காலிக அடிப்படையில் தேர்வு செய்யப்பட்ட உதவி அறுவை சிகிச்சை மருத்துவர்களை(சிறப்பு பிரிவு) எப்படி நேரடியாக உதவி பேராசிரியர்களாக நியமிக்க முடியும் என்று கேள்வி எழுப்பினார். இதன்பின்பு, இந்த வழக்கு சம்பந்தமாக தமிழக சுகாதாரத்துறை முதன்மை செயலாளர், மருத்துவ தேர்வு வாரியம் ஆகியோர் பதில் அளிக்க உத்தரவிட்டார். பின்னர் விசாரணையை வருகிற 4-ந் தேதிக்கு நீதிபதி தள்ளிவைத்தார்.

‘1098’ என்ற இலவச தொலைபேசி எண் அறிவிப்பு: மாணவ-மாணவிகளின் தற்கொலை எண்ணத்தை போக்க புதிய முயற்சி குழந்தைகள் உரிமை பாதுகாப்பு ஆணைய தலைவர் தகவல்

'1098' என்ற இலவச தொலைபேசி எண் அறிவிப்பு: மாணவ-மாணவிகளின் தற்கொலை எண்ணத்தை போக்க புதிய முயற்சி குழந்தைகள் உரிமை பாதுகாப்பு ஆணைய தலைவர் தகவல் | வேலூர் மாவட்டம் பணப்பாக்கத்தில் உள்ள அரசு பள்ளியில் 11-ம் வகுப்பு படித்து வந்த 4 மாணவிகள் சமீபத்தில் கிணற்றில் குதித்து தற்கொலை செய்துகொண்டனர். அந்தப் பள்ளியின் தலைமை ஆசிரியர், வகுப்பு ஆசிரியர் மீது நடவடிக்கை எடுக்கப்பட்டதைத் தொடர்ந்து, இந்த விவகாரம் ஏற்படுத்திய பரபரப்பு அடங்கிவிட்டது. ஆனால் மாணவ-மாணவிகள் தற்கொலைக்கு ஒரு நிரந்தரத் தீர்வை கண்டாக வேண்டும் என்ற முழு உத்வேகத்தில் குழந்தைகள் உரிமை பாதுகாப்பு ஆணையம் புதிய முயற்சியில் ஈடுபட்டு வருகிறது. இதற்கான திட்டங்களை வகுப்பதில் இந்த ஆணையத்தின் தலைவர் எம்.பி.நிர்மலா தீவிரமாக ஈடுபட்டு வருகிறார். இது குறித்து அவர் கூறியதாவது:- பள்ளி, கல்லூரி மாணவப் பருவத்தில் ஏதோ ஒரு வகையில் அவமானம் அடைந்தாலும் அதைத் தாங்கிக்கொள்ளும் மனப்பக்குவம் மாணவர்களுக்கு இருப்பதில்லை. பெற்றோர் திட்டுவதைக்கூட அவமானமாகக் கருதி பிள்ளைகள் தற்கொலை செய்வதுண்டு. மற்றவர்கள் முன்னால் கண்டிக்கப்படுவதைத்தான் பெரும்பாலான குழந்தைகளால் தாங்கிக்கொள்ள முடிவதில்லை. தவறு செய்யும் குழந்தையை பெற்றோரோ அல்லது ஆசிரியர்களோ, தனியாக அழைத்து கண்டித்தால் அவர்களுக்கு அவமான உணர்ச்சி, தற்கொலை செய்யும் அளவுக்கு எழாது. மேலும் அவர்களை கண்டிக்கும் வார்த்தைகளிலும் ஆசிரியர், பெற்றோர் கவனம் செலுத்த வேண்டும். மாணவ, மாணவிகள் செய்த தவறுக்கு ஏற்ற வார்த்தைகளை மட்டும் பயன்படுத்தி கண்டித்துவிட்டு, இறுதியில் அவர்களை சமாதானம் செய்து சிரித்து அனுப்பவேண்டும். நல்ல படிப்பும், அதிக மதிப்பெண்ணும் மட்டுமே குழந்தைகளின் எதிர்காலம் இல்லை. நன்றாகப் படித்தால் மட்டும்தான் வாழ்க்கையில் முன்னேற முடியும் என்பதெல்லாம் நிச்சயம் இல்லை. படிக்காத எத்தனையோ பேர் படித்தவர்களைவிட முன்னேறிச் சென்றுள்ளனர். படிக்காமலேயே உயர்ந்த இடத்துக்கு சென்றவர்களுக்கான உதாரணங்களும் போதும் போதும் என்ற அளவுக்கு உள்ளன. ஒவ்வொரு குழந்தையிடமும் ஒரு தனித்தன்மை இருக்கும். அதைக் கண்டறிந்து அந்த வழியில் அவர்களை நடத்தினாலே போதும். பள்ளிக்கூட தேர்வில் தோற்றுவிட்டால் உலகத்தில் வாழவே முடியாது என்பதெல்லாம் இல்லை. எனவே தோல்வி அடையும் குழந்தைகளை ஆசிரியர் மற்றும் பெற்றோரே தேற்றுவதுதான் முறை. இவ்வாறு பள்ளி மாணவ-மாணவிகளை கையாளும் விதம் பற்றி சில புதிய பயிற்சிகளை ஆசிரியர்களுக்கு அளிக்க பள்ளிக் கல்வித் துறையிடம் பேசி வருகிறோம். குழந்தைகளுக்கு புரியும்படி படிப்பை சொல்லிக்கொடுக்க வேண்டும் என்று ஆசிரியர்களை இலவச கல்வி உரிமைச் சட்டம் வலியுறுத்து கிறது. பொதுவாக, குழந்தைகள் ஏதாவது தவறு செய்துவிட்டால், அதைக் கண்டித்து பெற்றோரிடம் சொல்வேன் என்று ஆசிரியர்கள் கூறுவது வழக்கம். இது அந்த மாணவ-மாணவிகளிடம் மிகுந்த பயத்தையும், மனபாரத்தையும் ஏற்படுத்திவிடுகிறது. பெற்றோரிடமும் சொல்லி நிவாரணம் தேடும் மனநிலை அந்தக் குழந்தைகளுக்கு அப்போது இருக்காது. எனவே இதற்கு நிவாரணம் பெறுவதற்காக '1098' என்ற இலவச தொலைபேசி எண்ணை நாங்கள் அறிவித்து இருக்கிறோம். இந்த எண்ணை பயன்படுத்தி மாணவ-மாணவிகள் தீர்வு பெறலாம். பெற்றோரோ அல்லது ஆசிரியரோ கண்டித்து அவமானப்படுத்திவிட்டால், தற்கொலையை நாடாமல் முதலில் இந்த எண்ணுக்கு அழைக்க வேண்டும். அதற்கு பதிலளிக்க 24 மணிநேரமும் ஆட்கள் இருப்பார்கள். படிப்பு, நட்பு என்று எந்த விதமான பிரச்சினையாக இருந்தாலும் சரி, எங்களிடம் சம்பந்தப்பட்ட குழந்தைகள் நேரடியாகச் சொல்லிவிட்டால், அவர்களுக்கு கவுன்சிலிங் அளித்து, அவமான உணர்ச்சியை நீக்குவதுடன், தேவையான பாதுகாப்பும் அளிப்போம். எனவே நல்ல தீர்வு எங்களிடம் இருக்கும்போது, தற்கொலையை எந்த காரணத்தைக் கொண்டும் குழந்தைகள் நாடிவிடக் கூடாது. தற்கொலை என்பது தீர்வே அல்ல. அது தங்கள் குடும்பத்துக்கு காலங்காலமாக அவமானத்தை ஏற்படுத்தும் செயல் ஆகும். இவ்வாறு அவர் கூறினார்.

மத்திய அரசு ஊழியர்களுக்கு மாற்றுப்பணிக்கான படி உயர்வு மாதத்துக்கு ரூ.9 ஆயிரம்வரை கிடைக்கும்

மத்திய அரசு ஊழியர்களுக்கு மாற்றுப்பணிக்கான படி உயர்வு மாதத்துக்கு ரூ.9 ஆயிரம்வரை கிடைக்கும் | மத்திய அரசு ஊழியர்களுக்கு மாற்றுப்பணிக்கான படி உயர்த்தப்பட்டுள்ளது. அதன்படி, மாதத்துக்கு ரூ.9 ஆயிரம்வரை கிடைக்கும். மத்திய அரசு ஊழியர்களுக்கு தற்போது மாற்றுப்பணிக்கான படியாக (டெபுடேஷன் அலவன்ஸ்), ஒரே ஊருக்குள் பணிக்கு செல்வதாக இருந்தால், அடிப்படை ஊதியத்தில் 5 சதவீதம் என்ற வீதத்தில், மாதத்துக்கு ரூ.2 ஆயிரம் என்ற உச்சவரம்புடன் வழங்கப்படுகிறது. வேறு ஊருக்கு மாற்றுப்பணியாக சென்றால், அடிப்படை ஊதியத்தில் 10 சதவீதம் என்ற வீதத்தில் மாதத்துக்கு ரூ.4 ஆயிரம் என்ற உச்சவரம்புடன் வழங்கப்படுகிறது. இந்நிலையில், 7-வது சம்பள கமிஷன் சிபாரிசுப்படி, மத்திய அரசு ஊழியர்களுக்கான மாற்றுப்பணி படியை மத்திய அரசு 2 மடங்கு உயர்த்தி உள்ளது. மத்திய பணியாளர் நலன் மற்றும் பயிற்சித்துறை அமைச்சகம் வெளியிட்டுள்ள ஆணையில் இது கூறப்பட்டுள்ளது. இதன்படி, ஒரே ஊருக்குள் மாற்றுப்பணி செல்வதாக இருந்தால், உச்சவரம்பாக ரூ.4,500 வரை வழங்கப்படும். வெளியூருக்கு செல்வதாக இருந்தால், உச்சவரம்பாக ரூ.9 ஆயிரம்வரை கிடைக்கும். மேலும், அகவிலைப்படி 50 சதவீதம் உயரும்போதெல்லாம், இந்த உச்சவரம்பு 25 சதவீதம் உயர்த்தி வழங்கப்படும் என்றும் அந்த உத்தரவில் கூறப்பட்டுள்ளது.

பிளஸ் 1, பிளஸ் 2 தனித்தேர்வர்களுக்கு அகமதிப்பீட்டு முறை கிடையாது பள்ளிக்கல்வித் துறை அறிவிப்பு

பிளஸ் 1, பிளஸ் 2 தனித்தேர்வர்களுக்கு அகமதிப்பீட்டு முறை கிடையாது பள்ளிக்கல்வித் துறை அறிவிப்பு | பள்ளிக்கல்வித் துறை முதன்மைச் செயலர் பிரதீப் யாதவ் இது தொடர்பாக வெளியிட்டுள்ள அரசாணை: 2017-2018-ம் கல்வியாண்டு முதல் பிளஸ் 1 மாணவர் களுக்கும் மாநில அளவில் பொதுத்தேர்வுகள் நடத்தப்படும் என்றும், ஒவ்வொரு பாடத்திலும் 10 சதவீத மதிப்பெண் அகமதிப்பீடாக வழங்கலாம் என்றும் ஏற்கெனவே ஆணையிடப்பட்டது. இதைத்தொடர்ந்து, கற்றலுக்கு மாணவர்களின் வருகைப்பதிவு முக்கியம் என்பதால் வருகைப்பதிவு, உள்நிலைத்தேர்வு, செயல்திட்டம் (புராஜெக்ட்), களப்பயணம் ஆகியவற்றின் அடிப்படையில் மதிப்பெண் வழங்குவது தொடர்பாகவும் ஆணை வெளியிடப்பட்டது. எனினும் இந்த நடைமுறையானது பள்ளியில் படித்து தேர்வெழுதும் மாணவர்களுக்கு மட்டுமே பொருந்தும் என்பதால் மேல்நிலைத் தேர்வு எழுதும் தனித்தேர்வர் களுக்கு அகமதிப்பீட்டு முறையை நடைமுறைப்படுத்துவதற்குப் பதிலாக 90 மதிப்பெண்ணுக்கான எழுத்துத்தேர்வில் பெறும் மதிப்பெண்ணை 100 மதிப்பெண்ணுக்கு கணக்கிட்டு வழங்கலாம் என்றும் அதற்கு அரசின் ஆணை வழங்குமாறும் அரசு தேர்வுகள் இயக்குநர் கோரியுள்ளார். அவரது கருத்துரு பரிசீலிக்கப்பட்டு கீழ்க்காணும் வழிமுறைகளை பின்பற்றி தேர்வுகளில் மதிப்பெண் வழங்க ஆணையிடப்படுகிறது. நேரடி தனித்தேர்வர்களுக்கு அகமதிப்பீட்டு முறையை நடைமுறைப்படுத்த வேண்டாம். அதற்குப் பதிலாக தனித்தேர்வர்கள் 90 மதிப்பெண்ணுக்கான எழுத்துத்தேர்வில் பெறும் மதிப்பெண்ணை 100 மதிப்பெண்ணுக்கு கணக்கிட்டு வழங்கலாம். அவ்வாறு வழங்கும்போது தசமமாக இருந்தால் அந்த மதிப்பெண்ணை அடுத்த முழு எண்ணுக்கு மாற்றலாம். மேல்நிலைத்தேர்வில் தேர்ச்சி அடைய நேரடி தனித்தேர்வர்கள் அனைத்துப் பாடங்களிலும் எழுத்துத்தேர்வில் 100-க்கு 35 மதிப்பெண் எடுக்க வேண்டும். இந்த வழிமுறை 2017-18-ம் கல்வி ஆண்டிலிருந்து பின்பற்றப்பட வேண்டும். இவ்வாறு அரசாணையில் கூறப்பட்டுள்ளது.

