-->

Wednesday, November 30, 2016

'நாடா' புயல் எச்சரிக்கையை அடுத்து சென்னை உள்ளிட்ட 5 மாவட்டங்களில் உள்ள பள்ளிகளுக்கு இரண்டு நாட்கள் விடுமுறை அறிவிக்கப்பட்டுள்ளது.

'நாடா' புயல் எச்சரிக்கையை அடுத்து சென்னை உள்ளிட்ட 5 மாவட்டங்களில் உள்ள பள்ளிகளுக்கு இரண்டு நாட்கள் விடுமுறை அறிவிக்கப்பட்டுள்ளது. சென்னை, காஞ்சிபுரம், திருவள்ளூர், நாகை, கடலூர் பள்ளிகளுக்கு டிசம்பர் 1 மற்றும் டிசம்பர் 2 ஆகிய இரு நாட்களுக்கு விடுமுறை அறிவிக்கப்பட்டுள்ளது. விழுப்புரம் மாவட்டத்தில் வானூர், மரக்காணம் ஆகிய இரு வட்டங்களில் உள்ள பள்ளிகளுக்கு மட்டும் விடுமுறை அறிவிக்கப்பட்டுள்ளது. தமிழக அரசின் பள்ளிக் கல்வித்துறை இந்த விடுமுறையை அறிவித்துள்ளது குறிப்பிடத்தக்கது. 'நாடா' புயல் வங்கக்கடலில் நிலை கொண்டிருந்த காற்றழுத்த தாழ்வு மண்டலம் மேலும் வலுப்பெற்று புயலாக உருவானதாக சென்னை வானிலை ஆய்வு மையம் அறிவித்துள்ளது. இந்தப் புயலுக்கு 'நாடா' எனப் பெயரிடப்பட்டுள்ளது. இது தொடர்பாக சென்னை வானிலை ஆய்வு மைய இயக்குநர் எஸ்.பாலச்சந்திரன் செய்தியாளர்கள் சந்திப்பில் கூறும்போது, "வங்கக்கடலில் நிலை கொண்டிருந்த காற்றழுத்த தாழ்வு மண்டலமானது இன்று (புதன்கிழமை) காலை 8.30 மணிக்கு மேலும் வலுப்பெற்று புயலாக உருவானது. இந்தப் புயலுக்கு 'நாடா' எனப் பெயர் சூட்டப்பட்டுள்ளது. தற்போதைய நிலவரப்படி 'நாடா' புயல் புதுச்சேரிக்கு தென் கிழக்கே 830 கி.மீ. தொலைவில் நிலை கொண்டுள்ளது. இது மேலும் வலுப்பெற்று வடமேற்கு திசை நோக்கி நகர்ந்து நாளை மறுநாள் டிசம்பர் 2-ம் தேதியன்று வேதாரண்யம் - புதுச்சேரிக்கு இடையே கடலூர் அருகே கரையைக் கடக்கும் என எதிர்பார்க்கப்படுகிறது" என்றார். சென்னையில் நாளை முதல் மழை அவர் மேலும் கூறும்போது, 'நாடா' புயல் காரணமாக சென்னையில் நாளை அதிகாலை முதல் மழை பெய்யும் என எதிர்பார்க்கப்படுகிறது. கடலோர மாவட்டங்களில் கனமழைக்கு வாய்ப்பிருக்கிறது. மீனவர்கள் கடலுக்குச் செல்ல வேண்டாம் என எச்சரிக்கப்பட்டுள்ளது எனத் தெரிவித்தார். இந்நிலையில் முன்னெச்சரிக்கை நடவடிக்கையாக சென்னை உள்ளிட்ட 5 மாவட்டங்களில் உள்ள அனைத்துப் பள்ளிகளுக்கும் விடுமுறை அறிவிக்கப்பட்டுள்ளது.




விரிவாக படிக்க இங்கே கிளிக் செய்யுங்கள் | READ MORE | CLICK HERE

வங்கக்கடலில் உருவான நாடா புயல் காரணமாக சென்னை, காஞ்சிபுரம், திருவள்ளூர், நாகை, கடலூர் மாவட்ட பள்ளிகளுக்கு நாளை, நாளை மறுநாள் விடுமுறை அறிவிக்கப்பட்டுள்ளது. விழுப்புரம் மாவட்டத்தில் வானூர், மரக்காணம் வட்ட பள்ளிகளுக்கு விடுமுறை.

வங்கக்கடலில் உருவான நாடா புயல் காரணமாக சென்னை, காஞ்சிபுரம், திருவள்ளூர், நாகை, கடலூர் மாவட்ட பள்ளிகளுக்கு நாளை, நாளை மறுநாள் விடுமுறை அறிவிக்கப்பட்டுள்ளது. விழுப்புரம் மாவட்டத்தில் வானூர், மரக்காணம் வட்ட பள்ளிகளுக்கு விடுமுறை.



