-->

Thursday, December 14, 2017

டூப்ளிகேட் பான் கார்டுக்கு விண்ணப்பிப்பது எப்படி?

டூப்ளிகேட் பான் கார்டுக்கு விண்ணப்பிப்பது எப்படி? | பொதுவாக நாம் அடையாள ஆவணங்களான ஓட்டுனர் உரிமம், பாஸ்போர்ட், ஆதார், பான் கார்டு போன்றவற்றை எப்போதும் தங்களுடன் எடுத்துச் செல்வது வளக்கமாக வைத்துள்ளோம். அதே நேரம் இந்தக் கார்டுகளின் அசலை எப்போதும் தங்களுடன்வைத்து இருக்கும் போது அதனைத் தொலைக்கவும் அதிக வாய்ப்புகள் உள்ளது. எனவே பான் கார்டினை தொலைத்துவிட்டால் என்ன செய்வது? வருமான வரி தாக்கல் செய்ய, வங்கி கணக்குகளுடன் இணைக்க எல்லாம் ஆதார் கார்டு முக்கியம் என்பது அனைவருக்கும் தெரியும். எனவே இவ்வளவு முக்கியமான பான் கார்டு தொலைந்து போனால் எப்படி டூப்ளிகேட் பான் கார்டுக்கு விண்ணப்பிப்பது என்று விளக்கமாக இங்குப் பார்க்கலாம். உங்களது பான் கார்டு போன்ற முக்கிய ஆவணங்கள் தொலைந்து போனால் அவற்றை முறைகேடாகப் பயன்படுத்த வாய்ப்புகள் உள்ளதால் முதலில் அது குறித்துக் காவல் நிலையத்தில் புகார் அளிப்பது நல்லது.அதற்காகக் காவல் நிலையத்திற்கு நேரடியாகச் செல்ல வேண்டும் என்பது இல்லை. தமிழ்நாட்டில் இதுபோன்ற காரணங்களுக்காகப் புகார் அளிக்க என்பதற்காகவே eservices.tnpolice.gov.in இணையதளம் ஒன்றும் உள்ளது. பான் கார்டில் உங்களது பெயர், புகைப்படம், தந்தை பெயர் மற்றும் பிறந்த தேதி போன்ற தனிப்பட்ட தகவல் இருப்பதால், அதனைப் பயன்படுத்திப் பிற சேவைகளில் உங்களது விவரங்களை முறைகேடாகப் பயன்படுத்த அதிக வாய்ப்புகள் உள்ளது. அதனால் முன்னெச்சரிக்கையாகப் புகார் அளிப்பது நல்லது. டூப்ளிகேட் பான் கார்டுக்கு என்எஸ்டிஎல்(NSDL) அல்லதுயூடிஐஐடிஎஸ்ல்(UTIITSL) ஏஜன்சிகள் மூலமாக விண்ணப்பித்து வருமான வரித் துறை அனுமதியுடன் பான் கார்டினை பெறலாம்.இந்த இரண்டு ஏஜன்சிகள் மூலமாகவும் புதிய பான் கார்டு, பான் கார்டில் திருத்தங்கள் அல்லது டூப்ளிகேட் பான் கார்டு போன்றவற்றைப் பெறுவதற்காக விண்ணப்பிக்கலாம். விண்ணப்பத்திற்கான இணைப்பு: https://www.onlineservices.nsdl.com/paam/endUserRegisterContact.html டூப்ளிகேட் அல்லது ரீபிர்ண்ட் பான் கார்டு தேர்வை தேர்வு செய்து விண்ணப்பிக்கும் போது உங்களஹ்டு பெயர், பிர்றந்த தேதி, மின்னஞ்சல் முகவரி, மொபைல் எண் மற்றும் பான் எண் உள்ளிட்டவையினை உள்ளிட வேண்டும். அடிப்படை விவரங்கள் உள்ளிட்ட பிறகு அடுத்தப் பக்கத்தில் ஆதார் எண் அல்லது ஆதார் விண்ணப்ப ஐடி உள்ளிட்டவற்றை அளிக்க வேண்டும். பின்னர் அடையாள மற்றும் முகவர் சான்றிதழ் போன்றவற்றைத் தேர்வு செய்து அவற்றினைப் பதிவேற்ற வேண்டும். இதுவே தபால் மூலம் விண்ணப்பிக்க உள்ளீர்கள் என்றால் விண்ணப்பம், அடையாள ஆவண நகல் போன்றவற்றை இணைத்து, புகைப்படத்தினை ஒட்டி விண்ணப்பிக்க வேண்டும். இதுவே பேப்பர் இல்லாமல் விண்ணப்ப முறையினைத் தேர்வு செய்தால் உங்கள் ஆதார் எண்ணுடன் இணைக்கப்பட்ட மொபைல் எண்ணிற்கு ஒரு முறை கடவுச் சொல் வரும். அதனை உள்ளிட்டு எளிதாக விண்ணப்பத்தினைச் சரிபார்த்துப் பூர்த்திச் செய்துவிடவும் முடியும்.மேலும் இப்படிச் செய்யும் போது உங்களது கையெழுத்து மற்றும் புகைப்படம் போன்றவற்றையும் விண்ணப்பத்துடன் பதிவேற்ற வேண்டியது அவசியமாகும். யூடிஐஐடிஎஸ்ல்(UTIITSL) http://www.myutiitsl.com/PAN_ONLINE/CSFPANApp இணையதளம் மூலமாகவும் மேலே கூறியது போன்றே விவரங்கள் அளித்துப் பான் கார்டினைரீபிரிண்ட் செய்திட முடியும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

2022-ம் ஆண்டில் புதிதாக உருவாகும் வேலைகளில் 9 சதவீதம் பேருக்கு பணி வாய்ப்பு



2022-ம் ஆண்டில் புதிதாக உருவாகும் வேலைகளில் 9 சதவீதம் பேருக்கு பணி வாய்ப்பு | இந்தியாவின் பணிச்சூழல் மாறுவதற்கான சூழல் உருவாகி வருகிறது. வரும் 2022-ம் ஆண்டு வேலை செய்பவர்களின் 9 சதவீதத்தினர் தற்போது இல்லாத புதிய வேலைகளில் இருப்பார்கள் என ஆய்வு முடிவில் தெரிய வந்திருக்கிறது. அதாவது தொழில் நுட்ப மாற்றத்தால் புதிய வேலைகள் உருவாகும் என ஃபிக்கி, நாஸ்காம் மற்றும் எர்னஸ்ட் அண்ட் யங் நிறுவனங்கள் கூட்டாக நடத்திய ஆய்வில் தெரிய வந்திருக்கிறது. இந்த நிறுவனங்கள் மேலும் கூறியிருப்பதாவது: அடுத்த இரு ஆண்டுகளில் புதிய வேலைகள் உருவாவதில் மந்த நிலை இருக்கும். இந்த இரு ஆண்டுகளில் நிறுவனங்கள் தங்களை மறுசீரமைப்பு செய்துகொள்ளும். வரும் 2022-ம் ஆண்டு வேலை வாய்ப்புகள் முழுமையாக மாறி இருக்கும். உலகமயமாக்கல், பணியாளர்களின் வயது, தொழில் நுட்பம் ஆகிய காரணங்களால் 2022-ம் ஆண்டு பெரிய மாற்றம் இருக்கும். தற்போது இல்லாத வேலைகளில் 9 சதவீத பணியாளர்கள் பணிபுரிவார்கள். 37 சதவீத பணியாளர்களின் வேலையில் பெரிய மாற்றம் நடந்திருக்கும். 21 சதவீத பணியாளர்களின் வேலையில் நிச்சயமற்ற தன்மை நிலவும் என அந்த அறிக்கையில் குறிப்பிடப்பட்டிருக்கிறது. தொழில் நுட்ப மாற்றங்களால் முறைப்படுத்தப்படாத துறைகளான போக்குவரத்து, உணவு, பராமரிப்பு உள்ளிட்ட துறைகளில் மாற்றம் நிகழும். இதில் புதிய வாய்ப்புகள் உருவாகும் என எர்னஸ்ட் அண்ட் யங் நிறுவனத்தின் அனுராக் மாலிக் தெரிவித்திருக்கிறார். தற்போது முறைப்படுத்தப்பட்ட உற்பத்தி மற்றும் சேவைத் துறையில் 3.8 கோடி வேலை வாய்ப்புகள் உள்ளன. 2022-ம் ஆண்டு 4.8 கோடி வேலை வாய்ப்புகள் இருக்கும். மேலும் ஒவ்வொரு ஆண்டும் முறைப்படுத்தப்பட்ட துறையில் 25 சதவீத வேலை வாய்ப்பு கூடுதலாக உருவாகும் என்றும் இந்த அறிக்கை கணித்திருக்கிறது. இதற்காக 130 தொழில் துறை தலைவர்கள், கல்வியாளர்கள், துறை சார்ந்த சங்கங்களின் தலைவர்கள் உள்ளிட்ட பலரிடம் கருத்து கேட்டு இந்த அறிக்கை தயாரிக்கப்பட்டிருக்கிறது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

`மொபைல் செயலி மூலம் மருந்துகள் விற்பனை’ கிளினிக்கல்ஸ் நிறுவன சிஇஓ ராஜ் குன்னத் தகவல்

`மொபைல் செயலி மூலம் மருந்துகள் விற்பனை' கிளினிக்கல்ஸ் நிறுவன சிஇஓ ராஜ் குன்னத் தகவல் | மொபைல் அப்ளிகேஷன் (செயலி) மூலம் மருந்துகளை விற்பனை செய்யும் முறையையில் கிளினிக்கல்ஸ் நிறுவனம் அறிமுகப்படுத்தியுள்ளது.மற்ற இ-காமர்ஸ் நிறுவனங்களை போலவே கிளினிக்கல்ஸ் நிறுவனம் வீட்டிற்கே பொருட்களை விநியோகம் செய்ய இருக்கிறது. அதாவது மருந்துகளையும் லேப் டெஸ்ட்டையும் வீட்டிற்கே வந்து கொண்டு வந்து சேர்க்கும் முறையை கிளினிக்கல்ஸ் நிறுவனம் தொடங்கியிருக்கிறது. இதுகுறித்து நிறுவனத்தின் நிறுவனர் மற்றும் தலைமைச் செயல் அதிகாரி ராஜ் குன்னத் கூறியதாவது: தற்போதைய காலகட்டத்தில் மருத்துவ பரிசோதனைக்குச் சென்றால் பல மணி நேரம் காத்துக் கிடக்க வேண்டிய சூழல் உள்ளது. அதுமட்டுமல்லாமல் மருந்துகளை வாங்குவதற்கும் ஒவ்வொரு மருந்துகடைக்கு அலைய வேண்டியிருக்கிறது. இதைப் போக்குவதற்கே கிளினிக்கல்ஸ் மொபைல் அப்ளிகேஷனை தொடங்கியிருக்கிறோம். இந்த அப்ளிகேஷன் மூலம் நீங்கள் மருந்துப் பொருட்களை ஆர்டர் செய்ய முடியும். மேலும் இதில் சிறப்பம்சமாக நீங்கள் பதிவிடும் மருந்துகள் எந்தெந்த கடைகளில் எவ்வளவு விலைகளில் விற்கப்படுகிறது, எந்தக் கடை இந்த மருந்துக்கு தள்ளுபடி வழங்குகிறது என்பதைத் தெரிந்துகொண்டு அதற்கேற்ப ஆர்டர் செய்ய முடியும். அதுமட்டுமல்லாமல் மருத்துவர் எழுதிய மருந்து சீட்டை நீங்கள் போட்டோ எடுத்து அதை கிளினிக்கல்ஸ் அப்ளிகேஷனில் பதிவேற்றியும் மருந்துகளை பெற முடியும். இதற்காக வாடிக்கையாளர் சேவை மையத்தையும் தொடங்கியிருக்கிறோம். இதற்காக 100 மருந்து கடைகள் மற்றும் மருத்துவ பரிசோதனை மையங்களுடன் கூட்டு வைத்திருக்கிறோம். மருத்துவ பரிசோதனையை பொறுத்தவரை, நீங்கள் என்ன மருத்துவ பரிசோதனை செய்ய வேண்டுமென்று பதிவிட்டால் உங்கள் வீட்டிற்கே வந்து அந்த பரிசோதனையை மேற்கொள்வார்கள். தற்போது சென்னை முழுவதும் இந்த சேவையை அளிக்க இருக்கிறோம். எங்கிருந்து ஆர்டர் செய்தாலும் 4 மணி நேரத்துகுள்ளே மருந்துகளை டெலி வரி செய்ய திட்டமிட்டுள்ளோம் என்று ராஜ் குன்னத் தெரி வித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

வங்கிக்கணக்குடன் ஆதாரை இணைக்க மார்ச் 31-ந் தேதிவரை கெடு நீட்டிப்பு மத்திய அரசு அறிவிப்பு

வங்கிக்கணக்குடன் ஆதாரை இணைக்க மார்ச் 31-ந் தேதிவரை கெடு நீட்டிப்பு மத்திய அரசு அறிவிப்பு | வங்கிக்கணக்குடன் ஆதார் எண்ணை இணைப்பதற்கான காலக்கெடுவை மார்ச் 31-ந்தேதி வரை நீட்டித்து மத்திய அரசு அறிவிக்கை வெளியிட்டுள்ளது. மத்திய அரசின் சலுகைகள், நலத்திட்ட உதவிகளை பெறுவதற்கு ஆதார் எண் கட்டாயம் ஆக்கப்பட்டுள்ளது. இது தொடர்பாக சுப்ரீம் கோர்ட்டில் பல்வேறு தரப்பினரும் வழக்குகள் தொடுத்து அவை விசாரணையில் உள்ளன. அதே நேரத்தில், வங்கிக்கணக்குடன் ஆதார் எண்ணை இணைப்பதற்கு டிசம்பர் 31-ந் தேதி வரை காலக்கெடு அளிக்கப்பட்டிருந்தது. அத்துடன் ரூ.50 ஆயிரம் மற்றும் அதற்கு மேற்பட்ட பண பரிமாற்றத்துக்கும் ஆதார் எண் தெரிவிப்பது கட்டாயம் ஆக்கப்பட்டுள்ளது. இதற்கிடையே சுப்ரீம் கோர்ட்டில் கடந்த வாரம் ஆதார் வழக்குகள் விசாரணைக்கு வந்தன. அப்போது மத்திய அரசு, பல்வேறு சேவைகளுக்கும், நலத்திட்டங்களுக்கும் ஆதார் எண்ணை இணைப்பதற்கான காலக்கெடுவை மார்ச் 31-ந் தேதிவரை நீட்டிக்க விரும்புவதாக தெரிவிக்கப்பட்டது. அதற்கான அதிகாரப்பூர்வ அறிவிக்கையை மத்திய அரசு நேற்று வெளியிட்டுள்ளது. மேலும் இது குறித்து மத்திய அரசின் நிதித்துறை அமைச்சகம் டுவிட்டரில் ஒரு பதிவையும் வெளியிட்டுள்ளது. இதன்படி, 6 மாதங்களுக்கு மேலாக வங்கிக் கணக்கு வைத்திருப்பவர்கள் ஆதார் எண்ணையும், பான் எண்ணையும் மார்ச் 31-ந் தேதிக்குள் இணைத்து விட வேண்டும். அக்டோபர் 1-ந் தேதிக்கு பின்னர் வங்கிக்கணக்கு தொடங்கியவர்கள், வங்கிக்கணக்கு தொடங்கிய நாளில் இருந்து 6 மாதங்களுக்குள் ஆதார் எண், பான் எண் இணைத்து விட வேண்டும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு பாலிடெக்னிக் கல்லூரிகளில் பேராசிரியர் தேர்வு முடிவு ரத்து செய்யப்பட்டதன் பரபரப்பு பின்னணி |