பிரபஞ்ச அழகியாக தென் ஆப்பிரிக்காவின் டெமி லெய் தேர்வு

பிரபஞ்ச அழகியாக தென் ஆப்பிரிக்காவின் டெமி லெய் தேர்வு | பிரபஞ்ச அழகியாக தென் ஆப்பிரிக்க நாட்டின் 22 வயது டெமி லெய் நீல் பீட்டர்ஸ் தேர்ந்தெடுக்கப்பட்டார். அமெரிக்காவின் லாஸ்வேகாஸ் நகரில் 66-வது பிரபஞ்ச அழகிப் போட்டி(மிஸ் யுனிவர்ஸ்) நேற்றுமுன்தினம் இரவு நடந்தது. இதில் 92 நாடுகளைச் சேர்ந்த அழகிகள் கலந்து கொண்டனர். பல்வேறு சுற்றுகளை கொண்ட இந்த போட்டியின் இறுதிச் சுற்றுக்கு 22 வயது தென் ஆப்பிரிக்கா அழகி டெமி லெய் நீல் பீட்டர்ஸ், ஜமைக்காவின் டேவினா பென்னட்(22), கொலம்பியா நாட்டின் லாரா கோன்சலெஸ்(21) தாய்லாந்து நாட்டை சேர்ந்த மரியா போனெர்ட்லாப், வெனிசுலாவின் கெய்சி சயாகோ ஆகிய 5 அழகிகள் முன்னேறினர். கேள்விக் கணைகளால் துளைத்தெடுக்கப்பட்ட விறுவிறுப்பான இறுதிச்சுற்றில் தென் ஆப்பிரிக்காவின் டெமி லெய் சாமர்த்தியமாக பதில் அளித்து பிரபஞ்ச அழகி பட்டத்தை தட்டிச் சென்றார். இவர், வர்த்தக மேலாண்மை படிப்பில் பட்டம் பெற்றவர். டெமி லெய் தென் ஆப்பிரிக்கா அழகியாக பட்டம் வென்ற ஒரு மாதத்துக்கு பின்பு, அதாவது கடந்த ஜூன் மாதம் 7-ந்தேதி ஜோகன்னஸ்பர்க் நகரில் தனது காரில் சென்று கொண்டிருந்தார். அப்போது, அவரை மர்ம மனிதர்கள் சிலர் துப்பாக்கி முனையில் கடத்தினர். ஆனாலும் அவர்களுடன் துணிச்சலுடன் தன்னந்தனியாக போராடி தன்னை விடுவித்துக் கொண்டு உயிர் தப்பினார். இந்த சம்பவம் அப்போது பெரும் பரபரப்பை ஏற்படுத்தி இருந்தது. தற்காப்பு கலை பயிற்சி பெற்று இருந்ததால் இவ்வாறு தன்னால் போராட முடிந்தது என்று அப்போது அவர் கூறி இருந்தார். பிரபஞ்ச அழகியாக தேர்வானது குறித்து டெமி லெய் கூறுகையில் "இந்த ஆண்டு போட்டி மிகவும் கடுமையாக இருந்தது. அதில் வெற்றி பெற்றது மிகுந்த மகிழ்ச்சி அளிக்கிறது" என்றார். டெமி லெய்க்கு கடந்த ஆண்டு மிஸ் யுனிவர்ஸ் பட்டம் வென்ற பிலிப்பைன்ஸ் அழகி ஐரிஸ் மிட்டெனர் கிரீடம் அணிவித்தார். 2-வது இடம் பிடித்த கொலம்பியா அழகி லாரா கோன்சலெஸ் நடிகை ஆவார். 16 வயதில் இருந்தே நடிக்கத் தொடங்கினார். கலை இயல் பயற்சி பள்ளியில் பட்டம் பெற்ற அவர் பொகோடோ நகருக்கு இடம் பெயர்ந்து நடிப்பை முழு நேர தொழிலாக்கி கொண்டவர். 3-ம் அழகியாக வெற்றி கண்ட ஜமைக்காவின் டேவினா பென்னட், மாடல் அழகி ஆவார். மார்க்கெட்டிங் படிப்பில் மேற்கு இந்திய தீவுகள் பல்கலைக்கழகத்தில் இளம்நிலை பட்டம் பெற்றவர் ஆவார். அமெரிக்காவின் சார்பில் பங்கேற்று மிக ஆவலுடன் எதிர்பார்க்கப்பட்ட காரா மெக்குலப், பிலிப்பைன்ஸ் அழகி ராச்சல் பீட்டர்ஸ் ஆகியோர் முதல் 10 இடங்களுக்குள் வர முடிந்தாலும் இறுதிச் சுற்றுக்கு முன்னேற இயலவில்லை. அண்மையில் சீனாவின் சான்யா நகரில் நடந்த உலக அழகிப் போட்டியில் இந்தியாவின் மனுஷி சில்லர் வெற்றி பெற்று இருந்ததால் பிரபஞ்ச அழகிப்போட்டியில் இந்தியாவின் சார்பில் கலந்துகொண்ட அழகி ஸ்ரத்தா சசிதர் மீது மிகுந்த எதிர்பார்ப்பு நிலவியது. ஆனால் அவர் முதல் 10 இடங்களுக்குள் வராமல் ஏமாற்றம் அளித்தார்.

Thursday, November 23, 2017

G.O Ms.No. 340 Dt: November 20, 2017-Official Committee, 2017 – Recommendations of Official Committee, 2017 – Revision of Pension / Family Pension and Retirement Benefits – Amendment – Orders issued

G.O Ms.No. 340 Dt: November 20, 2017-Official Committee, 2017 – Recommendations of Official Committee, 2017 – Revision of Pension / Family Pension and Retirement Benefits – Amendment – Orders issued | DOWNLOAD

தமிழகம் முழுவதும் அஞ்சல் நிலையங்களில் செல்வ மகள் சேமிப்பு கணக்கு தொடங்க பெற்றோர் ஆர்வம் இதுவரை 14.5 லட்சம் கணக்குகள் தொடக்கம்; ரூபாய் 2,000 கோடி டெபாசிட்

தமிழகம் முழுவதும் அஞ்சல் நிலையங்களில் செல்வ மகள் சேமிப்பு கணக்கு தொடங்க பெற்றோர் ஆர்வம் இதுவரை 14.5 லட்சம் கணக்குகள் தொடக்கம்; ரூபாய் 2,000 கோடி டெபாசிட் | அஞ்சலகங்களில் செல்வ மகள் சேமிப்பு கணக்கு தொடங்குவதில் பெற்றோர்கள் அதிக ஆர்வம் காட்டி வருகின்றனர். இதன்காரணமாக, தமிழ்நாடு அஞ்சல் வட்டத்தில் மட்டும் இதுவரை 14.5 லட்சத்துக்கும் மேற்பட்ட செல்வ மகள் சேமிப்பு கணக்குகள் தொடங்கப்பட்டுள்ளன. அந்தக் கணக்குகளில் சுமார் ₹2,000 கோடி டெபாசிட் செய்யப்பட்டுள்ளது. பெண் குழந்தைகளின் மேம்பாட்டுக்காக 'சுகன்யா சம்ரிதி யோஜனா' (செல்வ மகள் சேமிப்பு கணக்கு திட்டம்) என்ற சிறு சேமிப்புத் திட்டத்தை பிரதமர் நரேந்திர மோடி 2015-ம் ஆண்டு ஜனவரி 22-ம் தேதி தொடங்கி வைத்தார். இந்தத் திட்டத்தில் 10 வயதுக்கு உட்பட்ட பெண் குழந்தைகளின் பெயரில் அவர்களது பெற்றோர் அல்லது பாதுகாவலர் அஞ்சலகங்கள் மற்றும் குறிப்பிட்ட வங்கிகளில் செல்வ மகள் சேமிப்பு கணக்கு தொடங்கலாம். அந்தக் கணக்கில் ஒவ்வொரு நிதியாண்டிலும் குறைந்தபட்சம் ஆயிரம் ரூபாயும் அதிகபட்சம் ரூ.1 லட்சத்து 50 ஆயிரமும் டெபாசிட் செய்ய முடியும். 15 ஆண்டுகள் டெபாசிட் செய்ய வேண்டும். அந்த பெண் குழந்தை 10-ம் வகுப்பு முடித்த பிறகு உயர்கல்வி செலவுகளுக்கு டெபாசிட் தொகையில் 50 சதவீதத்தை தேவைப்பட்டால் திரும்ப எடுத்துக் கொள்ளலாம். முதிர்வு காலமான 21 ஆண்டுகள் முடிந்த பிறகு அல்லது பெண் குழந்தை யின் திருமணத்துக்கு ஒரு மாதத்துக்கு முன்பு கணக்கை முடித்துக் கொள்ளலாம். செல்வ மகள் சேமிப்பு கணக்குக்கு ஆண்டுக்கு 8.3 சதவீதம் வட்டி வழங்கப் படுகிறது. இந்தத் திட்டம் பெண் குழந்தைகளின் உயர்கல்வி மற்றும் திருமணம் ஆகிய செலவுகளுக்கு மிகவும் உதவிகரமாக இருக்கும் என்பதால் பெற்றோர்கள் தங்களது பெண் குழந்தையின் பெயரில் அஞ்சலகங்களில் செல்வ மகள் சேமிப்பு கணக்கு தொடங்குவதில் மிகுந்த ஆர்வம் காட்டி வருகின்றனர். இதுதொடர்பாக தமிழ்நாடு அஞ்சல் வட்டத்தைச் சேர்ந்த அஞ்சல் துறை உயர் அதிகாரி ஒருவர் கூறியதாவது: அஞ்சல் துறை சார்பில் தமிழ்நாடு மற்றும் புதுச்சேரியில் கிராமங்கள்தோறும் சிறப்பு முகாம்கள் நடத்தி வருகிறோம். மேலும், அஞ்சல் துறை ஊழியர்கள் வீடுவீடாகச் சென்று செல்வ மகள் சேமிப்பு திட்டத்தின் பயன்கள் குறித்து பொதுமக்களிடம் விழிப்புணர்வு ஏற்படுத்தி வருகின்றனர். இதன்காரணமாக, செல்வ மகள் சேமிப்பு திட்டத்தில் அதிக எண்ணிக்கையில் கணக்கு தொடங்குவதில் தமிழ்நாடு அஞ்சல் வட்டம் தேசிய அளவில் முன்னிலை வகிக்கிறது. திட்டம் தொடங்கப்பட்ட நாளில் (22.01.2015) இருந்து கடந்த அக். 31-ம் தேதி வரையிலான காலத்தில் ஒட்டுமொத்தமாக 14 லட்சத்து 55 ஆயிரத்து 195 கணக்குகள் தொடங்கப்பட்டுள்ளன. அந்த கணக்குகளில் சுமார் ₹2,000 கோடி டெபாசிட் செய்யப்பட்டுள் ளது. இவ்வாறு அவர் கூறினார்.

மாநிலங்களுக்கு வரி வருவாயை பகிர்ந்து அளிப்பதற்காக 15-வது நிதி கமிஷன் அமைக்க மத்திய மந்திரிசபை ஒப்புதல்

மாநிலங்களுக்கு வரி வருவாயை பகிர்ந்து அளிப்பதற்காக 15-வது நிதி கமிஷன் அமைக்க மத்திய மந்திரிசபை ஒப்புதல் | மாநிலங்களுக்கு வரி வருவாயை பகிர்ந்து அளிப்பதற்காக, 15-வது நிதி கமிஷன் அமைக்க மத்திய மந்திரிசபை ஒப்புதல் அளித்தது. பிரதமர் நரேந்திர மோடி தலைமையில் மத்திய மந்திரிசபை கூட்டம் நேற்று டெல்லியில் நடைபெற்றது. அதில், 15-வது நிதி கமிஷன் அமைக்க ஒப்புதல் அளிக்கப்பட்டது. அரசியல் சட்ட அமைப்பான நிதி கமிஷன், 5 ஆண்டுகளுக்கு ஒருமுறை அமைக்கப்படுவது வழக்கம். நாட்டின் வரி ஆதாரங்களை மதிப்பிடுவதுடன், மாநிலங்களுக்கு வரி வருவாயை பகிர்ந்து அளிப்பதற்கான செயல்திட்டத்தையும் இந்த கமிஷன் சிபாரிசு செய்யும். 2020-ம் ஆண்டு ஏப்ரல் 1-ந் தேதிக்குள் இக்கமிஷன் தனது சிபாரிசுகளை சமர்ப்பிக்கும் என்று தெரிகிறது. கமிஷன் உறுப்பினர்கள் யார் யார்?, கமிஷனின் ஆய்வு வரம்புகள் பற்றிய விவரங்கள் பின்னர் அறிவிக்கப்படும் என்று மத்திய நிதி மந்திரி அருண் ஜெட்லி நிருபர்களிடம் தெரிவித்தார். சுப்ரீம் கோர்ட்டு நீதிபதிகள் மற்றும் 24 ஐகோர்ட்டு நீதிபதிகளுக்கு சம்பள உயர்வு அளிப்பதற்கான யோசனைக்கு மத்திய மந்திரிசபை ஒப்புதல் அளித்தது. இதற்கான மசோதா, பாராளுமன்றத்தில் தாக்கல் செய்யப்படும் என்று மத்திய சட்ட மந்திரி ரவிசங்கர் பிரசாத் கூறினார். திவால் சட்டம், கடந்த ஆண்டு டிசம்பர் மாதம் செயல்பாட்டுக்கு வந்தது. அதில் திருத்தங்கள் செய்வதற்காக அவசர சட்டம் கொண்டு வருவதற்கு மத்திய மந்திரிசபை ஒப்புதல் அளித்தது. மத்திய அரசின் 'பெண் குழந்தைகளை காப்போம்' திட்டம், ஏற்கனவே நாடு முழுவதும் 161 மாவட்டங்களில் அமல்படுத்தப்பட்டது. அது வெற்றிகரமாக செயல்படுத்தப்பட்டதால், மேலும் 640 மாவட்டங்களில் இத்திட்டத்தை விரிவுபடுத்த மத்திய மந்திரிசபை ஒப்புதல் அளித்தது. அனைத்து வகையான பயங்கரவாதம் மற்றும் அமைப்புரீதியான குற்றங்களை ஒடுக்குவதில் ரஷியாவுடன் இணைந்து செயல்படுவதற்காக, ரஷியாவுடன் ஒப்பந்தத்தில் கையெழுத்திடுவதற்கு மத்திய மந்திரிசபை அனுமதி அளித்தது. 27-ந் தேதி, மத்திய உள்துறை மந்திரி ராஜ்நாத் சிங், ரஷியாவுக்கு செல்லும்போது, இந்த ஒப்பந்தம் கையெழுத்தாகும்.

என்ஜினீயரிங் மாணவர்களின் விடைத்தாள்களை திருத்த 1,070 பேராசிரியர்களுக்கு தடை அண்ணா பல்கலைக்கழகம் நடவடிக்கை

என்ஜினீயரிங் மாணவர்களின் விடைத்தாள்களை திருத்த 1,070 பேராசிரியர்களுக்கு தடை அண்ணா பல்கலைக்கழகம் நடவடிக்கை | விடைத்தாள் திருத்தும்பணியில் மெத்தனமாக செயல்பட்டதால், என்ஜினீயரிங் மாணவர்களின் விடைத்தாள்களை திருத்தம் செய்ய 1,070 பேராசிரியர்களுக்கு தடை விதித்து அண்ணா பல்கலைக்கழகம் உத்தரவிட்டு உள்ளது. தமிழகத்தில் அண்ணா பல்கலைக்கழகத்தின் கீழ் 518 என்ஜினீயரிங் கல்லூரிகள் இயங்கி வருகின்றன. இந்த கல்லூரிகளில் படிக்கும் மாணவ, மாணவிகளுக்கு பருவத்தேர்வு நடத்தப்படுவது வழக்கம். இந்த விடைத்தாள்களை பேராசிரியர்கள் சரியாக திருத்துவதில்லை என்றும், மெத்தனமாக செயல்படுவதாகவும் புகார் எழுந்தது. குறிப்பாக கடந்த ஏப்ரல், மே மாதங்களில் நடந்த பருவத்தேர்வு விடைத்தாள்களை சரிவர திருத்தவில்லை என்று கூறப்படுகிறது. இதுதொடர்பாக அண்ணா பல்கலைக்கழக பதிவாளர் பேராசிரியர் கணேசன், தேர்வு கட்டுப்பாட்டு அதிகாரி உமா ஆகியோரிடம் சிலர் புகார் செய்தனர். இதற்கிடையே பல மாணவ, மாணவிகள் தங்களது விடைத்தாள்களை மறுமதிப்பீடு செய்யக்கோரி விண்ணப்பித்து இருந்தனர். இதனையடுத்து மறுமதிப்பீட்டுக்கு விண்ணப்பித்த மாணவ-மாணவிகளின் விடைத்தாள்கள் ஏற்கனவே மதிப்பீடு செய்த பேராசிரியர்களிடம் கொடுக்கப்படவில்லை. வேறு பேராசிரியர்களை கொண்டு இந்த விடைத்தாள்கள் திருத்தப்பட்டது. மறுமதிப்பீட்டில் ஒவ்வொரு மாணவ, மாணவிகளுக்கும் பழைய மதிப்பெண்களை விட அதிக மதிப்பெண்கள் கிடைத்தது. முதலில் விடைத்தாள்களை திருத்திய பேராசிரியர்கள் சரியாக திருத்தாததால் மாணவர்களுக்கு மதிப்பெண்களை குறைத்து போட்டுள்ளனர். இதனையடுத்து அந்த பேராசிரியர்களுக்கு தண்டனை வழங்க அண்ணா பல்கலைக்கழகம் முடிவு செய்தது. அதன்படி 1,070 பேராசிரியர்கள் 1 முதல் 3 வருடங்கள் வரை விடைத்தாள்களை திருத்தம் செய்ய தடை விதித்து அண்ணா பல்கலைக்கழக தேர்வுக்கட்டுப்பாட்டு அதிகாரி பேராசிரியர் உமா உத்தரவிட்டுள்ளார். இதில் சென்னை மண்டலத்தில் 680 பேர், திருச்சி மண்டலத்தில் 271 பேர், கோவை மண்டலத்தில் 119 பேர் அடங்குவர்.