விரிவாக படிக்க இங்கே கிளிக் செய்யுங்கள் | READ MORE | CLICK HERE

இன்று சம்பள தினம்: வங்கி ஏ.டி.எம்.கள் முழு நேரம் இயங்குமா? அரசு, பொதுத்துறை நிறுவன ஊழியர்கள் எதிர்பார்ப்பு

இன்று சம்பள தினம்: வங்கி .டி.எம்.கள் முழு நேரம் இயங்குமா? அரசு, பொதுத்துறை நிறுவன ஊழியர்கள் எதிர்பார்ப்பு | அரசு, பொதுத்துறை நிறுவன ஊழியர்களுக்கு இன்று சம்பள தினம். அவர்கள் தங்கள் பணத்தை எடுப்பதற்கு வசதியாக வங்கி .டி.எம்.கள் முழு நேரம் இயங்குமா? என எதிர்பார்த்து இருக்கின்றனர். .டி.எம்.களை தேடி ஓடுவார்கள் மத்திய, மாநில அரசு ஊழியர்கள் மற்றும் பொதுத்துறை நிறுவனங்களுக்கு மாதம் தோறும் கடைசி தேதி அன்று சம்பளம் வழங்கப்படுவது வழக்கம். மேலும் ஒரு சில தனியார் நிறுவன ஊழியர்களுக்கும் மாதத்தின் கடைசி தினத்தில் சம்பளம் வழங்கப்படும். பெரும்பாலான தனியார் நிறுவனங்களில் மாதத்தின் முதல் வாரத்தில் சம்பளம் வழங்கப்படும். மாதச் சம்பள ஊழியர்களை பொருத்தவரையில், வீட்டு வாடகை, மளிகை சாமான்கள், பால், அரிசி வாங்குவது, மின்சார கட்டணம் போன்ற பல்வேறு தேவைகளுக்காக தங்களின் சம்பள தினத்தை எதிர்பார்த்து காத்திருப்பார்கள். சம்பளம் போடப்பட்ட மறு கணமே, இவர்கள் வங்கிகளின் .டி.எம்.களை தேடி ஓடுவார்கள். பெரும்பாலும் ஒரு வார காலத்துக்குள் தங்களின் அத்தியாவசிய தேவைகளுக்காக தங்களின் சம்பளத்தில் பெரும் பகுதியை வங்கி கணக்கில் இருந்து எடுத்து கொள்வார்கள். அதன் பிறகு, அவர்களின் பணத் தேவைகள் குறைவாகவே இருக்கும். ரிசர்வ் வங்கி கட்டுப்பாடு 500 ரூபாய், 1,000 ரூபாய் நோட்டுகள் செல்லாது என்ற அறிவிப்பு, கடந்த 8–ந் தேதி அறிவிக்கப்பட்டதால் மாத சம்பளதாரருக்கு பெருமளவு பாதிப்பு இல்லை. ஆனால், இந்த அறிவிப்புக்கு பிறகு, வங்கி .டி.எம்.களில் ஒரு நாளைக்கு 2 ஆயிரத்து 500 ரூபாய்க்கு மேல் பணம் எடுக்க முடியாது என ரிசர்வ் வங்கி கட்டுப்பாடு விதித்துள்ளது. இந்த அறிவிப்பை தொடர்ந்து, வங்கிகள் தோறும் பணம் எடுக்க மக்கள் வெள்ளம் அதிகமாக காணப்பட்டது. .டி.எம்.களில் நிரப்பப்படும் பணமும், பணம் நிரப்பிய சில மணி நேரங்களிலேயே தீர்ந்து விடும். அதன் பிறகு, அந்த .டி.எம்.கள் காலியாகவே கிடக்கும். மேலும், புதிய 2,000 ரூபாய் நோட்டுகள், 500 ரூபாய் நோட்டுகள் வைக்கும் வகையில் .டி.எம்.களில் மாற்றம் செய்வதாக கூறி பல்வேறு .டி.எம்.களில் பணம் நிரப்பப்படாமல் இருந்தது. ஊழியர்களின் எதிர்பார்ப்பு தற்போது புதிய ரூபாய் நோட்டுகள் வைப்பதற்கான மாற்றங்கள் செய்யப்பட்டு இருந்தாலும், போதுமான அளவு பணம் ரிசர்வ் வங்கியிடம் இருந்து வங்கிகளுக்கு வராததால், குறைந்த எண்ணிக்கையிலான .டி.எம்.களில் குறைந்த அளவு பணமே நிரப்பப்படுகிறது. இதனால் பெரும்பாலான .டி.எம்.கள் மூடப்பட்டு காணப்படுவதுடன், .டி.எம். சேவை வெகுவாக பாதிக்கப்பட்டுள்ளது. இந்த நிலையில், இன்று அரசு மற்றும் பொதுத்துறை ஊழியர்களுக்கு சம்பளம் வங்கிகளில் போடப்படுவதால், இவற்றை எடுக்க .டி.எம். மையங்களில் கூட்டம் அலைமோதும் என எதிர்பார்க்கப்படுகிறது. இதனை சமாளிக்கும் வகையில் அனைத்து .டி.எம்.களும் திறக்கப்பட்டு, முழுமையான அளவில் பணம் வைக்கப்படுமா? என அரசு மற்றும் பொதுத்துறை நிறுவன அனைத்து ஊழியர்களும் எதிர்பார்த்து காத்திருக்கின்றனர். இதனை வங்கி நிர்வாகங்கள் எப்படி சமாளிக்கப்போகின்றன என்பது இன்றுதான் தெரியவரும். பணம் எடுக்கும் வரம்பு உயர்வு இந்த நிலையில் வங்கிகளில் பணம் எடுப்பதற்கான உச்ச வரம்பு தொகையை 24 ஆயிரத்தில் இருந்து தளர்த்தி ரிசர்வ் வங்கி உத்தரவிட்டுள்ளது. இந்த உச்சவரம்பு தளர்வு வியாபாரிகளுக்கு மட்டுமே பொருந்தும் என்று கூறப்படுகிறது. குறிப்பிட்ட அளவு பணம் மட்டுமே எடுக்க முடியும் என்ற உத்தரவால் வியாபாரிகள் தங்களது பணத்தை வங்கிகளில் டெபாசிட் செய்வது குறைந்து உள்ளது. இவர்கள் டெபாசிட் செய்வதை ஊக்கப்படுத்தும் வகையிலேயே உச்சவரம்பு உயர்த்தப்பட்டு உள்ளது. ஒரு வியாபாரி அதிகம் டெபாசிட் செய்தால் அவருக்கு இந்த உச்சவரம்பு பொருந்தும். வங்கிகளுக்கு போதுமான பணம் வரத்து இல்லாததால், மேலே குறிப்பிட்டபடி உச்சவரம்பு உயர்த்தப்பட்டாலும் குறைந்த அளவே பணம் பட்டுவாடா செய்யப்பட்டு வருகிறது



விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு ஊழியர்களின் டிஜிட்டல் பணி பதிவேடு -பள்ளி கல்வி இயக்குநர் கண்ணப்பன் அனைத்து மாவட்ட முதன்மை கல்வி அலுவலர்களுக்கும் அனுப்பி வைத்துள்ள உத்தரவு.

அரசு ஊழியர்களின் டிஜிட்டல் பணி பதிவேடு -பள்ளி கல்வி இயக்குநர் கண்ணப்பன் அனைத்து மாவட்ட முதன்மை கல்வி அலுவலர்களுக்கும் அனுப்பி வைத்துள்ள உத்தரவு. அரசு ஊழியர்களின் பணி பதிவேடு டிஜிட்டல் மயமாகிறது. கருவூலங்களில் இது கணினியில் பதிவு செய்யப்படும்.அனைத்து சார்நிலை கருவூலங்களிலும், மாவட்ட கருவூலங்களிலும் அரசு ஊழியர்களின் பணி பதிவேட்டை டிஜிட்டல் மயமாக்கும் பணி நடைபெற உள்ளது. இந்த முறையில் பணி பதிவேட்டின் பக்கங்கள் ஸ்கேன் செய்யப்பட்டு கணினியில் பதிவு செய்யப்படும். இவ்வாறு ஸ்கேன் செய்யப்பட்ட பின்னர் ஒரு பிரிண்ட் அவுட் வழங்கப்படும். அதனை அரசு ஊழியர்கள் கவனமாக சரிபார்த்து திருத்தங்கள் இருப்பின் உடன் சரி செய்யவேண்டும். இப்பணிமுடிந்த பின்னர் பணி பதிவேடு 'டிஜிட்டல் சர்வீஸ் ரெஜிஸ்டர்' என்று அழைக்கப்படும்.இந்த டிஜிட்டல் மயத்திற்காக பணி பதிவேட்டில் உள்ள முதல் பக்க சுய விபரம் மற்றும் புகைப்படம், பணி நியமன ஆணை பதிவு செய்யப்பட்ட விபரம், பணி வரன்முறை தகுதிகாண் பருவ பதிவுகள், அனைத்து கல்வி தகுதிகள் சார்ந்த பதிவுகள், கல்வி தகுதிகளின் உண்மை தன்மை சார்ந்த பதிவுகள், ஜிபிஎப், சிபிஎஸ் திட்டங்களில் சேர்ந்தமை சார்ந்த பதிவுகள், பணிக்காலம் சரிபார்ப்பு, உயர் கல்வி பயில முன்பு அனுமதி பெறப்பட்ட பதிவுகள், பணியிட மாறுதல், பதவிஉயர்வு சார்ந்த பதிவுகள், ஊதிய நிர்ணயம், தேர்வு நிலை, சிறப்பு நிலை, ஊக்க ஊதியம் சார்ந்த பதிவுகள், பல்வேறு வகையான விடுப்பு பதிவுகள், குடும்ப உறுப்பினர்கள், வாரிசு நியமன படிவங்கள் போன்றவை இவற்றில் சரிபார்க்கப்படும். இது தொடர்பாக பள்ளி கல்வி இயக்குநர் கண்ணப்பன் அனைத்து மாவட்ட முதன்மை கல்வி அலுவலர்களுக்கும் அனுப்பி வைத்துள்ள உத்தரவில், 'பள்ளி கல்வித்துறையில் பணி பதிவேட்டை டிஜிட்டல் மயமாக்கும் போது கடைபிடிக்க வேண்டிய வழிமுறைகளை முறையாக கடைபிடிக்க வேண்டும். பதிவுகளை ஒருமுறை தனி கவனம் செலுத்தி ஆய்வு செய்த பின்னர் பணி பதிவேடுகளை பாதுகாப்பான முறையில் அந்தந்த கருவூலங்களில் சென்று டிஜிட்டல் மயமாக்கும் பணியை நிறைவு செய்ய தலைமை ஆசிரியர்களுக்கு உரிய அறிவுரைகள் வழங்கிட முதன்மை கல்வி அலுவலர்கள் கேட்டுக்கொள்ளப்படுகின்றனர். முதன்மை கல்வி அலுவலகத்தில் இதற்கென ஒரு பதிவேடு தொடங்கி ஒவ்வொரு நாளும் இப்பணியை நிறைவு செய்த பள்ளிகள் சார்ந்த விபரங்களை பதிவு செய்து கண்காணித்திட வேண்டும்' என தெரிவிக்கப்பட்டுள்ளது.