அரசு பாலிடெக்னிக் கல்லூரிகளில் பேராசிரியர் தேர்வு முடிவு ரத்து செய்யப்பட்டதன் பரபரப்பு பின்னணி | அரசு பாலிடெக்னிக் கல்லூரிகளில் நடந்த பேராசிரியர் தேர்வில் ஊழல் நடந்திருக்குமோ என்ற அச்சம் எழுந்துள்ளது. தேர்வு முடிவு ரத்து செய்யப்பட்டதில் பரபரப்பு பின்னணி இருப்பதாகவும் கூறப்படுகிறது. தமிழ்நாட்டில் உள்ள அரசு பாலிடெக்னிக் கல்லூரிகளில் காலியாக இருந்த 1,058 பேராசிரியர் பணியிடங்களை நிரப்புவதற்காக ஆசிரியர் தேர்வு வாரியம் மூலம் கடந்த செப்டம்பர் மாதம் 16-ந் தேதி நுழைவுத் தேர்வு நடத்தப்பட்டது. இந்த தேர்வை தமிழ்நாடு முழுவதும் ஒரு லட்சத்து 33 ஆயிரம் பேர் எழுதினார்கள். தேர்வு முடிவுகள் கடந்த மாதம் (நவம்பர்) 7-ந் தேதி வெளியானது. அதில் வெற்றி பெற்றவர்கள் சான்றிதழ் சரிபார்ப்புக்கு அழைக்கப்பட்டனர். சான்றிதழ் சரிபார்ப்பில் மொத்தம் 2,020 பேர் கலந்துகொண்டனர். வெளிமாநிலத்தை சேர்ந்தவர்களும் இதில் பங்கேற்றதாக தெரிகிறது. அவர்களில், 220-க்கும் மேற்பட்டவர்களின் சான்றிதழ்களில் அதிகாரிகளுக்கு சந்தேகம் ஏற்பட்டது. தேர்வு பெற்றவர்களின் மதிப்பெண் சான்றிதழ்களில் முறைகேடு நடந்திருப்பதாக அறிந்தனர். இந்தநிலையில், கடந்த 11-ந் தேதி தேர்வு முடிவுகள் ரத்து செய்யப்படுவதாக தேர்வு வாரிய தலைவர் ஜெகநாதன் அறிவித்தார். இதற்கிடையே, தேர்வு எழுதியவர்களின் விடைத்தாள்களை இணையதளத்தில் ஆசிரியர் தேர்வு வாரியம் வெளியிட்டது. மதிப்பெண் பட்டியலில் உள்ள மதிப்பெண்ணையும், விடைத்தாளில் உள்ள மதிப்பெண்ணையும் தேர்வு எழுதியவர்கள் ஆய்வு செய்தபோது பலர் அதிர்ச்சி அடைந்தனர். இரண்டிலும் உள்ள மதிப்பெண்களில் பெரிய அளவில் மாறுதல் இருந்தது. சிலருக்கு 60 மதிப்பெண்கள் வரை அதிகமாக கிடைத்திருந்தது. சிலருக்கு 100 மதிப்பெண்கள் வரை குறைவாகி இருந்தது. எனவே, இந்த முறைகேடு குறித்து விசாரணை நடந்து வருகிறது. மேலும், மதிப்பெண் வழங்கியதில் நடந்த குளறுபடிகள் குறித்து தேர்வு எழுதியவர்கள் தபால் மூலமாகவோ, நேரடியாகவோ ஆசிரியர் தேர்வு வாரியத்தில் புகார் தெரிவிக்கலாம் என்றும் அறிவிக்கப்பட்டுள்ளது. புகார் பெறப்பட்டதற்கு ரசீதும் வழங்கப்படுகிறது. விடைத்தாள் திருத்தியதில் முறைகேடு நடந்துள்ளதா? அல்லது மதிப்பெண் பட்டியலில் முறைகேடு நடந்துள்ளதா? என்பது விசாரணைக்கு பிறகே தெரியவரும். இருந்தாலும், அதிக அளவிலான பணம் லஞ்சம் பெறப்பட்டு, மதிப்பெண் முறைகேடு நடந்திருக்க வாய்ப்பு இருப்பதாகவும் கூறப்படுகிறது. எனவே, பல திடுக்கிடும் தகவல்கள் வெளியாகும் என எதிர்பார்க்கப்படுகிறது. ஆனால், இதுவரை போலீசில் புகார் எதுவும் கொடுக்கப்படவில்லை. அதிகாரிகள் மட்டத்திலேயே விசாரணை நடந்து வருகிறது. அதே நேரத்தில், இந்த தேர்வை ரத்து செய்துவிட்டு, புதிதாக மீண்டும் தேர்வு நடத்த வேண்டும் என்ற கோரிக்கையும் எழத்தொடங்கியுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

TNPSC குரூப்-4, வி.ஏ.ஓ. பதவிகளுக்கு 17 லட்சம் பேர் விண்ணப்பம். தமிழ்நாடு அரசு பணியாளர் தேர்வாணையம் தகவல்

TNPSC குரூப்-4, வி.ஏ.ஓ. பதவிகளுக்கு 17 லட்சம் பேர் விண்ணப்பம். தமிழ்நாடு அரசு பணியாளர் தேர்வாணையம் தகவல் | குரூப்-4, வி.ஏ.ஓ. பதவிகளுக்கு 17 லட்சம் பேர் விண்ணப்பித்து இருப்பதாக தமிழ்நாடு அரசு பணியாளர் தேர்வாணையம் தெரிவித்துள்ளது. தமிழ்நாடு அரசு பணியாளர் தேர்வாணையம் குரூப்-4 மற்றும் கிராம நிர்வாக அலுவலர் (வி.ஏ.ஓ) பதவிகளுக்கு விண்ணப்பிக்க நேற்று கடைசி நாள். நேற்று மாலை வரை 17 லட்சம் விண்ணப்பதாரர்கள் இந்த தேர்வுக்கு விண்ணப்பித்துள்ளனர். தேர்வு கட்டணம் ரூ.100-ஐ இதுவரை செலுத்தாத விண்ணப்பதாரர்கள் விண்ணப்ப கட்டணத்தை செலுத்த 15-ந்தேதி(நாளை) நள்ளிரவு வரை அவகாசம் உள்ளது. விண்ணப்பித்த அனைவரும் தேர்வாணையத்தின் இணையதளத்தில் APPLICATION STATUS என்ற இணைப்பினை 'கிளிக்' செய்து தங்களின் விண்ணப்பத்தின் நிலை குறித்து தெரிந்து கொள்ளலாம். இணைய வங்கி, கிரெடிட் மற்றும் டெபிட் கார்டு வழியே பணம் செலுத்தியும் விண்ணப்பம் ஏற்கப்படவில்லை எனில், online payment verification என்ற இணைப்பில் அவர்களது பண பரிமாற்றம் குறித்த விவரங்களை அப்டேட் செய்து APPLICATION STATUS மீண்டும் சரிபார்க்கவும். அதில் அனைத்து பண பரிமாற்ற முயற்சிகளும் தோல்வி அடைந்து இருந்தால் வருகிற 15-ந்தேதிக்குள் மீண்டும் தேர்வுக்கட்டணம் செலுத்த வேண்டும். தோல்வி அடைந்த பண பரிமாற்றத்துக்கான தொகை சரிபார்ப்பிற்கு பின்னர், அவர்களது வங்கி கணக்கில் வரவு வைக்கப்படும். அஞ்சலகம் மற்றும் இந்தியன் வங்கி செலுத்துச்சீட்டு மூலமாக தேர்வுக்கட்டணம் செலுத்தியவர்கள் மேற்படி விவரங்களை 'Application status' என்ற இணைப்பில் கோரப்படும் விவரங்களை சமர்ப்பித்து 20.12.2017 வரை காத்திருந்து தங்களது விண்ணப்பத்தின் நிலையினை தெரிந்து கொள்ளவும். அதன்பின்னரும், நீங்கள் செலுத்திய தேர்வுக்கட்டணம் ஏற்கப்படவில்லை எனில் தாங்கள் பணம் செலுத்தியதற்கான பற்றுச்சீட்டின் நகலினை apdtech2014@gmail.com என்ற மின்னஞ்சல் முகவரிக்கு வருகிற 26-ந்தேதிக்கு முன்னர் அனுப்பவும். தொழில்நுட்ப காரணம் உள்பட எந்த ஒரு காரணத்திற்காகவும் விண்ணப்பதாரர்கள் தேர்வுக்கட்டணம் செலுத்த இயலாமல் போனால் அதற்கு தேர்வாணையம் பொறுப்பல்ல. மேற்கண்ட தகவல் தமிழ்நாடு அரசு பணியாளர் தேர்வாணைய செயலாளர் மற்றும் தேர்வு கட்டுப்பாடு அலுவலர் (பொறுப்பு) மா.விஜயகுமார் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, December 13, 2017

TNSET-2018 | TNSET-2018 தேர்வுக்கான அறிவிப்பினை அன்னை தெரேசா மகளிர் பல்கலைக்கழகம் வெளியிட்டுள்ளது.விண்ணப்பிக்க கடைசி நாள் : 09.02.2018. தேர்வு நாள் : 04.03.2017

TNSET-2018 NOTIFICATION | TNSET-2018 தேர்வுக்கான அறிவிப்பினை அன்னை தெரேசா மகளிர் பல்கலைக்கழகம் வெளியிட்டுள்ளது.விண்ணப்பிக்க கடைசி நாள் : 09.02.2018. தேர்வு நாள் : 04.03.2017 | TAMILNADU STATE ELIGIBILITY TEST (TNSET 2018) | Nodal Agency - Mother Teresa Women's University-Kodaikanal The Candidates applying Online for TNSET-2018 EXAM should have the following readily available for Entering/Uploading to submit Application. 1. The Mobile No. that will be provided for registering - Ensure you have it in hand to receive OTP. Once the Mobile No. given is registered, it can not be changed. Please do not use any other's Mobile No. 2. Valid Email ID must be provided mandatorily. 3. Scanned image of Passport size photograph in JPG format of minimum 4kb to 40 kb. The dimension of the photograph should be 3.5 cm (width) x 4.5 cm (height). 4. Scanned image of Signature in JPG format of minimum 4kb to 30 kb. The dimension of the signature should be 3.5 cm (width) x 1.5 cm (height). 5. Aadhaar Card No. (optional) if available . | DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

அடுத்த ஆண்டு முதல் நீட் தேர்வுக்கு ஒரே மாதிரியான வினாத்தாள் சுப்ரீம் கோர்ட்டில் சி.பி.எஸ்.இ. அறிக்கை

அடுத்த ஆண்டு முதல் நீட் தேர்வுக்கு ஒரே மாதிரியான வினாத்தாள் சுப்ரீம் கோர்ட்டில் சி.பி.எஸ்.இ. அறிக்கை | அடுத்த ஆண்டு முதல் நீட் தேர்வுக்கு நாடு முழுவதும் ஒரே மாதிரியான வினாத்தாள் வழங்கப்படும் என்று சுப்ரீம் கோர்ட்டில் சி.பி.எஸ்.இ. அறிக்கை தாக்கல் செய்தது. நாடு முழுவதும் மருத்துவ கல்விக்கு இந்த ஆண்டு முதல் நீட் தேர்வு என்ற நுழைவுத்தேர்வை மத்திய கல்வி வாரியம் (சி.பி.எஸ்.இ.) கொண்டுவந்தது. இதற்கு தமிழ்நாடு முழுவதும் பலத்த எதிர்ப்பு கிளம்பியது. தமிழகத்துக்கு விலக்கு அளிக்கக் கோரியதையும் மத்திய அரசு ஏற்கவில்லை. எதிர்ப்பையும் மீறி நீட் தேர்வு நடத்தப்பட்டது. ஆனால் இந்த நீட் தேர்வில் வினாத்தாள் மாநிலத்துக்கு மாநிலம் வேறுபட்டு இருந்ததாக புகார் எழுந்தது. பிற மாநிலங்களை காட்டிலும் தமிழகத்தில் கேட்கப்பட்டு இருந்த வினாக்கள் மிகவும் கடினமானதாக இருந்ததாக கூறப்பட்டது. இதுதொடர்பாக சுப்ரீம் கோர்ட்டில் வழக்கு தொடரப்பட்டது. இந்த வழக்கு சுப்ரீம் கோர்ட்டில் நேற்று விசாரணைக்கு வந்தது. அப்போது சி.பி.எஸ்.இ. சார்பில் ஆஜரான வக்கீல் ஒரு அறிக்கை தாக்கல் செய்தார். அதில், அடுத்த ஆண்டு நடைபெறும் நீட் தேர்வின்போது நாடு முழுவதும் ஒரே மாதிரியான வினாத்தாள் வினியோகிக்கப்படும் என்று தெரிவிக்கப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

குரூப்-4 தேர்வுக்கு விண்ணப்பிக்க இன்று (13.12.2017) கடைசி நாள்.

குரூப்-4 தேர்வுக்கு விண்ணப்பிக்க இன்று (13.12.2017) கடைசி நாள் | தமிழ்நாட்டில் உள்ள அரசு அலுவலகங்களில் காலியாக இருக்கும் பணியிடங்களை அந்தந்த துறை கேட்டுக்கொண்டதற்கு இணங்க தமிழ்நாடு அரசுப்பணியாளர் தேர்வாணையம் எழுத்து தேர்வு நடத்தி, ஆட்களை தேர்வு செய்து சம்பந்தப்பட்ட துறைக்கு கொடுத்துவிடுகிறது. அதன்படி கிராம நிர்வாக அலுவலர் மற்றும் குரூப்-4 பணிகளுக்கும் ஒரே தேர்வை நடத்த அரசு பணியாளர் தேர்வாணையம் முடிவு செய்து கடந்த (நவம்பர்) மாதம் 14-ந்தேதி அறிவித்தது. அதன்படி இதுவரை 14 லட்சத்துக்கும் மேற்பட்டோர் கிராம நிர்வாக அலுவலர் மற்றும் குரூப்-4 தேர்வுக்கு விண்ணப்பித்துள்ளனர். இந்த தேர்வுக்கு விண்ணப்பிக்க இன்று (புதன் கிழமை) கடைசி நாள். தேர்வுக்கட்டணம் செலுத்த வருகிற 15-ந்தேதி (வெள்ளிக்கிழமை) கடைசி நாள் ஆகும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

எட்வின்ஜோ, ரேவதிகயிலைராஜன் ஆகிய இருவரையும் மருத்துவ கல்வி இயக்குனராக நியமித்த உத்தரவுகள் ரத்து மதுரை ஐகோர்ட்டு தீர்ப்பு

எட்வின்ஜோ, ரேவதிகயிலைராஜன் ஆகிய இருவரையும் மருத்துவ கல்வி இயக்குனராக நியமித்த உத்தரவுகள் ரத்து மதுரை ஐகோர்ட்டு தீர்ப்பு | எட்வின் ஜோ, ரேவதிகயிலைராஜன் ஆகிய இருவரையும் மருத்துவ கல்வி இயக்குனராக நியமித்த உத்தரவுகளை ரத்துசெய்த மதுரை ஐகோர்ட்டு டிவிஷன் பெஞ்ச், வேறு ஒருவரை நியமிக்கும்படி உத்தரவிட்டுள்ளது. தமிழக மருத்துவ கல்வி இயக்குனராக பணிபுரிந்த டாக்டர் விமலா ஓய்வு பெற்றதையடுத்து கோவை அரசு மருத்துவமனை டீனாக பணிபுரிந்த டாக்டர் எட்வின்ஜோ 25.4.2017-ல் மருத்துவ கல்வி இயக்குனராக நியமனம் செய்யப்பட்டார். இவரது நியமனத்தை எதிர்த்து கரூர் அரசு மருத்துவமனை டீன் டாக்டர் ரேவதி கயிலைராஜன் மதுரை ஐகோர்ட்டில் வழக்கு தொடர்ந்தார். இந்த வழக்கை விசாரித்த ஐகோர்ட்டு, எட்வின்ஜோ நியமனத்தை ரத்து செய்தும், உடனடியாக ரேவதிகயிலைராஜனை மருத்துவ கல்வி இயக்குனராக நியமிக்க வேண்டும் என்றும் கடந்த செப்டம்பர் மாதம் 20-ந்தேதி உத்தரவிட்டது. தனி நீதிபதியின் இந்த தீர்ப்பை எதிர்த்து தமிழக சுகாதாரத்துறை செயலாளர் மேல்முறையீடு செய்தார். இதற்கிடையே மருத்துவ கல்வி இயக்குனராக பதவி வகிக்க தனக்கு தகுதியிருப்பதாக கூறி, திருவாரூர் அரசு மருத்துவமனை டீன் ஏ.எல்.மீனாட்சிசுந்தரம் தாக்கல் செய்த மனுவும் இந்த வழக்கில் சேர்க்கப்பட்டது. இந்த வழக்கு நீதிபதிகள் எம்.வேணுகோபால், ஜெ.அப்துல்குத்தூஸ் ஆகியோர் முன்பு நேற்று விசாரணைக்கு வந்தது. முடிவில் நீதிபதிகள் பிறப்பித்த உத்தரவு வருமாறு:- "மருத்துவ கல்வி இயக்குனர் நியமனம் விதிப்படி நடைபெறவில்லை. இதனால் மருத்துவ கல்லூரி இயக்குனராக எட்வின்ஜோ நியமனம் செய்யப்பட்டு பிறப்பிக்கப்பட்ட அரசாணை ரத்து செய்யப்படுகிறது. பதவி உயர்வை பொறுத்தவரை கோர்ட்டு நேரடியாக உத்தரவு பிறப்பிக்க முடியாது. அந்த வகையில் ரேவதி கயிலைராஜன் 2018 பிப்ரவரி மாதம் ஓய்வுபெற உள்ளதால் அவரை உடனடியாக மருத்துவ கல்வி இயக்குனராக நியமித்து, அனைத்து பணப்பலன்களையும் வழங்க வேண்டும் என்று தனி நீதிபதி பிறப்பித்த உத்தரவும் ரத்து செய்யப்படுகிறது. பணி மூப்பு, போதிய கல்வித்தகுதி உள்ள ஒருவரை மருத்துவ கல்வி இயக்குனராக நியமிக்க சுகாதாரத்துறை செயலாளர் 6 வாரத்தில் நடவடிக்கை எடுக்க வேண்டும். இவ்வாறு நீதிபதிகள் உத்தரவில் கூறியுள்ளனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பாலிடெக்னிக் விரிவுரையாளர் பணிக்கான தேர்வு முடிவு ரத்து தேர்வு எழுதியவர்களின் விடைத்தாள்கள் வெளியீடு