நீதிபதி குறித்து சமூக வலைதளங்களில் விமர்சனம் ஆசிரியர்கள் சங்க நிர்வாகிகள், ஐகோர்ட்டில் மன்னிப்பு கேட்டனர். விசாரணையை டிசம்பர் 6-ந் தேதிக்கு தள்ளிவைப்பு.

நீதிபதி குறித்து சமூக வலைதளங்களில் விமர்சனம் ஆசிரியர்கள் சங்க நிர்வாகிகள், ஐகோர்ட்டில் மன்னிப்பு கேட்டனர் | நீதித்துறையின் மாண்பை கெடுக்க வேண்டும் என்ற உள்நோக்கத்துடன் செயல்படவில்லை என்றும், இதற்காக நிபந்தனையற்ற மன்னிப்பு கேட்டுக்கொள்வதாகவும் ஐகோர்ட்டில் ஆசிரியர்கள் சங்க நிர்வாகிகள் கோரிக்கை விடுத்து முறையிட்டனர். ஊதிய முரண்பாடுகளை களைதல் உள்ளிட்ட பல கோரிக்கைகளை வலியுறுத்தி ஆசிரியர் சங்கங்கள் போராட்டம் நடத்தின. இதுதொடர்பான வழக்குகளை விசாரித்த நீதிபதி என்.கிருபாகரன், ஆசிரியர்கள் குறித்து பல்வேறு கேள்விகளை தமிழக அரசிடம் கேட்டு, அதற்கு பதிலளிக்கும்படி உத்தரவிட்டார். இதையடுத்து நீதிபதி என்.கிருபாகரனை சமூக வலைதளங்களில் கடுமையாக விமர்சித்தனர். இதுகுறித்து நீதிபதியின் கவனத்துக்கு வக்கீல்கள் சிலர் கொண்டு வந்தனர். இதையடுத்து, நீதிபதிகளையும், நீதித்துறையையும் தனிப்பட்ட முறையில் விமர்சிப்பவர்கள் மீது நடவடிக்கை எடுக்கும்படி அரசுக்கு உத்தரவிடப்பட்டது. இந்த நிலையில், ஆசிரியர் போராட்டம் தொடர்பான வழக்கு நீதிபதி என்.கிருபாகரன் முன்பு நேற்று விசாரணைக்கு வந்தது. அப்போது ஆசிரியர் சங்கங்களை சேர்ந்த நிர்வாகிகள் மாயவன், பக்தவச்சலம், கோவிந்தன், சொர்ணலதா ஆகியோர் நீதிபதி முன்பு ஆஜரானார்கள். நீதித்துறையின் மாண்பை கெடுக்க வேண்டும் என்ற உள்நோக்கத்துடன் தாங்கள் செயல்படவில்லை என்றும், இதற்காக நிபந்தனையற்ற மன்னிப்பு கேட்டுக்கொள்வதாகவும் அவர்கள் கூறினார்கள். அப்போது கூடுதல் அட்வகேட் ஜெனரல் வெங்கட்ரமணி, 'நீதிபதி, நீதித்துறையை தவறாக விமர்சனம் செய்தவர்கள் மீது துறை ரீதியாகவும், காவல்துறை மூலமாகவும் குற்ற வழக்குப்பதிவு செய்து நடவடிக்கை எடுக்கப்பட்டு வருகிறது' என்று நீதிபதியிடம் கூறினார். 'நீதித்துறையை விமர்சனம் செய்தவர்கள் மீதான நடவடிக்கை கைவிடப்பட்டால், அதுவே மற்றவர்களுக்கு தவறான முன் உதாரணத்தை ஏற்படுத்தி விடும். எனவே இந்த வழக்கில் ஒரு முடிவு எடுக்கும் வரை தவறு செய்தவர்கள் மீதான நடவடிக்கையை கைவிடக்கூடாது' என்று வக்கீல் செந்தில்குமார் என்பவர் நீதிபதியிடம் கோரிக்கை விடுத்து வாதிட்டார். இதையடுத்து நீதிபதி, இந்த வழக்கில் அவசர கதியில் எந்த உத்தரவையும் பிறப்பிக்க விரும்பவில்லை என்று கூறினார். பின்னர் விசாரணையை டிசம்பர் 6-ந் தேதிக்கு தள்ளிவைத்தார்.

Wednesday, November 22, 2017

TNPSC 9,351 காலியிடங்களை நிரப்பும் வகையில் ஒருங்கிணைந்த குரூப்-4 தேர்வு

பல்வேறு துறைகளுக்கான இளநிலை உதவியாளர்கள், தட்டச்சர்கள், சுருக்கெழுத்தாளர்கள் ஆகியோரை குரூப்-4 தேர்வின் மூலம் தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) பணியமர்த்தவிருக்கிறது. இதுவரை, கிராம நிர்வாக அலுவலர் (வி.ஏ.ஓ.) பதவிக்குத் தனியாக தேர்வு நடத்தப்பட்டுவந்தது. இனிமேல் குரூப்-4 தேர்வையும், வி.ஏ.ஓ. தேர்வையும் சேர்த்து ஒருங்கிணைந்த குரூப்-4 தேர்வாக நடத்த டி.என்.பி.எஸ்.சி. அண்மையில் முடிவெடுத்துள்ளது. இந்நிலையில், மொத்தம் 9,351 காலியிடங்களை நிரப்பும் வகையில் ஒருங்கிணைந்த குரூப்-4 தேர்வுக்கான அறிவிப்பை டி.என்.பி.எஸ்.சி. தற்போது வெளியிட்டிருக்கிறது. தேவையான தகுதி தேர்வுக்கான அடிப்படைக் கல்வித் தகுதி 10-ம் வகுப்புத் தேர்ச்சி. தட்டச்சர், சுருக்கெழுத்து தட்டச்சர் பதவிகளுக்கு மட்டும் கூடுதலாகத் தொழிற்கல்வித் தேர்வுகளில் தேர்ச்சி பெற்றிருக்க வேண்டும். வயது வரம்பைப் பொறுத்தவரையில் வி.ஏ.ஏ. பணிக்கு 21 முதல் 30-க்குள் இருக்க வேண்டும். இட ஒதுக்கீட்டு பிரிவினர் (எஸ்.சி., எஸ்.டி., பி.சி., எம்.பி.சி.) வயது வரம்பு 40-ஆக நிர்ணயிக்கப்பட்டுள்ளது. இதர பணிகளுக்கு 18 முதல் 30-க்குள் இருக்க வேண்டும். எஸ்.சி., எஸ்.டி. வகுப்பினருக்கு ஐந்து ஆண்டுகளும் பி.சி., எம்.பி.சி. வகுப்பினருக்கு இரண்டு ஆண்டுகளும் வயது வரம்பில் தளர்வு உண்டு. எனினும், தேர்வுக்கு நிர்ணயிக்கப்பட்ட குறைந்தபட்சக் கல்வித் தகுதியான 10-ம் வகுப்புக்கு மேல் (அதாவது பிளஸ் டூ, இளநிலைப் பட்டப் படிப்பு, முதுநிலைப் பட்டப் படிப்பு) படித்த இட ஒதுக்கீட்டுப் பிரிவினருக்கும் அனைத்து வகுப்புகளையும் சேர்ந்த கணவனை இழந்த பெண்களுக்கும் வயது வரம்பு ஏதும் கிடையாது. என்ன கேட்பார்கள்? எழுத்துத் தேர்வில் பொது அறிவுப் பகுதியில் இருந்து 100 கேள்விகள் (இதில் 25 வினாக்கள் திறனறிவு தொடர்புடையதாக இருக்கும்), பொதுத்தமிழ் அல்லது பொது ஆங்கிலம் பகுதியில் இருந்து 100 கேள்விகள் என மொத்தம் 200 கேள்விகள் இடம்பெறும். தகுதி உடையவர்கள் டி.என்.பி.எஸ்.சி. இணையதளத்தைப் (www.tnpsc.gov.in) பயன்படுத்தி டிசம்பர் மாதம் 13-ம் தேதிக்குள் ஆன்லைனில் விண்ணப்பிக்க வேண்டும். ஆன்லைனில் விண்ணப்பிக்கும் முறை, தேர்வுக் கட்டணம், கட்டணச் சலுகை, பாடத்திட்டம் உள்ளிட்ட விவரங்களை டி.என்.பி.எஸ்.சி. இணையதளத்தில் விரிவாக அறிந்துகொள்ளலாம். குருப்-4 ஒருங்கிணைந்த பணிகளுக்கு நேர்முகத் தேர்வு கிடையாது. எழுத்துத் தேர்வில் வெற்றி பெற்றாலே அரசுப் பணி உறுதி. தமிழக அரசு ஊழியர்களுக்குத் தற்போது நடைமுறைப்படுத்தப்பட்டுள்ள 7-வது ஊதியக்குழு பரிந்துரையின்படி, குரூப்-4 பணிகளுக்கு ஆரம்ப நிலையில் ரூ.25 ஆயிரத்துக்கு மேல் சம்பளம் கிடைக்கும். பணியில் இருந்தவாறே, டி.என்.பி.எஸ்.சி. துறைத் தேர்வுகளில் தேர்ச்சிபெற்று, படிப்படியாகப் பதவி உயர்வும் பெறலாம்.

நூலகர் பணியிடங்களுக்கான போட்டித்தேர்வு TNPSC அறிவிப்பு.

COLLEGE LIBRARIAN IN GOVERNMENT ARTS AND SCIENCE COLLEGES, DISTRICT LIBRARY OFFICER, ASSISTANT LIBRARIAN AND INFORMATION OFFICER FOR ANNA CENTENARY LIBRARY IN PUBLIC LIBRARIES DEPARTMENT | நூலகர் பணியிடங்களுக்கான போட்டித்தேர்வு அறிவிக்கை: 1.அரசு கலை & அறிவியல் கல்லூரிகள்- நூலகர், 2.மாவட்ட நூலக அலுவலர், 3. அறிஞர் அண்ணா நூற்றாண்டு நூலகம்- உதவி நூலகர்/தகவல் அலுவலர் மேலும் விரிவான விவரங்களுக்கு | DOWNLOAD

All CBSE Entrance Exams (UGC NET, JEE, NEET, CTET) in 2018 Will Be Conducted by National Testing Agency (NTA)



All CBSE Entrance Exams (UGC NET, JEE, NEET, CTET) in 2018 Will Be Conducted by National Testing Agency (NTA) | CBSE conducted all entrance examination will now be handed over to the National Testing Agency soon as per the direction of the Union cabinet. The Central Board of Secondary Education (CBSE) approved the proposal of creating a separate National Testing Agency (NTA) that will take over all the entrance tests that are currently conducted by the Central Board of Secondary Education (CBSE).As per the guidelines of the Union Cabinet, CBSE will now conduct only board examinations for class 10 and 12. The other five entrance examinations of CBSE including National Eligibility and Entrance Test (NEET), Joint Engineering Entrance (JEE), University Grants Commission (UGC) National Eligibility Test (NET), tests of Jawahar Navodaya Vidyalayas and Central Teacher Eligibility Test (CTET). Now all these five entrance tests will be handed over to the NTA who will take charge of conducting them. NTA will initially begin conducting these five entrance examinations and would gradually take over all other all India level entrance and admission examination as per the roadmap set by the Union cabinet. The NTA conducted CBSE 2018 entrance examinations across India will now be conducted online and that too at least twice in a year so that a large number of students can appear for the test and can get equal opportunity. Not only this, all the students residing in the rural and semi-urban areas will have the facility of getting centres at their nearby sub-districts.National Testing Agency (NTA) was established as a self-sustaining and autonomous body to conduct all sorts of entrance tests in India required seeking admission once the schooling is over. The thumbs up that NTA has got from the Union cabinet for conducting all five entrance examinations in 2018 that are till date conducted by CBSE, will benefit over 4 million students who seek admission in India's well reputed and prestigious colleges. NTA is also guided to take over other prestigious all India level entrance exams over the period of time soon including IITs, AICTE and IIMs. The decision was taken by the Union cabinet to relieve CBSE from conducting all the entrance examinations 2018 and help focus on the core board examination of class 10 and 12.

தேசிய திட்ட அமலாக்கத்துறையில் 1270 உதவி பேராசிரியர் பணியிடங்கள்

தேசிய திட்ட அமலாக்கத்துறையில் 1270 உதவி பேராசிரியர் பணியிடங்கள் மத்திய மனிதவள மேம்பாட்டு துறையின்கீழ் செயல்பட்டு வரும் தேசிய திட்ட அமலாக்கத்துறையில் "National Project Implementation Unit" காலியாக உள்ள 1270 உதவிப் பேராசிரியர் பணியிடங்களை ஒப்பந்த கால அடிப்படையில் நிரப்புவதற்கான அறிவிப்பு வெளியிடப்பட்டுள்ளது. இதற்கு தகுதியும் விருப்பமும் உள்ளவர்கள் வரும் டிசம்பர் மாதம் 11 முதல் 15-ஆம் தேதி வரை நடைபெறும் நேர்முகத் தேர்வில் பங்குபெற்று பயனடையலாம். மொத்த காலியிடங்கள்: 1270 பணி: Assistant Professor துறைவாரியான காலியிடங்கள் விவரம்: 1. Civil Engg and allied - 190 2. Mechanical Engg and allied - 191 3. Electrical Engg and allied - 158 4. Electronics Engg and allied - 155 5. Computer Engg/IT and equivalent - 177 6. Chemical Engg and allied - 59 7. English: 34 Posts Physics - 59 8. Mathematics - 77 9. Chemistry - 52 10. Geology - 5 11. Food Technology - 14 12. Metallurgy and allied - 11 13. Mining Engg and allied -13 14. Textile Engg and allied - 4 சம்பளம்: மாதம் ரூ.70,000 வயதுவரம்பு: 40க்குள் இருக்க வேண்டும். கல்வித்தகுதி: சம்மந்தப்பட்ட துறைகளில் எம்.இ, எம்.டெக் முடித்து கேட் தேர்வில் தேர்ச்சி பெற்றிருக்க வேண்டும். அல்லது எம்.எஸ்சி., எம்.ஏ., பட்டம் பெற்று NET, SET தேர்வுகளில் தேர்ச்சி பெற்றிருக்க வேண்டும் அல்லது முனைவர் பட்டம் பெற்றிருக்க வேண்டும். தேர்வு செய்யப்படும் முறை: நேர்முகத் தேர்வு மூலம் தகுதியானவர்கள் தேர்வு செய்யப்படுவார்கள். நேர்முகத் தேர்வின்போது தேவையான அனைத்து சான்றிதழ்களின் அசல் மற்றும் நகல்களை இணைத்து சமர்ப்பிக்க வேண்டும். நேர்முகத் தேர்வு நடைபெறும் தேதி: 11.12.2017 முதல் 15.12.2017 நேர்முகத் தேர்வு நடைபெறும் இடம்: தமிழகத்தில் திருச்சி என்ஐடி-ல் நடைபெறும். மற்ற மையங்கள் விவரங்கள் அதிகாரப்பூர்வ இணையதளத்தில் கொடுக்கப்பட்டுள்ள அறிவிப்பை பார்த்து தெரிந்துகொள்ளவும். விண்ணப்பக் கட்டணம்: ரூ.500. இதனை ஆன்லைன் முறையில் செலுத்தலாம். விண்ணப்பிக்கும் முறை: www.npiu.nic.in என்ற இணையதளம் மூலம் ஆன்லைனில் விண்ணபிக்கலாம்.