விரிவாக படிக்க இங்கே கிளிக் செய்யுங்கள் | READ MORE | CLICK HERE

பணம் எடுக்க கட்டுப்பாடுகள் தளர்வு ரிசர்வ் வங்கி புதிய அறிவிப்பு

பணம் எடுக்க கட்டுப்பாடுகள் தளர்வு ரிசர்வ் வங்கி புதிய அறிவிப்பு | வங்கியிலிருந்து பணம் எடுப்பதற் கான கட்டுப்பாட்டை தளர்த்தி, புதிய அறிவிப்பை ரிசர்வ் வங்கி நேற்று வெளியிட்டுள்ளது. இந்த அறிவிப்பில், வங்கியிலிருந்து தினசரி பணம் எடுப்பதற்கான கட்டுபாட்டை தளர்த்தியுள்ளது. இதன் மூலம் சிறு வர்த்தகர்கள், மால் உரிமையாளர்கள் தங்களிடம் உள்ள தொகைகளை தினசரி வங்கியில் டெபாசிட் செய்து, கட்டுப்பாடில்லாமல் எடுத்துக் கொள்ள வழி ஏற்பட்டுள்ளது. 500, 1000 ரூபாய் நோட்டுகளின் பண மதிப்பு நீக்கத்துக்கு பிறகு ஏற்பட்டுள்ள பண நெருக்கடியால் 100, 50, 20 ரூபாய் நோட்டுகளுக் கான தேவை அதிகரித்துள்ளது. வங்கியில் பணத்தை எடுப்பதற் கான கட்டுப்பாடுகள் உள்ளதால் வர்த்தகர்கள் 100, 50, 20 நோட்டு களை வங்கியில் செலுத்த தயக்கம் காட்டுகின்றனர். இதனாலும் பண நெருக்கடி அதிகரித்துள்ளது. இது தொடர்பாக ரிசர்வ் வங்கி நேற்று வெளியிட்டுள்ள அறிவிப்பில் ரூபாய் நோட்டுகள் புழக்கத்தை சீராக்க ரிசர்வ் வங்கி இந்த முடிவை எடுத்துள்ளது. பண மதிப்பு நீக்கப்பட்ட 500, 1000 நோட்டுகள் இல்லாமல், தற்போது புழக்கத்தில் உள்ள 100, 50, 20 ரூபாய் நோட்டுகளை வங்கிகளில் டெபாசிட் செய்கிற பட்சத்தில் அவற்றை எடுக்க எந்த கட்டுப்பாடுகளும் இல்லை என கூறியுள்ளது. இந்த அறிவிப்பு நவம்பர் 29க்கு பிறகு நடைமுறைப் படுத்தப்படும். தற்போது உயர் மதிப்பு கொண்ட 2000 ரூபாய், 500 ரூபாய் நோட்டுகளும் வங்கிகளில் எடுத்துக் கொள்ளலாம் என்றும் குறிப்பிட்டுள்ளது. பண மதிப்பு நீக்க நடவடிக் கைக்கு பிறகு, நவம்பர் 27ம் தேதி வரை ரூ.8.45 லட்சம் கோடி அளவுக்கு பல்வேறு வங்கிகளில் டெபாசிட் செய்யபட்டுள்ளன. பண மதிப்பு நீக்கம் செய்யப்பட்ட 500 1000 ரூபாய் நோட்டுகளில் 33,948 கோடி அளவுக்கு மாற்றிக் கொடுக்கப்பட்டும், 8,11,033 கோடி ரூபாய் டெபாசிட்டும் செய்யப்பட்டுள்ளன.



விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளி மாணவர்களுக்கு யோகா கட்டாயம் மத்திய அரசு 3 மாதங்களில் முடிவெடுக்க வேண்டும் உச்ச நீதிமன்றம் உத்தரவு

பள்ளி மாணவர்களுக்கு யோகா கட்டாயம் மத்திய அரசு 3 மாதங்களில் முடிவெடுக்க வேண்டும் உச்ச நீதிமன்றம் உத்தரவு | நாடு முழுவதும் பள்ளிகளில் 8-ம் வகுப்பு வரையிலான மாணவர் களுக்கு யோகாவை கட்டாயப் பாடமாக்குவது குறித்து 3 மாதங் களுக்குள் முடிவெடுக்குமாறு, மத்திய அரசுக்கு உச்ச நீதிமன்றம் உத்தரவிட்டுள்ளது. தேசிய அளவிலான யோகா கொள்கையை வகுத்து, நாடு முழுவதும் உள்ள பள்ளிகளில் 1-ம் வகுப்பு முதல், 8-ம் வகுப்பு வரை பயிலும் மாணவர்களுக்கு யோகா மற்றும் சுகாதாரக் கல்விக்கான பாடப் புத்தகங்களை வழங்க மனித வள மேம்பாட்டுத் துறை, என்சிஇஆர்டி, சிபிஎஸ்இ, என்சிடிஇ ஆகியவற்றுக்கு உத்தரவிடக் கோரி, உச்ச நீதிமன்றத்தில் மனு தாக்கல் செய்யப்பட்டது. அஷ்வினி குமார் உபாத்யாய என்ற வழக்கறிஞர் மற்றும் டெல்லி பாஜக செய்தித் தொடர்பாளர் ஜே.சி.சேத் ஆகியோர் சார்பில் தாக்கல் செய்யப்பட்ட மனுவில், அனைத்து மக்களுக்கும், குறிப்பாக குழந்தைகளுக்கு அடிப்படை சுகாதார உரிமைகள் கிடைப்பதை உறுதி செய்ய வேண்டிய கடமை மத்திய அரசுக்கு உள்ளது என கூறப்பட்டிருந்தது. இம்மனுவை விசாரித்த நீதிபதி எம்.பி.லோகுர் தலைமையிலான பெஞ்ச், இம்மனுவையே கோரிக்கை யாகக் கருதி, இவ்விவகாரம் குறித்து 3 மாதத்துக்குள் மத்திய அரசு முடிவெடுக்க வேண்டும் என உத்தரவிட்டது.





விரிவாக படிக்க இங்கே கிளிக் செய்யுங்கள் | READ MORE | CLICK HERE

நல்லொழுக்க பாடத்தில் ஆசிரியர்களுக்கு 2 நாள் சிறப்பு பயிற்சி

நல்லொழுக்க பாடத்தில் ஆசிரியர்களுக்கு 2 நாள் சிறப்பு பயிற்சி | மாநில கல்வியியல் ஆராய்ச்சி மற்றும் பயிற்சி நிறுவன இயக்குநர் வி.சி.ராமேஸ்வர முருகன் நேற்று வெளியிட்ட செய்திக்குறிப்பு:- அரசு மற்றும் அரசு உதவி பெறும் உயர்நிலை, மேல்நிலைப் பள்ளிகளில் படிக்கும் 9, 10-ம் வகுப்பு மாணவர்களின் கல்வித் தரத்தை உயர்த்தவும், ஒழுக்கத்தை நிலைநாட்டவும் நற்பண்புகள் கொண்ட கல்வி (நல்லொழுக்க பாடம்) வழங்கப்பட உள்ளது. அதற்கான வகுப்புகளை எடுக்கும் ஆசிரியர்களுக்கு பள்ளி பாடத்துடன் 40 வகையான நற்பண்புகளை இணைத்து கற்பித்தலும், கற்றலும் என்னும் சிறப்புப் பயிற்சி அளிக்கப்படுகிறது. இதற்காக பிரத்யேக ஆசிரியர் கையேடு தயாரிக்கப்பட்டு உயர்நிலை மற்றும் மேல்நிலைப் பள்ளிகளில் ஏற்கெனவே ஒதுக்கப்பட்டுள்ள நற்பண்புகள் பாடவேளையைப் பயன்படுத்தி வாரத்துக்கு ஒரு பாடம் என்ற முறையில் ஆண்டு முழுவதும் நற்பண்பு கல்வி வகுப்புகள் நடத்தப்பட உள்ளன. இதற்காக மாநில அளவில் முதன்மை கருத்தாளர் பயிற்சி சென்னையில் மாநில கல்வியியல் ஆராய்ச்சி மற்றும் பயிற்சி நிறுவனத்தில் செவ்வாய்க்கிழமை (நேற்று) நடத்தப்பட்டது. இதில் ஒவ்வொரு மாவட்டத்தில் இருந்தும் மாவட்ட ஆசிரியர் பயிற்சி நிறுவன (டயட்) விரிவுரையாளர் ஒருவரும், பட்டதாரி ஆசிரியர்கள் 2 பேரும் கலந்துகொண்டனர். இப்பயிற்சி புதன்கிழமையும் (இன்றும்) நடைபெறுகிறது. இதைத்தொடர்ந்து அந்தந்த மாவட்டங்களில் டிசம்பர் 2, 3-ம் தேதிகளில் பயிற்சி நடைபெற உள்ளது. அதைத்தொடர்ந்து, ஒன்றியங்களில் டிசம்பர் 7, 8-ம் தேதிகளில் பயிற்சி நடைபெறும். இந்தப் பயிற்சியின் மூலம் 15 ஆயிரம் ஆசிரியர்களும் 20 லட்சம் மாணவ-மாணவிகளும் பயன்பெறுவர்.