பாலிடெக்னிக் விரிவுரையாளர் பணிக்கான தேர்வு முடிவு ரத்து தேர்வு எழுதியவர்களின் விடைத்தாள்கள் வெளியீடு | பாலிடெக்னிக் விரிவுரையாளர்கள் பணிக்கான தேர்வு முடிவு ரத்து செய்து ஆசிரியர் தேர்வு வாரியம் அறிவித்தது. மேலும், தேர்வு எழுதியவர்களின் விடைத்தாள்களும் இணையதளத்தில் வெளியிடப்பட்டுள்ளது. ஆசிரியர் தேர்வு வாரியம் வெளியிட்ட செய்திக்குறிப்பில் கூறியிருப்பதாவது:- அரசு பாலிடெக்னிக் கல்லூரிகளில், விரிவுரையாளர் பணியில் காலியாக உள்ள 1,058 இடங்களுக்கு ஆசிரியர் தேர்வுவாரியம் கடந்த செப்டம்பர் மாதம் எழுத்துத்தேர்வு நடத்தியது. இந்த தேர்வை 1 லட்சத்து 33 ஆயிரத்து 567 பேர் எழுதினார்கள். தேர்வு முடிவுகள் கடந்த(நவம்பர்) மாதம் 7-ந்தேதி வெளியிடப்பட்டது. இந்த தேர்வு முடிவில் பல்வேறு குறைகள், முரண்பாடுகள் இருப்பதாக தேர்வு எழுதியவர்கள் ஆசிரியர் தேர்வு வாரியத்திற்கு மனுக்கள் அனுப்பினர். அதன் அடிப்படையில், கடந்த மாதம் வெளியிடப்பட்ட தேர்வு முடிவுகள் ரத்து செய்யப்படுகிறது. மேலும், அனைத்து தேர்வர்களின் விடைத்தாள்களும் 'ஸ்கேன்' செய்யப்பட்டு www.trb.tn.nic என்ற இணையதளத்தில் வெளியிடப்பட்டது. இதில் ஏதேனும் முரண்பாடுகள் இருந்தால் வருகிற 18-ந்தேதி மாலை 5.30 மணிக்குள் ஆசிரியர் தேர்வு வாரிய தகவல் மையத்தில் நேரிலோ அல்லது தபால் மூலமாகவோ தெரிவிக்கலாம். அவ்வாறு பெறப்பட்ட மனுக்களை பரிசீலனை செய்த பின்னரே திருத்திய சான்றிதழ் சரிபார்ப்பு பட்டியல் ஆசிரியர் தேர்வுவாரிய இணையதளத்தில் வெளியிடப்படும். இவ்வாறு அந்த செய்திக்குறிப்பில் கூறப்பட்டுள்ளது. இதுபற்றி, தேர்வு எழுதியவர்கள் கூறுகையில், தேர்வு முடிவை ஆசிரியர் தேர்வு வாரியம் ரத்து செய்துள்ளது. உதாரணமாக ஏற்கனவே 140 மதிப்பெண் எடுத்தவர்கள் தற்போது 60 மதிப்பெண் எடுத்துள்ளனர். இவ்வாறு பலருக்கு மதிப்பெண் குறைக்கப்பட்டுள்ளது. குறைந்தாலும், கூடினாலும் கருத்து தெரிவித்ததின் அடிப்படையில் 2 அல்லது 4 மதிப்பெண் தான் வித்தியாசமாக இருக்கும். இதில், ஏதோ குழப்பம் நடந்துள்ளது. எனவே இந்த தேர்வை ரத்து செய்துவிட்டு மீண்டும் தேர்வை நடத்தவேண்டும் என்றனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ஜல்லிக்கட்டுக்கு தடை இல்லை வழக்கம்போல் நடைபெறும் சுப்ரீம் கோர்ட்டு அறிவிப்பு

ஜல்லிக்கட்டுக்கு தடை இல்லை வழக்கம்போல் நடைபெறும் சுப்ரீம் கோர்ட்டு அறிவிப்பு | ஜல்லிக்கட்டுக்கு இடைக்கால தடை விதிக்க சுப்ரீம் கோர்ட்டு மறுத்துவிட்டது. இதனால் 2018-ம் ஆண்டு பொங்கல் பண்டிகையின்போது வழக்கம்போல் ஜல்லிக்கட்டு நடைபெறும். கடந்த 2014-ம் ஆண்டு மே மாதம் 5-ந் தேதி ஜல்லிக்கட்டுக்கு தடை விதித்து சுப்ரீம் கோர்ட்டு தீர்ப்பு வழங்கியது. இதை எதிர்த்து தமிழகம் முழுவதும் நடந்த போராட்டங்களை தொடர்ந்து ஜல்லிக்கட்டு நடத்தும் வகையில், மிருகவதை தடை சட்டத்தின் சில பிரிவுகளில் திருத்தங்கள் மேற்கொண்டு தமிழக அரசு கடந்த ஜனவரி 21-ந் தேதி அவசர சட்டம் ஒன்றை பிறப்பித்தது. இதற்கு ஜனாதிபதியும் ஒப்புதல் அளித்ததால் ஜல்லிக்கட்டு நடத்த வகை செய்யும் நிரந்தர சட்ட மசோதாவுக்கு சட்ட ரீதியான அங்கீகாரம் கிடைத்தது. இதையடுத்து தமிழகத்தின் பல்வேறு இடங்களில் ஜல்லிக்கட்டு நடைபெற்றது. தமிழக அரசு பிறப்பித்த அவசர சட்டத்தை ரத்து செய்யக்கோரி 'பீட்டா' அமைப்பு சுப்ரீம் கோர்ட்டில் கடந்த ஜனவரி மாத இறுதியில் ரிட் மனு தாக்கல் செய்தது. இந்த மனு மீதான விசாரணை கடந்த மாதம் 6-ந் தேதி சுப்ரீம் கோர்ட்டில் தலைமை நீதிபதி தீபக் மிஸ்ரா, நீதிபதிகள் ஏ.எம்.கன்வில்கர், டி.ஒய்.சந்திரசூட் ஆகியோர் அடங்கிய அமர்வு முன்பு நடந்தது. அப்போது பீட்டாவின் மனு மீது 4 வாரங்களுக்குள் பதில் மனு தாக்கல் செய்ய தமிழக அரசுக்கு நோட்டீஸ் அனுப்ப நீதிபதிகள் உத்தரவிட்டனர். இந்த நிலையில் நேற்று இதே அமர்வில் மீண்டும் இந்த வழக்கின் மீதான விசாரணை நடந்தது. அப்போது பீட்டா உள்ளிட்ட அமைப்புக்கள் சார்பில் சித்தார்த் லூத்ரா, ஆனந்த் குரோவர், கிரி ஆகியோர் தமிழக அரசின் ஜல்லிக்கட்டு தொடர்பான அவசர சட்டத்துக்கு எதிராக வாதிட்டனர். தமிழக அரசு தரப்பில் ஆஜரான மூத்த வக்கீல் முகுல் ரோகத்கி வாதிடுகையில், "சட்டங்களை இயற்றுவதற்கு மத்திய அரசுக்கு எப்படி அதிகாரம் உண்டோ அதேபோல மாநில அரசுக்கும் தங்களுக்கு தேவையான சட்டம் இயற்ற அதிகாரம் உண்டு. மேலும் கலாசார பாரம்பரிய உரிமையை நிலைநாட்டுவதற்காக தமிழக அரசு இந்த சட்டத்தை கொண்டு வந்துள்ளது. பாரம்பரிய ஜல்லிக்கட்டை பாதுகாக்க அரசியல் சாசன பிரிவு 29(1)ல் பாதுகாப்பு உள்ளது. மிருகவதை சட்டத்துக்கு எந்த வகையிலும் இந்த சட்டம் எதிரானது அல்ல" என்றார். இரு தரப்பு வாதங்களையும் கேட்ட நீதிபதிகள் கூறும்போது, "அரசியல் சாசன பிரிவு 29(1)ல் குறிப்பிட்ட ஒரு பகுதியினர் அல்லது ஒரு பிரிவினர் தங்களது பாரம்பரியத்தையும் கலாசாரத்தையும் பாதுகாக்க வழிவகை செய்துள்ளது. இது தமிழ்நாட்டு மக்கள் முழுமைக்கும் இது பொருந்துமா? மிருகவதை தடை சட்டத்தின் நோக்கம் விலங்குகளுக்கு துன்பம் விளைவிக்கக் கூடாது என்பதுதான். தமிழக அரசின் சட்டம் மிருகவதை தடை சட்டத்தை மீறுவதாக உள்ளதா இல்லையா? ஆகிய அம்சங்கள் இந்த வழக்கில் விசாரிக்கப்பட வேண்டி உள்ளது. அதற்காக வழக்கை 5 நீதிபதிகள் கொண்ட அரசியல் சாசன அமர்வுதான் இவற்றை விசாரிக்க முடியும்" என்று தெரிவித்து மனுக்களின் மீதான தீர்ப்பை ஒத்தி வைத்தனர். மேலும் ஜல்லிக்கட்டுக்கு இடைக்கால தடை விதிக்கவும் மறுத்தனர். சுப்ரீம்கோர்ட்டு நீதிபதிகள் எழுப்பியுள்ள கேள்விகள் மற்றும் அரசியல் சாசன அமர்வு கருத்தில் கொள்ளவேண்டிய முக்கிய அம்சங்கள் குறித்து தீர்ப்பு வெளியிட கணிசமான நேரம் எடுத்துக் கொள்ளலாம். மேலும் ஜல்லிக்கட்டுக்கு இடைக்காலத் தடை விதிக்க சுப்ரீம் கோர்ட்டு மறுத்து இருப்பதால் 2018-ம் ஆண்டு பொங்கல் பண்டிகையின்போது வழக்கம்போல் ஜல்லிக்கட்டு நடத்தமுடியும் என்பது குறிப்பிடத்தக்கது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, December 12, 2017

TRB நவ 7ம் தேதி வெளியிடப்பட்ட பாலிடெக்னிக்விரிவுரையாளர் தேர்வு முடிவுகள் ரத்து செய்யப்படுவதாக ஆசிரியர் தேர்வு வாரியம் அறிவிப்பு.

TRB நவ 7ம் தேதி வெளியிடப்பட்ட பாலிடெக்னிக்விரிவுரையாளர் தேர்வு முடிவுகள் ரத்து செய்யப்படுவதாக ஆசிரியர் தேர்வு வாரியம் அறிவிப்பு.Direct Recruitment of Lecturers in Government Polytechnic Colleges - 2017-18 PUBLICATION OF INDIVIDUAL OMR ANSWER SHEET IMAGES AND WITHDRAWAL OF EXAMINATION RESULTS ALREADY PUBLISHED The results of Direct Recruitment of Lecturers in Government Polytechnic Colleges written Examination 2017-18 published on 07.11.2017, on official website of Teachers Recruitment Board are hereby withdrawn due to various representations received from candidates. Hence, it has been decided to publish the scanned copies of original OMR answer sheet as itself with marks awarded for all the candidates in the public domain. The scanned images of OMR answer sheets with marks awarded with reference to final key have been uploaded on the website on 11.12.2017. Any discrepancies found out by the candidates may be brought to the notice of TRB immediately by Registered post with Acknowledgement Due or directly be handed over to the Information centre at Teachers Recruitment Board, Chennai-6. Last date for submission of any such representation is 18.12.2017 up to 5.30 p.m. After scrutinizing the representations only, TRB will release the revised C.V list for further process.
விரிவாக படிக்க இங்கே கிளிக் செய்யுங்கள் | READ MORE | CLICK HERE

சி.பி.எஸ்.இ. 10, 12-ம் வகுப்பு தேர்வுகளில் மதிப்பெண் முறை

சி.பி.எஸ்.இ. 10, 12-ம் வகுப்பு தேர்வுகளில் மதிப்பெண் முறை | சி.பி.எஸ்.இ. பாடத்திட்டத்தில், வருகிற மார்ச் மாதம் நடக்கும் 10 மற்றும் 12-ம் வகுப்பு தேர்வுகளில் மதிப்பெண் முறை பின்பற்றப்படும் என்று சி.பி.எஸ்.இ. அறிவித்தது. தற்போது, கிரேட் முறை பின்பற்றப்படும் நிலையில், இந்த மாற்றம் செய்யப்படுகிறது. மேலும், 10-ம் வகுப்புக்கு பொதுத்தேர்வு கட்டாயம் ஆவதாகவும் சி.பி.எஸ்.இ. மீண்டும் தெரிவித்துள்ளது. 10-ம் வகுப்புக்கு கணிதம், அறிவியல், சமூக அறிவியல், ஆங்கிலம் (தொடர்பு), ஆங்கிலம் (மொழி மற்றும் இலக்கியம்) ஆகிய பாடங்களுக்கும், 12-ம் வகுப்பு தேர்வில் கணக்கு பதிவியல், உயிரியல், வணிக கல்வி, வேதியியல், பொருளாதாரம், ஆங்கிலம், இந்தி, கணிதம், இயற்பியல் ஆகிய பாடங்களுக்கும் மதிப்பெண் முறை பின்பற்றப்படும் என்று சி.பி.எஸ்.இ. தெரிவித்துள்ளது. மதிப்பெண் முறையை இணையதளத்தில் பார்த்து கொள்ளலாம் என்றும், தேர்வு கால அட்டவணை விரைவில் அறிவிக்கப்படும் என்றும் கூறியுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

‘நீட்’ தேர்வை எதிர்கொள்வதற்கு மாணவர்களுக்கு இலவச பயிற்சி புத்தகங்களை வழங்க முடியாதா? தமிழக அரசுக்கு, ஐகோர்ட்டு கேள்வி

'நீட்' தேர்வை எதிர்கொள்வதற்கு மாணவர்களுக்கு இலவச பயிற்சி புத்தகங்களை வழங்க முடியாதா? தமிழக அரசுக்கு, ஐகோர்ட்டு கேள்வி | 'நீட்' தேர்வை எதிர்கொள்ள பயிற்சி மையத்துக்கு வரும் மாணவர்களுக்கு இலவச பயிற்சி புத்தகங்கள் வழங்க முடியாதா? என்று தமிழக அரசுக்கு ஐகோர்ட்டு நீதிபதி என்.கிருபாகரன் கேள்வி எழுப்பியுள்ளார். தேசிய அளவில் மருத்துவ படிப்புக்காக நடத்தப்பட்ட 'நீட்' தேர்வில், தமிழக மாணவி அனிதா கலந்துக்கொண்டு தோல்வியடைந்தார். பிளஸ்-2 தேர்வில் அதிக மதிப்பெண் பெற்று, நீட் தேர்வில் குறைவான மதிப்பெண் எடுத்த அவர் மனவேதனையில் தற்கொலை செய்துக் கொண்டார். இது நாடு முழுவதும் பெரும் பரபரப்பை உருவாக்கியது. தமிழகம் முழுவதும் போராட்டங்கள் வெடித்தன. இதையடுத்து தமிழக மாணவர்கள் 'நீட்' தேர்வை எளிதாக எதிர்கொள்ளும் விதமாக அவர்களுக்கு பயிற்சி வழங்குவது, விழிப்புணர்வை ஏற்படுத்துவது தொடர்பாக தமிழக அரசு எடுத்துவரும் நடவடிக்கைகள் என்ன? என்று ஐகோர்ட்டு நீதிபதி என்.கிருபாகரன் ஒரு வழக்கு விசாரணையின் போது கேள்வி எழுப்பியிருந்தார். இந்த நிலையில், இந்த வழக்கு நீதிபதி முன்பு நேற்று விசாரணைக்கு வந்தது. அப்போது, பயிற்சி மையங்களை தமிழகம் முழுவதும் தொடங்குவது தொடர்பாக கடந்த 5-ந் தேதி தமிழக பள்ளிக்கல்வித்துறை வெளியிட்டுள்ள அரசாணையை கோர்ட்டில் அரசு வக்கீல் தாக்கல் செய்தார். அந்த அரசாணையில், 'நீட்' உள்ளிட்ட தேசிய அளவிலான போட்டி தேர்வுகளுக்கு தமிழக மாணவர்களை தயார்படுத்தும் வகையில் மாநிலம் முழுவதும் 412 ஒன்றியங்களில் ரூ.20 கோடி செலவில் பயிற்சி மையங்கள் தொடங்கப்படும். ஒரு மையத்திற்கு 8 ஆசிரியர்கள் வீதம் மொத்தம் 3 ஆயிரத்து 296 முதுகலை ஆசிரியர்கள் நியமிக்கப்படுவார்கள். இவர்கள் மாணவர்களுக்கு முறையான பயிற்சி வழங்குவர். சென்னை, கோவை, மதுரை, திருநெல்வேலி, சேலம், திருச்சி ஆகிய 6 மண்டலங்களில் ஏதேனும் ஒரு பள்ளியில் இருந்து அனைத்து மையங்களுக்கும் காணொளி காட்சி மூலமாகவும் பயிற்சி வகுப்புகள் நடத்தப்படும்' என்று கூறப்பட்டிருந்தது. இதை படித்து பார்த்த நீதிபதி, 'தமிழகம் முழுவதும் உள்ள ஒவ்வொரு பயிற்சி மையங்களுக்கும் தலா 65 புத்தகங்கள் வழங்கப்படும் என்று அரசு தரப்பில் கூறப்பட்டுள்ளது. பயிற்சிக்கு வரும் மாணவர்கள் அனைவருக்கும் இலவசமாக இந்த பயிற்சி புத்தகங்களை அரசால் வழங்க முடியாதா? என்று கேள்வி எழுப்பினார். பின்னர், இதுகுறித்து அரசின் கருத்தை கேட்டு நாளை (புதன்கிழமை) தெரிவிக்கும்படி அரசு வக்கீலுக்கு நீதிபதி உத்தரவிட்டார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழ்நாட்டில் நவோதயா பள்ளிகள் தொடங்க வேண்டும் என்ற ஐகோர்ட்டு தீர்ப்புக்கு இடைக்கால தடை சுப்ரீம் கோர்ட்டு உத்தரவு