ஆதாரை இணைக்க தனியார் அமைப்புகளை பயன்படுத்த வங்கிகளுக்கு அனுமதி

ஆதாரை இணைக்க தனியார் அமைப்புகளை பயன்படுத்த வங்கிகளுக்கு அனுமதி | வங்கி கணக்குடன் ஆதார் எண்ணை இணைக்கும் பணிக்காக தனியார் அமைப்புகளை பயன்படுத்திக்கொள்ள வங்கிகளுக்கு ஆதார் ஆணையம் அனுமதி அளித்துள்ளது* வங்கிகள் மூலம் மட்டுமே இந்த இணைப்பு பணியை மேற்கொண்டால் அதற்காக அதிக நாட்கள் தேவைப்படும் என்றும், வங்கி ஊழியர்களுக்கு கூடுதல் பணி சுமை எனவும் வங்கிகள் தரப்பில் இருந்து எடுத்துக்கூறப்பட்டது. இதனையடுத்து தனியார் அமைப்புகளை பயன்படுத்திக்கொள்ள ஆதார் ஆணையம் அனுமதி வழங்கியுள்ளது. மேலும், வங்கி கணக்குகளுடன் ஆதார் எண்ணை இணைக்க தனியார் அமைப்புகளை வங்கிகள் பயன்படுத்தினாலும், அந்தப் பணிகள் வங்கி கிளைகளில் மட்டுமே நடைபெற வேண்டும் என்றும், அதனை வங்கி நிர்வாகம் கண்காணிக்க வேண்டும் எனவும் ஆதார் ஆணையம் கேட்டுக்கொண்டுள்ளது.

வங்கிகளில் ஆதார் எண்ணை பயோமெட்ரிக் மூலம் இணைக்க வேண்டும்



வங்கிகளில் ஆதார் எண்ணை பயோமெட்ரிக் மூலம் இணைக்க வேண்டும் | தற்போது அனைத்து வங்கிப் பரிவர்த்தனைகளுக்கும் ஆதார் எண் கட்டாயம் என அறிவிக்கப்பட்டுள்ளது. இதனால், சேமிப்புக் கணக்குடன் ஆதார் எண் இணைக்கும் பணியில் வங்கிகள் ஈடுபட்டுள்ளன. இவ்வாறு வங்கிகளில் ஆதார் எண்ணை இணைக்கச் செல்லும்போது, வங்கிகளில் ஆதார் அட்டையின் நகலையும் கேட்கிறார்கள். ஆனால் வங்கிகளில் பயோமெட்ரிக் முறையில் வாடிக்கையாளர்களின் கைவிரல் ரேகைகளைப் பதியச் செய்வதால், ஆதார் அட்டையின் நகலைக் கேட்பது தேவையற்றது. இதன் மூலம், பொதுமக்களுக்கு சிரமம் குறைவதோடு, வங்கிகளுக்கும் இப்பணி எளிதாக அமையும். இவ்வாறு குமரய்யா கூறினார். இதுகுறித்து, பொதுத்துறை வங்கி அதிகாரி ஒருவரிடம் கேட்டபோது, "வங்கிக் கணக்குடன் ஆதார் எண்ணை இணைக்கும் படி ரிசர்வ் வங்கி உத்தரவிட்டுள்ளது. அதன்பேரில், நாங்கள் இப்பணியை மேற்கொண்டு வருகிறோம். பயோமெட்ரிக் இயந்திரம் அனைத்து வங்கிக் கிளைகளுக்கும் வழங்க ரிசர்வ் வங்கி நடவடிக்கை எடுக்க வேண்டும். அவ்வாறு பயோமெட்ரிக் இயந்திரம் வந்தால்தான், வாடிக்கையாளர்களிடம் இருந்து ஆதார் அட்டையின் நகலை கேட்பதை நிறுத்த முடியும். ஏற்கெனவே ஊழியர் பற்றாக்குறை நிலவி வரும் வேளையில் எங்களுக்கு இப்பணி மேலும் கூடுதலான பணிச்சுமையை ஏற்படுத்தியுள்ளது. எனவே, பயோமெட்ரிக் இயந்திரம் வங்கிக் கிளைகளில் நிறுவினால் எங்களுக்கும் பணிச்சுமை குறையும் என கோரிக்கை எழுந்துள்ளது

சைனிக் பள்ளியில் சேர மாணவர்களுக்கு விண்ணப்பப் படிவங்கள் வரும் நவம்பர் 30-ம் தேதி வரை விநியோகிக்கப்படும்

சைனிக் பள்ளியில் சேர மாணவர்கள் விண்ணப்பிக்கலாம் | சைனிக் பள்ளியில் வரும் 2018-19 கல்வியாண்டில் 6 மற்றும் 9-ம் வகுப்பில் சேருவதற்காக மாணவர்களிடம் இருந்து விண்ணப்பங்கள் வரவேற்கப் படுகின்றன. மத்திய அரசின் பாதுகாப்பு அமைச்சகமும், தமிழக அரசும் இணைந்து சைனிக் என்ற உண்டு உறைவிட பள்ளியை நடத்தி வருகிறது. திருப்பூர் மாவட்டம், உடுமலைப்பேட்டை வட்டம், அமராவதி நகரில் உள்ள சைனிக் பள்ளியில் வரும் 2018-19 கல்வியாண்டில் 6 மற்றும் 9-ம் வகுப் பில் சேருவதற்கான மாணவர் சேர்க்கை நடைபெற உள்ளது. 2018 ஜூலை 1-ம் தேதியன்று 10 வயது முடிந்தும் 11 வயது முடியாமலும் ( 2007 ஜூலை 2-ம் தேதியிலிருந்து 2008 ஜூலை 1-ம் தேதிக்குள் பிறந்திருக்க வேண்டும்) இருக்கும் மாணவர்கள் மட்டுமே 6-ம் வகுப்பில் சேர முடியும். அதேபோல், 2017 ஜூலை 1-ம் தேதியன்று 13 வயது முடிந்தும், 14 வயது முடியாமலும் (2004 ஜூலை 2-ம் தேதியிலிருந்து 2005 ஜூலை 1-ம் தேதிக்குள் பிறந்திருக்க வேண்டும்) இருந்து, அங்கீகாரம் பெற்ற பள்ளியில் 8-ம் வகுப்பில் படித்துக் கொண்டிருக்கும் மாணவர்கள் 9-ம் வகுப்பில் சேரலாம். 6-ம் வகுப்பில் சேருவதற்கான நுழைவுத் தேர்வை ஆங்கிலம் அல்லது இந்தியில் எழுதலாம். 9-ம் வகுப்பில் சேருவதற்கான நுழைவுத் தேர்வை ஆங்கிலத்தில் மட்டுமே எழுத முடியும். 6-ம் வகுப்பில் சேர 90 மாணவர்களும், 9-ம் வகுப்பில் சேர 15 மாணவர்களும் தேர்வு செய்யப்படுவர். தேர்வு செய்யப்படும் மாணவர்களது பெற்றோரின் மாத வருமான அடிப்படையில், அவர்களுக்கு ரூ.50 ஆயிரம் வரை உதவித் தொகை வழங்கப்படும். இதற்கான விண்ணப்பப் படிவம் மற்றும் விளக்கக் குறிப்பேடு பெற பொதுப் பிரிவினர் ரூ.400-ம், எஸ்சி எஸ்டி பிரிவினர் ரூ.250-ம் கட்டணமாக செலுத்த வேண்டும். விண்ணப்பப் படிவங்கள் வரும் 30-ம் தேதி வரை விநியோகிக்கப்படும் பூர்த்தி செய்யப்பட்ட விண்ணப்பங்களை டிசம்பர் 5-ம் தேதிக்குள் 'முதல்வர், சைனிக் பள்ளி, அமராவதி நகர், உடுமலைப்பேட்டை வட்டம், திருப்பூர் மாவட்டம்-642102' என்ற முகவரிக்கு அனுப்பி வைக்க வேண்டும். கூடுதல் விவரங்களுக்கு 04252-256246, 256296 என்ற தொலைபேசி எண்ணை தொடர்பு கொண்டோ, அல்லது இணையதளத்தை (www.sainikschoolamaravathinagar.edu.in) பார்த்தோ தெரிந்துகொள்ள லாம் என்று பாது காப்புத் துறை பத்திரிகை தகவல் அலுவலகம் வெளியிட்டுள்ள செய்திக் குறிப்பில் தெரிவிக்கப் பட்டுள்ளது.

நெட்' தேர்வுக்கு புது பாடத்திட்டம் 10 ஆண்டுக்கு பின் மாறுகிறது

நெட்' தேர்வுக்கு புது பாடத்திட்டம் 10 ஆண்டுக்கு பின் மாறுகிறது | பேராசிரியர் பணிக்கான, 'நெட்' தகுதி தேர்வுக் கான பாடத்திட்டம், 10 ஆண்டுகளுக்கு பின் மாற்றப்பட உள்ளது. 'நெட்' தேர்வுக்கு, புது ,பாடத்திட்டம்,10 ஆண்டுக்கு, பின் மாறுகிறது கல்லுாரிகள், பல்கலைகள் பேராசிரியர் பணிக்கு, ஆராய்ச்சி படிப்புடன் கூடிய, முதுநிலை பட்டதாரிகள், தகுதி தேர்வில் தேர்ச்சி பெற வேண்டும்.இதற்காக, தேசிய அளவில், நெட் என்ற தகுதி தேர்வை, யு.ஜி.சி., நடத்துகிறது. ஆண்டுக்கு இரண்டு முறை நடத்தப் பட்ட இந்த தேர்வு, நடப்பு கல்விஆண்டு முதல், ஆண்டுக்கு ஒரு முறை மட்டுமே நடத்தப்பட உள்ளது.தேர்வை, இரண்டு ஆண்டுகளாக, யு.ஜி.சி., சார்பில், மத்தியஇடைநிலை கல்வி வாரியமான, சி.பி.எஸ்.இ., நடத்துகிறது. இந்த தேர்வுக்கு, 10 ஆண்டுகளாக ஒரே பாட திட்டம் பின்பற்ற படுகிறது. பழையபாட திட்டத்தில் தேர்ச்சி பெறும் பேராசிரி யர்கள் பலரால்,கல்லுாரிகளில்,தற்போதைய தொழில்நுட்ப வளர்ச்சிக்கு ஏற்ற பாட திட்டங்களை புரிந்து, பாடம் நடத்த முடியவில்லை. எனவே, இன்னும் திறமை யான பேராசிரியர்களைதேர்வு செய்யும் வகையில், நெட் தேர்வு பாடத் திட்டத்தை, யு.ஜி.சி., மாற்ற உள்ளதாக, உயர் கல்வித்துறை வட்டாரங்கள் தெரிவித்து உள்ளன.

தேசிய பசுமைப்படை திட்டத்தின் கீழ் அரசு பள்ளிகளுக்கான நிதி ரூ.5 ஆயிரமாக உயர்வு

தேசிய பசுமைப்படை திட்டத்தின் கீழ் அரசு பள்ளிகளுக்கான நிதி ரூ.5 ஆயிரமாக உயர்வு | தமிழகம் முழுவதும் ஒவ்வொரு ஆண்டும் மாணவர்களுக்கு சுற்றுச்சூழல் குறித்த ஆர்வத்தை ஏற்படுத்தவும், இயற்கையை பாதுகாப்பது பற்றிய விழிப்புணர்வு ஏற்படுத்தவும் தொடக்க மற்றும் நடுநிலைப்பள்ளிகளில் தேசிய பசுமைப்படை திட்டம் செயல்படுத்தப்பட்டுள்ளது. இதற்காக மத்திய அரசின் சார்பில் மாநில அரசின் மூலம் ஒவ்வொரு பள்ளியிலும் பசுமைப்படை அமைக்கப்படுகிறது. சுற்றுச்சூழல் மீது ஆர்வமுள்ள மாணவர்கள், இதன் உறுப்பினர்களாக சேர்க்கப்படுகின்றனர். கடந்த ஆண்டு வரை இத்திட்டத்துக்கு மத்திய அரசின் சார்பில் ஒவ்வொரு பள்ளிக்கும் ரூ.2,500 வழங்கப்பட்டு வந்தது. தற்போது அது உயர்த்தப்பட்டு, இந்த ஆண்டு முதல் ரூ.5 ஆயிரமாக வழங்கப்படுகிறது. தமிழகத்தில் தற்போது அரசு பள்ளிகளில் தேசிய பசுமைப்படை திட்டம் செயல்படுத்த நிதி ஒதுக்கீடு செய்யப்பட்டுள்ளது. இந்த நிதியை 30 ஆயிரம் தொடக்கப்பள்ளிகளும், 8,500 நடுநிலைப்பள்ளிகளும் பெறுகின்றன. இந்த தொகையில் பள்ளிகளில் மூலிகை மற்றும் காய்கறி தோட்டம் அமைப்பது, மாணவர்களுக்கு பருவநிலை மாறுபாடு குறித்து விழிப்புணர்வு ஏற்படுத்துவது, மரக்கன்றுகளை நடுவதன் அவசியம் குறித்த செயல்பாடுகள் நிகழ்த்த கல்வி அதிகாரிகள் மற்றும் தலைமை ஆசிரியர்களுக்கு மத்திய அரசு இலக்கு நிர்ணயித்துள்ளது என்று அதிகாரிகள் தெரிவித்தனர்.