விரிவாக படிக்க இங்கே கிளிக் செய்யுங்கள் | READ MORE | CLICK HERE

செல்லாத ரூபாய் நோட்டுகளை வங்கியில் டெபாசிட் செய்ய கால அவகாசம் நீட்டிக்கப்படுமா? மத்திய அரசு விளக்கம்

செல்லாத ரூபாய் நோட்டுகளை வங்கியில் டெபாசிட் செய்ய கால அவகாசம் நீட்டிக்கப்படுமா? மத்திய அரசு விளக்கம் | செல்லாத ரூபாய் நோட்டுகளை வங்கிகளில் டெபாசிட் செய்வதற்கான கால அவகாசம் நீட்டிக்கப்படுமா? என்பது குறித்து மத்திய அரசு விளக்கம் அளித்துள்ளது. 100 ரூபாய் புழக்கம் அதிகரிப்பு செல்லாத ரூ.500 மற்றும் ரூ.1,000 நோட்டுகளை டிசம்பர் 30-ந் தேதி வரை வங்கிகளில் டெபாசிட் செய்யலாம் என்று மத்திய அரசு அறிவித்துள்ளது. இந்நிலையில், இந்த கால அவகாசம் நீட்டிக்கப்படுமா? என்று டெல்லி மேல்-சபையில் நேற்று உறுப்பினர்கள் கேள்வி எழுப்பினர். அதற்கு மத்திய நிதித்துறை இணை மந்திரி அர்ஜுன் ராம் மேக்வால் எழுத்துமூலம் அளித்த பதிலில் கூறி இருப்பதாவது:- செல்லாத ரூபாய் நோட்டுகளை வங்கிகளில் டெபாசிட் செய்வதற்கான கால அவகாசத்தை நீட்டிக்கும் திட்டம் எதுவும் தற்போது அரசின் பரிசீலனையில் இல்லை. ரிசர்வ் வங்கியிடமும், வங்கிகளிடமும் போதிய பணம் கையிருப்பில் உள்ளது. 100 ரூபாய் நோட்டுகள் புழக்கம் அதிகரித்துள்ளது. கிராமப்புறங்களில், ரூ.100 மற்றும் அதற்கு குறைவான மதிப்புடைய நோட்டுகளை வினியோகிக்குமாறு வங்கிகளுக்கு அறிவுறுத்தப்பட்டுள்ளது. இவ்வாறு அவர் கூறினார். .டி.எம்.களில் பாதுகாப்பு மற்றொரு மத்திய நிதித்துறை இணை மந்திரி சந்தோஷ் குமார் கேங்வார் அளித்த பதிலில் கூறியதாவது:- வங்கி கிளைகளிலும், .டி.எம்.களிலும் கொள்ளை முயற்சியை தடுக்க, அங்கு பாதுகாப்பை அதிகரிக்குமாறு வங்கிகளை ரிசர்வ் வங்கி அவ்வப்போது அறிவுறுத்தி வருகிறது. .டி.எம்.களில் கண்காணிப்பு கேமராக்களை நிறுவுதல், பயிற்சி பெற்ற காவலாளிகளை அங்கு பணி அமர்த்துதல் ஆகியவை இவற்றில் அடங்கும். இவ்வாறு அவர் கூறினார்.