தமிழ்நாட்டில் நவோதயா பள்ளிகள் தொடங்க வேண்டும் என்ற ஐகோர்ட்டு தீர்ப்புக்கு இடைக்கால தடை சுப்ரீம் கோர்ட்டு உத்தரவு | தமிழ்நாட்டில் நவோதயா பள்ளிகள் தொடங்குவது தொடர்பாக மதுரை ஐகோர்ட்டு வழங்கிய தீர்ப்புக்கு சுப்ரீம் கோர்ட்டு இடைக்கால தடை விதித்தது. தமிழகத்தில் ஜவகர் நவோதயா பள்ளிகள் தொடங்க வேண்டும் என்று கன்னியா குமரி மகாசபா அமைப்பின் செயலாளர் ஜெயக்குமார் தாமஸ் ஐகோர்ட்டு மதுரை கிளையில் மனு தாக்கல் செய்தார். அந்த மனுவில், சி.பி.எஸ்.இ. பாடத்திட்டத்தின் கீழ் மத்திய அரசு நடத்திவரும் ஜவகர் நவோதயா வித்யாலயா பள்ளிகளில் கிராமப்புற மாணவர்களுக்கு முன்னுரிமை அளிக்கப்படுகிறது. 6 முதல் 8-ம் வகுப்பு வரை பயிலும் மாணவர்களுக்கு கட்டணமின்றியும் 9 முதல் 12 வரை படிக்கும் மாணவர்களுக்கு குறைந்த கட்டணமும் வசூலிக்கப்படுகிறது. தமிழகத்தில் நவோதயா பள்ளி ஒன்றுகூட இல்லை. எனவே தமிழ்நாட்டிலும் மாவட்டந்தோறும் இந்த பள்ளிகளை தொடங்க உத்தரவிட வேண்டும் என்று கூறப்பட்டிருந்தது. இந்த மனுவை விசாரித்த மதுரை ஐகோர்ட்டு, தமிழகத்தில் நவோதயா பள்ளிகளை தொடங்க வேண்டும் என்று உத்தரவிட்டு, பள்ளிகளை தொடங்க அனுமதி வழங்குவது தொடர்பாக முடிவுஎடுக்க தமிழக அரசுக்கு 8 வாரம் கால அவகாசம் அளித்தது. நவோதயா பள்ளிகளுக்கு தேவையான வசதிகளை செய்துகொடுக்கவும் அரசுக்கு ஐகோர்ட்டு உத்தரவிட்டது. இந்த தீர்ப்புக்கு எதிராக தமிழக அரசு தரப்பில் சுப்ரீம் கோர்ட்டில் தாக்கல் செய்யப்பட்ட மேல்முறையீட்டு மனுவின் மீதான விசாரணை நேற்று தலைமை நீதிபதி தீபக் மிஸ்ரா, நீதிபதிகள் ஏ.எம்.கன்வில்கர், டி.ஒய்.சந்திரசூட் ஆகியோர் அடங்கிய அமர்வு முன்பு விசாரணைக்கு வந்தது. தமிழக அரசு தரப்பில் மூத்த வக்கீல் அரியமா சுந்தரம், அரசு வக்கீல் கே.வி.விஜய குமார் ஆகியோர் ஆஜரானார்கள். விசாரணை தொடங்கியதும் தமிழக அரசு தரப்பில், தமிழ்நாட்டில் இருமொழிக் கொள்கை பின்பற்றப்பட்டு வருகிறது. ஆனால் இந்த நவோதயா பள்ளிகள் மூலம் தமிழகத்தில் மும்மொழிக் கொள்கையை திணிக்க மத்திய அரசு முயன்றது. எனவே, இந்த பள்ளிகளை தமிழகத்தில் தொடங்க தமிழக அரசு ஒத்துழைக்கவில்லை. எனவே இந்த பள்ளிகளை தொடங்க வேண்டும் என்று மதுரை ஐகோர்ட்டு வழங்கிய தீர்ப்பை ரத்துசெய்ய வேண்டும் என்று வாதிடப்பட்டது. இதனை ஏற்றுக்கொண்ட நீதிபதிகள் தமிழ்நாட்டில் நவோதயா பள்ளிகள் தொடங்குவது பற்றி மதுரை ஐகோர்ட்டு வழங்கிய தீர்ப்புக்கு இடைக் கால தடை விதித்து தமிழக அரசின் மனுவின் மீது பதிலளிக்க கன்னியாகுமரி மகாசபா அமைப்புக்கும், மத்திய அரசுக்கும் நோட்டீஸ் அனுப்ப உத்தரவிட்டனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, December 11, 2017

‘ஒரே தேசம் - ஒரே பாடத் திட்டம்’ கோரிய மனுவை தள்ளுபடி செய்தது உச்ச நீதிமன்றம்



'ஒரே தேசம் - ஒரே பாடத் திட்டம்' கோரிய மனுவை தள்ளுபடி செய்தது உச்ச நீதிமன்றம் | நாடு முழுவதும் ஒரே பாடத் திட்டத்தைக் கொண்டு வர உத்தரவிட வேண்டும் என்று கோரி தாக்கல் செய்த மனுவை உச்ச நீதிமன்றம் தள்ளுபடி செய்தது. உத்தரபிரதேச மாநிலத்தைச் சேர்ந்த பாஜக பிரமுகர் அஷ்வினி உபாத்யாயா. வழக்கறிஞராக இருக்கிறார். இவருடைய மனைவி நீடா உபாத்யாயா தொடக்கப் பள்ளி ஆசிரியை. இவர் உச்ச நீதிமன்றத்தில் தாக்கல் செய்த மனுவில் கூறியிருப்பதாவது: அரசியலமைப்பு சட்டம் 21ஏ பிரிவின் நோக்கத்தை அடைய, ஒரே தேசம் - ஒரே கல்வி வாரியம் என்பதை உருவாக்க மத்திய அரசுக்கு உத்தரவிட வேண்டும். தற்போது ஐசிஎஸ்இ, சிபிஎஸ்இ என்று கல்வி வாரியங்கள் செயல்படுகின்றன. அத்துடன் மாநிலங்களிலும் தனித்தனியாக கல்வி வாரியங்கள் செயல்படுகின்றன. இவற்றுக்குப் பதிலாக நாடு முழுவதும் ஏழை, பணக்காரர்களின் குழந்தைகள் அனைவருக்கும் ஒரே பாடத் திட்டம் ஒரே கல்வி வாரியத்தை உருவாக்க வேண்டும். புதிய பாடத்திட்டத்தில் அடிப்படை உரிமைகள், அடிப்படை கடமைகள், கொள்கைகள் போன்றவை கட்டாயம் இடம்பெற வேண்டும். இந்தப் பாடத்திட்டத்தை 6 வயது முதல் 14 வயது வரை உள்ள குழந்தைகளுக்கு கற்றுத்தர வேண்டும். தற்போதுள்ள கல்வி முறை எல்லா குழந்தைகளுக்கும் சமமான வாய்ப்பை அளிக்கவில்லை. இவ்வாறு மனுவில் நீடா கூறியிருந்தார். இந்த மனுவை உச்ச நீதிமன்ற தலைமை நீதிபதி தீபக் மிஸ்ரா மற்றும் நீதிபதிகள் ஏ.எம்.கான்வில்கர், டி.ஒய்.சந்திரசூட் ஆகியோர் அடங்கிய அமர்வு விசாரித்தது. மனுதாரர் நீடா சார்பில் ஆஜரான மூத்த வழக்கறிஞர் சாஜன் பூவய்யா வாதிடும் போது, ''நாடு முழுவதும் ஒரே பாடத் திட்டத்தை அமல்படுத்தினால், அனைவருக்கும் கல்வி உரிமை சட்டத்தின் நோக்கத்தை முன்னெடுத்துச் செல்ல முடியும்'' என்றார். அதன் பின்னர் நீதிபதிகள் கூறும்போது, ''நாடு முழுவதும் ஒரே பாடத் திட்டம் சாத்தியமில்லை. இந்த மனு விசாரணைக்கு ஏற்றது இல்லை. இதுபோன்ற மனுக்களை இந்த நீதிமன்றம் ஊக்குவிக்காது'' என்று கூறி தள்ளுபடி செய்தனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அடுத்தாண்டு சம்பள உயர்வு 15 சதவீதமாக இருக்கும் மனிதவளத் துறையினர் கணிப்பு



அடுத்தாண்டு சம்பள உயர்வு 15 சதவீதமாக இருக்கும் மனிதவளத் துறையினர் கணிப்பு | திறமை வாய்ந்த பணியாளர் களுக்கு அடுத்தாண்டு 10 முதல் 15 சதவீதம் வரை சம்பள உயர்வு கிடைக்கும் என கணிக்கப்பட்டிருக்கிறது. பணமதிப்பு நீக்கம் மற்றும் செயற்கை நுண்ணறிவு காரணமாக நடப்பாண்டில் வேலை இழப்புகள் மற்றும் குறைந்த ஊதிய உயர்வு இருந்த நிலையில், அடுத்தாண்டு நல்ல சம்பள உயர்வு இருக்கும் என மனித வளத் துறையினர் கணித் திருக்கின்றனர். சூழ்நிலைக்கு தகுந்தது போல் தங்கள் திறனை வளர்த்துக்கொள்ளும் பணியாளர்களுக்கு இந்த சம்பள உயர்வு இருக்கும். அதே சமயத்தில் வேலை இழப்புகளும் இருக்கும் என்பதையும் மறுக்க முடியாது என மனிதவள நிறுவனங்கள் கணித்திருக்கின்றன. கடந்த ஆண்டில் 20 சதவீத நிறுவனங்களே புதிய பணியாளர்களை வேலைக்கு எடுத்திருக்கின்றன. 60 சதவீத நிறுவனங்கள் புதிய பணியாளர்களை எடுக்கவும் இல்லை, அதே சமயத்தில் வேலையிழப்பையும் அறிவிக்கவில்லை என பல ஆய்வுகளின் முடிவுகள் தெரிவிக்கின்றன. பணமதிப்பு நீக்கத்துக்கு பிறகு ஐடி, டெலிகாம், உற்பத்தி, வங்கி உள்ளிட்ட பல துறைகளில் வேலை இழப்புகள் உருவாயின. பல நிறுவனங்கள் கடந்த செப்டம்பர் வரை எந்தவிதமான புதிய முயற்சியையும் செய்யவில்லை. மேன் பவர் குரூப் கணிப்பு படி, நடப்பாண்டின் முதல் மூன்று காலாண்டுகளில் புதிதாக அதிக வேலை வாய்ப்புகள் உருவாகவில்லை. தற்போது புதிய வேலை வாய்ப்புகள் உருவாகி வருகின்றன. மொபைல் தயாரிப்பு, பைனான்ஸியல் டெக்னாலஜி, ஸ்டார்ட் அப் ஆகிய நிறுவனங்கள் புதிய வேலை வாய்ப்புகளை உருவாக்கி வருகின்றன. இந்த நிலைமை அடுத்த ஆண்டிலும் தொடரும். கடந்த ஆண்டு 8 முதல் 10 சதவீதம் வரை சம்பள உயர்வு இருந்தது. இந்த ஆண்டு 10 முதல் 15 சதவீதம் வரை இருக்கும் என கணிக்கப்பட்டிருக்கிறது. இதுதொடர்பாக டீம்லீஸ் நிறுவனத்தின் நிறுவனர் ரிதுபர்ன சக்ரவர்த்தி கூறும்போது, அடுத்த ஆண்டில் பெரும்பாலான துறைகளில் வேலை வாய்ப்புகள் அதி களவில் உருவாகும் என்று கூறினார். ஷைன் டாட் காம் நிறுவனத்தின் சிஇஓ ஜரியஸ் மாஸ்டர் கூறும்போது, ``தொழில் சூழல் கள் மாறி வருகின்றன. இதனால் பழைய தொழில்நுட்பத்துக்காக தேவை குறைந்து வருகிறது. அதே சமயத்தில் புதிய தொழில்நுட்பத்துக்கான தேவையும் உயர்ந்து வருகிறது. டிஜிட்டல் மற் றும் டேட்டா அறிவியல் துறைக்கு கூடுதல் பணியாளர்கள் தேவைப்படுகிறார்கள்'' என்று குறிப்பிட்டார். பகுதி நேரம் அல்லது பணியாளர்களின் வசதிக்கு ஏற்ப பணியாற்றுபவர்களின் எண்ணிக்கை தற்போது 13 லட்சமாக இருக்கிறது. 2025-ம் ஆண்டு இந்த எண்ணிக்கை 90 லட்சமாக உயரும். பெரும்பாலான நிறுவனங்களிடம் ஒப்பந்த முறை அல்லது தேவைக்கு ஏற்ப பணியாளர்களைப் பணியமர்த்தும் போக்கு உயர்ந்திருக்கிறது என கெல்லி சர்வீசஸ் இந்தியா நிறுவனத்தின் நிர்வாக இயக்குநர் தம்மையா கூறினார். ஐடி துறை பணியாளர் கள் சராசரியாக 8 சதவீத உயர்வும், இ-காமர்ஸ் மற்றும் ஸ்டார்ட் அப் பிரிவில் 15 சதவீதமும், எப்எம்சிஜி பிரிவில் 8 முதல் 15 சதவீத உயர்வும் கிடைக்க வாய்ப்பு இருக்கிறது என்று தம்மையா கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தட்டச்சு, சுருக்கெழுத்து தேர்வில் மறுமதிப்பீடு, விடைத்தாள் நகல் வழங்கும் முறை அறிமுகம் அடுத்த ஆண்டிலிருந்து அமல்படுத்த தொழி்ல்நுட்பக் கல்வித் துறை முடிவு

தட்டச்சு, சுருக்கெழுத்து தேர்வில் மறுமதிப்பீடு, விடைத்தாள் நகல் வழங்கும் முறை அறிமுகம் அடுத்த ஆண்டிலிருந்து அமல்படுத்த தொழி்ல்நுட்பக் கல்வித் துறை முடிவு | தட்டச்சு, சுருக்கெழுத்து தேர்வுகளில் மறுமதிப்பீடு மற்றும் விடைத்தாள் நகல் வழங்கும் புதிய நடைமுறையை அடுத்த ஆண்டு பிப்ரவரி முதல் அறிமுகப்படுத்த தொழில்நுட்பக் கல்வித் துறை முடிவு செய்துள்ளது. தொழில்நுட்பக் கல்வி இயக்ககம் சார்பில் தட்டச்சு, சுருக்கெழுத்து (தமிழ், ஆங்கிலம்) மற்றும் கணக்கியல் தேர்வுகள் ஆண்டுதோறும் நடத்தப்படுகின்றன. கீழ்நிலை, மேல்நிலை, அதிவேகம் என வெவ்வேறு நிலைகளில் ஆண்டுக்கு 2 தடவை (பிப்ரவரி, ஆகஸ்டு) நடைபெறும் இத்தேர்வுகளில் சுமார் 3 லட்சம் மாணவ-மாணவிகள் பங்கேற்கிறார்கள். இத்தேர்வுகளில் தேர்ச்சி பெறுவது சம்பந்தப்பட்ட பிரிவுகளில் அரசு வேலையில் சேர மட்டுமின்றி பொதுவான அரசுப் பணிகளுக்கு இவை கூடுதல் மற்றும் விரும்பத்தக்க தகுதிகளாக கருதப்படுகின்றன. இதைத்தொடர்ந்து, தற்போது தட்டச்சு படிக்கும் ஆர்வம் பள்ளி, கல்லூரி மாணவர்கள் மத்தியில் அதிகரித்து வருகிறது. தமிழகம் முழுவதும் ஏறத்தாழ 3 ஆயிரம் தட்டச்சு, சுருக்கெழுத்துத் தேர்வு பயிற்சி நிறுவனங்கள் இயங்கி வருகின்றன. தட்டச்சு, சுருக்கெழுத்து தேர்வெழுதும் மாணவர்கள், பிளஸ் 2 தேர்வு மற்றும் டிப்ளமா, பல்கலைக்கழக தேர்வுகளைப் போன்று விடைத்தாள் நகல் பெற முடியாது. மறுமதிப்பீடும் செய்ய இயலாது. (எஸ்எஸ்எல்சி தேர்வில் விடைத்தாள் நகல் பெறலாம்.மறுகூட்டல் செய்யலாம். ஆனால், மறுமதிப்பீட்டுக்கு விண்ணப்பிக்க முடியாது) தட்டச்சு, சுருக்கெழுத்து, கணக்கியல் தேர்வுகளுக்கு மற்ற தேர்வுகளைப் போன்று விடைத்தாள் நகல் வழங்க வேண்டும், மறுமதிப்பீடு செய்ய வாய்ப்பு அளிக்கப்பட வேண்டும் என்று தட்டச்சு, சுருக்கெழுத்து பயிற்சி நிறுவனங்களின் நிர்வாகிகள், தொழில்நுட்பக் கல்வி இயக்ககத்திடம் தொடர்ந்து வேண்டுகோள் விடுத்து வந்தனர். இந்த நிலையில், அவர்களின் வேண்டுகோளை ஏற்று தட்டச்சு, சுருக்கெழுத்து, கணக்கியல் தேர்வுகளில், விடைத்தாள் நகல் வழங்கும் முறை மற்றும் மறுமதிப்பீடு முறையை நடைமுறைப்படுத்த தமிழக அரசு முடிவு செய்துள்ளது. இதற்கான உத்தரவை உயர்கல்வித் துறை முதன்மைச் செயலர் சுனில் பாலிவால் பிறப்பித்துள்ளார். விடைத்தாள் நகல் பெற ரூ.150-ம், தட்டச்சு (தமிழ், ஆங்கிலம்) தேர்வில் மறுமதிப்பீட்டுக்கு விண்ணப்பிக்க ரூ.400-ம், சுருக்கெழுத்து (தமிழ், ஆங்கிலம்) மற்றும் கணக்கியல் தேர்வு மறுமதிப்பீட்டுக்கு ரூ.500-ம் வசூலிக்க முடிவு செய்யப்பட்டுள்ளது. இந்த புதிய முறையானது அடுத்த ஆண்டு பிப்ரவரி மாதத் தேர்விலிருந்து அறிமுகப்படுத்தப்பட இருப்பதாக மாநில தொழில்நுட்பக் கல்வி ஆணையர் ஆர்.பழனிசாமி தெரிவித்தார். இதன்மூலம் அடுத்த ஆண்டு முதல் நடைபெறும் தட்டச்சு, சுருக்கெழுத்து, கணக்கியல் தேர்வில் கலந்துகொள்ளும் மாணவர்கள் தங்கள் விடைத்தாள் நகலைப் பெற முடிவதுடன் மறுமதிப்பீட்டுக்கு விண்ணப்பிக்கவும் முடியும். மேலும், தங்கள் விடைத்தாள்கள் எவ்வாறு மதிப்பீடு செய்யப்பட்டு இருக்கின்றன? மதிப்பீட்டில் ஏதேனும் தவறுகள் நேர்ந்துள்ளனவா? என்பதை உறுதிபடுத்திக் கொள்ள முடிவதுடன் குறைகள் இருந்தால் மறுமதிப்பீட்டுக்கு விண்ணப்பித்து தேர்ச்சி அடையவும், கிரேடுகளை உயர்த்திக் கொள்ளவும் முடியும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மத்திய அரசு பணியில் சேர தேர்வு அறிவிப்பு