சி-டெட் தேர்வு | www.ctet.nic.in


ஆசிரியர் தேர்வு வாரியம் ஏப்ரல் மாதத்தில் தமிழ்நாடு ஆசிரியர் தகுதித் தேர்வுகளை நடத்தியது. பி.எட். பட்டம் பெற்றவர்களும் ஆசிரியர் பயிற்சி பட்டயப் படிப்பை முடித்தவர்களும் லட்சக்கணக்கில் அத்தேர்வுகளில் கலந்துகொண்டார்கள். அவர்களில் சில ஆயிரம் பேர்களே வேலைவாய்ப்பைப் பெற்றார்கள். மிகச் சில மதிப்பெண்களில் வேலைவாய்ப்பை இழந்தவர்களும் உண்டு. அவர்களில் பெரும்பாலானவர்கள் அடுத்த தேர்வு எப்போது வரும் என்று தெரியாத காரணத்தால் தேர்வுக்கான தயாரிப்புகளை ஒத்திவைத்துவிட்டார்கள். அடுத்த ஆண்டிலோ (?), அல்லது சில ஆண்டுகள் கழித்தோ மீண்டும் தகுதித் தேர்வு அறிவிக்கப்படும்போதுதான் அவர்கள் பாடநூல்களைப் புரட்டத் தொடங்குவார்கள். தனியார் பள்ளிகளில் பணியாற்றும் ஆசிரியர்கள், தேர்வுக்குப் படிக்க விரும்பினாலும் பணிச்சுமைகள் அதற்கு அனுமதிப்பதில்லை. போட்டித் தேர்வுகளுக்கான தயாரிப்பின் அடிப்படை விதிகளில் ஒன்று, பாடத்திட்டத்தைத் தொடர்ந்து நினைவுபடுத்திக்கொண்டே இருப்பது. அதைப் போல, ஒரே பாடத்திட்டத்தில் அமைந்த வெவ்வேறு தேர்வுகளையும் எழுதிப் பார்ப்பது. தமிழ்நாட்டில் நடந்த டெட் தேர்வில் வாய்ப்பைத் தவறவிட்டவர்களுக்கு இன்னொரு பொன்னான வாய்ப்பும் உண்டு. அது, தேசிய அளவில் நடத்தப்படும் சி-டெட் தேர்வு. டெட் தேர்வுக்காகப் படித்த அதே பாடத்திட்டத்தை இன்னும் கொஞ்சம் ஆழமாகவும் விரிவாகவும் படித்தால் தேசிய அளவில் நடத்தப்படும் இந்தத் தேர்வில் வெற்றிபெறலாம். சி.பி.எஸ்.இ பாடத்திட்டத்தைப் பின்பற்றும் கேந்திரிய வித்யாலயா, நவோதயா பள்ளிக்கூடங்களில் ஆசிரியராவதற்கு இந்தத் தேர்வில் வெற்றி பெற்றிருக்க வேண்டியது கட்டாயம். தேர்வில் வெற்றி பெறுவதற்கான மதிப்பெண்கள் அறிவிப்பிலேயே வெளியிடப்படுகின்றன. தேர்வில் 60 % மதிப்பெண் பெறுபவர்கள் ஆசிரியர் தகுதியைப் பெறுவார்கள். அடுத்துவரும் 7 ஆண்டுகளில், அவர்கள் இந்தத் தகுதியின் அடிப்படையில் பள்ளிகளுக்கு விண்ணப்பிக்கலாம். இரண்டு தேர்வுகள் ஒன்றாம் வகுப்பு முதல் ஐந்தாம் வகுப்பு வரையிலான ஆசிரியர் பணியிடங்களுக்கு ஆரம்ப நிலை (பிரைமரி ஸ்டேஜ்) என்ற தேர்வு நடத்தப்படுகிறது. பன்னிரண்டாம் வகுப்பு அல்லது பட்டப் படிப்புக்குப் பிறகு இரண்டாண்டு கால ஆசிரியர் பட்டயப் படிப்பு முடித்தவர்கள் இந்தத் தேர்வுக்கு விண்ணப்பிக்கலாம். ஆறாம் வகுப்பு முதல் எட்டாம் வகுப்பு வரையிலான ஆசிரியர் பணியிடங்களுக்குத் தொடக்க நிலை (எலிமென்டரி ஸ்டேஜ்) என்ற தேர்வு நடத்தப்படுகிறது. பட்டப்படிப்போடு ஓராண்டு கால பி.எட். பட்டம் பெற்றவர்கள் இத்தேர்வுக்கு விண்ணப்பிக்கலாம். பட்டப் படிப்பில் 50% மதிப்பெண்கள் பெற்றிருக்க வேண்டும். இடஒதுக்கீட்டு பிரிவினருக்கு விண்ணப்பிக்கத் தேவையான குறைந்தபட்ச மதிப்பெண்களில் சலுகைகளும் உண்டு. என்னென்ன பாடங்கள்? ஆரம்ப நிலைத் தேர்வு, தொடக்க நிலைத் தேர்வு இரண்டுமே பெரும்பாலும் ஒரே நாளிலேயே காலை, மாலை வேளைகளில் நடத்தப்படுகின்றன. இரண்டு தாள்களுமே அப்ஜெக்டிவ் முறையில் அமைந்திருக்கும். மொத்தம் 150 கேள்விகள். ஆரம்ப நிலைத் தேர்வில், குழந்தைகள் வளர்ச்சி மற்றும் கற்பிக்கும் முறைகள் (30 கேள்விகள்), மொழிப்பாடம் - 1 (30 கேள்விகள்), மொழிப்பாடம் - 2 (30 கேள்விகள்), கணக்கு (30 கேள்விகள்), சுற்றுச்சூழல் அறிவியல்(30 கேள்விகள்) என்பதாக அமைந்திருக்கும். தொடக்க நிலைத் தேர்வில் குழந்தைகள் வளர்ச்சி மற்றும் கற்பிக்கும் முறைகள் (30 கேள்விகள்), மொழிப்பாடம் - 1 (30 கேள்விகள்), மொழிப்பாடம் - 2 (30 கேள்விகள்), கணக்கு மற்றும் அறிவியல் (60 கேள்விகள்) அல்லது சமூக அறிவியல் (60 கேள்விகள்). 60 கேள்விகளுக்கான பகுதியில் கணக்கு மற்றும் அறிவியலையோ அல்லது சமூக அறிவியலையோ தேர்ந்தெடுக்கலாம். மொழிப்பாடங்களில் தமிழைத் தேர்வு செய்துகொள்ளலாம். மொழிப்பாடங்களுக்கான பதில்களைக் குறிக்கும்போது, விண்ணப்பத்தில் உள்ளவாறு மொழிப்பாடம் 1 மற்றும் 2 ஆகியவற்றைக் கவனமாகக் குறிக்க வேண்டும். பதில் எழுதுகிற வேகத்தில் மொழிப்பாட வரிசையை மாற்றிக் குறித்து மதிப்பெண் இழப்பவர்களும் உண்டு. எச்சரிக்கை. நடத்துவது யார்? இதுவரையில் சி.பி.எஸ்.இ. இந்தத் தேர்வை நடத்திவந்தது. தற்போது இந்தத் தேர்வை நடத்தும் பொறுப்பு புதிதாகத் தொடங்கப்பட்டுள்ள நேஷனல் டெஸ்ட்டிங் ஏஜென்ஸியிடம் அளிக்கப்பட்டுள்ளது. சி-டெட் தேர்வுகளைப் பற்றிய முழுமையான விவரங்களுக்கு www.ctet.nic.in என்ற இணையத்தளத்தைப் பார்க்கவும். பாடத்திட்டங்கள், முந்தைய ஆண்டுகளில் நடத்தப்பட்ட தேர்வுகளின் வினாத்தாள்களும் இத்தளத்தில் படிக்கக் கிடைக்கின்றன.

பொதுமக்கள், மாணவர்கள், கல்வியாளர்கள் கருத்தை கேட்ட பிறகு புதிய பாடத்திட்டம் பிப்ரவரியில் வெளியிடப்படும் அமைச்சர் கே.ஏ.செங்கோட்டையன் தகவல்

பொதுமக்கள், மாணவர்கள், கல்வியாளர்கள் கருத்தை கேட்ட பிறகு புதிய பாடத்திட்டம் பிப்ரவரியில் வெளியிடப்படும் அமைச்சர் கே.ஏ.செங்கோட்டையன் தகவல் | பிப்ரவரியில் புதிய பாடத்திட்டம் வெளியிடப்படும் என்று அமைச்சர் கே.ஏ.செங்கோட்டையன் கூறினார். இதுகுறித்து தலைமைச் செயலகத்தில் நிருபர்களுக்கு, பள்ளி கல்வித்துறை அமைச்சர் கே.ஏ.செங்கோட்டையன் அளித்த பேட்டி வருமாறு:- ஒன்று முதல் 12-ம் வகுப்பு வரையிலான புதிய பாடத்திட்ட வரைவு வடிவமைப்பு வெளியிடப்பட்டுள்ளது. ஒன்று முதல் 10-ம் வகுப்பு வரையிலான பாடத்திட்டத்தை ஒரு தொகுப்பாகவும், பிளஸ்-1, பிளஸ்-2 பாடத்திட்டத்தை மற்றொரு தொகுப்பாகவும் முதல்-அமைச்சர் எடப்பாடி பழனிசாமி வெளியிட்டார். இந்த வரைவு பாடத்திட்டத்தை 4 மாத காலத்தில் உருவாக்கியிருக்கிறோம் என்பது இந்தியாவே வியக்கத்தக்க வகையில், தமிழக வரலாற்றில் முக்கிய அம்சமாகும். இதன் மூலம் தமிழகத்தில் ஒரு நல்ல மாற்றம் உருவாகும். இதற்காக சென்னை கலைவாணர் அரங்கத்தில் ஒரு ஆண்டாக கருத்தரங்கங்கள் நடத்தப்பட்டன. அதில் பேராசிரியர்கள், ஆசிரியர்கள், கல்வியாளர்கள் போன்ற பலர் பங்கேற்று கருத்துகளை கூறினர். அந்த வகையில் சுமார் 2 ஆயிரம் பேர் கருத்துகளை வழங்கினர். பின்னர் 5 மையங்களாக உருவாக்கப்பட்டு மதுரை, கோவை, தஞ்சாவூர், புதுக்கோட்டை போன்ற பகுதிகளில் இந்த குழு நேரடியாக சென்று கருத்துகளைப் பெற்றது. அதன் பின்னர் அவற்றின் அடிப்படையில் 4 மாதங்களில் இந்த வரைவு பாடத்திட்டம் தயாரிக்கப்பட்டது. இது தேச வரலாற்றில் முதல் முறையாகும். அனைத்து துறைகளிலும் மாணவர்களை உருவாக்குவதற்கும், பிளஸ்-2 முடிக்கும் போதே அவர் களுக்கு வேலை வாய்ப்பை உருவாக்கித்தருவதற்கும், எதிர்காலத்தில் அவர்களுக்கு பயனுள்ளதாக இருப்பதற்குமான கல்வியை உருவாக்கும் நடவடிக்கை மேற்கொள்ளப்பட்டுள்ளது. பொதுமக்கள் உள்பட சம்பந்தப்பட்ட கல்வியாளர்கள், மாணவர்கள் அனைவரும் இந்த வரைவு பாடத்திட்டம் தொடர்பாக தங்கள் கருத்துகளை 7 நாட்கள் தெரிவிக்கலாம். இதில் எந்தெந்த கருத்தை ஏற்கலாம் என்பதற்கான சிறிய குழு உருவாக்கி ஆய்வு செய்யப்படும். பின்பு அதை புத்தக வடிவாக்கம் செய்வோம். பிப்ரவரியில் பாடநூல் நிறுவனம் மூலம் புதிய பாடத்திட்டம் வெளியிடப்படும். அடுத்த ஆண்டில் 1, 2, 6, 9, 11-ம் வகுப்புகளுக்கு மாற்றி அமைக்கப்படும். 2 ஆண்டுகளில் இது நடவடிக்கைகளை முடித்துவிடுவோம். ஆசிரியர்களுக்கு பயிற்சி 1, 2, 6, 9, 11 ஆகிய வகுப்புகளை இந்த ஆண்டு எடுத்துக்கொள்கிறோம். அடுத்த ஆண்டில் முழுமையான அனைத்து வகுப்புகளும் எடுத்துக்கொள்ளப்படும். புதிய மாற்றத்தின்படி, கற்கும் கல்வியை உடனே புரிந்துகொள்ளும் வகையிலும், மறக்காமல் இருக்கும் வகையிலும் கல்வி மாற்றம் ஏற்படுத்தப்பட்டுள்ளது. இந்தியாவே வியக்கத்தக்க வகையிலான மாற்றம். சிறந்த கருத்துகளாக இருந்தால் ஏற்றுக்கொள்ளப்படும். நீட் உள்பட எந்த பொதுத்தேர்வையும் சந்திக்கும் அளவுக்கு புதிய கல்வித்திட்டம் இருக்கும். மேல்நாட்டு கல்வி எப்படி இருக்கிறது என்பதை அறிந்து, தேச அளவில் கல்வி திட்டத்தில் எப்படி மாற்றம் கொண்டு வரப்பட்டுள்ளது என்பதை தெரிந்துகொண்டு மாற்றங்கள் உருவாக்கப்பட்டுள்ளன. புதிய பாடத்திட்டம் தொடர்பாக ஆசிரியர்களுக்கு கையேடு மற்றும் பயிற்சி அளிக்கப்படும். இவ்வாறு அவர் கூறினார்.

100 அரசுப் பள்ளி மாணவர்களுக்கு வெளிநாடுகளில் பயிற்சி அளிக்க திட்டம் அமைச்சர் கே.ஏ.செங்கோட்டையன் தகவல்

100 அரசுப் பள்ளி மாணவர்களுக்கு வெளிநாடுகளில் பயிற்சி அளிக்க திட்டம் அமைச்சர் கே.ஏ.செங்கோட்டையன் தகவல் | தமிழகத்தில் 100 அரசுப் பள்ளி மாணவர்களை தேர்ந்தெடுத்து வெளிநாடுகளில் பயிற்சி அளிக்க திட்டமிடப்பட்டுள்ளதாக பள்ளிக்கல்வி அமைச்சர் கே.ஏ செங்கோட்டையன் தெரிவித்தார். பல்லாவரத்தை அடுத்த அனகாபுத்தூர் அரசுப் பள்ளியில் நேற்று புதிய கட்டிடங்களை திறந்துவைத்த அமைச்சர் செங்கோட்டையன், பல்லாவரம் தொகுதிக்கு உட்பட்ட அனகாபுத்தூர் அரசுப் பள்ளி மற்றும் பல்லாவரம் தெரசா பள்ளி உள்ளிட்ட 10 பள்ளி மாணவ-மாணவிகளுக்கு 2,676 விலையில்லா மடிக்கணினிகளை வழங் கினார். பின்னர் செய்தியாளர்களிடம் அவர் கூறியதாவது: பள்ளிக்கல்வி துறை சார்பில் இந்தியாவே திரும்பி பார்க்கும் வகையில் புதிய திட்டங்கள் செயல்படுத்தப்பட்டு வருகின்றன. அரசு மற்றும் அரசு நிதியுதவி பெறும் பள்ளிகளில் இருந்து 100 மாணவர்களை தேர்ந்தெடுத்து வெளிநாடுகளுக்கு அனுப்பி பயிற்சி அளிக்க திட்டமிட்டுள்ளோம். நார்வே, அமெரிக்கா, ரஷியா, ஜெர்மனி உள்ளிட்ட பல் வேறு நாடுகளுக்கு, 25 பேர்கள் கொண்ட 4 குழுக்களாக பிரிக்கப்பட்டு மாணவர்கள் அனுப்பப்படுவார்கள். ரூ.3 கோடி செலவில் அந்த நாடுகளில் ஒவ்வொரு தொழில் நுட்பங்களையும் தெரிந்து கொள்வதற்காக அவர் கள் அனுப்பப்படவுள்ளனர். இந்தியாவில் எந்த மாநிலத்திலும் இல்லாத திட்டத்தை தமிழகம் உருவாக்கி இருக்கிறது. இந்த பாடதிட்டத்தை படிப்பதன் மூலம் எந்த நுழைவுத் தேர்விலும் தமிழக மாணவர்கள் பங்கு பெறலாம். தமிழ் மொழி வழியில் படிக்கும் மாணவர்களை ஊக்கப்படுத்துவதற்காக ஒவ்வொரு மாவட்டத்திலும் பிளஸ் ஒன் மற்றும் உயர்நிலைப் பள்ளியில் படிக்கும் தலா 15 மாணவர்களை தேர்வு செய்து, உயர்நிலை பள்ளி மாணவர்களுக்கு ரூ.10 ஆயிரமும், பிளஸ் 1 மாணவர்களுக்கு ரூ.20 ஆயிரமும் ஊக்கத் தொகையாக வழங்க அரசு நடவடிக்கை மேற்கொள்ளவுள்ளது.

