-->

Saturday, October 22, 2016

தொழில்நுட்ப வசதியில் மேம்பட்ட நவீன தொலைகாட்சிகள்

தொழில்நுட்ப வசதியில் மேம்பட்ட நவீன தொலைகாட்சிகள்

தொலைகாட்சியில் புதிய புதிய மாற்றங்கள் அவ்வப்போது ஏற்படுகின்றன. எல்.சி.டி. தொலைகாட்சி வந்ததிலிருந்து டிவியின் தொழில்நுட்ப மாற்றம் அடிக்கடி கண்டறியப்பட்டு விற்பனைக்கு தொலைகாட்சிகளில் புகுத்தப்படுகிறது. இதன் காரணமாய் புதியதாய் டிவி வாங்க நினைப்பவர்கள் எந்த தொழில்நுட்பம் நமக்கு ஏற்றவாறு இருக்கும் என ஆராய வேண்டிய உள்ளது.இன்றைய நாளில் 4K UHD, வளைந்த காட்சிதிரை, க்ஹண்டம் டாட்ஸ் HDR என்றவாறு பல தொழில்நுட்ப வசதிகள் உள்ளவாறு தொலைகாட்சிகள் விற்பனைக்கு வருகின்றன. இவை அனைத்தும் பார்க்கும் பார்வை கோணத்தில் சிற்சில மாற்றங்களையும், வண்ண மாற்றங்களையும் அடிப்படையாகக் கொண்டு திகழ்கின்றன.4K UHD தொழில்நுட்ப தொலைகாட்சிகள்:-4K UHD என்பதில் தற்போது மிக பிரபலமானதாக 2160P அதித வளர்ச்சியாக உள்ளது. இதில் UHD என்பது அல்ட்ரா ஹை டெபனீஷன் என்பதாகும். இதற்கு முன்வந்த 1080P என்ற ரெட்டின எப்கட் தொலைகாட்சியே இந்த சூழலில் ஏற்ற தொலைகாட்சியாக உள்ளது.4K UHD என்றால் அதற்கேற்ற செட்பாக்ஸ் தான் அமைத்து பார்க்க வேண்டும். அதே தொழில்நுட்ப தொலைகாட்சி சானல்கள் ஒளிபரப்பும் போதுதான் அதன் முழு பலனையும் பெறமுடியும். எனவே 2060 P 4K UHD டிவிக்களை காட்டிலும் 1080 P தொலைகாட்சி தற்போதைய நிலையில் சிறப்பாக உள்ளது.4K தொழில்நுட்பம் மூலம் படங்கள் தெளிவு, துல்லியம், சிறந்த வண்ண வடிவமைப்பில் காட்சிகளை காணலாம். இதில் நாம் படங்களை பார்க்கும்போது நாம் இயற்கை எழில் காட்சிகளை தத்ரூபமாக மிக அருகில் பார்ப்பது போன்ற உணர்வு ஏற்படும்.நேரடியாக நாம் எப்படி பார்க்கின்றோமோ அதே வண்ணக்கலருடன் வெளிப்படுத்துவதே க்வாண்டம் டாட்ஸ் தொழில்நுட்பத்தின் சிறப்பம்சம். நானோ படிகங்களின் துணையுடன் உருவாகும் க்வாண்டம் டாட்ஸ் மூலம் ஒரு பில்லியன் பலதரப்பட்ட வண்ண சாயல்களை காண முடியும். அதுபோல் சாதாரண டிவிக்களை விட 64 மடங்கு கூடுதலான வண்ண வெளிப்பாடுகளை தர வல்லது க்வாண்டம் டாட்ஸ். வாட்டர் கலரில் எப்படி பிரகாசமான வண்ண பிரதிபலிப்பு கிடைக்குமோ, அதுபோன்று வண்ண வெளிப்பாடு இருக்கும். தெள்ள தெளிவான வண்ண வெளிப்பாடு எனவும் கொள்ளலாம். S UHD டிவிகளில் க்வாண்டம் டாட்ஸ் பயன்படுத்தப்படுகிறது.HDR என்பது அதிமுக்கியமான மற்றும் ஆச்சரியமூட்டும் தொழில்நுட்ப வளர்ச்சியாகும். உயர் இயக்க விகிதம் என்பதே HDR யின் அர்த்தம். இதன் மூலம் வண்ணம் மற்றும் காண்ட்ராஸ்ட் இரண்டையும் விரிவடைய செய்ய முடியும். அதாவது ஒரு காட்சியின் பிரகாச பகுதியை அதிகபட்ச பிரகாசமாய் அதன் ஆழம் வரை சென்று அதிகரிக்க முடியும். வண்ணங்கள் எனும்போது அதிக பிரகாசமான நீலம், பச்சை, சிவப்பு என அனைத்தும் விரிவடைய செய்ய இது உதவுகிறது. நமது கண்ணிற்கு பிரகாசமான வண்ணம் மற்றும் வெளிச்சமான காட்சியை தருவதில் HDR உதவி புரிகிறது.தற்போதைய எல்.சி.டி. தொலைகாட்சிகளில் உயர்தர 4K தொழில்நுட்பம், வளைந்த காட்சி திரை, க்வாண்டம் டாட்ஸ், ஹெச்டிஆர் போன்ற தொழில்நுட்ப அம்சங்கள் உள்ளன. இவை அனைத்தும் ஒரு சில நிறுவனத்தின் தொலைகாட்சிகளில் ஒன்றுடன் ஒன்று இணைந்தவாறும், தனிப்பட்டவாறும் உள்ளனவாக வருகின்றன. பெரும்பாலும் 50 இன்ச் காட்சி திரை கொண்ட பெரிய டிவிகள் இத்தொழில்நுட்பத்தை தன்னகத்தே கொண்டு உள்ளன. இதில் நமக்கு ஏற்ற தொழில்நுட்ப தொலைகாட்சிகளை தேர்வு செய்து வாங்குவதே சிறப்பாக அமையும்.

மேலும் சில செய்திகளை பார்க்க கிழே உள்ள இணைப்பை கிளிக் செய்யுங்கள்




No comments:

Guestbook

Enter your email address:முதலில் உங்கள் இ.மெயில் முகவரியை இங்கே பதிவு செய்து தினம் ஒரு புதிய செய்தி இ.மெயிலை இலவசமாக பெறுங்கள்.

இங்கே பதிவு செய்தப்பின், உங்கள் INBOX க்கு வரும் லிங்க்கை கிளிக் செய்தால் தான் புதிய செய்தி இமெயில்களை பெற முடியும்.