மத்திய அரசு பணியில் சேர ஆசையா? | இளைஞர்கள் தமிழக அரசு வேலையில் சேர்வதைப் போலவே, மத்திய அரசுப் பணிகளிலும் சேர்வதற்கு ஆர்வம் காட்டுகிறார்கள். மத்திய அரசுத் துறையில் பிளஸ்-2 படித்தவர்களுக்கும், பட்டப்படிப்பு படித்தவர்களுக்கும் ஆண்டு தோறும் கணிசமான பணியிடங்கள் அறிவிக்கப்பட்டு வருகின்றன. தற்போது பள்ளி உயர்நிலைக் கல்வி (பிளஸ்-2) தரத்திலான தேர்வு மூலம், மத்திய அரசுத்துறைகளில் குறிப்பிட்ட பணியிடங்களை நிரப்ப மத்திய அரசுப் பணியாளர் தேர்வாணையங்களில் ஒன்றான ஸ்டாப் செலக்சன் கமிஷன், சமீபத்தில் அறிவிப்பு வெளியிட்டு உள்ளது. இந்த அறிவிப்பு மூலம் மத்திய அரசு துறையில் இளநிலை உதவியாளர், அஞ்சலக உதவியாளர் மற்றும் டேட்டா என்ட்ரி ஆபரேட்டர் போன்ற பணியிடங்களுக்கு 3 ஆயிரத்து 259 பேர் தேர்வு செய்யப்படுகிறார்கள். 1-8-2018 தேதியில் 12-ம் வகுப்பு அல்லது அதற்கு இணையான கல்வித்தகுதி பெற்றவர்கள் விண்ணப்பிக்கலாம். இவர்கள் 27 வயதுக்கு உட்பட்டவர்களாக இருக்க வேண்டும். ஓ.பி.சி., எஸ்.சி., எஸ்.டி. பிரிவினர் மற்றும் மாற்றுத் திறனாளிகளுக்கு அரசு விதிகளின்படி வயது வரம்பு தளர்வு அனுமதிக்கப்படுகிறது. எழுத்துத் தேர்வு மூலம் தகுதியானவர்கள் தேர்வு செய்யப்படுவார்கள். இளநிலை உதவியாளர் மற்றும் டேட்டா என்ட்ரி ஆபரேட்டர் பணிகளுக்கு பணித்திறன் தேர்வும் நடத்தப்படுகிறது. விருப்பம் உள்ளவர்கள் இணையதளம் வழியாக விண்ணப்பிக்கலாம், வருகிற 18-12-2017-ந் தேதி வரை விண்ணப்பிக்க அவகாசம் உள்ளது. விண்ணப்பிக்கும்போது ரூ.100 விண்ணப்பக் கட்டணம் செலுத்த வேண்டும். இளையதளம் வழியாகவும், ஸ்டேட் வங்கி வழியாகவும் கட்டணம் செலுத்தலாம். இதற்கான எழுத்துத் தேர்வு வருகிற மார்ச் மாதம் 4 முதல் 26-ந் தேதி வரை நடைபெறுகிறது. விரிவான விவரங்களை www.ssconline.nic.in என்ற இணையதளத்தில் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

தமிழக அரசு துறையில் தோட்டக்கலை உதவி இயக்குனர் மற்றும் தோட்டக்கலை அதிகாரி பணிக்கு விண்ணப்பங்கள் கோரப்பட்டு நீள்ளது.


தமிழக அரசு துறையில் தோட்டக்கலை அதிகாரி பணிகள் | தமிழக அரசு துறையில் தோட்டக்கலை உதவி இயக்குனர் மற்றும் தோட்டக்கலை அதிகாரி பணிக்கு விண்ணப்பங்கள் கோரப்பட்டு நீள்ளது. இது பற்றிய விவரம் வருமாறு:- தமிழக அரசு துறைகளில் ஏற்படும் காலியிடங்களை தமிழக அரசுப் பணியாளர் தேர்வாணையமான டி.என்.பி.எஸ்.சி. நிரப்பி வருகிறது. தற்போது வேளாண் துறையில் தோட்டக்கலை உதவி இயக்குனர் மற்றும் தோட்டக்கலை அதிகாரி பணியிடங்களை நிரப்ப விண்ணப்பம் கோரப்பட்டு உள்ளது. மொத்தம் 130 பேர் தேர்வு செய்யப் படுகிறார்கள். இதில் தோட்டக்கலை அதிகாரி பணிக்கு 30 இடங்களும், தோட்டக்கலை உதவி இயக்குனர் பணிக்கு 100 இடங்களும் உள்ளது குறிப்பிடத்தக்கது. இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்... வயது வரம்பு: விண்ணப்பதாரர்கள் 30 வயதுக்கு உட்பட்டவர்களாக இருக்க வேண்டும். பிஎச்.டி. படித்தவர்கள் 32 வயதுடையவர்களாக இருந்தாலும் விண்ணப்பிக்கலாம். எஸ்.சி., எஸ்.சி.(ஏ.), எஸ்.டி., எம்.பி.சி., டி.சி., பி.சி., பி.சி.எம்., பிரிவினருக்கு உச்ச வயது வரம்பு தடையில்லை. கல்வித்தகுதி: தோட்டக்கலை தொடர்பான இளநிலை, முதுநிலை பட்டப்படிப்பு மற்றும் பிஎச்.டி. படித்தவர்களுக்கு வாய்ப்பு உள்ளது. தோட்டக்கலை அதிகாரிக்கு தோட்டக்கலை பட்டப்படிப்பு படித்திருந்தால் விண்ணப்பிக்கலாம். தேர்வு செய்யும் முறை: எழுத்துத் தேர்வு மற்றும் நேர்காணல் அடிப்படையில் தகுதியானவர்கள் தேர்வு செய்யப்படுகிறார்கள். கட்டணம் : விண்ணப்பதாரர்கள் விண்ணப்ப கட்டணமாக ரூ.150, தேர்வுக் கட்டணமாக ரூ.200 செலுத்த வேண்டும். ஒன்டைம் ரிஜிஸ்ட்ரேசன் முறையில் விண்ணப்பிப்பவர்கள் விண்ணப்பக் கட்டணம் செலுத்த வேண்டியதில்லை. எஸ்.சி., எஸ்.டி. பிரிவினர், மாற்றுத் திறனாளிகள், விதவைகள் தேர்வுக் கட்டணம் செலுத்த வேண்டியதில்லை. விண்ணப்பிக்கும் முறை: விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் : 27-12-2017-ந்தேதியாகும். விண்ணப்பிக்கவும், இது பற்றிய விரிவான விவரங்களை தெரிந்து கொள்ளவும் www.tnpscexams.in என்ற இணையதள பக்கத்தைப் பார்க்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

ராணுவத்தில் நர்சிங் பயிற்சியுடன் பணி பெண்கள் மட்டும் விண்ணப்பிக்கலாம்

ராணுவத்தில் நர்சிங் பயிற்சியுடன் பணி பெண்கள் மட்டும் விண்ணப்பிக்கலாம் | ராணுவத்தில் நர்சிங் பயிற்சியுடன் கூடிய பணிக்கு இளம் பெண்கள் சேர்க்கப்படுகிறார்கள். இது பற்றிய விவரம் வருமாறு:- இந்திய ராணுவம் நாட்டின் பாதுகாப்பு அரணாக விளங்கி வருகிறது. பல்வேறு சிறப்பு பயிற்சிகளின் அடிப் படையில் தகுதியான இளைஞர்கள் ராணுவத்தில் சேர்க்கப்பட்டு பயிற்சிக்குப் பின் பணி நியமனம் செய்யப்பட்டு வருகிறார்கள். தற்போது பிளஸ்-2 படித்த பெண்களை, நர்சிங் பயிற்சி அளித்து ராணுவப் பணியில் அமர்த்திக் கொள்ளும் 'பி.எஸ்சி. நர்சிங் கோர்ஸ்-2018' பயிற்சி சேர்க்கை அறிவிப்பு வெளியாகி உள்ளது. இந்த பயிற்சியில் சேர்பவர்கள், 4 ஆண்டு பி.எஸ்சி நர்சிங் படிப்பதுடன் அதற்கான சான்றிதழ் பெறலாம். அத்துடன், ராணுவ பணி வாய்ப்பையும் பெற முடியும். இந்திய குடியுரிமை பெற்ற திரு மணமாகாத இளம் பெண்கள் மட்டும் இந்த பயிற்சியில் சேரலாம். அவர்கள் பெற்றிருக்க வேண்டிய தகுதி விவரத்தை இனி பார்க்கலாம்... வயது வரம்பு : விண்ணப்பதாரர்கள் 1-10-1993 மற்றும் 30-9-2001-ந் தேதிக்கு இடைப்பட்ட காலத்தில் பிறந்தவர்களாக இருக்க வேண்டும். கல்வித் தகுதி: பிளஸ்-2 படிப்பை முதல் முயற்சியிலேயே தேர்ச்சி பெற்றவர்கள் விண்ணப்பிக்கலாம். இவர்கள் இயற்பியல், வேதியியல், உயிரியியல், பாடங்கள் அடங்கிய பிரிவில் படித்து குறைந்தபட்சம் 50 சதவீத மதிப்பெண்களுடன் தேர்ச்சி பெற்றிருக்க வேண்டும். தேர்வு செய்யும் முறை: விண்ணப்பதாரர்கள் எழுத்துத் தேர்வு, நேர்காணல், உடல் தகுதித் தேர்வு, மருத்துவ பரிசோதனை ஆகியவற்றுக்கு உட்படுத்தப்பட்டு தரவரிசைப் பட்டியல் அடிப்படையில் தகுதியானவர்கள் பயிற்சியில் சேர்த்துக் கொள்ளப்படுவார்கள். அவர்கள் 4 ஆண்டு காலம் நர்சிங் பயிற்சி பெற்ற பின், பணி நியமனம் பெறலாம். விண்ணப்பிக்கும் முறை: விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். குறிப்பிட்ட கட்டணம் செலுத்த வேண்டும். இது பற்றிய விவரங்கள் www.joinindianarmy.nic.in என்ற இணையதளத்தில் வெளியாகி உள்ளது. அதில் விரிவான விவரங்களைப் பார்த்துவிட்டு விண்ணப்பம் சமர்ப்பிக்கலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

இந்திய ரெயில்வே துறையில் 2835 அப்ரண்டிஸ் பயிற்சிப் பணிகள்

இந்திய ரெயில்வே துறையில் 2835 அப்ரண்டிஸ் பயிற்சிப் பணிகள் | இந்திய ரெயில்வே துறையின் பல்வேறு மண்டலங்களிலும் 2835 அப்ரண்டிஸ் பயிற்சிப் பணியிடங்கள் அறிவிக்கப்பட்டுள்ளன. இது பற்றிய விரிவான விவரம் வருமாறு:- இந்தியாவின் மிகப்பெரிய பொதுத்துறை நிறுவனம் இந்திய ரெயில்வே. தற்போது ரெயில்வே துறையின் பல்வேறு மண்டலங்களில் அப்ரண்டிஸ் பயிற்சிப் பணியிடங்கள் அறிவிக்கப்பட்டு உள்ளன. தென்கிழக்கு ரெயில்வே மண்டலத்தில் 1785 பேரும், தென்கிழக்கு மத்திய மண்டலத்தில் 1050 பேரும் தேர்வு செய்யப்படுகிறார்கள். இது தவிர மத்திய மண்டலத்தில் அப்ரண்டிஸ் அல்லாத அலுவலக பணிகளுக்கும் 275 பேர் தேர்வு செய்யப்படுகிறார்கள். சென்னையை தலைமையிடமாகக் கொண்ட தெற்கு மண்டலத்தில் விளையாட்டு ஒதுக்கீட்டின்படி 20 பணியிடங்கள் நிரப்பப்படுகிறது. இவை பற்றிய விவரங்களை அறிவோம்... தென்கிழக்கு மண்டலத்தில் உள்ள 1785 பணியிடங்களில் காரக்பூர் பணிமனைக்கு 360 பேரும், கேரேஜ் பிரிவில் 121 பேரும், என்ஜினீயரிங் ஒர்க்‌ஷாப் பிரிவில் 100 பேரும் தேர்வு செய்யப்படுகிறார்கள். சிக்னல் டெலிகாம் ஒர்க்‌ஷாப், டிராக் மெஷின், டீசல் லோகோ ஷெட், எலக்ட்ரிக் லோகோ ஷெட், கேரேஜ் வேகன் டெப்போ, டி.இ.இ., எஸ்.எஸ்.இ. போன்ற பிரிவில் பணியிடங்கள் உள்ளன. இந்த பணிகளுக்கு 1-1-2018 தேதியில் 24 வயதுக்கு உட்பட்டவர்கள் விண்ணப்பிக்கலாம். அரசு விதிகளின்படி குறிப்பிட்ட பிரிவினருக்கு வயது வரம்பு தளர்வு அனுமதிக்கப்படு கிறது. 10-ம் வகுப்பு, 12-ம் வகுப்பு தேர்ச்சியுடன், ஐ.டி.ஐ. படித்தவர்கள் விண்ணப்பிக்கலாம். விருப்பமும், தகுதியும் உள்ளவர்கள் ரூ.100 கட்டணம் செலுத்தி, இணையதள விண்ணப்பத்தை சமர்ப்பிக்கலாம். 2-1-2018-ந் தேதி வரை இதற்கான விண்ணப்பம் செயல்பாட்டில் இருக்கும். இது பற்றிய விவரங்களை www.ser.indianrailways.gov.in என்ற இணையதளத்தில் பார்க்கலாம். தென்கிழக்கு மத்திய மண்டலத்தில் பிலாஸ்பூர் பிராந்தியத்தில் 432 பேரும், நாக்பூர் பிராந்தியத்தில் 313 பேரும், ராய்ப்பூர் பகுதியில் 305 பேரும் பயிற்சிப் பணிக்கு சேர்க்கப்படுகிறார்கள். மெக்கானிக், ஸ்டெனோகிராபர், எலக்ட்ரீசியன், வயர்மேன், ஷீட் மெட்டல் ஒர்க்கர், வெல்டர், பிளம்பர், மாசன், பெயிண்டர், கார்பெண்டர், பிட்டர், மெஷினிஸ்ட், டர்னர், சர்வேயர் உள்ளிட்ட பிரிவில் பணியிடங்கள் உள்ளன. 10,12-ம் வகுப்பு படித்து, பணியிடங்கள் சார்ந்த பிரிவில் ஐ.டி.ஐ. படித்தவர்கள் விண்ணப்பிக்கலாம். விண்ணப்பதாரர் 24 வயதுடையவர்களாக இருக்க வேண்டும். விருப்பமுள்ளவர்கள் www.secr.indianrailways.gov.in என்ற இணையதளம் வழியாக விரிவான விவரங்களைப் பார்த்துவிட்டு விண்ணப்பம் சமர்ப்பிக்கலாம். விண்ணப்பிக்க கடைசி நாள் 27-12-2017-ந் தேதியாகும். அப்ரண்டிஸ் பயிற்சி அல்லாமல் மும்பையை தலைமை இடமாக கொண்ட மத்திய ரெயில்வே மண்டலத்தில் அலுவலக பணியிடங்களுக்கு விண்ணப்பம் கோரப்பட்டு உள்ளது. ஜூனியர் கிளார்க், டைப்பிஸ்ட் பணிக்கு 150 பேரும், கூட்ஸ் கார்டு பணிக்கு 125 பேரும், தேர்வு செய்யப்படுகிறார்கள். ஜூனியர் கிளார்க் மற்றும் டைப்பிஸ்ட் பணியிடங்களுக்கு 42 வயதுக்கு உட்பட்டவர்கள் விண்ணப்பிக்கலாம். இவர்கள் பிளஸ்-2 படித்திருப்பதுடன், குறிப்பிட்ட வேகத்தில் தட்டச்சு செய்யும் திறன் பெற்றிருக்க வேண்டும். கணினி அடிப்படையிலான தேர்வு, தட்டச்சு திறன் சோதனை, சான்றிதழ் சரிபார்த்தல், மருத்துவ பரிசோதனை ஆகியவற்றின் அடிப்படையில் தகுதியானவர்கள் சேர்க்கப்படுகிறார்கள். விருப்பமுள்ளவர்கள் இந்த பணிகளுக்கு 30-12-2017-ந் தேதிக்குள் விண்ணப்பம் சமர்ப்பிக்க வேண்டும். இதேபோல் கூட்ஸ் கார்டு பணிக்கு பட்டப்படிப்பு படித்த, 42 வயதுக்கு உட்பட்ட விண்ணப்பதாரர்களிடம் இருந்து விண்ணப்பம் கோரப்பட்டு உள்ளது. இவர்கள் www.rrccr.com என்ற இணையதளத்தில் முழுமையான விவரங்களைப் பார்த்துவிட்டு 30-12-2017-ந் தேதிக்குள் விண்ணப்பம் சமர்ப்பிக்கலாம். இதேபோல தெற்கு ரெயில்வேயில் விளையாட்டு ஒதுக்கீட்டின் அடிப்படையில் 20 பேருக்கு பணியிடங்கள் அறிவிக்கப்பட்டு உள்ளது. பிளஸ்-2 மற்றும் பட்டப்படிப்பு படித்து, விளையாட்டில் சாதித்தவர்கள் இந்த வாய்ப்பை பயன்படுத்தி ரெயில்வே பணியைப் பெறலாம். இது பற்றிய விவரங்களை www.rrcmas.in என்ற இணையதள பக்கத்தில் பார்த்துவிட்டு விண்ணப்பிக்கலாம். விண்ணப்பிக்க கடைசி நாள் 18-12-2017-ந் தேதி கடைசி நாளாகும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, December 9, 2017

MARCH 2018-HSC-PRIVATE NOTIFICATION | மார்ச் மாதம் நடைபெற உள்ள பிளஸ் 2 பொதுத்தேர்வுக்கு தனித்தேர்வர் கள் டிசம்பர் 11 முதல் 16-ம் தேதி வரை விண்ணப்பிக்கலாம் என அரசு தேர்வுத்துறை அறிவித்துள்ளது.