பாலிடெக்னிக் ஆசிரியர்களுக்கான சான்றிதழ் சரிபார்த்தல் 24, 25-ந்தேதிகளில் நடைபெறும் தேர்வு வாரியம் அறிவிப்பு

பாலிடெக்னிக் ஆசிரியர்களுக்கான சான்றிதழ் சரிபார்த்தல் 24, 25-ந்தேதிகளில் நடைபெறும் தேர்வு வாரியம் அறிவிப்பு | பாலிடெக்னிக் ஆசிரியர்களுக்கான காலிப்பணியிடங்களுக்கு ஆசிரியர் தேர்வு வாரியம் தேர்வு நடத்தி முடிவை அறிவித்தது. வருகிற (நவம்பர்) 23-ந்தேதி முதல் 25-ந்தேதி வரை சென்னை தரமணியில் என்ஜினீயரிங் பாடங்களில் தேர்வானவர்களுக்கு நடத்த இருந்த சான்றிதழ் சரிபார்ப்பு நிர்வாக காரணங்களால் தள்ளி வைக்கப்பட்டுள்ளது. அந்த தேதி பின்னர் அறிவிக்கப்படும். என்ஜினீயரிங் அல்லாத பாடங்களுக்கு சான்றிதழ் சரிபார்த்தல் விழுப்புரம் மற்றும் மதுரை ஆகிய இடங்களில் வருகிற 24 மற்றும் 25-ந்தேதிகளில் நடைபெற உள்ளது. இந்த தகவலை ஆசிரியர் தேர்வு வாரியம் தெரிவித்துள்ளது.

Tuesday, November 21, 2017

1 முதல் பிளஸ் 2 வரையிலான வரைவு பாடத் திட்டம் வெளியீடு; கருத்துகளை பகிர தமிழக அரசு அழைப்பு

1 முதல் பிளஸ் 2 வரையிலான வரைவு பாடத் திட்டம் வெளியீடு; கருத்துகளை பகிர தமிழக அரசு அழைப்பு தமிழகத்தில், ஒன்றாம் வகுப்பு முதல் பன்னிரெண்டாம் வகுப்பு வரையிலான அனைத்து பாடங்களுக்கான புதிய வரைவு பாடத்திட்ட தொகுப்பு நூல்களை முதல்வர் எடப்பாடி பழனிசாமி இன்று (திங்கள்கிழமை) வெளியிட்டுள்ளார். பாடத்திட்டம் குறித்து கல்வியாளர்கள், பொதுமக்களிடம் கருத்து கேட்கப்பட்டு அவை பரிசீலிக்கப்படும் என்றும் தெரிவிக்கப்பட்டுள்ளது. இதுகுறித்து தமிழக அரசு சார்பில் வெளியிடப்பட்டுள்ள செய்திக்குறிப்பில், ''தமிழ்நாடு முதலமைச்சர் எடப்பாடி பழனிசாமி இன்று (20.11.2017) தலைமைச் செயலகத்தில், ஒன்றாம் வகுப்பு முதல் பன்னிரெண்டாம் வகுப்பு வரையிலான அனைத்து பாடங்களுக்கான புதிய வரைவு பாடத்திட்ட தொகுப்பு நூல்களை வெளியிட்டார். தமிழ்நாடு பள்ளிக்கல்வி பாடத்திட்டத்தினை மாற்றியமைக்கும் அரசாணையில் மாணவர்களின் கற்றலை படைப்பின் பாதையில் பயணிக்க வைத்தல், தேர்வு முறைகளை மாற்றியமைத்தல், அறிவியல் தொழில் நுட்பத்தின் முக்கியத்துவத்தை உணரச்செய்தல், மாணவர்கள் தமிழர் தம் தொன்மை, வரலாறு, பண்பாடு மற்றும் கலை இலக்கியம் குறித்த பெருமித உணர்வை பெறச் செய்தல் ஆகியன வலியுறுத்தப்பட்டுள்ளது. இதனைத் தொடர்ந்து தற்போதுள்ள கல்வி முறையை மேம்படுத்த எம்.ஆனந்தகிருஷ்ணன் தலைமையில் கலைத்திட்ட வடிவமைப்புக் குழு உருவாக்கப்பட்டது. தமிழ்நாடு புதிய கலைத்திட்ட வடிவமைப்பு 2017 உருவாக்கம் தொடர்பாக 20.7.2017 முதல் 22.7.2017 வரை மூன்று நாட்கள் பல்வேறு துறைசார் வல்லுநர்கள், கல்வியாளர்கள், எழுத்தாளர்கள், பேராசிரியர்கள், ஆசிரியர்கள் உள்ளிட்ட சுமார் 2000 நபர்கள் பங்கு பெற்ற கருத்தரங்கம் நடைபெற்றது. கருத்தரங்கில் விவாதிக்கப்பட்ட கருத்துகள் தொகுக்கப்பட்டு ஆவணப்படுத்தப்பட்டுள்ளன. மேலும், கணிதம் மற்றும் அறிவியல், மொழி மற்றும் கலைப்பிரிவு பாடங்கள், மதிப்பீட்டு முறை வடிவமைப்பு, தகவல் தொடர்பு தொழில்நுட்பம் ஆகிய புலங்கள் சார்ந்து கலைத்திட்ட வடிவமைப்பு துணைக்குழுக்கள் உருவாக்கப்பட்டன. தமிழ்நாடு புதிய கலைத்திட்ட வடிவமைப்பு 2017 தொடர்பாக ஆசிரியர்கள், மாணவர்கள், பெற்றோர்கள் கல்வி நிறுவன நிர்வாகிகள் ஆகியோர்களின் கருத்துகளை அறியும் வகையில் மண்டல அளவில் சென்னை, கோவை, தஞ்சாவூர், மதுரை, புதுச்சேரி ஆகிய இடங்களில் கருத்தறியும் கூட்டங்கள் நடத்தப்பெற்று அக்கூட்டங்களில் தெரிவிக்கப்பட்ட கருத்துகள் தொகுக்கப்பட்டுள்ளன. 'கருத்தறியும் பெட்டி மூலம் பெறப்பட்ட கருத்துகள்' தமிழ்நாட்டில் உள்ள அனைத்துப் பள்ளிகளிலும் கருத்தறியும் பெட்டி வைக்கப்பட்டு பள்ளி அளவில் பெறப்பட்ட கருத்துக்கள், மாவட்ட அளவில் தொகுக்கப்பட்டு விவாதிக்கப்பட்டுள்ளது. மேலும், தமிழ்நாட்டில் உள்ள பல்வேறு நிலை ஆசிரியர் சங்கங்களின் பிரதிநிதிகள் கலந்து கொண்ட கருத்தறியும் கூட்டம் நடத்தப்பட்டு கருத்துகள் தொகுக்கப்பட்டுள்ளன. கலைத்திட்ட வடிவமைப்புக்குழு பல்வேறு நிலைகளில் தொடர்புடைய துறை சார்ந்த வல்லுநர்களுடன் ஆலோசித்து கலைத்திட்ட வடிவமைப்பில் இடம் பெற வேண்டிய கருத்துகளைப் பெற்று, அக்கருத்துகள் கலைத்திட்ட வடிவமைப்புக்குழுவில் விவாதிக்கப்பட்டு, தமிழ்நாடு புதிய கலைத்திட்ட வடிவமைப்பு 2017 தொடர்பாக தமிழ், ஆங்கிலம், கணிதம், அறிவியல், சமூக அறிவியல், தகவல் தொடர்பு தொழில் நுட்பம் ஆகிய பாடவாரியாக அறிக்கைகள் தயாரிக்கப்பட்டுள்ளன. தேசிய அளவில் மத்திய இடைநிலைக்கல்வி வாரியத்தின் பாடத்திட்டம், பல்வேறு மாநில வாரியங்களின் பாடத்திட்டங்கள் உள்ளிட்ட நடைமுறையில் உள்ள பாடத்திட்டங்களை தமிழ்நாட்டில் தற்போது பின்பற்றப்பட்டு வரும் பாடத்திட்டத்தோடு ஒப்பிட்டு பகுப்பாய்வு செய்து அறிக்கை தயாரிக்கப்பட்டது. வகுப்பு வாரியாக, பாட வாரியாக துறை சார்ந்த பேராசிரியர்கள், ஆசிரியர்கள், பாடவல்லுநர்கள் ஆகியோர் கலந்து கொண்ட பயிலரங்கம் நடத்தப்பட்டு அதில் பாடத்திட்ட ஒப்பீட்டு அறிக்கை விவாதிக்கப்பட்டு புதிய பாடத்திட்டத்தில் இடம் பெற வேண்டிய கருத்துகள் ஆலோசிக்கப்பட்டு வரைவு பாடத்திட்டம் தயாரிக்கப்பட்டுள்ளது. கலைத்திட்ட வடிவமைப்பு குழு வரைவு அறிக்கை மற்றும் வரைவு பாடத்திட்டத்தில் இடம் பெற வேண்டிய விவரங்கள் பள்ளிக்கல்வித்துறை அமைச்சர் தலைமையிலான உயர்மட்டக்குழுவில் விவாதிக்கப்பட்டு கருத்துரைகள் பெறப்பட்டு வரைவு பாடத்திட்டம் தயாரிக்கப்பட்டுள்ளது. இவ்வரைவு பாடத்திட்டம் வகுப்பு வாரியாக, பாடவாரியாக, www.tnscert.org என்ற இணையதளத்திலும் வெளியிடப்படவுள்ளது. இதர மொழிப்பாடங்களுக்கான வரைவு பாடத்திட்டம் துறை சார்ந்த வல்லுநர்களின் கருத்துகள் பெறப்பட்டு இறுதி செய்யப்பட்டு இன்னும் ஒரு வார காலத்திற்குள் வெளியிடப்படும். தற்போது வெளியிடப்படும் வரைவு பாடத்திட்டம் தேசிய அளவில் பிற பாடத்திட்டங்களுக்கு நிகராகவும், நம் மாணவர்கள் பல்வேறு போட்டித் தேர்வுகளை எதிர்கொள்ளும் வகையிலும் வடிவமைக்கப்பட்டுள்ளது. புதிய பாடப்புத்தகங்கள் உருவாக்கப்படும் போது பொதுமக்கள் மற்றும் வல்லுநர்களின் கருத்துகளைப் பெற்று இறுதி செய்யப்பட்ட பாடத்திட்டத்தின் அடிப்படையில் மாணவர்கள் பெற வேண்டிய கற்றல் அடைவுகளை அடிப்படையாகக்கொண்டு பாடத் துணை தலைப்புகள் இடம் பெறும். மேலும், மாணவர்களின் சிந்தனையை தூண்டுதல், அறிவியல் மனப்பான்மையை வளர்த்தல், தொடர்புடைய துறைகளில் சமீப கால தொழில் நுட்ப வளர்ச்சி உள்ளிட்ட ஆர்வமூட்டும் வகையிலான விவரங்களும் புதிய மதிப்பீட்டு முறையும் இடம் பெறும் வகையில் திட்டமிடப்பட்டுள்ளது. தற்போது வெளியிடப்படும் பாடத்திட்டத்தினை உலகெங்கிலும் உள்ள கல்வியாளர்கள், ஆசிரியர்கள், மாணவர்கள், பொதுமக்கள் உள்ளிட்டவர்கள் படித்துப்பார்த்து, தாங்கள் தெரிவிக்க வேண்டிய கருத்துகள் ஏதேனும் இருப்பின் அதனை இணைய வழியே பதிவேற்றம் செய்திடலாம். மேலும், கடிதம் வாயிலாகவும் தெரிவிக்கலாம். இவ்வாறு பெறப்படும் கருத்துகள் அனைத்தும் பரிசீலிக்கப்பட்டு வரைவு பாடத்திட்டம் இறுதி செய்யப்படும்'' என்று தெரிவிக்கப்பட்டுள்ளது. | DOWNLOAD | FEED BACK |

TET - வெயிட்டேஜ் முறையால் பாதிக்கப்பட்டவர்களுக்காக அமைக்கப்பட்ட குழு அறிக்கை டிசம்பரில் தாக்கல் - பள்ளிக்கல்வி அமைச்சர்



TET - வெயிட்டேஜ் முறையால் பாதிக்கப்பட்டவர்களுக்காக அமைக்கப்பட்ட குழு அறிக்கை டிசம்பரில் தாக்கல் - பள்ளிக்கல்வி அமைச்சர் வெயிட்டேஜ் முறையில் பணி வாய்ப்பை இழந்துள்ளவர்களுக்கு அடுத்த ஆண்டு முதல் தகுதி அடிப்படையில் பணி வழங்கப்படும் என பள்ளிக் கல்வித் துறை அமைச்சர் கே.ஏ.செங்கோட்டையன் தெரிவித்துள்ளார். கோபி அருகே நம்பியூர் புதிய வருவாய் வட்டத்தைத் தொடக்கிவைத்து செய்தியாளர்களிடம், ஆசிரியர் தகுதித் தேர்வில் வெற்றி பெற்றும் வெயிட்டேஜ் மதிப்பெண்கள் முறையால் பணியில் சேர முடியாத நிலையில் உள்ளவர்களுக்காக குழு அமைக்கப்பட்டுள்ளது. அந்தக் குழுவிடம் டிசம்பரில் அறிக்கை பெற்று தகுதி உள்ளவர்களுக்கு அடுத்த ஆண்டு முதல் பணிவாய்ப்பு வழங்கப்படும். அதே நேரத்தில் வெயிட்டேஜ் முறையை ரத்து செய்ய முடியாது என்றார்.