விரிவாக படிக்க இங்கே கிளிக் செய்யுங்கள் | READ MORE | CLICK HERE

பாராளுமன்றத்தில் எதிர்க்கட்சிகளின் அமளிக்கு இடையே வருமான வரி திருத்த மசோதா, விவாதம் இன்றி நிறைவேறியது கருப்பு பணத்துக்கு கூடுதல் வரி, அபராதம் விதிக்கப்படும்

பாராளுமன்றத்தில் எதிர்க்கட்சிகளின் அமளிக்கு இடையே வருமான வரி திருத்த மசோதா, விவாதம் இன்றி நிறைவேறியது கருப்பு பணத்துக்கு கூடுதல் வரி, அபராதம் விதிக்கப்படும் | பாராளுமன்றத்தில் எதிர்க்கட்சிகளின் அமளிக்கு இடையே வருமான வரி திருத்த மசோதா, விவாதம் இன்றி நிறைவேறியது. கருப்பு பணத்துக்கு கூடுதல் வரி, அபராதம் விதிக்கப்படும். வருமான வரித்துறை முடிவு ரூ.1,000, ரூ.500 நோட்டுகள் செல்லாது என அறிவித்து, அவற்றை வாபஸ் பெறுவதாக மத்திய அரசு கடந்த 8-ந் தேதி அதிரடியாக அறிவித்தது. அதைத் தொடர்ந்து அந்த நோட்டுகளை வங்கிகளில் மக்கள் டிசம்பர் 30-ந் தேதி வரை டெபாசிட் செய்து கொள்ளலாம். ரிசர்வ் வங்கியில் மார்ச் 31-ந் தேதி வரை டெபாசிட் செய்யவும் அவகாசம் தரப்பட்டுள்ளது. இதற்கிடையே, தனிநபர் வங்கி கணக்குகளில் ரூ.2½ லட்சத்துக்கு மேல் 'டெபாசிட்' செய்கிறபோது, அந்த கணக்குகளை ஆய்வு செய்து வரி விதிக்க வருமான வரித்துறை முடிவு செய்துள்ளது. மசோதா இது தொடர்பாக 'வருமான வரிகள் (இரண்டாவது திருத்தம்) மசோதா, 2016' என்ற மசோதாவை மத்திய நிதி மந்திரி அருண் ஜெட்லி நேற்று முன்தினம் பாராளுமன்றத்தில் தாக்கல் செய்தார். அது பண மசோதாவாக அறிமுகம் செய்யப்பட்டது. இந்த மசோதாவை நேற்று சபாநாயகர் சுமித்ரா மகாஜன் பரிசீலனைக்கு எடுத்து நிறைவேற்ற நடவடிக்கை எடுத்தார். எதிர்க்கட்சிகள் எதிர்ப்பு ஆனால் அந்த மசோதாவுக்கு காங்கிரஸ் தலைவர் மல்லிகார்ஜூன கார்கே, திரிணாமுல் காங்கிரஸ் தலைவர் சுதீப் பந்தோபாத்யாய், சவுகதா ராய், பிஜூ ஜனதாதள உறுப்பினர் பர்த்ருஹரி மெஹ்தப் ஆகியோர் கடும் எதிர்ப்பு தெரிவித்தனர். அவர்கள், "உயர்மதிப்பு கொண்ட ரூபாய் நோட்டுகள் ஒழிப்பில் இந்த மசோதா நேரடி தொடர்பு கொண்டதாகும். எனவே முதலில் ரூபாய் நோட்டு ஒழிப்பு விவகாரத்தில் விதி எண் 56-ன் கீழ் ஓட்டெடுப்புடன் கூடிய விவாதம் நடத்த வேண்டும்" என குரல் கொடுத்தனர். "சரி செய்ய வேண்டிய பல்வேறு குறைபாடுகளை கொண்டுள்ள ஒரு மசோதாவை, இவ்வளவு அவசர கதியில் நிறைவேற்ற அரசு ஏன் துடிக்கிறது?" என கேள்வி எழுப்பினர். அமளி ஆனால் அந்த மசோதா எடுத்துக்கொள்ளப்பட வேண்டும் என பாராளுமன்ற விவகாரங்கள் துறை மந்திரி அனந்தகுமார் வலியுறுத்தினார். இன்னொரு பக்கம் எதிர்க்கட்சி உறுப்பினர்கள் கடும் அமளியில் ஈடுபட்டனர். அப்போது நிதி மந்திரி அருண்ஜெட்லி எழுந்தாலும், அவரை மேற்கொண்டு செயல்பட விடாமல் எதிர்க்கட்சிகள் தடையாக நின்றன. அப்போது செய்தி, ஒலிபரப்புத்துறை மந்திரி வெங்கையா நாயுடு கோபம் கொண்டு எதிர்க்கட்சி உறுப்பினர்களைப் பார்த்து, "நீங்கள் மக்களின் நேரத்தைத்தான் வீணடிக்கிறீர்கள்" என