பிளஸ் 2 தேர்வுக்கு தனித்தேர்வர்கள் டிச.11 முதல் விண்ணப்பிக்கலாம் அரசு தேர்வுத்துறை அறிவிப்பு | அடுத்த ஆண்டு மார்ச் மாதம் நடைபெற உள்ள பிளஸ் 2 பொதுத்தேர்வுக்கு தனித்தேர்வர் கள் டிசம்பர் 11 முதல் 16-ம் தேதி வரை விண்ணப்பிக்கலாம் என அரசு தேர்வுத்துறை அறிவித்துள்ளது. இதுதொடர்பாக அரசு தேர்வு கள் இயக்குநர் வசுந்தராதேவி நேற்று வெளியிட்ட செய்திக் குறிப்பில் கூறியிருப்பதாவது: 2018-ம் ஆண்டு மார்ச் மாதம் நடைபெறவுள்ள பிளஸ் 2 பொதுத்தேர்வுக்கு விண்ணப்பிக்க விரும்பும் தகுதியான தனித்தேர்வர்களிடம் இருந்து ஆன்லைனில் விண்ணப்பங்கள் வரவேற்கப்படுகின்றன. தனித்தேர்வர்கள் கல்வி மாவட்டங்கள் வாரி யாக அமைக்கப்பட்டுள்ள சேவை மையங்களுக்கு டிசம்பர் 11 முதல் 16 வரை நேரில் சென்று ஆன்லைனில் விண்ணப்பிக்கலாம் (சேவை மையங்களின் பட்டியல் www.dge.tn.gov.in என்ற இணையதளத்தில் வெளியிடப்பட்டுள்ளது). இந்த தேதிகளில் விண்ணப்பிக்க தவறியவர்கள் அபராத கட்டணத்துடன் டிசம்பர் 18 முதல் 20 வரை விண்ணப் பித்துக் கொள்ளலாம். 2016 ஜூன், ஜூலை பருவம் மற்றும் அதற்கு முந்தைய பருவங்களில் எஸ்எஸ்எல்சி முழுமையாக தேர்ச்சிப்பெற்று 2 ஆண்டு கால இடைவெளியை பூர்த்தி செய்த தேர்வர்கள் மட்டுமே அடுத்த ஆண்டு மார்ச் மாதம் நடைபெறும் பிளஸ் 2 பொதுத்தேர்வை நேரடி தனித்தேர்வர்களாக எழுத முடியும். இதுவே, அவர்களுக்கு கடைசி வாய்ப்பு ஆகும். இவ்வாறு அதில் கூறப்பட்டுள்ளது. | DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, December 4, 2017

கவிஞர் மு.முருகேஷ் எழுதிய சிறுவர் இலக்கிய நூலுக்கு ’புதுக்கோட்டை புத்தகத் திருவிழாவில் 'சிறந்த குழந்தை இலக்கிய நூல் விருது' வழங்கப்பட்டது

கவிஞர் மு.முருகேஷ் எழுதிய சிறுவர் இலக்கிய நூலுக்கு 'புதுக்கோட்டை புத்தகத் திருவிழாவில் 'சிறந்த குழந்தை இலக்கிய நூல் விருது' வழங்கப்பட்டது | புதுக்கோட்டையில் நடைபெற்ற இரண்டாம் ஆண்டு புத்தகத் திருவிழாவில் சிறந்த இலக்கிய நூல்களுக்கான புத்தகத் திருவிழா விருதுகள் வழங்கப்பட்டன. புதுக்கோட்டை நகர்மன்றத்தில் அரங்கில் கடந்த சனிக்கிழமை இரவு நடைபெற்ற விழாவில், கவிஞர் மு.முருகேஷ் எழுதிய 'ஒல்லி மல்லி குண்டு கில்லி' எனும் நூல், 2016-ஆம் ஆண்டில் வெளியான சிறந்த குழந்தை இலக்கிய நூலாகத் தேர்வு செய்யப்பட்டு, 'சிறந்த குழந்தை இலக்கிய நூலுக்கான விருது 'ம், ரூ.5,000/- பரிசுத் தொகையும் வழங்கப்பட்டது. இவ்விருது வழங்கும் விழாவிற்கு மவுண்ட் சீயோன் பொறியியல் மற்றும் தொழில்நுட்பக் கல்லூரி இயக்குநர் பேரா.ஜெய்சன் கீர்த்தி ஜெயபாரதன் தலைமை வகித்தார். புதுக்கோட்டை சார் ஆட்சியர் செல்வி கே.எம்.சராயு,இ.ஆ.ப. அவர்கள் விருதினையும் பரிசுத் தொகையினையும் வழங்கிச் சிறப்பித்தார். விழாவில், கவிஞர் மரபின் மைந்தன் முத்தையா, கவிஞர்கள் மனுஷி, தங்கம்மூர்த்தி ஆகியோர் கலந்துகொண்டு சிறப்பித்தனர். புதுக்கோட்டை மாவட்ட புத்தகத் திருவிழாவில் 'சிறந்த குழந்தை இலக்கிய நூலுக்கான.விருது' பெற்ற கவிஞர் மு.முருகேஷ், வந்தவாசி நூலக வாசகர் வட்டத்தின் தலைவராகவும், வந்தை வட்ட கோட்டைத் தமிழ்ச் சங்கத்தின் ஆலோசகராகவும் இருந்து சமூகம், கல்வி மற்றும் இலக்கியப் பணிகளில் தொடர்ந்து ஈடுபட்டு வருகிறார். இதுவரை 37-க்கும் மேற்பட்ட கதை, கவிதை ,கட்டுரை, சிறுவர் இலக்கியம், விமர்சன நூல்களை எழுதியுள்ளார். இவரது படைப்புகள் மலையாளம், ஆங்கிலம், தெலுங்கு, இந்தி ஆகிய மொழிகளில் மொழிபெயர்க்கப்பட்டுள்ளன. இலக்கி ய மாநாடுகளில் உரையாற்றுவதற்காக இலங்கை, சிங்கப்பூர், குவைத் ஆகிய நாடுகளிலுள்ள அமைப்புகளின் அழைப்பின் பேரில் சென்று, உரையாற்றி வந்துள்ளார். கடந்த மாதம் சாகித்திய அகாடெமி, ஆந்திர மாநிலம் விஜயவாடாவில் நடத்திய தேசிய அளவிலான குழந்தை இலக்கிய கருத்தரங்கிலும் பங்கேற்றுள்ளார். இவரது படைப்புகளை இதுவரை 5 கல்லூரி மாணவர்கள் இளமுனைவர் பட்ட ஆய்வும், 2 மாணவர்கள் முனைவர் பட்ட ஆய்வும் செய்துள்ளனர். இவரது கவிதைகள் மதுரை காமராஜர் பல்கலைக் கழக பாடத்திட்டத்திலும், விருது நகர் வன்னியப் பெருமாள் மகளிர் கல்லூரிப் பாடத்திட்டத்திலும், சிவகாசி அய்யநாடார் ஜானகி அம்மாள் கல்லூரி பாடத்திட்டத்திலும் இடம் பெற்றுள்ளன. சிறுவர்களுக்கான 9 கதை நூல்களையும், 5 தொகுப்பு நூல்களையும் எழுதியுள்ள இவர், சமச்சீர் பாடத்திட்டக் குழுவில் இடம்பெற்று, 1-ஆம் வகுப்பு மற்றும் 6-ஆம் வகுப்பு பாட நூல்கள் உருவாக்கத்தில் பங்களிப்பு செய்துள்ளார். 2010- ஆம் ஆண்டு வெளியான இவரது 'குழந்தைகள் சிறுகதைகள்' எனும் நூல், தமிழக அரசின் 'புத்தகப் பூங்கொத்து' எனும் திட்டத்தில் தேர்வாகி, தமிழகத்திலுள்ள 32 ஆயிரம் அரசுப் பள்ளிகளுக்கு வழங்கப்பட்டுள்ளது குறிப்பிடத்தக்கது. படக்குறிப்பு : புதுக்கோட்டையில் நடைபெற்ற புத்தகத் திருவிழாவில் 2016-ஆம் ஆண்டில் வெளியான 'சிறந்த குழந்தை இலக்கிய நூலுக்கான விருதினை' கவிஞர் மு.முருகேஷூக்கு புதுக்கோட்டை மாவட்ட சார் ஆட்சியர் கே.எம்.சராயு வழங்கியபோது எடுத்த படம். அருகில், மவுண்ட் சீயோன் பொறியியல் மற்றும் தொழில்நுட்பக் கல்லூரி இயக்குநர் பேரா.ஜெய்சன் கீர்த்தி ஜெயபாரதன், கவிஞர்கள் மரபின் மைந்தன் முத்தையா, தங்கம் மூர்த்தி, மனுஷி ஆகியோர் உள்ளனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளி மாணவர்களுக்கு சிறப்பு பேருந்துகளை இயக்க தமிழக அரசுக்கு உயர்நீதிமன்றம் உத்தரவு

பள்ளி மாணவர்களுக்கு சிறப்பு பேருந்துகளை இயக்க தமிழக அரசுக்கு உயர்நீதிமன்றம் உத்தரவு | பள்ளி மாணவர்களுக்கு சிறப்பு பேருந்துகளை இயக்க தமிழக அரசுக்கு உயர்நீதிமன்றம் உத்தரவிட்டுள்ளது. மாணவர்களுக்கு தனியாக வழித்தடம் உருவாக்கி பேருந்துகளை இயக்க வேண்டும் என்றும் நீதிமன்றம் தெரிவித்துள்ளது. படிக்கட்டில் தொங்கியபடி மாணவர்கள் பயணம் செய்வதை தவிர்க்க நடவடிக்கை எடுக்க வேண்டும் என்று உயர்நீதிமன்றம் தெரிவித்துள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

WhatsApp Restricted Groups Feature Spotted in Beta, Lets Admins Place Limits on Posting

WhatsApp Restricted Groups Feature Spotted in Beta, Lets Admins Place Limits on Posting | Facebook-owned WhatsApp is likely to give group administrators more powers where they will be able to restrict all other members from sending text messages, photographs, videos, GIFs, documents, or voice messages in case the admin thinks so. According to WABetaInfo, a fan site that tests new WhatsApp features early, the popular mobile messaging platform has submitted the "Restricted Groups" setting via Google Play Beta Programme in version 2.17.430. The "Restricted Groups" setting can only be activated by group administrators. Administrators can keep sharing media and chatting as normal as they restrict other members. Once restricted, other members will have to settle with only reading messages, and will not be able to respond. They will have to use the Message Admin button to post a message or share media to the group. The message will need to be approved by the administrator before going through to the rest of the group. "A group can be restricted once every 72 hours but thanks to the 2.17.430 beta, we discovered that WhatsApp will be finally able to change this value from the server," the website said. The Restricted Groups feature, currently disabled by default, can be expected to be made available via a stable version release in the near future. In October, reports said administrators on WhatsApp groups will soon be able to choose if other participants can modify the subject of the group, its icon, and its description. WhatsApp has rolled out "delete messages for everyone" feature that lets users revoke messages in case they sent those to a wrong person or a group. With over 1.2 billion monthly active users, WhatsApp is available in more than 50 different languages around the world and in 10 Indian languages. | வாட்ஸ் அப் புது அப்டேட்: பிற குழு உறுப்பினர்கள் செய்தி பகிர்வதில் கட்டுப்பாடு வாட்ஸ் அப் குரூப் அட்மின்கள் தங்கள் வாட்ஸ் அப் குழுவில், பிற வாட்ஸ் அப் உறுப்பினர்கள் புகைப்படங்கள், செய்திகள் பகிர்வதை கட்டுப்படுத்தும் வகையில் புதிய மாற்றம் ஒன்றை வாட்ஸ் அப் ஏற்படுத்தியிருக்கிறது. restricted group என்ற இந்த மாற்றத்தின் மூலம் வாட்ஸ் அப் குழுவின் தலைவராக செயல்படுபவர், தங்கள் குழுவில் யார் செய்தி பகிரவேண்டும், என்ன மாதிரியான செய்தி பகிர வேண்டும் என்பதை முடிவு செய்ய முடியும். சமீபத்தில் தான் வாட்ஸ் அப், நாம் ஒருவருக்கு தவறாக செய்தி அனுப்பியிருந்தால், அதை அவர் பார்க்கும் முன் டெலிட் செய்து கொள்ளும் வசதியை அறிமுகப்படுத்தியிருந்தது. வாட்ஸ் அப் சமூக வலைதளமானது, 50 க்கும் மேற்பட்ட மொழிகளில் தனது சேவையை வழங்கிவருகிறது. இதில் 10 இந்திய மொழிகளும் அடங்கும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

FIND TEACHER POST | தமிழகத்தில் உள்ள தனியார் பள்ளிகளின் தற்போதைய காலிபணியிடங்கள் வெளியிடப்பட்டுள்ளது.