பிற மாநிலத்தவர் பங்கேற்கும் வகையில் போட்டித் தேர்வு விதிகள் தற்போது திருத்தப்படவில்லை: டிஎன்பிஎஸ்சி விளக்கம்

பிற மாநிலத்தவர் பங்கேற்கும் வகையில் போட்டித் தேர்வு விதிகள் தற்போது திருத்தப்படவில்லை: டிஎன்பிஎஸ்சி விளக்கம் பிற மாநிலத்தவரும் பங்கேற்கும் வகையில் போட்டித் தேர்வு விதிகள் தற்போது திருத்தப்படவில்லை என்று டிஎன்பிஎஸ்சி விளக்கம் அளித்துள்ளது. போட்டித்தேர்வுகளுக்கு வெளிமாநிலத்தவர் விண்ணப்பிக்கும் விதிமுறையானது கடந்த 1955-ம் ஆண்டு முதல் அமலில் இருந்து வருகிறது என்றும் டிஎன்பிஎஸ்சி விளக்கம் அளித்துள்ளது. இது தொடர்பாக தமிழ்நாடு அரசுப் பணியாளர் தேர்வாணையத்தின் (டிஎன்பிஎஸ்சி) செயலாளர் விஜயகுமார் வெளியிட்ட செய்திக்குறிப்பில், '' குரூப் 4-ல் அடங்கிய பதவிகளுக்கு பிற மாநிலத்தவரும் பங்கேற்கும் வகையில் அறிவிக்கை வெளியிடப்பட்டுள்ளதென்றும், பணியில் சேர்ந்த இரண்டாண்டுகளில் தமிழ் மொழித் தேர்வில் தேர்ச்சி பெறவேண்டும் என்றும், விதிகளில் திருத்தம் செய்யப்பட்டுள்ளது தவறானது என்றும், தமிழ் நாட்டைச் சார்ந்தவர்களுக்கே அரசுப் பணிகளில் முன்னுரிமை வழங்க வேண்டும் என்றும் நாளிதழ்கள் மற்றும் செய்தி ஊடகங்களில் செய்திகள் வெளிவந்துள்ளன. இத்தகவல் முற்றிலும் உண்மைக்குப் புறம்பானது மட்டுமின்றி தவறானதுமாகும். வெளிமாநிலத்தவர் விண்ணப்பிக்கும் விதியானது, தமிழ்நாடு மாநில மற்றும் சார்நிலைப் பணிகளுக்கான சிறப்பு விதிகளில் குறிப்பிடப்பட்டுள்ளவாறு 1955-ம் ஆண்டிலிருந்து அமலில் உள்ளது. தற்போது இவ்விதி தமிழ்நாடு அரசுப் பணியாளர்களுக்கான (பணி நிபந்தனைகள்) சட்டம் 2016-ன் பிரிவு 20(7) மற்றும் 21(1)ல் இடம்பெற்று எவ்வித மாற்றமும் இல்லாமல், தேர்வாணையத்தால் நேரடி நியமனத்திற்கான அனைத்துப் பதவிகளுக்கும் பின்பற்றப்பட்டு வருகிறது. வெளிமாநில விண்ணப்பதாரர்கள் அனைவரும் பொதுப்பிரிவினராகவே கருதப்படுவதால் தமிழக மாநிலத்தில் உள்ளோருக்கான இட ஒதுக்கீட்டில் எந்தவித பாதிப்பும் மாற்றமும் இல்லை. இவ்விதிகளில் குறிப்பிடப்பட்டுள்ளவற்றையே தேர்வாணையம் ஒருங்கிணைந்த குடிமைப்பணிகள் தொகுதி 4-ல் அடங்கியுள்ள பதவிகளுக்கான 14.11.2017 நாளிட்ட அறிவிக்கையிலும் கடைபிடித்து வெளியிடப்பட்டுள்ளது. தற்போது புதிதாக ஏதும் தேர்வாணையத்தால் சேர்க்கப்படவில்லை. பிறமாநிலங்களிலும் இவ்விதிமுறையே பின்பற்றப்பட்டு வருகிறது. கடந்த மூன்றாண்டுகளில் 66 போட்டித் தேர்வுகள் தேர்வாணையத்தால் நடத்தப்பட்டு 30,098 விண்ணப்பதாரர்கள் தெரிவு செய்யப்பட்டு பணிநியமனம் பெற்றுள்ளார்கள். இவற்றுள் 11 நபர்கள் மட்டுமே பிறமாநிலத்தைச் சார்ந்தவர்கள்'' என்று தெரிவிக்கப்பட்டுள்ளது

பத்தாம் வகுப்பு தனித்தேர்வர்களுக்கு, இன்று மறுகூட்டல் முடிவு வெளியானது.



10ம் வகுப்பு துணைத்தேர்வு: மறுகூட்டல், 'ரிசல்ட்' பத்தாம் வகுப்பு தனித்தேர்வர்களுக்கு, மறுகூட்டல் முடிவு வெளியானது.தேர்வுத்துறை இயக்குனர், வசுந்தராதேவி வெளியிட்ட செய்திக்குறிப்பு: பத்தாம் வகுப்புக்கு, அக்டோபரில் நடந்த துணை தேர்வில், 22 ஆயிரத்து, 665 தனித்தேர்வர்கள் பங்கேற்றனர். அவர்களில், 184 பேருக்கு, பல்வேறு பாடங்களில், 383 விடைத்தாள்கள் மறுகூட்டல் செய்யப்பட்டன. இதில், 17 பேருக்கு மதிப்பெண் மாறிஉள்ளது. அவர்கள், தற்காலிக சான்றிதழை, www.dge.tn.nic.in என்ற இணையதளத்தில்பதிவிறக்கம் செய்து கொள்ளலாம். மதிப்பெண் மாறியவர்கள் பட்டியல், www.dge.tn.gov.in என்ற இணையதளத்தில் வெளியானது. இவ்வாறு அதில் கூறப்பட்டுள்ளது.

பிளஸ் 1 செய்முறை தேர்வில் மாற்றம் : பள்ளிக்கல்வி அரசாணையில் திருத்தம் பிளஸ் 1 மாணவர்களுக்கு, இந்த ஆண்டு இறுதி தேர்வுடன், செய்முறை தேர்வும் நடத்தும் வகையில், தேர்வு முறையில் மாற்றம் செய்வதற்கான, அரசாணை பிறப்பிக்கப்பட்டு உள்ளது.

பிளஸ் 1 செய்முறை தேர்வில் மாற்றம் : பள்ளிக்கல்வி அரசாணையில் திருத்தம் பிளஸ் 1 மாணவர்களுக்கு, இந்த ஆண்டு இறுதி தேர்வுடன், செய்முறை தேர்வும் நடத்தும் வகையில், தேர்வு முறையில் மாற்றம் செய்வதற்கான, அரசாணை பிறப்பிக்கப்பட்டு உள்ளது.பிளஸ் 2 முடிக்கும் மாணவர்கள், மருத்துவ படிப்பில் சேர, நீட்; தேசிய உயர்கல்வி நிறுவனங்களில், இன்ஜி., படிக்க, ஜே.இ.இ., என்ற நுழைவு தேர்வுகளில் தேர்ச்சி பெற வேண்டும். பிளஸ் 1 பொதுத் தேர்வு : இந்த தேர்வுகளுக்கு, பிளஸ் 1 மற்றும் பிளஸ் 2 என, இரண்டு வகுப்புகளில் இருந்தும் கேள்விகள் இடம் பெறும். பிளஸ் 1 பாடத்தை பெரும்பாலான பள்ளிகள் நடத்தாததால், இந்த நுழைவு தேர்வுகளில், தமிழக மாணவர்கள் தேர்ச்சி பெறுவது, மிக கடினமாக உள்ளது. எனவே, பிளஸ் 1, பிளஸ் 2 என, இரண்டு வகுப்பு பாடங்களுக்கும், சம அளவு முக்கியத்துவம் தர முடிவு செய்யப்பட்டு, இந்த ஆண்டு முதல், பிளஸ் 1 வகுப்புக்கும் பொது தேர்வு அறிவிக்கப்பட்டுள்ளது. அதற்கான அரசாணையில், செய்முறை தேர்வு, பிளஸ் 2 வகுப்பில் நடத்தப்படும் என, அறிவிக்கப்பட்டிருந்தது.ஆனால், பிளஸ் 2 பொது தேர்வின் போது, பிளஸ் 1க்கும் சேர்த்து, செய்முறை வகுப்புகள் நடத்துவதில், நடைமுறை சிக்கல்கள் ஏற்படும்; மாணவர்களுக்கும் சுமை கூடும் என, கல்வியாளர்கள் மற்றும் பள்ளிகள் தரப்பில் பள்ளிக்கல்வித்துறைக்கு தெரிவிக்கப்பட்டது. கல்வித்துறை முடிவு : இதையடுத்து, பிளஸ் 1 வகுப்புக்கு, அதே ஆண்டில், பொது தேர்வுடன், செய்முறை தேர்வையும் இணைத்து நடத்த, பள்ளிக்கல்வித்துறை முடிவு செய்துள்ளது. இது தொடர்பான, திருத்திய அரசாணையை, பள்ளிக்கல்வி செயலர், பிரதீப் யாதவ் பிறப்பித்துள்ளார்.இதன்படி, பிளஸ் 1 மாணவர்களுக்கு, பொது தேர்வையொட்டி, செய்முறை தேர்வும் நடத்தப்பட உள்ளது. அதற்கான தேதி, அரையாண்டு தேர்வுக்கு பின் வெளியிடப்படும் என, அதிகாரிகள் தெரிவித்துள்ளனர்.

Sunday, November 19, 2017

‘நீட்’ உள்பட போட்டித் தேர்வுகளை எதிர்கொள்ள தமிழகம் முழுவதும் அரசு பள்ளி மாணவர்களுக்கு பயிற்சி வகுப்புகள் தொடங்கின

'நீட்' உள்பட போட்டித் தேர்வுகளை எதிர்கொள்ள தமிழகம் முழுவதும் அரசு பள்ளி மாணவர்களுக்கு பயிற்சி வகுப்புகள் தொடங்கின | நீட் உள்பட பல்வேறு போட்டித் தேர்வுகளை எதிர்கொள்வதற்காக அரசு பள்ளி மாணவர்களுக்கான இலவச பயிற்சி வகுப்புகள் தமிழகம் முழுவதும் நேற்று தொடங்கின. மருத்துவக் கல்விக்காக நீட் என்ற நுழைவுத் தேர்வை மத்திய அரசு நடத்துகிறது. இதை கொள்கை ரீதியாக தமிழக அரசு எதிர்த்தாலும், தமிழகத்தில் சட்டப்பூர்வமாக தடைசெய்ய முடியவில்லை. எனவே நீட் உள்பட எந்தவிதமான தேர்வையும் மாணவர்கள் எதிர்கொள்ளும் வகையில் அவர்களுக்கு பயிற்சி அளிப்பதற்காக 'ஸ்பீட்' என்ற நிறுவனத்துடன், தமிழக அரசு ஒப்பந்தம் மேற்கொண்டுள்ளது. இதன்படி, தமிழகத்தில் 412 மையங்கள் ஏற்படுத்தப்படும். அவற்றில் சனிக்கிழமை, ஞாயிற்றுக்கிழமைகளில் அரசு மற்றும் அரசு உதவி பெறும் பள்ளிகளைச் சேர்ந்த பிளஸ்-2 மாணவ, மாணவிகள் பங்கேற்று, போட்டித் தேர்வுகளுக்கான பயிற்சிகளைப் பெறமுடியும். இது தமிழக அரசு இலவசமாக நடத்தும் பயிற்சி வகுப்பாகும். இந்த போட்டித் தேர்வு பயிற்சி வகுப்புகளை முதல்-அமைச்சர் எடப்பாடி பழனிசாமி சமீபத்தில் தொடங்கி வைத்தார். அதைத்தொடர்ந்து நேற்று முதல் பயிற்சி வகுப்புகள் நடைமுறைக்கு வந்தன. தமிழகம் முழுவதும் ஏற்படுத்தப்பட்டுள்ள மையங்களுக்கு, சென்னை அரும்பாக்கம் பூந்தமல்லி நெடுஞ்சாலையில் உள்ள 'ஸ்பீட்' நிறுவனத்தில் இருந்து வீடியோ கான்பரன்சிங் மூலம் பயிற்சி அளிக்கும் திட்டம் தொடங்கியது. இந்த பயிற்சி, ஒவ்வொரு சனிக்கிழமை, ஞாயிற்றுக்கிழமைகளில் அந்தந்த மையங்களில் காலை 9 மணிக்கு தொடங்கி மாலை 5 மணி வரை ஒளிபரப்பப்படும். அந்த வகையில், சென்னை எம்.ஜி.ஆர்.நகர் அரசு மேல்நிலைப் பள்ளியில் அமைக்கப்பட்டுள்ள மையத்தில் காலையில் பயிற்சி வகுப்புகள் தொடங்கின. இதற்காக தனி வகுப்பறை ஏற்பாடு செய்யப்பட்டு உள்ளது. அதில் வீடியோ கான்பரன்சிங் மூலம் ஒளிபரப்பாகும் திரை வைக்கப்பட்டு இருந்தது. அந்த பள்ளி மாணவ, மாணவிகளோடு அருகில் உள்ள அரசு மற்றும் அரசு உதவிபெறும் பள்ளிகள், மாநகராட்சி பள்ளிகளைச் சேர்ந்த மாணவ, மாணவிகள் 100-க்கும் மேற்பட்டோர் வந்திருந்தனர். இயற்பியல், வேதியியல், உயிரியல் ஆகிய 3 பாடங்களில் பயிற்சி அளிக்கப்பட்டது. 'ஸ்பீட்' நிறுவனத்தில் இருந்து நிபுணர்கள் பாடவாரியாக பயிற்சி அளித்தனர். பயிற்சியின்போது அந்தந்த பள்ளியின் ஆசிரியர்கள் வந்திருந்தனர். பயிற்சி கொடுக்கும்போது இடையிடையே கேள்விகளை பயிற்சியாளர் கேட்டார். மையம் வாரியாக மாணவ, மாணவிகளிடம் அவர் பதிலை கேட்டார். பயிற்சியின்போது சந்தேகம் எழுந்தால், அதை 'ஸ்பீட்' நிறுவனத்துக்கு தெரிவிக்கும் வகையில், அந்த ஒளிபரப்பு உபகரணத்தில் பொத்தான் உள்ளது. அதை அழுத்தினால், எந்த மையத்தில் இருந்து சந்தேகம் கேட்கப்படுகிறது என்பதை 'ஸ்பீட்' நிறுவனத்தில் இருப்பவர்கள் அறிந்துகொள்வார்கள். பயிற்சியின்போது குறிப்பிட்ட கால இடைவெளியில் மாணவர்களுக்கு இடைவேளை விடப்பட்டது. எம்.ஜி.ஆர்.நகர் அரசு மேல்நிலைப்பள்ளியில் பயிற்சி மையம் செயல்படுவதை விருகம்பாக்கம் எம்.எல்.ஏ. விருகை ரவி பார்வையிட்டார். பயிற்சி பெறும் மாணவ-மாணவிகளுக்கு அரசு பயிற்சி கையேட்டை வழங்கினார். அவரை பள்ளியின் தலைமை ஆசிரியர் க.சண்முகவேல் வரவேற்றார்.