குறிப்பிட்டார். ஓட்டெடுப்பு ஆனாலும் எதிர்க்கட்சியினர் கூச்சல், குழப்பத்தை தொடர்ந்தபோது சபாநாயகர் சுமித்ரா மகாஜன், "இந்த மசோதா நாட்டு நலனுக்கு முக்கியமானது. இந்த மசோதா மீது விவாதம் நடத்தவேண்டும் என்பதுதான் எனது விருப்பம். ஆனால் நீங்கள் நடந்துகொள்ளும் விதம், அதற்கு சாத்தியம் இல்லை என காட்டுகிறது" என கூறி மசோதாவை ஓட்டெடுப்புக்கு விட்டார். அந்த நேரத்தில் காங்கிரஸ், திரிணாமுல் காங்கிரஸ், ராஷ்டிரீய ஜனதாதளம், சமாஜ்வாடி, தேசியவாத காங்கிரஸ் கட்சி, இடதுசாரிகள் ஒன்று சேர்ந்து சபையின் மையப்பகுதியை முற்றுகையிட்டு, ரூபாய் நோட்டு ஒழிப்பு பற்றிய பிரதமர் மோடியின் முடிவுக்கு எதிராக குரல் கொடுத்தனர். விவாதமின்றி நிறைவேறியது ஆனாலும் விவாதம் இன்றி, குரல் வாக்கெடுப்பின் மூலம் மசோதா நிறைவேறியது. அதைத் தொடர்ந்து சபையை நாளை வரை (இன்று வரை) ஒத்திவைப்பதாக சபாநாயகர் சுமித்ரா மகாஜன் அறிவித்தார். மசோதாமீது பிஜூ ஜனதாதள உறுப்பினர் பர்த்ருஹரி மெஹ்தப் கொண்டு வந்த ஒரு திருத்தம் நிராகரிக்கப்பட்டது. புரட்சிகர சோசலிஸ்டு கட்சி உறுப்பினர் பிரேமசந்திரன், காங்கிரஸ் உறுப்பினர் பி.வேணுகோபால் கொண்டுவந்த திருத்தங்கள், பிஜூ ஜனதாதள உறுப்பினர் பர்த்ருஹரி மெஹ்தப் கொண்டு வந்த மற்றொரு திருத்தம் ஜனாதிபதியின் ஒப்புதலை பெறாததால் அனுமதிக்கப்படவில்லை. வரி விதிப்பு விவரம் இந்த மசோதா, பாராளுமன்றத்தில் நிதி மசோதாவாக தாக்கல் செய்து நிறைவேற்றப்பட்டிருப்பதால், மேல்-சபையில் நிறைவேற வேண்டும் என்ற அவசியம் இல்லை என்பது குறிப்பிடத்தக்கது. இந்த மசோதா கணக்கில் காட்டாத கருப்பு பணம் வைத்திருப்போர், டிசம்பர் 30-ந் தேதிக்குள் அதை வருமான வரித்துறையிடம் அறிவித்து, 50 சதவீத வரி செலுத்த வழிவகை செய்கிறது. மீதி 50 சதவீதத்தில் 25 சதவீதம், வரி செலுத்துகிறவருக்கு திரும்ப தரப்படும். எஞ்சிய 25 சதவீதம் 4 ஆண்டுக்கு திரும்பப்பெற முடியாத, வட்டி இல்லாத மத்திய அரசின் திட்டங்களில் முதலீடு செய்யப்படும். டிசம்பர் 30-ந் தேதிக்குள் அறிவிக்க தவறுகிற கருப்பு பண முதலைகளுக்கு, 60 சதவீத வரி, 25 சதவீத கூடுதல் வரி (இது வருமானத்தின் 15 சதவீதமாக இருக்கும்) என 75 சதவீதம் வரி விதிக்கப்படும். ஒருவரது கருப்பு பணத்தில் 75 சதவீதம் வரியாக சென்று விடும். அது மட்டுமின்றி வருமான வரித்துறை அதிகாரி மேலும் 10 சதவீத தொகையை அபராதமாகவும் விதிக்க முடியும். அப்படிப்பட்ட நிலையில், அறிவிக்கப்படாத கருப்பு பணம் வைத்திருப்பவர்கள் 85 சதவீத பணத்தை இழக்க நேரிடும்.



விரிவாக படிக்க இங்கே கிளிக் செய்யுங்கள் | READ MORE | CLICK HERE
Guestbook

Enter your email address:முதலில் உங்கள் இ.மெயில் முகவரியை இங்கே பதிவு செய்து தினம் ஒரு புதிய செய்தி இ.மெயிலை இலவசமாக பெறுங்கள்.

இங்கே பதிவு செய்தப்பின், உங்கள் INBOX க்கு வரும் லிங்க்கை கிளிக் செய்தால் தான் புதிய செய்தி இமெயில்களை பெற முடியும்.