-->

Saturday, November 26, 2016

பழைய ரூ.500 நோட்டு மூலம் சென்னை மாநகராட்சி வரிகளை 15-ந் தேதி வரை செலுத்த அனுமதி

பழைய ரூ.500 நோட்டு மூலம் சென்னை மாநகராட்சி வரிகளை 15-ந் தேதி வரை செலுத்த அனுமதி | சென்னை மாநகராட்சி வரிகளை பழைய ரூ.500 நோட்டுகள் மூலம் வருகிற 15-ந் தேதி வரை செலுத்தலாம் என சென்னை மாநகராட்சி சார்பில் தெரிவிக்கப்பட்டு உள்ளது. 446 கவுண்ட்டர்கள் மூலம்... மத்திய அரசு பழைய 500 ரூபாய் நோட்டுகள் மூலம் பொதுமக்கள் உள்ளாட்சி அமைப்புகளுக்கு செலுத்த வேண்டிய வரிகளை அடுத்த மாதம் (டிசம்பர்) 15-ந் தேதி வரை செலுத்தும் வகையில் கால நீட்டிப்பு செய்துள்ளது. இதுகுறித்து பெருநகர சென்னை மாநகராட்சி வெளியிட்டுள்ள செய்திக்குறிப்பில் கூறியதாவது:- பெருநகர சென்னை மாநகராட்சியின் சொத்துவரி, தொழில்வரி உள்பட இதர வரிகளை பொதுமக்கள் பழைய 500 ரூபாய் மற்றும் 1,000 ரூபாய் நோட்டுகளை பயன்படுத்தி கடந்த 12-ந் தேதி முதல் 446 சிறப்பு கவுண்ட்டர்கள் மூலம் செலுத்தி வருகின்றனர். 15-ந் தேதி வரை... இந்த நிலையில் பொதுமக்கள் உள்ளாட்சி அமைப்புகளுக்கு செலுத்த வேண்டிய வரிகளை பழைய 500 ரூபாய் நோட்டுகள் மூலம் அடுத்த மாதம் 15-ந் தேதி வரை செலுத்தலாம் என மத்திய அரசு தெரிவித்துள்ளது. இதனால் பெருநகர சென்னை மாநகராட்சிக்கு செலுத்த வேண்டிய சொத்துவரி, தொழில்வரி உள்பட இதர வரிகளை பழைய ரூ.500 நோட்டுகள் மூலம் அடுத்த மாதம் 15-ந் தேதி (ஞாயிற்றுக்கிழமை மற்றும் அடுத்த மாதம் 12-ந் தேதி தவிர) வரை செலுத்தும் வகையில் கால நீட்டிப்பு செய்யப்பட்டு உள்ளதாக சென்னை மாநகராட்சி ஆணையாளர் தா.கார்த்திகேயன் தெரிவித்துள்ளார். எனவே பொதுமக்கள் அடுத்த மாதம் 15-ந் தேதி வரை பழைய ரூ.500 நோட்டுகள் மூலம் சொத்துவரி மற்றும் இதர வரிகளை செலுத்தலாம். இவ்வாறு அதில் கூறப்பட்டுள்ளது.



No comments:

Guestbook

Enter your email address:முதலில் உங்கள் இ.மெயில் முகவரியை இங்கே பதிவு செய்து தினம் ஒரு புதிய செய்தி இ.மெயிலை இலவசமாக பெறுங்கள்.

இங்கே பதிவு செய்தப்பின், உங்கள் INBOX க்கு வரும் லிங்க்கை கிளிக் செய்தால் தான் புதிய செய்தி இமெயில்களை பெற முடியும்.