FIND TEACHER POST | தமிழகத்தில் உள்ள தனியார் பள்ளிகளின் தற்போதைய காலிபணியிடங்கள் வெளியிடப்பட்டுள்ளது. வேலை தேடும் ஆசிரிய பட்டதாரியா நீங்கள்? உங்கள் திறமைக்கு தகுந்த வேலை வேண்டுமா? அரசு உதவி பெரும் பள்ளிகளின் காலிபணியிடங்கள் பற்றிய விவரங்கள் வேண்டுமா? ஆசிரிய படிப்பு முடித்தவரா நீங்கள்? அனைத்து கேள்விகளுக்கும் ஒரே தீர்வு FIND TEACHER POST (WWW.FINDTEACHERPOST.COM) ல் உங்களை பதிவு செய்து கொள்ளுங்கள். முற்றிலும் இலவசமான பட்டதாரி ஆசிரியர்களுக்கென்றே தனியாக உருவாக்கப்பட்ட www.findteacherpost.com தனியார் பள்ளிகளின் காலிபணியிடங்கள் பற்றிய விவரங்களை ஒவ்வொரு மாதமும் பதிவு செய்துள்ள ஆசிரிய பட்டதாரிகளுக்கு மின்னஞ்சல் மூலமாக அனுப்பி வருகிறது. | DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, December 2, 2017

பதின்பருவத் தற்கொலைகள்: தடுக்க என்ன வழி? | ஜி.ராமானுஜம்

பதின்பருவத் தற்கொலைகள்: தடுக்க என்ன வழி? | ஜி.ராமானுஜம் | பள்ளி மாணவன் தற்கொலை, மாணவிகள் கூட்டாகத் தற்கொலை போன்ற செய்திகள் சமீபத்தில் பெரும் அதிர்வலைகளை எழுப்பியிருக்கின்றன. தற்கொலைகள் அதிகரிப்பதற்கு இதுதான் காரணம் என ஒரே ஒரு விஷயத்தை மட்டும் சுட்டிக்காட்ட முடியாது. எல்லா தற்கொலைகளும் ஒன்றுபோலவே நடைபெறுவதில்லை. மனிதர்கள் ஒரு சமூக விலங்குகள். மனிதர்களின் அகமும் சமூகம் என்னும் புறமும் கொண்டுள்ள உறவுகளில் ஏற்படும் சிக்கல்கள் கைமீறும் நிலையில், மனது தற்கொலைக்கு முடிவெடுக்கிறது. சில தற்கொலைகளில் அகக் காரணிகளின் பங்கு அதிகமாக இருக்கும். தீவிர மனநோய்கள், குறிப்பாக மூளையில் ஏற்படும் ரசாயனக் குறைபாடுகளால் வரும் மனநோய்களால் நிகழலாம். உதாரணமாக, மனச்சிதைவு நோயில் சிலருக்குக் காதினில் யாரோ இறந்துபோகக் கட்டளையிடுவதுபோல் தோன்றும். சில தற்கொலைகளில் புறக் காரணிகளின் பங்கு அதிகமாக இருக்கும். உதாரணமாக, விவசாயம் பொய்த்துப் போவதால் விவசாயிகள் தற்கொலை செய்துகொள்வது. சமீபகாலத்தில் அதிகரிக்கும் பதின்மவயது மாணவத் தற்கொலைகளில் அக மற்றும் புறக் காரணி கள் பின்னிப் பிணைந்திருப்பதை உணர முடிகிறது. மாணவர்களின் மனநிலையைத் தாண்டி, பெற்றோர்கள், ஆசிரியர்கள், சமூகம், கல்வி முறை, ஊடகங்கள் எனப் பல பரிமாணங்களும் கோணங்களும் உள்ள பிரச்சினை இது. தற்போதைய இளம் தலைமுறையினரிடம் சில ஆளுமைக் கோளாறுகள் இருக்கவே செய்கின்றன. குறிப்பாக, ஈகோ எனப்படும் தன்னைப் பற்றிய முனைப்பு அதிகமாகவே காணப்படுகிறது என்பதைப் பதிவுசெய்ய வேண்டியிருக்கிறது. கூட்டுக் குடும்பங்களில் வேறு பல பிரச்சினைகள் இருந்தாலும் குழந்தைகளைப் பொறுத்தவரை பகிர்ந்துகொள்ளல் இருந்தது. பொருட்களை மட்டுமல்ல உணர்வுகளையும் பகிர்ந்துகொள்ள கூட்டுக் கும்பத்தில் வழியிருந்தது. இப்போது பலரும் ஒரு குழந்தையுடன் நிறுத்திவிடுவதால் குழந்தைகளுக்குக் கிடைக்கும் கவனம் அதிகமாகி ஈகோ பெரிதாக வளர்கிறது. தன்னையும் தனது தேவைகளையும் பூர்த்திசெய்யவே எல்லோரும் உள்ளனர் என்ற குறுகிய பார்வை தோன்றுகிறது. அதனால், தன்னை யாரும் ஒன்றுமே சொல்லிவிடக் கூடாது என்ற எண்ணம் வளர்கிறது. முகம்திரிந்து நோக்கினால்கூட வாடிவிடும் அனிச்சமலர் போல் ஒரு சுடு சொல்கூட அவர்களை வாடச்செய்துவிடுகிறது. மேலும், கல்வி முறையால் ஏற்பட்டிருக்கும் சுமையை இறக்குவதற்கும் இறுக்கத்தைக் குறைப்பதற்கும் எந்தவித ஆக்கபூர்வமான பொழுதுபோக்குகளும் குறைவு. மன அழுத்தத்தைக் குறைக்கும் உடற்பயிற்சி, விளையாட்டுகள் போன்றவை அறவே இல்லை என்றே சொல்லலாம். குறிப்பாக, பெண் குழந்தைகள் நிலைமை இன்னும் மோசம். வெளியே சென்று விளையாடுவதற்குப் பெற்றோர்கள் அனுமதிப்பது இல்லை என்பது மிக முக்கியமான பிரச்சினை. சமீபத்தில் மாணவியரே அதிகம் தற்கொலை செய்துகொண்டதை இதனுடன் தொடர்புபடுத்திப் பார்க்க வேண்டும். அவர்களைப் பொறுத்தவரை விளையாட்டு என்பது 'ஆங்க்ரி பேர்ட்ஸ்', 'கேண்டி கிரஷ்' போன்ற செல்பேசி விளையாட்டுகள்தான். தனியார்மயம், உலகமயமாக்கலால் போட்டிமய மான சூழலில் பெற்றோர்கள் மிகையான எதிர்பார்ப்பு களை வைத்துக்கொண்டு மன அழுத்தத்துக்கு ஆளாவதுடன், குழந்தைகளிடமும் அழுத்தத்தை உருவாக்கிவிடுகிறார்கள். பிற மாணவர்களுடன் ஒப்பிட்டு விமர்சிப்பதும் அதிகம் நடக்கிறது. குழந்தைகள் தனித்தன்மை கொண்ட ஆளுமைகள் என்று பார்ப்பதில்லை. குழந்தைகளின் தனித்தன்மை மிளிரும் வகையில் நேர்மை, துணிச்சல், பொறுமை, பொறுப்புணர்வு, விடாமுயற்சி போன்ற ஆளுமைப் பண்புகளை வளர்ப்பதற்கு வழிகாட்டியாகவும் முன்மாதிரியாகவும் இருப்பது பெற்றோரின் கடமை. இந்தப் பண்புகள் குழந்தைகளின் எதிர்காலத்தைக் கட்டமைப்பதில் பெரிய அளவில் உதவும். உங்கள் குழந்தைகளுக்குச் சில விஷயங்களில் திறமை இருக்கலாம். ஆனால், ஆர்வம் இருக்க வேண்டும். ஆர்வமும் திறமையும் உழைப்பும் சேர்ந்தாலே முழுமையானதாக இருக்கும். உடற்பயிற்சி, விளையாட்டுக்களுக்கு முக்கியத்துவம் கொடுக்க வேண்டும். தேர்வுகள் நடக்கும்போது நாள் முழுவதும் படித்துக்கொண்டேயிருக்க வேண்டும் என்று அழுத்தம் கொடுக்கக் கூடாது. முன்பெல்லாம் 'கண்ணை மட்டும் விட்டுவிட்டு எல்லா இடத்திலேயும் அடிங்க சார்!' எனப் பெற்றோர் கள் ஆசிரியர்களிடம் கூறுவார்கள். அது போன்ற உடல்ரீதியான துன்புறுத்தலை அறிவுள்ள யாரும் ஆதரிக்க மாட்டார்கள். அதேசமயம், கொஞ்சம் கடுமையான சொற்களைக்கூடத் தாங்கிக்கொள்ளாமல் போகும் அளவுக்குக் குழந்தைகளை உருவாக்காதீர்கள். சுடுசொற்களை, ஏமாற்றத்தை, வலிகளைத் தாங்கிக்கொள்ள குழந்தைகளைத் தயார் செய்வது பெற்றோர்களின் கடமை. வெற்றி அடையக் கற்றுக் கொடுப்பது முக்கியம்தான் என்றாலும், தோல்விகளை எதிர்கொண்டு முன்னேறி வரவும் கற்றுத்தர வேண்டும். தவறுகளை யாரேனும் சுட்டிக்காட்டினால் உணர்ச்சிவசப்படாமல் ஒப்புக்கொள்ளக் குழந்தைகளுக்குக் கற்றுத் தரவேண்டும். யாரேனும் சீண்டினால் பயந்துபோகாமல் போராடக் கற்றுக்கொடுக்க வேண்டும். குழந்தைகளின் எதிர்காலத்தை நிர்ணயிக்கும் மிகப் பெரிய பொறுப்பு ஆசிரியர்களுக்கு உண்டு. பள்ளிக்கூடம் என்பது மதிப்பெண்கள் எடுக்கக்கூடியவர்களை உற்பத்திசெய்யும் தொழிற்சாலைகள் அல்ல. விளையாட்டுப் பாட வகுப்புகளில் பிற பாடங்களை நடத்துவது தவிர்க்கப்பட வேண்டும். ஒவ்வொரு குழந்தைக்கும் ஒவ்வொரு வகையான திறமையும் வேகமும் இருக்கும். ஒரே வயது என்ற ஒரே அடிப்படை யில் வகுப்பில் இருக்கும் எல்லாக் குழந்தைகளும் ஒரே மாதிரி இருப்பார்கள் என்று கருதுவது தவறு. மூளை வளர்ச்சிக் குறைபாடு, அதீத துறுதுறுப்பு (ஹைப்பர் ஆக்டிவிட்டி) , கற்றல் குறைபாடு (டிஸ்லெக்சியா), ஆட்டிசம் என்று குழந்தைகளிடம் காணப்படும் பாதிப்புகளைப் பற்றி பெரும்பாலான ஆசிரியர்கள் அறிந்திருப்பதில்லை. இந்தக் குழந்தைகளையும் மற்ற குழந்தைகள்போல் மதிப்பெண் இயந்திரமாக மாற்ற நினைப்பது தவறு. மேலும், இக்காலப் பதின்வயதினர் எளிதில் உணர்ச்சிவசப்படுபவர்களாக இருப்பதால், தவறுகளைச் சுட்டிக்காட்டும்போது மிகுந்த கவனம் தேவை. புண்படுத்தாத வார்த்தைகளைப் பயன்படுத்துவது, குழந்தைகளிடம் ஆக்கபூர்வமான மாற்றத்தை ஏற்படுத்தும். தவறான செயலை மட்டும் கண்டிக்க வேண்டும். தற்கொலைகள் தொடர்பான செய்திகளைக் கையாள்வதில் ஊடகங்களுக்குப் பெரிய பங்குள்ளது. ஒரு நிகழ்வின் பின்புலம், நிகழ்ந்ததாகச் சொல்லப்படும் குற்றங்களின் நம்பகத்தன்மை, நாம் கொடுக்கும் காட்சி, செய்திகளின் தாக்கங்கள் என்னவென்னவாக இருக்கும் என்றெல்லாம் பொறுப்புணர்வோடு ஊடகங் கள் இருக்க வேண்டும். இதுபோன்ற சம்பவங்கள் மீண்டும் நடக்காமல் இருக்க ஆக்கபூர்வமான வழிமுறைகளை ஆராய வேண்டும். பரபரப்புக்காக மிகைப்படுத்தப்படும் செய்திகள் சமூகத்தில் எதிர்மறையான விளைவுகளை ஏற்படுத்துவதைக் கணக்கில்கொள்ள வேண்டும். குழந்தைகள்தான் எதிர்காலத்தில் உலகின் போக்கைத் தீர்மானிப்பவர்கள் என்பதை அனைத்துத் தரப்பினரும் உணர்ந்துகொண்டால் இதுபோன்ற பிரச்சினைகளைப் பெருமளவில் குறைக்கலாம்! - ஜி.ராமானுஜம், மனநலத் துறைப் பேராசிரியர், தொடர்புக்கு: ramsych2@gmail.com
விரிவாக படிக்க இங்கே கிளிக் செய்யுங்கள் | READ MORE | CLICK HERE

Thursday, November 30, 2017

தேசிய திறனாய்வுத் தேர்வு, நவம்பர் 2017 (NTSE) தற்காலிக விடைக்குறிப்பு 01.12.2017 அன்று வெளியிடப்படுகிறது.

தேசிய திறனாய்வுத் தேர்வு, நவம்பர் 2017 (NTSE) | செய்திக் குறிப்பு | 18.11.2017 அன்று நடைபெற்று முடிந்த நவம்பர் 2017 தேசிய திறனாய்வுத் தேர்வு (NTSE) சம்பந்தமான தற்காலிக விடைக்குறியீடு (Tentative Key Answer) அரசுத் தேர்வுகள் இயக்கக இணையதள முகவரியான www.dge.tn.gov.in என்ற இணையதள முகவரியில் 01.12.2017 அன்று வெளியிடப்படுகிறது. மாணவர்கள் மற்றும் பெற்றோர்கள் இவ்விடைக்குறியீடு சார்பாக மாற்றுக் கருத்துகள் ஏதேனும் இருப்பின் அவற்றை 04.12.2017-க்குள் directordge.tn@nic.in என்ற மின்னஞ்சல் முகவரிக்கு தெரிவிக்கலாம் என அறிவிக்கப்படுகிறது. | DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

பழைய ஓய்வூதிய திட்டத்தை நடைமுறைப்படுத்த முடியுமா? வல்லுநர் குழு அறிக்கை சமர்ப்பிக்க காலக்கெடு இன்றுடன் (30.11.2017) முடிகிறது

பழைய ஓய்வூதிய திட்டத்தை நடைமுறைப்படுத்த முடியுமா? வல்லுநர் குழு அறிக்கை சமர்ப்பிக்க காலக்கெடு இன்றுடன் (30.11.2017) முடிகிறது | அரசு ஊழியர்களுக்கு பழைய ஓய்வூதிய திட்டத்தை நடை முறைப்படுத்துவது தொடர்பான சாத்தியக் கூறுகளை ஆராய புதிதாக அமைக்கப்பட்ட ஓய்வுபெற்ற ஐஏஎஸ் அதிகாரி டி.எஸ்.ஸ்ரீதர் தலைமையிலான வல்லுநர் குழு தனது அறிக்கையை சமர்ப்பிப்பதற்கான காலக்கெடு இன்று (30-ம் தேதி) முடிவடைகிறது. தமிழகத்தில் 1.4.2003 அன்று மற்றும் அதற்குப் பின்னர் பணியில் சேர்ந்த அரசு ஊழியர்களுக்கும் அரசு பள்ளி ஆசிரியர்களுக்கும் புதிய பென்சன் திட்டம் நடைமுறைப்படுத்தப்பட்டு வருகிறது. இத்திட்டத்தில், ஓய்வூதியம் எவ்வளவு கிடைக்கும் என்ற உத்தரவாதம் இல்லாததால் அரசு ஊழியர்கள் தொடர்ந்து புதிய பென்சன் திட்டத்தை எதிர்த்து வருகிறார்கள். அவ்வப்போது ஆர்ப்பாட்டம், உண்ணாவிரதம் என பல்வேறு வழிகளில் போராட்டமும் நடத்தி வருகிறார்கள். இந்த நிலையில், அரசு ஊழியர்களுக்கு பழைய ஓய்வூதிய திட்டத்தை தொடர்வதற்கான சாத்தியக்கூறுகள் பற்றி ஆராய ஓய்வுபெற்ற ஐஏஎஸ் அதிகாரி சாந்தா ஷீலா நாயர் தலைமையில் கடந்த 2016-ம் ஆண்டு பிப்ரவரி மாதம் 26-ம் தேதி அப்போதைய முதல்வர் ஜெயலலிதா ஒரு வல்லுநர் குழுவை அமைத்தார். இந்தக் குழு அரசு ஊழியர் மற்றும் ஆசிரியர் சங்கங்களின் பிரதிநிதிகளைப் பல்வேறு கட்டங்களாக அழைத்து அவர்களின் கருத்துகளைக் கேட்டறிந்து வந்தது. அறிக்கையை சமர்ப்பிப்பதற்கான காலக்கெடு முடிவடையும் தறுவாயில் அக்குழு 3 தடவை நீட்டிக்கப்பட்டது. இந்த சூழலில் வல்லுநர் குழுவின் தலைவரான சாந்தா ஷீலா நாயர் தனது பதவியை ராஜினாமா செய்ததை தொடர்ந்து, அந்த பணிகளைத் தொடர்ந்து மேற்கொள்ள ஓய்வுபெற்ற ஐஏஎஸ் அதிகாரியான டி.எஸ்.ஸ்ரீதர் தலைமையில் கடந்த ஆகஸ்ட் மாதம் 3-ம் தேதி முதல்வர் கே.பழனிசாமி ஒரு குழுவை அமைத்தார். அந்த குழு நவம்பர் இறுதிக்குள் தனது அறிக்கையை சமர்ப்பிக்கும் என தமிழக அரசு ஆணையிட்டது. இதற்கிடையே, ஜாக்டோ-ஜியோ கூட்டமைப்பினர் அண்மையில் காலவரையற்ற வேலைநிறுத்தப் போராட்டத்தில் ஈடுபட்டபோது தங்களின் முக்கிய கோரிக்கை யாக பழைய ஓய்வூதிய திட்டத்தை முன்வைத்தனர். அப் போது அந்த அமைப்பின் நிர்வாகிகளுடன் பேசிய முதல்வர் கே.பழனிசாமி, வல்லுநர் குழு தனது அறிக்கையை நவம்பர் இறுதிக்குள் அரசிடம் சமர்ப்பித்துவிடும். அந்த அறிக்கையின் பேரில் இந்த விஷயத்தில் முடிவெடுப்பதாக நிர்வாகிகளிடம் உறுதியளித்தார். அந்த உறுதிமொழியை தொடர்ந்து, ஜாக்டோ-ஜியோ கூட்டமைப்பில் ஒருபிரிவினர் தங்களின் காலவரையற்ற வேலைநிறுத்தப் போராட்டத்தை கைவிட்டு பணிக்கு திரும்பினர். இந்த நிலையில், தமிழக அரசு ஏற்கெனவே அறிவித்தபடி, வல்லுநர் குழு அறிக்கையை சமர்ப்பிப்பதற்கான கடைசி நாள் இன்று (நவம்பர் 30) முடிவடை கிறது. டி.எஸ்.ஸ்ரீதர் தலைமையிலான வல்லுநர் குழு இதுவரையில் அரசு ஊழியர், ஆசிரியர் சங்கங்களின் நிர்வாகிகளை அழைத்துப் பேசவில்லை என்று சங்கங்களின் நிர்வாகிகள் குற்றம் சாட்டினர். வல்லுநர் குழு தனது அறிக்கையை காலக்கெடுவுக்குள் சமர்ப்பிக்குமா? அல்லது அந்த குழுவுக்கு மேலும் காலஅவகாசம் அளிக்கப்படுமா? என்பது இன்று தெரியும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, November 29, 2017