இந்திய அழகி மனுஷி சில்லர் உலக அழகியாக தேர்வு

சீனாவில் நடந்த போட்டியில் இந்திய அழகி மனுஷி சில்லர் உலக அழகியாக தேர்வு 20 வயது மருத்துவ மாணவி. 67-வது உலக அழகி போட்டி (மிஸ் வேர்ல்ட்) சீனாவின் சான்யா நகரில் நடந்தது. இதில் வெற்றி பெற்றார் இந்திய அழகி மனுஷி சில்லர். சீனாவில் நடந்த போட்டியில் உலக அழகியாக இந்திய அழகி மனுஷி சில்லர் தேர்ந்தெடுக்கப்பட்டார். இவர் மருத்துவ மாணவி ஆவார். 'மிஸ் வேர்ல்ட்' என்னும் உலக அழகி போட்டி சீனாவில் சான்யா சிட்டியில் நேற்று நடந்தது. இதில் 108 நாடுகளின் அழகிகள் கலந்து கொண்டனர். இந்த போட்டியில் 20 வயதான இந்திய அழகி மனுஷி சில்லர், உலக அழகியாக தேர்ந்தெடுக்கப்பட்டார். அவருக்கு கடந்த ஆண்டின் உலக அழகி ஸ்டீபனி டெல் வேல்லி கிரீடம் சூட்டினார். உலக அழகி ஆக வேண்டும் என்பது மனுஷி சில்லரின் இளம் வயது கனவாம். கடைசியாக 2000-ம் ஆண்டில் இந்தியாவின் சார்பில் பிரியங்கா சோப்ரா, உலக அழகியாக தேர்ந்தெடுக்கப்பட்டார். 17 ஆண்டுகளுக்கு பிறகு இப்போது மனுஷி சில்லர் உலக அழகி ஆகி இருப்பது முக்கியத்துவம் பெற்றுள்ளது. இவர் அரியானா மாநிலத்தை சேர்ந்தவர். இவரது தந்தை டாக்டர் மித்ரா பாசு சில்லர், ராணுவ ஆராய்ச்சி, மேம்பாட்டு நிறுவனத்தில் விஞ்ஞானி. தாயார் டாக்டர் நீலம் சில்லர், மனித நடத்தை மற்றும் சார்பு அறிவியல் கல்வி நிறுவனத்தில் இணை பேராசிரியை. மனுஷி சில்லர், டெல்லி செயிண்ட் தாமஸ் பள்ளியில் பள்ளிப்படிப்பை படித்தார். சோனிப்பட் பகத் பூல் சிங் அரசு மருத்துவ கல்லூரியில் மருத்துவம் படித்து வருகிறார். குச்சுப்புடி நடன கலைஞர். தேசிய நாடக பள்ளியிலும் படித்திருக்கிறார். கடந்த ஜூன் மாதம் 25-ந் தேதி நடந்த 'பெமினா மிஸ் இந்தியா' அழகி போட்டியில் கலந்து கொண்டு இந்திய அழகியாக மகுடம் சூட்டப்பட்டார். இப்போது உலக அழகியாக தேர்வு பெற்று, தன் இளம் வயது கனவை நனவாக்கி உள்ளார்.

Thursday, November 16, 2017

55" Class The Frame 4K UHD TV சாம்சங் `தி ஃப்ரேம்` டிவி அறிமுகம்

சாம்சங் `தி ஃப்ரேம்` டிவி அறிமுகம் | சாங்சங் இந்தியா நிறுவனம் தி ஃப்ரேம் என்கிற பெயரில் புதிய அதிநவீன டிவியை அறிமுகம் செய்துள்ளது. சென்னையில் நேற்று நடைபெற்ற நிகழ்ச்சியில் நிறுவனத்தின் தயாரிப்புகள் பிரிவு பொது மேலாளர் ப்யூஷ் குன்னபல்லி கலந்து கொண்டு பேசுகையில், வாடிக்கையாளர்களில் தேவையறிந்து அதி நவீன தொழில்நுட்பங்களில் சாம்சங் இந்தியா கவனம் செலுத்தி வருகிறது. அந்த வகையில் உயர்தர புத்தாக்க முயற்சியாக தி ஃப்ரேம் அறிமுகமாகிறது. தொலைக்காட்சி திரையை பொழுதுபோக்கு அம்சங்கள் தாண்டி, நமது விருப்பங்களையும் எண்ணங்களையும் வெளிப்படுத்தும் புகைப்பட சட்டக அனுபவத்தையும் தி ஃபிரேம் டிவி அளிக்கும். புகழ்பெற்ற வெஸ்பெகர் நிறுவனத்துடன் இணைந்து இதன் வடிவமைப்பு உருவாக்கப் பட்டுள்ளது. இந்திய டிவி சந்தையில் முன்னணி பிராண்டாக சாம்சங் 30 சதவீத சந்தையை வைத்துள்ளது. இதில் 52 அங்குலம் உள்ளிட்ட உயர்ரக மாடல்கள் சந்தை யில் 42 சதவீத சந்தை சாம்சங் வசம் உள்ளது. உயர்ரக பிரிவில் தமிழக அளவில் 54 சதவீத சந்தையுடன் முன்னிலையில் இருக்கிறோம். தற்போது உயர்ரக மாடல்களை வாங்கும் வாடிக்கையாளர்களின் எண்ணிக்கை அதிகரித்து வருகிறது. இதில் புத்தாக்க முயற்சியாக சாம்சங் தி ஃப்ரேம் விளக்கும் என்றார். இந்த டிவியை சாம்சங் நிறுவனம் சென்னை உற்பத்தி ஆலையில் தயாரிக்கிறது. 55 அங்குல டிவியின் விலை ரூ.2,74,900 ஆகவும், 65 அங்குல டிவியின் விலை ரூ.3,99,900 ஆகவும் இருக்கும்.

ரூ.30 லட்சத்துக்கு மேல் வாங்கும் சொத்துகள் கண்காணிக்கப்படும் மத்திய நேரடி வரி ஆணையம் அறிவிப்பு

ரூ.30 லட்சத்துக்கு மேல் வாங்கும் சொத்துகள் கண்காணிக்கப்படும் மத்திய நேரடி வரி ஆணையம் அறிவிப்பு | பினாமி சொத்துகள் தடுப்புச் சட்டத்தின்படி ரூ.30 லட்சத்துக்கு மேல் சொத்துகள் வாங்குவது கண்காணிக்கப்படும் என்று மத்திய நேரடி வரி ஆணையம் அறிவித்துள்ளது. இது தொடர்பாக பேசிய மத்திய நேரடி வரிகள் ஆணையத்தின் தலைவர் சுஷில் சந்த்ரா, ``சட்டவிரோதமாக சொத்துகள் வாங்குபவர்கள் மீது நடவடிக்கைகளை தீவிரப்படுத்தும் நோக்கில், ரூ.30 லட்சத்துக்கு மேல் சொத்துகளை பதிவு செய்பவர்கள் வரி செலுத்திய விவரங்கள் கண்காணிக்கப்படும்'' என்றார். புதுடெல்லியில் நடைபெற்ற நிகழ்ச்சி ஒன்றில் கலந்து கொண்ட சந்த்ரா இதனைத் தெரிவித்தார். அவர் மேலும் கூறியதாவது: கணக்கில் வராத பணத்தை பரிவர்த்தனை செய்வதற்காக தொடங்கப்பட்ட இரண்டு லட்சத்துக்கும் மேற்பட்ட செயல்பாட்டில் இல்லாத நிறுவனங்களின் பதிவுகள் சமீபத்தில் ரத்து செய்யப்பட்டன. கறுப்பு பண ஒழிப்பு நடவடிக்கையின் ஒரு பகுதியாக இந்த நிறுவனங்கள் மற்றும் இவற்றின் நிறுவனர்கள் மேற்கொண்ட பரிவர்த்தனைகள் குறித்து வரித்துறை விசாரணை செய்து வருகிறது. மேலும் இந்த நிறுவனங்களின் 621 சொத்துகள் பறிமுதல் செய்யப்பட்டுள்ளன. இவர்களின் வங்கிக் கணக்குகளை முடக்கி வைத்துள்ளோம். பினாமி பரிவர்த்தனை சட்டத்தின்படி இவர்களின் ரூ.1,800 கோடி சொத்துகள் குறித்து விசாரணை செய்து வருகிறோம். கறுப்பு பணத்தை வெள்ளையாக மாற்ற உதவும் அனைத்து வழிமுறைகளையும் கண்டுபிடித்து அழித்து வருகிறோம். இதனடிப்படையில்தான் போலி நிறுவனங்கள்மீது நடவடிக்கைகள் எடுக்கப்பட்டன. மேலும் வருமான வரி தாக்கல் செய்பவர்களின் விவரங்களில் ரூ.30 லட்சத்துக்கும் அதிகமான மதிப்பில் சொத்துகள் பதிவு செய்யப்பட்டிருந்தால் அது குறித்தும் சோதனை செய்ய உள்ளோம். பினாமி பரிவர்த்தனைச் சட்டத்தின்படி இந்த சோதனையை மேற்கொள்ள உள்ளோம். அவர்களது வரித் தாக்கல் விவரங்களில் சந்தேகத்துக்கிடமான பரிவர்த்தனை அல்லது விவரங்கள் பொருந்தவில்லை என்றாலோ பினாமி சட்டத்தின்படி நடவடிக்கை எடுக்கப்படும் என்றும் கூறினார். பினாமி சொத்து வழக்குகளில் மிக தீவிரமான நடவடிக்கைகளை மேற்கொள்ளும் அளவுக்கு வரி அதிகாரிகள் பணியாற்றி வருகின்றனர். வரி நடவடிக்கைகளை மேம்படுத்துவது மற்றும் பினாமி தடுப்பு நடவடிக்கைகளுக்காக நாடு முழுவதும் 24 மையங்கள் திறக்கப்பட்டுள்ளன. பல்வேறு தரப்பிலிருந்தும் எங்களுக்கு விவரங்கள் கிடைத்து வருகின்றன. இந்த நடவடிக்கைகளை தீவிரப்படுத்தும் வகையில் எங்களது அடுத்த கட்ட முயற்சிகள் இருக்கும். சமீபத்தில் தடைச் செய்யப்பட்ட நிறுவனங்களின் பரிவர்த்தனைகளை வரித்துறை அதிகாரிகள் ஒப்பிட்டு வருகின்றனர். இந்த நிறுவனங்கள் பினாமி சொத்துகளை கையாண்டது அல்லது பிற நிதி பரிவர்தனைகளை மேற்கொண்டது வரித்துறை விவரங்களுடன் பொருந்தவில்லை என்றால் நடவடிக்கை எடுப்பது உறுதியானது என்றும் கூறினார். பினாமி பரிவர்த்தனைச் சட்டம் 1998-ன் படி, சட்ட விரோத பரிவர்த்தனைகள் உறுதி செய்யப்பட்டால் குற்ற வழக்கு பதிவு செய்யப்படும். த ிருத்தம் செய்யப்பட்ட பினாமி பரிவர்த்தனை தடுப்பு சட்டத்தின்படி ஏழு ஆண்டுகள் சிறைத்தண்டனை மற்றும் அபராதமும் விதிக்க சட்டத்தில் இடம் உள்ளது. -பிடிஐ

1994-ம் ஆண்டு முதல் பிளஸ் 2, எஸ்எஸ்எல்சியில் தேர்வானவர்களின் 1 கோடி மதிப்பெண் சான்றிதழ்கள் டிஜிட்டல்மயம் உண்மைத்தன்மையை ஆய்வு செய்வது எளிதாகியது

1994-ம் ஆண்டு முதல் பிளஸ் 2, எஸ்எஸ்எல்சியில் தேர்வானவர்களின் 1 கோடி மதிப்பெண் சான்றிதழ்கள் டிஜிட்டல்மயம் உண்மைத்தன்மையை ஆய்வு செய்வது எளிதாகியது | தமிழகத்தில் கடந்த 1994 முதல் இந்த ஆண்டு வரை எஸ்எஸ்எல்சி, பிளஸ் 2 முடித்த சுமார் ஒரு கோடி மாணவர்களின் மதிப்பெண் சான்றிதழ்களை அரசு தேர்வுத்துறை டிஜிட்டல்மயமாக்கி இருக்கிறது. இதன்மூலம் மதிப்பெண் சான்றிதழ்களின் உண்மைத்தன்மையை ஆன்லைன் மூலமாக ஒரு நொடியில் ஆய்வுசெய்துவிட முடியும். தமிழகம் மற்றும் புதுச்சேரியில் அரசு பள்ளிகளில் பணிபுரியும் ஆசிரியர்கள் மற்றும் அமைச்சுப்பணியாளர்களின் மதிப்பெண் சான்றிதழ்களின் உண்மைத்தன்மையை (Genuineness) ஆய்வு செய்யும் பணியை அரசு தேர்வுத்துறை மேற்கொண்டு வருகிறது. அரசு பணியில் சேரும் ஆசிரியர்களும், ஊழியர்களும் மதிப்பெண் சான்றிதழின் உண்மைத்தன்மை கண்டறியப்பட்ட பின்னரே அவர்களுக்கு தகுதிகாண் பருவம் முடிப்பது, பணிவரையறை செய்வது உள்ளிட்ட பணிகள் இறுதி செய்யப்படும். இதுவரையில், அரசு பணியில் சேருவோரின் 10-ம் வகுப்பு மற்றும் பிளஸ் 2 அசல் மதிப்பெண் சான்றிதழ்கள் சம்பந்தப்பட்ட துறைகள் அல்லது கல்வித்துறை அலுவலர்கள் மூலமாக தேர்வுத்துறைக்கு அனுப்பப்பட்டு அங்குள்ள பணியாளர்கள் பழைய ஆவணங்களை தேடிப்பிடித்து சான்றிதழ் மற்றும் மதிப்பெண் விவரங்களை சரிபார்ப்பார்கள். அதன் பின்னரே மதிப்பெண் சான்றிதழ்களுக்கு உண்மைத்தன்மை சான்று அளிக்கப்படும். அண்மைக் கால சான்றிதழ்களை தேர்வுத்துறையினர் விரைவில் கண்டறிய முடியும். ஆனால், 20 ஆண்டுகளுக்கு முன்பு படித்தவர்களாக இருப்பின் பழைய ஆவணங்களை தேடிப்பிடிப்பதே மிகப்பெரிய பணியாக இருக்கும். இதன்மூலம் சம்பந்தப்பட்ட ஊழியர்கள் மற்றும் ஆசிரியர்களுக்கு உண்மைத்தன்மை சான்று கிடைக்க காலதாமதமாகும். இதன் காரணமாக, அவர்கள் தகுதிகாண் பருவம் முடிப்பதும், பணிவரன்முறை பெறுவதிலும் தாமதம் ஏற்படும். இதனால், அவர்கள் பல்வேறு பலன்கள் பெறுவதும் பாதிக்கப்படலாம். காலதாமதத்துக்கு முற்றுப்புள்ளி இந்தப் பிரச்சினைகளுக்கு முற்றுப்புள்ளி வைக்கும் வகையில் அரசு தேர்வுத்துறை மதிப்பெண் சான்றிதழ்களை டிஜிட்டல்மயமாக்கி உள்ளது. அதன்படி, கடந்த 1994 முதல் இந்த ஆண்டு வரையில் ஒரு கோடி மதிப்பெண் சான்றிதழ்கள் டிஜிட்டல்மயமாக்கப்பட்டு இருப்பதாகவும் அரசு தேர்வுத்துறை உயர் அதிகாரி ஒருவர் தெரிவித்தார். அந்த அதிகாரி மேலும் கூறும்போது, "டிஜிட்டல்மயமாக்கப்பட்ட சான்றிதழ்களை ஆன்லைனில் தெரிந்துகொள்ளும் வகையில் மாவட்ட கல்வி அதிகாரிகளுக்கும் அரசுத் துறைகளுக்கும், காவல் துறைக்கும் பிரத்யேக யூசர் ஐடி மற்றும் பாஸ்வேர்டு (ரகசிய எண்) வழங்கப்பட்டுள்ளது. அதன்மூலம் ஆசிரியர்கள் மற்றும் அமைச்சுப் பணியாளர்களின் மதிப்பெண் சான்றிதழ்களின் உண்மைத்தன்மையை ஆன்லைனிலையே ஒருநொடியில் ஆய்வு செய்துவிட முடியும். மேலும், இந்த ஆண்டு எஸ்எஸ்எல்சி மற்றும் பிளஸ் 2 முடித்த மாணவர்களின் மதிப்பெண் சான்றிதழ்களை டிஜிட்டல் லாக்கர் மூலம் ஆன்லைனில் எப்போது வேண்டுமானாலும் பதிவிறக்கம் செய்துகொள்ளலாம்" என்றார்.ஜெ.கு.லிஸ்பன் குமார்