ESLC 2018 | சிறப்பு அனுமதி திட்டத்தின் கீழ் விண்ணப்பிக்க இன்றே (29.11.2017) கடைசி நாள்.கூடுதலாக ரூ.500/- செலுத்தி விண்ணப்பிக்கலாம். 8-வது வகுப்பு தனித்தேர்வர்களுக்கு தேர்வு கால அட்டவணை


சிறப்பு அனுமதி திட்டத்தின் கீழ் விண்ணப்பிக்க இன்றே (29.11.2017) கடைசி நாள்.கூடுதலாக ரூ.500/- செலுத்தி விண்ணப்பிக்கலாம். 8-வது வகுப்பு தனித்தேர்வர்களுக்கு தேர்வு கால அட்டவணை | 2018-ம் ஆண்டுக்கான 8-வது வகுப்பு தனித்தேர்வர்களுக்கு பொதுத்தேர்வு வருகிற ஜனவரி மாதம் நடத்தப்படுகிறது. தேர்வுக்கால அட்டவணை வருமாறு:- ஜனவரி 29-ந்தேதி -தமிழ், 30-ந்தேதி - ஆங்கிலம், 31-ந்தேதி -கணிதம், பிப்ரவரி மாதம் 1-ந்தேதி -அறிவியல், 2-ந்தேதி -சமூக அறிவியல். தேர்வுகள் அனைத்தும் காலை 10 மணிக்கு தொடங்கி பகல் 12 மணிக்கு முடிவடையும். தேர்வு அட்டவணையை www.dge.tn.gov.in என்ற இணையதளத்தில் பார்த்துக்கொள்ளலாம். இந்த தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார். | ESLC - JANUARY 2018 - EXAMINATION TIME TABLE DOWNLOAD | ESLC JANUARY 2018 - PRIVATE CANDIDATE INSTRUCTIONS DOWNLOAD | ESLC JANUARY 2018 - APPLICATION NODAL CENTRE DETAILS DOWNLOAD |
விரிவாக படிக்க இங்கே கிளிக் செய்யுங்கள் | READ MORE | CLICK HERE

தற்காலிக அடிப்படையில் தேர்வு செய்த அரசு மருத்துவர்களை உதவி பேராசிரியர்களாக நியமிப்பதை எதிர்த்து வழக்கு சுகாதாரத்துறை முதன்மை செயலாளர் பதில் அளிக்க ஐகோர்ட்டு உத்தரவு

தற்காலிக அடிப்படையில் தேர்வு செய்த அரசு மருத்துவர்களை உதவி பேராசிரியர்களாக நியமிப்பதை எதிர்த்து வழக்கு சுகாதாரத்துறை முதன்மை செயலாளர் பதில் அளிக்க ஐகோர்ட்டு உத்தரவு | தற்காலிக அடிப்படையில் தேர்வு செய்த அரசு மருத்துவர்களை உதவி பேராசிரியர்களாக நியமிப்பதை எதிர்த்து தொடர்ந்த வழக்கில் தமிழக சுகாதாரத்துறை முதன்மை செயலாளர் பதில் அளிக்க சென்னை ஐகோர்ட்டு உத்தரவிட்டுள்ளது. தமிழ்நாடு அரசு பணியாளர் தேர்வாணையம் மூலம் உதவி அறுவை சிகிச்சை மருத்துவர்களாக தேர்வு செய்யப்பட்டு அரசு மருத்துவமனைகளில் பணியில் இருந்து வரும் டாக்டர் சுதாகர் உள்பட பலர் சென்னை ஐகோர்ட்டில் தாக்கல் செய்த மனுவில் கூறி இருந்ததாவது:- நாங்கள் பணியில் இருந்து கொண்டே நுழைவுத்தேர்வு எழுதி முதுகலை மருத்துவ படிப்பு படித்து வருகிறோம். வருகிற மே மாதம் படிப்பு நிறைவடைகிறது. எங்களுக்கு மருத்துவக்கல்வி இயக்குனரகத்தின் கீழ் மூத்த நிலைய மருத்துவ அதிகாரியாகவோ அல்லது உதவி பேராசிரியராக பணியாற்ற அனைத்து தகுதியும் உள்ளது. இந்தநிலையில் மருத்துவ தேர்வு வாரியம், தற்காலிக அடிப்படையில் பணியாற்ற நேர்முகத்தேர்வு மூலம் தேர்வு செய்யப்பட்ட 550 உதவி அறுவை சிகிச்சை மருத்துவர்களை(சிறப்பு பிரிவு) உதவி பேராசிரியர்களாக நியமிக்க நடவடிக்கை மேற்கொண்டு வருகிறது. பல ஆண்டுகளுக்கு முன்பே அரசு ஆரம்ப சுகாதார நிலையங்களில் பணியில் சேர்ந்த நாங்கள், தற்போது பணிபுரிந்து கொண்டே முதுகலை மருத்துவ படிப்பை மேற்கொண்டு வருகிறோம். எங்களை உதவி பேராசிரியர்களாக நியமிக்காமல், தற்காலிகமாக நியமிக்கப்பட்ட 550 உதவி அறுவை சிகிச்சை மருத்துவர்களை(சிறப்பு பிரிவு) உதவி பேராசிரியர்களாக நியமிப்பதன் மூலம் எங்களது வாய்ப்பு மறுக்கப்படுகிறது. உதவி அறுவை சிகிச்சை மருத்துவர்(சிறப்பு பிரிவு) என்ற பதவி மாநில விதிகளிலோ அல்லது இந்திய மருத்துவ கவுன்சில் விதிகளிலோ இல்லை. சிறப்பு பிரிவில் பணியாற்ற நியமிக்கப்பட்ட உதவி அறுவை சிகிச்சை மருத்துவர்களை மருத்துவக்கல்லூரிகளில் நேரடியாக உதவி பேராசிரியர்களாக நியமிக்க முடியாது. இதுபோன்று நியமிப்பது பணி எனவே, முதுகலை மருத்துவ படிப்பை முடித்து அரசு ஆரம்ப சுகாதார நிலையங்களில் அரசு மருத்துவர்களாக பணியாற்றி தற்போது அரசு மருத்துவமனைகளில் பணியாற்றி வரும் எங்களை உதவி பேராசிரியர்களாக நியமிக்க உத்தரவிட வேண்டும். இவ்வாறு அதில் கூறப்பட்டுள்ளது. இந்த மனு நீதிபதி டி.ராஜா முன்னிலையில் விசாரணைக்கு வந்தது. அப்போது நீதிபதி, தற்காலிக அடிப்படையில் தேர்வு செய்யப்பட்ட உதவி அறுவை சிகிச்சை மருத்துவர்களை(சிறப்பு பிரிவு) எப்படி நேரடியாக உதவி பேராசிரியர்களாக நியமிக்க முடியும் என்று கேள்வி எழுப்பினார். இதன்பின்பு, இந்த வழக்கு சம்பந்தமாக தமிழக சுகாதாரத்துறை முதன்மை செயலாளர், மருத்துவ தேர்வு வாரியம் ஆகியோர் பதில் அளிக்க உத்தரவிட்டார். பின்னர் விசாரணையை வருகிற 4-ந் தேதிக்கு நீதிபதி தள்ளிவைத்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

‘1098’ என்ற இலவச தொலைபேசி எண் அறிவிப்பு: மாணவ-மாணவிகளின் தற்கொலை எண்ணத்தை போக்க புதிய முயற்சி குழந்தைகள் உரிமை பாதுகாப்பு ஆணைய தலைவர் தகவல்

'1098' என்ற இலவச தொலைபேசி எண் அறிவிப்பு: மாணவ-மாணவிகளின் தற்கொலை எண்ணத்தை போக்க புதிய முயற்சி குழந்தைகள் உரிமை பாதுகாப்பு ஆணைய தலைவர் தகவல் | வேலூர் மாவட்டம் பணப்பாக்கத்தில் உள்ள அரசு பள்ளியில் 11-ம் வகுப்பு படித்து வந்த 4 மாணவிகள் சமீபத்தில் கிணற்றில் குதித்து தற்கொலை செய்துகொண்டனர். அந்தப் பள்ளியின் தலைமை ஆசிரியர், வகுப்பு ஆசிரியர் மீது நடவடிக்கை எடுக்கப்பட்டதைத் தொடர்ந்து, இந்த விவகாரம் ஏற்படுத்திய பரபரப்பு அடங்கிவிட்டது. ஆனால் மாணவ-மாணவிகள் தற்கொலைக்கு ஒரு நிரந்தரத் தீர்வை கண்டாக வேண்டும் என்ற முழு உத்வேகத்தில் குழந்தைகள் உரிமை பாதுகாப்பு ஆணையம் புதிய முயற்சியில் ஈடுபட்டு வருகிறது. இதற்கான திட்டங்களை வகுப்பதில் இந்த ஆணையத்தின் தலைவர் எம்.பி.நிர்மலா தீவிரமாக ஈடுபட்டு வருகிறார். இது குறித்து அவர் கூறியதாவது:- பள்ளி, கல்லூரி மாணவப் பருவத்தில் ஏதோ ஒரு வகையில் அவமானம் அடைந்தாலும் அதைத் தாங்கிக்கொள்ளும் மனப்பக்குவம் மாணவர்களுக்கு இருப்பதில்லை. பெற்றோர் திட்டுவதைக்கூட அவமானமாகக் கருதி பிள்ளைகள் தற்கொலை செய்வதுண்டு. மற்றவர்கள் முன்னால் கண்டிக்கப்படுவதைத்தான் பெரும்பாலான குழந்தைகளால் தாங்கிக்கொள்ள முடிவதில்லை. தவறு செய்யும் குழந்தையை பெற்றோரோ அல்லது ஆசிரியர்களோ, தனியாக அழைத்து கண்டித்தால் அவர்களுக்கு அவமான உணர்ச்சி, தற்கொலை செய்யும் அளவுக்கு எழாது. மேலும் அவர்களை கண்டிக்கும் வார்த்தைகளிலும் ஆசிரியர், பெற்றோர் கவனம் செலுத்த வேண்டும். மாணவ, மாணவிகள் செய்த தவறுக்கு ஏற்ற வார்த்தைகளை மட்டும் பயன்படுத்தி கண்டித்துவிட்டு, இறுதியில் அவர்களை சமாதானம் செய்து சிரித்து அனுப்பவேண்டும். நல்ல படிப்பும், அதிக மதிப்பெண்ணும் மட்டுமே குழந்தைகளின் எதிர்காலம் இல்லை. நன்றாகப் படித்தால் மட்டும்தான் வாழ்க்கையில் முன்னேற முடியும் என்பதெல்லாம் நிச்சயம் இல்லை. படிக்காத எத்தனையோ பேர் படித்தவர்களைவிட முன்னேறிச் சென்றுள்ளனர். படிக்காமலேயே உயர்ந்த இடத்துக்கு சென்றவர்களுக்கான உதாரணங்களும் போதும் போதும் என்ற அளவுக்கு உள்ளன. ஒவ்வொரு குழந்தையிடமும் ஒரு தனித்தன்மை இருக்கும். அதைக் கண்டறிந்து அந்த வழியில் அவர்களை நடத்தினாலே போதும். பள்ளிக்கூட தேர்வில் தோற்றுவிட்டால் உலகத்தில் வாழவே முடியாது என்பதெல்லாம் இல்லை. எனவே தோல்வி அடையும் குழந்தைகளை ஆசிரியர் மற்றும் பெற்றோரே தேற்றுவதுதான் முறை. இவ்வாறு பள்ளி மாணவ-மாணவிகளை கையாளும் விதம் பற்றி சில புதிய பயிற்சிகளை ஆசிரியர்களுக்கு அளிக்க பள்ளிக் கல்வித் துறையிடம் பேசி வருகிறோம். குழந்தைகளுக்கு புரியும்படி படிப்பை சொல்லிக்கொடுக்க வேண்டும் என்று ஆசிரியர்களை இலவச கல்வி உரிமைச் சட்டம் வலியுறுத்து கிறது. பொதுவாக, குழந்தைகள் ஏதாவது தவறு செய்துவிட்டால், அதைக் கண்டித்து பெற்றோரிடம் சொல்வேன் என்று ஆசிரியர்கள் கூறுவது வழக்கம். இது அந்த மாணவ-மாணவிகளிடம் மிகுந்த பயத்தையும், மனபாரத்தையும் ஏற்படுத்திவிடுகிறது. பெற்றோரிடமும் சொல்லி நிவாரணம் தேடும் மனநிலை அந்தக் குழந்தைகளுக்கு அப்போது இருக்காது. எனவே இதற்கு நிவாரணம் பெறுவதற்காக '1098' என்ற இலவச தொலைபேசி எண்ணை நாங்கள் அறிவித்து இருக்கிறோம். இந்த எண்ணை பயன்படுத்தி மாணவ-மாணவிகள் தீர்வு பெறலாம். பெற்றோரோ அல்லது ஆசிரியரோ கண்டித்து அவமானப்படுத்திவிட்டால், தற்கொலையை நாடாமல் முதலில் இந்த எண்ணுக்கு அழைக்க வேண்டும். அதற்கு பதிலளிக்க 24 மணிநேரமும் ஆட்கள் இருப்பார்கள். படிப்பு, நட்பு என்று எந்த விதமான பிரச்சினையாக இருந்தாலும் சரி, எங்களிடம் சம்பந்தப்பட்ட குழந்தைகள் நேரடியாகச் சொல்லிவிட்டால், அவர்களுக்கு கவுன்சிலிங் அளித்து, அவமான உணர்ச்சியை நீக்குவதுடன், தேவையான பாதுகாப்பும் அளிப்போம். எனவே நல்ல தீர்வு எங்களிடம் இருக்கும்போது, தற்கொலையை எந்த காரணத்தைக் கொண்டும் குழந்தைகள் நாடிவிடக் கூடாது. தற்கொலை என்பது தீர்வே அல்ல. அது தங்கள் குடும்பத்துக்கு காலங்காலமாக அவமானத்தை ஏற்படுத்தும் செயல் ஆகும். இவ்வாறு அவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மத்திய அரசு ஊழியர்களுக்கு மாற்றுப்பணிக்கான படி உயர்வு மாதத்துக்கு ரூ.9 ஆயிரம்வரை கிடைக்கும்

மத்திய அரசு ஊழியர்களுக்கு மாற்றுப்பணிக்கான படி உயர்வு மாதத்துக்கு ரூ.9 ஆயிரம்வரை கிடைக்கும் | மத்திய அரசு ஊழியர்களுக்கு மாற்றுப்பணிக்கான படி உயர்த்தப்பட்டுள்ளது. அதன்படி, மாதத்துக்கு ரூ.9 ஆயிரம்வரை கிடைக்கும். மத்திய அரசு ஊழியர்களுக்கு தற்போது மாற்றுப்பணிக்கான படியாக (டெபுடேஷன் அலவன்ஸ்), ஒரே ஊருக்குள் பணிக்கு செல்வதாக இருந்தால், அடிப்படை ஊதியத்தில் 5 சதவீதம் என்ற வீதத்தில், மாதத்துக்கு ரூ.2 ஆயிரம் என்ற உச்சவரம்புடன் வழங்கப்படுகிறது. வேறு ஊருக்கு மாற்றுப்பணியாக சென்றால், அடிப்படை ஊதியத்தில் 10 சதவீதம் என்ற வீதத்தில் மாதத்துக்கு ரூ.4 ஆயிரம் என்ற உச்சவரம்புடன் வழங்கப்படுகிறது. இந்நிலையில், 7-வது சம்பள கமிஷன் சிபாரிசுப்படி, மத்திய அரசு ஊழியர்களுக்கான மாற்றுப்பணி படியை மத்திய அரசு 2 மடங்கு உயர்த்தி உள்ளது. மத்திய பணியாளர் நலன் மற்றும் பயிற்சித்துறை அமைச்சகம் வெளியிட்டுள்ள ஆணையில் இது கூறப்பட்டுள்ளது. இதன்படி, ஒரே ஊருக்குள் மாற்றுப்பணி செல்வதாக இருந்தால், உச்சவரம்பாக ரூ.4,500 வரை வழங்கப்படும். வெளியூருக்கு செல்வதாக இருந்தால், உச்சவரம்பாக ரூ.9 ஆயிரம்வரை கிடைக்கும். மேலும், அகவிலைப்படி 50 சதவீதம் உயரும்போதெல்லாம், இந்த உச்சவரம்பு 25 சதவீதம் உயர்த்தி வழங்கப்படும் என்றும் அந்த உத்தரவில் கூறப்பட்டுள்ளது.
விரிவாக படிக்க இங்கே கிளிக் செய்யுங்கள் | READ MORE | CLICK HERE
Guestbook

Enter your email address:முதலில் உங்கள் இ.மெயில் முகவரியை இங்கே பதிவு செய்து தினம் ஒரு புதிய செய்தி இ.மெயிலை இலவசமாக பெறுங்கள்.

இங்கே பதிவு செய்தப்பின், உங்கள் INBOX க்கு வரும் லிங்க்கை கிளிக் செய்தால் தான் புதிய செய்தி இமெயில்களை பெற முடியும்.